តាមរយៈសេចក្ដីសម្រេចនេះ សម្ដេចធិបតី បានណែនាំដល់រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ រដ្ឋមន្ត្រីក្រសួងការពារជាតិ អគ្គមេបញ្ជាការ នៃកងយោធពលខេមរភូមិន្ទ រដ្ឋមន្ត្រីគ្រប់ក្រសួង និងប្រធានគ្រប់ស្ថាប័នដែលពាក់ព័ន្ធត្រូវទទួលបន្ទុក អនុវត្តសេចក្តីសម្រេចនេះតាមភារកិច្ចរៀងៗខ្លួនចាប់ពីថ្ងៃចុះហត្ថលេខាតទៅ៕

The post នាយករដ្ឋមន្រ្ដីកម្ពុជា សម្រេចបញ្ចូលក្របខ័ណ្ឌ និងឋានន្ដរស័ក្ដិ «ពលទោ» ដល់សមាជិកគ្រួសារ  សាច់ញាតិវីរកងទ័ពពលី និងរបួសធ្ងន់ នៅក្នុងសមរភូមិ appeared first on .

សម្តេចធិបតី ហ៊ុន ម៉ាណែត កាលយប់ថ្ងៃទី២៨ ខែឧសភា ឆ្នាំ២០២៦ បានបង្ហោះសារនៅលើទំព័រហ្វេសប៊ុកថា ៖កម្មវិធី «ដាស់ស្មារតីជាតិ» គឺជាការបង្ហាញនូវការចងចាំបទពិសោធ និងព្រឹត្តិការណ៍ដែលប្រទេសកម្ពុជាបានឆ្លងកាត់តាំងពីអតីតកាល ជាពិសេសក្នុងឆ្នាំ២០២៥ ដែលមានទាំងភាពឈឺចាប់ ការលំបាក និងភាពអយុត្តិធម៌ ដើម្បីប្រែក្លាយអតីតកាលទាំងនោះទៅជាកម្លាំងនៃសាមគ្គីភាព និងឯកភាពជាតិមហាគ្រួសារខ្មែរ​ សម្រាប់ពង្រឹងខ្លួន និងការពារសុខសន្តិភាពជាតិឱ្យបានរឹងមាំជានិច្ច។

សម្តេចធិបតី បានបញ្ជាក់បន្តថា៖«ដាស់ស្មារតីជាតិ» ក្រើនរំឭកយើងទាំងអស់គ្នាឱ្យ​ចងចាំជានិច្ច​ថា​ ហានិភ័យចំពោះសុខសន្តិភាព និងស្ថិរភាពជាតិ អាចកើតមានឡើងគ្រប់ពេលវេលា ប្រសិនបើយើងខ្វះការប្រុងប្រយ័ត្ន និងការត្រៀមខ្លួន។ ដូច្នេះ អ្វីដែលកម្ពុជាបានឆ្លងកាត់ទាំងអស់​នេះ​ គឺជាមេរៀនដ៏មានតម្លៃ ដែលជំរុញឱ្យយើងទាំងអស់គ្នា បន្តរួបរួម និងពង្រឹងខ្លួនឱ្យកាន់តែរឹងមាំ ដូចនេះ​ “ខ្មែរត្រូវចាំ​ ខ្មែរត្រូវតាំងចិត្ត​ ខ្មែរត្រូវធ្វើឱ្យបាន”។

តាមរយៈសំណេរខាងលើ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានសង្កត់ធ្ងន់ទៀតថា រាជរដ្ឋាភិបាល​កម្ពុជា​ ក្រោមការដឹកនាំរបស់សម្តេចធិបតីនាយករដ្ឋមន្ត្រី​ បានប្រកាស​ និងប្តេជ្ញាចិត្តឥតងាករេ​ក្នុងការការពារបូរណភាពទឹកដី​ អធិបតេយ្យភាព​ ទោះក្នុងតម្លៃណាក៏ដោយ​ ដោយឈរលើគោលការណ៍ច្បាប់ជាគោល​ ក្នុងនោះច្បាប់អន្តរជាតិ​ សន្ធិសញ្ញា​ អនុសញ្ញា​ និងកិច្ចព្រមព្រៀងដែលចូលជាធរមាន​ នៅមានសុពលភាព​ ជាពិសេស បើទោះបីជានៅមានសង្ឃឹមត្រឹម​ ១%ក៏ដោយ​ ក៏កម្ពុជានៅបន្តជ្រើសរើសប្រើប្រាស់គ្រប់យន្តការដែលមានស្រាប់​ ដើម្បីធានាសន្តិភាព​ ស្ថិរភាព​ និងការពារអាយុជីវិតវីរកងទ័ព​ ប្រជាជន​ បញ្ចៀសការបង្ហូរឈាមជាថ្មី៕ អត្ថបទ៖ហ្សាលីន

The post សម្តេចធិបតី៖កម្មវិធី«ដាស់ស្មារតីជាតិ» ជំរុញឱ្យយើងទាំងអស់គ្នា បន្តរួបរួម និងពង្រឹងខ្លួនឱ្យកាន់តែរឹងមាំ appeared first on .

បន្ថែមពីនោះ យោងតាមសេចក្តីជូនដំណឹង ស្តីពីការកែសម្រួលសេចក្តីជូនដំណឹងលេខ៥៦៥ សជណ.សរ របស់ទីស្តីការគណៈរដ្ឋមន្តី ចុះថ្ងៃទី២៣ ខែមេសា ឆ្នាំ២០២៦ ស្តីពីលទ្ធផលនៃកិច្ចប្រជុំពេញអង្គគណៈរដ្ឋមន្ត្រី ថៃ្ងទី២៣ ខែមេសា ឆ្នាំ២០២៦ បានឱ្យដឹង សម្ដេចធិបតី ហ៊ុន ម៉ាណែត បានប្រគល់ភារកិច្ចជូន លោកស្រី ជា សិរី អគ្គទេសាភិបាលធនាគារជាតិនៃកម្ពុជា សហការជាមួយក្រសួង ស្ថាប័ន ពាក់ព័ន្ធ ក្នុងករណីចាំបាច់ក្នុងការពង្រឹងនីតិវិធីកំណត់លក្ខណៈបុគ្គលនិងអត្តសញ្ញាណរបស់ ភាគទុនិក ដើម្បីចាត់វិធានការឱ្យបានទាន់ពេលវេលា សំដៅការពារផលប្រយោជន៍អតិថិជន និងការរក្សាបានជំនឿទុកចិត្តរបស់សាធារណជនមកលើប្រព័ន្ធធនាគារ៕

The post សម្ដេចធិបតី សម្រេចប្រគល់ភារកិច្ចជូនរដ្ឋមន្រ្ដី២ក្រសួង និងអគ្គទេសាភិបាលធនាគារជាតិសហការរៀបចំបើកបៀវត្សរ៍យោធិនតាមប្រព័ន្ធធនាគារ appeared first on .

មានប្រសាសន៍ក្នុងឱកាសអញ្ជើញដឹកនាំ​ប្រជុំពេញអង្គគណៈរដ្ឋមន្ដ្រី នៅព្រឹកថ្ងៃទី២២ ខែឧសភា ឆ្នាំ២០២៦នេះ សម្ដេចធិបតី ហ៊ុន ម៉ាណែត ក៏បានថ្លែងអំណរគុណ និងកោតសរសើរចំពោះអាជ្ញាធរមូលដ្ឋាន និងកងនគរបាលជាតិ ដែលបានខិតខំបំពេញភារកិច្ចបានយ៉ាងល្អ ក្នុងការបង្ក្រាបបណ្ដាញឆបោកតាមប្រព័ន្ធបច្ចេកវិទ្យា (Online Scams) ដោយទទួលបានលទ្ធផលធំៗ ជាបន្តបន្ទាប់។ ទោះជាយ៉ាងណា នៅមានសេសសល់បញ្ហាមួយចំនួនទៀត ដែលត្រូវបន្តធ្វើដោយគ្មានបន្ធូរដៃឡើយ។

បន្ថែមពីលើនេះ សម្តេចធិបតី នាយករដ្ឋមន្ដ្រីនៃកម្ពុជា ក៏បានណែនាំក្រសួង ស្ថាប័នពាក់ព័ន្ធ ពិសេសរដ្ឋបាលរាជធានី ខេត្ត កងកម្លាំងនគរបាល និងកងរាជអាវុធហត្ថគ្រប់លំដាប់ថ្នាក់ ត្រូវបន្តអនុវត្តគោលនយោបាយភូមិ-ឃុំ-សង្កាត់មានសុវត្ថិភាព ឲ្យមានប្រសិទ្ធភាពខ្ពស់ និងត្រូវធ្វើឲ្យដូចភ្លៀងរលឹម ដោយចាត់វិធានការឲ្យបានតឹងរឹង ក្នុងការបង្ការ ទប់ស្កាត់ និងបង្ក្រាប បទល្មើសនានា ជាពិសេសបទល្មើសគ្រឿងញៀន ក្មេងទំនើង ល្បែងស៊ីសងគ្រប់ប្រភេទ៕

The post នាយករដ្ឋមន្រ្ដីនៃកម្ពុជា បញ្ជាឲ្យបង្ក្រាប Online Scams ទាល់តែអស់ជាដាច់ខាត ដើម្បីមុខមាត់ប្រទេសជាតិ appeared first on .

ថ្លែងនៅក្នុងពិធី «សម្ពោធដាក់ឱ្យប្រើប្រាស់ជាផ្លូវការ អគារទីស្នាក់ការកណ្តាលថ្មីនៃអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ» កាលពីថ្ងៃទី២១ ខែឧសភា ឆ្នាំ២០២៦ សម្ដេចធិបតី បានលើកឡើងថា «មកដល់ម៉ោងនេះ ក្រសួងមុខងារសាធារណៈ ដែលជាគណៈកម្មការកំណែទម្រង់ បានធ្វើការ ១៦ក្រសួង ស្ថាប័ន ដោយបានធ្វើការកែសម្រួលហើយ, ក្នុងនោះទូទាំងរដ្ឋាភិបាល មកដល់ម៉ោងនេះ ក្រោយការពិនិត្យ ១៦ក្រសួង ស្ថាប័ននេះ យើងមានគម្រោងកែសម្រួល និងកាត់បន្ថយចំនួន ៣អគ្គនាយកដ្ឋាន ៣០នាយកដ្ឋាននៅតាមក្រសួងស្ថាប័នផ្សេងៗ និងនៅធ្វើបន្តទៀត»។

ទន្ទឹមនឹងនោះ សម្តេចធិបតីក៏បានរម្លឹកប្រសាសន៍សម្ដេចតេជោ ហ៊ុន សែន ដែលធ្លាប់បានដាក់ចេញពាក្យស្លោកថា «កែទម្រង់រស់មិនកែទម្រង់គឺស្លាប់» ដោយសម្ដេចធិបតី ចាត់ទុកពាក្យស្លោករបស់សម្ដេចតេជោ មានអត្ថន័យ និងត្រឹមត្រូវគ្រប់កាលៈទេសៈទាំងអស់។ ខណៈដែលគ្រប់ស្ថាប័ន មិនថា រដ្ឋ ឬឯកជន គឺត្រូវធ្វើការកំណែទម្រង់៕

The post សម្តេចធិបតី៖ ១៦ក្រសួង ស្ថាប័ន បានកែសម្រួលរចនាសម្ព័ន្ធ ដោយមានការកាត់បន្ថយ អគ្គនាយកដ្ឋាន ចំនួន៣ និងនាយកដ្ឋានចំនួន៣០ appeared first on .

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា អញ្ជើញដឹកនាំកិច្ចប្រជុំពេញអង្គគណៈរដ្ឋមន្ត្រី ដើម្បីពិភាក្សា និងឆ្លងលើរបៀបវារៈចំនួន៣ រួមមាន៖

១-សេចក្តីព្រាងរបាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួចជាកញ្ចប់ ដែលបានដាក់ចេញក្នុងវេទិការាជរដ្ឋាភិបាល-ផ្នែកឯកជន លើកទី១៩ ប្រចាំឆមាសទី២ ឆ្នាំ២០២៥។

២-សេចក្តីព្រាងរបាយការណ៍តាមដាននិងត្រួតពិនិត្យការអនុវត្តយុទ្ធសាស្ត្របញ្ចកោណដំណាក់កាលទី១ ឆ្នាំ២០២៥។

៣-សេចក្តីព្រាងច្បាប់ស្តីពីវិសោធនកម្មច្បាប់ស្តីពីផ្លូវថ្នល់។

សូមរម្លឹកដែរថា កិច្ចប្រជុំពេញអង្គគណៈរដ្ឋមន្ត្រីនេះ តែងតែធ្វើឡើងដើម្បីពិនិត្យ និងសម្រេចលើសំណើតាក់តែងច្បាប់ និងកិច្ចការទាំងឡាយរបស់រាជរដ្ឋាភិបាល។ តាមរយៈកិច្ចប្រជុំគណៈរដ្ឋមន្ត្រីនេះ សម្តេចនាយករដ្ឋមន្ត្រីនឹងដាក់ការណែនាំនានា ពាក់ព័ន្ធកិច្ចការដឹកនាំរដ្ឋ និងបញ្ហានានាក្នុងសង្គមផងដែរ៕

អត្ថបទ៖ហ្សាលីន

The post សម្តេចធិបតី ដឹកនាំកិច្ចប្រជុំពេញអង្គគណៈរដ្ឋមន្ត្រី ដើម្បីពិភាក្សា និងឆ្លងលើរបៀបវារៈសំខាន់ៗចំនួន៣ appeared first on .

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានបញ្ជាក់ឱ្យដឹងថា អនុវត្តតាមអនុសាសន៍ របស់ សម្ដេចកាលពីថ្ងៃទី២៦ ខែមេសា ឆ្នាំ២០២៦កន្លងទៅ ដោយបានឱ្យស្ថាប័នជំនាញរួមមាន ក្រសួងយុត្តិធម៌, អគ្គមបញ្ជាការដ្ឋានកងយោធពលខេមរភូមិន្ទ និងអគ្គស្នងការនគរបាលជាតិ គិតគូររៀបចំនិងបញ្ជូនទណ្ឌិតក្មេងទំនើងឱ្យទៅបម្រើការងារជួយដល់ជួរមុខក្នុងការធ្វើពុម្ពលេណដ្ឋាន និងការងារផ្សេងៗដែលសមស្រប ដើម្បីជួយដល់កងទ័ពជួរមុខក៏ដូចជាកងវិស្វកម្ម។

ជាក់ស្តែងកាលពីថ្ងៃទី២១ ខែឧសភា ឆ្នាំ២០២៦នេះ អគ្គនាយកដ្ឋានពន្ធនាគារ បានចាត់ចែងផ្ទេរទណ្ឌិតជាក្មេងទំនើង (ភេទប្រុស) សរុបចំនួន ៧៩០នាក់ ពីបណ្តាមណ្ឌលអប់រំកែប្រែ និងពន្ធនាគាររាជធានី-ខេត្ត ទៅអនុវត្តទោសបន្តនៅមណ្ឌលអប់រំកែប្រែ និងពន្ធនាគារគោលដៅ ចំនួន០២ គឺ មណ្ឌលអប់រំកែប្រែទី៤ (ខេត្តពោធិ៍សាត់) ចំនួន៦៥១នាក់ និងពន្ធនាគារខេត្តឧត្តរមានជ័យ ចំនួន ១៣៩នាក់។

​យ៉ាងណាមិញ សម្តេចធិបតី បានសង្កត់ធ្ងន់ថា តាមរយៈសកម្មភាពការផ្ទេរទណ្ឌិតជាក្មេងទំនើង (ភេទប្រុស) សរុបចំនួន ៧៩០នាក់ ទៅកាន់ជួរមុខនេះ គឺក្នុងគោលបំណងបង្កើនការអប់រំកែប្រែ និងលត់ដំខ្លួន តាមរយៈការចូលរួមកម្មវិធីបណ្តុះបណ្តាលវិជ្ជាជីវៈ ដើម្បីកសាងសមត្ថភាពជំនាញផ្ទាល់ខ្លួនផង និងដើម្បីធ្វើសកម្មភាពដែលមានប្រយោជន៍ជួយដល់សមរភូមិមុខផង៕ អត្ថបទ៖ហ្សាលីន

The post សម្តេចធិបតី៖ ការផ្ទេរទណ្ឌិតជាក្មេងទំនើងទៅជួយដល់ជួរមុខ គឺក្នុងគោលបំណងបង្កើនការអប់រំកែប្រែ និងលត់ដំខ្លួន appeared first on .

ថ្លែងនៅក្នុងឱកាសអញ្ជើញជាអធិបតីភាពដ៏ខ្ពង់ខ្ពស់សំណេះសំណាលជាមួយថ្នាក់ដឹកនាំ និង កម្មករនិយោជិកកំពង់ផែស្វយ័តក្រុងព្រះសីហនុ នៅថ្ងៃសុក្រ ទី១ ខែឧសភា ឆ្នាំ២០២៦ សម្ដេចធិបតី ហ៊ុន ម៉ាណែត បានមានប្រសាសន៍ថា ប្រសិនបើកម្មករនិយោជិកនៅកំពង់ផែស្វយ័តក្រុងព្រះសីហនុ មិនមានវិន័យនោះទេ ប្រាកដណាស់ថា ការងារនៅទីនេះមិនទទួលបានគុណភាព និងផលិតផលការងារនោះទេ។ ទាល់តែមានវិន័យ ឆន្ទៈ និងការទទួលខុសត្រូវ ទើបនៅទីនេះរីកចម្រើន។

សម្ដេចធិបតី បន្ថែមថា ប្រទេសជាតិក៏ដូចគ្នាដែរ ពោលគឺត្រូវការធនធានមនុស្ស ជាពិសេសយុវជនដែលមានវិន័យ មានសមត្ថភាព មានឆន្ទៈនៅក្នុងការពង្រឹងខ្លួន។ ពីព្រោះថា នៅពេលដែលយុវជនម្នាក់ៗមានការរីកចម្រើន គឺគ្រួសារគាត់រីកចម្រើន ហើយប្រសិនបើគ្រួសាររីកចម្រើន នោះសង្គមជាតិក៏រីកចម្រើនដែរ។

សម្ដេចធិបតី ហ៊ុន ម៉ាណែត សង្កត់ធ្ងន់ថា នេះគឺជាទិសដៅរបស់យើង មិនថាការអភិវឌ្ឍលើហេដ្ឋារចនាសម្ព័ន្ធ ភស្ដុភារកម្ម ប្រព័ន្ធដឹកជញ្ជូន ប្រព័ន្ធអប់រំ សុខាភិបាលនោះទេ ទាំងអស់នេះធ្វើដើម្បីពង្រឹងសេដ្ឋកិច្ចជាតិឱ្យប្រជាជនមានជីវភាពធូរធា រឹងមាំ ដើម្បីឱ្យយើងកាន់តែខ្លាំង៕

The post សម្ដេចធិបតី ៖ សង្គមជាតិមួយរីកចម្រើន ទាល់តែមនុស្សរឹងមាំ និងមានវិន័យ appeared first on .

របៀបវារៈទាំង ៥ រួមមាន៖

១ សេចក្តីព្រាងក្របខ័ណ្ឌហិរញ្ញវត្ថុសាធារណៈរយៈពេលមធ្យម ឆ្នាំ២០២៧-២០២៩

២ សេចក្តីព្រាងច្បាប់ស្តីពីកាតព្វកិច្ចយោធា

៣ សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២៧-២០២៩

៤ សេចក្តីព្រាងគោលនយោបាយជាតិស្តីពីសកម្មភាពមីន ឆ្នាំ២០២៦-២០៣៥

៥ របាយការណ៍វឌ្ឍនភាព ស្តីពីការអនុវត្តវិធានការអន្តរាគមន៍ជួយអតីតពលករដែលវិលត្រឡប់ពីប្រទេសថៃ។

សូមរម្លឹកដែរថា កិច្ចប្រជុំពេញអង្គគណៈរដ្ឋមន្ត្រីនេះ តែងតែធ្វើឡើងដើម្បីពិនិត្យ និងសម្រេចលើសំណើតាក់តែងច្បាប់ និងកិច្ចការទាំងឡាយរបស់រាជរដ្ឋាភិបាល។ តាមរយៈកិច្ចប្រជុំគណៈរដ្ឋមន្ត្រីនេះ នាយករដ្ឋមន្ត្រីនឹងដាក់ការណែនាំនានា ពាក់ព័ន្ធកិច្ចការដឹកនាំរដ្ឋ និងបញ្ហានានាក្នុងសង្គមផងដែរ៕ អត្ថបទ៖ហ្សាលីន

The post សម្តេចធិបតី បើកកិច្ចប្រជុំពេញអង្គគណៈរដ្ឋមន្ត្រី ដើម្បីពិភាក្សា និងឆ្លងលើរបៀបវារៈសំខាន់ៗចំនួន ៥ appeared first on .

ជាលទ្ធផលមាន​ប្រជាពលរដ្ឋ​ចំនួន​១១៩.៤៩០នាក់​ បាន​ជឿទុកចិត្ត និងមកទទួល​សេវា​ដឹក​ជញ្ជូន​ដោយ​ឥតគិតថ្លៃ​របស់​រដ្ឋាករ​ស្វយ័ត​ដឹក​ជញ្ជូន​សាធារណៈ​រថយន្តក្រុង​របស់​រដ្ឋបាល​រាជធានីភ្នំពេញ​​ បានកើនឡើង​ចំនួន​ ៣៣.៦៤១នាក់​ ស្មើនឹង ៣៩%។ ជាមធ្យម ក្នុងពលរដ្ឋម្នាក់ ត្រូវចំណាយថវិកាប្រមាណ ១០ម៉ឺន ឬ២៥$ សម្រាប់ការធ្វើដំណើរទៅមក ហើយមធ្យោបាយដឹកជញ្ជូនឥតគិតថ្លៃនេះ បានជួយសម្រួលបន្ទុកចំណាយសរុបរបស់ប្រជាពលរដ្ឋប្រមាណ ១២ពាន់លានរៀល ឬស្មើនឹងប្រមាណ ៣លានដុល្លារ ដែលចំនួនទឹកប្រាក់នេះ បានចែករំលែកចូលទៅកាន់សេដ្ឋកិច្ចមូលដ្ឋាន តាមរយៈការចំណាយនានានៅស្រុកកំណើត ជំនួសឱ្យការធ្វើដំណើរតែមួយមុខ។

សម្ដេចធិបតី បញ្ជាក់ថា សេវាដឹកជញ្ជូនឥតគិតថ្លៃ មិនត្រឹមបានជួយសម្រាលបន្ទុកចំណាយប៉ុណ្ណោះទេ ប៉ុន្តែក៏ជាកាតាលីករជំរុញចរន្តសេដ្ឋកិច្ចមូលដ្ឋានផងដែរ សំដៅលើកកម្ពស់កំណើនចំណូលរបស់ប្រជាពលរដ្ឋមូលដ្ឋានទាំងមូល៕

The post សម្តេចធិបតី ហ៊ុន ម៉ាណែត៖ ៦ថ្ងៃនៃបុណ្យចូលឆ្នាំថ្មី សេវាដឹកជញ្ជូនឥតគិតថ្លៃជួយសម្រាលបន្ទុកចំណាយប្រជាពលរដ្ឋប្រមាណ៣លានដុល្លារ appeared first on .