លោក គឹន ឧត្តមមុនីស៊ីណាត បានរំឭកពីប្រវត្តិដ៏មហាវេទនារបស់លោកថា កាលពីក្មេង គ្រួសារលោកមានសមាជិកដល់ទៅ ១១នាក់ (បងប្អូន ៨នាក់ លោកជាកូនទី៥) និងជាគ្រួសារដែលក្រីក្របំផុតនៅក្នុងភូមិ។ លោកបានប្រៀបធៀបថា ក្មេងៗបច្ចុប្បន្នមានឱកាសល្អខ្លាំងណាស់ដោយសារប្រទេសជាតិរីកចម្រើន ខុសពីសម័យលោកនៅកុមារ ដែលមិនស្គាល់សូម្បីតែជាតិមានសៀវភៅ ប៊ិច ឬសម្លៀកបំពាក់ថ្មីៗ។

លោកបន្ថែមទាំងក្តុកក្តួលថា រាល់ពេលដល់ថ្ងៃចូលរៀនម្តងៗ ម្តាយរបស់លោកតែងតែអង្គុយស្រក់ទឹកភ្នែក ដោយសារគ្មានលទ្ធភាពទិញសម្ភារៈសិក្សាឱ្យកូនៗ ហើយបងប្អូនទាំង ៨នាក់ មានលុយទៅរៀនត្រឹមតែ ២០០រៀលប៉ុណ្ណោះ។ ដោយសារតែជីវភាពខ្វះខាតខ្លាំងពេក លោកធ្លាប់បានសម្រេចចិត្តបោះបង់ការសិក្សាចោលម្តង កាលនៅរៀនថ្នាក់ទី៧ ឬទី៨ ដោយសារគិតបែបក្មេងខ្ចីថា «តើរៀនដើម្បីអ្វី បើគ្រួសារក្រលំបាកដល់ថ្នាក់ហ្នឹង?»។ ប៉ុន្តែក្រោយមក លោកក៏បានតស៊ូចាប់ផ្តើមរៀនសូត្រឡើងវិញ រហូតទទួលបានជោគជ័យដូចបច្ចុប្បន្ន។

លោកបានសង្កត់ធ្ងន់ទៅកាន់សិស្សានុសិស្សថា៖ «ការលំបាកមិនមែនជាឧបសគ្គនោះទេ ឧបសគ្គពិតប្រាកដគឺនៅត្រង់ថា យើងបោះបង់ការសិក្សាចោល។ មកដល់ពេលនេះ ពូមិនទាន់ឃើញរូបមន្តណាល្អជាងការសិក្សារៀនសូត្រឡើយ។ គ្មានដើមទុនអ្វីនៅក្នុងជីវិតនេះ ល្អជាងការរៀនសូត្រនោះទេ។ អ្នកណាៗក៏អាចបោះបង់ក្មួយៗចោលបានដែរ ប៉ុន្តែចំណេះដឹងមិនដែលរត់ចោល ឬបោះបង់ក្មួយៗឡើយ»។

សូមជម្រាបជូនថា សាលាដូងគិរីរម្យ បានចាប់ផ្ដើមដំណើរការតាំងពីឆ្នាំ ២០១៨ ប៉ុន្តែត្រូវបានផ្អាក ២ឆ្នាំដោយសារវិបត្តិកូវីដ-១៩ រហូតដល់ដើមឆ្នាំ ២០២១ ទើបបើកដំណើរការឡើងវិញ ក្រោមការជ្រោមជ្រែងពីសាធារណៈជន និងក្រុមហ៊ុនឯកជន។ បច្ចុប្បន្ន សាលានេះមានសិស្សានុសិស្សចំនួន ១៦២នាក់ ដែលភាគច្រើនជាក្មេងកំព្រា និងក្មេងមកពីគ្រួសារក្រីក្ររស់នៅជុំវិញតំបន់ភ្នំគិរីរម្យ។

ដើម្បីទ្រទ្រង់សាលារៀនមួយនេះ កាលពីខែមេសា ឆ្នាំ២០blank កន្លងទៅ ក្រុមហ៊ុន PICG ដែលជាអ្នកទទួលបានសិទ្ធិចែកចាយផ្ដាច់មុខលើផលិតផលសំបកកង់ឡានម៉ាក «សៃលុន» (Sailun) បានឧបត្ថម្ភថវិកាចំនួន ២,០០០ ដុល្លារអាមេរិក រួមទាំងថវិកាប្រចាំខែចំនួន ៥០០ ដុល្លារអាមេរិកបន្ថែមទៀត។

គួររំឭកផងដែរថា PIC Group គឺជាក្រុមហ៊ុនបង្កើតឡើងដោយកូនខ្មែរ និងមានក្រុមហ៊ុនបុត្រសម្ព័ន្ធជាច្រើន ដោយបច្ចុប្បន្នទទួលបានសិទ្ធិផ្តាច់មុខចែកចាយប្រេងម៉ាក PETRONAS និងសំបកកង់រថយន្តម៉ាក សៃលុន (Sailun) ដែលផលិតចេញពីជ័រកៅស៊ូខ្មែរផ្ទាល់ នៅក្នុងរោងចក្រខេត្តស្វាយរៀង។ ក្រុមហ៊ុនខ្នាតយក្សមួយនេះ ក៏កំពុងរួមចំណែកផ្តល់ឱកាសការងារជាច្រើនពាន់កន្លែង ជូនដល់ប្រជាពលរដ្ឋខ្មែរផងដែរ៕

The post ពីកូនអ្នកក្របំផុតក្នុងភូមិមកជា CEO! លោក គឹន ឧត្តមមុនីស៊ីណាត ចែករំលែកប្រវត្តិជូរចត់កាលនៅកុមារ ក្នុងពេលដឹកនាំ ក្រុមការងារច្នៃសំបកកង់ឡានម៉ាក សៃលុន លម្អសាលាដូង(គិរីរម្យ) appeared first on .

នៅក្នុងសកម្មភាពមនុស្សធម៌ និងបរិស្ថាននេះ ក្រុមការងារ PICG បានប្រមូលសំបកកង់រថយន្តចាស់ៗដែលបានប្រើប្រាស់រួច យកទៅលាបពណ៌ចម្រុះយ៉ាងស្រស់ស្អាត ដើម្បីច្នៃធ្វើជាផើងផ្កា និងសម្ភារៈប្រើប្រាស់ផ្សេងៗសម្រាប់លម្អតាមរបងសាលា។ គំនិតច្នៃប្រឌិតនេះ មិនត្រឹមតែជួយបង្កើតបរិយាកាសរីករាយដល់សិស្សានុសិស្សប៉ុណ្ណោះទេ ប៉ុន្តែថែមទាំងជួយកាត់បន្ថយការបោះចោលកាកសំណល់ ដែលនាំឱ្យប៉ះពាល់ និងបំពុលដល់បរិស្ថានផងដែរ។

នៅលើបណ្ដាញសង្គមផ្លូវការរបស់ PIC Group កាលពីពេលថ្មីៗនេះ ក្រុមការងារ PIC Group បានឱ្យដឹងថា«ដោយក្ដីស្រឡាញ់ចំពោះក្មេងៗ និងការសិក្សារបស់សិស្សនៅសាលាដូង ក្រុមការងារ PICG បានចំណាយពេល២ថ្ងៃពេញ ដើម្បីជួយរៀបចំ ផាត់ពណ៌របងសាលាដូងឱ្យមានសោភណ្ឌភាពសម្រាប់សិស្សានុសិស្សគ្រប់រូប»។

ទន្ទឹមនឹងសកម្មភាពកែច្នៃសំបកកង់ឡាននេះ ក្រុមការងារ PICG ក៏បានប្រកាសប្ដេជ្ញាចិត្ដខ្ពស់ក្នុងការបន្តចូលរួមការងារសង្គមជាច្រើនទៀត ដើម្បីលើកកម្ពស់វិស័យអប់រំ។

គួររំលឹកផងដែរថា កាលពីខែមេសា ឆ្នាំ២០២៦ កន្លងទៅ ក្រុមហ៊ុន PICG ដែលជាអ្នកទទួលបានសិទ្ធិចែកចាយផ្ដាច់មុខលើផលិតផលសំបកកង់ឡានម៉ាក «សៃលុន» (Sailun) បានឧបត្ថម្ភថវិកាចំនួន ២,០០០ ដុល្លារអាមេរិក រួមទាំងថវិកាប្រចាំខែចំនួន ៥០០ ដុល្លារអាមេរិកបន្ថែមទៀត ដើម្បីជួយទ្រទ្រង់ដំណើរការរបស់សាលាដូងដែលកំពុងជួបការខ្វះខាត។

លើសពីនេះ លោក អ៊ុក វណ្ណដេ ស្ថាបនិកសាលាដូងគិរីរម្យ ធ្លាប់បានបង្ហើបផែនការក្នុងឆ្នាំ២០២៧ថា ៖ «ផែនការនៅក្នុងឆ្នាំ២០២៧ អគារសិក្សារបស់ សៃលុន ចំពោះសាលាដូង យើងនឹងប្រើប្រាស់សំបកកង់សៃលុន មកធ្វើជាថ្នាក់រៀនទាំងអស់។ ដូច្នេះយើងធ្វើជាអគាររបស់សៃលុន ឬថ្នាក់រៀនសៃលុន ដែលជាយុទ្ធសាស្ត្រមួយ ដើម្បីជួយក្នុងការបណ្តុះបណ្តាលក្មេងៗ។»

សូមបញ្ជាក់ថា PIC Group គឺជាក្រុមហ៊ុនក្នុងស្រុកដ៏ធំមួយដែលបង្កើតឡើងដោយកូនខ្មែរ និងមានក្រុមហ៊ុនបុត្រសម្ព័ន្ធជាច្រើន។ បច្ចុប្បន្ន ក្រុមហ៊ុនកំពុងទទួលបានសិទ្ធិចែកចាយផ្តាច់មុខលើផលិតផលប្រេងម៉ាក PETRONAS និងសំបកកង់រថយន្តម៉ាក សៃលុន (Sailun) ដែលជាផលិតផលផលិតក្នុងស្រុកដោយប្រើប្រាស់ជ័រកៅស៊ូខ្មែរផ្ទាល់ និងមានរោងចក្រខ្នាតយក្សស្ថិតនៅក្នុងខេត្តស្វាយរៀង។ វត្តមានរបស់ក្រុមហ៊ុនផលិតសំបកកង់រថយន្តដ៏ធំមួយនេះ មិនត្រឹមតែជួយជំរុញសេដ្ឋកិច្ចជាតិ និងការងារសង្គមប៉ុណ្ណោះទេ ប៉ុន្តែថែមទាំងបានចូលរួមចំណែកផ្តល់ឱកាសការងារយ៉ាងច្រើនពាន់កន្លែងជូនដល់ប្រជាពលរដ្ឋខ្មែរទៀតផង៕

The post សម្រស់ថ្មីនៃសាលាដូងគិរីរម្យ! ក្រុមការងារ PICG យកសំបកកង់ឡានចាស់ច្នៃជាពណ៌ចម្រុះលម្អរបងសាលាដូងគិរីរម្យ ដើម្បីបរិស្ថាន និងកុមារ appeared first on .

តាមរយៈបណ្ដាញសង្គមផ្លូវការរបស់ ក្រុមហ៊ុន PICG កាលពីថ្ងៃទី ០៨ ខែសីហា ឆ្នាំ ២០២៥ ថា៖ ”សំបកកង់ខ្មែរ Sailun គ្រោងនឹងសម្រួលតម្លៃនិងមានប្រូម៉ូសិន ដើម្បីលើកទឹកចិត្តបងប្អូនខ្មែរកំពុងគាំទ្រ និងឲ្យសាកសមជារបស់ផលិតផលនៅក្នុងស្រុកសម្រាប់ប្រជាជនកម្ពុជា។”

ស្ថិតនៅក្នុងស្មារតីខ្មែរជួយខ្មែរ និងចូលរួមជាមួយរាជរដ្ឋាភិបាល នៅក្នុងឆ្នាំ២០២៥នេះ រោងចក្រផលិតសំបកកង់ឡានធំជាងគេ សៃលុន (Sailun Tire Cambodia) កំពុងប្រតិបត្តិការច្រវាក់ផលិតកម្ម ផលិត ចែកចាយក្នុងស្រុក និងនាំចេញទៅទីផ្សារតាមប្រទេសជុំវិញពិភពលោក រួមទាំងប្រទេសកម្ពុជាផងដែរ។

សូមជម្រាបជូនថា រោងចក្រផលិតសំបកកង់ឡាន សៃលុន មានទីតាំងនៅតំបន់សេដ្ឋកិច្ចពិសេសឈីលូ ភូមិតាណរ សង្កាត់ស្វាយតឿ ក្រុងស្វាយរៀង ខេត្ដស្វាយរៀង។ រោងចក្រផលិតសំបកកង់ឡាន សៃលុន បាននឹងស្រូបទាញទិន្នផលកៅស៊ូ ប្រមាណជាង ៣០% នៃទិន្នផលកៅស៊ូសរុប គិតតែក្នុងឆ្នាំ ២០២៤ ប្រមាណ ៥ ម៉ឺនតោន និង គ្រោងកែឆ្នៃទិន្នផលកៅស៊ូក្នុងស្រុកប្រមាណ ១ សែនតោនគិតជាសាច់ប្រាក់ប្រមាណជាង ២០០ លានដុល្លាអាមេរិក ក្នុងឆ្នាំ ២០២៥នេះ៕

The post ក្រុមហ៊ុនផលិតសំបកកង់ខ្មែរ Sailun គ្រោងនឹងសម្រួលតម្លៃថ្មីនិងផ្ដល់ប្រូម៉ូសិនពិសេស ដើម្បីលើកទឹកចិត្តអ្នកប្រើប្រាស់នៅកម្ពុជា appeared first on .

ការចូលរួមឧបត្ថម្ភរបស់លោកនាយកប្រតិបត្តិនៃក្រុមហ៊ុន PICG ធ្វើឡើងក្រោយពីមានការអំពាវនាវរបស់លោកបណ្ឌិត គី សេរីវឌ្ឍន៍ ប្រធានវិទ្យាស្ថានសិក្សាចិននៃរាជបណ្ឌិត្យសភាកម្ពុជា និងជាប្រធានមូលនិធិ ClC Small Acts Big Heart។

សូមជម្រាបជូនថា មូលនិធិ ClC Small Acts Big Heart បង្កើតឡើងដើម្បីជួយឧបត្ថម្ភទៅដល់កងទ័ពជួរមុខទាំងអស់ដែលកំពុងតែបំពេញកាតព្វកិច្ចជូនជាតិ និងជួយទៅដល់បងប្អូនភៀសសឹកចំនួនរាប់ពាន់គ្រួសារដែលកំពុងខ្វះខាត ហើយត្រូវការជំនួយ។

ប្រសិនបើបងប្អូនប្រជាពលរដ្ឋចង់ចូលរួមជាមួយមូលនិធិនេះ អាចចូលរួមបានតាមរយៈ QR Code ខាងក្រោម!

The post លោក គឹន ឧត្តមមុនីស៊ីណាត នាយកប្រតិបត្តិនៃក្រុមហ៊ុន PICG ឧបត្ថម្ភថវិកា ១៣៥៤ដុល្លារ ដល់មូលនិធិ ClC Small Acts Big Heart ជួយកងទ័ពជួរមុខនិងបងប្អូនភៀសសឹក appeared first on .

ក្នុងឱកាសចុះហត្ថលេខាដ៏មានសារៈសំខាន់នេះ មានការអញ្ជើញចូលរួមដោយផ្ទាល់ពីថ្នាក់ដឹកនាំ របស់ក្រុមហ៊ុនប្រេង PETRONAS GROUP ជាមួយលោក គឹន ឧត្តមមុនីស៊ីណាត នាយកប្រតិបត្តិនៃក្រុមហ៊ុន PICG និងសហការី ប្រកបដោយបរិយាកាសដ៏រីករាយ និងលទ្ធផលគួរជាទីមោទន។

ថ្លែងប្រាប់សារព័ត៌មាន Oknha News លោក គឹន ឧត្តមមុនីស៊ីណាត នាយកប្រតិបត្តិនៃក្រុមហ៊ុន PICG មានប្រសាសន៍ថា៖ ក្រុមហ៊ុន PICG គឺជាក្រុមហ៊ុនទទួលសិទ្ធិចែកចាយផ្តាច់មុខនូវប្រេងគ្រប់ប្រភេទម៉ាក PETRONAS នៅកម្ពុជា តាំងពីឆ្នាំ ២០១៨ រហូតមកទល់ពេលបច្ចុប្បន្ននេះ។ លោកបញ្ជាក់បន្ថែមថា ប្រេង PETRONAS គឺជាម៉ាកយីហោដ៏ល្បីល្បាញប្រចាំប្រទេសម៉ាឡេស៊ី និងនៅសកលលោក ហើយម៉ាកសញ្ញាប្រេង PETRONAS ក៏មានប្រវត្តិបំបែកកំណត់ត្រា ជាម៉ាកយីហោ ជាប់ Top Strongest Brand រយៈពេល ៥ឆ្នាំ ជាប់ៗគ្នាថែមទៀតផង។

នាយកប្រតិបត្តិនៃក្រុមហ៊ុន PICG សង្កត់ធ្ងន់ថា៖ ក្រោយចុះអនុស្សរណៈនៃការយោគយល់គ្នា(MOU) នេះជាផ្លូវការ ថ្នាក់ដឹកនាំ និងសហការីរបស់ក្រុមហ៊ុន PICG ទាំងអស់ប្ដេជ្ញាថា នឹងបន្តនាំយកនូវប្រេងរំអិលគុណភាពទទួលស្គាល់លំដាប់ពិភពលោកនេះ ចែកចាយបន្តដល់ដៃគូម្ចាស់ដេប៉ូ និងអ្នកប្រើប្រាស់ទូទាំងប្រទេសកម្ពុជា ប្រកបដោយទំនុកចិត្ត។ ជាពិសេសសូមអ្នកប្រាស់ កុំបារម្ភរឿងផ្គត់ផ្គង់មិនបានពេញលេញឡើយ បើទោះបីជា ប្រេងរំអិលផ្គត់ផ្គង់ពីប្រទេសផ្សេង ដែលកម្ពុជាធ្លាប់នាំចូល ត្រូវបានរាំងស្ទះដោយបញ្ហាបិទព្រំដែន ឬដោយប្រការណាមួយ ក៏ក្រុមហ៊ុន PICG ធានាថា នឹងសហការក្រុមហ៊ុនប្រេង PETRONAS GROUP ម៉ាឡេស៊ី នាំចូល ចែកចាយបំពេញតម្រូវការរបស់អតិថិជនទូទាំងប្រទេសកម្ពុជា មិនឱ្យខ្វះខាតឡើយ។

គួរបញ្ជាក់ថា ក្រុមហ៊ុន PICG គឺជាក្រុមហ៊ុនបង្កើតឡើងដោយកូនខ្មែរ និងមានក្រុមហ៊ុនជាបុត្រសម្ព័ន្ធជាច្រើនផ្សេងៗទៀតនៅកម្ពុជា។ PICG បាននឹងកំពុងទទួលសិទ្ធិផ្ដាច់មុខ ចែកចាយផលិតផលប្រេងម៉ាក PETRONAS និងសំបកកង់រថយន្តម៉ាក សៃលុន ដែលផលិតដោយប្រើជ័រកៅស៊ូខ្មែរ មានរោងចក្រនៅខេត្តស្វាយរៀង។ ក្រុមហ៊ុនផលិតសំបកកង់រថយន្តខ្នាតយក្ស កំពុងឈរជើងនៅកម្ពុជាមួយនេះ ក៏កំពុងរួមចំណែក ផ្ដល់ឱកាសការងារជាច្រើនពាន់កន្លែងដល់ប្រជាពលរដ្ឋខ្មែរថែមទៀតផង៕

The post ក្រុមហ៊ុន PICG របស់កូនខ្មែរ ចុះMOU ជាផ្លូវការជាមួយក្រុមហ៊ុនប្រេង PETRONAS GROUP របស់ម៉ាឡេស៊ី នាំចូលផ្តាច់មុខនូវផលិតផលប្រេងម៉ាក PETRONAS ទូទាំងប្រទេសកម្ពុជា appeared first on .

លោក គឹន ឧត្តមមុនីស៊ីណាត នាយកប្រតិបត្តិនៃក្រុមហ៊ុន PIC Tire Co.,Ltd (ភីអាយសុី ថាយអ៊ើ ខូអិលធីឌី) ដែលជាក្រុមហ៊ុនទទួលសិទិ្ធចែកចាយផ្តាច់មុខនូវផលិតផលសំបកកង់ឡានផលិតក្នុងស្រុកមួយនេះប្រាប់សារព័ត៌មាន Oknha News ថា៖ ក្នុងយុទ្ធនាការខ្មែរជួយខ្មែរ ខ្មែរគាំទ្រផលិតផលខ្មែរ ក្រុមហ៊ុន សៃលុន បានសម្រេចចិត្ដបង្កើតមូលនិធិមួយ ដើម្បីដកលុយដែលចំណេញពីការលក់សំបកកង់ឡាន ដោយក្នុងកង់ឡាន១គ្រាប់ ដកចំនួន៤០០រៀលបរិច្ចាគទៅមន្ទីពេទ្យគន្ធបុប្ផា។

លោកបន្ថែមថា នៅក្នុងដំណាក់កាលដែលយើងត្រូវចូលរួមជួយគ្នា និងចូលរួមជាមួយរាជរដ្ឋាភិបាលក្នុងកាលៈទេសៈស្រុកទេសកំពុងមានភាពតានតឹងខ្លាំងជាមួយប្រទេសថៃ ក្នុងជម្លោះព្រំដែន, ក្រុមហ៊ុន សៃលុន ដែលជាក្រុមហ៊ុនចែកចាយដ៏ធំនូវសំបកកង់ឡានដែលផលិតដោយកូនខ្មែរ១០០% មិនបានតម្លើងថ្លៃទំនិញនោះទេ។

តាមការបញ្ជាក់ឱ្យដឹង យុទ្ធនាការដកលុយចូលរួមជាមួយមូលនិធិគន្ធបុប្ផានេះ ក្រុមហ៊ុនសៃលុន គឺធ្វើរហូតដល់១០ម៉ឺនគ្រាប់ឯណោះ ដោយសារតែសៃលុនគ្រោងទិញកៅស៊ូក្នុងស្រុករហូតដល់១០ម៉ឺនតោន អ៊ីចឹងគេទិញកៅស៊ូយើង១០ម៉ឺនតោន យើងលក់វិញ១០ម៉ឺនគ្រាប់ដើម្បីស្មើភាពគ្នា។

នាយកប្រតិបត្តិនៃក្រុមហ៊ុន ទទួលសិទិ្ធចែកចាយផ្តាច់មុខសំបកកង់រថយន្តសៃលុន រូបនេះ បានបន្ថែមថា៖ គិតត្រឹមពីខែមករា រហូតមកដល់ខែឧសភា យើងលក់ចេញអស់៤ ម៉ឺនគ្រាប់ហើយ, ហើយប្រសិនបើគិតមកដល់ខែមិថុនានេះ មូលនិធិសៃលុនជួយមន្ទីពេទ្យគន្ធបុប្ផា មានថវិកាជាង១២លានរៀលហើយ។

អ្វីដែលកាន់តែពិសេសនោះ ក្នុងឱកាសដែលបងប្អូនពលករខ្មែរត្រឡប់មកពីប្រទេសថៃវិញតាមការអំពាវនាវរបស់សម្ដេចធិបតី ហ៊ុន ម៉ាណែត នាយករដ្ឋមន្រ្ដី និងសម្ដេចតេជោ ហ៊ុន សែន ប្រធានព្រឹទ្ធសភា ក្រុមហ៊ុនសៃលុន នឹងផ្ដល់ឱកាសការងារជាង៨០០កន្លែងដល់បងប្អូនពលករខ្មែរផងដែរ។

សូមជម្រាបជូនថា រោងចក្រផលិតសំបកកង់ឡាន សៃលុន មានទីតាំងនៅតំបន់សេដ្ឋកិច្ចពិសេសឈីលូ ភូមិតាណរ សង្កាត់ស្វាយតឿ ក្រុងស្វាយរៀង ខេត្ដស្វាយរៀង។ រោងចក្រផលិតសំបកកង់ឡាន សៃលុន បាននឹងស្រូបទាញទិន្នផលកៅស៊ូ ប្រមាណជាង ៣០% នៃទិន្នផលកៅស៊ូសរុប គិតតែក្នុងឆ្នាំ ២០២៤ ប្រមាណ ៥ ម៉ឺនតោន និង គ្រោងកែឆ្នៃទិន្នផលកៅស៊ូក្នុងស្រុកប្រមាណ ១ សែនតោន ដោយគិតជាសាច់ប្រាក់ប្រមាណជាង ២០០ លានដុល្លាអាមេរិក ក្នុងឆ្នាំ ២០២៥នេះ៕

The post ខ្មែរជួយខ្មែរ ខ្មែរគាំទ្រផលិតផលខ្មែរ! ក្រុមហ៊ុនសៃលុន មិនត្រឹមតែលក់«មិនតម្លើងថ្លៃ» ថែមទាំងដកលុយដែលចំណេញពីការលក់ កង់ឡាន១គ្រាប់៤០០រៀលជូនដល់មូលនិធិគន្ធបុប្ផាទៀត appeared first on .