តាមរយៈសារដែលបានបង្ហោះនៅលើបណ្ដាញសង្គមផ្ទាល់ខ្លួន នៅថ្ងៃទី១៤ ខែកញ្ញា ឆ្នាំ២០២៥ លោក គួច ចំរើន បានឱ្យដឹងថា «គិតត្រឹមម៉ោង១២:០០នាទីថ្ងៃនេះ មានអ្នកមកលេងកម្សាន្ដក្នុងអាកាសយានដ្ឋានអន្ដរជាតិតេជោ ណែនណាន់តាន់តាប់ហើយ អ្នកចង់មកទៀត គួរចាំពេលក្រោយ»។

លោកអភិបាលខេត្ដបានបញ្ជាក់ថា ខណៈពេលនេះ ចំណតឡានក៏ពេញ ផ្លូវថ្នល់ក៏ពេញ ស្ទះពេញផ្លូវ។ ទន្ទឹមនឹងនោះ លោក គួច ចំរើនក៏បានសង្កត់ធ្ងន់ប្រាប់ប្រជាពលរដ្ឋផងដែរថា ការអញ្ជើញមកកម្សាន្ដ ខណៈពេលដែលចរាចរណ៍កំពុងកកស្ទះបែបនេះ នឹងធ្វើឱ្យដំណើរកម្សាន្ដមិនសប្បាយនោះទេ។

សូមបញ្ជាក់ថា ក្រោយពេលដែលអាកាសយានដ្ឋានអន្ដរជាតិតេជោ បានប្រកាសដាក់ឱ្យដំណើរការកាលពីថ្ងៃទី៩ ខែកញ្ញា ឆ្នាំ២០២៥ គឺចំនួនភ្ញៀវទេសចរជាតិ និងអន្ដរជាតិ ជាពិសេសបងប្អូនប្រជាពលរដ្ឋ គឺសម្រុកអញ្ជើញទៅទស្សនា និងលេងកម្សាន្ដច្រើនមែនទែន ដែលបណ្ដាលឱ្យមានកកស្ទះចរាចរណ៍ខ្លាំង នៅតាមបណ្ដោយផ្លូវ៦០ម៉ែត្រ និងខាងមុខផ្លូវចូលព្រលានយន្ដហោះថ្មីនេះ។

សូមជម្រាបជូនផងដែរថា អាកាសយានដ្ឋានអន្តរជាតិតេជោ សាងសង់ឡើងលើផ្ទៃដីជាង ២ ៦០០ហិចតា ជាព្រលានយន្តហោះលំដាប់ 4F អាចធ្វើឱ្យយន្តខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។ ជាមួយគ្នានេះ ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឱ្យធំ និងទំនើបជាងគេនៅតំបន់អាស៊ីផងដែរ៕

The post អភិបាលខេត្ដកណ្ដាល អំពាវនាវប្រជាពលរដ្ឋកុំទាន់សម្រុកទៅលេងកម្សាន្ដនៅព្រលានយន្ដហោះអន្ដរជាតិតេជោ appeared first on .

លោក គួច ចំរើន លើកឡើងបែបនេះនៅក្នុងឱកាសចុះពិនិត្យជីវភាពរបស់ប្រជាពឡរដ្ឋ និងសំណេះសំណាលជាមួយមេភូមិ សមាជិកក្រុមប្រឹក្សាឃុំកោះខ្សាច់ទន្លា ស្រុកស្អាង ខេត្តកណ្ដាល កាលពីថ្ងៃទី១៩ ខែសីហា ឆ្នាំ២០២៥។

លោកបន្តទៀតថា “ដើម្បីឱ្យទិន្នផលយើងទទួលបានច្រើនសម្រាប់ផ្គត់ផ្គង់ដំរូវការទីផ្សារ យើងជាអាជ្ញាធរត្រូវរៀបចំផែនការជូនប្រជាកសិករឱ្យបានត្រឹមត្រូវ ត្រូវគិតពីបច្ចេកទេសក្នុងការដាំដុះ ឱ្យទទួលបានទិន្នផលល្អ មានទីផ្សារ និងមិនប៉ះពាល់ដល់សុខភាពរបស់អ្នកទទួលទាន ព្រមទាំងយើងដែលជាអ្នកដាំដុះផ្ទាល់ ដោយយើងមិនប្រើថ្នាំគីមី ក្នុងនោះដែរយើងត្រូវតែសម្របសម្រួលរកទីផ្សារជូនដល់ប្រជាកសិកររបស់យើងផងដែរ”។

ពាក់ព័ន្ធនិងខេត្តកណ្តាលថ្មីៗនេះដែរ លោក ប៊ុន ផេង អភិបាលរងខេត្តមានប្រសាសន៍ថា ខេត្តកណ្ដាលជាខេត្តមួយដែលមានសក្តានុពលខ្ពស់ក្នុងការទទួលគម្រោងវិនិយោគក្នុងវិស័យកសិកម្ម ឧស្សាហកម្ម នគរូបនីយកម្ម សំណង់ ទេសចរណ៍ សេវាកម្ម និងបណ្តាវិស័យផ្សេងៗទៀត។ គោលដៅអភិវឌ្ឍន៍ក្នុងខេត្តកណ្តាល គឺខិតខំទាក់ទាញវិនិយោគក្នុងស្រុក និងក្រៅស្រុក មកវិនិយោគក្នុងខេត្ត ដើម្បីបង្កើតការងារជូន ប្រជាពលរដ្ឋក្នុងខេត្តមានការងារធ្វើ បង្កើនប្រាក់ចំណូលនិងជីវភាពសមរម្យ ពង្រឹងការផ្តល់សេវាសាធារណៈ ជូនប្រជាពលរដ្ឋឱ្យកាន់តែមានប្រសិទ្ធភាព និងទាន់ពេលវេលា ។

លោកគូសបញ្ជាក់ថា “ផលិតផលសក្កានុពលរបស់ខេត្តកណ្តាលមានចំនួន ៧មុខក្នុងនោះមានដូចជា ចម្លាក់ប្រាក់-ស្ពាន់ តម្បាញសូត្រ តម្បាញក្រមា កន្ទេលកក់ ឆៃប៉ូវ កន្ត្រកធ្វើពីវល្លិ៍ថ្នឹង-ស្លឹកទ្រាំង មួក-ផ្ចិត ធ្វើពីស្លឹកត្នោត ផលិតផលទាំងនេះ បាននឹង កំពុងចរាចរលើទីផ្សារ និងជំរុញការផ្សព្វផ្សាយ តាមរយៈការពិព័រណ៍ពាណិជ្ជកម្មក្នុងនិងក្រៅប្រទេស យុទ្ធការទិញផលិតផលខ្មែរ វេទិកាផ្សេងៗ”៕

The post លោក គួច ចំរើន ជំរុញឱ្យប្រជាពលរដ្ឋបង្កើនការដាំបន្លែសុវត្ថិភាពឱ្យបានច្រើន ដើម្បីឆ្លើយតបតម្រូវការចាំបាច់លើទីផ្សារ appeared first on .

លិខិតសមាគមមូលនិធិសម្តេចតេជោ SME បានបញ្ជាក់យ៉ាងដូច្នេះថា «តាងនាមខ្ញុំបាទ ឧកញ៉ា តែ តាំងប៉ ប្រធានក្រុមប្រឹក្សាភិបាលនៃសមាគមមូលនិធិសម្ដេចតេជោដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា និងប្រធាន FASMEC តំណាងឱ្យថ្នាក់ដឹកនាំសមាគមមូលនិធិសម្ដេចតេជោ ដើម្បីអភិវឌ្ឍន៍សហគ្រាសធុនតូច និងមធ្យមនៅកម្ពុជា យើងខ្ញុំសូមចូលរួមសម្ដែងនូវអបអរសាទរដោយស្មោះ ប្រកបដោយសេចក្តីគោរពស្រឡាញ់ដ៏ជ្រាលជ្រៅ ក្នុងឱកាសដ៏ប្រសើរថ្លៃថ្លាដែល ឯកឧត្តម ត្រូវបាន ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ត្រាស់បង្គាប់តែងតាំងជា អភិបាល នៃគណៈអភិបាលខេត្តកណ្ដាល។

លិខិតខាងលើកបន្តថា ព្រះរាជទានត្រាស់បង្គាប់តែងតាំងជាអភិបាល នៃគណៈអភិបាលខេត្តកណ្តាល នេះ គឺជាសក្ខីភាពឆ្លុះបង្ហាញអំពីការខិតខំប្រឹងប្រែងប្រកបដោយឆន្ទៈដ៏មោះមុតរបស់ ឯកឧត្តម ដែលបានលះបង់អស់កម្លាំងកាយ និងប្រាជ្ញាស្មារតី ពោពេញទៅដោយថាមពល សមត្ថភាព គុណវឌ្ឍ ដោយមិនខ្លាចនឿយហត់ ក្នុងការបម្រើឧត្តមប្រយោជន៍ជូនជាតិ។

ភាពជោគជ័យដ៏វិសេសវិសាល ដែល ឯកឧត្តម ទទួលបាននេះ នឹងចូលរួមចំណែកក្នុងការអភិវឌ្ឍប្រទេសជាតិ និងខេត្តកណ្តាល ឱ្យកាន់តែរីកចម្រើនរុងរឿងបន្ថែមទៀត ក្រោមមាគ៌ាដឹកនាំដ៏ថ្លៃថ្លាប្រកបដោយគតិបណ្ឌិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

ឆ្លៀតក្នុងឱកាសដ៏ល្អថ្លៃថ្លានេះ យើងខ្ញុំទាំងអស់គ្នា សូមប្រសិទ្ធពរជ័យ សិរីមង្គល បវរមហាប្រសើ គោរពជូនដល់ ឯកឧត្តម និង លោកជំទាវ ព្រមទាំងក្រុមគ្រួសារជាទីស្រលាញ់ សូមបានប្រកបដោយសុខភាពល្អបរិបូរណ៍ កម្លាំង មាំមួន ប្រាជ្ញាឈ្លាសវៃ និង ជោគជ័យដ៏ត្រចះត្រចង់ក្នុងគ្រប់ភារកិច្ច»។

The post ឧកញ៉ា តែ តាំងប៉ តំណាងឱ្យថ្នាក់ដឹកនាំសមាគមមូលនិធិសម្ដេចតេជោSME ចូលរួមអបអរសាទរ លោក គួច ចំរើន ដែលបានតែងតាំងជាអភិបាលខេត្តកណ្ដាល appeared first on .

ការចុះត្រួតពិនិត្យទីតាំងបើកការដ្ឋានសាងសង់​ព្រែកជីកហ្វូណន តេជោ ដ៏​​មាន​សារៈសំខាន់នេះ ​លោក គួច ចំរើន អភិបាលខេត្តកណ្ដាល ​បាន​ចុះ​ជាមួយ​កងកម្លាំងទាំង៣ មន្ទីរអង្គភាពជុំវិញខេត្ត និងអាជ្ញាធរស្រុកកៀនស្វាយ ដោយ​បាន​អញ្ជើញចូលរួមអមដំណើរ លោក​ ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ក្រុមប្រឹក្សា​អភិវឌ្ឍន៍​កម្ពុជា និង លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ផងដែរ។

គួរបញ្ជាក់ថា នៅព្រឹកថ្ងៃទី០១ ខែកក្កដា ឆ្នាំ២០២៤នេះ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីភាព ក្នុងពិធីប្រកាសចូលកាន់តំណែង លោក គួច ចំរើន អតីត​អភិបាលខេត្តព្រះសីហនុ មកជាអភិបាលខេត្តកណ្ដាល ជំនួសលោក គង់ សោភ័ណ ដែលត្រូវបានតែង​តាំង​ជា​ រដ្ឋលេខាធិការក្រសួងមហាផ្ទៃ។

សូមជម្រាបថា ក្នុងឱកាសអញ្ជើញជាអធិបតីក្នុងពិធីទិវាមច្ឆជាតិ ១កក្កដា លើកទី១៩ នៅបឹងធំ ភូមិកំពង់​សំណាញ់ ឃុំមៀន ស្រុកព្រៃឈរ នៅខេត្តកំពង់ចាម នាថ្ងៃទី១ ខែកក្កដា ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្ត្រី បានបញ្ជាក់ថា ថ្ងៃបើកការដ្ឋានសាងសង់នូវគម្រោង «ព្រែកជីកហ្វូណនតេជោ» គឺនៅថ្ងៃទី៥ ខែសីហា ឆ្នាំ២០២៤ខាងមុខនេះ ចំថ្ងៃខួបកំណើតរបស់សម្តេចតេជោ ហ៊ុន សែន អតីត​នាយករដ្ឋមន្រ្តីនៃកម្ពុជា ដែលជាអ្នកផ្ដួចផ្ដើមនៃការសាងសង់នូវ គម្រោងជាប្រវត្តិសាស្រ្តមួយនេះផងដែរ៕

The post ចូលកាន់តួនាទីអភិបាលខេត្តកណ្ដាល ថ្ងៃដំបូង លោក គួច ចំរើន ចុះត្រួតពិនិត្យដល់ការដ្ឋាន ព្រែកជីកហ្វូណនតេជោ appeared first on .

លោក គួច ចំរើន បានបំពេញការងារជាបុគ្គលិកចាត់តាំងនៅសាលាខណ្ឌចំការមន ចាប់ពីឆ្នាំ​១៩៩៣ ដល់ថ្ងៃទី១៣ ខែកក្កដា ឆ្នាំ១៩៩៩ និងជាអភិបាលរងខណ្ឌចំការមន ដល់ថ្ងៃទី២៣ ខែកក្កដា ឆ្នាំ២០០៤, ជាអភិបាលខណ្ឌមានជ័យ ចាប់ពីខែ​កក្កដា ឆ្នាំ២០០៤ ដល់ថ្ងៃទី១៦ ខែឧសភា ឆ្នាំ២០១៤, ជាអភិបាលខណ្ឌដូនពេញ ចាប់ពីខែឧសភា ឆ្នាំ២០១៤ ដល់ថ្ងៃទី០៦ ខែធ្នូ ឆ្នាំ២០១៦, ជាអគ្គនាយករង​នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ ចាប់ពីខែធ្នូ ឆ្នាំ២០១៦ ដល់ថ្ងៃទី១៦ ខែមិថុនា ឆ្នាំ២០១៧, ជាអភិបាល​ខេត្តកំពង់ចាម ចាប់ពីខែមិថុនា ឆ្នាំ២០១៧ ដល់ខែមិថុនា ឆ្នាំ២០១៩ និង​ជាអភិបាលនៃគណៈ​អភិបាលខេត្តព្រះសីហនុ ពីថ្ងៃទី២៤ ខែមិថុនា ឆ្នាំ២០១៩ ដល់ខែមិថុនា ឆ្នាំ២០២៤។

លោកអភិបាលខេត្តកណ្តាលថ្មី បាន​បង្ហោះរូប​ភាព​​ឈរ​នៅ​មុខ​សាលាខេត្តកណ្តាល ​ភ្ជាប់ជាមួយ​នឹងសារ​នៅ​​លើ​ទំព័រហ្វេសប៊ុក កាលព្រឹកមិញ​យ៉ាងដូច្នេះថា៖ “អ្នកកណ្តាល​ សុំផ្ញើខ្លួននិងការងារជោគជ័យផង។ ក្នុងរយៈពេល ១០ឆ្នាំ ​ខ្ញុំបានប្តូរការងារ៦កន្លែង​ ខណ្ឌមានជ័យ-ខណ្ឌដូនពេញ-អគ្គរដ្ឋបាល-ខេត្តកំពង់ចាម​-ខេត្តព្រះសីហនុ-ខេត្តកណ្តាល”។

អតីតអភិបាលខេត្តព្រះសីហនុរូបនេះ បាន​បន្ថែម​ថា ការងារច្រើនកន្លែង​ ថ្មីរហូត​ ហត់បន្តិចមែន​តែបទពិសោធន៍​ច្រើន មិត្តភ័ក្រ្តក៏ច្រើន​ ទំនាក់ទំនងក៏ច្រើន​​ ស្គាល់សង្គមនិងមនុស្សក៏ច្រើន។ រីករាយចំពោះការងារទាំងអស់ ដែល​បានបន្សល់ស្នាមញញឹម​ និងក្តីនឹករលឹក។

គួរបញ្ជាក់ថា នៅព្រឹកថ្ងៃទី០១ ខែកក្កដា ឆ្នាំ២០២៤នេះ លោកអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីភាព ក្នុងពិធីប្រកាសចូលកាន់តំណែង លោក គួច ចំរើន អតីត​អភិបាលខេត្តព្រះសីហនុ មកជាអភិបាលខេត្តកណ្ដាល ជំនួសលោក គង់ សោភ័ណ ដែលត្រូវបានតែង​តាំង​ជា​ រដ្ឋលេខាធិការក្រសួងមហាផ្ទៃ៕

The post លោក គួច ចំរើន៖ ក្នុងរយៈពេល១០ឆ្នាំ ខ្ញុំបានផ្លាស់ប្តូរការងារ ៦កន្លែង appeared first on .

លោក គួច ចំរើន ឋានន្តរស័ក្តិ​ឧត្តមមន្ត្រី ថ្នាក់លេខ១ (ខ្ពស់ផុតលេខ) ​​ត្រូវបាន​ព្រះមហាក្សត្រ​ចេញ​ព្រះរាជក្រឹត្យ ផ្ទេរ​និង​តែងតាំង​មុខតំណែង​ ពី​អភិបាល​នៃ​គណៈអភិបាលខេត្តព្រះសីហនុ មក​ជា អភិបាល​នៃ​គណៈអភិបាល​ខេត្តកណ្តាល ​​កាលពី​ថ្ងៃទី២៤ ខែមិថុនា ឆ្នាំ២០២៤។ រីឯ​​លោក គង់ សោភ័ណ អភិបាលខេត្តកណ្តាល​ ត្រូវបាន​តែងតាំង​មុខ​តំណែង​ថ្មី​​ជា រដ្ឋលេខាធិការក្រសួងមហាផ្ទៃ។

លោក​ គួច ចំរើន កើតនៅទឹកដីស្រុកជីក្រែង ខេត្តសៀមរាប លោកជាកូនទី៤ ក្នុងចំណោមបងប្អូន ៥នាក់ មាន​លោកឪពុកនាម គួច ណាំហេង និងអ្នកម្ដាយនាម សុខ ឈាង។ ក្រោយថ្ងៃរំដោះ ថ្ងៃទី៧មករា ឆ្នាំ១៩៧៩ កុមារា គួច ចំរើន បានចូលរៀនថ្នាក់ដំបូងក្រោមផ្ទះមួយ នៅភូមិត្រាចថ្មី ឃុំកំពង់ក្ដី ស្រុកជីក្រែង ខេត្តសៀមរាប និងបន្ត​រហូត​ដល់ចប់ចំណេះដឹងទូទៅ នៅសាលា ១០មករា ខេត្តសៀមរាប ក្នុងខែមិថុនា ឆ្នាំ១៩៨៩។

នៅឆ្នាំ១៩៩០ លោក គួច ចំរើន បានចូលសិក្សានៅមហាវិទ្យាល័យបច្ចេកទេសកងទ័ពវៀតណាម។ ក្រោយមក​នៅខែមីនា ឆ្នាំ១៩៩៣ លោក​បានបន្ដសិក្សានៅមហាវិទ្យាល័យនីតិសាស្រ្ដ និងវិទ្យាសាស្រ្ដសេដ្ឋកិច្ច ដោយបាន​បញ្ចប់នៅថ្ងៃទី២២ ខែកក្កដា ឆ្នាំ១៩៩៧។ នៅខែតុលា ឆ្នាំ២០០៤ លោកបានចូលសិក្សានៅសាកលវិទ្យាល័យ​នីតិសាស្រ្ដ និងវិទ្យាសាស្រ្ដសេដ្ឋកិច្ច ដោយ​ទទួលបានបរិញ្ញាបត្រជាន់ខ្ពស់រដ្ឋបាលសាធារណៈ នៅថ្ងៃទី១ ខែសីហា ឆ្នាំ២០០៧។

រីឯប្រវត្តិការងារ លោក គួច ចំរើន បានបំពេញការងារជាបុគ្គលិកចាត់តាំងនៅសាលាខណ្ឌចំការមន ពីឆ្នាំ​១៩៩៣ ដល់ថ្ងៃទី១៣ ខែកក្កដា ឆ្នាំ១៩៩៩ និងជាអភិបាលរងខណ្ឌចំការមន ដល់ថ្ងៃទី២៣ ខែកក្កដា ឆ្នាំ២០០៤, ចាប់ពីខែ​កក្កដា ឆ្នាំ២០០៤ ជាអភិបាលខណ្ឌមានជ័យ ដល់ថ្ងៃទី១៦ ខែឧសភា ឆ្នាំ២០១៤, ចាប់ពីខែឧសភា ឆ្នាំ២០១៤ ជាអភិបាលខណ្ឌដូនពេញ ដល់ថ្ងៃទី០៦ ខែធ្នូ ឆ្នាំ២០១៦, ចាប់ពីខែធ្នូ ឆ្នាំ២០១៦ ជាអគ្គនាយករង​នៃ​អគ្គនាយកដ្ឋាន​រដ្ឋបាល ក្រសួងមហាផ្ទៃ ដល់ថ្ងៃទី១៦ ខែមិថុនា ឆ្នាំ២០១៧, ចាប់ពីខែមិថុនា ឆ្នាំ២០១៧ ជាអភិបាល​ខេត្តកំពង់ចាម ដល់ខែមិថុនា ឆ្នាំ២០១៩ និង​ពីថ្ងៃទី២៤ ខែមិថុនា ឆ្នាំ២០១៩ ជាអភិបាលនៃគណៈ​អភិបាលខេត្តព្រះសីហនុ ដល់បច្ចុប្បន្ន និងត្រៀមចូលកាន់តំណែង​ជាអភិបាលនៃគណៈអភិបាលខេត្តកណ្ដាល ចាប់ពីខែកក្កដា ឆ្នាំ២០២៤ នេះ​តទៅ៕

The post លោក គួច ចំរើន នឹងចូលកាន់មុខតំណែងជា «អភិបាលខេត្តកណ្តាល» ជាផ្លូវការ នៅព្រឹកស្អែកនេះ appeared first on .

នេះបើយោងតាមកិច្ចប្រជុំអនុគណៈកម្មាធិការវិនិយោគខេត្តព្រះសីហនុ (អ.គ.វ.ខ.ស.ន) ដែលដឹកនាំដោយ លោក គួច ចំរើន អភិបាល នៃគណៈអភិបាលខេត្តព្រះសីហនុ និងជាប្រធានអនុគណៈកម្មាធិការវិនិយោគខេត្តព្រះសីហនុ ជាមួយភាគីពាក់ព័ន្ធ កាលរសៀលថ្ងៃទី១៧ ខែមេសា ឆ្នាំ២០២៤។

កិច្ចប្រជុំនេះ បានផ្តោតសំខាន់លើបទបង្ហាញស្តីពីបែបបទ និងនីតិវិធីនៃការចុះបញ្ជីគម្រោងវិនិយោគ នៅអនុគណៈកម្មាធិការ វិនិយោគខេត្តព្រះសីហនុ និងការពិនិត្យលើរបាយការណ៍ស្តីពីចុះពិនិត្យទីតាំងស្នើសុំបង្កើតរោងចក្រ ផលិតកេសកាតុង ផលិតផលធ្វើពីក្រដាស សម្ភារៈវេចខ្ចប់ និងសម្ភារៈបន្ទាប់បន្សំគ្រប់ប្រភេទរបស់ក្រុមហ៊ុន​ ខូប៊ឺ​ ភែកឃីជីង​ (ខេមបូឌា​)​ ឯ.ក​។

តាមរយៈកិច្ចប្រជុំនេះ អនុគណៈកម្មាធិការវិនិយោគខេត្តព្រះសីហនុ ក៏បានឯកភាព លើសំណើស្នើសុំវិនិយោគបង្កើតរោងចក្រ ផលិតកេសកាតុង ផលិតផលធ្វើពីក្រដាស សម្ភារៈវេចខ្ចប់ និងសម្ភារៈបន្ទាប់បន្សំគ្រប់ប្រភេទរបស់ក្រុមហ៊ុន​ ខូប៊ឺ​ ភែកឃីជីង​ (ខេមបូឌា​)​ ឯ.ក​ ​ និងសម្រេចចុះបញ្ជីវិនិយោគជាគម្រោងមានលក្ខណៈសម្បត្តិគ្រប់គ្រាន់នៅ​អនុគណៈកម្មាធិការ​វិនិយោគ​ខេត្តព្រះសីហនុ​។

គួរបញ្ជាក់ថា រោងចក្រ ផលិតកេសកាតុង ផលិតផលធ្វើពីក្រដាស សម្ភារៈវេចខ្ចប់ និងសម្ភារៈបន្ទាប់បន្សំគ្រប់ប្រភេទរបស់ក្រុមហ៊ុន​ខាងលើ គឺមានទុនចុះបញ្ជី ១.៥០០.០០០ដុល្លាអាមេរិក និងទុនវិនិយោគ ៣.០៤០.៧៣៥,៣៥ ដុល្លាអាមេរិក ដែលនឹងបង្កើតឡើងលើទីតាំងស្ថិតនៅភូមិអូរចំណារ​ ឃុំអូរឧកញ៉ាហេង​ ស្រុកព្រៃនប់​ ខេត្តព្រះសីហនុ​៕

The post ខេត្តព្រះសីហនុ នឹងមានរោងចក្រផលិតកេសកាតុង និងផលិតផលធ្វើពីក្រដាស តម្លៃជាង៣លានដុល្លារ នាពេលខាងមុខ appeared first on .

លោក គួច ចំរើន ​​បាន​លើក​ឡើង​តាម​រយៈ​ទំព័រ​ហ្វេសប៊ុក​ផ្លូវការ​របស់​លោក​ កាល​ពី​ល្ងាច​ថ្ងៃ​អង្គារ​ថា៖ “ល្ងាចមិញ​ បាន​ឆ្លងកាត់ខេត្តត្បូងឃ្មុំ​ ឆ្លៀតចូលសួរសុខទុក្ខ​ លោកឧកញ៉ា​ គុយ​ សួ​ នៅសួង​ ដែលកាលខ្ញុំ​មកធ្វើ​អភិបាល​ខេត្ត​កំពង់ចាម​ គាត់ជាឧកញ៉ា​​ដំបូងគេ​ ដែលមកជូនពរខ្ញុំ​ តែ​ពេលនេះ​គាត់មានបញ្ហាសុខភាព។ ជូនពរឧកញ៉ា​ អាយុ​យឺនយូរ”។

សូម​ជម្រាប​ថា លោក គួច ចំរើន អតីត​អភិបាលរងខណ្ឌចំការមន, អភិបាលខណ្ឌមានជ័យ, អភិបាលខណ្ឌ​ដូនពេញ និងអតីត​អគ្គនាយករង​រដ្ឋបាល​នៃក្រសួងមហាផ្ទៃ ​​​​បាន​ឡើង​កាន់​តំណែង​ជា​អភិបាល​ខេត្ត​កំពង់ចាម ​​​កាល​ឆ្នាំ២០១៧ ​​ដល់​ឆ្នាំ២០១៩ ​​មុន​នឹង​លោក​​ទទួល​បាន​ការ​តែងតាំង​ជា​អភិបាល​ខេត្ត​ព្រះសីហនុ នៅថ្ងៃទី២៩ ខែមិថុនា ឆ្នាំ២០១៩ និង​ទើប​ត្រូវ​បាន​​ព្រះករុណា​ព្រះបាទ​សម្ដេចព្រះបរមនាថ នរោត្តម សីហមុនី ព្រះមហា​ក្សត្រ ត្រាស់បង្គាប់តែងតាំងមុខតំណែងអភិបាល​នៃគណៈអភិបាលខេត្ត​​ព្រះសីហនុ សម្រាប់អាណត្តិ​ទី២ ក្នុង​ដែន​សមត្ថកិច្ចរបស់ខ្លួន​ដដែល កាល​ថ្ងៃទី១១ ខែមេសា ឆ្នាំ២០២៣៕

The post លោក គួច ចំរើន ឆ្លៀតចូលសួរសុខទុក្ខឧកញ៉ា១រូប ដែលធ្លាប់មានអនុស្សាវរីយ៍ល្អជាមួយគ្នា appeared first on .

ទន្ទឹមនឹងការទទួលបានកំណើនទេសចរណ៍វ៉ាដាច់គេ ក្នុងកំឡុងពិធីបុណ្យចូលឆ្នាំថ្មីប្រពៃណីជាតិរួចមក គេឃើញថ្នាក់ដឹកនាំរាជធានីខេត្តចំនួន៤ បានបង្ហាញក្តីរំភើប និងបានថ្លែងអំណរគុណដល់ភ្ញៀវទេសចរទាំងជាតិ និងអន្តរជាតិផងដែរ។

ករណីនេះដែរ កាលពីយប់ថ្ងៃទី១៧ ខែមេសា លោក ទៀ សីហា អភិបាលខេត្តសៀមរាប បានបង្ហោះនៅលើទំព័រហ្វេសប៊ុករបស់ខ្លួនដូច្នេះថា៖«សូមអរគុណលោកយាយ លោកតា អ៊ំ ពូ មីង ពុក ម៉ែ បងប្អូនជាតិ និងអន្តរជាតិទាំងអស់ ដែលបានមកលេងខេត្តសៀមរាប ក្នុងព្រឹត្តិការណ៍ «អង្គរសង្ក្រាន្ត» រយៈពេល៣-៤ថ្ងៃនេះ សូមពុក ម៉ែ បងប្អូនធ្វើដំណើរត្រឡប់ទៅវិញប្រកបដោយសុខសុវត្ថិភាពគ្រប់ពេលវេលា»។

ជាមួយគ្នានោះដែរ ក៏បានអរគុណដល់ភ្ញៀវទេសចរជាតិ និងអន្តរជាតិ ដែលស្នាក់នៅលេងកំសាន្តបន្តក្នុងខេត្តសៀមរាប សូមមានសំណាងល្អ រីករាយជួបជុំក្រុមគ្រួសារ មនុស្សជាទីស្រឡាញ់ ប្រកបដោយសុភមង្គល និងសិរីសួស្តីផងដែរ។

ជាមួយគ្នានេះដែរ លោក គួច ចំរើន អភិបាលខេត្តសៀមរាប ក៏បានបង្ហាញក្តីរំភើប និងសប្បាយរីករាយ ចំពោះប្រជាពលរដ្ឋកម្ពុជា និងបរទេស​ ដែលបានមកកម្សាន្តនៅក្នុងខេត្តព្រះសីហនុ​ បើទោះបីជា អាកាសធាតុក្ដៅបន្តិចក៏ដោយ ក៏គ្រប់ទីកន្លែងទេសចរណ៍នានារបស់ខេត្តពោរពេញដោយភ្ញៀវទេសចរច្រើនកកកុញ​ មិនថាទាំងឆ្នេរសមុទ្រ​ កោះ​ និងព្រៃភ្នំនោះឡើយ ដែលនេះអាចបញ្ជាក់បានថា ​ សន្តិភាព ពិតជាសំខាន់។

មិនខុសគ្នាពី ថ្នាក់ដឹកនាំខេត្តព្រះសីហនុនោះដែរ លោក សុខ លូ អភិបាលខេត្តបាត់ដំបង ក៏បានលើកឡើងដែរថា ខេត្តបាត់ដំបងជាខេត្តមួយដែលមានសក្តានុពល ខាងទេសចរណ៍ ខណៈក្រៅពីតំបន់សង្រ្កាន្តដែលរៀបចំដោយសហភាពសហព័ន្ធយុវជនកម្ពុជា ខេត្តដែលមានបងប្អូនមកលេងយ៉ាងច្រើនកុះករហើយនោះ នៅតំបន់រមណីយដ្ឋាននានានិងគោលដៅទេសចរណ៍ក្នុងខេត្តជាង១០០កន្លែងទៀត ក៏មានអ្នកមកកំសាន្តច្រើនណាស់ ដែលធ្វើឱ្យផ្លូវជាច្រើនក្នុងខេត្តមានមនុស្សកកកុញ។ទន្ទឹមគ្នានេះ លោកក៏បានអរគុណបងប្អូនទាំងអស់គ្នាដែលខិតខំធ្វើគ្រប់យ៉ាងបានយ៉ាងល្អដើម្បីប្រជាជនយើង ក៏ដូចជាខេត្តបាត់ដំបងផងដែរ។

ចំណែកឯ រាជធានីភ្នំពេញឯណេះវិញ ក៏ទទួលបានភ្ញៀវទេសចរមិនអន់ដែរ បើតាមលោក ឃួង ស្រេង អភិបាលរាជធានីភ្នំពេញ ក៏បានលើកឡើងដែរថា សង្ក្រាន្តឆ្នាំថ្មី ប្រជាប្រុសស្រីសប្បាយគ្រប់ទិសទី ដោយលោកបានកោតសរសើរ និងថ្លែងអំណរគុណយ៉ាងជ្រាលជ្រៅចំពោះការចូលរួមក្នុងកម្មវិធី “សង្ក្រាន្តវត្តភ្នំ” របស់បងប្អូនប្រជាពលរដ្ឋ មន្ត្រីរាជការ កងកម្លាំងប្រដាប់អាវុធគ្រប់ប្រភេទ ក្រុមគ្រូពេទ្យ យុវជនយុវនារី បុគ្គលិកអនាម័យ និងជំនាញពាក់ព័ន្ធទាំងអស់ ប្រកបដោយស្មារតីភាតរភាព សាមគ្គីភាព ភាពស្និទ្ធស្នាល ការយោគយល់អធ្យាស្រ័យគ្នា និងការទទួលខុសត្រូវខ្ពស់បំផុត។

អភិបាលរាជធានីភ្នំពេញរូបនេះ បញ្ជាក់ថា៖« ភាពសប្បាយរីករាយ សេចក្តីសុខសុវត្ថិភាព កើតមានបានដោយសារប្រទេសជាតិមានសុខសន្តិភាពពេញបរិបូណ៌ និងសូមបន្តជឿជាក់លើរាជរដ្ឋាភិបាលកម្ពុជា ដើម្បីសេចក្តីសុខសន្តិភាព និងការអភិវឌ្ឍន៍ឥតឈប់ឈរ»។

គួរបញ្ជាក់ថា បើតាមរបាយការណ៍របស់ក្រសួងទេសចរណ៍ កាលថ្ងៃទី ១៧ខែមេសា បានឱ្យដឹងថា រយៈពេល៣ថ្ងៃ នៃពិធីបុណ្យចូលឆ្នាំខ្មែរ ដែលគិតចាប់ពីថ្ងៃទី១៤ ដល់១៦ ខែមេសា កម្ពុជាទទួលបានភ្ញៀវទេសចរសរុប ១៣ ១៨៧ ៧៧១នាក់ ក្នុងនោះ ភ្ញៀវជាតិ ១៣ ១៣២ ០៨០នាក់ និងអន្តរជាតិ ៥៥ ៦៩១នាក់។ សម្រាប់ ថ្ងៃទី១ នៃពិធីបុណ្យចូលឆ្នាំ មានភ្ញៀវទេសចរចំនួន ២០៩ ៨៥០ ១នាក់ បានចេញដើរកម្សាន្ត ថ្ងៃទី២ មានចំនួន ៤២៣ ៧៧៨ ០នាក់ និងថ្ងៃចុងក្រោយចំនួន ៦៨៥ ១៤៩ ០នាក់។ 

គោលដៅទេសចរណ៍ ដែលស្រូបទាញភ្ញៀវទេសចរបានច្រើនជាងគេ គឺខេត្តសៀមរាប មានចំនួន ២១២ ០៣៧ ៣នាក់, ខេត្តបាត់ដំបង ១៥០ ០១៦ ៨នាក់, ខេត្តកំពង់ចាម ១៤០ ៨៨១ ១នាក់, ភ្នំពេញ ១០៨ ០៥០ ៩នាក់, ខេត្តព្រះសីហនុ ៨៨៧ ៨៩៣ នាក់, ខេត្តកំពត ៨៧០ ៣៩៩ នាក់, ខេត្តស្វាយរៀង ៧៦០ ៣៩៩ នាក់, ខេត្តកំពង់ឆ្នាំង ៧៣៩ ១៥៩នាក់, ខេត្តបន្ទាយមានជ័យ ៦៥០ ០១៣ នាក់ និងខេត្តកំពង់ស្ពឺ ៥១២ ៨៩៨ នាក់។

 ចំនួនភ្ញៀវទេសចរទាំង១៣លាននាក់នេះ គឺត្រូវបានរាប់បញ្ជូលទាំងអ្នកធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស។ អ្នកចូលរួមលេងកម្សាន្តនៅតាមកម្មវិធីសង្រ្កាន្ត និងអ្នកលេងកម្សាន្តនៅតាមភូមិស្រុក និងកន្លែងជួបជុំនានា ផងដែរ៕

អត្ថបទ៖ ពិសី

The post ថ្នាក់ដឹកនាំរាជធានីខេត្តចំនួន៤ បង្ហាញក្តីរំភើប ក្រោយទទួលបានភ្ញៀវទេសចរ​ច្រើនជាងគេ ក្នុងឱកាសចូលឆ្នាំខ្មែរ appeared first on .

លោក គួច ចំរើន អភិបាល នៃគណ:អភិបាលខេត្តព្រះសីហនុ បានទទួលស្វាគមន៍ឯកអគ្គរដ្ឋទូតបារាំងប្រចាំព្រះរាជាណាចក្រកម្ពុជា ស្របពេលដែលនាវាល្បាតបារាំងចូលចតកំពង់ផែស្វយ័តក្រុងព្រះសីហនុ បង្ហាញពីចំណងមិត្តភាព ៧០ឆ្នាំកន្លងមក ធ្វើឱ្យទំនាក់ទំនងកាទូតបារាំង និងកម្ពុជាកាន់តែស៊ីជម្រៅដោយឈរលើអធិបតេយ្យភាព។

ជាមួយគ្នានេះ លោកថា កម្ពុជាស្វាគមន៍គ្រប់នាវាបរទេសដែលបានស្នើសុំការចូលចតនៅកម្ពុជាក្រោមឆ័ត្រអង្គការសហប្រជាជាតិ ព្រមទាំងបានជម្រាបជូនពីសក្តានុពល និងវិទ្យាសាស្ត្ររបស់ខេត្តព្រះសីហនុមានក្រុង២ ស្រុក៣ មាន ២៩ឃុំ សង្កាត់ មានកោះ៣០ ថ្មប៉ះប្រេះទឹក២ កោះ ឆ្នេរជាសក្តានុពលរបស់ខេត្តព្រះសីហនុ។

លោកបានបញ្ជាក់បន្តថា៖« ខេត្តព្រះសីហនុត្រូវបានអភិវឌ្ឍន៍រីកចម្រើន ពិសេសប្រជាជនមកពីអឺរ៉ុបមកលេងកម្សាន្តនៅតាមបណ្តាកោះក្នុងខេត្តព្រះសីហនុមានចំនួនច្រើន ឥឡូវទេសចរចាប់ផ្តើមមានកំណើន ពិសេសទេសចរបារាំងនៅខែមីនា ខណក្នុងមួយ ខែនេះគឺ វាស្មើនឹងឆ្នាំ២០២២។ ក្រោយនាវាកងទ័ពជើងទឹកបារាំង និងឯកអគ្គរដ្ឋទូតបារាំងមកកាន់ខេត្តព្រះសីហនុ ធ្វើឱ្យខេត្តព្រះសីហនុទទួលបានភ្ញៀវទេសចរបារាំងកាន់តែច្រើនបន្ថែមទៀត»។

ទន្ទឹមនេះ លោកថា ខេត្តព្រះសីហនុ បង្ហាញពីកាវិនិយោគចម្រុះពណ៌សម្បុរ ក្នុងនោះក៏មានការវិនិយោគរបស់បារាំងនៅខេត្តព្រះសីហនុមានចំនួន ១៨ កន្លែង ផ្តល់ការងារជូនប្រជាពលរដ្ឋជាង ៩០០ នាក់ ផ្អែកតាមចំណងមិត្តភាព សាមគ្គីភាពកាន់តែរឹងមាំ និងមានវត្តមានអ្នកវិនិយោគបារាំងមកកាន់ខេត្តព្រះសីហនុ។ ផ្អែកតាមចក្ខុវិស័យរបស់រាជរដ្ឋាភិបាល អភិវឌ្ឍន៍ខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង។

លើសពីនេះ អភិបាលខេត្តព្រះសីហនុរូនេះ ក៏បានស្នើសុំឱ្យឯកអគ្គរដ្ឋទូតបារាំង ជួយផ្សព្វផ្សាយពីសក្តានុពលទេសចរណ៍ និងវិនិយោគខេត្តព្រះសីហនុ ទៅដល់អ្នកវិនិយោគ និងទេសចរណ៍បារាំងមកកាន់ខេត្តព្រះសីហនុកាន់តែច្រើននាពេលខាងមុខ។

ជុំវិញការលើកឡើងខាងលើនេះដែរ លោក PELLET JACQUES ឯកអគ្គរដ្ឋទូតបារាំងប្រចាំព្រះរាជាណាចក្រកម្ពុជា បានថ្លែងអំណរគុណចំពោះការទទួលស្វាគមន៍ និងរៀបរាប់ពីទិដ្ឋភាពរួមរបស់ខេត្តព្រះសីហនុ ជាពិសេសការទទួលនាវាល្បាតបារាំងដែលបានចូលចតនៅខេត្ដព្រះសីហនុ និងបានផ្តល់ទិដ្ឋាការដល់សមាជិកនាវិក។

ឯកឧត្តមបានលើកឡើងពីផ្លូវជាតិលេខ៤ សាងសង់ដោយសហរដ្ឋអាមេរិក ប្រទេសបារាំងក៏បានសាងផ្លូវដែកនៅកម្ពុជាផងដែរ។ ដោយឡែក លោកថា ចំពោះការសាងសង់នៅខេត្តព្រះសីហនុ នឹងបញ្ចប់នៅឆ្នាំ២០២៤ខាងមុខ យើងកំពុងកៀរគរតួអង្គបារាំងធ្វើការក្នុងវិស័យទេសចរណ៍ ដើម្បីរៀបចំមេរៀនសម្រាប់ការបង្រៀន យើងពិនិត្យឃើញថានៅពេលមុនប្រជាជនបារាំងមកនៅខេត្តព្រះហនុ ប្រហែល១ពាន់នាក់។

យ៉ាងណាមិញ តាមរយៈកិច្ចសហប្រតិបត្តិការខាងលើនេះ លោកឯកអគ្គរដ្ឋទូត បានបង្ហាញក្តីរំពឹងទុកថា អ្នកទេសចរ និងអ្នកវិនិយោគបារាំងនឹងមកកាន់ទីនេះកាន់តែច្រើននាពេលខាងមុខ៕

The post លោក គួច ចំរើន ស្នើឱ្យបារាំង ជួយផ្សព្វផ្សាយពីសក្តានុពលទេសចរណ៍ និងវិនិយោគក្នុងខេត្តព្រះសីហនុ appeared first on .