គួរបញ្ជាក់ថា លោក វេង សាខុន ត្រូវបានព្រះមហាក្សត្រ ចេញព្រះរាជក្រឹត្យបញ្ចប់មុខតំណែង ពីរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពី​ល្ងាចថ្ងៃសៅរ៍ ទី៨ ខែតុលា ឆ្នាំ២០២២។ លោក បានឡើងកាន់​តំណែងជារដ្ឋមន្ត្រី​ក្រសួង​កសិ​កម្ម រុក្ខាប្រមាញ់ និងនេសាទ ពីឆ្នាំ២០១៦ ដល់ឆ្នាំ២០២២ ។

ក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យភ្នំពេញអន្តរជាតិ (PPIU) កាលព្រឹក​ថ្ងៃទី១១ ខែតុលា ឆ្នាំ២០២២។សម្តេចតេជោ ហ៊ុន សែន លើកឡើងថា សម្តេច បានស្នើទៅព្រះមហាក្សត្រ តែងតាំងលោក​ វេង សាខុន ជារដ្ឋមន្ត្រីប្រតិភូ​អមនាយករដ្ឋមន្ត្រី។

សម្តេចតេជោ ហ៊ុន សែន បើទោះបីជាត្រូវបានដកតំណែងពីរដ្ឋមន្ត្រីក្រសួងកសិកម្ម ក៏ដោយ ក៏ប៉ុន្តែ​លោក វេង សាខុន ក៏ធ្លាប់ធ្វើការងារជាមួយគ្នាជាយូរមកហើយ រដ្ឋាភិបាលមិនបោះបង់មន្ត្រីណាម្នាក់ចោលនោះទេ ប៉ុន្តែយើងត្រូវការ ការ ទទួលខុសត្រូវលើសពីនេះ ដើម្បីជំរុញវិស័យកសិកម្មឱ្យលឿនទៅមុខបន្ថែមទៀត។

The post ព្រះមហាក្សត្រ ត្រាស់បង្គាប់​តែងតាំងលោក វេង សាខុន ជារដ្ឋមន្ត្រីប្រតិភូ​អមនា​យករដ្ឋមន្ត្រី appeared first on .

កាលពីថ្ងៃទី៨ ខែតុលា ឆ្នាំ២០២២នេះ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ បញ្ចប់មុខដំណែងរដ្ឋមន្ត្រីក្រសួងកសិកម្ម ពីលោក វេង សាខុន ស្របពេលលោកទើបមកពីបំពេញបេសកកម្មផ្លូវការមួយសប្តាហ៍នៅអ៊ីរ៉ុប។ ប៉ុន្មានម៉ោងក្រោយមក រាជរដ្ឋាភិបាលក៏សម្រេចចាត់តាំងលោក អូន ព័ន្ធមុន្នីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ជារដ្ឋមន្ត្រីស្តីទី។

មន្រ្តីក្រសួងកសិកម្ម ប្រាប់សារព័ត៌មានឧកញ៉ាញូស៍ឲ្យដឹងថា លោក វេង សាខុន ការបំពេញបេសកកម្មការងារនៅអឺរ៉ុបមួយសប្តាហ៍ ទាក់ទងទៅនឹងការពង្រឹងសុវត្ថិភាពស្បៀងជាសកល និងការស្វះស្វែងរកការគាំទ្រគម្រោងពង្រឹង ការផលិតផលកសិកម្មប្រកបដោយសុវត្ថិភាពស្របតាមស្តង់ដាអឺរ៉ុប នៅកម្ពុជា។

លោកបន្តថា ឱកាសបំពេញបេសកកម្មនោះលោក វេង សាខុន បានដឹកនាំគណៈប្រតិភូចូលរួមក្នុងវេទិកាអន្តរជាតិស្តីពី “សុវត្ថិភាពម្ហូបអាហារ” តបតាមការអញ្ជើញពីអង្គការអភិវឌ្ឍន៍ឧស្សាហកម្មសហប្រជាជាតិ (UNIDO) ចាប់ពីថ្ងៃទី០២ ដល់ថ្ងៃទី០៧ ខែតុលា ឆ្នាំ២០២២ នៅប្រទេសអូទ្រីស និងប្រទេសប៉ែលហ្សិច។

រយៈពេលមួយសប្តាហ៍នៅអឺរ៉ុប អតីតរដ្ឋមន្រ្តីក្រសួងកសិកម្ម ក៏មានជំនួបជាមួយស្ថាប័ន អង្គការ សហគ្រាស ដែលធ្វើការក្នុងវិស័យកសិកម្ម។ ពិសេសការងារអាទិភាពចម្បងក្នុងការកែលម្អហេដ្ឋារចនាសម្ព័ន្ធប្រកបដោយគុណភាព ការកែច្នៃផលិតផលជលផល និងសុវត្ថិភាពចំណីអាហារនៅកម្ពុជា។

សូមជម្រាបជូនថា ក្រសួង​កសិកម្មដែលមាន​លោក​វេង សាខុន ជា​រដ្ឋមន្រ្តី ក៏​បាន​សម្រេច​ជោគជ័យក្នុង​ការ​ចុះ​កិច្ច​ព្រមព្រៀង​ជាមួយ​ប្រទេស​ចិន​ដើម្បី​នាំ​ចេញ​ស្វាយស្រស់ និង​ចេក​លឿង​ ​ដំណាំ​​តាង៉ែនឬមៀនប៉ៃលិន ដែលជា​​ដំណាំ​ដ៏​មាន​សក្តានុពល ក៏កំពុង​ស្ថិត​នៅក្នុង​ដំណាក់កាលត្រៀម​នាំ​ចេញ​ដោយ​ផ្ទាល់​ទៅចិន ខណៈកន្លងទៅ​មាន​ការ​រាំង​ស្ទះ​ដោយសារ​ខ្វះទីផ្សារ​នាំ​ចេញ៕

The post ការងារផ្លូវការចុងក្រោយបំផុតអតីតរដ្ឋមន្រ្តីក្រសួងកសិកម្ម វេង សាខុន នៅប្រទេសណាខ្លះ? appeared first on .

លោករដ្ឋមន្ដ្រី វេង សាខុន បានបញ្ជាក់ថា ភាពជោគជ័យរបស់និស្សិត គឺបានមកពីការឆក់យកឱកាសដ៏ប្រសើរធ្វើការអភិវឌ្ឍសមត្ថភាពខ្លួនតាមរយៈការសិក្សារៀនសូត្រ ក្រេបជញ្ជក់នូវរាល់ទ្រឹស្តី និងអនុវត្តជាក់ស្តែងនៅក្នុងមន្ទីរពិសោធន៍ រោងចក្រកែច្នៃ ចម្ការបន្លែ ផ្លែឈើ ពូជដំណាំ ថ្នាលពិសោធន៍ កសិដ្ឋានគោទឹកដោះ និងផ្កា ដែលប្រើប្រាស់បច្ចេកវិទ្យាទំនើបៗរបស់រដ្ឋអ៊ីស្រាអែលក្នុងរយ:ពេល ១១ខែកន្លងមក។

លោកបន្តថា ចំណេះដឹង និងបទពិសោធន៍ល្អៗរបស់និស្សិតកម្ពុជា គឺជាធនធានដ៏មានតម្លៃសម្រាប់កសាង និងអភិវឌ្ឍប្រទេសជាតិ ជាពិសេសសម្រាប់អនាគតដ៏ភ្លឺស្វាងរបស់គ្រួសារ និងខ្លួនឯងផ្ទាល់។

ទន្ទឹមនឹងនេះ លោករដ្ឋមន្ត្រីក៏បានណែនាំឲ្យនិស្សិតគ្រប់រូបត្រូវនាំយកចំណេះដឹង និងបទពិសោធន៍ល្អៗ ត្រឡប់ទៅកាន់មាតុភូមិវិញ នាំគ្នាចូលរួមទាំងកាយ ចិត្ត និងចំណេះដឹងបច្ចេកទេសកសិកម្មល្អៗទៅកសាង និងអភិវឌ្ឍប្រទេសឲ្យមានការរីកចម្រើន ពិសេសធ្វើការអភិវឌ្ឍវិស័យកសិកម្មកម្ពុជា ជាជំហានៗប្រកបដោយចីរភាព និរន្តរភាព មានលក្ខណៈប្រកួតប្រជែង បរិយាប័ន្ន ធន់នឹងការប្រប្រួលអាកាសធាតុ និងនរវានុវត្តន៍។

សូមជម្រាបថា សាកលវិទ្យាល័យភូមិន្ទកសិកម្មកម្ពុជា បានបង្កើតកិច្ចសហប្រតិបត្តិការជាមួយក្រុមហ៊ុន AgroStudies (Agriculture Capacity Building) តាំងពីឆ្នាំ២០០៨ ។ ហើយគិតមកដល់ឆ្នាំ ២០២២ AgroStudies បានបណ្តុះបណ្តាលនិស្សិតកម្ពុជាចំនួន ១ ៤៦៩នាក់រួចហើយ។

បើតាមក្រសួងកសិកម្ម ដោយសារតែពួកគេបានរៀន និងកែលម្អកម្រិតសមត្ថភាព ជំនាញបច្ចេកទេស ការទំនាក់ទំនង បទពិសោធន៍នៅក្រៅប្រទេស បានជួយឱ្យតម្លៃរបស់និស្សិតមាននៅលើទីផ្សារការងារខ្ពស់ ហើយដើមទុនជាពុទ្ធិដ៏រឹងមាំនេះ បានធ្វើឲ្យនិស្សិតភាគច្រើន ទទួលបាទជោគជ័យក្នុងជីវិតតារយ:មានការងារក្នុងតំណែង និងតួនាទីល្អនៅតាមបណ្តាក្រុមហ៊ុន និងកសិដ្ឋាន ក្លាយជាអ្នកជំនាញផ្សព្វផ្សាយបច្ចេកទេសកសិកម្ម ក្លាយជាកសិ-ធុរកិច្ច សហគ្រិនវ័យក្មេងនាំមុខក្នុងប្រទេសទៀតផង៕

The post ក្រសួងកសិកម្ម បង្ហាញជំនឿចិត្តខ្ពស់លើនិស្សិត ២០០នាក់ទើបបញ្ចប់ការសិក្សាបច្ចេកទេសកសិកម្ម ពីអ៊ីស្រាអែល appeared first on .

តាម​សេចក្តីជូនដំណឹង​របស់លោក​រដ្ឋមន្រ្តី ការអនុវត្តបែបនេះគឺផ្ទុយទៅនឹងច្បាប់ លិខិតបទដ្ឋានគតិយុត្តនានាពាក់ព័ន្ធនឹងការផ្តល់សេវា និងការប្រមូលចំណូល​មិនមែនសារពើពន្ធនៅរដ្ឋបាលថ្នាក់ក្រោមជាតិ ព្រមទាំងបង្កឱ្យមានផលប៉ះពាល់ដល់បរិយាកាសនៃការធ្វើអាជីវកម្មសត្វ និង ផលិតផលមានដើមកំណើតពីសត្វរបស់វិស័យឯកជនផងដែរ។

ពាក់ព័ន្ធនឹងករណីនេះ ក្រសួងកសិកម្ម រុក្ខាប្រមាញ់ និងនេសាទស្នើរដ្ឋបាលខេត្តកំពង់ធំ ខេត្តសៀមរាប និងខេត្តព្រះវិហារ ត្រូវអនុវត្តដូចខាងក្រោម៖

១- និរាករនូវរាល់គោលការណ៍អនុញ្ញាតទាំងអស់ ដែលរដ្ឋបាលខេត្តសាមីនីមួយៗបានផ្តល់ជូនទៅ រូបវន្តបុគ្គល ឬនីតិបុគ្គលឱ្យធ្វើអាជីវកម្មប្រមូលកម្រៃសេវានាំសត្វ និងផលិតផលមានដើមកំណើតពីសព្វចតុប្បាទ (គោ ក្របី ជ្រូក) ឆ្លងកាត់ និងចេញក្រៅខេត្ត ដែលបាននិងកំពុងអនុវត្តនាពេលបច្ចុប្បន្ន។
២-ជំរុញនិងណែនាំឱ្យប្រជាពលរដ្ឋ និងអ្នកពាក់ព័ន្ធដាក់ពាក្យស្នើសុំសេវានៅអង្គភាពច្រកចេញចូល តែមួយ និងបង់កម្រៃសេវាតាមការកំណត់នៅក្នុងលិខិតបទដ្ឋានគតិយុត្តដែលមានជាធរមាន៕

The post រដ្ឋមន្រ្តីក្រសួងកសិកម្ម ណែនាំ​​ខេត្តចំនួន ៣ បញ្ឈប់​អនុញ្ញាតឱ្យក្រុមហ៊ុនឯកជនធ្វើ​អាជីវកម្ម​យកកម្រៃ​សេវា​នាំ​សត្វ​​​គោ ក្របី ជ្រូក ឆ្លងកាត់និងចេញក្រៅខេត្ត appeared first on .

ក្នុងន័យនេះ លោក​រដ្ឋមន្រ្តី​ចង់ស្រាយបញ្ជាក់ថា រាល់ផលិតផលដែលកសិករ ផលិតករ ធ្វើបានគឺមិនអាចដាក់ល្អី ដាក់កញ្ជើយកទៅលក់នៅក្រៅប្រទេសបានទេ បញ្ហានេះទាក់ទងទៅនឹងលទ្ធភាពនៃការនាំចេញរបស់ កសិករនិងផលិតករ។

ប្រសិនបើវិស័យឯកជនមិនមានសមត្ថភាព​ក្នុងការគ្រប់គ្រង កែច្នៃ ប្រកបដោយគុណភាព និងសុវត្ថិភាពចំណីអាហារនោះទេ ប្រាកដណាស់ថាគ្មានការគ្រាំទ្រចំពោះស្ថាប័ននោះឡើយ។

ក្នុងនេះផងដែរលោក វេង សាខុន ក៏បានសំណូមពរដល់ផលិតករ អ្នកផលិតទាំងអស់សូមពិនិត្យឡើងវិញនូវគុណភាពរបស់ផលិតផល ភ្ជាប់ជាមួយនិងរសជាតិផងដែរ។ បញ្ហារសជាតិនេះជារឿងសំខាន់ណាស់ ដែលត្រូវតែស្វែងយល់បន្ថែមឱ្យកាន់តែច្បាស់និងស៊ីជម្រៅ។

លោក​បាន​លើកជា​ឧទាហរណ៍ “មិនគួរធ្វើប្រៃពេកទេព្រោះអាចធ្វើឱ្យអ្នកបរិភោគកើតជំងឺមហារីក ក៏មិនគួរធ្វើផ្អែមពេកដែរ។បច្ចុប្បន្ននេះ UNIDO កំពុងតែគិតគូរលើបញ្ហានេះសម្រាប់អាជីវករ”។

សហគ្រាសចំនួន ១៧ នៅកម្ពុជា ទទួលបានថវិកាសរុបប្រមាណ៥0ម៉ឺនដុល្លារពីកញ្ចប់វិនិយោគកម្មវិធី VCIS ដើម្បីគាំទ្រដល់ ដំ​ណើរការ​ផលិតកម្មផលជលផល។ ពិធីប្រគល់កញ្ចប់វិនិយោគនៃកម្មវិធី VCIS ដល់សហគ្រាសជលផល​ក្រោយពេល​ប្រ​មូល​​ផល រៀប​​ចំឡើង​​ដោយ​​រដ្ឋបាលជលផល សហការជាមួយអង្គការ UNIDO ក្រោមវត្តមានឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ កាលពីម្សិលមិញនេះ។

VCIS គឺជាយន្តការសហវិនិយោគ រវាងកម្មវិធីជាមួយសហគ្រិនជលផលក្រោយប្រមូលផលដែលមានលក្ខណៈសម្បត្តិគ្រប់គ្រាន់ ដើម្បីធ្វើការជាមួយគ្នាក្នុងការកែលម្អប្រតិបត្តិការអាជីវកម្មរបស់ពួកគេឱ្យអនុលោមទៅតាមស្ដង់ដារសុវត្ថិភាពចំណីអាហារ។

យន្តការនេះនឹងជួយឱ្យអាជីវកម្មក្នុងស្រុករីកចម្រើនប្រកបដោយ ចីរភាព និងផ្ដល់ផលប៉ះពាល់ជាវិជ្ជមានដល់សង្គម សេដ្ឋកិច្ច និង បរិស្ថាន៕

The post លោកវេង សាខុន៖ វិស័យ​ឯកជន ជាស្ពាន​ចម្លង​​នាំផលិតផលកសិករ ទៅកាន់ទីផ្សារក្រៅប្រទេស appeared first on .

លោក វេង សាខុន រដ្ឋមន្ត្រីក្រសួងកសិកម្ម រុក្ខា ប្រមាញ់និងនេសាទនៃប្រទេសកម្ពុជា​បានឲ្យដឹងថា រយៈពេល ៥ ឬ ៦ឆ្នាំចុងក្រោយនេះ ភាគីទាំងពីរបានធ្វើការដោះរបាំងភូតគាមអនាម័យ ចំនួន៦មុខ ហើយ រួមមាន ដំឡូងមី ពោត កញ្ចុង​អង្ករ ស្វាយ និងចេក ដែលបាននាំចេញទៅចិន រួចរាល់ហើយ ដោយពេលនេះកំពុងចរចាគ្នា លើការនាំចេញ២មុខទៀត គឺផ្លែតាង៉ែន និង ត្រីប្រា ដែលសង្ឃឹមថា នឹងបញ្ចប់នៅពាក់កណ្តាលខែកក្កដា ២០២២នេះ។

ក្រៅពីនេះ លោកថា ភាគីទាំងពីរក៏បានពង្រឹងកិច្ចសហប្រតិបត្តិការ ពាក់ព័ន្ធនឹងវិស័យព្រៃឈើ រួមមានដូចជា ការ​អភិ​រក្ស​សត្វព្រៃ ការកសាងសមត្ថភាព ផ្លាស់ប្តូរទស្សនកិច្ច ក្នុងនោះ មានការចុះអនុស្សរណៈយោគយល់គ្នា១០ គម្រោង ក្នុង​វិស័យ​ព្រៃឈើនេះ ។ វិស័យជលផល ក៏ប្រទេសទាំងពីរបានធ្វើកិច្ចសហប្រតិបត្តិការជាមួយគ្នា រួមមាន ដូចជា  វិធាន​ការទប់ស្កាត់បទល្មើសនេសាទ ក្នុងលំហសមុទ្រ ជាដើម។ ក្រៅពីនេះ ក៏មានកិច្ចសហប្រតិបត្តិការមេគង្គ -ឡានឆាង ដោយក្រសួងកសិកម្មបានទទួល ៦ គម្រោង ដែលបាននិងកំពុងអនុវត្ត ជាបន្តបន្ទាប់។

គួរបញ្ជាក់ថា ក្រសួងកសិកម្ម រុក្ខា ប្រមាញ់និងនេសាទ បានឲ្យដឹងដែរថា ក្រៅពីគម្រោងខាងលើ មានគម្រោង​ដែល​សំខាន់មួយទៀតដែរ គឺភាគីចិនបាននិងកំពុង ជំរុញផែនការអនុវត្តផែនការទំនើបកម្មកសិកម្ម នៅកម្ពុជា បានចុះវាយតម្លៃ​នៅតាមបណ្តាខេត្ត អំពីស្ថានភាពនៅកម្ពុជា។តាមរយៈគម្រោងនេះ  រដ្ឋមន្រ្តីក្រសួងកសិកម្ម ក៏បានបង្ហាញការ​ជឿជាក់ដែរ​ថា បេសកកម្មរបស់មិត្តចិន អាចនឹងបន្តការសិក្សាបន្ថែមទៀត តាមរយៈការចុះអនុស្សរណៈយោគយល់គ្នា នាពេលកន្លង​មក៕

The post កម្ពុជា-ចិន រំពឹងថា ការចរចាលើការនាំចេញ​ផ្លែតាង៉ែន និងត្រីប្រា ​នឹង​​បញ្ចប់ក្នុងខែកក្កដាខាងមុខនេះ appeared first on .

ក្នុងជំនួបការទូតនេះ លោករដ្ឋមន្ត្រីក៏បានលើកយកបញ្ហាប្រឈមសំខាន់ៗ ដែលជាឧបសគ្គដល់ការអភិវឌ្ឍវិស័យកសិកម្ម ទាក់ទងទៅនឹងការនាំចេញផលិតផលមួយចំនួនត្រូវបានធ្លាក់ចុះ ដែលបញ្ហានេះបណ្តាលមកពីទី១- វិបត្តិជំងឺឆ្លងសកលកូវីដ-១៩ និងទី២- សង្គ្រាមរវាងរុស្សី-អ៊ុយក្រែន (ប្រេងសាំង និងតម្លៃដឹកជញ្ជូនត្រូវបានកើនឡើងទាំងក្នុងស្រុក និងអន្តរជាតិ)។

លោកបន្តថា បច្ចុប្បន្នស្ថានភាពនៃជំងឺឆ្លងនេះនៅកម្ពុជាមានលក្ខណ:ល្អប្រសើរឡើងវិញជាបណ្តើរៗ នោះក៏ដោយសារប្រមុខរាជរដ្ឋាភិបាលកម្ពុជាដាក់ចេញនូវវិធានការសំខាន់ៗ និងបន្ទាន់ក្នុងការទប់ស្កាត់ការរីករាលដាលជំងឺឆ្លងនេះពីសហគមន៍មួយទៅសហគមន៍មួយ តាមរយ:យុទ្ធនាការចុះចាក់វ៉ាក់សាំងការពារជូនប្រជាពលរដ្ឋបានទាន់ពេលវេលា និងមានប្រសិទ្ធភាព ធ្វើឲ្យសកម្មភាពសង្គម សេដ្ឋកិច្ចជារួមចាប់ផ្តើមដំណើរដូចប្រក្រតីឡើងវិញ។

ជាមួយគ្នានេះដែរ លោករដ្ឋមន្ត្រីបានស្នើឲ្យរដ្ឋាភិបាលបារាំង តាមរយ:ឯកអគ្គរដ្ឋទូតថ្មីផ្តល់ឱកាសឲ្យកសិផលកម្ពុជានាំចូលទីផ្សារបារាំង និងទីផ្សារអ៊ីរ៉ុបកាន់តែច្រើនឡើងថែមទៀត ពិសេសអង្ករ។ លោករដ្ឋមន្ត្រីសង្ឃឹម និងជឿជាក់ថាក្នុងអាណត្តិការទូតរបស់លោកឯកអគ្គរដ្ឋទូត ប្រទេសទាំងពីរនឹងបន្តពង្រឹងកិច្ចសហប្រតិបត្តិការល្អលើគ្រប់វិស័យ ជាពិសេសលើវិស័យកសិកម្ម និងដោយឡែកលើផលិតផលកសិកម្មដែលបានកែច្នៃហើយ និងចូលរួមចំណែកពង្រឹងសមត្ថភាពលើខ្សែច្រវាក់តម្លៃបន្ថែម។

ទន្ទឹមនឹងនេះ ក្រសួងកសិកម្មមានក្តីសង្ឃឹមថា ភាគីបារាំងនឹងជួយជាធនធានថវិការ និងចែករំលែកបទពិសោធន៍លើការងារគ្រប់គ្រង និងអភិរក្សធនធានព្រៃឈើ និងជលផល ហើយនិងវារីវប្បកម្មនៅកម្ពុជា ឲ្យកាន់តែល្អប្រសើរទ្វេឡើងថែមទៀត។

ថ្លែងក្នុងឱកាសនោះដែរ លោក Jacques PELLET ឯកអគ្គរដ្ឋទូតនៃសាធារណ:រដ្ឋបារាំង បានបង្ហាញនូវការប្តេជ្ញាធ្វើកិច្ចសហប្រតិបត្តិការលើវិស័យកសិកម្មដោយលោកនឹងខិតខំពង្រឹង និងពង្រីកបន្ថែមទៀត ជាពិសេសលើចំណុចសំខាន់ៗដែលលោក វេង សាខុន បានលើកឡើងស្នើរដ្ឋាភិបាលបារាំង៕

The post រដ្ឋមន្ត្រីកសិកម្មកម្ពុជា ស្នើបារាំងផ្តល់ឱកាសឱ្យកសិករនាំផលិតផលទៅកាន់ទីផ្សារបារាំង និងអ៊ីរ៉ុបបន្ថែម appeared first on .

នៅទីស្តីការក្រសួងកសិកម្ម រុក្ខាប្រមាញ់ និងនេសាទ លោក SANJAY C. KiRLOSKAR នាយកនិងអ្នកគ្រប់គ្រងទូទៅ​ក្រុមហ៊ុន A Kirloskar Group Company ​បាន​ឲ្យ​ដឹង​ថា តាម​រយៈការ​ប្រែក្លាយវិស័យកសិកម្មកម្ពុជា ទៅជាកសិកម្មទំនើប អាចជួយកាត់បន្ថយថ្លៃដើមផលិត ដែលត្រូវចំណាយរបស់កសិករ និង​មានលក្ខណ:ងាយស្រួលប្រើ សមស្របទៅតាមបរិបទនៃការវិវឌ្ឍន៍រីកចម្រើនផ្នែកបច្ចេកវិទ្យាកសិកម្ម (Modern agriculture technology) និងភាតរបរិស្ថាន។

លោកនាយកក្រុមហ៊ុនបានបង្ហាញពីឆន្ទ:ក្រុមការងារបច្ចេកទេស នឹងខិតខំធ្វើឲ្យគ្រោងការ​នេះ ដំណើរការក្នុងពេលឆាប់ៗខាងមុខ ឆ្លើយតបសេចក្តីត្រួវការរបស់កសិករបានទាន់ពេល ហើយលោកសង្ឃឹមថា នឹងទទួលបានប្រយោជន៍យ៉ាងច្រើនពីបច្ចេកវិទ្យាទំនើបមួយនេះ។

លោក វេង សាខុន រដ្ឋមន្ត្រីក្រសួង​កសិកម្ម​បាន​ឲ្យ​ដឹង​ថា ដោយសារកំណើនប្រជាជន សេចក្តីត្រូវការស្បៀងទាំងបរិមាណ និងគុណភាពកាន់តែកើនឡើងជាបន្តបន្ទាប់ ស្របទៅតាមការវិវឌ្ឍន៍រីកចម្រើនទាំងសេដ្ឋកិច្ច និងសង្គម ហើយនេះគឺជាហេតុផលដែលក្រសួងកសិកម្ម រុក្ខាប្រមាញ់ និងនេសាទ បាននិងកំពុងជំរុញ គាំទ្រ និងលើកទឹកចិត្តឲ្យប្រជាកសិករ និងវិស័យឯកជនប្រើប្រាស់បច្ចេកវិទ្យាកសិកម្មទំនើប។

សម្រាប់គម្រោងនេះ លោក​រដ្ឋមន្ត្រីសង្ឃឹមថា នឹងចូលរួមចំណែកធ្វើឲ្យគោលនយោបាយអភិវឌ្ឍន៍វិស័យកសិកម្ម (ការធ្វើទំនើបកម្មកសិកម្ម) ២០២២ -២០៣០ របស់រាជរដ្ឋាភិបាល ក៏ដូចជារបស់ក្រសួងកសិកម្ម រុក្ខាប្រមាញ់ និងនេសាទ អាចឈានទៅដល់គោលដៅតាមផែនការដែលបានគ្រោងទុកគឺប្រែក្លាយប្រទេសកម្ពុជាទៅជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០។

យ៉ាងណាមិញ ទាក់ទង​កិច្ចការស៊ីជម្រៅទាក់ទងបច្ចេកទេស និងការអនុវត្តជាក់ស្តែង លោក​រដ្ឋមន្ត្រីបានណែនាំឲ្យក្រុមហ៊ុនបន្តធ្វើកិច្ចការជាមួយអគ្គនាយកដ្ឋានកសិកម្ម ហើយ​ក្រសួងនឹងរង់ចាំផ្តល់កិច្ចសហការបន្ថែមតាមការចាំបាច់ ដើម្បីឲ្យគម្រោងនេះដំណើរការទៅដោយរលូន និងទទួលបានជោគជ័យ៕

The post ក្រុមហ៊ុន​ឥណ្ឌា​ជួប​មន្រ្តីកម្ពុជា ណែនាំ​​បច្ចេកទេស​ប្រែក្លាយវិស័យកសិកម្មកម្ពុជា ទៅជាកសិកម្មទំនើប appeared first on .

ជំនួបរវាងរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ​ក្រុមហ៊ុន A Kirloskar Group Company គឺក្នុងគោលបំណង​ ដើម្បីស្នើ​សុំការ​ណែនាំលើកម្មវត្ថុនៃការធ្វើទំនើបកម្មកសិកម្ម សម្រាប់ដំណាំកសិឧស្សាហ​កម្ម ឈើ​​ហូបផ្លែ បន្លែ និងការ​ចិញ្ចឹមសត្វ ដោយប្រើប្រាស់បច្ចេ​កវិទ្យា​ទំនើបចុងក្រោយរបស់ឥណ្ឌា។

បន្ទាប់ពីបានស្តាប់ដោយសង្ខេបអំពីគោលបំណងរបស់ក្រុមហ៊ុនរួចមក លោក វេង សាខុន រដ្ឋមន្ត្រីក្រសួងកសិកម្ម រុក្ខា​ប្រមាញ់ និងនេសាទ បានសម្តែងនូវការស្វាគមន៍ និងគាំទ្រលើ​គោលបំណងរបស់ក្រុមហ៊ុន ដោយបានបញ្ចេញទស្សន:​ចំបង​ពីរ​សំខាន់នោះគឺ ៖ ១- អាចជួយកាត់បន្ថយថ្លៃដើមផលិត ដែលត្រូវចំណាយរបស់កសិករ និង២- មាន​លក្ខណ:​ងាយ​ស្រួលប្រើ សមស្របទៅ​តាមបរិបទនៃការវិវឌ្ឍន៍​រីកចម្រើនផ្នែក​បច្ចេកវិទ្យាកសិកម្ម (Modern agriculture technol​ogy)​ និងភាតរបរិស្ថាន។

លោករដ្ឋមន្ត្រី បានបញ្ជាក់ថា ដោយសារកំណើនប្រជាជន សេចក្តីត្រូវការស្បៀង​ទាំង​​បរិ​មាណ និងគុណភាព​កាន់តែកើន​ឡើងជាបន្តបន្ទាប់ស្របទៅតាមការវិវឌ្ឍន៍រីកចម្រើនទាំងសេដ្ឋកិច្ច និងសង្គម ហើយនេះគឺជាហេតុផលដែល​ក្រសួង​កសិ​កម្ម រុក្ខាប្រមាញ់ និងនេសាទ បាននិងកំពុងជំរុញ គាំទ្រ និងលើកទឹកចិត្តឲ្យប្រជាកសិករ និងវិស័យឯកជន​ប្រើប្រាស់​បច្ចេកវិទ្យាកសិកម្មទំនើប ។

សម្រាប់គម្រោងនេះ លោករដ្ឋមន្ត្រី មានក្តីសង្ឃឹមថា នឹងចូលរួមចំណែកធ្វើឲ្យគោលនយោបាយ​អភិវឌ្ឍន៍​វិស័យ​កសិកម្ម ២០២២ -២០៣០ របស់រាជរដ្ឋាភិបាល ក៏ដូចជារបស់ក្រសួងកសិកម្ម រុក្ខា​ប្រមាញ់ និងនេសាទ អាចឈានទៅ​ដល់​គោល​ដៅតាមផែនការដែលបានគ្រោងទុក​គឺប្រែក្លាយ​ប្រទេសកម្ពុជាទៅជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០។

កិច្ចការស៊ីជម្រៅទាក់ទងបច្ចេកទេស និងការអនុវត្តជាក់ស្តែង លោករដ្ឋមន្ត្រីបានណែនាំ​ឲ្យក្រុមហ៊ុន​បន្តធ្វើកិច្ចការ​នេះ​ជាមួយ​​អគ្គនាយកដ្ឋានកសិកម្ម ដោយឡែកក្រសួងនឹងរង់ចាំផ្តល់កិច្ចសហការ​បន្ថែមតាមការចាំបាច់ ដើម្បី​ឲ្យគម្រោង​នេះ​ដំណើរ​ការទៅដោយរលូន និងទទួលបានជោគជ័យ។

ជាមួយគ្នានេះ លោកនាយកក្រុមហ៊ុន បានបង្ហាញពីឆន្ទ:ថា ក្រុមការងារបច្ចេកទេសនឹងខិតខំធ្វើឲ្យគ្រោងនេះ បាន​ដំណើរការ​ក្នុងពេលឆាប់ៗខាងមុខ ឆ្លើយតបសេចក្តីត្រួវការរបស់កសិករបានទាន់ពេល ហើយ​​សង្ឃឹមថា កសិករនឹងទ​ទួល​បាន​ប្រយោ​ជ​ន៍​យ៉ាង​ច្រើនពីបច្ចេក​វិទ្យាទំនើបមួយនេះ ៕

The post ក្រុមហ៊ុនរបស់ឥណ្ឌា ជួបរដ្ឋមន្ត្រី​កសិកម្មកម្ពុជា ដើម្បីណែ​នាំ​​​​​​ពីទំនើប​កម្មកសិកម្ម​ដោយ​ប្រើ​បច្ចេកវិទ្យា​​ចុងក្រោយ appeared first on .

ក្នុងជំនួ​ប​ជាមួយក្រុមវិនិយោគិនចិនកាលពីម្សិលមិញ​ ​រដ្ឋមន្ត្រីក្រសួង​កសិកម្ម​លោក​ វេង សាខុន បានសម្តែងការស្វាគមន៍និងគាំទ្រ ដើម្បីចូលរួមលើកកម្ពស់ផលិតកម្មកាហ្វេនៅកម្ពុជា ក្នុងការឆ្លើយតបតាមតម្រូវការទីផ្សានាំចេញ។

រដ្ឋមន្ត្រីក៏បានជូនយោបល់ដល់គណៈប្រតិភូថា នៅខេត្តមណ្ឌលគីរីមាន​សក្តានុពលលើកា​រដាំដុះ​ដំណាំកាហ្វេ ហើយ​បើ​មាន​ឱកាសអាច​ជួបពិភាក្សាជាមួយសហគមន៍ធ្វើការអនុវត្តផលិតកម្មតាមកិច្ចសន្យា។

ក្នុង​ឱកាស​នោះ លោក​រដ្ឋមន្រ្តី​ក៏​បាន​ណែនាំឱ្យគណៈប្រតិភូធ្វើការណាត់ជួបជាមួយលោក​ ងិន ឆាយ ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម ដើម្បី​សិក្សាពីសក្តានុពលនៃវិស័យវារីប្បកម្មទាំងទឹកសាបនិងសមុទ្រ ដើម្បីធ្វើការវិនិយោគជាខ្សែច្រវ៉ាកឮ ផលិតកម្មតែម្តងនិងនាំចេញ៕

The post ការវិនិយោគទុនដំណាំកាហ្វេនៅកម្ពុជា កាន់តែមានសក្តានុពលនាពេលអនាគត appeared first on .