គួរឱ្យដឹងថា Eric ធ្លាប់ចូលរួមប្រកួតកីឡាអូឡាំពិក ឆ្នាំ ២០១៦ នៅក្នុងទីក្រុង Rio ប្រទេសប្រេស៊ីល ប៉ុន្តែគេបានខកខានការប្រកួតកីឡាលំដាប់ពិភពលោកនេះ ២ លើកចុងក្រោយ នៅក្នុងទីក្រុងតូក្យូ ប្រទេសជប៉ុន ឆ្នាំ ២០២០ និងឆ្នាំ ២០២១ ដោយសារតែរបួសអំឡុងពេលប្រកួតវគ្គជម្រុះ ។

ប៉ុន្តែយ៉ាងណាមិញ សម្រាប់ការប្រកួតកីឡាស៊ីហ្គេម ឆ្នាំ ២០២៣ នេះ ដែលកម្ពុជាធ្វើជាម្ចាស់ផ្ទះ Eric បានបង្ហាញថាគេនឹងបេ្តជ្ញាចិត្តដណ្តើមយកមេដាយមាស ដើម្បីបង្កើតប្រវត្តិសាស្រ្តសម្រាប់ខ្លួនឯង ក៏ដូចជាសម្រាប់ប្រទេសជាតិទាំងមូល។

លើសពីនេះ ដោយបាននិយាយប្រាប់ទៅកាន់វេបសាយផ្លូវការរបស់ Olympics នៅក្នុងបទសម្ភាសន៍ផ្តាច់មុខមួយ កីឡាករជម្រើសជាតិហ្វីលីពីនរូបនេះ បានបង្ហើបថា ៖ ” ខ្ញុំនៅទីនេះ ដើម្បីបន្តដណ្តើមមេដាយ។ នេះជាការប្រកួតស៊ីហ្គេមលើកទី ៦ របស់ខ្ញុំហើយ។​ ខ្ញុំពិតជាចង់បំបែកកំណត់ត្រាណាស់ “​។

Eiric បន្តទៀតថា ៖ “មេដាយជាវត្ថុដ៏អស្ចារ្យមួយសម្រាប់ខ្ញុំ។ វាពិតជាស្រស់ស្អាតខ្លាំងណាស់។ ទីលានរត់ប្រណាំងពិតជាល្អណាស់ ប៉ុន្តែអាកាសធាតុនៅទីនេះពិតជាក្តៅបន្តិច។ ប៉ុន្តែប្រាកដណាស់គោលដៅធំរបស់ខ្ញុំគឺដើម្បីឈ្នះ។ សម្រាប់ខ្ញុំផ្ទាល់ ខ្ញុំចង់ឈ្នះមេដាយមាសលើកទី ៦ របស់ខ្ញុំ “។

សូមជម្រាបដែរថា កម្ពុជាដែលជាម្ចាស់ផ្ទះសម្រាប់ការប្រកួតកីឡាស៊ីហ្គេម លើទី ៣២ និងអាស៊ានប៉ារ៉ាហ្គេមលើកទី ១២ បានយកចិត្តទុកដាក់យ៉ាងខ្លាំង ចំពោះអត្តពលិកមកពីគ្រប់ប្រទេស នៅក្នុងតំបន់អាស៊ាន ដោយបានផ្តល់ជាកន្លែងស្នាក់នៅ សេវាដឹកជញ្ជូន និងម្ហូបអាហារ ដោយមិនគិតថ្លៃអ្វីទាំងអស់៕

The post អត្តពលិកជោគជ័យបំផុតក្នុងប្រវត្តិសាស្រ្តស៊ីហ្គេម បង្ហើប​មហិច្ឆតា​ចង់ឈ្នះបន្ថែម នៅកម្ពុជា appeared first on .

លោក​ ជា បូរ៉ា អគ្គលេខាធិការសហព័ន្ធកីឡាវាយកូនគោលកម្ពុជា បានបញ្ជាក់ កាល​ពី​ថ្ងៃ​អាទិត្យ​ម្សិលមិញ​ថា ក្រុមការងារ​​បាន​រៀបចំជាស្រេច សម្រាប់ការប្រកួតវិញ្ញាសាកីឡាវាយកូនគោល ក្នុងព្រឹត្តិការណ៍​កីឡាស៊ីហ្គេម ឆ្នាំ២០២៣។

លោក​បាន​ថ្លែងឱ្យដឹងថា ការប្រកួតវិញ្ញាសាកីឡាវាយកូនគោល ក្នុងព្រឹត្តិការណ៍​កីឡាស៊ីហ្គេម លើកទី៣២​នេះ ​​មាន ៨ប្រទេស​ចូល​រួម ក្នុង​នោះ​មាន​ កម្ពុជា វៀតណាម ថៃ ឡាវ ហ្វីលីពីន សិង្ហបុរី ម៉ាឡេស៊ី និង​ឥណ្ឌូនេស៊ី ដោយ​មាន​កីឡាករ កីឡាការិនី សរុប​ចំនួន​៥២​រូប​ បុរស​​៣១​នាក់ និង​នារី​២១នាក់។ លោក​ ជា បូរ៉ា ​បាន​បន្ថែម​ឱ្យ​ដឹង​ថា ការ​ប្រកួតកីឡាវាយកូនគោល មាន​ចំនួន២​វិញ្ញាសារ​ គឺ​ឯកត្តជនផ្នែកបុរស ឯកត្តជនផ្នែកនារី និង​វិញ្ញាសារ​លេង​ជាក្រុម​ផ្នែកបុរស និង​ជាក្រុម​ផ្នែកនារី ដែល​ប្រកួតចាប់ពីព្រឹកថ្ងៃទី៨ ដល់​ថ្ងៃទី១៣ ខែឧសភា ទើប​បញ្ចប់។

ជាមួយគ្នានេះដែរ លោក ឆោម សំបូរ អនុប្រធាន​គណៈកម្មការ​រៀបចំ​ទូទៅ​នៃ​ព្រឹត្តិការណ៍​កីឡាស៊ីហ្គេម​លើកទី​៣២ ​​​បាន​ថ្លែង​ប្រាប់​​​ ឧកញ៉ា ញូស៍ នៅ​ថ្ងៃ​ចន្ទ​នេះ​ថា ​​សម្រាប់​វិញ្ញាសារ​ប្រកួត​លក្ខណៈ​ឯកត្តជន​ ​​នឹង​ចាប់ផ្តើម​ប្រកួត​ចាប់ពី​ថ្ងៃទី៨ ដល់​ថ្ងៃទី​​​១០ ចំណែក​ថ្ងៃទី១១ ដល់ថ្ងៃទី១៣ គឺ​ប្រកួត​លក្ខណៈ​ជា​ក្រុម។ លោក ឆោម សំបូរ បាន​ឱ្យ​ដឹង​បន្ថែម​ថា ក្នុង​ចំណោម​ប្រទេស​ទាំង​៨ គឺ​មាន​កីឡាករ​ចំនួន​៤​រូប និង​កីឡាការិនី​ចំនួន​៣​រូប ​​លើក​លែង​តែ​ប្រទេស​ឡាវ ដែល​ពុំ​មាន​កីឡាការិនី​ មាន​តែ​កីឡាករ​ចំនួន​ ៤នាក់​ប៉ុណ្ណោះ។

លោក ឆោម សំបូរ បាន​បញ្ជាក់​ថា មូលហេតុដែលគណៈកម្មការ​ជ្រើសរើស​​ទីលានវាយកូនគោល ហ្គាឌិន ស៊ីធី ធ្វើ​ជា​ទីលាន​សម្រាប់​ការ​ប្រកួត​ព្រឹត្តិការណ៍​ស៊ីហ្គេម​លលើកទី៣២​នេះ ដោយសារ​មាន​ការ​អនុញ្ញាត​ដ៏​ខ្ពង់ខ្ពស់​ពី​សម្តេច​ពិជ័យសេនា ទៀ បាញ់ ប្រធានសហព័ន្ធ​កីឡាវាយកូនគោលកម្ពុជា។ ដូច្នេះ​លោក​បាន​ជ្រើសរើស​ទីលាន​នេះ​ដោយសារ​ ទី១ ទីតាំង​អំណោយផលខ្ពស់ នៅជិត​ពហុកីឡដ្ឋាន​មរតកតេជោ ទី២ ទីលាននេះ​មាន​សម្ភារៈ​គាំទ្រ​ និង​ផ្នែក​ផ្សេងៗ​​គ្រប់គ្រាន់​ទាំង​អស់​ សម្រាប់​​ដំណើរ​ការប្រកួត ​ត្រូវ​តាម​ស្តង់ដារ​អន្តរជាតិ។ ​

សូមជម្រាបជូន​ថា ទីលានវាយកូនគោល ហ្គាឌិន ស៊ីធី (Garden City Golf Club) គឺជាទីលានវាយកូនគោលពាក់កណ្តាលឯកជន​លំដាប់ពិភពលោក​ ដែលបានចាប់ដំណើរការ​សាងសង់​​​ឡើង​ដោយ​មហាសេដ្ឋី​ដ៏​មាន​ឥទ្ធិពល​ម្នាក់​គឺ​ឧកញ៉ា លី យ៉ុង​ផាត់ កាល​ឆ្នាំ២០១៣ ក្នុងទំហំ​ទឹកប្រាក់​វិនិយោគ ២០​លាន​ដុល្លារ លាត​សន្ធឹង​លើ​ផ្ទៃ​ដី ២៤០​អា ស្ថិត​នៅ​ជាមួយ​សណ្ឋាគារ ហ្គាឌិន ស៊ីធី ដែល​ជា​សណ្ឋាគារ​លំដាប់​អន្តរជាតិ​ផ្កាយ៥ ស្ថិត​នៅ​ក្នុង​តំបន់​អភិវឌ្ឍន៍​ទីក្រុង​រណប​ថ្មី ក្នុង​សង្កាត់​ព្រែក​តាសេក ខណ្ឌ​ជ្រោយ​ចង្វារ ប្រមាណ ១៥​គីឡូម៉ែត្រ​ពី​រាជ​ធានី​ភ្នំពេញ៕

The post ការប្រកួតវាយកូនគោល ចាប់ផ្តើមពីព្រឹកនេះទៅ នៅទីលានវាយកូនគោលរបស់អ្នកឧកញ៉ា លី យ៉ុងផាត់ appeared first on .

ការបញ្ជាក់បែបនេះ ត្រូវបានធ្វើឡើងក្នុងពីធីចុះហត្ថលេខា លើអនុស្សរណៈនៃការយោគយល់គ្នា រវាងក្រសួងប្រៃសណីយ៍ និងក្រសួងកសិកម្ម កាលរសៀលថ្ងៃទី២ ខែឧសភា ឆ្នាំ២០២៣នេះ។

លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានឱ្យដឹងថា គណៈកម្មាធិការជាតិ រៀបចំការប្រកួតកីឡាស៉ីហ្គេម លើកទី៣២ (CAMSOC) បានចំណាយថវិកាប្រហែល៥០ម៉ឺនដុល្លារ ដើម្បីបំពាក់ WiFi សាធារណៈដោយឥតគិតថ្លៃ (Public WiFi) គឺទី១. នៅពហុកីឡដ្ឋានជាតិមរតកតេជោ និងទី២. ពហុកីឡដ្ឋានជាតិអូឡាំពិក នៃព្រឹត្តិការណ៍ស៊ីហ្គេម។

លោក ជា វ៉ាន់ដេត បានបញ្ជាក់ថា៖«ដើម្បីប្រើ Public WiFi នេះ អ្នកចូលរួមគ្រាន់តែស្កេន QR Code នៅតាមទីតាំងជាក់ស្តែង ដែលបានកំណត់ ដើម្បីភ្ជាប់ WiFi នោះនឹងអាចប្រើប្រាស់ WiFi បានភ្លាមៗ ខណៈ Public WiFi នៅពហុកីឡដ្ឋានជាតិទាំង២នេះ គឺអត់មានបញ្ហាអ្វីនោះទេ ក្នុងរយៈពេលព្រឹត្ដិការណ៍ស៊ីហ្គេម»។

ចំណែកឯការប្រើប្រាស់ សម្រាប់ការផ្សាយចេញក្រៅប្រទេសវិញ លោកថា ក្រសួង ក៏បានចរន្ដក្រុមហ៊ុនខ្សែកាបមួយចំនួន និងក្រុមហ៊ុនរដ្ឋ ចូលតទៅពហុកីឡដ្ឋានជាតិទាំង២នេះ ដោយអត់មានបញ្ហានោះទេ នូវសមត្ថភាពបញ្ចូលខ្សែអ៊ីនធើណែន និងបង្គោលអង់តែន នៅទីនោះ។

គួរបញ្ជាក់ដែរថា ព្រឹត្តិការណ៍ប្រកួតកីឡាស៊ីហ្គេម លើកទី៣២ នឹងត្រូវប្រារព្ធពិធីបើកការប្រកួត នាថ្ងៃទី០៥ ខែឧសភា ឆ្នាំ២០២៣ខាងមុខ។ ក្នុងនោះដែរ ចំពោះព្រឹត្តការណ៍ SEA Games: ចាប់ផ្តើមពីថ្ងៃទី០៥-១៧ ខែឧសភា ឆ្នាំ២០២៣ និង ASEAN Para Games: ចាប់ផ្តើមពីថ្ងៃទី០៣-០៩ ខែមិថុនា ឆ្នាំ២០២៣៕ អត្ថបទ៖ ពិសី

The post គ្រាន់តែទីតាំង២នេះ! ក្រសួងចំណាយរហូត៥០ម៉ឺនដុល្លារ ដើម្បីបំពាក់បំពាក់ Public WiFi  ត្រៀមសម្រាប់ស៊ីហ្គេម appeared first on .

ជាមួយគ្នានោះ ការផ្សាយរបស់ទូរទស្សន៍បរទេសនានាត្រូវទម្លាក់ថ្លៃ ឬ ក៏អោយ free តែម្តង ព្រោះសំខាន់គឺផ្សាយពីប្រទេកម្ពុជា។ នេះបើតាមលោក ខៀវ​ កាញ្ញារិទ្ធ រដ្ឋមន្រ្តីក្រសួងព័ត៌មាន នៅប្រជុំគណៈរដ្ឋមន្ត្រី នាព្រឹកនេះ​នៅវិមានសន្តិភាព។

សម្តេចតេជោ ហ៊ុន សែន កាលរសៀលថ្ងៃទី៣០ ខែមីនាម្សិលមិញ បានដាក់​ចេញបទ​បញ្ជាមិន​ឱ្យមានការ​លក់សំបុត្រ​ចំពោះ​ការ​ចូលទស្សនា ការប្រកួត​កីឡា​ស៊ីហ្គេម​លើកទី៣២នោះឡើយ ដោយ​សម្ដេច​ប្រកាស​អនុញ្ញាតឱ្យប្រជាពលរដ្ឋចូលទស្សនាដោយសេរី។ ការចេញបទបញ្ជារបស់សម្តេចតេជោ នាពេលនេះបន្ទាប់​ពី​សម្ដេចតេជោ​ទទួល​បាន​ព័ត៌មាន​តាមរយៈ​សម្ដេចពិជ័យសេនា ទៀ បាញ់ ឧបនាយករដ្ឋមន្រ្ដី រដ្ឋមន្រ្ដីក្រសួងការពារជាតិ​ថា​មាន​ការ​ផ្សព្វផ្សាយ​ថា​មានការ​លក់​សំបុត្រចូលទស្សនាក្នុងពេលពិធីបើក និងពិធីបិទ កីឡា​ស៊ីហ្គេម​នៅកម្ពុជា។

សម្ដេចតេជោ មានប្រសាសន៍ថា «រាជរដ្ឋាភិបាលបានចំណាយប្រាក់ទាំងមូលដ្ឋាន​សម្ភារៈ​បច្ចេកទេស ក៏ដូចជាជំនួយ​ពីមិត្តចិនសម្រាប់ការកសាងនូវមូលដ្ឋាននៃការប្រកួត ព្រមទាំងចំណាយ​នូវ​ធនធាន​ជា​ច្រើន​ដើម្បី​កសាង​ហេដ្ឋារចនាសម្ព័ន្ធ​ដទៃទៀតរាប់រយលានដុល្លារ និង​បាន​ចំណាយ​ពេល​ជាច្រើនឆ្នាំទម្រាំកើតចេញជារូបរាងនៃការប្រកួត កីឡាស៊ីហ្គេមលើកទី៣២ នៅ​កម្ពុជា»។

សម្ដេចតេជោបញ្ជាក់ថា គ្មានការបង់ប្រាក់ណាមួយ សម្រាប់ប្រជាជនចូលទៅទស្សនាក្នុងពិធីបើក-បិទ និង ទស្សនាគ្រប់​វិញ្ញាសារនៃការប្រកួតនៃព្រឹត្តិការណ៍កីឡាស៊ីហ្គេមលើកទី៣២ នៅ​កម្ពុជា​នោះឡើយ។

សូមជម្រាបជូនថា ថ្ងៃទី៣១​ មីនា ឆ្នាំ២០២៣នេះ គឺនៅសល់តែ ៣៥ថ្ងៃទៀតប៉ុណ្ណោះ នឹងឈានដល់ព្រឹត្តិការណ៍​ស៊ីហ្គេម​លើកទី៣២ និងអាស៊ានប៉ារ៉ាហ្គេមលើកទី ១២ ដែលកម្ពុជា​ធ្វើជា​ម្ចាស់ផ្ទះឆ្នាំ២០២៣នេះ៕

The post សម្តេចតេជោ ហ៊ុន សែន បញ្ជាមិនឲ្យយកលុយពីទូរទស្សន៍បរទេសនានាដែលផ្សាយពីស៊ីហ្កេមនៅកម្ពុជា appeared first on .

ជាមួយនឹងការត្រៀមរៀបចំព្រឹត្តិការណ៍កីឡាស៊ីហ្គេមនេះដែរ ដើម្បីអបអរសាទរយ៉ាងឱឡារិក សម្តេចតេជោនាយករដ្ឋមន្រ្តី បានអំពាវនាវដល់អ្នកសិល្បៈរួមគ្នាតែងនិពន្ធចម្រៀង វីដេអូ និងស្នាដៃសិល្បៈផ្សេងៗ ដើម្បីចូលរួមអបអរសាទរ និងញ៉ាំងបរិយាកាស ព្រឹត្តិការណ៍ស៉ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ដែលប្រទេសកម្ពុជានឹងធ្វើជាម្ចាស់ផ្ទះ នៅពេលខាងមុខឆាប់ៗនេះ។

សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា «ខ្ញុំសូមអំពាវនាវសិល្បករ សិល្បការិនីទាំងអស់ ចូលរួមនិពន្ធ និងផលិតបទចម្រៀង បទភ្លេងវីដេអូ និងស្នាដៃសិល្បៈផ្សេងៗ ដើម្បីចូលរួមអបអរ និងញ៉ាំងបរិយាកាស នៃព្រឹត្តិការណ៍ស៉ីហ្គេមលើកទី៣២ និងអាស៊ានប៉ារ៉ាហ្គេម លើកទី១២ ដែលប្រទេសកម្ពុជានឹងធ្វើជាម្ចាស់ផ្ទះ ឲ្យកាន់តែកក្រើក និងអធិកអធមដើម្បីបន្សល់ទុកនូវអនុស្សាវរីយ៍ចង់ចាំ ព្រឹត្តិការណ៍ជាប្រវត្តិសាស្ដ្រមួយនេះ តាមរយៈស្នាដៃសិល្បៈវប្បធម៌»។

សម្ដេចតេជោ បើគិតត្រឹមថ្ងៃទី២មីនានេះ គឺនៅសល់ពេល៦៤ថ្ងៃទៀត ដែលយើងទាំងអស់គ្នាត្រូវរាប់ថយក្រោយ ដើម្បីរួមគ្នាឆ្ពោះទៅកាន់ព្រឹត្តិការណ៍ស៉ីហ្គេម ដែលមិនធ្លាប់មាននៅក្នុងប្រវត្តិសាស្ដ្រ៦៤ឆ្នាំចុងក្រោយរបស់កម្ពុជា៕

The post សម្តេចតេជោ ហ៊ុន សែន អំពាវនាវឱ្យអ្នកសិល្បៈនិពន្ធបទចម្រៀង វីដេអូ និងស្នាដៃសិល្បៈអមព្រឹត្តិការណ៍ស៊ីហ្គេម appeared first on .

ព្រឹត្តិការណ៍កីឡាស៊ីហ្គេម និងអាស៊ានប៉ារ៉ាហ្គេម ត្រូវបានធ្វើឡើងរៀងរាល់ពីរឆ្នាំម្តង ដើម្បីជួយពង្រឹងកិច្ចសហប្រតិបត្តិការក្នុងតំបន់ ការយល់ដឹង និងការឯកភាពគ្នាក្នុងសហគមន៍អាស៊ីអាគ្នេយ៍។ នេះគឺជាព្រឹត្តិការណ៍កីឡាដ៏ធំបំផុតដែលបានប្រារព្ធឡើងនៅក្នុងតំបន់អាស៊ីអាគ្នេយ៍ ទាក់ទាញការចាប់អារម្មណ៍ពីមនុស្សរាប់លាននាក់នៅក្នុងតំបន់។ ក្រុមហ៊ុន វឌ្ឍនៈ ប៊្រូវើរី មានមោទនភាព ចូលរួមជាចំណែកមួយគាំទ្រ និងឧបត្ថម្ភព្រឹត្តការណ៍ជាប្រវត្តិស្រ្តមួយនេះ ដើម្បីធ្វើឲ្យគុណតម្លៃស៊ីហ្គេម និងអាស៊ានប៉ារ៉ាហ្គេមរបស់កម្ពុជា កាន់តែធំ មានគុណភាព និងកាន់តែអស្ចារ្យក្នុងភាពជាម្ចាស់ផ្ទះរបស់យើងទាំងអស់គ្នា។

ឯកឧត្តម វ៉ាត់ ចំរើន អគ្គលេខាធិការ គណ:កម្មាធិការជាតិ រៀបចំស៊ីហ្គេម ២០២៣ បានមានប្រសាសន៍ថា “ការចូលរួមរបស់វិស័យឯកជនជាពិសេសក្រុមហ៊ុនក្នុងស្រុកដូចជាក្រុមហ៊ុន វឌ្ឍនៈ ប្រ៊ូវើរី ពិតជា មានសារៈសំខាន់ណាស់ ក្នុងការលើកកម្ពស់គុណតម្លៃរបស់ស៊ីហ្គេមរបស់កម្ពុជា ហើយខ្ញុំពិតជាមានមោទនភាពណាស់ដែលព្រឹត្តការណ៍ស៊ីហ្គេមនៅកម្ពុជា មានការចូលរួមពីភេសជ្ជៈកីឡាដំបូងបំផុតរបស់កម្ពុជា V-Active ដែលជាផលិតផលគុណភាពខ្ពស់ប្រគួតប្រជែងទីផ្សារអន្តរជាតិ ហើយនេះជាគោលបំណងរួមរបស់យើងក្នុងការលើកស្ទួយទាំងវិស័យសេដ្ឋកិច្ច តាមរយៈការផ្សព្វផ្សាយផលិត ផលរបស់កម្ពុជាទៅបរទេស រួមទាំងវិស័យជាច្រើនទៀតដូចជា ទេសចរ និងវប្បធម៌ជាដើម។ ”

លោក Steven Path ស្ថាបនិក និងជានាយកប្រតិបត្តិ Pathmazing បានមានប្រសាសន៍ថា “សម្រាប់រាល់ការឧបត្ថម្ភ ពួកយើងក៏ពិចារណាទៅលើកត្តាគុណភាព ម៉ាកសញ្ញា និងប្រជាប្រិយភាពរបស់ម្ចាស់ឧបត្ថម្ភផងដែរ ព្រោះយើងត្រូវតែប្រាកដថាផលិតផលដែលផ្គត់ផ្គង់ជូនកីឡាករ កីឡាការីនី និងអ្នកចូលរួមត្រូវតែមានគុណភាពខ្ពស់។ ពួកយើងបានសិក្សា និងវាយតម្លៃលើម៉ាកផលិតផលជាច្រើន រួចសម្រេចរើសយកក្រុមហ៊ុន វឌ្ឍនៈ ប្រ៊ូវើរី ព្រោះយើងខ្ញុំគិតថា វឌ្ឍនៈ ប្រ៊ូវើរី មិនត្រឹមតែផលិតនូវផលិតផលដែលមានគុណភាពខ្ពស់ ថែមទាំងជាម៉ាកសញ្ញាក្នុងស្រុកដ៏រឹងមាំ និងក៏ជាមោទនភាពរបស់កម្ពុជា ហើយលើសពីការឧបត្ថម្ភភេសជ្ជៈកីឡា វី-អាកទីវ ដែលពិតជាមានសារៈសំខាន់សម្រាប់ការហ្វឹកហាត់របស់កីឡាករ កីឡាការីនី តែក៏នឹងផ្តល់ការលើកទឹកចិត្តផ្សេងទៀតពី វឌ្ឍនៈ គ្រុប ផងដែរសម្រាប់ម្ចាស់មេដាយមាសទាំងអស់។ ”

អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា “នៅវឌ្ឍនៈ ប្រ៊ូវើរី យើងខ្ញុំជឿជាក់ថាអាថ៌កំបាំងនៃជីវិតគឺភាពរីករាយ ។ ការស្រាវជ្រាវបង្ហាញថា ភាពរីករាយ ធ្វើឲ្យប្រសើរឡើងនៃប្រព័ន្ធភាពស៊ាំ ប្រយុទ្ធប្រឆាំងស្ត្រេស និងអាយុយ៉ឺនយូរ។ ហេតុនេះ ខ្ញុំ និងក្រុមការងារវឌ្ឍនៈ ប្រ៊ូវើរី បាននិងកំពុងបំពេញបេសកកម្ម ដើម្បីនាំយក និងចែករំលែកភាពរីករាយ ការជួបជុំ និងអំណរសាទរទៅកាន់ប្រជាជនកម្ពុជា និងភ្ញៀវអន្តរជាតិដែលមកកម្សាន្ត និងវិនិយោគនៅកម្ពុជា។ កីឡានាំមកនូវការជួបជុំ ហើយការនាំមកនូវការជួបជុំ និងភាពរីករាយនេះហើយ ក៏គឺជាឆន្ទះរបស់ វឌ្ឍនៈ ប្រ៊ូវើរី ក្នុងនាមជាក្រុមហ៊ុនដែលមានម្ចាស់ភាគហ៊ុនជាជនជាតិខ្មែរ ហេតុនេះយើងខ្ញុំពិតជាមានកិត្តិយស និងមោទនភាពដែលបានចូលរួមជាចំណែកមួយ និងគាំទ្រដល់ព្រឹត្តិការណ៍កីឡាស៊ីហ្គេម និងប៉ារ៉ាហ្គេម ជាអ្នកឧបត្ថម្ភធំ (Premium Tier) លើផលិតផលស្រាបៀរ និងភេសជ្ជៈ។ បន្ថែមពីលើការឧបត្ថម្ភជាសាច់ប្រាក់ និងផលិតផល យើងនឹងផ្តល់ការស្នាក់នៅរយៈពេល 3 ថ្ងៃ 2 យប់នៅសណ្ឋាគារ Rosewood Phnom Penh ដល់ម្ចាស់មេដាយមាសកម្ពុជាទាំងអស់ ។ យើងសង្ឃឹមថាការឧបត្ថម្ភរបស់យើងនឹងជំរុញ និងលើកទឹកចិត្តដល់អត្តពលិករបស់យើងឲ្យសម្រេចបានជោគជ័យកាន់តែច្រើន។ យើងខ្ញុំនឹងបន្តចូលរួមចំណែកដល់ការអភិវឌ្ឍន៍វិស័យកីឡានៅក្នុងប្រទេសកម្ពុជាតាមរយៈបណ្តាញទីផ្សារ និងការផ្សាយរបស់យើង ហើយក៏សង្ឃឹមថាដែរថាប្រជាជនកម្ពុជាទាំងអស់គ្នានឹងរួបរួមគ្នាលើកទឹកចិត្ត គាំទ្រដល់អត្តពលិករបស់យើង និងចូលរួមអបអរសាទរទាំងអស់គ្នាក្នុងឱកាសដ៏អស្ចារ្យនេះ។ ”

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើន វិនិយោគលើវិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ។ វឌ្ឍនៈ ប្រ៊ូវើរី ក៏ជាក្រុមហ៊ុនដែលកំពុងតែមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជាដែលមានគុណភាពខ្ពស់ និងឈ្នះរង្វាន់ធំៗពីស្ថាប័នអន្តរជាតិជាច្រើន។ វឌ្ឍនៈ ប្រ៊ូវើរី ក៏បានរួមចំណែកគាំទ្រលើវិស័យជាច្រើនទៀតដូចជា សិល្បៈ វប្បធម៌ សង្គម និងសេដ្ឋកិច្ចដោយទទួលបានលិខិតសរសើរពីសម្តេចតេជោ ហ៊ុន សែន នាយករដ្ឋមន្រ្តី ដែលបានក្លាយជាក្រុមហ៊ុនក្នុងស្រុកគំរូដំបូងគេបង្អស់ស្ម័គ្រចិត្តចូលរួមសហការបំពាក់ឧបករណ៍វាស់ចំណុះស្រាបៀរ និងភេសជ្ជៈគ្មានសុរា ដើម្បីតម្លាភាពចំណូលពន្ធអាករជាតិ និងចូលរួមចំណែកយ៉ាងពិតប្រាកដក្នុងការពង្រឹង វប្បធម៌បង់ពន្ធជូនរដ្ឋយ៉ាងសន្ធឹកសន្ធាប់ សម្រាប់ជំរុញកំណើនសេដ្ឋកិច្ចជាតិ៕

The post ក្រុមហ៊ុន វឌ្ឍនៈ ប៊្រូវើរី បានក្លាយជាដៃគូសហការឧបត្ថម្ភធំនៃព្រឹត្តការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ appeared first on .

តាមរយៈ​ទំព័រហ្វេកប៊ុក​របស់​សម្តេច​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រកម្ពុជា ​​បាន​ឱ្យ​ដឹង​ថា កម្ពុជាបានទទួលទង់ជ័យរបស់ក្រុមប្រឹក្សាសហព័ន្ធកីឡាអាស៊ីអាគ្នេយ៍ ដែលហៅកាត់ថា «ទង់ស៊ីហ្គេម» ជាផ្លូវការ​ហើយ ដើម្បីនាំយកមករាជធានីភ្នំពេញ និងរៀបចំពិធីដង្ហែ នាល្ងាចថ្ងៃទី២៤ ខែឧសភា សម្រាប់ត្រៀមខ្លួន​ធ្វើ​ម្ចាស់​ផ្ទះការប្រកួតកីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ នាឆ្នាំ២០២៣ ខាងមុខ ។

ពិធីប្រគល់-ទទួលទង់ស៊ីហ្គេមនេះ បានធ្វើឡើងក្នុងពិធីបិទព្រឹត្តិការណ៍ស៊ីហ្គេម លើកទី៣១ នៅទីក្រុងហាណូយ នៅរាត្រីថ្ងៃទី២៣ ខែឧសភា ឆ្នាំ២០២២ ដោយមានការអញ្ជើញចូលរួមដ៏ខ្ពង់ខ្ពស់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ និងជាប្រធានគណៈកម្មាធិការជាតិរៀបចំ​ការប្រកួត​កីឡា​ស៊ីហ្គេម លើកទី៣២ ឆ្នាំ២០២៣ (CAMSOC) ផងដែរ ។

ក្រោយទទួលបានទង់ស៊ីហ្គេមហើយ នៅល្ងាចថ្ងៃទី២៤ ខែឧសភា ឆ្នាំ២០២២ CAMSOC និង NOCC នឹងរៀបចំពិធីដង្ហែទង់ស៊ីហ្គេមនេះ ពីអាកាសយានដ្ឋានអន្ដរជាតិភ្នំពេញ តាមមហាវិថីសំខាន់ៗមួយចំនួន ក្នុងរាជធានីភ្នំពេញ ឆ្ពោះទៅវិមានឯករាជ្យ ហើយបន្ដដង្ហែទៅបញ្ចប់នៅទីស្នាក់ការ NOCC ដែលសបញ្ជាក់ថា ស៊ីហ្គេមបានទៅដល់កម្ពុជា ដើម្បីរួមចំណែកឆ្ពោះទៅព្រឹត្តិការណ៍ជាប្រវត្តិសាស្ដ្រ នាឆ្នាំ២០២៣ ទាំងអស់គ្នា៕

The post កម្ពុជា នឹងដង្ហែទង់ស៊ីហ្គេម តាមមហាវិថីសំខាន់ៗក្នុងរាជធានីភ្នំពេញ ល្ងាចថ្ងៃទី២៤នេះ appeared first on .