នាថ្ងៃទី២៥ ខែតុលា ឆ្នាំ២០២៤ ព្រះករុណាព្រះបាទសម្ដេចបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា សព្វព្រះរាជហឬទ័យប្រោសព្រះរាជទានគ្រឿងឥស្សរិយយស សម្ដេចព្រះមហាក្សត្រីយានី ព្រះសុីសុវត្ថិ មុនីវង្ស កុសុមៈ នារីរ័ត្ន ថ្នាក់ “មហាសិរីវឌ្ឍន៍” ជាកិច្ចបច្ឆាមរណៈចំពោះ ឯកឧត្តម ជា ចាន់តូ ដែលបានទទួលមរណភាព។

បន្ទាប់មក នៅថ្ងៃទី២៦ ខែតុលា ឆ្នាំ២០២៤ ព្រះមហាក្សត្របានសព្វព្រះរាជហឬទ័យប្រោសព្រះរាជទានគ្រឿងឥស្សរិយយស “ឯករាជ្យជាតិ” ជាកិច្ចបច្ឆាមរណៈចំពោះ ឯកឧត្តម ជា ចាន់តូ ដែលបានទទួលមរណភាព បន្ថែមទៀត។

ឯកឧត្តម ជា ចាន់តូ ទេសាភិបាលកិត្តិយស ធនាគារជាតិនៃកម្ពុជា និងជាតំណាងរាស្រ្ត មណ្ឌលខេត្តកំពង់ធំ បានទទួលមរណភាព នាវេលាម៉ោង ១០និង៣៥ នាទីព្រឹកថ្ងៃទី២៥ ខែតុលា ឆ្នាំ២០២៤ ក្នុងជន្មាយុ ៧៣ ឆ្នាំ ដោយរោគាពាធ។

សូមជម្រាបថា ឯកឧត្តម ជា ចាន់តូ បានកាន់តំណែងជាអគ្គទេសាភិបាល នៃធនាគារជាតិ រយៈពេល២៥ឆ្នាំ តាំងពីឆ្នាំ១៩៩៨ រហូតមកដល់ឆ្នាំចុងឆ្នាំ២០២៣។ ក្នុងដំណើរ នៃការដឹកនាំធនាគារជាតិនេះ លោកបានខិតខំប្រឹងប្រែង តស៊ូ និងលះបង់កម្លាំងកាយ កម្លាំងចិត្ត ពេលវេលាប្រាជ្ញាស្មារតី ក្នុងការដឹកនាំធនាគារជាតិ ប្រកបដោយគតិបណ្ឌិត និងចក្ខុវិស័យវែងឆ្ងាយ ព្រមទាំងអភិវឌ្ឍវិស័យធនាគារ និងហិរញ្ញវត្ថុនៅកម្ពុជា ឱ្យរីកចម្រើនប្រកបដោយចីរភាព រហូតមកទល់បច្ចុប្បន្ន ដែលស្ថិតក្រោមការដឹកនាំបន្តដោយលោកស្រី ជា សិរី ដែលត្រូវជាកូនស្រីបង្កើតរបស់លោក៕

The post ព្រះមហាក្សត្រ ចេញព្រះរាជក្រឹត្យប្រោសព្រះរាជទានគ្រឿងឥស្សរិយយស ២ប្រភេទ ជាកិច្ចបច្ឆាមរណៈចំពោះ ឯកឧត្តម ជា ចាន់តូ appeared first on .

ក្នុងសារលិខិតរំលែកមរណទុក្ខ​នោះ សមាគមឧកញ៉ាកម្ពុជា បង្ហាញអារម្មណ៍យ៉ាងដូច្នេះថា៖ យើងខ្ញុំទាំងអស់គ្នា ជាថ្នាក់ដឹកនាំ ក្រុមប្រឹក្សាភិបាល និងសមាជិកនៃសមាគមឧកញ៉ាកម្ពុជា មានសេចក្តីរន្ធត់តក់ស្លុតនិងសោកស្តាយយ៉ាងខ្លាំងដែលបានទទួលដំណឹងថា ឯកឧត្តម ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាតំណាងរាស្ត្រខេត្តកំពង់ធំ បានទទួលមរណភាពក្នុងជន្មាយុ ៧៣ឆ្នាំ វេលាម៉ោង ១០៖៣៥នាទីព្រឹក ថ្ងៃសុក្រ ៨រោជ ខែអស្សុជ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៥ ខែតុលា ឆ្នាំ២០២៤ ដោយរោគាពាធ។

បន្ថែមពីនោះ សមាគមឧកញ៉ាកម្ពុជា បន្តថា ក្នុងពេលវេលាប្រកបដោយទុក្ខព្រួយដ៏សោកសង្រេងជាទីបំផុតនេះ យើងខ្ញុំទាំងអស់គ្នាសូមចូលរួមរំលែកមរណទុក្ខដ៏ក្រៀមក្រំបំផុតជាមួយលោកជំទាវព្រមទាំងក្រុមគ្រួសារ ដោយសេចក្តីអាឡោះអាល័យរកអ្វីប្រៀបផ្ទឹមពុំបាន ចំពោះការបាត់បង់ឧត្តមស្វាមីជាទីគោរពស្រឡាញ់យ៉ាងជ្រាលជ្រៅពោរពេញដោយសង្គហធម៌ដ៏ឆ្នើមគួរឲ្យស្ងប់ស្ងែងដោយពេញមួយជីវិតរបស់ឯកឧត្តម តែងតែលះបង់បូជាកម្លាំងកាយកម្លាំងចិត្តគ្រប់សព្វបែបយ៉ាងជាមួយរាជរដ្ឋាភិបាល ក្នុងបុព្វហេតុបម្រើឧត្តមប្រយោជន៍ជាតិមាតុភូមិ ជាពិសេសបានរួមចំណែកដ៏សំខាន់ក្នុងការអភិវឌ្ឍប្រព័ន្ធធនាគារ និងហិរញ្ញវត្ថុនៅកម្ពុជា តាមរយៈការលើកកម្ពស់គោលនយោបាយសេដ្ឋកិច្ច រូបិយវត្ថុ និងការប្រើប្រាស់រូបិយប័ណ្ណក្នុងស្រុក។

យើងខ្ញុំទាំងអស់គ្នា សូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម ជា ចាន់តូ សូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

The post សមាគមឧកញ៉ាកម្ពុជា ផ្ញើរសារលិខិតរំលែកមរណទុក្ខចំពោះ  លោកជំទាវ ខៀវ ស៊ីណា ជា ចាន់តូ និងក្រុមគ្រួសារ ចំពោះមរណភាពរបស់ ឯកឧត្តម ជា ចាន់តូ appeared first on .

សពរបស់លោក ជា ចាន់តូ បច្ចុប្បន្នកំពុងតម្កល់ធ្វើបុណ្យតាមប្រពៃណីនៅផ្ទះលេខ១៣៥ ផ្លូវម៉ាស៊ីនទឹក សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សូមជម្រាបដែរថា លោក ជា ចាន់តូ ត្រូវបានតែងតាំងជា អគ្គទេសាភិបាលកិត្តិយសធនាគារជាតិនៃកម្ពុជា មានឋានៈស្មើទេសរដ្ឋមន្ត្រី។ នេះបើតាមព្រះរាជក្រឹត្យរបស់ព្រះករុណាព្រះបាទ សម្តេចព្រះបរមនាថ នរោត្តម សីហមុនី កាលពិថ្ងៃទី២៩ ខែកក្កដា ឆ្នាំ២០២៣ ៕

The post លោក ជា ចាន់តូ ទេសាភិបាលកិត្តិយសធនាគារជាតិនៃកម្ពុជា បានទទួលមរណភាព ដោយរោគាពាធ appeared first on .

លោកស្រី ជា សិរី ត្រូវបានព្រះមហាក្សត្រតែងតាំងជាអគ្គទេសាភិបាលធនាគារជាតិនៃកម្ពុជា កាលពី​ថ្ងៃទី​២៩ ខែ​កក្កដា ឆ្នាំ២០២៣ ជំនួសលោក ជា ចាន់តូ ដែលជាឪពុកបង្កើតបន្ទាប់ពីកាន់តំណែងអស់រយៈពេល​ប្រមាណ ២៥​ឆ្នាំ​មក​ហើយ បើ​គិត​ចាប់តាំងពី​ឆ្នាំ​១៩៩៨ មក​ដល់​ពេល​បច្ចុប្បន្ន។

មុន​ទទួល​បាន​តួនាទី​ជា​អគ្គទេសាភិបាល​នេះ លោក ជា ចាន់តូ ធ្លាប់​ទទួល​ខុសត្រូវ​ធំ​នៅ​ធនាគារ​កណ្តាល ក្នុង​តួនាទី​ជា​នាយក​ធនាគារ​ជាតិ​នៃ​កម្ពុជា ពី​ឆ្នាំ​១៩៧៩ ដល់​ឆ្នាំ​១៩៨១។ បន្ទាប់​មក លោក​ត្រូវ​បាន​តែងតាំង​ជា​ទេសាភិបាល​រង​នៃ​ធនាគារ​ជាតិ​នៃ​កម្ពុជា ពី​ឆ្នាំ​១៩៨១ ដល់​ឆ្នាំ​១៩៨៦។ នៅ​ក្នុង​ឆ្នាំ​១៩៨៦ លោក ជា ចាន់តូ ក៏​បាន​បម្រើ​ការ​ជា​អនុរដ្ឋមន្ត្រី​ទី​មួយ​នៅ​ក្រសួង​ផែនការ។ មិន​តែប៉ុណ្ណោះ លោក​ក៏​ធ្លាប់​ជា​សមាជិក​សភា​ចន្លោះ​ឆ្នាំ​១៩៩៣ ដល់​ឆ្នាំ​១៩៩៨ ផង​ដែរ។

ក្រោយចាកចេញពីតំណែងអគ្គទេសាភិបាល​ធនាគារ​ជាតិ​នៃ​កម្ពុជា កាលពីខែកក្កដាកន្លងទៅ លោក ជា ចាន់តូ ត្រូបានតែងតាំងជា​អគ្គទេសាភិបាល​កិត្តិយស​ធនាគារ​ជាតិ​នៃ​កម្ពុជា។ កាលពីថ្ងៃទី១១ ខែធ្នូ ឆ្នាំ២០២៣ ធនាគារជាតិនៃកម្ពុជា រៀបចំកម្មវិធីលៀងសាយភោជនធនាគារិកប្រចាំឆ្នាំ២០២៣។

នៅក្នុងពិធីនេះ សមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា និងសមាគមសហព័ន្ធហិរញ្ញវត្ថុ និងបច្ចេកវិទ្យានៃកម្ពុជា តំណាងឱ្យគ្រឹះស្ថានធនាគារនិងហិរញ្ញវត្ថុ បានប្រគល់ស្លាកថ្លែងអំណរគុណជូនលោក ជា ចាន់តូ អគ្គទេសាភិបាលកិត្តិយស ចំពោះវីរៈភាពដឹកនាំនៃការកសាងប្រព័ន្ធធនាគារនៅកម្ពុជាចាប់តាំងពីប្រព័ន្ធធនាគារមួយថ្នាក់ (Mono-Banking) ទៅជាប្រព័ន្ធធនាគារពីរថ្នាក់( Two-tier Banking) ពីការវិនិយោគដោយរដ្ឋ មកជាការវិនិយោគឯកជន ទាំងក្នុងស្រុក និងបរទេស។

ក្នុងវីដេអូឃ្លីបដែលផលិតឡើងដើម្បីថ្លែងអំណរគុណលោក ជា ចាន់តូ អ្នកឧកញ៉ា ពុង ឃាវសែ ម្ចាស់ធនាគារ កាណាឌីយ៉ា បានគូសបញ្ជាក់ថា លោកអគ្គទេសាភិបាលកិត្តិយសបានខិតខំប្រែងតស៊ូលះបង់កម្លាំងកាយចិត្តក្នុងការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយលើកស្ទួយ និងអនុវត្តវិស័យធនាគារ និងហិរញ្ញវត្ថុឲ្យមានការរីកចម្រើនយ៉ាងខ្លាំងនិងប្រកបដោយភាពធន់ក្នុងពេលជាង២ទស្សវត្សរ៍មកនេះ ហើយអ្នកឧកញ៉ានឹងចង់ចាំជានិច្ចនូវគុណបំណាច់និងស្នាដៃដឹកនាំកន្លងមកលោក ជា ចាន់តូ។

សម្រាប់អ្នកឧកញ៉ា លាង ម៉េង ប្រធានក្រុមប្រឹក្សាភិបាលធនាគារ ជីប ម៉ុង មានប្រសាសន៍ថា លោក ជា ចាន់តូ ជាឥស្សរជនកំពូលមួួយដែលបានកសាងប្រវត្តិសាស្រ្តថ្មីសម្រាប់ប្រព័ន្ធធនាគារ។ អ្នកឧកញ៉ាបន្តថា ក្រោមការដឹកនាំរបស់អគ្គទេសាភិបាលកិត្តិយសធនាគារជាតិនៃកម្ពុជាជាង២ទស្សវត្សរ៍មកនេះ ធនាគារជាតិនៃកម្ពុជា ដើរតួនាទីយ៉ាងសំខាន់ ជាអាណាព្យាបាលដឹកនាំវិស័យធនាគារ និងគ្រឹះស្ថានហិរញ្ញវត្ថុកាន់តែរឹងមាំ, ហិរញ្ញវត្ថុផ្នែកបច្ចេកវិទ្យាទំនើប និងផ្នែកធនធានមនុស្សដ៏សំបូរបែប។

លោក អ៊ិន ចាន់នី នាយកប្រតិបត្តិធនាគារ អេស៊ីលីដា លើកឡើងថា លោក ជា ចាន់តូ បានបន្សល់ទុកនៅស្នាដៃជាច្រើន ជាពិសេសដាក់ចេញនូវគោលនយោបាយ បទបញ្ញប្បតិ្តលើកកម្ពស់បរិយាបន្នហិរញ្ញវត្ថុ យកចិត្តទុកដាក់លើការបណ្តុះបណ្តាលសាធារណៈជនស្តីពីហិរញ្ញវត្ថុ ពង្រឹងតួនាទីធនាគារកណ្តាលដែលជាស្ថាប័នអាណាព្យាបាលធ្វើឲ្យស្ថាប័នហិរញ្ញវត្ថនៅក្រោមអាណាព្យាបាលរឹងមាំ ជាពិសេសភាពរាំងនៅក្នុងដើមទុនចាប់ពី ៥០ពាន់លានរៀលរហូតដល់ទៅ ៣០០ពាន់លានរៀល។

លោកសង្កត់ធ្ងន់ថា ដើមទុនហ្នឹងហើយដែលធ្វើឲ្យស្ថាប័នហិរញ្ញវត្ថុទាំងអស់មានភាពរឹងមាំ ជាពិសេសនៅពេលដែលយើងជួបវិបត្តិហិរញ្ញវត្ថុឆ្នាំ២០០៨ គ្មានស្ថាប័នធនាគារនៅកម្ពុជាណាមួយដួរលំនោះទេ។ លើសពីនេះ លោក អ៊ីន ចាន់នី ក៏បានគូសបញ្ជាក់បន្ថែមថា លោក ជា ចាន់តូ បានចូលរួមដឹកនាំធ្វើឲ្យស្ថេរភាពអត្រាប្តូរប្រាក់ទៅ ៤,០០០រៀល ទៅ៤,១០០រៀលក្នុងរយៈពេល ៣០ឆ្នាំ ចំណែកអតិផរណាមិនលើស ៣-៣.៥% នោះទេ ទាំងអស់នេះហើយជាស្នាដៃដ៏មានសារៈសំខាន់របស់លោក ជា ចាន់តូ ដែលបានបន្សល់ទុក។

ជាមួយគ្នានេះដែរ លោក ហ្គី អានវ៉ានិត ប្រធានក្រុមប្រឹក្សាភិបាលធនាគារពាណិជ្ជក្រៅប្រទេសនៃកម្ពុជា FTB បានរំលេចពីស្នាដៃរបស់លោក ជា ចាន់តូ យ៉ាងដូច្នេះថា ក្រោមដឹកនាំដោយអគ្គទេសាភិបាលកិត្តិយសធនាគារជាតិនៃកម្ពុជា ស្ថាប័នហិរញ្ញវត្ថុនៅកម្ពុជាបានសម្រេចនូវកិច្ចការចម្បងដ៏ធំមួយ គឺគោលការណ៍ហិរញ្ញវត្ថុប្រកបដោយចីរភាពទាំង ៩ ។

លោកបន្តថា ការអនុវត្តគោលការណ៍នេះបានជម្រុញឲ្យស្ថាប័នហិរញ្ញវត្ថុជាច្រើនបង្កើតនូវគោលការណ៍គ្រប់គ្រងហានិភ័យបរិស្ថាន និងសង្គម ដើម្បីទាក់ទាញអ្នកវិនិយោគិនបរទេស និងស្ថាប័នហិរញ្ញវត្ថុអន្តរជាតិ ពិសេសផ្នែកឥណទាន, ការបោះមូលបត្របៃតង់ និងការកម្ចីគិតគូរដល់បរិស្ថាន និងសង្គម ព្រមទាំងការកសាងធនធានមនុស្សអនុលោមតាមគោលការណ៍ហិរញ្ញវត្ថុទាំង ៩។ ជាមួយគ្នានេះលោកបានស្តែងនូវការកោតសរសើរចំពោះលោក ជា ចាន់តូ ដែលបានជួយជម្រុញទំនើបកម្ម និងជួយវិស័យធនាគារ និងហិរញ្ញវត្ថុឲ្យទទួលបាននូវការទុកចិត្តទាំងក្នុងប្រទេស និងក្រៅប្រទេស។

ដោយឡែក នាយកប្រតិបត្តិនៃធនាគារ ABA លោក Ashikhanov Askhat បានគូសបញ្ជាក់បន្ថែមថា អំឡុងពេលដឹកនាំធនាគារជាតិនៃកម្ពុជារបស់លោក ជា ចាន់តូ លោកបានតាំងផ្តើមអភិវឌ្ឍន៍វិស័យហិរញ្ញវត្ថុទំនើបនៅកម្ពុជា និងវឌ្ឍនភាពនៃការទូទាត់ប្រាក់រៀល ក្នុងទម្រង់ឌីជីថលតាមរយៈបាគង ដែលជម្រុញកិច្ចសហប្រតិបត្តិការតាមបណ្តាធនាគារនានា។

លោកបន្ថែមទៀតថា ការលះបង់ដ៏ធំធេងរបស់លោក ជា ចាន់តូ ចំពោះឌីជីថលូបនីយកម្មសម្រាប់វិស័យនេះ និងការលើកកម្ពស់ប្រាក់រៀលបាននាំមកនូវសន្ទុះកំណើននៅក្នុងគ្រឹះស្ថានហិរញ្ញវត្ថុដែលជាឧត្តមប្រយោជន៍បំផុតចំពោះបរិយាបន្នហិរញ្ញវត្ថុ និងការប្រតិបត្តិឌីជីថល។ បើតាម CEO ធនាគារ ABA បច្ចុប្បន្នប្រជាជនកម្ពុជារាប់លាននាក់កំពុងចាប់យកជំនាន់ឌីជីថល និងប្រើប្រាស់រូបិយប័ណ្ណជាតិជាមួយបច្ចេកវិទ្យាដោយមោទនភាព។

ថ្លែងក្នុងពិធីលៀងសាយភោជនធនាគារិកប្រចាំឆ្នាំ២០២៣ នៅចំពោះមុខម្ចាស់ធនាគារជាច្រើន និងភ្ញៀវនានាដែលបានចូលរួមលោក ជា ចាន់តូ អគ្គទេសាភិបាលធនាគារជាតិនៃកម្ពុជា បានមានប្រសាសន៍ថា៖ «ការអភិវឌ្ឍរីកចម្រើននៃសេដ្ឋកិច្ចជាតិ និយាយជារួម និងប្រព័ន្ធធនាគារនៅកម្ពុជា និយាយដោយឡែក គឺអាស្រ័យលើប្រទេសជាតិមានសុខសន្តិភាពពេញលេញ និងស្ថិរភាពនយោបាយក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន អគ្គមគ្គទេសក៍ដ៏ឆ្នើមនៃនយោបាយឈ្នះ-ឈ្នះ»៕

The post ក្រោយចាកចេញពីតំណែងអគ្គទេសាភិបាលធនាគារជាតិនៃកម្ពុជា តើអ្នកឧកញ៉ា និងម្ចាស់ធនាគារធំៗក្នុងស្រុកនិយាយអ្វីខ្លះពីលោក ជា ចាន់តូ? appeared first on .

ជាមួយគ្នានេះដែរ កូនស្រីបង្កើតរបស់លោកគឺលោកស្រី ជា សិរី ត្រូវបានតែងតាំងជាអគ្គទេសាភិបាលធនាគារជាតិនៃកម្ពុជា មានឋានៈស្មើទេសរដ្ឋមន្ត្រី នៅថ្ងៃទី២៩ ខែកក្កដា ឆ្នាំ២០២៣ តាមរយៈព្រះរាជក្រឹត្យលេខ នស/រកត/០៧២៣/១៦៧៥ ដើម្បីជំនួសតំណែងកំពូលរបស់លោក ជា ចាន់តូ ដែលបានដឹកនាំស្ថាប័នគោលនយោបាយរូបិយវត្ថុជាតិមួយនេះរាប់ទស្សវត្សរ៍មកហើយ។

លោក ជា ចាន់តូ បានកាន់តំណែងទេសាភិបាលធនាគារជាតិនៃកម្ពុជា រាប់ចាប់ពី១៩៩៨រហូតដល់បច្ចុប្បន្ននេះ។ លោកជាសមាជិកគណៈអចិន្ត្រៃយ៍គណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានខេត្តកំពង់ធំ។

សូមជម្រាបថា លោក ជា ចាន់តូ បានជាប់ជាថ្នាក់ដឹកនាំ ធនាគារកណ្តាលឆ្នើមជាងគេឆ្នាំ ២០២១ ប្រចាំតំបន់អាស៊ីប៉ាស៊ីហ្វិក (Central Banker of the Year, Asia-Pacific) ។ នេះជា ចំណាត់ថ្នាក់ដែលផ្តល់ The Banker ភ្នាក់ងារ ប្រមូលផ្តុំទិន្នន័យនិង ផ្សព្វផ្សាយព័ត៌មានផ្នែកសេដ្ឋកិច្ច និងហិរញ្ញវត្ថុសកលលោក ក្រោយពីបានវាយតម្លៃលើ សមិទ្ធផលដែលធនាគារជាតិនៃកម្ពុជាទទួលបាននាពេលកន្លងមក ។

ក្រោមការដឹកនាំរបស់លោក ជា ចាន់តូ រូបិយវត្ថុជាតិក៏ត្រូវបានជំរុញឱ្យប្រើប្រាស់យ៉ាងខ្លាំងក្លាផងដែរ សំដៅជំរុញកំណើនប្រកបដោយចីរភាព និងអភិវឌ្ឍប្រព័ន្ធធនាគារប្រកបដោយប្រសិទ្ធភាព និងជាពិសេសកាត់បន្ថយការពឹងផ្អែកលើប្រាក់ដុល្លារអាមេរិក។ នេះជាការគូសបញ្ជាក់របស់ The Banker៕

The post លោក ជា ចាន់តូ ទទួលតំណែងទេសរដ្ឋមន្ត្រី ជាប្រធានកិត្តិយសធនាគារជាតិ appeared first on .

ធនាគារជាតិនៃកម្ពុជា បានដក់ស្រង់សម្តី លោក ជា ចាន់តូ ទេសាភិបាល ធនាគារជាតិនៃកម្ពុជា ថា ក្នុងឱកាសថ្លែងសុន្ទរកថាបើកសន្និបាតបូកសរុបលទ្ធផលការងារប្រចាំឆមាសទី១ និងទិសដៅការងារឆមាសទី២ ឆ្នាំ២០២៣ ដែលធ្វើឡើងនៅថ្ងៃទី៣០-៣១ ខែកក្កដា ឆ្នាំ២០២៣ លោក ជា ចាន់តូ មានប្រសាសន៍ថា “ក្នុងបរិការណ៍ដែលសេដ្ឋកិច្ចកម្ពុជាកំពុងទទួលរងឥទ្ធិពលពីការថមថយនៃសកម្មភាពសេដ្ឋកិច្ចពិភពលោក ធនាគារជាតិនៃកម្ពុជាបានបន្តរក្សាស្ថិរភាពថ្លៃនិងស្ថិរភាពហិរញ្ញវត្ថុ អភិវឌ្ឍប្រព័ន្ធធនាគារនិងប្រព័ន្ធទូទាត់ ដែលបានជួយជ្រោងកំណើនសេដ្ឋកិច្ចនិងការអភិវឌ្ឍវិស័យនានាឱ្យប្រព្រឹត្តទៅដោយពិលាស។

ជាមួយគ្នានេះដែរ ទេសាភិបាល ធនាគារជាតិនៃកម្ពុជា រូបនេះ បានអះអាងទៀតថា ប្រព័ន្ធធនាគារកម្ពុជានៅបន្តរក្សាបានភាពធន់និងរឹងមាំ ដែលបានដើរតួនាទីយ៉ាងសកម្មក្នុងការលើកស្ទួយសកម្មភាពសេដ្ឋកិច្ចនិងរក្សាស្ថិរភាពហិរញ្ញវត្ថុ។ ក្រៅពីនេះ សេវាហិរញ្ញវត្ថុត្រូវបានបន្តពង្រីកវិសាលភាព ដែលបានលើកស្ទួយជីវភាពរស់នៅរបស់ប្រជាពលរដ្ឋនៅគ្រប់ទីកន្លែងឱ្យកាន់តែប្រសើរឡើង និងរួមចំណែកដល់ការអភិវឌ្ឍប្រកបដោយបរិយាបន្ន។

សន្និបាតខាងលើនេះ ត្រូវបានរៀបចំឡើងក្នុងគោលបំណងអបអរសាទរនិងផ្សព្វផ្សាយឱ្យបានទូលំទូលាយអំពីលទ្ធផលការងារដែលធនាគារជាតិនៃកម្ពុជាសម្រេចបានក្នុងឆមាសទី១ ឆ្នាំ២០២៣ និងទិសដៅការងារចម្បងៗសម្រាប់ឆមាសទី២ សំដៅឈានទៅបន្តសម្រេចឱ្យបាននូវជោគជ័យថ្មីៗបន្ថែមទៀត សម្រាប់ប្រព័ន្ធធនាគារក៏ដូចជាសេដ្ឋកិច្ចកម្ពុជាទាំងមូល។

បើតាមធនាគារជាតិនៃកម្ពុជា គិតត្រឹមឆមាសទី១​ឆ្នាំ២០២៣នេះ ពាក់ព័ន្ធវិស័យធនាគារ ឃើញថា ឥណទានត្រូវបានផ្ដល់ទៅកាន់វិស័យសំខាន់ៗក្នុងសេដ្ឋកិច្ច ដោយមានកំណើន ១១,៥% បើធៀបនឹងរយៈពេលដូចគ្នា កាលពីឆ្នាំ២០២១ គឺមានការថមថយចំនួន២៥%។  ក្នុងនោះ វិស័យសំខាន់ ដែលត្រូវបានផ្តល់ឥណទានមានកំណើនច្រើន និងខ្ពស់ជាងគេ រួមមាន៖ វិស័យកម្មន្តសាល មានកំណើន ២២,២%, ការទិញផ្ទះជា កម្មសិទ្ធិផ្ទាល់ខ្លួន មានកំណើន ១៧,៥%, ការជួញដូរអចលនទ្រព្យ មានកំណើន ១៣,៦%,និងកសិកម្ម មានកំណើន ១៣,៤%។ល៕  អត្ថបទ៖​ពិសី 

The post លោក ជា ចាន់តូ៖ ប្រព័ន្ធធនាគារកម្ពុជា នៅតែបន្តរក្សាបានភាពធន់និងរឹងមាំ appeared first on .

តើលោកស្រី ជា សិរី ជានរណា?

លោកស្រី ជា សិរី ជាយុវនារីបន្តវេនមួយរូបស្ថិតក្នុងចំណោមអ្នកបន្តវេនជាច្រើនរូបរបស់គណបក្សប្រជាជនកម្ពុជា។ លោកស្រីជាកូនស្រីបង្កើតរបស់លោក ជា ចាន់តូ អគ្គទេសាភិបាលធនាគារជាតិនៃកម្ពុជា ដែលជាសមាជិកគណៈអចិន្ត្រៃយ៍នៃបក្សប្រជាជនកម្ពុជា។ មុនការតែងតាំងជាអគ្គទេសាទភិបាលរង លោកស្រី ជា សិរី កំពុងកាន់តំណែងជាឧបការីទេសាភិបាលនិងជាអគ្គនាយកបច្ចេកទេសធនាគារជាតិនៃកម្ពុជា។

-ការសិក្សា

មានវ័យ ៤២ឆ្នាំ លោកស្រី ជា សិរី បានបញ្ចប់ថ្នាក់បណ្ឌិតផ្នែកសេដ្ឋកិច្ច (PhD) នៅសាកលវិទ្យាល័យ Adelaide ប្រទេសអូស្ត្រាលី កាលឆ្នាំ២០២១។ នៅអំឡុងឆ្នាំ២០១០ លោកស្រីបានបញ្ចប់ថ្នាក់អនុបណ្ឌិតផ្នែកធនាគារ ពីសាកលវិទ្យាល័យ SOAS ទីក្រុង ឡុងដ៍ ចក្រភពអង់គ្លេស និងឆ្នាំ២០១៩ បរិញ្ញាបត្រជាន់ខ្ពស់នៅសាលាគោលនយោបាយ លី ក្វាន់យូ។

មុនចូលដល់ការសិក្សាកម្រិតមហាវិទ្យាល័យ លោកស្រីជាអតីតសាលាបឋមសិក្សា បាក់ទូក ហើយនៅឆ្នាំ១៩៨៩ កាលណោះទើបតែអាយុ៨ឆ្នាំ លោកស្រីត្រូវបានក្រុមគ្រួសារបញ្ជូនទៅរៀនកម្រិតអនុវិទ្យាល័យនៅប្រទេសបារាំង និងផ្លាស់ទៅរៀនថ្នាក់វិទ្យាល័យនៅប្រទេសសិង្ហបុរី។ ឆ្នាំ១៩៩៩ លោកស្រីបានបន្តសិក្សានៅសាកលវិទ្យាល័យ Victoria រដ្ឋ Wellington ប្រទេសញូហ្សេឡែន ហើយនៅឆ្នាំ២០០២ លោកស្រីទទួលសញ្ញាបត្របរិញ្ញាបត្រផ្នែកគណនេយ្យ និងហិរញ្ញវត្ថុ នៅទីនោះ។

លើសពីនេះ លោកស្រី ជា សិរី ក៏ទទួលបានវិញ្ញាបនបត្រផ្នែកអភិវឌ្ឍន៍ហិរញ្ញវត្ថុពីសាកលវិទ្យាល័យ Harvard Kennedy នៅសហរដ្ឋអាមេរិក ក្នុងឆ្នាំ២០០៦ និងវិញ្ញាបនបត្របញ្ជាក់ការសិក្សាផ្នែកពាណិជ្ជកម្មពីសាកលវិទ្យាល័យ ស៊ីដនី ប្រទេសអូស្ត្រាលី ក្នុងឆ្នាំ២០០៧ផងដែរ។

-ការងារ និងអាជីព

អំឡុងពេលកំពុងសិក្សានៅប្រទេសញូហ្សេឡែន ក្នុងឆ្នាំ១៩៩៩ លោកស្រី ជា សិរី បានចូលបម្រើការងារនៅធនាគារជាតិនៃកម្ពុជា។ ធ្វើការនៅទីនោះបាន៤ឆ្នាំ គឺនៅឆ្នាំ២០០២ បន្ទាប់ពីបញ្ចប់ការសិក្សាថ្នាក់បរិញ្ញាបត្រ ផ្នែកគណនេយ្យ និងហិរញ្ញវត្ថុ លោកស្រីបានកាន់ការងារនៅនាយកដ្ឋានត្រួតពិនិត្យធនាគាររបស់ធនាគារជាតិ ក្រោយមកលោកស្រីទទួលបានតំណែងជាអគ្គនាយករងបច្ចេកទេស បន្ទាប់មកឡើងកាន់ដំណែងអគ្គនាយកបច្ចេកទេស និងជាឧបការីទេសាភិបាលធនាគារជាតិនៃកម្ពុជារហូតមកដល់ពេលបច្ចុប្បន្នមុនទទួលការតែងតាំងជាអគ្គទេសាភិបាលរង ធនាគារជាតិនៃកម្ពុជា កាលពីថ្ងៃទី១ ខែមីនា ឆ្នាំ២០២៣។

លោកស្រី ជា សិរី ត្រូវបានគេចាត់ទុកថាជាបញ្ញវន្តស្ត្រីខ្មែរវ័យក្មេងមួយរូបដែលមានចំណេះដឹងជំនាញជ្រៅជ្រះផ្នែកធនាគារ និងហិរញ្ញវត្ថុ ខណៈដែលកំពុងបំពេញភារកិច្ចលោកស្រីបានចូលរួមកំណែទំរង់ជាច្រើនក្នុងវិស័យធនាគារ និងហិរញ្ញវត្ថុនៅកម្ពុជា រួមមាន៖ សមាជិកគណៈកម្មាធិការកម្រិតខ្ពស់សម្រាប់ការបញ្ចូលហិរញ្ញវត្ថុយេនឌ័រ និងស្ត្រី (២០១៦-២០១៨), សមាជិកក្រុមប្រឹក្សាភិបាលមូលនិធិខ្មែរ (២០១៧-២០២១), សមាជិកក្រុមប្រឹក្សាប្រឹក្សាអាស៊ីអាគ្នេយ៍ធនាគារពិភពលោករបស់ស្ត្រី (២០១៨-២០២១) ស្ថាបនិកមូលនិធិរស្មីកុមារ, ប្រធានក្រុមប្រឹក្សាសមាគមសេដ្ឋកិច្ចកម្ពុជា, សមាជិកវេទិកាអ្នកដឹកនាំពិភពលោកវ័យក្មេង  និងជាសមាជិកក្រុមប្រឹក្សាអន្តរជាតិវិទ្យាស្ថាន Global FinTech ជាដើម។

អង្គការ UNDP បានចាត់ទុកលោកស្រី ជា សិរី ជាបុគ្គលឆ្នើមម្នាក់ក្នុងការលើកកម្ពស់សិទ្ធិអំណាចស្ត្រីផ្នែកសេដ្ឋកិច្ច ហើយលោកស្រីក៏ជាអ្នកណែនាំឲ្យប្រើប្រាស់កម្មវិធីទូទាត់ចំណាយ និងផ្ទេរប្រាក់តាមប្រព័ន្ធអេឡិចត្រូនិកប្រកបដោយសុវត្ថិភាព និងរហ័ស ឬហៅថា blockchain ក្នុងវិស័យធនាគារនៅកម្ពុជាដើម្បីបង្កើនបរិយាប័ន្តហិរញ្ញវត្ថុសម្រាប់ស្ត្រី។

លោកស្រីមានប្រសាសន៍ថា «យើងមិនគួរបង្កើតអ្វីថ្មី ដើម្បីគ្រាន់តែបានបង្កើតថ្មីនោះទេ។ ការច្នៃប្រឌិតនានាត្រូវតែផ្តល់តម្លៃបន្ថែមដល់សង្គមផងដែរ។ ខ្ញុំគិតថា ខ្ញុំត្រូវមានការជឿជាក់លើខ្លួនឯងខ្លាំងថាគំនិតច្នៃប្រឌិតដែលខ្ញុំមានអាចផ្តល់តម្លៃបន្ថែមដល់សង្គម ទើបខ្ញុំអាចជំរុញក្រុមការងារឱ្យមានជំនឿលើចក្ខុវិស័យរួម និងសហការគ្នាដើម្បីសម្រេចបាននូវគោលដៅរួមនេះ»៕

The post តើលោកស្រី ជា សិរី ទើបតែងតាំងថ្មីឋានៈស្មើរដ្ឋមន្រ្តីជានរណា? appeared first on .

កាលពីក្នុងពិធី​បើកសន្និបាតបូកសរុបលទ្ធផលការងារប្រចាំឆ្នាំ២០២២ និងទិសដៅការងារឆ្នាំ២០២៣ថ្មីៗនេះ លោក ជា ចាន់តូ ទេ​​សា​​​ភិបាលធនាគារជាតិនៃកម្ពុជា មានប្រសាសន៍ថា ដើម្បីដើរឱ្យទាន់ការវិវត្តដ៏ឆាប់រហ័សនេះ​​ប្រព័ន្ធទូទាត់​​​ត្រូវ​​បានធ្វើ​​ទំ​នើ​​ប​​ក​ម្មជាលំដាប់សម្រាប់ការសម្រួលដល់ការទូទាត់នៅក្នុងសេដ្ឋកិច្ច ប្រកបដោយប្រសិទ្ធភាព សុវត្ថិភាព​និង​ឆាប់រហ័ស ។

លោកបញ្ជាក់ថា «បច្ចុប្បន្ននេះ ប្រព័ន្ធទូទាត់កម្ពុជា ជាពិសេសប្រព័ន្ធបាគងនិងខេអេចឃ្យូអរ (KHQR) បានសម្រួល​​ដល់​​​ការទូទាត់ឆ្លងគ្រឹះស្ថានធនាគារនិងហិរញ្ញវត្ថុ ជំរុញបរិយាបន្នហិរញ្ញវត្ថុ ព្រមទាំងបានលើកមុខមាត់នៃប្រព័ន្ធទូទាត់​​កម្ពុជា​នៅលើឆាកអន្តរជាតិចំពោះភាពច្នៃប្រឌិតនិងនវានុវត្តន៍ខ្ពស់ ស្របពេលដែលគណនីអ៊ីវ៉ាឡេតបានកើនគួរឡើង​ឱ្យកត់​សម្គាល់ដល់ ១៧,៩ លានគណនី »។

លោកលើកឡើងថា ការតភ្ជាប់ប្រព័ន្ធទូទាត់ជាមួយប្រទេសផ្សេងទៀតនៅក្នុងតំបន់ ត្រូវបានជំរុញជាលំដាប់ សំដៅរួម​​ចំណែក​​លើកកម្ពស់ពាណិជ្ជកម្ម ការវិនិយោគ ទេសចរណ៍ និងការបង្វែរប្រាក់ពីក្រៅប្រទេស ។ កន្លងមក ធនាគារជាតិ​នៃកម្ពុជាបានភ្ជាប់ប្រព័ន្ធទូទាត់ជាមួយប្រទេសថៃ និងម៉ាឡេស៊ី និងកំពុងបញ្ចប់ការតភ្ជាប់ជាមួយប្រទេសឡាវនិង​វៀត​​ណាម ដើម្បីដាក់ឱ្យដំណើរការនាពេលឆាប់ៗនេះ ។ អត្ថប្រយោជន៍នៃទំនើបកម្មប្រព័ន្ធទូទាត់ ត្រូវបានបង្ហាញ​យ៉ាងជាក់​ច្បាស់​ក្នុងងអំឡុងពេលបិទខ្ទប់ ដោយបានគាំទ្រដល់ដំណើរការអាជីវកម្មនានាតាមប្រព័ន្ធអនឡាញ និងវិធាន​ការគាំ​​ពារ​សង្គម-សេដ្ឋកិច្ចរបស់រាជរដ្ឋាភិបាលក្នុងការផ្ទេរប្រាក់ឧបត្ថម្ភដល់កម្មករ-និយោជិតនិង​ប្រជា​​ពលរដ្ឋក្រី​​ក្រនិង​ងាយ​រង​គ្រោះ បានភ្លាមៗនិងមានតម្លាភាព ៕

អត្ថបទ៖ សារេត

The post ការជួញដូរ​តាមអន​​ឡាញ​​ក្នុងទី​​ផ្សារ​​កម្ពុជា​ មាន​​និន្នា​​ការ​​​​កើ​ន​ឡើង​យ៉ាង​រហ័ស appeared first on .

សូមអានពិស្តារបញ្ជីឈ្មោះក្រុមហ៊ុន និងអាជីវកម្មត្រូវបានដកហូតអាជ្ញាប័ណ្ណ និងលិខិតអនុញ្ញាតិ ដូចខាងក្រោម៖

The post ក្រុមហ៊ុន/អាជីវកម្មប្តូរប្រាក់ចំនួន ៥៨ ធនាគារជាតិនៃកម្ពុជា ដកហូតអាជ្ញាប័ណ្ណនិងលិខិតអនុញ្ញាត appeared first on .

ថ្លែងក្នុងពិធីបើកវេទិកាហិរញ្ញវត្ថុសហគ្រាសធុនតូចនិងមធ្យមសកលប្រចាំឆ្នាំ២០២២ កាលពីថ្ងៃទី២១ កញ្ញាម្សិលមិញ ទេសាភិបាលធនាគារជាតិនៃកម្ពុជា លោក ជា ចាន់តូ បានបញ្ជាក់ថា សហគ្រាសធុនតូចនិងមធ្យម ដើរតួនាទីយ៉ាងសំខាន់ក្នុងការបង្កើតឱកាសការងារ បង្កើនប្រាក់ចំណូលដើម្បីកាត់បន្ថយភាពក្រីក្រ និងជំរុញកំណើនសេដ្ឋកិច្ចជាតិ សម្រាប់ប្រទេសកំពុងអភិវឌ្ឍន៍។

លោកថា ទន្ទឹមនឹងសារៈសំខាន់នេះ សហគ្រាសធុនតូចនិងមធ្យមតែងជួបបញ្ហាប្រឈមជាច្រើន ជាពិសេសបញ្ហាប្រឈមចម្បងជាងគេគឺការទទួលបានសេវាហិរញ្ញវត្ថុផ្លូវការ។

ជាមួយគ្នានេះ លោកក៏លើកឡើងពីនិន្នាការសកលទាក់ទងនឹងការវិវត្តនូវបច្ចេកវិទ្យាហិរញ្ញវត្ថុដែលកំពុងក្លាយជាដំណោះស្រាយយ៉ាងមានប្រសិទ្ធភាពក្នុងការពង្រីកវិសាលភាពនៃការផ្តល់សេវាហិរញ្ញវត្ថុទៅដល់ម្ចាស់សហគ្រាសធុនតូចនិងមធ្យម។ ជាក់ស្តែង ការអភិវឌ្ឍយ៉ាងជោគជ័យនៃប្រព័ន្ធទូទាត់បាគងរបស់ធនាគារជាតិនៃកម្ពុជា បានសម្រួលដល់ការរស់នៅប្រចាំថ្ងៃរបស់អ្នកប្រើប្រាស់ទូទៅ និងអាជីវកម្មខ្នាតតូចនៅកម្ពុជា តាមរយៈការផ្តល់សេវាទូទាត់ងាយស្រួល ឆាប់រហ័ស មានសុវត្ថិភាពខ្ពស់ និងចំណាយទាប ដែលជាកត្តារួមចំណែកយ៉ាងសំខាន់ធ្វើឱ្យសហគ្រាសធុនតូចនិងមធ្យមជាច្រើននៅកម្ពុជា បន្តសកម្មភាពអាជីវកម្មជាប្រក្រតី ទោះបីអំឡុងពេលមានការរាលដាលជំងឺកូវីដ-១៩ ក៏ដោយ។

ធនាគារអភិវឌ្ឍន៍អាស៊ី (ADB) បានបង្ហាញរបាយការណ៍ថា សហគ្រាសធុនតូចនិងមធ្យម នៅកម្ពុជា ត្រូវបានប៉ាន់ស្មានថា មានប្រមាណ៩៩% នៃសហគ្រាសសរុប ដែលបានរួមចំណែកជិត៦០% នៃផលិតផលក្នុងស្រុក និងបង្កើតការងារជាង៧០% នៃកម្លាំងពលកម្ម។ ក៏ប៉ុន្តែ វិស័យ SME នៅកម្ពុជា បច្ចុប្បន្ន ហាក់នៅមានកម្រិត និងមានបញ្ហាប្រឈមជាច្រើន ដែលអាចជាឧបសគ្គក្នុងការអភិវឌ្ឍន៍ប្រកបដោយចីរភាពក៏ថាបាន៕

The post លោក ជា ចាន់តូ៖ វិស័យSME តែងជួបបញ្ហាប្រឈមជាច្រើន ពិសេសការទទួលបានសេវាហិរញ្ញវត្ថុផ្លូវការ appeared first on .