នៅក្នុងជំនួបនោះ លោក ថងលី ស៊ីសូលីត បានរាយការណ៍ជូនសម្ដេចតេជោអំពីលទ្ធផលនៃដំណើរទស្សនកិចរបស់លោកនៅក្នុងប្រទេសកម្ពុជា បន្ទាប់ពីបានជួបជាមួយនឹងថ្នាក់ដឹកនាំជាន់ខ្ពស់របស់កម្ពុជាជាបន្តបន្ទាប់ ជាពិសេសជួបជាមួយនឹងសម្ដេចធិបតី ហ៊ុន ម៉ាណែត និងលោក ហ៊ុន ម៉ានី ជាដើម ដែលបានជជែកពីការផ្លាស់ប្ដូរយោបល់គ្នាក្នុងការពង្រឹងនូវកិច្ចការរវាងយុវជននៃប្រទេសទាំងពីឱ្យកាន់តែផុសផុលបន្ថែមទៀត។លោក ចង់ឃើញយុវជនកម្ពុជា និងយុវជនឡាវ កាន់តែបន្តនូវកិច្ចការគ្រប់វិស័យទាំងនៅក្នុងក្របខណ្ឌវប្បធម៌ នយោបាយនិងវិស័យដទៃទៀតឱ្យកាន់តែមានភាពរីកចម្រើន។

សម្ដេចតេជោ បានចាត់ទុកដំណើរទស្សនកិច្ចនេះ ក៏ជាផ្នែកមួយនៃជំរុញទំនាក់ទំនងរវាងកម្ពុជា និងឡាវឱ្យកាន់តែរីកចម្រើន ហើយនៅឆ្នាំនេះ ទំនាក់ទំនងរវាងប្រទេសទាំងពីរ បានឈានដល់ខួប៧០ឆ្នាំហើយដែរ។ សម្ដេចបានបញ្ជាក់ថាប្រទេសកម្ពុជា និងឡាវ មានទំនាក់ទំនង មិនត្រឹមតែជាអ្នកជិតខាងគ្នាប៉ុណ្ណោះទេ ប៉ុន្តែជាទំនាក់ទំនងបងប្អូនល្អជាមួយគ្នាថែមទៀតផង។ សម្ដេចតេជោបានសម្ដែងនូវការពេញចិត្តចំពោះការលើកឡើងរបស់លោក ថងលី ស៊ីសូលីត ខណៈសម្ដេចសង្ឃឹមថា យុវជនកម្ពុជា និងយុវជនឡាវនឹងរួមសាមគ្គីគ្នា និងបន្តនូវការចែករំលែកផ្លាស់ប្ដូរយោបល់ និងទស្សនៈគ្នាទៅវិញទៅមក ក្នុងក្របខណ្ឌនៃយុវជនទាំងគណបក្ស និងរដ្ឋាភិបាល នៃប្រទេសទាំងពីរ។

សូមជម្រាបដែរថា តាមរយៈជំនួប លោក ថងលី ស៊ីសូលីត ក៏បានថ្លែងអរគុណចំពោះការចែករំលែកដ៏មានអត្ថន័យរបស់សម្ដេចតេជោ ហើយលោកបានលើកឡើងថា វាជាកិត្តិយសបំផុតសម្រាប់លោក ដែលបានស្ដាប់នូវការចែករំលែកដ៏មានតម្លៃរបស់សម្ដេច លោកក៏បានលើកឡើងថា ដំបូន្មាន ពាក្យពេចន៍ដ៏មានតម្លៃរបស់សម្ដេចតេជោ នឹងក្លាយទៅជាមេរៀនមួយដ៏សំខាន់របស់ឯកឧត្តមនៅក្នុងការអនុវត្តក្នុងពេលខាងមុខ៕អត្ថបទ៖ហ្សាលីន  

The post សម្ដេចតេជោ ហ៊ុន សែន ថា ទំនាក់ទំនងកម្ពុជា និងឡាវ ជាទំនាក់ទំនងបងប្អូនល្អជាមួយគ្នា appeared first on .

សម្តេចតេជោ បង្ហើបឱ្យដឹងទៀតថា តាមពិតក្រោយឈ្នះឆ្នោតឆ្នាំ១៩៩៨ ខ្ញុំបានស្នើសុំឈប់ធ្វើនាយករដ្ឋមន្ត្រី
ដោយមានការប្រជុំគណអចិន្ត្រៃយ៍គណបក្សនៅផ្ទះខ្ញុំនៅតាខ្មៅនាល្ងាចថ្ងៃ២៧កក្កដា១៩៩៨ក្រោមអធិបតីភាព
បងជា សុីមប៉ុន្តែមិនមានថ្នាក់ដឹកនាំណាយល់ព្រមឲ្យខ្ញុំឈប់ធ្វើនាយករដ្ឋមន្ត្រីនោះទេ។ ខ្ញុំគិតថាខ្ញុំបន្តធ្វើនាយករដ្ឋមន្ត្រីត្រឹមឆ្នាំ
២០០៣ប៉ុន្តែនៅពេលដែលគេហ៊ានសម្លាប់ខ្ញុំយ៉ាងឃោឃៅបែបនេះខ្ញុំលើកដៃដាក់លើក្បាលនិយាយក្នុងចិត្តថាត្រូវពង្រឹងអំណាចត្រូវបញ្ចប់សង្រ្គាមនិងត្រូវធ្វើនាយករដ្ឋមន្ត្រីរហូតដល់ពេលឈប់ចង់ធ្វើ។

ក្រោយមកខ្ញុំនិយាយថាថ្ងៃនេះខ្ញុំជានាយករដ្ឋមន្ត្រីថ្ងៃក្រោយខ្ញុំនឹងក្លាយទៅជាឪនាយករដ្ឋមន្ត្រីខ្ញុំពិតជាធ្វើបានមែនគឺហ៊ុន ម៉ាណែតបានក្លាយជានាយករដ្ឋមន្ត្រីជាង៣ឆ្នាំមកហើយតាមរយៈការបោះឆ្នោតនិងស្របតាមរដ្ឋធម្មនុញ្ញ។ ចង់ឈប់ធ្វើនាយករដ្ឋមន្ត្រីក្នុងវ័យ៤៦ឆ្នាំតែដល់គេចង់សម្លាប់ត្រូវធ្វើនាយករដ្ឋមន្ត្រី២៥ឆ្នាំទៀតរហូតអាយុ៧១ឆ្នាំទើបឈប់។

សម្តេចតេជោ ហ៊ុន សែន បានគូសបញ្ជាក់ថា អំណាចហ៊ុន សែនមិនទាន់ចប់ទេទាំងជាប្រធានបក្សកាន់អំណាចនិងទាំងជា
ប្រធានព្រិទ្ធសភា។ខ្ញុំនឹងបន្តកំដរលេងជាមួយពួក(កំចាត់ត្រកូលហ៊ុន)រហូតពួកនេះអស់ពីផែនដី៕

The post សម្តេចតេជោ៖ អំណាចហ៊ុន សែន មិនទាន់ចប់ទេទាំងជាប្រធានបក្សកាន់អំណាច និងទាំងជាប្រធានព្រឹទ្ធសភា appeared first on .

លោកលើកឡើងបែបនេះ នៅក្នុងជំនួបពិភាក្សាកាលកាលថ្ងៃទី២១ ខែកញ្ញា ឆ្នាំ២០២៦ ជាមួយសម្តេច តេជោ ហ៊ុន សែនប្រមុខរដ្ឋស្តីទីនៃព្រះរាជាណាចក្រកម្ពុជា។

នាឱកាសនោះ សម្តេចតេជោ បានលើកឡើងថា សាធារណរដ្ឋកូរ៉េ គឺជាដៃគូមួយនៃកិច្ចសហប្រតិបត្តិការដ៏ល្អរបស់កម្ពុជា នៅក្នុងក្របខ័ណ្ឌសេដ្ឋកិច្ច ពាណិជ្ជកម្ម ហើយជាពិសេសនោះគឺការវិនិយោគតែម្ដង ដែលប្រទេសទាំងពីរកំពុងតែសហការគ្នាល្អ នៅក្នុងកិច្ចសហការដ៏មានសារៈសំខាន់។ សម្ដេចតេជោ ក៏បានស្វាគមន៍ លោក Kim Jin-pyo ជាថ្មីក្នុងដំណើរអញ្ជើញមកកាន់ប្រទេសកម្ពុជានៅពេលនេះ ខណៈសម្ដេច ចាត់ទុកដំណើរមកកាន់កម្ពុជា គឺជាផ្នែកមួយនៃការពូនជ្រុំទំនាក់ទំនងរវាងកម្ពុជា និងកូរ៉េឱ្យកាន់តែរីកចម្រើន។

ជាមួយគ្នានេះ លោក Kim Jin-pyo បានសម្ដែងនូវការអរគុណដែលសម្ដេចបានអនុញ្ញាតឱ្យលោក និងសហការី បានជួបសម្ដែងការគួរសមនៅក្នុងឱកាសនេះ។ លោកបន្តថា ទំនាក់ទំនងរវាងកម្ពុជា និងកូរ៉េនៅពេលបច្ចុប្បន្ន កំពុងតែមានភាពល្អប្រសើរ ហើយសង្ឃឹមថា អ្នកទេសចររបស់កូរ៉េ នឹងមកទស្សនាប្រទេសកម្ពុជាកាន់តែច្រើន។ ជាមួយគ្នានេះ លោកក៏បានសង្កេតឃើញអ្នកវិនិយោគរបស់កូរ៉េ ចាប់អារម្មណ៍មកវិនិយោគនៅក្នុងប្រទេសកម្ពុជា ជាបន្តបន្ទាប់ផងដែរ។

សូមជម្រាបដែរថា តាមរយៈជំនួបខាងលើ សម្ដេចតេជោ ក៏បង្ហាញការពេញចិត្តចំពោះការលើកឡើងរបស់លោក Kim Jin-pyo ជាពិសេសសម្ដេចសង្ឃឹមថា ទំនាក់ទំនងរវាងប្រទេសទាំងពីរកាន់តែរឹងមាំរីកចម្រើន។ បន្ថែមពីលើនេះសម្ដេចតេជោក៏ជំរុញឱ្យអតីតប្រធានរដ្ឋសភារូបនេះ ធ្វើយ៉ាងណាឱ្យអ្នកវិនិយោគរបស់ប្រទេសកូរ៉េមកវិនិយោគនៅក្នុងប្រទេសកម្ពុជា កាន់តែច្រើនផងដែរ៕អត្ថបទ៖ហ្សាលីន

The post អតីតប្រធានរដ្ឋសភាកូរ៉េ ថាអ្នកវិនិយោគកូរ៉េ ចាប់អារម្មណ៍មកវិនិយោគនៅក្នុងប្រទេសកម្ពុជា appeared first on .

ក្នុងខ្លឹមសាររបស់សម្តេចដែលបង្ហោះនៅលើបណ្តាញសង្គមនៅថ្ងៃទី ១៥ ខែកញ្ញា បានលើកឡើងថា៖ ‌‌‌«ក្រៅពីការរៀបចំតម្រង់ទឹសឲ្យចៅ វ៉ាន សែនវ៉ា សិក្សានៅមហាវិទ្យាល័យ ក៏នៅមានបងស្រីរបស់ចៅម្នាក់ទៀត ត្រូវចូលមហាវិទ្យាល័យដែរ ដោយបានប្រឡងជាប់បាក់ឌុបឆ្នាំ២០២៥តែមិនមានលទ្ធភាពរៀនបន្ត»។

សូមជម្រាបដែរថា យុវជន វ៉ាន សែនវ៉ា ជាយុវជននៅស្រុកមេសាង ខេត្តព្រៃវែង ដែលបានត្រឡប់មកប្រឡងបាក់ឌុបម្ដងទៀត នៅឆ្នាំ២០២៦ និងទទួលបាននិទ្ទេស A បន្ទាប់ពីឆ្នាំមុនប្រឡងធ្លាក់។ ឆ្នាំដែលទទួលបាន F សែនវ៉ា​ត្រូវប្រឈមនឹងការបាត់បង់យាយ ដែលចិញ្ចឹមខ្លួនតាំងពីកុមារ និងបញ្ហាគ្រួសារ ដែលធ្វើឱ្យបាត់បង់ការផ្តោតលើការសិក្សា។ ក្រោយមកគេចាកចេញពីព្រៃវែង មកភ្នំពេញ ចាប់ផ្តើមរៀនដោយខ្លួនឯង និងដាក់គោលដៅយក A។ មួយឆ្នាំក្រោយ គេធ្វើបានសម្រេច ប៉ុន្តែយាយ ដែលគេចង់ឱ្យឃើញជ័យជម្នះនេះជាងគេ បានចែកឋានទៅហើយ។ សម្រាប់សែនវ៉ា F គ្រាន់តែជាផ្នែកមួយនៃជីវិត ហើយអ្វីដែលសំខាន់ គឺការមិនបោះបង់ខ្លួនឯង។

ទន្ទឹមគ្នានេះ ការ​តស៊ូ និង​ការ​មិន​បោះបង់ខ្លួនឯងនេះហើយ ពិតជា​ផ្តល់​នូវ​ផ្លែផ្កា​ដ៏​ផ្អែមល្ហែម ទីបំផុត​យុវជន វ៉ា​ន សែន​វ៉ា អាយុ​១៩ ឆ្នាំ រស់នៅ​ក្នុង​ខេត្តព្រៃវែង បាន​សាង​ប្រវត្តិសាស្ត្រ​ផ្ទាល់ខ្លួន​ដ៏​អស្ចារ្យ តាម​រយៈ​ការ​ដណ្ដើម​បាន​និទ្ទេស A ក្នុង​ការ​ប្រឡង​សញ្ញាបត្រ​មធ្យមសិក្សា​ទុតិយភូមិ (​បាក់​ឌុ​ប​) សម្រាប់​ឆ្នាំ​សិក្សា​នេះ បន្ទាប់​ពី​រូបគេ​ធ្លាប់​បាន​ភ្លក់​រសជាតិ​បរាជ័យ កាលពី​ឆ្នាំ​កន្លង​ទៅ៕អត្ថបទ៖ហ្សាលីន

The post សម្តេចតេជោ  តម្រង់ទិសសិក្សាដល់យុវជននិទ្ទេស A វ៉ាន សែនវ៉ា ដែលមកពីស្រុកមេសាង ខេត្តព្រៃវែង appeared first on .

សារលិខិតរបស់សម្តេចតេជោ ហ៊ុន សែន មានខ្លឹមសារដូច្នេះថា៖ «ក្នុងនាមព្រឹទ្ធសភា និងប្រជាជននៃព្រះរាជាណាចក្រកម្ពុជា និងក្នុងនាមខ្លួនខ្ញុំផ្ទាល់ ខ្ញុំមានសេចក្តី សោមនស្សរីករាយ សូមសម្តែងនូវការអបអរសាទរដ៏ស្មោះស្ម័គ្រ និងសូមជូនពរដ៏កក់ក្តៅជូន ឯកឧត្តម រដ្ឋសភា រាជរដ្ឋាភិបាល និងប្រជាជននៃសាធារណរដ្ឋសង្គមនិយមវៀតណាម ក្នុងឱកាសដ៏ឧត្តុង្គឧត្តម នៃទិវាបុណ្យជាតិវៀតណាមនៅថ្ងៃទី២ ខែកញ្ញា ឆ្នាំ២០២៦។

ក្នុងឱកាសដ៏មានអត្ថន័យនេះ សម្តេចតេជោ បានកោតសរសើរយ៉ាងជ្រាលជ្រៅ ចំពោះសមិទ្ធផលដ៏ត្រចះត្រចង់ដែលបក្សកុម្មុយនីស្តវៀតណាម រដ្ឋ និងប្រជាជនវៀតណាម សម្រេច បានក្រោមការដឹកនាំដ៏ ឈ្លាសវៃរបស់ឯកឧត្តម ដែលបានរួមចំណែករក្សាស្ថិរភាពនយោបាយ ជំរុញការអភិវឌ្ឍសេដ្ឋកិច្ច-សង្គម លើកកម្ពស់ជីវភាពរស់នៅ របស់ប្រជាជន និងពង្រឹងតួនាទី និងកិត្យានុភាពរបស់វៀតណាម លើឆាកតំបន់ និងអន្តរជាតិ។

សម្តេចតេជោ ហ៊ុន សែន មានជំនឿថា ចំណងមិត្តភាព និងកិច្ចសហប្រតិបត្តិការដ៏យូរ អង្វែងរវាងកម្ពុជា និងវៀតណាម ដែលផ្អែកលើទំនាក់ទំនងអ្នកជិតខាងល្អ មិត្តភាពជាប្រពៃណី សាមគ្គីភាព និងកិច្ចសហ ប្រតិបត្តិការគ្រប់ជ្រុងជ្រោយដោយជំនឿទុកចិត្តគ្នា ការយោគយល់ ការគោរព និងការគាំទ្រគ្នាទៅវិញទៅមក នឹងបន្តពង្រឹងបន្ថែមទៀតឥតឈប់ឈរ ដើម្បីផលប្រយោជន៍រួម និងអត្ថប្រយោជន៍ទៅវិញទៅមកនៃ ប្រជាជន និងប្រទេសយើងទាំងពីរ។

សម្តេចតេជោ ក៏សូមបញ្ជាក់សាជាថ្មីម្តងទៀត នូវការប្តេជ្ញាចិត្តមោះមុតរបស់សម្តេចក្នុងការសហការយ៉ាងជិតស្និទ្ធបន្ថែមទៀតជាមួយលោក តូ ឡឹម ដើម្បីបន្តធ្វើឱ្យកាន់តែស៊ីជម្រៅនូវចំណងមិត្តភាព សាមគ្គីភាព និងកិច្ចសហ ប្រតិបត្តិការរវាង ប្រទេសនិងប្រជាជនយើងទាំងពីរ។សម្តេចតេជោ ក៏បានជូនពរប្រជាជនវៀតណាមជាមិត្ត ឱ្យទទួលបានសន្តិភាព វឌ្ឍនភាព និងវិបុលភាពជានិច្ច»៕អត្ដបទ​៖ហ្សាលីន

The post សម្តេចតេជោ  ផ្ញើសារលិខិតជូនលោក តូ ឡឹម ក្នុងឱកាសអបអរសាទរទិវាបុណ្យជាតិវៀតណាម appeared first on .

នេះបើយោងតាមជំនួបពិភាក្សារវាង សម្ដេចតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាប្រធានសន្និសីទប្រធានសភា នៃអន្តរសភា លើកទី២ (ISC-2) ជាមួយ លោកស្រី DIN BELL ARMANDE អនុប្រធានព្រឹទ្ធសភា នៃសាធារណរដ្ឋកាមេរូន ក្នុងឱកាសដែល លោកជំទាវ អញ្ជើញចូលរួមក្នុងសន្និសីទប្រធានសភានៃអន្តរសភាលើកទី២ ដែលកម្ពុជាធ្វើជាម្ចាស់ផ្ទះ កាលថ្ងៃទី ២៧ ខែសីហា ឆ្នាំ២០២៦។

នាជំនួបននោះ ភាគីទាំងពីរ បានជជែកពិភាក្សាគ្នាច្រើនទៅលើ ទំនាក់ទំនងរវាងប្រទេសទាំងពីរ ត្បិតថាបច្ចុប្បន្ននេះ ប្រទេសទាំងពីរនៅមិនទាន់មានទំនាក់ទំនងគ្នាច្រើនជាមួយគ្នាប៉ុន្មាននោះទេ ក៏ប៉ុន្តែនៅពេលនេះ ជាឱកាសនៃការចាប់ផ្ដើមទំនាក់ទំនងរវាងប្រទេសទាំងពីររ ទាំងស្ថាប័ននីតិបញ្ញត្តិ និងស្ថាប័ននីតិប្រតិបត្តិ និងការផ្សារភ្ជាប់ទៅលើវិស័យសំខាន់ៗមួយចំនួនដែលអាចធ្វើទៅបាន។

ក្នុងនោះដែរ ថ្នាក់ដឹកនាំទាំងពីរក៏បានជជែកពិភាក្សាគ្នាអំពីរ ការបង្កើតឱ្យមានក្រុមមិត្តភាពរវាងសមាជិកសភារវាងប្រទេសទាំងពីររ។ ជាមួយគ្នានោះ សម្ដេចតេជោ និងលោកស្រីអនុប្រធានព្រឹទ្ធសភាកាមេរូន ក៏បានជជែកអំពីរទំនាក់ទំនង ក៏ដូចជាធ្វើយ៉ាងណាឲ្យរដ្ឋាភិបាលប្រទេសទាំងពីររ បង្កើតនូវទំនាក់ទំនងការទូតផ្លូវការជាមួយគ្នា ដើម្បីមានឱកាសធ្វើកិច្ចការងារផ្សេងៗជាច្រើនទៀតនាពេលខាងមុខថែ៕ អត្ថបទ៖ហ្សាលីន

The post កម្ពុជា និងកាមេរូន ចាប់ផ្ដើមទំនាក់ទំនងទ្វេភាគី និងផ្សារភ្ជាប់ទៅលើវិស័យសំខាន់ៗមួយចំនួន appeared first on .

នាឱកាសនោះ សម្ដេចតេជោ ហ៊ុន សែន បានថ្លែងថា ការធ្វើសង្គ្រាមនៅក្នុងសតវត្សរ៍ទី២១ លែងកំណត់ត្រឹមតែជាការប៉ះទង្គិចរវាងកងទ័ព នៅលើសមរភូមិរូបវន្តទៀតហើយ។ សង្គ្រាមបានវិវត្តទៅជាសំណាញ់ដ៏ស្មុគស្មាញ និងមានច្រើនស្រទាប់នៃវិបត្តិដែលប្រទាក់ក្រឡាគ្នា ដែលត្រូវបានរចនាឡើងដើម្បីធ្វើឱ្យសង្គម បាត់បង់ស្ថិរភាព មុនពេលសង្គ្រាមចំហត្រូវបានប្រកាសជាផ្លូវការ។

សម្ដេចតេជោ បន្តថា នៅក្នុងគំរូថ្មីនេះ ការវាយប្រហារជាយុទ្ធសាស្ត្រលែងមានការបែងចែកចំពោះប្រជាជន ស៊ីវិល និងហេដ្ឋារចនាសម្ព័ន្ធស្នូលទៀតហើយ។ ជម្លោះទំនើបបានឈានដល់ការវាយប្រហារ លើហេដ្ឋារចនាសម្ព័ន្ធ នៃជីវភាពរបស់ប្រជាពលរដ្ឋសាមញ្ញ ដោយបង្វែរទ្រព្យសាធារណៈឱ្យទៅជាតំបន់សមរភូមិសកម្ម។ យើងឃើញមានការវាយប្រហារដោយ ដូនទំនើប តម្រង់ ទៅលើសំណង់ស៊ីវិល រួមមាន៖ ផ្លូវ ស្ពាន ទីសក្ការៈសាសនា សាលារៀន និងរោងចក ចម្រាញ់ប្រេង។

ជាមួយគ្នានេះ សម្ដេចតេជោ ហ៊ុន សែន បានថ្លែងថា ទន្ទឹមនេះ ការបំផ្លិចបំផ្លាញដោយចេតនានៅលើបំពង់បង្ហូរឧស្ម័ន និងការបាញ់ ប្រហារទៅលើនាវាពាណិជ្ជកម្មដឹកប្រងឥន្ធនៈ បានក្លាយទៅជាឧបករណ៍ដ៏ងាយស្រួល នៅ ក្នុងយុទ្ធវិធីនៃល្បែងភូមិសាស្ត្រនយោបាយ ដោយមិនគិតគូរទាល់តែសោះចំពោះផលប៉ះ ពាល់ដល់សកលលោកទាំងមូល។ ការប្រើប្រាស់ការអនុវត្តច្បាប់ក្រៅដែនអធិបតេយ្យ ចំពោះ បទល្មើសឆ្លងដែន ដូចជាការឆបោកតាមអនឡាញ ដើម្បីជាលេសកាន់កាប់ទឹកដីប្រទេស ដទៃដោយខុសច្បាប់ គឺជាទម្រង់នៃសង្គ្រាមទំនើបមួយនៅក្នុងយុទ្ធវិធីប្រផេះ (Grey-zone tactics) នេះឯង។

បន្ថែមពីនេះ សម្ដេចតេជោ ហ៊ុន សែន បានថ្លែងថា សង្គ្រាមពាណិជ្ជកម្មបានប្រើប្រាស់របាំងពន្ធគយ ដើម្បីដាក់ទណ្ឌកម្ម និងដកហូតការអនុគ្រោះពាណិជ្ជកម្មដែលមានពីមុនមក សង្គ្រាមបច្ចេកវិទ្យាបង្ហាញពី ការប្រកួតប្រជែងយ៉ាងស្រួចស្រាល់ ដើម្បីគ្រប់គ្រងបញ្ញាសិប្បនិម្មិត (AI) សឺមីកុងឌុចទ័រ ទំនើប និងហេដ្ឋារចនាសម្ព័ន្ធសន្តិសុខសាយប័រដ៏សំខាន់។ចុងក្រោយ សង្គ្រាម និងនយោបាយ គាំពារនិយមទាក់ទងនឹងធនធានធម្មជាតិ បាននិងកំពុងរុញច្រានឱ្យមានការដណ្តើមគ្នាយ៉ាងខ្លាំងក្លា និងការរឹតត្បិតលើធនធានយុទ្ធសាស្ត្រនានានៅលើពិភពលោក ដូចជា៖ ថាមពល និងរ៉ែកម្រ (rare earth) ដែលធ្វើឱ្យប្រទេសងាយរងគ្រោះធ្លាក់ចូលទៅក្នុងសំណាញ់ អសន្តិសុខជាប្រព័ន្ធ។

ជាថ្មីម្តងទៀត សម្ដេចតេជោ ហ៊ុន សែន បានថ្លែងថា ការវិវត្តដ៏គួរឱ្យព្រួយបារម្ភនៅក្នុងបរិបទនេះ គឺការបំពានច្បាប់អន្តរជាតិដោយតួអង្គ ដែលមានអំណាចដែលអនុវត្តសិទ្ធិការពារខ្លួនបែបផ្តាច់មុខ ការវាយលុកមុនដោយគ្មាន ហេតុផលត្រឹមត្រូវ និងយុទ្ធសាស្ត្រកំណត់គោលដៅដកក្បាលម៉ាស៊ីនដឹកនាំ (targeted decapitation strategies) ការគំរាមកំហែងសន្តិសុខជាប្រព័ន្ធនេះ បានបំផ្លាញទាំងស្រុងនូវសុបិន នៃសន្តិសុខរួម៕ អត្ថបទ៖ហ្សាលីន  

The post សម្ដេចតេជោ៖ ការធ្វើសង្គ្រាមនៅសតវត្សរ៍ទី២១ លែងកំណត់ត្រឹមតែជាការប៉ះទង្គិចលើសមរភូមិទៀតហើយ appeared first on .

សន្និសីទប្រធានសភានៃអន្តរសភាលើកទី២ គឺជាការជួបជុំគ្នាដ៏ធំជាប្រវត្តិសាស្ត្រ ដោយមានប្រធានសភាជាច្រើនប្រទេសចូលរួម ទាំងក្នុងតំបន់និងអន្តរជាតិ ព្រមទាំងមានវត្តមានអង្គការអន្តរជាតិសំខាន់ៗជាច្រើនទៀតផងដែរ។ នេះជាវេទិកាដ៏សំខាន់នៅក្នុងការស្តារទំនុកចិត្ត និងលើកកម្ពស់សន្តិភាពសម្រាប់មនុស្សជាតិទូទាំងសកលលោក ឱ្យរស់នៅប្រកបដោយសុខដុមរមនាជាមួយគ្នា។ សន្និសីទប្រធានសភានៃអន្តរសភាលើកទី២ បានបង្ហាញច្បាស់ពីការស្រលាញ់សន្តិភាព ការលើកកម្ពស់ការគោរពច្បាប់ និងពហុភាគីនិយមដោយបើកចំហ និងបរិយាបន្ន។

ពិធីបើកសន្និសីទប្រធានសភា នៃអន្តរសភាលើកទី២ រួមមាន : ព្រះរាជសាររបស់ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ សុន្ទរកថាស្វាគមន៍ដោយ លោក ឯក ណាត ដាកាល អគ្គលេខាធិការ ISC , បទបង្ហាញជាវីដេអូ – ប្រវត្តិ ISC។ សុន្ទរកថាលោក ស៊ីយ៉េដ យូសាហ្វ រ៉ាហ្សា ជីឡានី ប្រធានស្ថាបនិក ISC និងជាប្រធានព្រឹទ្ធសភាប៉ាគីស្ថាន។ សារអបអរសាទររបស់លោក បាន គីមូន អតីតអគ្គលេខាធិការនៃអង្គការសហប្រជាជាតិ។ សុន្ទរកថាគន្លឹះរបស់ សម្តេចធិបតី នាយករដ្ឋមន្ត្រី។ សុន្ទរកថាបើករបស់សម្តេចអគ្គមហាសេនាបតីតេជោ ហ៊ុន សែន។

សូមជម្រាបដែរថា សន្និសីទនេះ មានការអញ្ជើញចូលរួមពីប្រធានសភា តំណាងប្រធានសភា ប្រធានអង្គការ អន្តរសភា អង្គការអន្តរជាតិពាក់ព័ន្ធ និងគណៈប្រតិភូមកពីប្រទេសនៅទ្វីបអាស៊ី អឺរ៉ុប អាហ្វ្រិក មជ្ឈិមបូព៌ា អូសេអានី និងអាម៉េរិកឡាទីន។សន្និសីទប្រធានសភានៃអន្តរសភាលើកទី២ ក្រោមមូលបទ «សាមគ្គីភាពដើម្បីសន្តិភាព និងវិបុលភាពរួម៖ ពង្រឹងច្បាប់អន្តរជាតិ និងដោះស្រាយជម្លោះដោយសន្តិវិធី» ចាប់ពីថ្ងៃទី២៧ ដល់ ថ្ងៃទី២៨ ខែសីហា ឆ្នាំ២០២៦។

ការទទួលបានកិត្តិយស ក្នុងឋានៈជាម្ចាស់ផ្ទះនៃការរៀបចំសន្និសីទប្រធានសភានៃអន្តរសភា លើកទី២នេះ គឺជាសក្ខីភាពនៃកិច្ចខិតខំប្រឹងប្រែង និងការបន្តប្តេជ្ញាចិត្តឥតងាករេរបស់កម្ពុជា ក្នុងការ ចូលរួមដោះស្រាយបញ្ហាប្រឈមរបស់ពិភពលោក តាមរយៈយន្តការអន្តរសភា និងសាមគ្គីភាពរវាងសភា នៃបណ្តាប្រទេស និងអង្គការអន្តរសភាទាំងអស់ពីគ្រប់តំបន់ ដែលការណ៍នេះ ក៏នឹងរួមចំណែកដល់ ការសម្រេចបាននូវបំណងប្រាថ្នាជាសកលដើម្បីសន្តិភាព និងវិបុលភាពរួម ព្រមជាមួយនឹងការពង្រឹង ច្បាប់អន្តរជាតិ និងដោះស្រាយជម្លោះដោយសន្តិវិធី៕  អត្ថបទ៖ហ្សាលីន

The post សម្តេចតេជោ ប្រកាសបើកសន្និសីទប្រធានសភានៃអន្តរសភាលើកទី២ ដែលកម្ពុជាធ្វើម្ចាស់ផ្ទះជាផ្លូវការ appeared first on .

នាឱកាសនោះលោកសាស្ត្រាចារ្យ កាវ ហ្វៃ បានបានសរសើរពីភាពរីកចម្រើនរបស់កម្ពុជាដែលមានការប្រែប្រួលយ៉ាងឆាប់រហ័ស។ លោកថា ការរីកចម្រើនរបស់កម្ពុជានៅពេលនេះ គឺស្ថិតក្រោមការគ្រប់គ្រងដឹកនាំដោយសម្ដេចតេជោ ដែលជាអតីតនាយករដ្ឋមន្ត្រី ហើយបន្តដោយសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីបន្តវេននាពេលបច្ចុប្បន្ននេះ។

ជាមួយគ្នានេះ លោកបានកោតសរសើរមិនដាច់ពីមាត់អំពីស្ថានភាពនៃសន្តិភាព ស្ថេរភាព ដែលជាកត្តាសំខាន់នៅក្នុងការអភិវឌ្ឍប្រទេសកម្ពុជា។ លោកក៏បានលើកឡើងអំពីដំណើរទស្សនកិច្ចរបស់ប្រតិភូសាកលវិទ្យាល័យកិច្ចការប្រទេសចិននៅពេលនេះ គឺក្នុងគោលដៅដើម្បីរៀបចំនូវកិច្ចសន្ទនាការទូតក្រោយ (Track II Diplomacy) ដែលជាកិច្ចសន្ទនាមួយចូលរួមចំណែកដ៏សំខាន់នៅក្នុងការផ្លាស់ប្ដូរយោបល់គ្នា ជាពិសេសគឺការគាំទ្រដល់ការដោះស្រាយបញ្ហាវិបត្តិព្រំដែន កម្ពុជា-ថៃដោយសន្តិវិធី។

ជាការឆ្លើយតប សម្ដេចតេជោ ហ៊ុន សែន បានស្វាគមន៍ចំពោះការលើកឡើងរបស់លោកសាស្ត្រាចារ្យសាកលវិទ្យាល័យកិច្ចការបរទេសជាពិសេសគឺពេញចិត្តចំពោះការលើកឡើងពីការមើលឃើញដោយផ្ទាល់របស់លោកអំពីការអភិវឌ្ឍ និងភាពរីកចម្រើនរបស់កម្ពុជា។ សម្ដេចក៏បានវាយតម្លៃខ្ពស់ចំពោះទំនាក់ទំនងរវាងកម្ពុជា និងចិននៅពេលបច្ចុប្បន្ននេះ ដែលជាទំនាក់ទំនងដៃគូយុទ្ធសាស្ត្រគ្រប់ជ្រុងជ្រោយ ហើយជាសហគមន៍ជោគវាសនារួម គ្រប់រដូវកាលក្នុងយុគសម័យថ្មី។

តាមរយៈជំនួបខាងលើ សម្តេចតេជោ ក៏បានចាត់ទុកថា ដំណើរទស្សនកិច្ចរបស់ប្រតិភូសាកលវិទ្យាល័យកិច្ចការបរទេសចិនមកកាន់ប្រទេសកម្ពុជានៅពេលនេះគឺជាផ្នែកមួយក្នុងការលើកកម្ពស់ចំពោះទំនាក់ទំនងមិត្តភាពដែកថែបរវាងកម្ពុជានិងចិនឲ្យកាន់តែរឹងមាំបន្ថែមទៀត៕អត្ថបទ៖ហ្សាលីន

The post សាស្ត្រាចារ្យសាកលវិទ្យាល័យល្បីរបស់ចិន សរសើរពីភាពរីកចម្រើនដ៏ឆាប់រហ័សរបស់កម្ពុជា appeared first on .

ថ្លែងក្នុងជំនួបសម្ដែងការគួរសម ជាមួយ​ក្រុមប្រឹក្សាជាតិកម្ពុជាដើម្បីស្ត្រី នៅថ្ងៃទី១៤ ខែសីហា ឆ្នាំ២០២៦ សម្តេចតេជោ ហ៊ុន សែន បានព្រមានត្រូវតែចាត់វិធានការលើបុគ្គលជេរប្រមាថ ឈ្លោះប្រកែកគ្នា លើបណ្តាញសង្គមបំផ្លាញក្រមសីលធម៌របស់កម្ពុជា មិនត្រូវលើកលែង។សម្តេចតេជោ ក៏បានថ្លែងថា ការចាត់វិធានការច្បាប់លើរឿងអសីលធម៌លើបណ្តាញសង្គម មិនមែនជារឿងផ្តាច់ការនោះទេ តែជាការរក្សាសេចក្តីថ្លៃថ្នូររបស់ជាតិ។

សម្តេចតេជោ ហ៊ុន សែន បានថ្លែងថា រឿងអសីលធម៌សង្គម នរណាក៏អាចប្តឹងបានដែរ នេះជាបញ្ហារបស់ជាតិ។សម្តេចតេជោក៏ស្នើ​ឲ្យ​តុលាការ​ពិនិត្យ​មើល​លើ​សំណុំរឿង​នានា​ដែល​ត្រូវ​បាន​ប្ដឹង​លើ​«បុគ្គលដែល​បំផ្លាញ​សេចក្ដីថ្លៃថ្នូរ​នៅ​ក្នុង​សង្គម»។ សម្តេចតេជោ​ថ្លែង​ថា ចំណាត់​ការ​ដើម្បី​តម្លៃ​ស្ត្រី​និង​សីលធម៌​សង្គម​មិន​គួរ​ត្រូវ​បាន​មើល​ឃើញ​ថា​ជា​អំពើ​ផ្ដាច់​ការ​នោះ​ទេ ព្រោះថា សូម្បី​ក្រុមហ៊ុន​បណ្ដាញសង្គម​នានា​ក៏មាន​គោលការណ៍​ក្រុម​សីលធម៌​របស់គេ​ដែរ។

បន្ថែមពីនេះ សម្តេចតេជោ បានសង្កត់ធ្ងន់ទៀតថា ​ ចាប់​ពី​ពេល​នេះ​ទៅ សុំតាម​មើល​ឲ្យ​បាន​ដិត​ដល់​ គួរ​តែ​មាន​ក្រុម​មួយ​ដើម្បី​តាមដាន​ករណី​អស់​ទាំង​ហ្នឹង ពិសេសអ្នកជេរ​បញ្ចោរ​តាម​ហ្វេសប៊ុកជាដើម»។​សម្តេចតេជោ ក៏បាន​ប្រាប់​ឲ្យ​ក្រុម​ប្រឹក្សា​ជាតិកម្ពុជាដើម្បីស្ត្រី ធ្វើការ​ជាមួយ​ក្រសួង​ពាក់​ព័ន្ធ​រួម​មាន​ក្រសួង​មហាផ្ទៃ ក្រសួង​ព័ត៌មាន ក្រសួង​វប្បធម៌ ក្រសួង​ប្រៃយណីយ៍ រៀបចំ​យន្តការ​ ដើម្បី​ការពារ​សេចក្ដីថ្លៃថ្នូរ និង​តម្លៃ​នៃ​ស្ត្រី​ខ្មែរ​ដើម្បីជា​ការការពារ​សេចក្ដីថ្លៃ​ថ្នូ​រជាតិ៕ អត្ថបទ៖ហ្សាលីន

The post សម្ដេចតេជោ បញ្ជាឱ្យក្រសួងពាក់ព័ន្ធចាត់វិធានការលើបុគ្គលអសិលធម៌ និងជេរប្រមាថគ្នាលើបណ្តាញសង្គម appeared first on .