ក្នុងឆ្នាំ២០២៤ កម្ពុជាបាននាំចេញអង្ករបានជាង ៦៥១ពាន់តោន និងស្រូវបានជាង ៥,១លានតោន  ដែលផ្តល់ចំណូលសរុបជាង ១ ៩៨៧លានដុល្លារសហរដ្ឋអាម៉េរិក ទៅកាន់ប្រទេសជាង៧០ប្រទេស។

គួរឱ្យកត់សម្គាល់ផងដែរថា នៅដើមនីតិកាលទី៧ នេះ ក្រសួងពាណិជ្ជកម្ម បានជំរុញឱ្យមានការរៀបចំ និងបានចុះអនុស្សរណៈយោគយល់គ្នានាំចេញស្រូវអង្ករកម្ពុជាទៅកាន់ប្រទេសចិនចំនួន ៥០ម៉ឺនតោន ការបើកច្រកទីផ្សារនាំចេញទៅប្រទេសឥណ្ឌូនេស៊ីតាមរយៈក្រុមហ៊ុនហ្គ្រីនត្រេដ ៣៧ ៥០០តោន និងនាំទៅកាន់ប្រទេសទីម័រលេស្តេរ ៤ ០០០តោន។ (នេះជាការលើករបស់លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម ក្នុងពិធីខួប ១០ឆ្នាំ នៃការបង្កើតសហព័ន្ធស្រូវអង្ករកម្ពុជា កាលពីថ្ងៃទី១៦ ខែមិថុនា ឆ្នាំ២០២៥)។

ក្រោមយុទ្ធសាស្រ្តរបស់រាជរដ្ឋាភិបាលកម្ពុជា ជាមួយនឹងកិច្ចខិតខំប្រឹងប្រែងរួមគ្នាពីសហព័ន្ធស្រូវអង្ករកម្ពុជា ដៃគូអភិវឌ្ឍន៍ និងភាគីពាក់ព័ន្ធនានា បានធ្វើឱ្យកម្ពុជាប្រែក្លាយខ្លួនទៅជាប្រទេស ដែលមានអតិរេកស្រូវអង្ករច្រើន។

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ក៏បានគូសបញ្ជាក់ថា វិស័យស្រូវអង្ករ បានទាញយកការវិនិយោគពីវិនិយោគិនក្នុងស្រុក និងក្រៅប្រទេស និងបានជំរុញឱ្យវិស័យនេះឱ្យមានការវិនិយោគយ៉ាងគំហុកពីរោងម៉ាស៊ីនកិនស្រូវ។ រោងម៉ាស៊ីនកិនស្រូវក្នុងស្រុកបានពីតិចជាង ១០ទីតាំង ដល់ទៅជាង ៨០ទីតាំង ដែលមានបំពាក់នូវឧបករណ៍សម្ភារៈបច្ចេកវិទ្យាទំនើបបំផុតចុងក្រោយរបស់ពិភពលោក។

ការណ៍នេះបានធ្វើឱ្យវិស័យស្រូវអង្ករកម្ពុជា ដើរតួនាទីជាសសរស្តម្ភមួយយ៉ាងសំខាន់ក្នុងការទ្រទ្រង់វិស័យសន្តិសុខស្បៀង និងសេដ្ឋកិច្ច ដែលរយៈពេលជាង ១០ឆ្នាំមកនេះ វិស័យស្រូវអង្ករកម្ពុជាបានធ្វើឱ្យមានលំនឹងសន្តិសុខស្បៀង និងការពង្រីកសក្តានុពលពាណិជ្ជកម្ម និងវិនិយោគ។ ដោយកម្ពុជាសម្រេចបានការនាំចេញអង្ករចំនួន ៦,៥៩ លានតោន (២០១៤-២០២៤) ទៅកាន់ ១២៣ គោលដៅ។ ក្រៅពីការចេញអង្ករ កម្ពុជា ក៏បាននាំចេញស្រូវ ប្រមាណជាង ២១,៤៥ លានតោនផងដែរ។

ទោះបីជាយ៉ាងណា ដើម្បីចូលរួមលើកកម្ពស់វិស័យស្រូវអង្ករកម្ពុជាឱ្យកាន់តែមានភាពរីកចម្រើនថែមទៀត រដ្ឋមន្រ្តីក្រសួងពាណិជ្ជកម្ម ក៏បានណែនាំនូវគន្លឹះមួយចំនួនដល់សហព័ន្ធស្រូវអង្ករកម្ពុជា ក្រុមហ៊ុននាំចេញ និងភាគីពាក់ព័ន្ធនូវ៥ចំណុចធំៗ៖

១. ត្រូវពិនិត្យលទ្ធភាព ទាក់ទាញវិនិយោគិនបន្ថែមទៀត មកចូលរួមបណ្តាក់ទុនក្នុងផលិតកម្ម និងលើកកម្ពស់តម្លៃបន្ថែមលើគុណភាពខ្សែច្រវាក់ផលិតកម្មអង្ករ ដើម្បីបម្រើការផ្គត់ផ្គង់ទីផ្សារក្នុងស្រុក និងឈានទៅបង្កើនឧត្តមភាពប្រកួតប្រជែង របស់កម្ពុជាក្នុងពាណិជ្ជកម្ម អន្តរជាតិ។

២. ចូលរួមប្រតិបត្តិការជំនួញ-ធុរកិច្ចស្របតាមច្បាប់ជាធរមាន ប្រកាន់ខ្ជាប់នូវក្រមសីលធម៌ ប្រកបដោយតម្លាភាព ផ្គត់ផ្គង់អង្ករដែលមានលក្ខណ:ប្រកួតប្រជែង ការពារផលប្រយោជន៍របស់ភាគីពាក់ព័ន្ធ និងបង្កើនភាពជឿជាក់នៃអង្ករកម្ពុជានៅក្នុងទីផ្សារជាតិ និងអន្តរជាតិ។

៣. ចូលរួមលើកកម្ពស់ និងការពារម៉ាកនិងកម្មសិទ្ធិបញ្ញា ជាពិសេស ការកសាងម៉ាកសមូហភាព និងការពង្រឹងគុណភាពអង្ករកម្ពុជា ដោយត្រូវគិតគូរទាំងបរិមាណ គុណភាព សុវត្ថិភាព និងសោភ័ណភាពនៃការវេចខ្ចប់តាមស្ដង់ដាត្រឹមត្រូវ ដើម្បីរក្សាបាននូវកេរ្ដិ៍ឈ្មោះអង្ករកម្ពុជា និងនិរន្តរភាពនៃការនាំចេញ។

៤. បន្តសហការជាមួយអគ្គនាយកដ្ឋានពាក់ព័ន្ធនៃក្រសួងពាណិជ្ជកម្ម ជាពិសេសក្រុមហ៊ុនហ្រ្កីនត្រេដ ក្រុមការងារជំរុញការនាំចេញ និងដៃគូពាក់ព័ន្ធ ក្នុងការអនុវត្តវិធានការបង្កើនប្រសិទ្ធភាព និងគុណភាព ដើម្បីពង្រឹងទីផ្សារដែលមានស្រាប់ និងពង្រីកទីផ្សារថ្មីបន្ថែម សមំដៅបង្កើនការផ្គត់ផ្គង់ក្នុងស្រុក និងបង្កីនការនាំចេញអង្ករទៅកាន់ទីផ្សារអន្តរជាតិ។

៥. ធ្វើទំនើបនីយកម្មរចនាសម្ព័ន្ធប្រតិបត្តិការ នីតិវិធីការងារនិងដំណើរការប្រព្រឹត្តទៅ និងលក្ខន្តិកៈសហព័ន្ធ ជាដើម ជាពិសេសស្របពេលនឹងការគ្រោងរៀបចំការបោះឆ្នោតជ្រើសរើសប្រធានសហព័ន្ធ ប្រធាននិងសមាជិកក្រុមប្រឹក្សាភិបាលាននាពេលខាងមុខនេះ៕

The post ដើមនីតិកាលទី៧៖ កម្ពុជាបានបើកច្រកនាំចេញស្រូវអង្ករទៅកាន់ប្រទេស៣បន្ថែម បានជាង ៥៤ម៉ឺនតោន appeared first on .

ជាក់ស្តែង ក្នុងឆ្នាំ២០២៤ កម្ពុជាបាននាំចេញអង្ករបានជាង ៦៥១ពាន់តោន និងស្រូវបានជាង ៥,១លានតោន  ដែលផ្តល់ចំណូលសរុបជាង ១ ៩៨៧លានដុល្លារសហរដ្ឋអាម៉េរិក។

ក្នុងពិធីអបអរសាទរខួប ១០ឆ្នាំ នៃការបង្កើតសហព័ន្ធស្រូវអង្ករកម្ពុជា កំណែទម្រង់មុខមាត់កម្ពុជាលើវិស័យស្រូវអង្ករ កាលពីថ្ងៃទី១៦ ខែមិថុនា លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងថា វិស័យស្រូវអង្ករ បានទាញយកការវិនិយោគពីវិនិយោគិនក្នុងស្រុក និងក្រៅប្រទេស និងបានជំរុញឱ្យវិស័យនេះឱ្យមានការវិនិយោគយ៉ាងគំហុកពីរោងម៉ាស៊ីនកិនស្រូវ។ រោងម៉ាស៊ីនកិនស្រូវក្នុងស្រុកបានពីតិចជាង ១០ទីតាំង ដល់ទៅជាង ៨០ទីតាំង ដែលមានបំពាក់នូវឧបករណ៍សម្ភារៈបច្ចេកវិទ្យាទំនើបបំផុតចុងក្រោយរបស់ពិភពលោក។

សូមបញ្ជាក់ថា វិស័យកសិកម្មបានដើរតួនាទីយ៉ាងសំខាន់ក្នុងការលើកកម្ពស់ជីវភាពរបស់ប្រជាពលរដ្ឋ និងការអភិវឌ្ឍសង្គម-សេដ្ឋកិច្ចកម្ពុជា។ រាជរដ្ឋាភិបាលនៅតែផ្ដល់អាទិភាពលើដំណាំស្រូវ ដែលជាដំណាំយុទ្ធសាស្ត្រ យូរអង្វែងរបស់កម្ពុជា។

ជាមួយគ្នានេះ រាជរដ្ឋាភិបាលក៏បានដាក់ចេញគោលនយោបាយចាំបាច់ ដើម្បីគាំទ្រដំណាំស្រូវ និងធានាបាននូវភាពប្រកួតប្រជែងរបស់វិស័យស្រូវអង្ករកម្ពុជា តាមរយ:ការកសាងហេដ្ឋារចនាសម្ព័ន្ធតភ្ជាប់, ការសម្រួលការដឹកជញ្ជូន និងការកាត់បន្ថយថ្លៃដើមផលិតកម្ម ក៏ដូចជាជំរុញភាពម្ចាស់ការលើខ្សែច្រវាក់ផ្គត់ផ្គង់ក្នុងស្រុក និងការនាំចេញទៅកាន់ទីផ្សារអន្តរជាតិ៕

The post កម្ពុជាបានទាញចំណូលប្រមាណ១ ៩៨៧លានដុល្លារសហរដ្ឋអាម៉េរិក ពីវិស័យស្រូវអង្ករ appeared first on .

រយៈពេល ៤ខែដំបូងនៃឆ្នាំ២០២៤ ប្រទេសវៀតណាមកើបប្រាក់ចំណូលប្រហែល ២ពាន់លានដុល្លារ ពីការនាំចេញអង្ករ ៣,២៣លានតោនទៅកាន់បរទេស។

ប្រាក់ចំណូលដ៏ច្រើនបានមកពីការលក់អង្ករនេះ ដោយសារតែតម្លៃអង្ករមានការកើនឡើងខ្ពស់ដល់ទៅ ២២% ដែលធ្វើឲ្យតម្លៃរបស់វាកើនដល់ ៦៤៤ដុល្លារក្នុងមួយតោន តាំងពីដើមឆ្នាំមកទល់បច្ចុប្បន្ន។

សូមជម្រាបដែរថា វៀតណាមកំពុងសម្រុកបង្កើនទិន្នផលអង្ករយ៉ាងសម្បើម ដោយសារមានការសន្និដ្ឋានថា ពិភពលោកអាចប្រឈមនឹងការខ្វះខាតអង្ករប្រហែល ៧លានតោនក្នុងឆ្នាំនេះ ដ្បិតគ្រោះទុរភិក្ស El Nino បានធ្វើឲ្យការប្រមូលផលអង្ករទូទាំងសកលលោកក្នុងឆ្នាំនេះ ទទួលបានត្រឹម ៥១៨លានតោន ស្របពេលការប្រើប្រាស់ជាសកល ត្រូវការរហូតដល់ទៅ ៥២៥លានតោនឯណោះ៕

The post វៀតណាមរំពឹងផលិតអង្ករបានច្រើនជាង ៤០លានតោននៅក្នុងឆ្នាំនេះ appeared first on .

លោក Paul Serra នាយកប្រតិបត្តិក្រុមហ៊ុន SunRice Group បានលើកឡើងថា ក្រុមហ៊ុន SunRice Group ជាក្រុមហ៊ុនអូស្រ្តាលីទី១ដែលបាននាំអង្ករពីកម្ពុជាមកកាន់ប្រទេសអូស្រ្តាលី និងប្រទេសនូវ៉ែលសេឡង់។ ព្រមគ្នានេះដែរលោកបានកត់សម្គាល់ឃើញថា កម្ពុជាមានសក្ដានុពលលើវិស័យកសិកម្ម ដោយអង្ករកម្ពុជាមានកេរ្តិ៍ឈ្មោះល្បីល្បាញលើសកលលោក ហើយកម្ពុជាក៏មានគុណសម្បត្តិប្រកួតប្រជែងខ្ពស់លើកម្លាំងពលកម្មវ័យក្មេង ស្ថិរភាពនៃតម្លៃអគ្គីសនី ជាមួយនឹងហេរដ្ឋារចនាសម្ព័ន្ធដឹកជញ្ជូនប្រទាក់ក្រឡា និងឡូជីស្ទីកល្អប្រសើរផងដែរ។

ផ្អែកលើសក្ដានុពលទាំងនេះ លោកគូសបញ្ជាក់ថាក្រុមហ៊ុនរបស់លោកមានចំណាប់អារម្មណ៍ពង្រឹងនិងពង្រីកទំនាក់ទំនងបន្ថែមទៀតជាមួយកម្ពុជាលើវិស័យកសិកម្ម ដោយផ្តោតលើឧស្សាហកម្មកែច្នៃអង្ករ ក្នុងនោះក្រុមហ៊ុនបង្ហាញនូវបំណងវិនិយោគលើការបង្កើតរោងចក្រកែច្នៃអង្ករ ពិសេសអង្ករសរីរាង្គ សម្រាប់នាំចេញទៅក្រៅប្រទេស។ 

ក្នុងជំនួបនោះ សម្តេចធិបតីនាយករដ្ឋមន្រ្តី បានសម្តែងនូវការស្វាគមន៍ចំពោះបំណងរបស់ក្រុមហ៊ុននៅក្នុងពង្រីកសកម្មភាពវិនិយោគរបស់ខ្លួននៅកម្ពុជាលើឧស្សាហកម្មកែច្នៃអង្ករ សម្រាប់បម្រើឱ្យការនាំចេញ ហើយសម្ដេចធិបតីក៏បានបញ្ជាក់ជូនក្រុមហ៊ុនថា វិស័យកសិកម្ម គឺជាវិស័យអាទិភាពមួយ ដែលរដ្ឋាភិបាលបានយកចិត្តទុកដាក់ ហើយបច្ចុប្បន្ននេះ រាជរដ្ឋាភិបាលបានដាក់ចេញនូវគោលនយោបាយដាក់ពង្រាយមន្ត្រីជំនាញកសិកម្មនៅតាមមូលដ្ឋានឃុំ សង្កាត់ទូទាំងប្រទេស ដើម្បីគាំទ្រដល់ប្រជាកសិករដល់មូលដ្ឋាន លើផ្នែកបច្ចេកទេស សំដៅបង្កើនផលិតភាពផលិតផលកសិកម្មនៅតាមមូលដ្ឋាន។

បន្ថែមពីនេះ សម្ដេចធិបតី ក៏បានបញ្ជាក់អំពីការយកចិត្តទុកដាក់របស់រាជរដ្ឋាភិបាលលើការពង្រីកហេដ្ឋារចនាសម្ព័ន្ធដឹកញ្ជូននិងប្រព័ន្ធឡូជីស្ទីក និងគោលនយោបាយអភិវឌ្ឍន៍វិស័យថាមពលអគ្គិសនីនៅកម្ពុជា ដោយសម្ដេចធិបតីបានសង្កត់ថា រាជរដ្ឋាភិបាល ក៏បាននិងកំពុងផ្ដោតអាទិភាពលើការប្រើប្រាស់ថាមពលស្អាត និងថាមពលកកើតឡើងវិញផងដែរ​ដេីម្បី​គាំទ្រ​ដល់សកម្មភាព​ធុរកិច្ច​ និង​ពាណិជ្ជកម្ម​នៅកម្ពុជាកាន់តែមានសមត្ថភាព​ប្រកួតប្រជែង​ និងផ្តល់ភាពងាយស្រួលក្នុង​ការតភ្ជាប់​ ក៏ដូចជាកាត់ថ្លៃដឹកជញ្ជូន​។

ជាមួយគ្នានេះដែរ សម្តេច​ធិបតី​ ក៏បាន​លេីក​ទឹកចិត្ត​ឱ្យក្រុមហ៊ុន​ទស្សនកិច្ចនៅកម្ពុជា​ដេីម្បី​​ស្វែងរក​ឱកាស​វិនិយោគ​បន្ថែមទៀត​ ដោយសារ​ជាមួយ​ក្រសួង​ស្ថាប័ន​ពាក់ព័ន្ធ​របស់កម្ពុជា ៕

The post ក្រុមហ៊ុនអូស្រ្តាលីមានគម្រោងបង្កើតរោងចក្រកែច្នៃអង្ករនៅកម្ពុជានាំចេញទៅលក់ទីផ្សារអន្តរជាតិ appeared first on .

គោលបំណងសំខាន់នៅក្នុងជំនួបនោះ គឺប្រទេសនៅមជ្ឈិមបូព៌ាពិនិត្យលទ្ធភាពនាំចេញស្រូវអង្ករកម្ពុជា ទៅកាន់ទីផ្សារអន្តរជាតិ។ជាមួយគ្នានោះ លោក យ៉ង សាំងកុមា បានសម្តែងការស្វាគមន៍ចំពោះភាគីអេមីរ៉ាតអារ៉ាប់រួម ដែលមានបំណងចង់វិនិយោគស្រូវអង្ករកម្ពុជាទៅកាន់ទីផ្សារអន្តរជាតិ។ ដោយលោក ក៏បានលើកឡើងពីប្រភេទពូជផ្ការំដួល និងសែនក្រអូប ដែលជាអង្ករល្អនៅកម្ពុជា មានលក្ខណៈពិសេស និងថែមទាំងទទួលបានពានរង្វាន់ ៥ឆ្នាំផងដែរ ដែលចង់ជំរុញនាំចេញទៅកាន់ទីផ្សារអន្តរជាតិ។

លោក បញ្ចាក់ថា ការនាំចេញកសិផលកសិកម្មកម្ពុជា ជាពិសេសស្រូវអង្ករនេះ គឺជាកត្តាចាំបាច់ ដែលអាចជួយឱ្យកសិករមានទីផ្សារ តម្លៃបន្ថែមខ្ពស់ មានប្រសិទ្ធិភាព និងនិរន្តរភាព។លើសពីនេះទៅទៀត លោកក៏បានណែនាំពីផលិតផលសក្តានុពលបន្ថែមទៀត ដែលកម្ពុជាមាន ដូចជា ស្វាយ ស្វាយចន្ទី ម្រេច ផងដែរ។

យោងតាមរបាយការណ៍របស់សហព័ន្ធស្រូវអង្ករកម្ពុជា រយៈពេល៨ខែ ឆ្នាំ២០២៣ កម្ពុជានាំចេញអង្ករបានជាង ៤០ ម៉ឺនតោន ស្មើនឹង ៥៨ ភាគរយ នៃផែនការ ៧០ ម៉ឺនតោន ដែលគិតជាទឹកប្រាក់ប្រមាណជាង ២៧៨ លានដុល្លារ និងនាំចេញស្រូវបានជិត ៣ លានតោន គិតទឹកប្រាក់ជាង ៨១៤ លានដុល្លារ៕

The post កម្ពុជា-អេមីរ៉ាតអារ៉ាប់រួម ពិនិត្យលទ្ធភាពនាំចេញស្រូវអង្ករកម្ពុជា ទៅកាន់ទីផ្សារប្រទេសមជ្ឈិមបូព៌ា appeared first on .

បើតាមរដ្ឋលេខាធិការក្រសួងកសិកម្ម ជាមធ្យមកសិករកម្ពុជាផលិតស្រូវបានសរុបបាន ១២ លានតោនក្នុងមួយឆ្នាំ គឺលើស៦ លានតោនសម្រាប់នាំចេញ ដែលធ្វើឲ្យកម្ពុជាក្លាយជាប្រទេសនាំស្រូវអង្ករចេញជាប់លេខរៀងទី៨នៅលើពិភពលោក។

លើសពីនោះ កម្ពុជាក៏នៅមានសក្តានុពលខ្ពស់ក្នុងការបង្កើនផលិតកម្មស្រូវនៅលើផ្ទៃដីដែលមានស្រាប់និងពង្រីកទីផ្សារអង្ករនៅក្រៅប្រទេសថែមទៀត ជាពិសេសតាមរយ:គោលនយោបាយដាក់ពង្រាយមន្រ្តីកសិកម្មឃុំ ការកសាងសហគមន៍កសិកម្មឬសមាគមកសិករផ្សារភ្ជាប់មកទីផ្សារតាមរយ:យន្តការកិច្ចសន្យាកសិកម្ម គោលនយោបាយហិរញ្ញប្បទានរបស់រាជរដ្ឋាភិបាលជាមួយកញ្ចប់ថវិកាជាង ១០០ លានដុល្លារដើម្បីដោះស្រាយបញ្ហាទីផ្សារនិងរក្សាលំនឹងថ្លៃស្រូវ ការបន្តការអភិវឌ្ឍប្រព័ន្ធធារាសាស្រ្តឲ្យបានទូលំទូលាយ និងគោលនយោបាយពាក់ព័ន្ធផ្សេងទៀត។

សូមជម្រាបផងដែរថា ក្នុងឆមាសទី១ ឆ្នាំ២០២៣ នេះ កម្ពុជាបានសម្រេចការនាំចេញអង្ករបាន ៣៣ម៉ឺនតោន ដែលគិតជាទឹកប្រាក់មានប្រមាណ ២២៩.២៣លានដុល្លារ។ ចំណែកការនាំចេញស្រូវទៅកាន់ប្រទេសជិតខាង ចំនួន ២ ២២៤ ៩១៣ តោន គិតជាទឹកប្រាក់ប្រមាណ ៥៧៨.៦៧ លានដុល្លារ ដែលក្នុងនោះចំនួន ៥៥% ឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ច៕

The post កសិករកម្ពុជាកំពុងក្លាយជាអ្នកចូលរួមចំណែកដ៏សំខាន់ ក្នុងការលើកស្ទួយសន្តិសុខស្បៀងជាតិ និងពិភពលោក appeared first on .

គួរឱ្យដឹងថា KRC បានបង្ហាញការព្យាកររបស់ខ្លួនពីមុនថា ផលិតកម្មស្រូវសរុបរបស់ថៃ នៅឆ្នាំ ២០២៣ នេះ អាចនឹងមានចំនួនចន្លោះ ពី ៣២,៧ លានតោន ទៅ ៣៣,២ លានតោន ដែលជាចំនួនគ្រប់គ្រាន់ សម្រាប់ការប្រើប្រាស់ នៅក្នុងស្រុក និងការនាំចេញ ។

តែទោះជាយ៉ាងនេះក្តី ទិន្នផលស្រូវ ដែលរំពឹងទុកនោះ អាចនឹងមានការធ្លាក់ចុះច្រើន ប្រសិនបើគ្រោះរាំងស្ងួត នៅតែបន្តអូសបន្លាយ និងបណ្តាលឱ្យខូចខាតដល់ដំណាំកាន់តែច្រើន ។

មិនតែប៉ុណ្ណោះ មជ្ឈមណ្ឌលស្រាវជ្រាវ KRC បានបន្ថែមឱ្យដឹងទៀតថា ប្រសិនបើបាតុភូត El Nino នៅឆ្នាំនេះ នៅតែបន្តអូសបន្លាយក្នុងរយ:ពេលយូរទៀត នោះវានឹងធ្វើឱ្យកម្រិតទឹកធ្លាក់ចុះយ៉ាងខ្លាំង ជាពិសេសនៅក្នុងអាងស្តុកទុកទឹកជាច្រើន ទូទាំងប្រទេស ដែលជាហេតុធ្វើឱ្យមានផលប៉ះពាល់ ដល់ការដាំដុះដំណាំ៕

The post ទិន្នផលស្រូវរបស់ប្រទេសថៃ អាចនឹងធ្លាក់ចុះ ៦% ដោយសារបាតុភូតរាំងស្ងួត El Nino appeared first on .

យោងតាមកសិករ ញ៉េប ភន រស់នៅភូមិព្រៃភ្លងឃុំសំបួរ ស្រុកទ្រាំង ខេត្តតាកែវ បានឱ្យដឹងថា ការប្រមូលផលស្រូវប្រាំងរបស់ប្រជាកសិករនៅក្នុងឃុំ មិនទាន់បានធ្វើឡើងជាទូទៅទាំងអស់នោះទេ ទើបតែចាប់ផ្តើមសម្រាប់អ្នកដែលបានសាបព្រោះមុនជំនន់ទឹកភ្លៀងឡើងលេចនៅតាមតំបន់ ។

លោក ញ៉េប ភន បន្តថា «សម្រាប់ខ្ញុំទើបតែប្រមូលផលស្រូវប្រាំង ប្រភេទOMបានមួយហិកតា ហើយលក់បានថ្លៃ៩២០រៀលក្នុងមួយគីឡូក្រាម។តម្លៃស្រូវប្រំាងនៅឆ្នាំ២០២៣នេះបើប្រៀបធៀបទៅនិងឆ្នាំ២០២២កន្លងទៅវាថ្លៃជាង ហើយតម្លៃនេះយើងអាចទទួលយកបានក៏ដូចជាកសិករផ្សេងទៀត»។

តាមកសិករខាងលើ ការធ្វើស្រូវប្រាំងរបស់ប្រជាពលរដ្ឋនៅក្នុងតំបន់ភាគច្រើនកំពុងជួបបញ្ហាដោយកង្វះទឹកស្រោចស្រប់ ដោយសារទឹកនៅតាមព្រែកឬស្ទឹងរីងហួតចង់អស់ ហើយបើស្ថានភាពនេះនៅតែអូសបន្លាយយូរថែមទៀត ស្រូវប្រាំងរបស់កសិករអាចនិងខូចខាតច្រើន ពោលឆ្នាំនេះខុសពីឆ្នាំមុនៗដល់ខែប្រមូលផលទឹកមាននៅព្រែកឬស្ទឹង។

ពាក់ព័ន្ធនិងតម្លៃស្រូវប្រាំងរបស់ប្រជាកសិករក្នុងខេត្តតាកែវ, បើយោងតាមអ្នកជំនាញស្រូវOM ឬហៅថា អង្ករសបាយទន់និងស្រូវ៨៥ហៅថាអង្ករសបាយរឹងនិងរក្សាបានតម្លៃខ្ពស់ប្រហាក់ប្រហែលគ្នាជាង៩០០រៀលក្នុងមួយគីឡូក្រាមបានដូចសព្វថ្ងៃនេះគឺដោយសារឈ្មួញវៀតណាមនិងម្ចាស់រោងម៉ាស៊ីនកិនស្រូវនៅក្នុងស្រុកចុះទិញមានលក្ខណៈត្រដំាត្រសងគ្នាឬអាចហៅថាចលករឆ្វេងស្តាំ។

លោកឧកញ៉ា ចាន់ សុឃាំង ប្រធានសហព័ន្ធស្រូវអង្ករកម្ពុជា មានប្រសាសន៍ថា យើងគិតថាវាចលករឆ្វេងស្តាំ។ ឈ្មួញវៀតណាមចូលមកទិញហើយខាងរោងម៉ាស៊ីនកិនស្រូវនៅក្នុងស្រុកគាត់តាមទិញដូចគ្នា ហើយពេលខ្លះឈ្មួញវៀតណាមមិនចុះទិញក៏ម្ចាស់រោងម៉ាស៊ីនកិនស្រូវរបស់យើងក៏គាត់ទិញដែរ អ៊ីចឹងទេ វាមិនធ្វើឱ្យតម្លៃស្រូវនៅខាងខេត្តតាកែវមិនធ្លាក់ចុះទេ។

លោកឧកញ៉ាសង្កត់ធ្ងន់ថា «តម្លៃស្រូវនៅឆ្នាំនេះល្អមែនទែនមិនមែនថ្លៃស្រូវនៅត្រឹម៩០០រៀលនោះទេ វាអាចឡើងលើសពីជាង៩០០ឬទៅជិត១ពាន់រៀលក្នុងមួយគីឡូក្រាមហើយនៅតាមខេត្តព្រៃវែងឬខេត្តតាកែវថ្លៃស្រូវឡើងថ្លៃ១០២០ឬ១០៣០រៀល»។

បើយោងតាមប្រធានសហព័ន្ធស្រូវអង្ករកម្ពុជា តម្លៃស្រូវនៅឆ្នាំនេះល្អហើយទៅដល់ឆ្នាំក៏នៅតែល្អដែរ ប៉ុន្តែលោកឧកញ៉ាបានអំពាវនាវទៅដល់ប្រជាកសិករនៅខេត្តបាត់ដំបង ឧត្តមានជ័យ បន្ទាយមានជ័យនិងខេត្តសៀមរាប សូមកុំដាំដុះប្រភេទស្រូវស្រង៉ែច្រើនពេក ព្រោះវាមិនសូវមានតម្រូវការនៅលើទីផ្សារនោះទេ។ កសិករត្រូវជ្រើសរើសធ្វើការដាំប្រភេទអង្ករដែលមានតម្រូវការទីផ្សារ ដូចជាអង្ករម្លិះ ផ្ការរំដួល អង្ករសែនក្រអូប អង្ករសបាយទន់ អង្ករសបាយរឹងនិងប្រភេទអង្ករដំណើបជាដើមទើបមានទីផ្សារទូលំទូលាយ៕ អត្ថបទ៖ សារេត

The post កសិកធ្វើស្រែប្រាំងសម្តែងការពេញចិត្តពេលតម្លៃស្រូវបន្តលក់បានថ្លៃខ្ពស់ appeared first on .

លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានឱ្យដឹងថា ភាគីទាំងពីរបានពិភាក្សា និងផ្លាស់ប្តូរយោបល់ ទាក់ទងទៅនឹងសមិទ្ធផលសំខាន់ៗក្នុងវិស័យពាណិជ្ជកម្ម បញ្ហាប្រឈមសម្រាប់ការអភិវឌ្ឍ និងឱកាសវិនិយោគក្នុងវិស័យនេះនៅកម្ពុជា។ជាមួយគ្នានេះ លោករដ្ឋមន្ត្រី បានសម្តែងការគួរសមយ៉ាងកក់ក្តៅ និងបានលើកឡើងអំពីកិច្ចសហប្រតិបត្តិការជាមួយគ្នាកន្លងមកនៅក្នុងកម្មវិធីធ្វើពិពិធកម្ម និងពង្រីកការនាំចេញរបស់កម្ពុជា (CEDEP) ក៏ដូចជាការពង្រីកកម្មវិធីលើការគាំទ្រស្រូវ-អង្ករក្នុងឆ្នាំ២០១២ តាមរយៈការគាំទ្រហិរញ្ញវត្ថុពីកម្មវិធីពង្រឹងក្របខ័ណ្ឌសមាហរណកម្ម។ 

លោកបន្តថា៖ «ការរួមសហការគ្នា និងការចូលរួមគាំទ្រក្នុងវិស័យស្រូវ-អង្ករកម្ពុជានេះ ពិតជាបានជួយជំរុញការអភិវឌ្ឍវិស័យនេះឱ្យមានកំណើនសមត្ថភាពនៃការផលិត និងនាំចេញអង្ករទៅកាន់ទីផ្សារពិភពលោក»។

គួរបញ្ជាក់ដែរថា តាមរយៈជំនួបនោះ ក្រសួងពាណិជ្ជកម្ម ក៏បានស្វាគមន៍ចំពោះគំនិតផ្តួចផ្តើម របស់ IFC ក្នុងការពង្រីកការគាំទ្រលើកិច្ចសហប្រតិបត្តិការ និងភាពជាដៃគូទៅលើវិស័យផ្សេងៗរបស់កម្ពុជា រួមមានដំឡូង គ្រាប់ស្វាយចន្ទី ម្រេច កាហ្វេ ក្រូចពោធិ៍សាត់ ស្វាយ ផ្លែមៀន និងជលផលនេសាទ។ល។រដ្ឋមន្រ្តីក្រសួងពាណិជ្ជកម្មរូបនេះ បានអះអាងទៀតថា ការពង្រីកប្រតិបត្តិការអាជីវកម្ម តាមរយៈការផ្តល់ហិរញ្ញប្បទាន កម្ចី ជំនួយឥតសំណង ឬជំនួយបច្ចេកទេស នឹងរួមចំណែកក្នុងការជួយទៅដល់វិស័យឯកជន ហើយការសហការគ្នាក្នុងភាពជាដៃគូរវាងរដ្ឋនិងឯកជន នឹងផ្តល់សារសំខាន់ក្នុងការអភិវឌ្ឍវិស័យកសិកម្ម និងសេដ្ឋកិច្ចកម្ពុជាផងដែរ៕ 

The post កម្ពុជា-IFC នឹងរួមសហការគ្នាពង្រីកទីផ្សារនាំចេញស្រូវ-អង្ករកម្ពុជា appeared first on .

ថ្លែងក្នុងពិធីចែកពូជស្រូវដល់ប្រជាកសិករនៅក្នុងឃុំសំបួរ និងឃុំស្រង៉ែ ស្ថិតនៅក្នុងខេត្តតាកែវ កាលថ្ងៃទី២កុម្ភៈកន្លងទៅនេះ លោកតូច ប៊ុនហួរ បានឱ្យថា យើងមានមោទនភាពបំផុតសម្រាប់ខេត្តតាកែវនេះគឺជាច្រកសំខាន់នាំស្រូវចេញទៅប្រទេសវៀតណាម ទោះបីយើងមិនមានកែច្នៃដោយខ្លួនឯងក៏ដោយក៏អាចនាំស្រូវរបស់យើងចេញបានដែរ ដោយសារក្នុងរយៈពេល១០ឆ្នាំ​ចុងក្រោយនេះយើងសល់ស្រូវច្រើន។

បើតាមលោករដ្ឋលេខាធិការក្រសួងកសិកម្ម ការនាំចេញស្រូវទៅវៀតណាម កាលឆ្នាំ២០២២កន្លងទៅតាមរយៈខេត្តតាកែវមានជាង១,១លានតោន។ តែទោះជាយ៉ាងនេះក្តីលោកហាក់មានការព្រួយបារម្ភខ្លាចខាងភាគីវៀតណាមបិទច្រកព្រំដែលមិនឱ្យមានការនាំចូលនៅពេលចៃដន្យណាមួយ។

លោកមានប្រសាសន៍ថា«អ្វីដែលខ្ញុំបារម្ភបំផុតនោះបើសិនជាខាងភាគីវៀតណាមបិទមិនឱ្យនាំចូលតើយើងត្រូវយ៉ាងដូចម្តេច? ទីផ្សារស្រូវយើងសង្ឃឹមតែបងប្អូនយើងនៅខាងកើត។ប្រសិនជាចៃដន្យគាត់ខឹងតែរឿងអីបិទមិនឱ្យនាំចូលវានិងទៅជាយ៉ាងណា។ ដូចនេះគួរមានការពិចារណា បែរមកផលិតស្រូវសេរីរាង្គខ្លះវិញដើម្បីគិតគូរទៅដល់ទីផ្សារនាំចេញទៅក្រៅប្រទេសជាអង្ករវិញ»។

«ខ្ញុំមើលឃើញប្រជាពលរដ្ឋនៅខាងខេត្តតាកែវនេះអត់មានផលិតស្រូវសេរីរាង្គទេ មានការផលិតស្រូវដោយប្រើថ្នាំនិងជីគីមីច្រើន។បច្ចុប្បន្ននេះក្រសួងកសិកម្មបានជ្រើសរើសយកខេត្តព្រះវិហារមួយធ្វើជាខេត្តគំរូផលិតស្រូវសេរីរាង្គ»។ លោកបន្ថែម។

លោកអះអាងថា អង្ករដែលជាប់ចំណាត់ថ្នាក់លេខ១ថ្មីៗដែលប្រកួតប្រជែងនៅក្នុងប្រទេសថៃគឺអង្ករផ្ការំដួលដែលចេញពីខេត្តព្រះវិហារនេះគឺយើងស្ទូងសំណាបមិនមែនយើងព្រោះទេ ហើយអត់ប្រើជីនិងអត់ប្រើថ្នាំគីមីទេ តែទិន្នផលទាបដោយក្នុងមួយហិកតាបានស្រូវ២ទៅ៣តោន។ប៉ុន្តែតម្លៃស្រូវប្រភេទនេះថ្លៃ១៣០០ទៅ១៥០០រៀលក្នុងមួយគីឡូក្រាម។

លោកលើកឡើងថា បើកសិករធ្វើស្រូវធម្មតាប្រើជីនិងថ្នាំគីមីក្នុងមួយហិកតាទទួលបានទិន្នផល៦ឬ៧តោន ប៉ុន្តែក្នុងមួយគីឡូក្រាមបានថ្លៃតែ៨០០ឬ៩០០រៀលតែបើធ្វើស្រូវសេរីរាង្គវាមានទីផ្សារជាង ដូចនេះប្រជាពលរដ្ឋគួរពិចារណា។

លោក បណ្ឌិត គីសេរីវឌ្ឍន៍ អ្នកស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជា មើលឃើញថា ចំពោះការលើកឡើងរបស់ក្រសួងកសិកម្មនេះ ខ្ញុំនៅតែយល់ថាវាមិនអាចទៅរួចប្រសិនបើមិនមានកិច្ចសន្យាកសិកម្មឬContract Farming ព្រោះកសិករគាត់មិនអាចជឿទុកចិត្តទៅលើការធ្វើដំណាំសេរីរាង្គហើយយើងយកទៅលក់បានថ្លៃនោះវាអាស្រ័យលើទីផ្សារ។ អីចឹងកសិករតែងតែរាង។នេះយើងនិយាយអំពីអ្វីដែលយើងបានមើលឃើញនៅពេលកន្លងមក។

លោកបណ្ឌិតសង្កត់ធ្ងន់ថា«ដូចនេះក្រសួងកសិកម្មឬរាជរដ្ឋាភិបាលគួរតែមានសកម្មភាពអ្វីបន្ថែមដើម្បីគាំទ្រទៅដល់ការលើកគំនិតនេះឡើង។ ខ្ញុំមិនមែនមានន័យថា គំនិតនេះខុសទេ ប៉ុន្តែខ្ញុំគ្រាន់តែថាអាចនិងមានហានិភ័យនៅពេលប្រជាពលរដ្ឋមិនចូលរួមជាមួយយើងក៏ថាបាន។ ដូច្នេះហើយគួរតែមានសកម្មភាពណាមួយបន្ថែមដើម្បីធានាថាស្រូវគាត់អាចនិងលក់បានថ្លៃមែនហើយមានការទទួលទិញពិតប្រាកដមែន ទើបអាចជួយឱ្យកសិករនឹងយកចិត្តទុកដាក់ដាំដុះ។ បើសិនបានជួយឱ្យទីផ្សារនិងថ្លៃខ្ពស់ពិតមែននោះមិនចាំបាច់ជំរុញទេកសិករនិងងាកមកដំាដោយខ្លួនឯង»។

សម្រាប់ តូច ប៊ុនហួរ បានសង្កត់ធ្ងន់ថា«ខ្ញុំគិតថាបើសិនជាអាចប្រជាកសិករក្នុងខេត្តតាកែវគួរតែបង្វែរពីការផលិតស្រូវធម្មតាមកផលិតស្រូវសេរីរាង្គវិញ ដោយសារក្រសួងមានគោលនយោបាយកាត់បន្ថយថ្លៃដើមផលិត រក្សាតម្លៃទីផ្សារនិងមាននិរន្តរភាព ហើយ៣ចំណុចនេះយើងកំពុងយកចិត្តទុកដាក់បំផុតសម្រាប់ឆ្នំានេះក៏ដូចជានៅឆ្នំាបន្ទាប់ទៀត»៕ អត្ថបទ៖សារេត

The post មន្ត្រីកសិកម្មជំរុញកសិករផលិតស្រូវសេរីរាង្គខណៈក្តីបារម្ភខ្លាចវៀតណាមបិទមិនឱ្យនាំចូលពេលណាមួយ! appeared first on .