ចំណុចទាំង១១ដែលត្រូវរួមគ្នានោះគឺ ១) ចូលរួមរៀបចំច្បាប់គត្តិយុត្តឱ្យបានល្អ អាចអនុវត្តបាន ២) ចូលរួមគោរពច្បាប់ឱ្យបានល្អ ៣) ត្រូវបានការពារដោយច្បាប់ស្មើៗគ្នា ៤) ចូលរួមកែទម្រង់ គឺធ្វើឱ្យប្រសើរជាងមុន ៥) គិតប្រយោជន៍ជាតិជាធំ គិតពីអនាគត និង ការពារ គាំទ្រ យុវជន និង សង្គមជាតិ ៦) បំបាត់អំពើពុករលួយ ការិយាល័យធិបតេយ្យ ដាក់ទណ្ឌកម្មជនល្មើស ៧) ផ្តល់ការលើកទឹកចិត្តអ្នកអនុវត្តល្អ ៨) ផ្តល់ការលើកទឹកចិត្តដល់ អាជីវកម្មក្នុងស្រុក ៩) លើកកម្ពស់ការប្រកួតប្រជែងស្មើភាពគ្នា ១០) គ្រប់គ្រងឱ្យបាននូវកាតបំពុលសង្គម បំពុលយុវជន និង កុមារឱ្យបាន និងទី១១) ត្រូវមានក្រមសីលធម៌ល្អ៕

The post លោកបណ្ឌិត គី សេរីវឌ្ឍន៍ លើកឡើង១១ចំណុចដើម្បីលើកកម្ពស់ភាពរឹងមាំរបស់ជាតិ appeared first on .

អ្នកស្រី យ៉ាន ម៉ារីយ៉ា អាយុ៣៨ ជាប្រធាន អង្គការ អាយ ខេ ធី ធី វាយនភ័ណ្ឌប្រពៃណីខ្មែរ បានឲ្យដឹងថា ការបង្កើតវិទ្យាស្ថានវាយនភ័ណប្រពៃណីខ្មែរ បានចាប់ផ្ដើមឡើងក្នុងឆ្នាំ ១៩៩៦ នៅរាជធានីភ្នំពេញ បង្កើតឡើងដោយស្ថាបនិកជនជាតិជប៉ុនមួយរូប ដែលស្រលាញ់ចូលចិត្តវាយនភ័ណប្រពៃណីខ្មែរ។ ក្រោយមកបានបង្កើតជាអង្គការ អាយ ខេ ធី ធី វាយនភ័ណ្ឌប្រពៃណីខ្មែរ ក្នុងឆ្នាំ ២០១៨ នៅក្រុងសៀមរាប បន្ទប់មកទៀតនៅឆ្នាំ ២០០២ គឺបានប្ដូរមកនៅក្នុងភូមិជប់សោម ឃុំពាក់ស្នែក ស្រុកអង្គរធំ ខេត្តសៀមរាប រហូតមកដល់បច្ចុប្បន្ន។

អ្នកស្រី យ៉ាន ម៉ារីយ៉ា បានឲ្យដឹងទៀតថា ការផលិតនូវក្រណាត់សូត្រខ្មែរនេះគឺមានភាពលំបាក នឹងចំណាយពេលយូរ ព្រោះការផលិតត្រូវធ្វើដោយដៃផ្ទាល់ ហើយធ្វើតាមបែបបទបុរាណ ដូចជា ដំបូងឡើយត្រូវចិញ្ចឹមដង្កូវនាងដើម្បីយកសូត្រ បន្ទាប់ត្រូវយកសូត្រមកសម្អាតឲ្យស្អាត ហើយយកមកជ្រលក់ពណ៌ និងធ្វើការត្បាញចេញជាក្រណាត់សូត្រ។

អ្នកស្រីបានបញ្ជាក់ថា ក្រណាត់សូត្រដែលផលិតដោយក្រុមការងាររបស់ អង្គការ អាយ ខេ ធី ធី គឺមានគុណភាពល្អ និងមានសភាពទន់ល្មើយ អតិថិជនដែលបានជាវក្រណាត់សូត្រ ពីអង្គការ អាយ ខេ ធី ធី ពួកគេអាចយកទៅកាត់កែច្នៃធ្វើជា សំពត់ អាវ និងក្រម៉ាជាដើម។ ចំពោះការគាំទ្រវាយនភ័ណប្រពៃណីខ្មែរ គឺមានការគាំទ្រច្រើនពីអតិថិជននៅក្រៅប្រទេស ជាពិសេសប្រទេសជប៉ុន ប៉ុន្តែរយៈពេលថ្មីៗនេះ អ្នកស្រីបានឃើញថា មានប្រជាជនខ្មែរយើងជាច្រើនបានចាប់អារម្មណ៍ និងគាំទ្រទៅលើវាយនភ័ណប្រពៃណីខ្មែរយើងបានច្រើនជាងពីមុន។

គួរបញ្ជាក់ថា អង្គការ អាយ ខេ ធី ធី បានផ្ដល់ជាទីជម្រក ចំណេះ ជំនាញ ការងារ ដល់ជនពិការ ចាស់ជរាដែលគ្មានទីពឹង ស្រ្ដីមេម៉ាយ និងជនដែលគ្មានការងារ បានជាច្រើននាក់។ ដូច្នេះ អង្គការ អាយ ខេ ធី ធី បានចូលរួមចំណែកក្នុងការជួយសេដ្ឋកិច្ចសង្គមជាតិបានមួយផ្នែកផងដែរ។

អ្នកស្រី យ៉ាន ម៉ារីយ៉ា បានយល់ឃើញថា អង្គការ អាយ ខេ ធី ធី នឹងរីកដុះដាលធំជាងនេះនៅថ្ងៃខាងមុខ ហើយប្រជាជនខ្មែរ នឹងកាន់តែស្គាល់ពីតម្លៃនៃការធ្វើសូត្រខ្មែរតាមបែបបទបុរាណ។ អ្នកស្រី បានសំណូមពរដល់ប្រជាជនខ្មែរ ជួយផ្សព្វផ្សាយ ឲ្យបានទូលំទូលាយ ពីផលិតផលសូត្រដែលធ្វើពីស្នាដៃប្រជាជនខ្មែរផ្ទាល់ ដើម្បីឲ្យកូនខ្មែរជំនាន់ក្រោយយល់ពីតម្លៃនៃសូត្រខ្មែរយើង៕

The post តម្បាញសូត្រខ្មែរមួយកន្លែង ជួយផ្ដល់ការងារដល់ប្រជាជនខ្មែរ និងលើកស្ទួយវប្បធម៌សូត្រខ្មែរ appeared first on .

តាមការសង្កេតរបស់រដ្ឋបាលជលផល ក្នុងរដូវនេសាទឆ្នាំ២០២២-២០២៣ ត្រីចាប់ផ្តើមបន្លាស់ទី ចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលអំណោយផលដល់ការធ្វើនេសាទបានត្រីច្រើន។ ស្របជាមួយគ្នានេះ រដ្ឋបាលជលផល បានបញ្ជាក់ថា ប្រជាពលរដ្ឋអាចមកទិញត្រីបាន នៅគន្លងដាយត្រីតាមដងទន្លេសាប នៅក្នុងភូមិសាស្ត្រខេត្តកណ្តាល និងរាជធានីភ្នំពេញ ពីថ្ងៃទី២៩ ខែធ្នូ ឆ្នាំ២០២២ ដល់ថ្ងៃទី៣ ខែមករា ឆ្នាំ២០២៣ ក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀង។

ទន្ទឹមនេះរដ្ឋបាលជលផល ក៏បានសំណូមពរដល់អាជ្ញាធរមូលដ្ឋាន ឬសមត្ថកិច្ចពាក់ព័ន្ធ មេត្តាបង្កលក្ខណៈងាយស្រួល ជូនដល់បងប្អូនប្រជាពលរដ្ឋបានធ្វើដំណើរ ស្នាក់នៅ និងដឹកជញ្ជូនផល ផលិតផលតី ដោយរលូនតាមការគួរផងដែរ៕

The post រដ្ឋបាលជលផល ប្រាប់ទីតាំងដែលប្រជាពលរដ្ឋអាចមកទិញត្រី ដើម្បីធ្វើប្រហុក appeared first on .

លោក ច្រឹក សុខនីម បានដឹកនាំសមាគមនេះអស់រយៈពេល ២ អាណត្តិរួចរាល់មកហើយ គឺអាណត្តិទី៦-៧ នៅឆ្នាំ២០១៩-២០២០ និង២០២១-២០២២។

សម្រាប់អាណត្តិទី៨នេះ លោក សន សៀប នឹងបំពេញភារកិច្ចដឹកនាំរយៈពេល ១ឆ្នាំ គឺនៅឆ្នាំ២០២៣-២០២៤។ ខណៈដែលមុនជាប់ឆ្នោតប្រធានថ្មីនេះ លោកជាអនុប្រធានប្រតិបត្តិសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា។

លោក សន សៀប ស្ថាបនិក និងជាប្រធានក្រុមហ៊ុនអចលនទ្រព្យ Key Real Estate ដែលផ្តល់សេវាវាយតម្លៃអចលនទ្រព្យ សេវាទិញលក់ និងជួលអចលនទ្រព្យ សេវាធ្វើទីផ្សារលក់គម្រោងអចលនទ្រព្យ។

ជាកូនកសិករមកពីខេត្តព្រៃវែង លោក សន សៀប បច្ចុប្បន្នក៏ជាសហស្ថាបនិក ក្រុមហ៊ុន Asia Pacific Property Appraisal Co., LTD និងក្រុមហ៊ុន KH25 Property Co , LTD ៕

The post លោក សន សៀប ជាប់ឆ្នោតជាប្រធានថ្មី សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា appeared first on .

សម្តេចតេជោ ហ៊ុន សែន បានបង្ហាញមោទនភាពបន្ទាប់ពីកម្ពុជាបានចាត់វិធានការទប់ស្កាត់កូវីដ១៩បាន ព្រមទាំងចាក់វ៉ាក់សាំងជូនពលរដ្ឋ។ ទន្ទឹមនឹងនេះ សម្តេចតេជោបានថ្លែងអំណរគុណដល់ពលរដ្ឋដែលបានចូលរួមគោរពវិធានការ និងការណែនាំរបស់រាជរដ្ឋាភិបាល និង ក្រសួងសុខាភិបាលកន្លងទៅ ។

សម្តេចតេជោ ហ៊ុន សែន ថ្លែងថា៖ «ភ័ព្វសំណាងមួយដែលកូវីដ១៩ កើតក្រោយប្រព័ន្ធអនឡាញឌីជីថល។ ប្រសិនបើ កូវីដកើតមុនប្រព័ន្ធ digital online នោះ យើងមិនអាចធ្វើការជួបប្រជុំ ឬក៏អត់បានសិក្សាតាមរយៈអនឡាញបានទេ»។

សូមជម្រាបថា រាជរដ្ឋាភិបាលបានធ្វើការព្យាករសេដ្ឋកិច្ចកម្ពុជានឹងសម្រេចបានអត្រាកំណើនក្នុងរង្វង់ ៦,៦% នៅក្នុងឆ្នាំ២០២៣ខាងមុខនេះ ខណៈឆ្នាំ២០២២នេះ មានកំណើនក្នុងអត្រាប្រមាណ៥,៤%។ នេះបើតាមកិច្ចប្រជុំពេញអង្គគណៈរដ្ឋមន្រ្តី កាលពីថ្ងៃទី២៨ ខែតុលា ឆ្នាំ២០២២។

ជារួម ការព្យាករកំណើនសេដ្ឋកិច្ចកម្ពុជាឆ្នាំ២០២៣នេះ នឹងត្រូវគាំទ្រដោយវិស័យសេដ្ឋកិច្ចសំខាន់ៗក្នុងនោះរួមមាន៖ វិស័យឧស្សាហកម្ម ត្រូវបានព្យាករថានឹងបន្តកើនឡើងក្នុងអត្រា ៩,២% ក្នុងឆ្នាំ២០២៣។ វិស័យសេវាកកម្ម ត្រូវបានព្យាករថានឹងបន្តកើនឡើងក្នុងអត្រា ៦,៦% ក្នុងឆ្នាំ២០២៣។ និង វិស័យកសិកម្ម ត្រូវបានរំពឹងថានៅបន្តនិន្នាការកើនឡើង ក្នុងអត្រា ១,១% ក្នុងឆ្នាំ២០២៣៕

The post សម្តេច ហ៊ុន សែន បង្ហាញមោទនភាពខួប១ឆ្នាំនៃការបើកសង្គម-សេដ្ឋកិច្ចឡើងវិញ appeared first on .