លោកបញ្ជាក់ថា ក្នុងនោះឆ្នាំ២០២១ រួមមានចិន ៥៥.៨៩%, កម្ពុជា ២៧.៨០%, សហរដ្ឋអាមេរិក ៣.៣៧%, សិង្ហបុរី ៣.១០%, និងខេមិន អាយលែន ២.៩៨%។នៅឆ្នាំ២០២២ កម្ពុជា ៥៣.៥៤%, ចិន ៤២.០១%, ថៃ ១.០៩%, ជប៉ុន ០.៩៨%, ខេមិន អាយលែន ០.៥២% ចំណែកឆ្នាំ២០២៣ មានចិន ៦៦.០២%, កម្ពុជា ២៣.៨៨%, សិង្ហបុរី ២.២០%, ម៉ាឡេស៊ី ១.៨៥%, ប្រីដធីស វីជិន អាលែន ១.៨៣%។

លោកបន្តថា ការស្រូបទាញប្រាក់ពីខាងក្រៅមកដាក់ការវិនិយោគនៅក្នុងប្រទេសឲ្យបានច្រើន និងការបង្កើនផលិតកម្មឲ្យបានខ្លាំងបំផុត(ទាំងបរិមាណនិងគុណភាព) ដើម្បីលក់ចេញទៅទីផ្សារខាងក្រៅ ជារឿងដ៏ត្រឹមត្រូវបំផុត។

ជាមួយគ្នានេះ រាជរដ្ឋាភិបាលកំពុងខិតខំយ៉ាងខ្លាំងក្នុងការទាក់ទាញអ្នកវិនិយោគបរទេសមកបណ្តាក់ទុននិងវិនិយោគនៅក្នុងប្រទេសយើង តែកូនខ្មែរគ្រប់រូប សូមមេត្តាកុំភ្លេចប្រឹងបង្កើនផលិតភាពឲ្យខ្លាំងផង និងត្រឹមត្រូវតាមស្តងដារ រក្សាបាននូវគុណតម្លៃជាតិនិងផលិតផលជាតិ ទើបយើងប្រកួតឈ្នះគេនៅលើទីផ្សារអន្តរជាតិ៕

The post លោក ហឿន សំនៀង៖ ប្រទេសចំនួន៥ដែលវិនិយោគច្រើនជាងគេនៅប្រទេសកម្ពុជា ក្នុងរយៈពេល ៣ឆ្នាំចុងក្រោយ appeared first on .

នៅថ្ងៃអាទិត្យ ទី៥ ខែកុម្ភៈ ឆ្នាំ២០២៣នេះ គឺជាថ្ងៃដែលប្រជាពលរដ្ឋខ្មែរ អ្នកកាន់ព្រះពុទ្ធសាសនា រៀបចំប្រារព្ធពិធីបុណ្យ «មាឃបូជា» ជាពិធីបុណ្យមួយដ៏មានសារសំខាន់បំផុតនៅក្នុងព្រះពុទ្ធសាសនា។ «បុណ្យមាឃបូជា» ប្រារព្ធឡើងដើម្បីរំលឹកដល់ថៃ្ងដែលព្រះសម្មាសម្ពុទ្ធ ទ្រង់ប្រកាសបង្កើតព្រះពុទ្ធសាសនាឡើងក្នុងលោក នាប្រទេសឥណ្ឌា កាលពី៥៨៨ឆ្នាំមុនគ្រិស្តសករាជ នាថៃ្ងទី១៥កើត ខែមាឃ ក្រោយពីការត្រាស់ដឹងរបស់ព្រះអង្គចំនួន៩ខែគត់។

ប្រមុខរាជរដ្ឋាភិបាល សម្តេចតេជោ ហ៊ុន សែន នៅលើទំព័រហ្វេសប៊ុកនាព្រឹកថ្ងៃអាទិត្យ បានគូសបញ្ជាក់ថា ព្រះពុទ្ធសាសនា មិនត្រឹមតែបានធ្វើឱ្យបងប្អូនប្រជាពលរដ្ឋយើងបានរួមរស់ជាមួយគ្នាដោយសុខសាន្តខាងផ្លូវស្មារតីប៉ុណ្ណោះទេ ប៉ុន្តែថែមទាំងបានរួមចំណែកយ៉ាងសំខាន់នៅក្នុងការពង្រឹងសណ្ដាប់ធ្នាប់ សុខសន្តិភាព ស្ថិរភាពសង្គម ការអភិវឌ្ឍលើគ្រប់វិស័យ និងថែរក្សាការពារ អត្តសញ្ញាណជាតិទៀតផង។

ទាក់ទងនឹងជំនឿនេះដែរ កន្លងមកធ្លាប់មានការវាយតម្លៃមកលើព្រះពុទ្ធសាសនានៅប្រទេសកម្ពុជា ពីបុគ្គលមួយចំនួនដែលថា ប្រជាពលរដ្ឋខ្មែរក្រភាគច្រើនដោយសារពួកគាត់កាន់ព្រះពុទ្ធសាសនា។ លោក ហឿន សំនៀង នាយកវិទ្យាស្ថានតេជោសែនសាធារណការ និងដឹកជញ្ជូន មានប្រសាសន៍ប្រាប់ឧកញ៉ាញូស៍ថា យើងគ្រប់គ្នាដឹងហើយថាព្រះពុទ្ធសាសនាជាសាសនារបស់រដ្ឋ ពោល គឺ​ព្រះពុទ្ធសាសនាជា គ្រឹះនៃប្រព័ន្ធជំនឿងយ៉ាងរឹងមាំរបស់ខ្មែរ និងសង្គមខ្មែរទាំងមូលផងដែរ។

លោកថ្លែងយ៉ាងដូច្នេះថា «ការជឿកាន់ព្រះពុទ្ធសាសនាធ្វើឲ្យយើងក្រ ខ្ញុំគិតថា នេះជាគំនិត ជាទស្សន:ដែលយល់ខុសយ៉ាងខ្លាំងមកលើព្រះពុទ្ធសាសនា ជាទស្សន:ដែលមិនបានសិក្សាស្វែងយល់ពីព្រះពុទ្ធសាសនា។ ជាទស្សនដែលអាចកើតចេញពីច្រើនប្រភពមួយចំនួនដូចជា អាចចេញពីពពួកអ្នកមិនគោរពស្រឡាញ់ព្រះពុទ្ធសាសនា និងចង់បន្សាបជំនឿព្រះពុទ្ធសាសនា ក្នុងសង្គមខ្មែរ។ ជំនឿជាភាពខ្លាំងនៃមនុស្ស ឬសង្គមជាតិមួយ តែជំនឿក៏អាចជាភាពទន់ខ្សោយនៃបុគ្គល ឬសង្គមមួយផងដែរ។ ជាក់ស្តែង បើប្រព័ន្ធជំនឿត្រូវបានបន្សាបហើយ អ្វីៗនឹងងាយស្រួលតាមនោះដែរ»។

លោកបន្តថា យើងគ្រប់គ្នាដឹងហើយថាព្រះពុទ្ធសាសនាជាសាសនារបស់រដ្ឋ ពោលគឺ​ព្រះពុទ្ធសាសនាជា គ្រឹះនៃប្រព័ន្ធជំនឿងយ៉ាងរឹងមាំរបស់ខ្មែរ និងសង្គខ្មែរទាំងមូលគំនិតនេះអាចចេញពីមនុស្សដែលមិនយល់ពីព្រះពុទ្ធសាសនា និងមិនបានសិក្សាស្វែងយល់ពីពាក្យទូន្មានរបស់ព្រះពុទ្ធជាម្ចាស់ តែក៏ឃើញព្រឹត្តិការណ៍សង្គមនានានៅជុំវិញខ្លួន ឬអាចឃើញឥរិយាបថយឺតយ៉ាវរបស់​អតីតអ្នកបួសខ្លះក្នុងស្រុក្នុងភូមិ ឬលឺទ្រឹស្តីបទតាមគេតាមឯងផង ដោយមិនបានសិក្សាសង្កេតជាក់លាក់ ក៏ដាក់បន្ទុកមកលើព្រះពុទ្ធសាសនាតែម្តងទៅថា នោះអន្ទិតនេះ អន្ទិតនោះ វាបួសរាប់សិបឆ្នាំ សឹកមកវិញខ្ចិល រកស៊ីមិនទាន់គេ រស់នៅក្នុងភាពក្រីក្រ ក៏សន្និដ្ឋានថា ព្រះពុទ្ធសាសនាធ្វើឲ្យមនុស្សខ្ចិល ធ្វើឲ្យមនុស្សក្រ ក៏មាន ឬទស្សននេះ អាចចេញពីមនុស្សមិនចំរើន ជាមនុស្សបរាជ័យ យល់មិនដល់ មុជមិនឆ្ងាយ គិតមិនជ្រៅ ចឹងជាជាងបន្ទោសខ្លួនឯង ក៏ទំលាក់ទៅព្រះពុទ្ធសាសនាក៏ថាបាន។

លោក ហឿន សំនៀង ដែលជាអតីតអ្នកបួសជាច្រើនព្រះវស្សា និងបានបញ្ចប់ការសិក្សាពីសហរដ្ឋអាមេរិកនោះដែរ បានគូសបញ្ជាក់ថា «យើងដឹងហើយថា មនុស្សបរាជ័យភាគច្រើនចេញពីភាពល្ងង់ខ្លៅ អវិជ្ជា បានសិក្សារៀនសូត្រជ្រៅជ្រះ ឬជាមនុស្សមានទស្សនអវិជ្ជមានខ្លាំងពេកនោះឯង ជាពិសេស អវិជ្ជមានចំពោះអ្នកដទៃ ស្តីបន្ទោស ដាក់បន្ទុកលើអ្នកដទៃ ជាជាងទទួលយកការទទួលខុស ត្រូវពេញលេញចំពោះទង្វើខ្លួនឯង ឬសូម្បីម៉ែឪ វង្សត្រកូល ក៏ដាក់ការស្តីបន្ទោសដែរ ដែលខុសពីមនុស្ស ជោកជ័យ ដែលតែងអរគុណដល់អតីតកាល ពូជពង្សវង្ស ត្រកូល និងមនុស្សជុំវិញខ្លួន ជាពិសេស ភាពល្វីជូចត់ ខ្សត់ខ្សោយ លំបាកតោយ៉ាក ដែលធ្វើឲ្យគេរឹងមាំ។ បុគ្គលជោគជ័យ មានទស្សន:វីជ្ជា»។

ដើម្បីជាគតិបញ្ជាក់ថា ភាពក្រីក្រមិនមែនបណ្តាលមកពីព្រះពុទ្ធសាសនា លោក ហឿន សំនៀង ថា ទី១) សម្លឹងមើលប្រទេសដែលកាន់ព្រះពុទ្ធសាសនាដូចយើង ដូចជាប្រទេសថៃ វៀតណាម ចិន ជប៉ុន កូរ៉េ និងតៃវ៉ាន់ ជាដើម ជាប្រទេសនៅជិតៗខាងយើង។ ប្រទេសទាំងនេះ កាលមុនក្រដែរ តែឥឡូវប្រទេសទាំងនោះ ក្លាយជាប្រទេសអ្នកមាន។ សួរថា ហេតុអ្វី? ចម្លើយដ៏សាមញ្ញ គឺថា កាលមុនប្រទេសទាំងនេះ ក៏ក្រដែរ គឺក្រដោយសារ សង្គ្រាមផង និងក្រដោយសារការវិវត្តនៃបច្ចេកវិទ្យាមិនទាន់ជឿនលឿន។ លុះដល់គេអស់សង្គ្រាម និងការមកដល់នៃបច្ចេកវិទ្យាផង គេក៏មានឪកាសអភិវឌ្ឍប្រទេសក្លាយជាអ្នកមាន។ ទី២) ទ្រឹស្តីព្រះពុទ្ធទាក់ទងការរស់នៅ និងការមានបាន ព្រះពុទ្ធលើកទឹកចិត្ត និងបង្ហាញផ្លូវឲ្យក្លាយជាអ្នកជោគជ័យ មានបានទ្រព្យសម្បត្តិ រហូតព្រះពុទ្ធសសើរពីគុណសម្បត្តិនៃភាពមានបានទ្រព្យ មិនតែប៉ុណ្ណោះ ព្រះពុទ្ធមិនត្រឹមតែ បង្ហាត់បង្ហាញផ្លូវ មធ្យោបាយ និងរបៀបដែលធ្វើឲ្យជោគជ័យ មានបានប៉ុណ្ណោះទេ ថែមទាំងប្រាប់ពីការចេះប្រើប្រាស់ ទ្រព្យធនរបស់ខ្លួនឲ្យល្អ ត្រឹមត្រូវ និងមានប្រយោជន៍ទៀតផង។ មានទ្រព្យជាដើម។ 

បើតាមលោកនាយកវិទ្យាស្ថានតេជោសែនសាធារណការ និងដឹកជញ្ជូន ហេតុពិតដែលនាំឲ្យខ្មែរក្រ ខ្មែរក្រមិនមែនដោយសារកាន់ជឿព្រះពុទ្ធសាសនាទេ តែខ្មែរក្រដោយសារតែសង្គ្រាមដ៏រាំរ៉ៃរាប់សិបជំនាន់ របបប្រល័យពូជសាសន៍កាប់សម្លាប់ជនជាតិ ខ្លួនឯង ការបែកបាក់ផ្ទៃក្នុង ភាពល្ងង់ខ្មៅ មិនបានសិក្សារៀនសូត្រ និងការ ប្រើប្រាស់ធនធានជាតិខុសគោលដៅជាដើម ជាហេតុធ្វើឲ្យខ្មែរក្រ ព្រោះថា ខ្មែរក្រព្រោះសង្គ្រាម ខ្មែរក្រដោយសារសង្គ្រាម បើយើងសិក្សាពីប្រវត្តិសាស្ត្រខ្មែរ ឃើញថា ក្រោយការដួលរលំនៃអាណាចក្រខ្មែរ នៅសតវត្ស៍ទី១៣ ប្រទេសកម្ពុជា ហាក់គ្មានពេលណាដែលបានសុខ សន្តិភាព ឯកភាពជាតិ និងការអភិវឌ្ឍសោះឡើយ ឃើញតែសង្គ្រាមផ្ទៃក្នុងផ្ទៃក្រៅជារៀងរហូត។ ចុងក្រោយ ជាសង្គ្រាមសម័យលន់ ណុល ចូលរបបប្រល័យពូជសាសន៍ សម្លាប់ខ្ទេចគ្មានសល់ និងសង្គ្រាមបន្តទៀត រហូតដល់ឆ្នាំ១៩៩៨ នេះហើយជាហេតុពិតនៃភាពក្រីក្ររបស់ប្រទេសខ្មែរ។

ជាមួយគ្នានោះ លោកក៏មើលឃើញថា ភាពល្ងង់ខ្លៅ អវិជ្ជា និងការបែកបាក់ ជាហេតុនាំឲ្យខ្មែរក្រ ក្រោយសង្គ្រាម ក្រោយចប់សង្គ្រាម បន្សល់នូវភាពខ្ទេចខ្ទីរាល់ហេដ្ឋារចនាសម្ព័ន្ធជាតិ សមិទ្ធផល ជាតិ គ្រាប់អាវុទ្ធយុទ្ធភ័ណ្ឌមិនទាន់ផ្ទុះ ការបែកបាក់ព្រាត់ប្រាសបងប្អូន ក្រុមគ្រួសារ ក្មេងកំព្រារាប់ សិបម៉ឺននាក់ជាដើម។ ជាងនេះទៀតសង្គ្រាមបានធ្វើឲ្យបែកបាក់អស់នូវស្មារតីជាតិ អត្តសញ្ញាណជាតិ និងការរួបរួមសាមគ្គីគ្នា ក្នុងនាមជាតិសាសន៍មួយ ដែលមនុស្សក្នុងសង្គមទាំង មូលស្ទើលែងមាន ទំនុកចិត្តចំពោះគ្នានិងគ្នា។ ទាំងអស់នេះ ជាហេតុពិតដែលធ្វើឲ្យខ្មែរក្រ។

ទន្ទឹមនឹងនោះ លោក ហឿន សំនៀង បានគូសបញ្ជាក់បន្ថែមទៀថា «ប្រើប្រាស់ធនធានជាតិខុសគោលដៅជាហេតុនាំឲ្យខ្មែរក្រ៖នៅសម័យសង្គ្រាម មិនត្រឹមតែបំផ្លាញរាល់សមិទ្ធផលជាតិ សម្លាប់មនុស្ស និងគ្មានឪកាសរៀន សូត្រប៉ុណ្ណោះទេ ថែមទាំង រាល់ធនធានជាតិទាំងអស់ ត្រូវបានយកទៅប្រើខុសគោលដៅ គឺប្រើ ដើម្បីទិញអាវុធ សម្រាប់សម្លាប់គ្នា និងកំទេចគ្នា ពោល គឺ មិនបានយកទៅប្រើប្រាស់ ដើម្បីគាំទ្រ ដល់ការរីកចំរើន និងអភិវឌ្ឍប្រទេសជាតិ ដូចជាវិស័យអប់រំ សុខាភិបាល ផ្លូវថ្នល់ស្ពាន និងទឹក ឬភ្លើង ជាដើមនោះឡើយ។ ដូច្នេះ រាល់ធនធានជាតិដែលយកទៅប្រើរាប់សិបឆ្នាំ និងយ៉ាងច្រើន មហាសាលនោះ គឺ យកទៅដុតចោលទាំងទ្រព្យ និងបំផ្លាញទាំងប្រទេស។ នេះជាហេតុដែលនាំឲ្យខ្មែរក្រ មិនមែនដោយព្រះពុទ្ធសាសនាទេ»៕

The post លោក ហឿន សំនៀង៖ ហេតុដែលនាំឲ្យខ្មែរក្រ មិនមែនដោយព្រះពុទ្ធសាសនាទេ appeared first on .

ទាក់ទងនឹងការជជែកពិភាក្សានោះ លោកបានលើកឡើងចំណុច៤ ដើម្បីចាប់ផ្ដើមផែនការ និងតម្រង់គោលដៅជីវិតរួមមាន៖
១/ត្រូវមានក្ដីស្រម៉ៃ និងរៀបចំក្ដីសុបិនឱ្យបានច្បាស់លាស់
២/ត្រូវមានយុទ្ធសាស្ត្រមធ្យោបាយ
៣/ត្រូវមានសកម្មភាព
៤/ រាល់ដំណើរទាំងបីខាងលើ កុំភ្លេចសួរអ្នកមានបទពិសោធន៍។

ទន្ទឹមនឹងការលើកឡើងអះអាងខាងលើ លោកក៏បានសង្កត់ធ្ងន់ថា៖ «ជីវិតជាសិល្បៈដែលយើងត្រូវដាប់ឆ្លាក់ដោយខ្លួនឯង ហើយត្រូវរៀនធ្វើ រៀននិពន្ធ ព្រមទាំងរៀននិទានជីវិតឱ្យខ្លួនឯងផងដែរ»។

គួររម្លឹកបន្តិចថា លោក ហឿន សំនៀង ជាអតីតនិស្សិតដែលបញ្ចប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ មកពីសាកលវិទ្យាល័យ Havard នៅសហរដ្ឋអាមេរិក និងជាអតីតអ្នកបួសរយៈពេល ១៩ព្រះវស្សា បច្ចុប្បន្នលោកជានាយកវិទ្យាស្ថានតេជោសែន សាធារណការ និងដឹកជញ្ជូនផងដែរ៕

The post លោក ហឿន សំនៀងអះអាង ៤ចំណុចសំខាន់ក្នុងការគូសវាសផែនការ appeared first on .

ពិធីចុះហត្ថលេខាធ្វើឡើងកាលពីថ្ងៃទី២២ ខែកក្កដា ឆ្នាំ២០២២ ក្រោមវត្តមានលោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន បណ្ឌិត ស៊ីន ម៉េងស្រ៊ុន សាកលវិទ្យាធិការរងនៃសាកលវិទ្យាល័យបញ្ញាសាស្រ្ដកម្ពុជា។

លោក ហឿន សំនៀង បានឲ្យដឹងថា ការចុះអនុស្សរណៈយោគយល់នេះនឹងបើកឱកាសឱ្យមានកិច្ចសហប្រតិបត្តិការកាន់តែជិតស្និទ្ធជាមួយគ្នា ផ្តល់អត្ថប្រយោជន៍បន្ថែមទៀត និងបំពេញរាល់កង្វះខាតជូនភាគីទាំងសងខាងពាក់ព័ន្ធនឹងការសិក្សាអប់រំ ស្រាវជ្រាវ ព្រមទាំងគម្រោងកម្មវិធីផ្សេងៗ ដោយផ្អែកលើគោលការណ៍ ពិគ្រោះយោបល់ ឯកភាព សមភាព យុត្តិធម៌ និងផ្ដល់អត្ថប្រយោជន៍ដល់គូភាគីទៅវិញទៅមក។

សូមជម្រាបជូនថា អនុស្សរណៈយោគយល់នេះ បានឯកភាពជាគោលការណ៍ កិច្ចសហប្រតិបត្តិការអភិវឌ្ឍន៍ការអប់រំ និងការស្រាវជ្រាវរួមមាន៖ សហការបណ្តុះបណ្តាលលើជំនាញបច្ចេកទេសផ្សេងៗ ផ្លាស់ប្តូរមន្ត្រី សាស្ត្រាចារ្យ អ្នកស្រាវជ្រាវ និងបុគ្គលិក សហការលើការស្រាវជ្រាវ និងការអនុវត្តគម្រោងរួមគ្នាក្នុងវិស័យពាក់ព័ន្ធ សហការផ្តល់ជំនួយបច្ចេកទេសលើការអប់រំ និងកម្មវិធីបណ្តុះបណ្តាលផ្សេងៗ ផ្លាស់ប្តូរព័ត៌មាន និងឧបករណ៍បច្ចេកទេសផ្សេងៗ ប្រើប្រាស់ឧបករណ៍ឧបករណ៍ សម្ភារៈសំណង់ និងធនធានរួមគ្នា ផ្តល់ឱកាសដល់និស្សិតដើម្បីផ្លាស់ប្តូរបទពិសោធន៍សិក្សា ផ្តល់ជូនវិញ្ញាបនបត្រនៃការបណ្តុះបណ្តាលបច្ចេកទេស និងជំរុញអនុវត្តសកម្មភាព ស្របតាមស្មារតីនៃអនុស្សរណៈនៃការយោគយល់គ្នានេះ៕

The post សាកលវិទ្យាល័យបញ្ញាសាស្រ្ត និងវិទ្យាស្ថានតេជោសែន ចាប់ដៃគ្នាបណ្តុះបណ្តាលធនធានមនុស្សក្នុងវិស័យដឹកជញ្ជូន appeared first on .

វគ្គបណ្តុះបណ្តាលបច្ចេកទេសយានយន្តរបស់វិទ្យាស្ថានតេជោសែន សាធារណការ និងដឹកជញ្ជូន ក៏មានការចូលរួមពីតំណាងក្រុមហ៊ុន អ អិម អេ ខេមបូឌា ភីអិលស៊ី តំណាងមូលនិធិអភិវឌ្ឍន៍ជំនាញក្រោមក្រសួងសេដ្ឋកិច្ច និងហិរញ្ញវត្ថុ ព្រមទាំងថ្នាក់ដឹកនាំ និងមន្ត្រីរាជការ នៃវិទ្យាស្ថានតេជោសែន សាធារណការ និងដឹកជញ្ជូន។

លោក ហឿន សំនៀង បានលើកឡើងថា វគ្គបណ្តុះបណ្តាលបច្ចេកទេសយានយន្តនេះ គឺជាវគ្គបណ្តុះបណ្តាលជំនាញមួយក្នុងចំណោមវគ្គបណ្តុះបណ្តាលជំនាញ ចំនួន៤ផ្សេងទៀត ជាមួយក្រុមហ៊ុន អ អិម អេ ខេមបូឌា ភីអិលស៊ី សំដៅលើកកម្ពស់ធនធានមនុស្ស ក្នុងវិស័យបច្ចេកទេសយានយន្ត ដើម្បីចូលរួមចំណែកក្នុងការលើកស្ទួយដល់សេដ្ឋកិច្ចប្រទេសជាតិ។ទន្ទឹមគ្នានេះ លោកក៏បានជំរុញឱ្យសិក្ខាកាមទាំងអស់ខិតខំសិក្សាក្នុងវគ្គបណ្តុះបណ្តាលនេះ ដើម្បីទទួលបានចំណេះពិត ប្រាកដមួយ ដើម្បីអនាគតរបស់ខ្លួនឯង។

ក្នុងពេលនោះដែរ លោក សាយ រតនៈ តំណាងក្រុមហ៊ុន អ អិម អេ ខេមបូឌា ភីអិលស៊ី បានលើកឡើងដែរថា ក្រុមហ៊ុន អ អិម អេ ខេមបូឌា ភីអិលស៊ី ដែលជាក្រុមហ៊ុនតែមួយគត់ ទទួលបានសិទ្ធិផ្តាច់មុខលើការនាំចូលរថយន្តម៉ាក FORD ព្រមទាំងមានដៃគូអាជីវកម្មជាមួយយីហោ ល្បីៗជាច្រើននៅក្នុងសកលលោកដូចជា៖ រថយន្តម៉ាក Jaguar, Land Rover និង Range Rover គ្រឿងចក្រកសិកម្ម ត្រាក់ទ័រម៉ាក John Deere គ្រឿងចក្រឧស្សាហកម្មម៉ាក JCB ក្រុមហ៊ុន Comin Khmere ផ្តល់ដំណោះស្រាយផ្នែកវិស្វកម្ម និងក្រុមហ៊ុនចំណីអាហារ EFG ដែលមានក្រុមហ៊ុន Pizza Company, Swensen’s, Dairy Queen, Krispy Kreme, Bar B Q Plaza និងThe Coffee Club។ ក្រុមហ៊ុន អ អិម អេ ខេមបូឌា ភីអិលស៊ី មិនត្រឹមតែនាំចូលរថយន្តនោះទេ ថែមទាំងមានផ្តល់សេវាកម្មជួសជុលផងដែរ។

គួរបញ្ជាក់ដែរថា វិទ្យាស្ថានតេជោសែន សាធារណការ និងដឹកជញ្ជូន បានប្រកាសជ្រើសរើសសិក្ខាកាម ចំនួន១២៥នាក់ ដោយផ្តល់អាទិភាពដល់បេក្ខនារីចំនួន២០នាក់ ឱ្យចូលរៀនវគ្គបណ្តុះបណ្តាលបច្ចេក ទេសយានយន្ត រយៈពេល៤ខែ នៅវិទ្យាស្ថានតេជោសែន សាធារណការ និងដឹកជញ្ជូន។

ជាងនេះទៀត ក្រោយបញ្ចប់ វគ្គសិក្សា និងការបណ្តុះបណ្តាលនេះ សិក្ខាកាមនឹងទទួលបានចំណេះជំនាញពិតប្រាកដលើជំនាញបច្ចេក ទេសយានយន្ត រួមមានជាមួយនឹងប្រាក់ឧបត្ថម្ភប្រចាំខែ (៦០ដុល្លារ/ខែ)រយៈពេល០៤ខែ ចំណេះដឹង និងជំនាញបច្ចេកទេសយានយន្តពិតប្រាកដ ឱកាសចុះហាត់ការនៅក្រុមហ៊ុន RMA Group ដោយទទួលបានប្រាក់ឧបត្ថម្ភចំនួន១០០ដុល្លារ/ខែរយៈពេល ៣ខែ ហើយក្រោយពេលបញ្ចប់ការសិក្សា ហ្វឹកហាត់ និងការបណ្តុះបណ្តាល សិក្ខាកាមនឹងទទួលបានឱកាសការងារជាច្រើននៅក្រុមហ៊ុន RMA Group ផងដែរ៕

The post កម្ពុជា ចាប់ផ្តើមបើកវគ្គបណ្តុះបណ្តាលបច្ចេកទេសយានយន្ត ជូនដល់សិក្ខាកាមចំនួន១២៥នាក់ appeared first on .

ការស្នើរបស់លោក ហឿន សំនៀង នាយកវិទ្យាស្ថានតេជោសែនសាធារណការ និងដឹកជញ្ជូន ធ្វើឡើងតាមរយៈចូលខម្មិន (comment) ក្នុងទំព័រហ្វេសបុកសម្តេចតេជោ ហ៊ុន សែន នាយករដ្ឋមន្រ្តី នៅព្រឹកថ្ងៃអង្គារ៍ ទី១០​ ខែឧសភា​នេះ ខណៈសម្តេចតេជោ បានដឹកនាំគណៈប្រតិភូជាន់ខ្ពស់កម្ពុជាទៅចូលរួមកិច្ចប្រជុំកំពូលពិសេសអាស៊ាន-អាមេរិក នៅទីក្រុងវ៉ាស៊ីនតោន ចាប់ពីថ្ងៃទី១២-១៣ ខែឧសភា ឆ្នាំ២០២២ ។

បើតាមសម្តេចតេជោ ហ៊ុន សែន ក្រៅពីធ្វើជាសហប្រធាននៃកិច្ចប្រជុំកំពូលពិសេសអាស៊ាន-អាមេរិក ស្ថិតនៅទឹកដីសហរដ្ឋអាមេរិក​ សម្តេចនឹងជួបជាមួយមេដឹកនាំសំខាន់ៗមួយចំនួនព្រមទាំងបងប្អូនខ្មែរអាមេរិកាំងដែលរស់នៅទីនោះកំពុងរងចាំទទួល។

ទន្ទឹមនឹងនោះ លោក ហឿន សំនៀង ស្ថាបនិក និងជាអតីតនាយកប្រតិបត្តិសមាគមជីវិត និងក្តីសង្ឃឹម មានទីតាំងនៅវត្តដំណាក់ ខេត្តសៀមរាប បានថ្លែងក្នុងន័យដើមយ៉ាងដូច្នេះថា៖ «ខ្ញុំបាទមានសំណូមពរមួយ ដែលអាចនឹងជួយច្រើនដល់និស្សិតខ្មែរដែលកំពុងសិក្សានៅសហរដ្ឋអាមេរិក គឺគោរពស្នើសុំឲ្យកម្ពុជាមានអនុស្សរណ: ឬទម្រង់កិច្ចសហកាណាមួយ ជាមួយសហរដ្ឋអាមេរិក លើការសិក្សារបស់និស្សិតខ្មែរនៅអាមេរិក»។

លោកគូសបញ្ជាក់ថា តាមរយ:ទម្រង់កិច្ចសហការនេះ និស្សិតខ្មែរនឹងមិនបាច់បង់ពន្ធ ឬមិនបាច់កាត់ប្រាក់អាហារូបរកណ៍របស់និស្សិតចូលពន្ធរបស់អាមេរិកទេ។ ប្រទេសជិតខាងយើងគេមាន និងនិស្សិតគេទទួលបានការលើកលែងបែបនេះដែរ។

លោក ហឿន សំនៀង ថ្លែងបន្តថា៖ «កាលខ្ញុំបាទទៅរៀននៅទីនោះ បានខិតខំប្រឹងស្វែងរកដំណោះស្រាយដែរ តែមិនអាចធ្វើបាន ដោយលក្ខខណ្ឌ គឺ រដ្ឋាភិបាល និងរដ្ឋាភិបាល ត្រូវមាន MoU ទើបនិស្សិតអាចរួចខ្លួន។ ក្នុងនាមនិស្សិត ការកាត់ពន្ធលើប្រាក់អាហារូបករណ៍ពីចន្លោះ ១,៥០០ដុល្លារ ទៅ ២,៥០០ដុល្លារក្នុងមួយឆ្នាំ ឬលើសខ្វះ ពិតជាច្រើនណាស់»។

ក្នុងន័យនេះ អតីតអ្នកបួសដែលធ្លាប់បួសរៀនជ្រៅជ្រះ ក្នុងសំណាក់ព្រះពុទ្ធសាសនា អស់រយ:ពេល ១៩ព្រះវស្សា និងបានបញ្ចប់ការសិក្សាថ្នាក់បរិញ្ញាបត្រជាន់ជាន់ខ្ពស់ជំនាញរដ្ឋបាលសាធារណ: ពីសកលវិទ្យាល័យ Harvard និងបរិញ្ញាបត្រជំនាញគ្រប់គ្រងពីសាកលវិទ្យាល័យសិនអែមប្រុស (St. Ambrose University) រដ្ឋអាយូវ៉ា សហរដ្ឋអាមេរិក លោកក៏បានគោរពស្នើសុំសម្តេចមេត្តាជួយស្វែងរកដំណោះស្រាយ ជូននិស្សិតខ្មែរនៅអាមេរិក ដោយក្តីអនុគ្រោះ៕

The post លោក ហឿន សំនៀង ស្នើសុំសម្តេចតេជោមាន MoU ជាមួយអាមេរិកដើម្បីនិស្សិតខ្មែរមិនបាច់បង់ពន្ធលើការសិក្សា appeared first on .

វត្ដមានរបស់លោកឧកញ៉ានាគ្រានេះ គឺបង្រៀនឯកទេសគ្រប់គ្រងសេដ្ឋកិច្ច និងភស្ដុភារកម្ម ខណៈជំនាញនេះលោកមានបទពិសោធជាង២៥ឆ្នាំ ក្នុងវិស័យភស្ដុភារកម្ម និងដឹកជញ្ជូន។

ជាមួយគ្នានេះ លោក ហឿន សំនៀង ក៏បានលើកឡើងផងដែរថា វាជាកិត្តិយសផង និងជាភព្វសំណាងផង ដែលលោកឧកញ៉ា ស៊ិន ចន្ធី ស្មគ្រចិត្តចូលការមកបង្រៀននិស្សិតជំនាន់ទី១ ដែលកំពុងសិក្សាឆ្នាំទី២ ឆមាសទី១ លើមុខវិជ្ជានីតិវិធីគយក្នុងវិស័យដឹកជញ្ជូន​ នៅវិទ្យាស្ថានតេជោសែន សាធារណការ​។

លោកថ្លែងបញ្ជាក់យ៉ាងដូច្នេះថា៖ មិនមែននិយាយពីប្រាក់ តែនិយាយពីទឹកចិត្ត និងបេះដូងស្រឡាញ់ការបណ្តុះបណ្តាលអ្នកជំនាន់ក្រោយ ដែលវិទ្យាស្ថានតេជោសែន និងឧកញ៉ា មានចំពោះនិស្សិតយើង ទើបជំរុញទឹកចិត្ត របស់ឧកញ៉ាប្រធានសមាគម ដែលមានសមាជិកជាង ១៣០ក្រុមហ៊ុន បាននឹងកំពុងរកទទួលទានផ្នែកភស្តុភារកម្ម សម្រេចចិត្តចូលរួមជាមួយបេសកកម្មដ៏ល្អមួយនេះ។

លោកបន្តថា នេះបង្ហាញអំពីការយកចិត្ដទុកដាក់របស់ឧកញ៉ាផ្ទាល់ ក្នុងការចំណាយពេលដ៏មានតម្លៃ មកចែករំលែកចំណេះដឹង និងបទពិសោធន៍ជាង២៥ឆ្នាំ ក្នុងវិស័យភស្ដុភារកម្ម និងដឹកជញ្ជូន។

លោកនាយកវិទ្យាស្ថានគូសបញ្ជាក់បន្ថែមថា ការចូលរួមនេះ ក៏បង្ហាញអំពីកិច្ចសហប្រតិបត្ដិការយ៉ាងជិតស្និទ្ធរវាងវិទ្យាស្ថានតេជោសែន សាធារណការ និងដឹកជញ្ជូន និងសមាគមភស្ដុភារកម្មកម្ពុជាផងដែរ។

សូមជម្រាបថា វិទ្យាស្ថានតេជោសែន សាធារណការ និងដឹកជញ្ជូន និងសមាគមភស្ដុភារកម្មកម្ពុជា បានចុះអនុស្សរណៈ នៃការយោគយល់គ្នា ស្ដីពីកិច្ចសហប្រតិបត្ដិការទៅវិញទៅមក លើក្របខណ្ឌអប់រំ កម្មវិធីបណ្ដុះបណ្ដាល និងការលើកកម្ពស់ការយល់ដឹង លើវិស័យភស្ដុភារកម្ម នៅកម្ពុជា៕

The post បទពិសោធជាង២៥ឆ្នាំ ឧកញ៉ា ស៊ិន ចន្ធី មកចែករំលែកចំណេះដឹង Free ដល់និស្សិតវិទ្យាស្ថានតេជោសែន appeared first on .

លោក ហឿន សំនៀង ក៏បានវាយតម្លៃខ្ពស់ពីសារសំខាន់នៃកត្តាសុខសន្តិភាពក្នុងការជួយរុញច្រាននាវាកម្ពុជាឱ្យធ្វើដំណើរឆ្ពោះទៅអភិវឌ្ឍលើគ្រប់វិស័យ ដែលធ្វើឱ្យស្ថានភាពសេដ្ឋកិច្ចនៅក្នុងតំបន់ និងនៅកម្ពុជាមានការរីកចម្រើនយ៉ាងឆាប់ រហ័សក្នុងបរិបទនៃសាកលភាវូបនីយកម្ម និងការវិវត្តនៃវិទ្យាសាស្រ្តនាពេលបច្ចុប្បន្ន។ លោកបន្តថា៖ “ដើម្បីឆ្លើយតបទៅនឹងចក្ខុវិស័យរបស់រាជរដ្ឋាភិបាលក្នុងការកែប្រែប្រទេសកម្ពុជាទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសអភិវឌ្ឍន៍នៅក្នុងឆ្នាំ២០៥០ កម្ពុជាត្រូវកសាង និងអភិវឌ្ឍហេដ្ឋារចនាសម្ព័ន្ធសាធារណៈរួមមាន ផ្លូវ ថ្នល់ ស្ពាន សំណង់សិល្បៈការ្យ ប្រព័ន្ធចម្រោះទឹកកខ្វក់ និងប្រព័ន្ធដឹកជញ្ជូនទាំងផ្លូវគោក ផ្លូវទឹក ផ្លូវសមុទ្រ កំពង់ផែ ផ្លូវដែក និងភស្តុភា កម្ម ឱ្យកាន់តែមានភាពងាយស្រួល ឆាប់រហ័ស និងជាតម្រូវការយ៉ាងចាំបាច់សម្រាប់កម្ពុជា“។

លោកបានគូសបញ្ជាក់ផងដែរអំពីគោលបំណង និងការតាំងចិត្តដ៏មុះមុតប្រកបដោយ ចក្ខុវិស័យច្បាស់លាស់ និងជំនឿទុកចិត្តមុតមាំរបស់លោកទេសរដ្ឋមន្ត្រី ស៊ុន ចាន់ថុល ក្នុងការបង្កើតវិទ្យាស្ថានតេជោសែនសាធារណការ និងដឹកជញ្ជូន ដើម្បីបណ្ដុះបណ្ដាលធនធានមនុស្សឱ្យមានជំនាញច្បាស់លាស់ ចំណេះដឹងទូលំទូលាយ និងមានសីលធម៌ អត្តចរិក ចរិយាសម្បត្តិត្រឹមត្រូវ ថ្លៃថ្នូរសំដៅដោះស្រាយបញ្ហាវិបត្តិកង្វះអ្នកបច្ចេកទេស ក្នុងវិស័យ សាធារណការ និងដឹកជញ្ជូននាពេលបច្ចុប្បន្ន និងនាពេលអនាគត ដើម្បីរួមចំណែកជាមួយរាជរដ្ឋាភិបាល ក្នុងការអភិវឌ្ឍសេដ្ឋកិច្ច និងសង្គមជាតិ។

លោក ហឿន សំនៀង បញ្ជាក់ក្នុងន័យដើមយ៉ាងដូច្នេះថា៖ “ជាមួយនឹងការតាំងចិត្តខ្ពស់របស់ថ្នាក់ដឹកនាំយើងលើការកសាងធនធានមនុស្សឱ្យមានជំនាញច្បាស់លាស់ ចំណេះដឹងទូលំ ទូលាយក្លាយទៅជាអ្នកបន្តវេនប្រកបសក្កានុពល កូនខ្មែរពិតជាអាចកសាងផ្លូវថ្នល់ ស្ពាន និងហេដ្ឋារចនាសម្ព័ន្ធដទៃទៀតសម្រាប់ប្រើប្រាស់ដោយខ្លួនឯងបាន ស្របទៅនឹងពាក្យស្លោកដ៏ថ្លៃថ្លារបស់សម្ដេចតេជោ នាយករដ្ឋមន្ត្រី ដែលបានលើកឡើងនៅឯខេត្តព្រះសីហនុក្នុងពិធីសម្ពោធដាក់ឱ្យប្រើប្រាស់ជាផ្លូវការហេដ្ឋា រចនាសម្ព័ន្ធផ្លូវ៣៧ខ្សែ កាលពីពេលថ្មីៗកន្លងនេះថា៖ “ខ្មែរធ្វើបាន”…..”។

លោកបញ្ជាក់បន្ថែមថា៖ “យុវជនយើងធ្វើបាន ដោយហេតុថា ដូនតាបុព្វបុរសរបស់យើងមានសមត្ថភាពកំពូលអាចសាងសង់ប្រាសាទអង្គរវត្ត ប្រាង្គប្រាសាទនានា ជាច្រើនទៀតដ៏ស្រស់បំព្រងប្រកបដោយក្បាច់រចនាសិល្បៈល្អឯក គុណភាពរឹងមាំជាប់បានយូរអង្វែង និងល្បីល្បាញពាសពេញពិភពលោក ដូច្នេះយុវជនយើងពិតជាធ្វើបាន“។

តែយ៉ាងណាក៏ដោយ ដើម្បីឆ្លើយតបបញ្ហានេះ នាយកវិទ្យាស្ថាន លោក ហឿន សំនៀង បានលើកឡើងថា វិទ្យាស្ថានបានដាក់ចេញយុទ្ធសាស្ត្រចំនួនបី ដើម្បីបណ្ដុះបណ្ដាលកូនខ្មែរឱ្យក្លាយទៅជាអ្នកបន្តវេនប្រកបដោយសក្កានុពលសម្រាប់កម្ពុជា ក្នុងនោះរួមមានទី១ វិទ្យាស្ថានខ្លួនឯងផ្ទាល់ត្រូវមានសមត្ថភាព និងលទ្ធភាពពេញ លេញក្នុងការទ្រទ្រង់ការបណ្ដុះបណ្ដាលមនុស្សជំនាន់ក្រោយ ទី២ សាស្ត្រាចារ្យខ្លាំង ប្រកបដោយសមត្ថភាព មានទឹកចិត្តបង្កប់នូវដួងព្រលឹងរបស់ដូនតាខ្មែរ ក្នុងការផ្ទេរពុទ្ធិរបស់ខ្លួនដល់អ្នក ជំនាន់ក្រោយ ផ្ទេរទាំងចំណេះដឹង ផ្ទេរទាំងចំណេះធ្វើ មានទាំងបេះដូងប្រកបដោយស្មារតីទទួលខុសត្រូវ សីលធម៌ គុណធម៌ ដូច្នេះវិទ្យាស្ថានត្រូវតែជ្រើសរើសសាស្ត្រាចារ្យយ៉ាងសម្រិតសម្រាំងបំផុត និងទី៣ កត្តា និស្សិតខ្លួនឯងផ្ទាល់ លោកថា វិទ្យាស្ថានត្រូវជ្រើសរើសនិស្សិតឱ្យចូលរៀនឆ្លងកាត់ការប្រឡង ដើម្បីរើសគ្រាប់ពូជល្អ និស្សិតត្រូវខិតខំឱ្យអស់ពីកម្លាំងកាយចិត្ត លះបង់ពេលវេលា ខិតខំប្រឹងប្រែងតស៊ូ រៀនសូត្រឱ្យខ្លាំងពូកែ ដើម្បីឆ្លើយតបនឹងគោលបំណង និងធ្វើខ្លួនឱ្យសាកសមជាអ្នកបន្តវេនកម្ពុជាលើវិស័យហេដ្ឋារចនាសម្ព័ន្ធ កម្ពុជានាពេលអនាគត៕

The post ក្រសួងកំពុងដាក់យុទ្ធសាស្រ្តដោះស្រាយបញ្ហាវិបត្តិកង្វះអ្នកបច្ចេកទេសក្នុងវិស័យសាធារណការ និងដឹកជញ្ជូន appeared first on .

ក្រសួងទេសចរណ៍កម្ពុជា គិតមកដល់ម៉ោងនេះមិនទាន់បានបង្ហាញរបាយការណ៍ចំនួនភ្ញៀវទេសចរចេញដើរកម្សាន្តក្នុងឪកាសចូលឆ្នាំថ្មីនេះនៅឡើយទេ តែជាការកត់សម្គាល់នៅមុនថ្ងៃឆ្លងឆ្នាំមានប្រជាជនកម្ពុជាជាច្រើនបានចេញដើរទៅតាមតំបន់ទេសចរនានាជុំវិញប្រទេសកម្ពុជា ខណៈគោលដៅទេសចរដែលក្រសួងទេសចរណ៍ និងអ្នកធ្វើការក្នុងវិស័យទេសចរបង្ហាញឲ្យដឹងថា ខេត្តព្រះសីហនុ កំពត កែប សៀមរាប កោះកុង កំពង់ស្ពឺ មណ្ឌលគិរី និងរតនគិរី នឹងមានកំណើនភ្ញៀវទេសចរទៅកម្សាន្តច្រើន។

តាមរយៈកំណើនភ្ញៀវទេសចរណ៍ចេញដើរនៅថ្ងៃឆ្លងឆ្នាំនេះ មន្រ្តីជាន់ខ្ពស់ក្រសួងសាធារណការ និងដឹកជញ្ជូនកម្ពុជា បានបង្ហាញក្តីបារម្ភជាខ្លាំងចំពោះបញ្ហាចំណតរថយន្តរបស់ម្ចាស់សណ្ឋាគារ ផ្ទះសំណាក់ និងកន្លែងកម្សាន្តនានាដែលបានចតឡានពាសវាពាសការគ្មានសណ្តាប់ធ្នាប់សាធារណៈពិសេសនៅខេត្តសៀមរាបផ្ទាល់តែម្តង។ លោកបានអះអាង បើអាជ្ញាធរខេត្តរួមនឹងម្ចាស់អាជីវកម្មមិនបានគិតគូរឲ្យបានច្បាស់លាស់ចាប់ពីពេលនេះតទៅនឹងមានបញ្ហាចំណតឡានកាន់តែធ្ងន់ធ្ងរទៅថ្ងៃអនាគត។

លោកបណ្ឌិត ហឿន សំនៀង ប្រធានវិទ្យាស្ថានតេជោសែនសាធារណការ និងដឹកជញ្ជូន នៃក្រសួងសាធារណការ និងដឹកជញ្ជូនកម្ពុជា បានគូសបញ្ជាក់នៅព្រឹកថ្ងៃសៅរ៍ទី១ មករា ថា៖ វិបត្តិចំណតឡាននៅសៀមរាប ក្រុងសៀមរាបនឹងមានបញ្ហាចំណតឡានកាន់តែធ្ងន់ធ្ងរទៅថ្ងៃអនាគត ប្រសិនបើអាជ្ញាធរខេត្ត និងម្ចាស់ផ្ទះ ម្ចាស់សណ្ឋាគារ មិនបានគិតគូរឲ្តបានច្បាស់លាស់ចាប់ពីពេលនេះតទៅ។

លោកបានអះអាងថា ម្ចាស់ផ្ទះសំណាក់-ម្ចាស់សណ្ឋាគារមួយចំនួនហាក់សាងសង់ផ្ទះសំណាក់ និងសណ្ឋាគាររបស់ខ្លួន សម្រាប់ផ្តោតទទួលតែភ្ញៀវបរទេស ដែលជិះយន្តហោះមកកាន់ខេត្តសៀមរាបប៉ុណ្ណោះ ដោយមិនបានគិតគូរពេញលេញ ដល់ការអញ្ជើញមករបស់ភ្ញៀវជនជាតិខ្មែរ ជាមួយវត្តមានគ្រួសារ និងរថយន្តតូចធំឡើយ។

លោកថ្លែងថា៖ ព្រលឹមស្រាងៗព្រឹកមិញនេះ ខ្ញុំបានជិះម៉ូតូឆ្វែលឆ្វាត់គយគន់ ទីក្រុងដ៏ស្រស់ស្អាត ស្ងាត់ជ្រងំ ខណៈមនុស្សម្នាមហាជនកំពុងសម្រានលង់លក់ ត្បិតជ្រុលកាលពីយប់មិញ ឃើញថា ស្ទើរគ្រប់សណ្ឋាគារ និងផ្ទះសំណាក់ មានភ្ញៀវចូលគេងយ៉ាងពេញកកកុញ ឡានហៀរពាសពេញចតតាមដងផ្កូវ ចិញ្ចើមផ្លូវ។

រដ្ឋបាលខេត្តសៀមរាប បានឲ្យដឹងថា ក្រោយពីប្រមុខដឹកនាំរាជរដ្ឋាភិបាលកម្ពុជា បានប្រកាសបញ្ចប់ព្រឹត្តិការណ៍សហគមន៍២០កុម្ភៈ២០២១ កាលពីថ្ងៃទី២០ធ្នូ ឆ្នាំ២០២១កន្លងទៅថ្មីៗនេះ និងដើម្បីលើកកម្ពស់វិស័យទេសចរណ៍ និងផ្សព្វផ្សាយពីសក្កានុពលទេសចរណ៍ធម្មជាតិ ទេសចរណ៍កែច្នៃ តាមតំបន់ដល់ភ្ញៀវទេសចរណ៍ជាតិ-អន្តរជាតិ រដ្ឋបាលខេត្ត និងរដ្ឋបាលក្រុង ស្រុក បានរៀបចំនិងសហការជាមួយ សសយកខេត្ត សហគ្រិនវ័យក្មេង វិស័យឯកជន ក្នុងការរៀបចំពិធីបុណ្យឆ្លងឆ្នាំថ្មី ឆ្នាំសកល ២០២២ ដែលមានកម្មវិធីកម្សាន្តជាច្រើនក្នុងក្រុងសៀមរាប នៅខាងមុខបរិវេណសួនច្បារព្រះរាជដំណាក់-ស្រុកស្វាយលើ នៅជើងភ្នំគូលេន (ផ្លូវឡើងភ្នំថ្មី) ភូមិបិទផ្កា ឃុំស្វាយលើ -ស្រុកស្រីស្នំ នៅរមណីដ្ឋានស្រីស្នំភូមិខ្ញុំ ភូមិត្រាំកង់ ឃុំស្លែងស្ពាន -ស្រុកបន្ទាយស្រី មាន ០៥ទីតាំង ទីតាំងទី១-តាំងពិព័រណ៍អាហារជនបទ នៅភូមិព្រះដាក់, ទី២-អាហារ Buffet និងបោះតង់ នៅភូមិលំហែសរសី, ទី៣-បោះតង់ និងតន្ត្រីស្គរដៃ នៅសួនក្រអូមឃុនរាម, ទី៤-បោះតង់ និងតន្ត្រីស្គរដៃ នៅបន្ទាយស្រីទេវី និងទី៥- ពិព័រណ៍ និង Concert ដីឡូត៍ ឡេង ណាវ៉ាត់ត្រា នៅភូមិតាកុះ ឃុំខ្នារសណ្ដាយ-ស្រុកវ៉ារិន នៅសហគមន៍ព្រៃឈើចង្ក្រានរយ ជាដើម។

ទោះយ៉ាងណា មន្រ្តីជាន់ខ្ពស់ក្រសួងសាធារណការរូបនេះ បានមើលឃើញដែរថា វត្តមានភ្ញៀវទេសចរណ៍ថ្ងៃបុណ្យឆ្លងឆ្នាំនេះ បានជួយដល់ភាពរស់រានឡើងវិញនៃសេវាកម្មទេសចរណ៍នៅខេត្តសៀមរាប ក្រោយសេវានេះត្រូវបានសម្លាប់ទាំងស្រុងដោយជំងឺកូវីដ។ លោកថា ក្រោមដំបូលសន្តិភាព វត្តមានផ្លូវ៣៨ខ្សែ និងការចាក់ស្រោចវ៉ាក់សាំងទូទាំងប្រទេស ចាប់ពីពេលនេះតទៅ សេវាកម្មទេសចរណ៍នឹងលីតលាស់ល្អឡើងវិញ ជាបណ្តើរៗ។

ជាថ្មីម្តងទៀត លោកបណ្ឌិត ហឿន សំនៀង បង្ហាញក្តីសង្ឃឹមថា អាជ្ញាធរខេត្ត និងម្ចាស់ផ្ទះសំណាក់ ម្ចាស់សណ្ឋាគារ នឹងពិចារណាឡើងវិញ ទាក់ទងនឹងចំណតឡានសម្រាប់ទទួលភ្ញៀវក្នុងស្រុក នាថ្ងៃអនាគត៕

រូបភាព៖ លោកបណ្ឌិត ហឿន សំនៀង

The post មន្រ្តីជាន់ខ្ពស់ក្រសួងសាធារណការ៖ វិបត្តិចំណតឡាននៅសៀមរាបនឹងមានបញ្ហាធ្ងន់ធ្ងរទៅថ្ងៃអនាគត បើអាជ្ញាធរនិងម្ចាស់អាជីវកម្មមិនបានគិតគូរ appeared first on .

បន្ថែមលើនេះឯកឧត្ដម បាន​ចែករំលែកទស្សន:ចំនួន ៣ ចំណុចដើម្បីថ្លឹងថ្លែង និងសិក្សាឈ្វេងយល់ដូចខាងក្រោម៖

ទី១. ការស្គាល់ខ្លួនឯង៖ គ្រប់គ្នាគួរសិក្សាស្វែងយល់ឱ្យស្គាល់ខ្លួនឯងច្បាស់លាស់។ មនុស្សយើងគ្រប់គ្នា ងាយស្រួលរកផ្លូវនានាលើផែនទី តែមិនងាយរកផ្លូវឱ្យស្គាល់ខ្លួនឯងនោះឡើយ។ ការរៀនស្គាល់ពីខ្លួនឯង ប្រវត្តិខ្លួន បុព្វហេតុរបស់ខ្លួន អត្តសញ្ញាណនៃជាតិខ្លួន និងគុណតម្លៃ តួនាទីរបស់ខ្លួន ជាការស្គាល់ ដ៏អាស្ចារ្យបំផុត។ “ជំងឺវង្វេងខ្លួនឯង ជាគ្រោះថ្នាក់ដ៏ធំបំផុត”។

ទី២. ការស្វែងរកចំណេះដឹង៖ មនុស្សល្ងង់មិនចេះ មនុស្សចេះមិនវង្វែង ការសិក្សាស្វែងរកចំណេះដឹង ចំណេះ ជំនាញ និងទេពកោសល្យរបស់ខ្លួន គឺជាគ្រឹះនៃការបង្កើតមូលធន ជាទ្រព្យសម្បត្តិដំបូង និងល្អបំផុត សម្រាប់ខ្លួនឯង ដែលប្រើច្រើន កើនច្រើន ចម្រើនរុងរឿង ដល់ខ្លួន គ្រួសារ និងសង្គមជាតិ។

ទី៣. ការតម្កល់ខ្លួនដោយប្រពៃ៖ បានដល់ការតម្កល់ខ្លួនក្នុងសេចក្តីល្អ សេចក្តីថ្លៃថ្នូរត្រឹមត្រូវ ឬហៅថា គុណធម៌ និងសីលធម៌នោះឯង កុំធ្វើខ្លួនឱ្យមានកំហុស ឬមានទោសនៃសង្គមឡើយ តម្លៃពិតរបស់ មនុស្សមិនមែនលុយកាក់ ឬតំណែងនោះទេ តែសេចក្តីល្អ អំពើល្អ ដែលជីវិតនេះបានផ្តល់ បានធ្វើដល់ សង្គមជាតិ។

The post ឯកឧត្តម ហឿន សំនៀង៖ ជំងឺវង្វេងខ្លួនឯង ជាគ្រោះថ្នាក់ដ៏ធំបំផុត appeared first on .