ប្រធានាធិបតីអាមេរិករូបនេះ បានថ្លែងថ្ងៃទី៣០ ខែមីនាថា «ប្រសិនបើក្នុងហេតុផលណាមួយ ដែលកិច្ចព្រមព្រៀងមិនអាចសម្រេចបានក្នុងពេលឆាប់ៗនេះ ហើយប្រសិនបើច្រកសមុទ្រ Hormuz មិនត្រូវបានបើកដំណើរការជាធម្មតាភ្លាមៗទេនោះ យើងនឹងបំផ្ទុះ និងកម្ទេចចោលទាំងស្រុងនូវរោងចក្រផលិតអគ្គិសនី, អណ្តូងប្រេង និងកោះ Kharg ហើយអាចរួមបញ្ចូលទាំងរោងចក្រចម្រោះទឹកស្អាតទាំងអស់ផងដែរ»។

ទន្ទឹមគ្នានេះ អ្នកនាំពាក្យសេតវិមាន លោកស្រី Karoline Leavitt បានបញ្ជាក់សាជាថ្មីនូវការទទូចដល់រដ្ឋបាលអាម៉េរិកថា សង្គ្រាមរបស់សហរដ្ឋអាម៉េរិកប្រឆាំងនឹងអ៊ីរ៉ង់ គួរតែត្រូវបានបញ្ចប់ក្នុងរយៈពេលពីរសប្តាហ៍ទៀត។ លោកស្រីបន្តថា លោក ត្រាំ តែងតែបញ្ជាក់ថា កាលវិភាគដែលបានប៉ាន់ប្រមាណទុក គឺចន្លោះពី ៤ ទៅ ៦សប្តាហ៍ដើម្បីបញ្ចប់សង្គ្រាម ប៉ុន្តែថ្ងៃនេះគឺជាថ្ងៃទី ៣០ហើយ ដូច្នេះ អ្នកអាចគណនាដោយខ្លួនឯងបាន៕

The post លោក ត្រាំ គំរាមកម្ទេចកោះ Kharg របស់អ៊ីរ៉ង់ បើគ្មានកិច្ចព្រមព្រៀងបញ្ចប់សង្គ្រាម appeared first on .

យោងតាមទីភ្នាក់ងារព័ត៌មាន FOX NEWS បានរាយការណ៍នៅថ្ងៃទី២៦មីនានេះថា ការសម្រេចចិត្តបញ្ជូនជាផ្លូវការនេះធ្វើឡើងមួយថ្ងៃបន្ទាប់ពីអ៊ីរ៉ង់បានបដិសេធការចរចាជាមួយសហរដ្ឋអាម៉េរិក និងបានចោទដូណាល់ត្រាំថាជាមនុស្សដែលកំពុងតែប្រកាសចរចាជាមួយខ្លួនឯងទាំងដែលអ៊ីរ៉ង់មិនបានដឹងពីការចរចាដូចអាម៉េរិកលើកឡើងឡើយ។

ប្រភពដដែលរាយការណ៍ ថាកងទ័ពដែលធ្វើដំណើរទៅកាន់មជ្ឈិមបូព៌ាត្រូវបានដកចេញពី “កម្លាំងឆ្លើយតបរហ័ស” (IRF) ស្នូលនៃកងពលទ័ពអាកាសទី ៨២ ហើយនឹងត្រូវបានដឹកនាំដោយផ្ទាល់ដោយឧត្តមសេនីយ៍ឯក Brandon Teaketmeyer មេបញ្ជាការកងពល ក្នុងនោះក៏រួមបញ្ចូលទាំងមន្រ្តីបុគ្គលិករាប់សិបនាក់ និងកងវរសេនាធំពីរកង ដែលមានកងទ័ពប្រហែល ៨០០ នាក់ក្នុងមួយកង។ IRF ដែលមានកងទ័ពប្រហែល ៣,០០០ នាក់ មានសមត្ថភាពដាក់ពង្រាយគ្រប់ទីកន្លែងក្នុងពិភពលោកក្នុងរយៈពេល ១៨ ម៉ោង។

ប្រសិនបើកងទ័ពនៃកងពលទ័ពអាកាសទី ៨២ ចូលរួមជាមួយកងម៉ារីនប្រហែល ៤,៥០០នាក់ដែលកំពុងធ្វើដំណើរទៅកាន់មជ្ឈិមបូព៌ារួចហើយ ចំនួនសរុបនៃកងកម្លាំងដីគោកដែលត្រូវបានបញ្ជូនបន្ថែមក្នុងជម្លោះជាមួយអ៊ីរ៉ង់នឹងខិតជិត ៧,០០០ នាក់៕

The post អាម៉េរិកបញ្ជូនទាហានពិសេសជាង ២ពាន់នាក់ចូលសង្គ្រាមអ៊ីរ៉ង់ជាផ្លូវការ appeared first on .

អ្នកនាំពាក្យសេតវិមាន លោកស្រី Abigail Jackson បាននិយាយនៅថ្ងៃទី២៥ ខែមីនាថា ៖”យើងមានការដឹងគុណយ៉ាងខ្លាំងចំពោះការផ្តល់ជូនដ៏សប្បុរសរបស់លោក Musk ។ តែទោះជាយ៉ាងណាក៏ដោយ នេះនឹងបង្កបញ្ហាប្រឈមផ្នែកច្បាប់យ៉ាងសំខាន់ ដោយសារតែកិច្ចសន្យាជាច្រើនរបស់គាត់ជាមួយរដ្ឋាភិបាលសហព័ន្ធ”។

យ៉ាងណាមិញ ជុំវិញសេចក្តីថ្លែងការណ៍នេះ បានកើតឡើងនៅពេលដែលមន្ត្រីសេតវិមានបានសំដៅទៅលើការផ្តល់ជូនរបស់មហាសេដ្ឋី Elon Musk ក្នុងការគាំទ្រការចំណាយសាធារណៈ ដែលក្នុងនោះ លោកបានបង្ហាញពីឆន្ទៈរបស់ខ្លួនក្នុងការទូទាត់ប្រាក់ខែបុគ្គលិក TSA ប្រហែល ៥០ ០០០ នាក់ក្នុងអំឡុងពេលមានការបិទផ្នែកខ្លះនៃក្រសួងសន្តិសុខមាតុភូមិ។

ប៉ុន្តែទោះជាយ៉ាងណាក៏ដោយ លោកស្រី Abigail Jackson បានសង្កត់ធ្ងន់ថា មហាសេដ្ឋីមានដាច់គេរបស់ពិភពលោករូបនេះ មានកិច្ចសន្យាជាច្រើនជាមួយរដ្ឋាភិបាល ដែលធ្វើឲ្យចលនាបង់ប្រាក់ខែឲ្យបុគ្គលិក TSA អាចនឹងកើតមានជម្លោះផលប្រយោជន៍។

យោងតាមកាសែត Washington Post បានបង្ហាញថាលោក Musk និងក្រុមហ៊ុនរបស់លោក បានទទួលយ៉ាងហោចណាស់ ៣៨ពាន់លានដុល្លារពីកិច្ចសន្យា ប្រាក់កម្ចី ជំនួយឥតសំណង និងការបន្ធូរបន្ថយពន្ធពីរដ្ឋាភិបាលសហរដ្ឋអាមេរិក ក្នុងរយៈពេលប៉ុន្មានឆ្នាំមកនេះ៕​

The post សេតវិមាន មិនអនុញ្ញាតឲ្យមហាសេដ្ឋី Elon Musk បើកប្រាក់ខែដល់បុគ្គលិកសន្តិសុខអាកាសយានដ្ឋាន appeared first on .

ហ្វីលីពីន ដែលពឹងផ្អែកយ៉ាងខ្លាំងលើប្រេងឥន្ធនៈនាំចូល កាលពីថ្ងៃទី២៤ ខែមីនា បានប្រកាសពីស្ថានភាពអាសន្នថាមពលជាតិរបស់ខ្លួន ដើម្បីដោះស្រាយផលវិបាកពីសង្គ្រាមមជ្ឈិមបូព៌ា រួមទាំងការផ្គត់ផ្គង់ប្រេងផងដែរ។

យ៉ាងណាមិញ លោក Jose Manuel Romualdez បាននិយាយថា៖ “យើងកំពុងធ្វើការជាមួយក្រសួងការបរទេស ដើម្បីទទួលបានការលើកលែង ឬការអនុញ្ញាត ក្នុងការទិញប្រេងពីប្រទេសដែលទទួលទណ្ឌកម្មពីសហរដ្ឋអាមេរិក ខណៈជម្រើសទាំងអស់កំពុងត្រូវបានពិចារណា រួមទាំងប្រេងរបស់វេណាស៊ុយអេឡា និងអ៊ីរ៉ង់ ផងដែរ”។

គិតត្រឹមថ្ងៃទី២០ ខែមីនា រដ្ឋាភិបាលបាននិយាយថា ហ្វីលីពីនមានការផ្គត់ផ្គង់ប្រេងឥន្ធនៈប្រហែល ៤៥ថ្ងៃ ហើយកំពុងទិញប្រេងបន្ថែមចំនួន ១ លានបារ៉ែល ដើម្បីបង្កើនស្តុកប្រេងបម្រុងរបស់ខ្លួន។

ជម្រាបជូនផងដែរថា ជុំវិញសេចក្តីប្រកាសអាសន្ន ដែលនឹងចូលជាធរមានរយៈពេលមួយឆ្នាំ នឹងអនុញ្ញាតឲ្យរដ្ឋាភិបាលហ្វីលីពីនទិញប្រេងឥន្ធនៈ និងផលិតផលប្រេងកាត ដើម្បីធានាបាននូវការផ្គត់ផ្គង់ទាន់ពេលវេលា និងគ្រប់គ្រាន់សម្រាប់តម្រូវការ៕​

The post ហ្វីលីពីន កំពុងចរចាជាមួយអាមេរិក ដើម្បីទិញប្រេងពីប្រទេសកំពុងជាប់ទណ្ឌកម្ម appeared first on .

អ៊ីរ៉ង់ បានបង្ហាញទៀតថា ខ្លួននឹងកំណត់គោលដៅជាពិសេសទៅលើរោងចក្រថាមពលរបស់អ៊ីស្រាអែល កីដូចជារោងចក្រថាមពលផ្សេងទៀត ដែលផ្គត់ផ្គង់អគ្គិសនីដល់មូលដ្ឋានទ័ពអាមេរិក នៅក្នុងតំបន់ ប្រសិនបើមានការវាយប្រហារណាមួយមកលើរោងចក្រថាមពលអគ្គិសនីរបស់ខ្លួននោះ។

យ៉ាងណាមិញ សេចក្តីថ្លែងការណ៍ចុងក្រោយនេះ ហាក់ដូចជាបានបន្ធូបន្ថយការគំរាមកំហែងពីមុនរបស់អ៊ីរ៉ង់ ចំពោះការវាយប្រហារទៅលើរោងចក្រចម្រាញ់ទឹកប្រៃនៅក្នុងតំបន់ ដែលមានសារៈសំខាន់សម្រាប់ការផ្គត់ផ្គង់ទឹកស្អាត នៅក្នងប្រទេសតំបន់ឈូងសមុទ្រទាំងមូល។

គួរឲ្យដឹងថា នៅថ្ងៃសៅរ៍ សប្តាហ៍មុន ប្រធានាធិបតី​អាមេរិក លោក ដូណាល់ ត្រាំ បានព្រមានថា រោងចក្រ​ថាមពល​របស់​អ៊ីរ៉ង់​នឹង​ត្រូវ​បាន​កំណត់​ជាគោលដៅសម្រាប់វាយប្រហារ ប្រសិនបើ​ទីក្រុង​តេអេរ៉ង់​បរាជ័យ​ក្នុង​ការ បើកច្រកសមុទ្រ​ Hormuz ទាំងស្រុង​ សម្រាប់​ការដឹកជញ្ជូន​ទាំងអស់ ​ក្នុងរយៈពេល ៤៨ម៉ោងនោះ។

ប៉ុន្តែទោះជាយ៉ាងណាក៏ដោយ កងកម្លាំងឆ្មាំបដិវត្តន៍អ៊ីឺរ៉ង់ និយាយថា៖ “យើងនឹងប្តេជ្ញាឆ្លើយតបទៅនឹងការគំរាមកំហែងណាមួយក្នុងកម្រិតដូចគ្នានឹងការទប់ស្កាត់ ប្រសិនបើអ្នកវាយប្រហារលើរោងចក្រអគ្គិសនី យើងនឹងវាយប្រហារលើរោងចក្រអគ្គិសនីវិញដូចគ្នា”៕​

The post អ៊ីរ៉ង់ ប្រកាសសងសឹកវិញយ៉ាងចាស់ដៃបំផុត បើរោងចក្រអគ្គិសនីខ្លួនត្រូវបានវាយប្រហារ appeared first on .

តាមប្រភពព័ត៌មានពី Newsmax និង​ Anadolu ចុះ​ផ្សាយ​ថ្ងៃទី​២០​មីនា​នេះ ថាក្រុមនាវាចម្បាំង USS Boxer និងកងពលតូចម៉ារីនលេខ​១១ បានចាកចេញពីឆ្នេរសមុទ្រប៉ាស៊ីហ្វិកមុនកាលកំណត់។ សូម្បីតែមន្ត្រីជើងទឹក និងកងទ័ពម៉ារីន ក៏ត្រូវបានបញ្ជា​ឲ្យ​កាត់បន្ថយថ្ងៃឈប់សម្រាករបស់ពួកគេ ដើម្បីប្រញាប់ប្រញាល់ធ្វើដំណើរទៅកាន់សមរភូមិផងដែរ។ ការចល័តទ័ពយ៉ាងគំហុកនេះ បានកើតឡើងបន្ទាប់ពីប្រតិបត្តិការរួមគ្នារវាងអាមេរិក និងអ៊ីស្រាអែល កាលពីថ្ងៃទី២៨​កុម្ភៈ ដែលបានសម្លាប់មេដឹកនាំកំពូលអ៊ីរ៉ង់ លោក Ayatollah Ali Khamenei និងមនុស្សប្រហែល ១៣០០នាក់ផ្សេងទៀត។

យោងតាមផែនការ កងទ័ពប្រមាណ ៤០០០នាក់ នឹងធ្វើដំណើរតាមនាវាចម្បាំងធំៗចំនួន៣ គឺ USS Boxer, USS Portland និង USS Comstock។ នៅពេលដែលក្រុមនាវាទាំងនេះទៅជួបជុំគ្នាជាមួយក្រុមនាវា USS Tripoli ដែលកំពុងធ្វើដំណើរទៅស្រាប់នោះ ចំនួនកងទ័ពសរុបនឹងកើនឡើងដល់ ៨០០០នាក់ រួមជាមួយនាវាចម្បាំងវាយលុក៦គ្រឿង។ ទោះជាយ៉ាងណាក៏ដោយ មន្ទីរបញ្ចកោណមិនទាន់បានចេញសេចក្តីថ្លែងការណ៍ផ្លូវការណាមួយ លម្អិតពីចលនាទ័ពទាំងនេះនៅឡើយទេ។

ស្ថានភាពនៅតំបន់មជ្ឈិមបូព៌ាបច្ចុប្បន្នកំពុងស្ថិតក្នុងភាពវឹកវរ ខណៈដែលអ៊ីរ៉ង់បានចាប់ផ្តើមវាយបកវិញតាមរយៈការប្រើប្រាស់ដ្រូន និងមីស៊ីល បាញ់ស្រោចទៅលើប្រទេសអ៊ីស្រាអែល ហ្ស៊កដានី អ៊ីរ៉ាក់ និងបណ្តាប្រទេសនៅតំបន់ឈូងសមុទ្រជាច្រើនទៀត។ ការវាយបកនេះមិនត្រឹមតែសំដៅលើមូលដ្ឋានទ័ពអាមេរិក និងបង្កការខូចខាតដល់ហេដ្ឋារចនាសម្ព័ន្ធធ្ងន់ធ្ងរប៉ុណ្ណោះទេ ប៉ុន្តែថែមទាំងបានធ្វើ​ឲ្យ​ប៉ះពាល់ដល់ប្រព័ន្ធហោះហើរ និងទីផ្សារសកលលោកទាំងមូលទៀតផង៕

The post អាម៉េរិកបញ្ជូនទ័ពជិត១ម៉ឺននាក់ទៅកាន់មជ្ឈិមបូព៌ាបន្ទាន់ appeared first on .