កម្មវិធីចុះហត្ថលេខាលេអនុស្សរណៈនៃការយោគយល់ ក្នុងកិច្ចសហប្រតិបត្តិការលើកគម្រោងនេះ បានរៀបចំ តាមប្រព័ន្ធ អនឡាញ កាលថ្ងៃទី ០១ ខែ មិថុនា ឆ្នាំ ២០២៣ ក្រោម អធិបតីភាព លោក ចម ប្រសិទ្ធ ទេសរដ្ឋមន្រ្តី រដ្ឋមន្រ្តី ក្រសួងឧស្សាហកម្ម និងលោក Li Daosong ប្រធានក្រុមហ៊ុន (BUCG) នៅទីក្រុងប៉េកាំងប្រទេសចិន។ 

នាឱកាសនោះ លោក Li Daosong ប្រធានក្រុមហ៊ុន BUCG បានថ្លែងអំណរគុណ ចំពោះការគាំទ្រ និងការសម្រប សម្រួលរបស់ភាគីកម្ពុជា ដែលធ្វើឱ្យភាគីចិន ត្រូវប្តេជ្ញាចិត្តក្នុងការប្រឹងប្រែង អនុវត្តគម្រោងខាងលើនេះឱ្យបានសម្រេច ដើម្បី ចូលរួមចំណែកក្នុងការអភិវឌ្ឍវិស័យទឹកស្អាតនៅកម្ពុជា ជាពិសេសប្រជាពលរដ្ឋរស់នៅខាងកើតដងទន្លេមេគង្គ ដូចជា ៖ខេត្ត កំពង់ចាម ត្បូងឃ្មុំ និងខេត្តក្រចេះ ជាដើម ។ 

ជាមួយគ្នានេះ លោក ចម ប្រសិទ្ធ បានបញ្ជាក់ថា គម្រោង ខាងលើនេះ ជាគម្រោងដ៏ធំ និងមានសារៈសំខាន់ ណាស់ ដែលក្រុមហ៊ុន តូចៗមិនអាចធើ្វបានទេ  ពីព្រោះត្រូវប្រើដើមទុនច្រើន និងបច្ចេកទេសខ្ពស់ គឺត្រូវយកប្រភពទឹកពីចម្ងាយរាប់រយគីឡូម៉ែត្រក្នុងដងទន្លេមេគង្គជាមួយនឹងការតបំពង់ទុយោធំៗ និងសាងសង់អាងប្រព្រឹត្តកម្មទឹកស្អាតជាច្រើនកន្លែង ដើម្បីបំពេញ តម្រូវការប្រជាពលរដ្ឋ។

បើតាមលោក ចម ប្រសិទ្ធ បានសង្កត់ធ្ងន់ដែរថា បើយើងអនុវត្តគម្រោងនេះបាន ដូចជាយើងបានរំដោះប្រជាពលរដ្ឋភាគខាងកើតដងទន្លេមេគង្គ រហូតដល់ព្រំដែនវៀតណាមឱ្យរួចចាកផុត គ្រោះថ្នាក់ នៃឥទ្ធិពលជាតិពុលគីមី ពីព្រោះ យើងដឹងហើយថា ក្នុងសង្រ្គាម ចុងទស្សវត្សន៍ទី៦០ និងដើមទស្សវត្សន៍ទី៧០ សហរដ្ឋអាមេរិក បានទម្លាក់គ្រាប់បែករាប់លានតោន គឺច្រើនជាងការទម្លាក់គ្រាប់បែក នៅសង្គ្រាមលោកលើកទី២ទៅទៀត រួមទាំងរោយម្សៅព័ណ៌ទឹកក្រូចជម្រុះស្លឹកឈើ ដែល សុទ្ធតែ ជាតិគីមីដែលរងឥទ្ធិពលដល់ជីវិត សត្វ មនុស្ស ជាច្រើន ឆ្នាំទៅមុខ។ 

ជាមួយគ្នានេះ តាមការសិក្សា ជាតិពុលគីមីនេះ គឺប៉ះពាល់ខ្លាំង ទៅលើស្ត្រីមានផ្ទៃពោះ ដែលទារកកើតមក អាចមានកាយសម្បទាមិនគ្រប់គ្រាន់ ដូចជា៖ឆែបមាត់ ខ្វះដៃជើង និងបាត់ ឬ លើសម្រាមដៃជាដើម។ 

យ៉ាងណាមិញ តាមរយៈពិធីចុះហត្ថលេខនេះដែរ ដើម្បីឱ្យការអនុវត្តអនុស្សរណ:យោគយល់គ្នា កាន់តែមានប្រសិទ្ធិភាព និងឆាប់ហ័ស ហើយជាការចែករំលែក បទពិសោធន៍ លោក ទេសរដ្ឋមន្រ្តី ចម ប្រសិទ្ធ នឹងបង្កើតក្រុមការងាររបស់ក្រសួងមួយក្រុមចុះធ្វើការជាមួយ និងត្រៀមសម្របសម្រួលគ្រប់ការងារ ស្មុគស្មាញនៃគម្រោងនេះ៕ អត្ថបទ៖ ពិសី  

The post កម្ពុជា-ចិន នឹងសិក្សារួមគ្នាលើគំនូសប្លង់គម្រោងសាងសង់ស្ថានីយ៍បូមទឹកដោយយកប្រភពទឹកពីទន្លេមេគង្គ appeared first on .

ក្នុងពិធីបើកទិវាជាតិវិទ្យាសាស្ត្រ បច្ចេកវិទ្យានិងនវានុវត្តន៍លើកទី១​ កាលថ្ងៃទី២៦មីនាឆ្នំា២០២៣ លោក បណ្ឌិត ចម ប្រសិទ្ធទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ មានប្រសាសន៍ថា គំនិតនៃការៀបចំពិព័រណ៍នេះក្រសួងប្រើពេលវេលាមួយខែ ដែលជាទូទៅការរៀបចំធ្វើពិពរណ៍នីមួយៗត្រៀមពេល១ឆ្នំា ប៉ុន្តែក្រសួងជាប់នៅមានបទពិសោធន៍ខ្លះពីក្រសួងពាណិជ្ជកម្មធ្លាប់ចេញទៅចូលរួមពិពរណ៍អន្តរជាតិផ្សេងៗ។

លោកបន្តថា ទិវាជាតិវិទ្យាសាស្ត្រ បច្ចេកវិទ្យានិងនវានុវត្តន៍លើកទី១នេះ យើងប្រើពេលតែមួយខែសម្រាប់រៀបចំ ហើយមានស្តង់ឬក្រុមហ៊ុនចូលរួមប្រមាណ២៥៦ស្តង់នេះខ្ញុំយល់ថាល្បឿនដែលយើងរៀបចំធ្វើឡើងនេះមិនចាស់គេនោះទេ ហើយពិពរណ៍នេះបានពេញទៅដោយឧបករណ៍តាំងបង្ហាញគ្រប់គ្រាន់។ ក៏ប៉ុន្តែមិនទាន់ជាការពេញចិត្ត ពីព្រោះខ្ញុំចង់ឃើញពិពរណ៍វិទ្យាសាស្ត្រ បច្ចេកវិទ្យានវានុវត្តន៍ត្រូវមានឧបករណ៍ទំនើបៗបំផុតយកមកដាក់តាំងថែមទៀត។

លោក ចម​ ប្រសិទ្ធិ គូសបញ្ជាក់ថា «នៅកន្លែងដាក់តំាងបង្ហាញផលិតផលឬឧបករណ៍នេះត្រូវមានមនុស្សយន្តដើរច្រើន ហើយអ្នកចូលរួមអាចទៅសាកសួរឬនិយាយាជាមួយមនុស្សយន្តទំាងនោះបានដើម្បីទាកទាញឱ្យមនុស្សចូលរួមទស្សនាច្រើន តែយើងធ្វើមិនទាន់។តែទោះជាយ៉ាងនេះក្តីយើងចាត់ទុកជាការជោគជ័យមួយដ៏ធំសម្រាប់ក្រសួង»។

យោងតាមលោក ចម ប្រសិទ្ធិ គោលនយោបាយជាតិស្តីពីវិទ្យាសាស្ត្រ បច្ចេកវិទ្យា និងនវានុវត្តន៍២០២០-២០៣០ ផែនទីបង្ហាញផ្លូវវិទ្យាសាស្ត្រ បច្ចេកវិទ្យា និងនវានុវត្តន៍ កម្ពុជា ២០៣០ របៀបវារៈស្រាវជ្រាវជាតិ ២០២៥ និងផែនទីបង្ហាញផ្លូវបច្ចេកវិទ្យាអាទិភាពផ្សេងៗត្រូវបានបង្កើតឡើងដូចជា បច្ចេកវិទ្យាកសិកម្មបច្ចេកវិទ្យាអប់រំបច្ចេកវិទ្យាសុខាភិបាល ដែលបានអនុម័តរួចរាល់ ព្រមទាំងបណ្តាផែនទីបង្ហាញផ្លូវមួយចំនួនទៀតដែលបានបញ្ចប់សេចក្តីព្រាងរួចរាល់ ដូចជា បច្ចេកវិទ្យាថាមពល បច្ចេកវិទ្យាទេសចរណ៍ និងបច្ចេកវិទ្យាឌីជីថល)ដើម្បីជាត្រីវិស័យមិនអាចខ្វះបាន សម្រាប់ការអនុវត្តរបស់ក្រសួង-ស្ថាប័នពាក់ព័ន្ធ និងដៃគូអភិវឌ្ឍន៍នានាក្នុងប្រព័ន្ធនវានុវត្តន៍ជាតិ៕ អត្ថបទ៖សារេត

The post លោក ចម ប្រសិទ្ធ ចង់ឃើញឧបករណ៍ទំនើបៗនិងមនុស្សយន្តជាច្រើនតំាងបង្ហាញក្នុងទិវាជាតិវិទ្យាសាស្ត្របច្ចេកវិទ្យា និងនវានុវត្តន៍ appeared first on .

នាឱកាសនោះ តំណាងក្រុមហ៊ុនផលិតសំបកបាវ​ចក្រីទីង​ បានឱ្យដឹងថា ​ឧស្សាហកម្ម​សម្ភារៈសំណង់​កម្ពុជា​ហ័រស៊ីន​ មាន​រោងចក្រផលិតស៊ីម៉ងត៍​កម្ពុជាចក្រីទីង, រោងចក្រផលិតសំបកបាវ​ខេម​បូឌា ភែកឃីជីងចក្រីទីង, រោងចក្រផលិតក្ដារ​បន្ទះស្មាត​បតខេម​បូឌា ឌីខ័រ៉េធីវ ប៊ីលឌីង មេធៀរៀល ចក្រីទីង ,រោងចក្រផលិតបេតុងខេមបូឌាន​ ខនគ្រីត ចក្រីទីង។

តំណាងក្រុមហ៊ុនខាងលើបន្តថា ក្រុមហ៊ុន​ខេម​បូឌាន​ ភែក​ឃីជីង​ចក្រីទីង​ បានបង្កើត​ឡើង​នៅ​ក្នុង​ឆ្នាំ​២០១៨ ដោយមាន​ដើម​ទុន​ចុះ​បញ្ជី​ចំនួន​ ជាង២០លាន​​ដុល្លា​អាមេរិក។​ នៅ​ក្នុង​ខ្សែ​ផលិត​កម្ម​ទីមួយ​ផ្ដោត​សំខាន់​លើ​សំបក​បាវ​ ​ផលិតបាវអ៊ុតកាវ បាវត្បាញប្លាស្ទិក បាវអ៊ុតកាវបាតការ៉េ បាវផ្លាស្ទិក​ក្រដាសអ៊ុតកម្ដៅ ជាទូទៅ​បាវទាំង​នេះ​គេ​យក​ទៅ​ច្រក​ស៊ីម៉ង់ត៍ អាច​ផលិត​បាន​៧០លានសន្លឹកក្នុង​មួយឆ្នាំ។

ដោយឡែក សម្រាប់ឆ្នាំ២០២២ ក្រុម​ហ៊ុន​បាន​ពង្រីក​ផលិត​កម្មបន្ថែម ខណៈនៅ​ក្នុង​ខ្សែ​ផលិត​កម្ម​ទីពីរ​ ក្រុម​ហ៊ុន​បាន​វិនិយោគ​ទុន​បន្ថែម​ចំនួន ៤,៥លាន​​ដុល្លា​អាមេរិក​ ដោយមាន​ផលិត​បាវអង្ករ បាវចំណីសត្វ បាវជី បាវ​សម្រាប់​ច្រក​ចំណីអាហារ មានសមត្ថភាពផលិតប្រចាំឆ្នាំ ៣០លានសន្លឹកក្នុង​មួយ​ឆ្នាំ។​ ដូច្នេះទាំងពីរខ្សែសង្វាក់​ផលិត​កម្ម​អាចផលិតបាន១០០លានស្លឹកក្នុងមួយឆ្នាំ។

ក្រុមហ៊ុនក៏បានបញ្ជាក់ទៀតថា រាល់ការផលិតសំបកបាវគ្រប់ប្រភេទ គឺមានឧបករណ៍ទំនើបៗ អាចផលិតសំបកបាវគ្រប់​ប្រភេទបានយ៉ាងប្រណិត មាន​សោភ័ណភាព​ខ្ពស់ និងតម្លៃសមស្របប​តាម​តម្រូវការ​របស់​អតិថិជន សេវាកម្ម​ល្អ មាន​ប្រព័ន្ធ​ពិនិត្យ​គុណភាព ពិនិត្យ​តាំង​ពី​វត្ថុ​ធាតុ​ដើមដល់​សរសៃ​អំបោះ ដល់​សំបកបាវ ​ដែល​អាច​ធានា​ដល់​ការ​រក្សា​​គុណភាព​ភាព​និង​ស្ថេរ​ភាព​ គ្រប់សំបក​បាវទាំងអស់​បាន​ពិនិត្យ​​គុណ​ភាព​មុន​នឹង​បញ្ចេញ​ពី​រោង​ចក្រថែមទៀត។​

គួរបញ្ជាក់ដែរថា នាឱកាសនោះ​ លោក​ ចម​ ប្រសិទ្ធ​ បានវាយតម្លៃ​ខ្ពស់​ចំពោះខ្សែច្រវ៉ាក់ផលិតកម្ម​និងសមត្ថភាពរោងចក្រដែលយើងអាចចាត់ទុកថាទីនេះជា​រោងចក្រ​ដ៏ធំមួយដែលបានផលិតសំបកបាវគ្រប់ប្រភេទ​សម្រាប់ផ្គត់ផ្គង់ទីផ្សារក្នុងស្រុក​។ លោកក៏បានលើកទឹកចិត្តឱ្យផលិតឱ្យបានច្រើនជាងនេះ​ថែមទៀត​ ពីព្រោះ​ដើម្បីបំពេញតម្រូវការ​ និងជំនួសការនាំចូលពីខាងក្រៅ​។

ក្នុង​នោះ លោករដ្ឋមន្រ្តីក៏បានបន្តថា​ សោភ័ណ្ឌ​ភាព​ គុណភាព​ និងអនាម័យ​ន័យសំបកបាវ​ក៏ត្រូវ​មានការយកចិត្តទុកដាក់ខ្ពស់​ផងដែរ ពីព្រោះ​ផលិតផលល្អ​ សំបកវេចខ្ចប់ក៏ត្រូវល្អតាមនោះ ជាពិសេស​សំបកបាវអង្ករខ្មែ​រ​ ដែលយើងត្រូវនាំចេញទៅក្រៅប្រទេស​ ដែលរាជរដ្ឋាភិបាលកំណត់ឲ្យបាន១លាន​តោន​ក្នុង​មួយ​ឆ្នាំ​នៃការនាំចេញ​។ ដូច្នេះ​វិស័យ​ឯកជន​ ផ្នែកសមាគមម៉ាស៊ីន​កិនស្រូវ​ និងស្រូវអង្ករនៅកម្ពុជា​អាចពិនិត្យលទ្ធភាពបញ្ជាទិញ​ នៅទីផ្សារក្នុងស្រុកយើង​ ដែល​មិនចំណាយពេល​ ឬសោហ៊ុយច្រើនដឹកជញ្ជូន៕

អត្ថបទ៖ ពិសី

The post ក្រុមហ៊ុនមួយនៅខេត្តកំពត អាចផលិតសំបក​បាវ​គ្រប់ប្រភេទបានរហូត​១០០លានសន្លឹកក្នុង​មួយឆ្នាំ appeared first on .

នៅក្នុងពិធីបុណ្យផ្កាប្រាក់សាមគ្គី ជួសជុលមហាកុដិ សម្ដេចព្រះសង្ឃរាជ ជួន ណាត នាពេលនេះក៏មានអ្នកឧកញ៉ា ឧកញ៉ា ពីសមាគមឧកញ៉ាកម្ពុជាប្រមាណជិត ១០០រូប/ក្រុមហ៊ុន បានចូលរួមចាប់មគ្គផលតាមសទ្ធាជ្រះថ្លា ជាមួយលោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម បច្ចេកទេស វិទ្យាសាស្ត្រ និង នវានុវត្តន៍ និង លោកស្រីឧកញ៉ា ទេពបុប្ផា ប្រសិទ្ធ សរុបជាទឹកប្រាក់ប្រមាណជាង ២៣ម៉ឺនដុល្លារសហរដ្ឋអាមេរិក ដើម្បីទ្រទ្រង់វិស័យពុទ្ធសាសនា និងថែរក្សាមរតកវប្បធម៌សំណង់បុរាណ ដែលនៅសេះសល់ពីស្នាមព្រះហស្ថសម្ដេច​ព្រះ​មហា​សុមេធាធិបតី ជួន ណាត (ជោតញ្ញាណោ) ដែលជាអ្នកប្រាជ្ញខ្មែរដ៏ល្បីល្បាញ។ នេះបើតាមលោក ចម ប្រសិទ្ធ តាមរយៈសារជាសំឡេងលើបណ្តាញសង្គមតេឡេក្រាម នាយប់ថ្ងៃទី២កុម្ភៈនេះ។

សូមជម្រាបជូនថា ការចូលរួមចាប់មគ្គផលជួយជួសជុលមហាកុដិ សម្ដេចព្រះសង្ឃរាជ ជួន ណាត ពីសមាជិក សមាជិកានៃសមាគមឧកញ៉ាកម្ពុជា មិនមែនជាលើកទីមួយឡើយ កន្លងទៅបានឧបត្ថម្ភថវិកាចំនួន ១២៧,៨៣១ ដុល្លារសហរដ្ឋអាមេរិក និងភេសជ្ជៈចំនួន ២៥០កេស ដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) និងបាន​រួបរួមគ្នា​បរិច្ចាគ​ជា​ថវិកា​សរុប​ ១,០៩៥,៣៣៤.០០ ​ដុល្លា និង​សម្ភា​រមួយចំនួន​ទៀតរួមមាន​៖​ ម៉ាស់ ១០​ម៉ឺន​, អាល់​កុល ​៣.៦០០​លីត្រ, សាប៊ូលាង​ដៃ ​៦.០០០​លីត្រ, ត្រីខ​ ៥០​កេស​, ទឹកសុទ្ធ​ ១០.០០០យួរ/កេស ​និង​ចេក ទុំ២០​កេស​ ជូន​ដល់កងទ័ព​ជើង​គោក នៃ​កង​យោធព​លខេ​ម​រភូមិន្ទ។

នៅខែតុលា ឆ្នាំ២០២២នេះ អ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ព្រមទាំងអនុប្រធាន និងសមាជិក សមាជិការបស់សមាគម បានចូលរួមជួយឧបត្ថម្ភ គាំទ្រដោយសទ្ធាជ្រះថ្លា ដល់ដំណើរការសាងសង់ អភិវឌ្ឍន៍ពុទ្ធិកសាកលវិទ្យាល័យព្រះសីហមុនីរាជា ដែលមានទីតាំងនៅក្នុងវត្តស្វាយពពែ រាជធានីភ្នំពេញ ចំនួនបច្ច័យជាង ២លានដុល្លារ ថ្វាយប្រគេនសម្តេចព្រះមហាសង្ឃរាជ បួរ គ្រី ព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហមុនីរាជា ដែលជាការឆ្លើយតបតាមការអំពាវនាវរបស់រាជរដ្ឋាភិបាល មកសមាគមឧកញ៉ាកម្ពុជា និងជាការចូលរួម លើកកម្ពស់វិស័យព្រះពុទ្ធសាសនាផងដែរ៕

The post ទឹកប្រាក់ជាង ២៣ម៉ឺនដុល្លារ ប្រតិភូសមាគមឧកញ៉ាកម្ពុជា ចូលរួមបុណ្យផ្កាប្រាក់សាមគ្គី ជួសជុលមហាកុដិ សម្ដេចព្រះសង្ឃរាជ ជួន ណាត appeared first on .

លោកស្រីមានកូនចំនួន ៣នាក់ គឺលោក ចម បូរិទ្ធ​ អនុរដ្ឋលេខាធិការ ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ​ លោកស្រី ចម និម្មល រដ្ឋលេខាធិការក្រសួងពាណិជ្ជកម្ម លោកស្រី ចម គ្រឹស្នា ​អគ្គ​នាយិកា​ក្រុម​ហ៊ុន សោម៉ា ត្រេឌីង ខូអិលធីឌី ហើយក៏មានកូនចិញ្ចឹមម្នាក់ទៀតផងដែរ គឺលោកស្រី ចម សុធារ៉ា។

លោកស្រី បុប្ផាប្រសិទ្ធ ជា​អ្នកជំនួញនៅពីក្រោយក្រុមហ៊ុន និងគម្រោងវិនិយោគធំៗមួយចំនួន ប៉ុន្តែអាជីវកម្មទាំងនោះលោកស្រីមិនដែលបង្ហាញឡើយ។ លោកស្រីត្រូវ​បាន​តែងតាំង​ជា​ឧកញ៉ា ពី​ព្រះមហាក្សត្រ​ ដោយ​ព្រះរាជក្រឹត្យ​លេខ​ នស​/​រកត​/០៧១៣/៨២២ ចុះ​ថ្ងៃទី​១១ ខែកក្កដា ឆ្នាំ​២០១៣​។ នេះបើយោងតាម​សៀវភៅ​រាជកិច្ច​។

លោកស្រីបានចូលរួមចំណែកយ៉ាងច្រើនក្នុងការ​កសាង និង​អភិវឌ្ឍន៍​ប្រទេសជាតិ​ រហូតត្រូវបាន​ព្រះមហាក្សត្រ​ប្រោស​ព្រះរាជទាន​នូវ​គ្រឿង​ឥស្សរិយយស​ ជា​តូប​ការ ដោយ​ព្រះរាជក្រឹត្យ​លេខ​ នស​/​រកត​/០៥១៣/៥៣៤ ចុះ​ថ្ងៃទី​២៥ ខែឧសភា ឆ្នាំ​២០១៣​។​

គួររំលឹកថា គ្រឿងឥស្សរិយយសនេះ ជាមេដាយខ្ពស់បំផុតនៅក្នុងប្រទេសកម្ពុជា ដែលត្រូវផ្តល់ជូនអ្នកដែលមានស្នាដៃធំធេងចូលរួមកសាងជាតិមាតុភូមិ៕

The post តើឧកញ៉ា ទេព បុប្ផាប្រសិទ្ធ ជានរណា? appeared first on .

ទន្ទឹមគ្នានេះ លោកបានស្នើឲ្យADB ជួយលើ៤ចំនុច ដើម្បីអភិវឌ្ឍន៍វិស័យទឹកស្អាតនៅកម្ពុជាក្នុងនោះរួមមាន៖ ​១.ជួយគាំទ្រ​ការងារផលិតទឹកដើម្បីលក់ដុំ២.ការសាងសង់អាងប្រព្រឹត្តិកម្មខ្នាតតូចសម្រាប់ផ្គត់ផ្គង់ដល់ប្រជាពលរដ្ឋរស់នៅតំបន់ជនបទ​ឬតំបន់ឆ្ងាយខ្វះប្រភពទឹក៣.ការផ្តល់កម្ចីវិនិយោគឯកជនសម្រាប់ការត​បណ្តា​ញ​ទឹក​ស្អាត​ពីប្រភពទឹកខេត្តកំពត​ មកទីរួមស្រុកមួយចំនួននៅខេត្តព្រះសីហនុ​ ដែលជាខេត្តត្រូវបានចាត់ជាតំបន់សេដ្ឋកិច្ចពិសេសពហុបំណងនិងទី៤.ការ​បំពាក់​Sensor ដើម្បីតាមដានសម្ពាធទឹក​និងគុណភាពទឹកជាដើម​ ។

ជាការឆ្លើយតប លោកស្រី Jyotsana Varma ប្រធានធនាគារអភិវឌ្ឍន៍អាស៊ីប្រចាំកម្ពុជា(ADB) បានបង្ហាញជំហរគាំទ្រ និងពង្រឹង កិច្ចសហប្រតបត្តិការបន្ថែមទៀត ដើម្បីជម្រុញឲ្យវិស័យទឹកស្អាតនៅកម្ពុជា សម្រេចបានតាមគោលដៅរបស់ខ្លួនផងដែរ។

គួរបញ្ជាក់ដែរថា បើតាមក្រសួងឧស្សាហកម្មបានឲ្យដឹងថា ADB បានផ្តល់គម្រោងហិរញ្ញប្បទានជាច្រើនក្នុងការអភិវឌ្ឍន៍វិស័យទឹកស្អាត និងអនាម័យខេត្តនៅកម្ពុជា ចាប់តាំងពី ឆ្នាំ២០១៤ មកទៅលើខេត្តគោលដៅជាច្រើនរួមមាន៖ខេត្ត ស្វាយរៀង កំពង់ចាម កំពង់ធំ ពោធិ៍សាត់ កំពត សៀមរាប ព្រះសីហនុ និងខេត្តស្ទឹងត្រែងជាដើម៕

The post កម្ពុជា ស្នើ ADB ជួយ៤ចំនុចដើម្បីអភិវឌ្ឍន៍វិស័យទឹកស្អាតនៅកម្ពុជា appeared first on .

ការជំរុញនេះ ត្រូវបានធ្វើឡើងនៅក្នុងជំនួបពិភាក្សាការងារជាមួយប្រតិភូក្រុមហ៊ុនវិនិយោគមកពីសភាពាណិជ្ជកម្មនិងក្រុមប្រឹក្សាពាណិជ្ជកម្មថៃប្រមាណ៦០រូប ដឹកនាំដោយលោក SANAN ANGUBOLKUL ប្រធានសភាពាណិជ្ជកម្មនិងក្រុមប្រឹក្សាពាណិជ្ជកម្មថៃ កាលពីថ្ងៃទី០៤ ខែសីហា ឆ្នាំ២០២២។

លោករដ្ឋមន្រ្តី​ ចម​ ប្រសិទ្ធ​ បានចាត់ទុក​ដំណើរទស្សនកិច្ច​ស្វែងយល់​របស់ប្រតិភូថៃ​ មានសារៈសំខាន់សម្រាប់ពង្រឹងទំនាក់ទំនងបន្ថែមទៀត​លលើវិស័យ​ សេដ្ឋកិច្ច​ វិនិយោគ​ និងការផ្លាស់ប្តូរពាណិជ្ជកម្ម​ខណៈពេលដែល​កម្ពុជា​កំពុងបើកដំណើរការជាប្រក្រតី​ផ្នែក​សង្គមសេដ្ឋកិច្ចឡើងវិញ។

ជាមួយគ្នានេះ លោកក៏បានអំពាវនាវឲ្យអ្នកវិនិយោគថៃ មកបណ្តាក់ទុននៅកម្ពុជាឲ្យបានច្រើនថែមទៀត ពីព្រោះកម្ពុជាកំពុងមានសុខសន្តិភាពបរិបូរណ៌ មានស្ថិរភាពម៉ាក្រូសេដ្ឋកិច្ច និងទទួលភាពអនុគ្រោះពាណិជ្ជកម្ម។ បន្ថែមពីនេះលោកក៏ជំរុញឲ្យភាគីថៃចាប់អារម្មណ៍បណ្តាក់ទុន នៅខេត្តព្រះសីហនុ ដែលរដ្ឋាភិបាលចាត់ទុកខេត្តទាំងមូលជាតំបន់សេដ្ឋកិច្ចពិសេសពហុបំណង និងខេត្តសៀមរាប ជាខេត្តដែលមានសក្តានុពលខ្លាំងផ្នែកទេសចរណ៌ផងដែរ។

ជាការឆ្លើយតបវិញ លោក​ SANAN ANGUBOLKUL ប្រធានសភាពាណិជ្ជកម្មនិងក្រុមប្រឹក្សាពាណិជ្ជកម្មថៃ​ បានលើកឡើងដែរថា ​កម្ពុជា​ជាប្រទេស​ទី១​ ក្នុងដំណើរទស្សនកិច្ចស្វែងយល់របស់ប្រតិភូថៃ​ ក្នុងក្របខ័ណ្ឌ​ប្រទេស​ CLMV គឺកម្ពុជា​ ឡាវ​ វៀតណាម​ និងភូមា​។

លោក​បញ្ជាក់ដែរថា៖បច្ចុប្បន្ន​ សភាពាណិជ្ជកម្ម​ និងក្រុមប្រឹក្សាពាណិជ្ជកម្មថៃ​ មានសមាជិកជាង១០ម៉ឺននាក់​ បានផ្តោតទៅលើវិស័យសំខាន់ៗរួមមាន៖ពាណិជ្ជកម្ម​ វិនិយោគ​ កសិកម្ម​ ចំណីអាហារ​ សេវាកម្ម​ និងទេសចរណ៍​ ជាដើម​ ខណៈនៅកម្ពុជា​ អ្នកវិនិយោគថៃ​កំពុងមានការបណ្តាក់​ទុនជាច្រើនផងដែរ​។

គួរបញ្ជាក់ដែរថា តាមរយៈកិច្ចប្រជុំពិភាក្សានេះដែរ ភាគីទាំងពីរ ក៏បានពិភាក្សា​ទៅលើចំណុចលើកឡើងទាំងឡាយដែលជាកង្វល់​ និងសំណូមពរពីខាងភាគីថៃ​ មានដូចជា​៖ ការពង្រឹង​ការផ្លាស់ប្តូរពាណិជ្ជកម្មតាមព្រំដែន-ការប្រើប្រាស់​បច្ចេកវិទ្យា​បៃតងក្នុងរោងចក្រ-ឧស្សាហកម្ម​ ពាណិជ្ចកម្ម​រ៉ែត្បូង-ភាពប្រុង​ប្រយ័ត្នការនាំចូលវត្ថុធាតុដើមជាសារធាតុគីមី​ និងផលិតផលពីប្លាស្ទិក​ ដែលយើងចាត់ទុកថាជាទំនិញគ្រោះថ្នាក់​ និងខូចខាតដល់បរិស្ថានជាដើម៕

The post លោក ចម ប្រសិទ្ធ ជំរុញឲ្យថៃងាកមកចាប់អារម្មណ៍បណ្តាក់ទុននៅខេត្តព្រះសីហនុ និងខេត្តសៀមរាប appeared first on .

លោក ចម ប្រសិទ្ធ ទេសរដ្ឋមន្ដ្រី រដ្ឋមន្ដ្រីក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្ដន៍ លើកឡើងយ៉ាងដូច្នេះក្នុងពិធីបញ្ចប់គម្រោងការស្ដារសហគ្រាស ក្នុងវិស័យកសិ-អាហារ និងវិស័យទេសចរណ៍ (អាហ្វធើ) នៅសណ្ឋាគាររ៉ាហ្វិលឡឺរូយ៉ាល់ នាថ្ងៃទី២១ ខែកក្កដានេះ។

លោក ចម ប្រសិទ្ធ គូសបញ្ជាក់ថា ការគាំទ្រដល់សហគ្រាសមីក្រូ តូច និង មធ្យម និងសហគមន៍ ក្នុងវិស័យកសិ-អាហារ និងវិស័យទេសចរណ៍ ក្នុងទម្រង់ជាជំនួយបច្ចេកទេស ទាំងផ្នែកផលិតភាព គុណភាព និងស្ដង់ដា ការគាំទ្រដល់ការពង្រឹងនូវវិធានសុវត្ថិភាព អនាម័យ និងនីតិវធីប្រណិបត្តិអប្បបរមា សម្ភារៈបរិក្ខារ និងជំនួយជាថវិកា ដែលកម្មវិធី អាហ្វធី ផ្តល់ឲ្យ អាចដោះស្រាយបញ្ហាដែលសហគ្រាស និងសហគមន៍បាន និងកំពុងប្រឈម។

ទេសរដ្ឋមន្ដ្រីលើកឡើងទៀតថា ក្នុងក្របខណ្ឌកម្មវិធីដើម្បីភាពជាដៃគូប្រទេស ដែលជាកម្មវិធីរួមគ្នារវាងរដ្ឋាភិបាល និងអង្គការសហប្រជាជាតិដើម្បីអភិវឌ្ឍន៍ឧស្សាហកម្ម ដើម្បីគាំទ្រដល់ការ អនុវត្តគោលនយោបាយអភិវឌ្ឍន៍ឧស្សាហកម្ម ហើយលោកបន្តគាំទ្រកិច្ចសហការជាបន្តបន្ទាប់ ជាមួយភាគីពាក់ព័ន្ធ និងដៃគូអភិវឌ្ឍន៍ ដើម្បីបង្កើនផលិតភាព និងការ ប្រកួតប្រជែង របស់សហគ្រាសខ្នាត មីក្រូ តូច និងមធ្យម។

គូសបញ្ជាក់ផងដែរថា កម្មវិធីការស្ដារឡើងវិញ ក្នុងវិស័យកសិ-អាហារ និងវិស័យទេសចរណ៍ ហៅកាត់ថា- អាហ្វធើ ជាគំនិតផ្ដួចផ្ដើមរបស់អង្គការយូនីដូកម្ពុជា។ កម្មវិធីអាហ្វធើ មានគោលបំណងបង្កើនភាពធន់ និងការស្តារឲ្យប្រសើរឡើងនូវសហគ្រាសធុនមីក្រូ តូច និងមធ្យម ក្នុងវិស័យវិស័យកសិ-អាហារ និងវិស័យទេសចរណ៍ ក្នុងបរិការណ៍កូវីដ-១៩។ កម្មវិធីនេះ មានធាតុចេញសំខាន់ៗចំនួន៣៖

ទី១៖ គាំទ្រសហគ្រាសក្នុងវិស័យកសិ-អាហារ និងវិស័យទេសចរណ៍ ដើម្បីបង្កើនគុណភាពផលិតផល និងសេវាកម្មរបស់ពួកគាត់។
ទី២៖ គាំទ្រសហគ្រាសក្នុងវិស័យកសិ-អាហារ និងវិស័យទេសចរណ៍ ក្នុងការអនុវត្តវិធានការសុវត្ថិភាព និងអនាម័យ ក្នុងផលិតកម្ម និងសេវាកម្មទេសចរណ៍។
ទី៣៖ គាំទ្រដល់ការអភិវឌ្ឍគោលនយោបាយជាតិ ដើម្បីជំរុញការស្តារឡើងវិញ នូវសហគ្រាសធុនមីក្រូ តូច និងមធ្យម ក្នុងវិស័យកសិ-អាហារ និងទេសចរណ៍៕

The post លោក ចម ប្រសិទ្ធ៖ សហគ្រាសខ្នាតមីក្រូ តូច និងមធ្យម ពួកគេត្រូវការការគាំទ្រដើម្បីបន្តនិរន្តភាពប្រតិបត្តិការអាជីវកម្ម appeared first on .

ក្រសួងពាណិជ្ជកម្ម ជាសេនាធិការឲ្យរាជរដ្ឋាភិបាលលើការគ្រប់គ្រង ដឹកនាំ និងសម្របសម្រួលរាល់សកម្មភាពវិស័យពាណិជ្ជកម្ម ដោយធានាបាននូវគុណភាព ប្រសិទ្ធភាពការងារទាំងថ្នាក់ជាតិ ក្រោមជាតិ អង្គភាពក្រៅប្រទេស និងសហគ្រាសសាធារណៈ ក្នុងការលើកតម្កើងជីវភាពរស់នៅរបស់ប្រជាជនលើគោលនយោបាយសេដ្ឋកិច្ចទីផ្សារសេរី។

តើរដ្ឋមន្រ្តីរូបណាដឹកនាំក្រសួងពាណិជ្ជកម្មបានយូរជាងគេ? សូមតាមដានជាមួយឧកញ៉ាញូស៍ដូចតទៅ៖

ចាប់តាំងពីឆ្នាំ ១៩៧៩ មកដល់ឆ្នាំ២០២២នេះ មានឥស្សរជនជាន់ខ្ពស់រាជរដ្ឋាភិបាលចំនួន ១០រូប បានដឹកនាំក្រសួងពាណិជ្ជកម្មកម្ពុជា ខណៈដែលក្នុងអំឡុងឆ្នាំ ១៩៧៩ ដល់ឆ្នាំ ១៩៨៥ ក្រសួងនេះត្រូវបានប្តូរឈ្មោះចំនួន ២ដងរួមកហើយ។ ក្នុងឆ្នាំ ១៩៧៩ ជាក្រសួងសេដ្ឋកិច្ច និង ជីវិភាព ហើយក្នុងឆ្នាំ ១៩៧៩ ដល់ឆ្នាំ ១៩៨៥ ជាក្រសួងសេដ្ឋកិច្ច និងក្រៅប្រទេស។ លុះដល់ឆ្នាំ ១៩៨៦ មកទល់នឹងបច្ចុប្បន្នជាក្រសួងពាណិជ្ជកម្ម។

សូមជម្រាបជូនថា ក្រសួងពាណិជ្ជកម្មក៏បានខិតខំធ្វើការកែទម្រង់ និងបានអនុវត្តយ៉ាងខ្ជាប់ខ្ជួននូវកម្មវិធីគោលនយោបាយ និងយុទ្ធសាស្រ្តរបស់រាជរដ្ឋាភិបាលក្នុងការអភិវឌ្ឍវិស័យពាណិជ្ជកម្ម ជាអាទិ៍ការពង្រឹងលើក​ស្ទួយផលិតកម្ម ដើម្បីផ្គត់ផ្គង់តម្រូវការក្នុងស្រុក និងការនាំចេញតាមរយៈការធ្វើពិពិធកម្មទីផ្សារ សំដៅជំរុញ​កំណើន និងបង្កើនល្បឿនសមាហរណកម្មសេដ្ឋកិច្ច ពាណិជ្ជកម្មតំបន់ និងពិភពលោក។

ក្នុងគោលដៅដើម្បីចូលរួមប្រកួតប្រជែងក្នុងក្របខ័ណ្ឌតំបន់ និងពិភពលោក ក្រសួងពាណិជ្ជកម្ម បាននិងកំពុងខិតខំពង្រឹងសមត្ថភាព និងប្រសិទ្ធភាពការងាររបស់មន្រ្តីរាជការបន្ថែមទៀត តាមរយៈការបន្ត​កសាងធនធានមនុស្ស ការធ្វើកំណែទម្រង់រចនាសម្ព័ន្ធរដ្ឋបាលនិងគ្រប់គ្រង ការអភិវឌ្ឍស្ថាប័ន រួមទាំងការ​កសាងច្បាប់ និងលិខិតបទដ្ឋានគតិយុត្តពាក់ព័ន្ធនឹងវិស័យពាណិជ្ជកម្មមួយចំនួនផងដែរ៕

The post តើរដ្ឋមន្រ្តីរូបណាកាន់ក្រសួងពាណិជ្ជកម្មបានយូរជាងគេ? appeared first on .

ក្នុងកិច្ចប្រជុំនេះ បានរកឃើញបញ្ហាប្រឈមចំនួន ៣ ចំណុច គឺទី១-បុគ្គលិកខ្វះជំនាញ និងប្រាក់ឈ្នួលខ្ពស់ ទី២-មានការលំបាកក្នុងការទទួលកម្ចីពីធនាគារ និងទី៣-ផលប៉ះពាល់ដោយជំងឺរាតត្បាតកូវីដ ១៩ លើអាជីវកម្ម។

ឆ្លើយតបចំពោះបញ្ហានេះ ឯកឧត្តម ចម ប្រសិទ្ធ ទេសរដ្ឋមន្រ្តី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានណែនាំឲ្យមានការអភិវឌ្ឍអាជីវកម្មតាមបទដ្ឋានបច្ចេកទេស ការសន្សំសំចៃថាមពល អនុវត្តឧស្សាហកម្ម បៃតង ជាពិសេស ការបណ្តុះបណ្តាលពង្រឹងសមត្ថភាពដល់បុគ្គលិក និងនយោជិក ឲ្យមានចំណេះជំនាញស្របនឹងមុខសញ្ញាការងាររបស់ខ្លួន។

ដោយឡែក ទាក់ទងនឹងការលំបាកទទួលបានប្រាក់កម្ចីពីធនាគារ ឯកឧត្តម ចម ប្រសិទ្ធ បានលេីកឡេីងពីការខិតខំរបស់រាជរដ្ឋាភិបាលនិងក្រសួង ស្ថាប័ន ពាក់ព័ន្ធបង្កេីតឲ្យមានធនាគារ SME ធនាគារអភិវឌ្ឍជនបទជាដេីម ដេីម្បីសហគ្រាសទទួលបាន ប្រាក់កម្ចីដែលមានការប្រាក់ទាប ។

ទន្ទឹមនឹងនោះ ឯកឧត្តមក៏បានកោតសរសេីរចំពោះភាពរីកចម្រេីន និងធនធានមនុស្សជាស្ត្រីដែលមានសហគ្រិនភាពដ៏ឆ្នេីមនៅក្នុងក្រុមហ៊ុន សហគ្រាស របស់ខ្លួន ហេីយបានចូលរួមយ៉ាងសកម្មក្នុងសកម្មភាពអភិវឌ្ឍសេដ្ឋកិច្ចជាតិ។

ជាមួយគ្នានេះ លោកជំទាវ ឧកញ៉ា កែវ មុំ ប្រធានសមាគមសហគ្រិនស្ត្រីកម្ពុជា បានសម្តែងនូវទឹកចិត្តរីករាយដល់ក្រសួងឧស្សាហកម្ម ដែលតែងយកចិត្តទុកដាក់ហេីយតែងផ្តល់ដំណោះស្រាយ និងអនុសាសន៍ណែនាំល្អៗ ដល់សមាគមជានិច្ច ដែលនេះជាមូលដ្ឋានជួយឲ្យសមាគមកាន់តែមានភាពរឹងមាំមួយកំរិតទៀត ។

សូមជម្រាបថា ចំពោះបញ្ហាផលប៉ះពាល់ដោយជំងឺរាតត្បាតកូវីដ ១៩ លើធុរកិច្ច កន្លងមកក្រសួងឧស្សាហកម្ម បានរៀបចំវគ្គបណ្តុះបណ្តាល ស្តីពីការលើកកម្ពស់សមត្ថភាពសហគ្រិនជាស្ត្រីតាមប្រព័ន្ធ បច្ចេកវិទ្យាឌីជីថលសម្រាប់អាជីវកម្មទាំង២៥រាជធានីខេត្ត ។ ជាមួយគ្នានេះក៏មានការបេីកវគ្គបណ្តុះបណ្តាល បច្ចេកទេស ដើម្បីជួយស្តារ និងលើកស្ទួយអាជីវកម្មឡើងវិញ ទៅតាមរបត់ថ្មីនៃការរីករាលដាលនៃជំងឺកូវីដ១៩ ជាច្រើនផងដែរ ។

ទាក់ទងនិងការខ្វះទីតាំងសម្រាប់តាំងបង្ហាញផលិត ផលស្នាដៃខ្មែរ ឯកឧត្តមរដ្ឋមន្រ្តី អនុញ្ញាតឲ្យសមាគមយកផលិតផលរបស់ខ្លួន មកតាំងនៅទីតាំងទីស្តីការក្រសួង នៅពេលអគារថ្មីកំពស់១៨ជាន់នឹងសាងសង់រួចនាពេលខាងមុខ៕

The post សមាគមសហគ្រិនស្ត្រីកម្ពុជា លើកបញ្ហាប្រឈម ៣ចំណុចឲ្យក្រសួងឧស្សាហកម្មជួយដោះស្រាយ appeared first on .