ទន្ទឹមនឹងនេះ បើតាមទិន្នន័យដែលទទួលបានពីការិយាល័យស្ថិតិជាតិ (NBS) របស់ប្រទេសចិន បានបង្ហាញឲ្យដឹងកាលពីថ្ងៃចន្ទ ទី១៥ ខែកក្កដាកន្លងទៅថា ការលក់អចលនទ្រព្យបើគិតតាមផ្ទៃក្រឡា ក្នុងខែមករា ដល់ខែមិថុនា បានធ្លាក់ចុះ ១៩% ធៀបនឹងរយ:ពេលដូចគ្នាកាលពីឆ្នាំមុន ដែលទាបជាងការធ្លាក់ចុះ ២០,៣% ក្នុងខែមករា ដល់ខែឧសភា។

គួរឲ្យដឹងថា បើទោះបីជាមានវិធានការថ្មីៗជាច្រើន ដែលត្រូវបានគេរំពឹងថានឹងអាចជួយជំរុញដល់តម្រូវការ សម្រាប់វិស័យអចលនទ្រព្យទាំងនៅក្នុងទីក្រុងធំៗក៏ដោយ ប៉ុន្តែផ្ទុយទៅវិញទីក្រុងតូចៗនៅតែបន្តជួបប្រទះជាមួយនឹងបញ្ហាសារពើភ័ណ្ឌលំនៅដ្ឋានច្រើនហួសហេតុ រួមទាំងអតិថិជនហាក់នៅតែមិន​មានទំនុកចិត្តទៅលើវិស័យអចលនទ្រព្យរបស់ប្រទេសខ្លួនដដែល។

ទន្ទឹមនឹងនេះ ការចាប់ផ្តើមសាងសង់ថ្មីដោយគិតជាផ្ទៃក្រឡា បានធ្លាក់ចុះជិត ២៣% នៅក្នុងឆមាសទី១នៃឆ្នាំនេះ បន្ទាប់ពីមានការធ្លាក់ចុះជាង ២៤% ក្នុងរយៈពេលប្រាំខែដំបូង។

មូលនិធិដែលប្រមូលដោយក្រុមហ៊ុនអភិវឌ្ឍអចលនទ្រព្យរបស់ប្រទេសចិន បានធ្លាក់ចុះជាង ២២% ធៀបនឹងរយ:ពេលដូចគ្នាកាលឆ្នាំមុន បន្ទាប់ពីមានការធ្លាក់ចុះជាង ២៤% នៅក្នុងអំឡុងខែមករា ដល់ខែឧសភា៕

The post ការវិនិយោគក្នុងវិស័យអចលនទ្រព្យ នៅប្រទេសចិន ធ្លាក់ចុះជាង ១០% ក្នុងឆមាសទី១ appeared first on .

ជុំវិញការពន្យារពេលចំពោះការកាត់ក្តីនេះ ត្រូវបានធ្វើឡើងដោយតុលាការហុងកុង បន្ទាប់ពីទទួលបានពាក្យស្នើសុំពីភាគីទាំងសងខាង គឺក្រុមហ៊ុន Shimao និងក្រុមហ៊ុនផ្តល់ប្រាក់កម្ចីរបស់រដ្ឋ China Construction Bank (Asia) ដែលជាអ្នកដាក់ញត្តិស្នើសុំឲ្យមានការរំលាយនេះ។

តុលារការហុងកុង ក៏បានបន្ថែមឲ្យដឹងទៀតថា ក្រុមហ៊ុន Shimao និងទីប្រឹក្សារបស់ខ្លួន កំពុងជំរុញយ៉ាងសកម្មក្នុងការពិភាក្សាជាមួយម្ចាស់បំណុល ទាក់ទងនឹងសំណើររៀបចំរចនាសម្ព័ន្ធបំណុលនៅក្រៅប្រទេសរបស់ខ្លួនឡើងវិញ។ ក្រុមហ៊ុន ក៏បានសុំពន្យារពេលបន្ថែមទៀតនូវថ្ងៃផុតកំណត់សម្រាប់ការសងប្រាក់ដើម ឬថ្លៃសេវាដែលត្រូវបង់ទៅឲ្យម្ចាស់បំណុល ដើម្បីជាការលើកទឹកចិត្ត ក្នុងការគាំទ្រដល់ការរៀបចំរចនាសម្ព័ន្ធបំណុលរបស់ខ្លួនឡើងវិញ រហូតដល់ថ្ងៃទី៣១ ខែកក្កដាជំនួសវិញ។

ទន្ទឹមនឹងនេះ សារព័ត៌មាន Reuters បានរាយការណ៍កាលពីថ្ងៃអង្គារថា ក្រុមហ៊ុន Shimao បានធ្វើឲ្យមានលក្ខខណ្ឌដ៏ល្អ​ប្រសើរ​ជាច្រើននៅក្នុងផែនការរៀបចំរចនាសម្ព័ន្ធបំណុលក្រៅប្រទេសចំនួន ១១,៥ពាន់លានដុល្លាររបស់ខ្លួន ដើម្បីទទួលបានការគាំទ្រពីម្ចាស់បំណុល ខណៈពេលដែលខ្លួនកំពុងព្យាយាមទប់ទល់នឹងញត្តិស្នើសុំឲ្យមានការរំលាយក្រុមហ៊ុនចោល។

ជម្រាបជូនថា ក្រុមហ៊ុន Shimao ដែលមានមូលដ្ឋាននៅទីក្រុងសៀងហៃ បានស្ថិតក្នុងចំណោមក្រុមអ្នកអភិវឌ្ឍអចលនទ្រព្យចិនផ្សេងទៀត ដែលបានខកខានក្នុងការទូទាត់បំណុលក្រៅប្រទេស ក្រោយវិស័យអចលនទ្រព្យរបស់ប្រទេសចិន បានធ្លាក់ចូលទៅក្នុងវិបត្តិធ្ងន់ធ្ងរបំផុតមួយ ចាប់តាំងពីឆ្នាំ២០២១ មក៕

The post សវនាការកាត់ក្តីរំលាយក្រុមហ៊ុនអលចនទ្រព្យខ្នាតយក្សចិន Shimao ត្រូ​វ​ពន្យារ​ដល់ចុងខែក្រោយ appeared first on .

ជុំវិញការកើនឡើងនៃការវិនិយោគនេះ ត្រូវបានអ្នកវិភាគកត់សម្គាល់ឃើញថាដោយសារតែមានការងើបឡើងវិញនៃវិស័យអចលនទ្រព្យរបស់វៀតណាម នៅឆ្នាំនេះ ជាមួយនឹងអត្រាអតិផរណាដែលនៅស្ថិតក្រោមការគ្រប់គ្រងបានល្អ និងអត្រាការប្រាក់ឥណទានធនាគារធ្លាក់ចុះ ក៏ដូចជាការកើនឡើងនៃការវិនិយោគសាធារណៈ និងការអភិវឌ្ឍហេដ្ឋារចនាសម្ព័ន្ធ ផងដែរ។

ទន្ទឹមនឹងនេះ បើតាមក្រសួងផែនការ និងវិនិយោគ បានឲ្យដឹងទៀតថា ចំនួនទឹកប្រាក់ដែលក្រុមហ៊ុនបរទេសបានវិនិយោគនៅក្នុងវិស័យអចលនទ្រព្យនេះ គឺជាកម្រិតខ្ពស់បំផុតទីពីរ បន្ទាប់ពីវិស័យផលិតកម្មដែលទទួលបានការវិនិយោគសរុបចំនួន ៧,៤៣ពាន់លានដុល្លារ។

ជម្រាបជូនផងដែរថា ការវិនិយោគផ្ទាល់ពីបរទេស (FDI) សរុបក្នុងរយៈពេលប្រាំខែដំបូងឆ្នាំនេះ មានចំនួន ១១ពាន់លានដុល្លារ កើនឡើង ២%។ ក្នុងអំឡុងពេលនោះ ប្រទេស និងដែនដីចំនួន ៧៨ បានចូលមកវិនិយោគក្នុងប្រទេសវៀតណាម ខណ:សិង្ហបុរី នាំមុខគេ ជាមួយទុនវិនិយោគសរុប ៣,២៥ពាន់លានដុល្លារ កើនឡើង ២៨% និងតាមពីក្រោយដោយហុងកុង ជប៉ុន ចិន និងកូរ៉េខាងត្បូង៕

The post ៥ខែដំបូង វៀតណាម ទទួលបានការវិនិយោគក្នុងវិស័យអចលនទ្រព្យជិត ២ពាន់លានដុល្លារ appeared first on .

ជុំវិញការប្រកាសនេះ ត្រូវបានធ្វើនៅឡើងនៅត្រឹមតែប៉ុន្មានថ្ងៃប៉ុណ្ណោះ បន្ទាប់ពីក្រុមហ៊ុនដែលធ្លាប់តែចាត់ទុកថាជាអ្នកអភិវឌ្ឍធំជាងគេបំផុតរបស់ប្រទេសចិនមួយនេះ បានពន្យារពេលក្នុងការចេញផ្សាយលទ្ធផលហិរញ្ញវត្ថុប្រចាំឆ្នាំ២០២៣ របស់ខ្លួន។

នៅក្នុងឯកសារមួយដែលបានដាក់ជូនទៅកាន់ទីផ្សារហ៊ុនហុងកុងកាលពីថ្ងៃអង្គារ ក្រុមហ៊ុន Country Garden បាននិយាយថា ការជួញដូរភាគហ៊ុនរបស់ខ្លួននៅលើផ្សារហ៊ុននឹងត្រូវផ្អាកសិន ដើម្បីទុកពេលក្នុងការប្រមូលព័ត៌មានឲ្យបានគ្រប់ មុនពេលប្រកាសចេញពីលទ្ធផលហិរញ្ញវត្ថុប្រចាំឆ្នាំ។

គួរឲ្យដឹងថា វិបត្តិលំនៅឋានរបស់ប្រទេសចិន បានបន្តធ្លា់ចុះពោលគឺចាប់តាំងពីឆ្នាំ២០២១ មក បន្ទាប់ពីការបង្រ្កាបបទប្បញ្ញត្តិទ្រង់ទ្រាយធំរបស់រដ្ឋាភិបាល ទៅលើក្រុមអ្នកអភិវឌ្ឍដែលជំពាក់បំណុលច្រើន។

ជម្រាបជូនទៀតផងដែរថា Country Garden គឺជាក្រុមហ៊ុនមួយក្នុងចំណោមក្រុមហ៊ុនជាច្រើនផ្សេងទៀតដែលត្រូវបានរងផលប៉ះពាល់ដោយវិបត្តិអចលនទ្រព្យរបស់ប្រទេសចិន ខណ:ពេលដែលក្រុមហ៊ុន Modern Land, Central China Management និង Ronshine China ក៏បានប្រកាសផ្អាកលក់ភាគហ៊ុនរបស់ពួកគេ នាពេលថ្មីៗនេះផងដែរ៕

The post ក្រុមហ៊ុនអចលនទ្រព្យកំពូលចិន Country Garden ប្រកាសផ្អាកការជួញដូរភាគហ៊ុននៅទីក្រុងហុងកុង appeared first on .

នៅថ្ងៃទី២៧ ខែមីនា ទិន្នន័យរបស់ការិយាល័យស្ថិតិជាតិ (NBS) បានបង្ហាញថា នៅរយៈពេលពីរខែដំបូងឆ្នាំថ្មីនេះ ប្រាក់ចំណេញក្រុមហ៊ុនឧស្សាហកម្មរបស់ប្រទេសចិនបានកើនឡើង១០,២% បើធៀបនឹងរយៈពេលដូចគ្នាកាលពីឆ្នាំមុន ខុសប្លែកពីប្រាក់ចំណេញពេញមួយឆ្នាំ២០២៣ ដែលធ្លាក់ចុះចំនួន២,៣% ។

លើសពីនោះ ក្រុមហ៊ុនដែលស្ថិតក្រោមការគ្រប់គ្រងដោយរដ្ឋចិន ក៏មានការកើនឡើងប្រាក់ចំណូល០,៥% ខណៈដែលក្រុមហ៊ុនបរទេសមានការកើនឡើង៣១,២% ចំណែកឯក្រុមហ៊ុនឯកជនវិញក៏មានការកើនឡើងដល់ទៅ១២,៧%​ ផងដែរ។

សូមជម្រាបបន្ថែមថា ក្រុមហ៊ុនឧស្សាហកម្មនៅក្នុងប្រទេសចិនណា ដែលមានប្រាក់ចំណូលអាជីវកម្មយ៉ាងហោចណាស់ ២០លានយន់ (ប្រហែល ២,៨២លានដុល្លារអាមេរិក) ប្រចាំឆ្នាំនោះ បានមើលឃើញនូវប្រាក់ចំណេញរួមគ្នារបស់ពួកគេរហូតដល់ទៅ ៩១៤,០៦ពាន់លានយន់ នារយៈពេលត្រឹមពីរខែដំបូងឆ្នាំថ្មីនេះប៉ុណ្ណោះ៕

The post សេដ្ឋកិច្ចចិនហាក់មានសញ្ញាណវិជ្ជមានឡើងវិញ បន្ទាប់ពីប្រាក់ចំណេញឧស្សាហកម្មមានការកើនឡើង appeared first on .

នៅក្រោមយន្តការថ្មីដែលមានឈ្មោះថា “បញ្ជីស” របស់ប្រទេសចិន ដែលត្រូវបានដាក់ចេញលើកដំបូងនៅថ្ងៃទី២៦ ខែមករាកន្លងទៅ រដ្ឋាភិបាលទីក្រុង បានណែនាំគម្រោងលំនៅដ្ឋានដែលកំពុងជាប់គាំងជាច្រើន របស់ក្រុមហ៊ុនអភិវឌ្ឍអចលនទ្រព្យក្នុងស្រុក ទៅកាន់ធនាគារ សម្រាប់ផ្តល់ការគាំទ្រផ្នែកហិរញ្ញវត្ថុ និងសម្របសម្រួលជាមួយស្ថាប័នហិរញ្ញវត្ថុ ដើម្បីបញ្ចប់គម្រោងទាំងនោះ។

ជុំវិញយន្តការថ្មីនេះ គឺជាផែនការដ៏សំខាន់មួយនៃកិច្ចខិតខំប្រឹងប្រែងរបស់រដ្ឋាភិបាលទីក្រុងប៉េកាំង ក្នុងការធ្វើឲ្យមានស្ថិរភាពចំពោះវិបត្តិបំណុលនៃវិស័យអចលនទ្រព្យ និងជំរុញទំនុកចិត្តបន្ថែមទៀត នៅក្នុងវិស័យអចលនទ្រព្យដែលបានចូលរួមចំណែកមួយភាគបួននៃផលិតផលក្នុងស្រុកសរុបរបស់ប្រទេសចិន។

ជម្រាបជូនផងដែរថា រហូតមកដល់ពេលនេះទីក្រុងចំនួន ២១៤ នៅទូទាំងប្រទេស បានរៀបចំទទួលយកយន្តការថ្មីនេះ ដោយបានណែនាំពីគម្រោងរបស់ខ្លួនជាង ៥ ៣០០ ដល់ធនាគារ ដើម្បីទទួលបានប្រាក់ជំនួយក្នុងការបញ្ចប់គម្រោងរបស់ខ្លួន។ នេះបើយោងតាមសេចក្តីថ្លែងការណ៍មួយរបស់ក្រសួងលំនៅដ្ឋាន និងអភិវឌ្ឍទីក្រុង-ជនបទ បានចេញផ្សាយកាលពីល្ងាចថ្ងៃអង្គារ ទី២០​ ខែកុម្ភ:កន្លងទៅ៕

The post រដ្ឋាភិបាលចិន អនុម័តកម្ចីជិត ១៨ពាន់លានដុល្លារ ជួយបញ្ចប់គម្រោងលំនៅឋានដែលជាប់គាំង appeared first on .

ផ្ដល់បទសម្ភាសន៍ពិសេសជាមួយឧកញ៉ាញូស៍ កាលពីពេលថ្មីៗនេះ ឧកញ៉ា សំ សុខនឿន ប្រធានក្រុមហ៊ុន SAM SN Realty និងជាអ្នកជំនាញអចលនទ្រព្យមួយរូបនៅកម្ពុជាមើលឃើញថា វិស័យអចលនទ្រព្យនៅកម្ពុជាចាប់ផ្ដើមមានសន្ទុះនៃការងើបឡើងវិញនៅដើមឆ្នាំ២០២៤ ក្រោយវិស័យនេះរងនៅផលប៉ះពាល់យ៉ាងដំណំរយៈពេលបីឆ្នាំចុងក្រោយពោលចាប់ពីឆ្នាំ២០២០ ដល់ឆ្នាំ២០២៣។

សញ្ញាណនៃការងើបឡើងវិញនៃវិស័យអចលនទ្រព្យនៅកម្ពុជាគឺបណ្ដាលមកពីហេតុផលចំនួន២យ៉ាងគឺ៖ ១, ការដាក់ចេញកម្មវិធីពិសេសដោះស្រាយបញ្ហាអគារជាប់គាំងនៅខេត្តព្រះសីហនុរបស់សម្ដេចធិបតី ហ៊ុន ម៉ាណែត ដែលនេះជាចំណុចនៃការចាប់ផ្ដើមបើកបវាស្សនកាលថ្មីនៃការជំរុញវិស័យអចលនទ្រព្យក្នុងខេត្តព្រះសីហនុ ក៏ដូចជាក្នុងប្រទេសកម្ពុជាឱ្យមានសញ្ញាណវិជ្ជមានឡើងវិញដើម្បីឈានទៅរកចំណុចនៃការចាប់ផ្ដើមនៃការរីកចម្រើនក្នុងវិស័យអចលនទ្រព្យ។ ២, ការដើរគោះទ្វាទាក់ម៉ូយរបស់សម្ដេចធិបតី នាយករដ្ឋមន្រ្តី នៅតាមបណ្ដារប្រទេសមួយចំនួននៅលើពិភពលោក ឱ្យងាកមកដាក់ទុនវិនិយោគនៅកម្ពុជា។ ការដើរគាស់ទ្វារបស់សម្ដេចធិបតី បានធ្វើឱ្យអ្នកវិនិយោគទាំងនៅក្នុង និងក្រៅស្រុកចាប់ផ្ដើមសំឡឹងមើលកម្ពុជាដើម្បីដាក់ទុនវិនិយោគ ជាពិសេសតំបន់សេដ្ឋកិច្ចពិសេសខេត្តព្រះសីហនុ។

លោកឧកញ៉ា បានបន្ដថា សកម្មភាពទាំងពីរនេះហើយ ដែលជំរុញឱ្យវិស័យអចលនទ្រព្យ វិស័យសំណង់នៅកម្ពុជា ឱ្យមានសកម្មភាពរស់រវើកឡើងវិញ។ តែបើទោះបីជាមានការរំពឹងនិងសង្ឃឹមយ៉ាងនេះក្ដី វិស័យនេះគិតត្រឹមដើមខែកុម្ភៈ មិនទាន់មានសញ្ញាណច្បាស់លាស់ណាមួយបញ្ជាក់នោះទេ។

លោកឧកញ៉ា បញ្ជាក់ថាទោះជាយ៉ាងណា ការជំរុញលើវិស័យអចលនទ្រព្យនេះ ត្រូវការពេលវេលា ដើម្បីរៀបចំ ដោយទាមទារឱ្យមានការចូលរួមពីអ្នកវិនិយោគ និងសេដ្ឋកិច្ចដែលប្រសើរឡើង ដើម្បីផ្ដល់ភាពងាយស្រួលដល់វិនិយោគិន៕

The post ឧកញ៉ា សំ សុខនឿន៖ គិតត្រឹមដើមខែកុម្ភៈឆ្នាំនេះ វិស័យអចលនទ្រព្យចាប់ផ្ដើមងើបឡើងវិញក្រោមហេតុផលពីរយ៉ាង appeared first on .

ការសម្រេចចិត្តរបស់តុលាការកំពូលក្រុងហុងកុងត្រូវបានធ្វើឡើង បន្ទាប់ពីមានភាពឆ្អែតឆ្អន់​ជាមួយនឹងក្រុមហ៊ុនជាប់បំណុលច្រើនបំផុតលើលោក ពោលបើទោះជាទុកពេលឲ្យ China Evergrande រយៈពេលច្រើនជាង ១៨ខែ ដើម្បីរកដំណោះស្រាយជាមួយម្ចាស់បំណុល ក៏ក្រុមហ៊ុនចិនមួយនេះមិនអាចស្វែងរកមធ្យោបាយ ទូទាត់បំណុលបានដដែល។

រំលឹកបន្តិចថា កាលពីឆ្នាំ២០២១ ក្រុមហ៊ុន China Evergrande បានប្រកាសពីបំណុល ដែលមានរហូតដល់ ៣០០ពាន់លានដុល្លារ និងបានអូសទាញវិស័យអចលនទ្រព្យនៅក្នុងប្រទេស ធ្លាក់ក្នុងរណ្ដៅជាមួយខ្លួនដែរ។

គិតត្រឹមថ្ងៃទី២៩ ខែមករានេះ តម្លៃក្រុមហ៊ុនទាំងមូលរបស់ China Evergrande មានប្រហែល ២៤០ពាន់លានដុល្លារ ដូច្នេះបើសិនជាលក់ក្រុមហ៊ុនទាំងមូល ក៏មិនមានលទ្ធភាពសងបំណុលនេះរួចដែរ ដូច្នេះហើយទើបតុលាការសម្រេចឲ្យមានការ​រំលាយក្រុមហ៊ុន លក់ចេញជាបន្ទាន់ដើម្បីទូទាត់សាច់ប្រាក់ដល់ម្ចាស់បំណុលនានាតែម្ដង។

សូមជម្រាបបន្ថែមថា ការបញ្ជាឲ្យរំលាយក្រុមហ៊ុន China Evergrande គឺជាសញ្ញាមិនល្អឡើយ សម្រាប់វិស័យអចលនទ្រព្យ និងហិរញ្ញវត្ថុនៅប្រទេសចិន ដ្បិតបច្ចុប្បន្នបើទោះជារដ្ឋាភិបាល​កំពុងព្យាយាមរកវិធានការស្ដារវិស័យអចលនទ្រព្យបែបណា ក៏ពួកគេនៅតែជួបជាមួយវិបត្តិ​ជាច្រើន តួយ៉ាងមុនសេចក្ដីប្រកាសរំលាយក្រុមហ៊ុន China Evergrande មានក្រុមហ៊ុនអចលនទ្រព្យយ៉ាងហោចណាស់ចំនួន៣ ក៏ត្រូវបានតុលាការហុងកុង​បញ្ជាឲ្យរំលាយក្រុមហ៊ុន ក្រោមហេតុផលគ្មានលទ្ធភាពសងបំណុលដូចគ្នា៕

The post BREAKING NEWS: ក្រុមហ៊ុនChina Evergrande ត្រូវបានបញ្ជាឲ្យរំលាយក្រុមហ៊ុន ក្រោយដោះបំណុលមិនរួច appeared first on .

កាលណាប្រទេសមានទំហំសេដ្ឋកិច្ចធំ តែប្រជាជនមានកំណើនទាប វានឹងធ្វើឲ្យចរន្តសេដ្ឋកិច្ច​នៅជាប់គាំង ព្រោះឧស្សាហកម្មនានា នឹងជួបប្រទះវិបត្តិកង្វះខាតកម្មករ ស្របពេល​ចំនួនអ្នកប្រើប្រាស់ទំនិញ ក៏មានទាបជាងការផលិត ធ្វើឲ្យសេដ្ឋកិច្ចជាតិនៅនឹងថ្កល់មួយកន្លែង។

យោងតាមការចុះផ្សាយពីសារព័ត៌មាន Reuters បានបង្ហាញថា ការថយចុះនៃចំនួនប្រជាជន​ចិន បានធ្វើឲ្យរដ្ឋាភិបាល មានការព្រួយបារម្ភជាខ្លាំង ដោយវាបានកើតឡើងដំបូងតាំងពីឆ្នាំ២០១៦ ហើយមកទល់ឆ្នាំ២០២៣ តួលេខនៅតែបន្តថយចុះដដែល។

ក្រុមអ្នកស្រាវជ្រាវ នឹងបញ្ចេញទិន្នន័យទាក់ទងនឹងជំរឿនប្រជាជនចិនប្រចាំឆ្នាំ២០២៣ នាថ្ងៃទី១៧ ខែមករាខាងមុខ ប៉ុន្តែពួកគេបានបង្ហើបប្រាប់ថា អត្រាកំណើតនៅក្នុងឆ្នាំ២០២៣ គឺមានតិចជាងចំនួន ៩,៥៦លាននាក់ នៅក្នុងឆ្នាំ២០២២ ដោយសារតែបញ្ហាវិសមភាពយេនឌ័រ និងការមើលថែទាំកុមារ គឺមានតម្លៃខ្ពស់ខ្លាំងនៅក្នុងប្រទេសចិន ដូច្នេះប្រជាជនមានភាព​ខ្លាចរអា​ក្នុងការយកកូន។

ហេតុផលមួយចំនួនទៀត ដែលធ្វើឲ្យប្រជាជនចិនមិនចង់បានកូន គឺដោយសារការចំណាយខ្ពស់ ស្របពេលអត្រាយុវជនគ្មានការងារធ្វើក៏ច្រើន ប្រាក់ខែបុគ្គលិកក៏ថយចុះ ចំពេលវិបត្តិអចលនទ្រព្យធ្វើឲ្យកកស្ទះចរន្តសេដ្ឋកិច្ចក្នុងស្រុកផង បានបណ្ដាលឲ្យ​គ្រួសារជាច្រើន​ពន្យារពេលយកកូនជាបណ្ដោះអាសន្ន។

ចំណែកឯវិបត្តិអចលនទ្រព្យនៅប្រទេសចិនវិញ គឺបានធ្វើឲ្យសេដ្ឋកិច្ចនៃប្រទេសមហាអំណាចមួយនេះ រងទុក្ខមិនស្ទើរឡើយ ដ្បិតវិស័យមួយនេះ​គឺជាកត្តាលីករុញច្រាន និងរួមចំណែក GDP នៃប្រទេសចិនបានរហូតដល់ ៣០% ឯណោះ។ នេះបើតាមរបាយការណ៍ពីសារព័ត៌មាន Business Insider។

តាំងពីចុងទសវត្សឆ្នាំ១៩៩០ វិស័យអចលនទ្រព្យនៅចិន គឺជាប្រភពចំណូលដ៏សំខាន់​របស់រដ្ឋាភិបាល ដោយបានអូសទាញក្រុមវិនិយោគិន មកចាក់លុយនៅទីនោះរាប់សិបពាន់លានដុល្លារ។

ប៉ុន្តែដោយសារក្រុមហ៊ុនបរទេស និងក្រុមហ៊ុនក្នុងស្រុកជាច្រើន សម្រុកសាងសង់ផ្ទះច្រើនពេក ធ្វើឲ្យតម្រូវការមានលើសលុប ហើយបច្ចុប្បន្ននេះ ប្រហែល ១/៥ ឬប្រហែល ៦៥លានខ្នង នៃចំនួនផ្ទះសរុបនៅប្រទេសចិន គឺត្រូវបានទុកចោល ដោយសារគ្មានអ្នកទិញ។

វិស័យអចលនទ្រព្យនៅចិន ជួបបញ្ហាតាំងពីឆ្នាំ២០២០ ដោយក្នុងនោះក្រុមហ៊ុនអភិវឌ្ឍន៍អចលនទ្រព្យចិន យ៉ាងហោចណាស់ ៦០ក្រុមហ៊ុន បានប្រកាសក្ស័យធន ជាមួយបំណុលច្រើនជាង ១៤០ពាន់លានដុល្លារ។

តែទើបនៅក្នុងឆ្នាំ២០២១ ប៉ុណ្ណោះ ដែលវិស័យមួយនេះចាប់ផ្ដើមធ្លាក់ចូលក្នុងរណ្ដៅ ដកខ្លួនលែងរួច ក្រោយក្រុមហ៊ុនខ្នាតយក្ស China Evergrande ប្រកាសពីបំណុលសរុប​ប្រមាណ ៣០០ពាន់លានដុល្លារ ជាប់ជាក្រុមហ៊ុនជំពាក់បំណុលច្រើនបំផុតលើលោក និងបានទាញ​បណ្ដាក្រុមហ៊ុនដទៃនៅក្នុងស្រុក ធ្លាក់ចូលក្នុងវិបត្តិហិរញ្ញវត្ថុជាមួយខ្លួនដែរ។

បច្ចុប្បន្ននេះ រដ្ឋាភិបាលចិន កំពុងព្យាយាមរិះរកគ្រប់មធ្យោបាយ ដើម្បីដោះស្រាយបញ្ហា​វិបត្តិអចលនទ្រព្យនៅក្នុងប្រទេស ដើម្បីបង្ការផលប៉ះពាល់ដល់វិស័យដទៃទៀត ប៉ុន្តែវាមិនមែន​ជារឿងងាយស្រួលឡើយ ព្រោះថាវិស័យអចលនទ្រព្យ និងវិស័យធនាគារ គឺប្រៀបដូចជាសរសៃឈាម ដែលពឹងផ្អែកលើគ្នាទៅវិញទៅមក។

តួយ៉ាង ធនាគារស្រមោលរបស់ចិន គឺ ក្រុមហ៊ុន Zhongzi Enterprise Group បានប្រកាសក្ស័យធន​ថ្មីៗ ក្រោយមានបំណុលជាង ៦៥ពាន់លានដុល្លារ ដោយសារម្ចាស់ក្រុមហ៊ុន​ក៏ផុងខ្លួនជាមួយ​វិបត្តិអចលនទ្រព្យផងដែរ។

ទោះជាយ៉ាងណា រដ្ឋាភិបាលចិននៅតែព្យាយាមរកវិធីសាស្ត្រផ្សេងៗ ដើម្បីបង្កើនកំណើនសេដ្ឋកិច្ចរបស់ពួកគេឡើងវិញ តាមរយៈការអូសទាញភ្ញៀវទេសចរណ៍នានា ដូចជាការលើកលែងទិដ្ឋាការដល់ប្រទេសមួយចំនួន សម្រាប់ការមកកម្សាន្តនៅប្រទេសចិន អូសទាញក្រុមវិនិយោគិនមកបណ្ដាក់ទុនលើវិស័យបច្ចេកវិទ្យា ដោយសន្យាផ្ដល់អត្ថប្រយោជន៍ជាច្រើនដូចជា ការលើកលែងពន្ធមួយចំនួន និងផ្ដល់កម្ចី​ដែលមានការប្រាក់ទាបជាដើម៕

The post អត្ថបទវិភាគ៖ សេដ្ចកិច្ចនៃប្រទេសចិន ទំនងជាប់គាំងដោយសារកត្តាធំៗ ២យ៉ាង appeared first on .

សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៅរសៀលថ្ងៃទី១៥ ខែវិច្ឆិកានេះ ក្នុងពិធីសម្ពោធដាក់ឲ្យប្រើប្រាស់ជាផ្លូវការស្ពានខ្សែកាបតភ្ជាប់រវាងតំបន់អភិវឌ្ឍន៍កោះពេជ្រ និងតំបន់អភិវឌ្ឍន៍កោះនរា បានបង្ហាញនូវជំនឿថា ប្រតិបត្តិករក្នុងវិស័យធនាគារ និងវិស័យអចលនទ្រព្យក៏ដូចជា វិស័យផ្សេងៗ សូមជួយសម្រាលទៅដល់បងប្អូនប្រជាពលរដ្ឋ អតិថិជនរបស់ខ្លួន។

សម្តេចធិបតីថ្លែងថា៖ «កាលពីថ្ងៃទី ១៣ ខែវិច្ជិកា ខ្ញ៉ំបានជួបជាមួយវិស័យឯកជនហើយ និងបានប្រកាសពីគោលនយោបាយជួយលើគ្រប់វិស័យ»។ សម្តេចធិបតីបានសង្កត់ធ្ងន់ថា «យើងមិនចង់ឃើញខាងណាដួលរលំទេ បើតឹងពេកក៏ដាច់ ធូរពេកក៏មិនល្អដែរ»។

ជាមួយគ្នានេះដែរចំពោះបញ្ហាទំនាស់រឿងបញ្ហាដីធ្លីដែលកើតឡើង សម្តេចធិបតី ហ៊ុន ម៉ាណែត បានណែនាំឲ្យដោះស្រាយលើយន្តការពីរ ទីមួយ ក្រសួងដែនដីសូមពន្លឿនការចែកប័ណ្ណកម្មសិទ្ធិដីធ្លីនៅទូទាំងប្រទេស ទីពីរ យន្តការដោះស្រាយក្រៅប្រព័ន្ធតុលាការ ដែលមានអាជ្ញាធរជាតិដោះស្រាយវិវាទក្រៅប្រព័ន្ធតុលាការរួចហើយ។

សូមជម្រាបជូនថា វេទិការាជរដ្ឋាភិបាល-ផ្នែកឯកជន លើកទី១៩ បានធ្វើឡើងកាលថ្ងៃចន្ទ ទី១៣ ខែវិច្ឆិកា ឆ្នាំ២០២៣ ជាមួយដាក់ចេញវិធានការគន្លឹះមួយចំនួនដើម្បីជួយដល់វិស័យឯកជន។

ក្នុងនោះនៅវិមានសន្តិភាព សម្ដេចធិបតី ហ៊ុន ម៉ាណែត បានដាក់ចេញនូវវិធានការកែទម្រង់គន្លឹះមុតស្រួចមួយចំនួនថែមទៀត ដើម្បី ជួយដល់វិស័យឯកជន ក្នុងការលើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។ បន្ថែមលើនេះ សម្តេចធិបតីក៏បានប្រកាសដាក់ចេញកិច្ច អន្តរាគមន៍ ជាច្រើន ដើម្បីលើកកម្ពស់ការធ្វើធុរកិច្ចនៅកម្ពុជា ឆ្លើយតបនឹងវិបត្តិទាំងឡាយ ក៏ដូចជា រក្សាបានភាពធន់នៃសេដ្ឋកិច្ចរបស់កម្ពុជាផងដែរ៕

The post សម្តេចធិបតី ហ៊ុន ម៉ាណែត មិនចង់ឃើញខាងវិស័យណាដួលរលំទេ បើតឹងពេកក៏ដាច់ ធូរពេកក៏មិនល្អដែរ appeared first on .