រដ្ឋមន្ត្រីក្រសួងឧស្សាហកម្ម និងពាណិជ្ជកម្មឡាវ លោក Malaithong Kommasith បានចុះហត្ថលេខាលើកិច្ចព្រមព្រៀងនេះ កាលពីថ្ងៃទី២០ ខែមីនា នៅទីក្រុងហាណូយ ដោយបានជួបជាមួយរដ្ឋមន្ត្រីក្រសួងថាមពលវៀតណាម លោក Le Manh Hung ។

គួរឲ្យដឹងផងដែរថា ជុំវិញការប្រកាសពីកិច្ចព្រមព្រៀងនេះ​ បានកើតឡើងបន្ទាប់ពីប្រទេសថៃ បានសម្រេចកាត់បន្ថយការផ្គត់ផ្គង់ប្រេងរបស់ខ្លួន ទៅកាន់ប្រទេសឡាវ ដែលធ្វើឲ្យមានកង្វះខាតយ៉ាងខ្លាំង។ ថៃ គឺជាអ្នកផ្គត់ផ្គង់ប្រេងឥន្ធនៈធំជាងគេបំផុតរបស់ឡាវ ដែលមានរហូតដល់ទៅ ៩៧%។

ជម្រាបជូនថា ប្រទេសឡាវ បានងាកទៅរកជម្រើសផ្សេងទៀតក្នុងអំឡុងពេលវិបត្តិដែលកំពុងបន្ត។ ហើយនៅថ្ងៃទី២១ ខែមីនា ប្រទេសវៀតណាម បានចាត់តាំងក្រុមហ៊ុនប្រេងឥន្ធនៈរដ្ឋមួយឲ្យដឹកជញ្ជូនប្រេងឥន្ធនៈចំនួន ៥០ លានលីត្រដោយផ្ទាល់ ទៅកាន់ប្រទេសឡាវ។ ក្នុងនោះ រដ្ឋាភិបាលទីក្រុងហាណូយ ក៏បានយល់ព្រមអនុញ្ញាតឲ្យប្រទេសឡាវដឹកជញ្ជូនប្រេងឥន្ធនៈពីប្រទេសទីបីឆ្លងកាត់ទឹកដីវៀតណាមផងដែរ៕​

The post វៀតណាម​ ​ផ្គត់ផ្គង់​ប្រេង​ឥន្ធនៈ​ ៥០ លាន​លីត្រ​ដល់​ប្រទេស​ឡាវ​ ចំពេលកំពុងមានវិបត្តិ appeared first on .

ជុំវិញការការប្រកាសនេះ ត្រូវបានធ្វើឡើង នៅពេលដែលអាជ្ញាធររបស់ប្រទេសថៃ កាលពីថ្ងៃទី១៥ ខែធ្នូ បានធ្វើការរឹតបន្តឹងយ៉ាងខ្លាំង ក្រោយមើលឃើញពីបរិមាណខ្ពស់ខុសពីធម្មតានៃការដឹកជញ្ជូនប្រេងឥន្ធនៈឆ្លងកាត់តាមព្រំដែនអន្តរជាតិចុងមេក ក្នុងស្រុកសិរិន្ទថន ខេត្តឧប៉ុនរ៉ាចាថានី។

ទន្ទឹមនឹងនេះ​ មជ្ឈមណ្ឌលប្រតិបត្តិការតំបន់កងទ័ពទីពីរ បានរាយការណ៍ថា ការត្រួតពិនិត្យបានរកឃើញកម្រិតនាំចេញមិនប្រក្រតីបើប្រៀបធៀបទៅនឹងរយៈពេលមុនៗ ដោយការដឹកជញ្ជូនមួយចំនួនត្រូវបានគេរាយការណ៍ថាបានឆ្លងកាត់ប្រទេសឡាវ មុនពេលបញ្ជូនបន្តទៅប្រទេសកម្ពុជា។

យ៉ាងណាមិញ ដោយថ្លែងនៅក្នុងសន្និសីទសារព័ត៌មានរួមមួយស្តីពីស្ថានភាពព្រំដែនថៃ-កម្ពុជា អ្នកនាំពាក្យក្រសួងការពារជាតិ លោកឧត្តមនាវីឯក ស៊ូរ៉ាសាន់ គង់ស៊ីរី បាននិយាយថា អាជ្ញាធរថៃយល់ពីផលប៉ះពាល់នៃការរឹតបន្តឹងលើប្រទេសឡាវ ប៉ុន្តែបានសង្កត់ធ្ងន់ថា វិធានការទាំងនេះមិនមែនសំដៅលើពាណិជ្ជកម្មឡាវនោះទេ។

លោកបានសង្កត់ធ្ងន់ទៀតថា ប្រទេសថៃនៅតែបន្តគោរពអធិបតេយ្យភាព និងទំនាក់ទំនងទ្វេភាគីរបស់ប្រទេសឡាវ ដោយពណ៌នាអំពីការរឹតបន្តឹងទាំងនេះថាជាជំហានសន្តិសុខចាំបាច់ក្រោមកាលៈទេសៈបច្ចុប្បន្ន។

មន្ត្រីថៃដដែលនេះ ក៏បាននិយាយបានបន្ថែមថា ការគ្រប់គ្រងនេះមានគោលបំណងតែមួយគត់ដើម្បីទប់ស្កាត់ការប្រើប្រាស់ទំនិញរសើបខុស ក្នុងអំឡុងពេលមានភាពតានតឹងក្នុងតំបន់កាន់តែខ្លាំងឡើង៕​

The post យោធាថៃ ចេញមុខសូមទោសចំពោះផលប៉ះពាល់លើប្រទេសឡាវ ក្រោយរឹតបន្តឹងលើការនាំចេញប្រេង appeared first on .

ព្រះនាង Aiko មានព្រះជន្មទើប ២៣ ព្រះវស្សា ដែលជាបុត្រីតែមួយគត់របស់ព្រះចៅអធិរាជជប៉ុន Naruhito នឹងចំណាយពេលរហូតដល់ទៅមួយសប្តាហ៍ នៅក្នុងប្រទេសឡាវ ក្នុងឱកាសខួបលើកទី៧០ នៃទំនាក់ទំនងការទូត។

យ៉ាងណាមិញ ក្នុងជាប្រទេសមួយក្នុងចំណោមប្រទេសដែលមានសេដ្ឋកិច្ចធំជាងគេនៅអាស៊ី ជប៉ុន បានផ្តល់ជំនួយជាង ៣៧០លានដុល្លារអាមេរិក ដល់ប្រទេសឡាវ ចន្លោះឆ្នាំ២០១៩ និង ២០២៤ ដែលធ្វើឲ្យប្រទេសនេះក្លាយជាប្រទេសផ្តល់ជំនួយទ្វេភាគីដ៏ធំបំផុតមួយរបស់ប្រទេសក្រីក្រ។

គួរឲ្យដឹងផងដែរថា គម្រោងអភិវឌ្ឍជាង ១៥០ ដែលជប៉ុនបានផ្តល់ឲ្យឡាវភាគច្រើនក្នុងអំឡុងពេលនោះ គឺជាមូលនិធិតាមរយៈទីភ្នាក់ងារអភិវឌ្ឍនៅប្រទេសរបស់ប្រទេសជប៉ុន ដែលត្រូវបានគេស្គាល់ថាជាអង្គការ Jica ។

ជម្រាបជូនថា ក្នុងអំឡុងពេលនៃដំណើរទស្សនកិច្ចរបស់ព្រះនាងរហូតដល់ថ្ងៃទី២២ ខែវិច្ឆិកា ព្រះនាង Aiko គ្រោងនឹងជួបជាមួយប្រធានាធិបតីឡាវ លោក Thongloun Sisoulith និងទៅទស្សនាសារមន្ទីរមួយដើម្បីបង្កើនការយល់ដឹងអំពីគ្រាប់រំសេវមិនទាន់ផ្ទុះដែលនៅសេសសល់ពីសម័យសង្គ្រាមវៀតណាម ដែលបន្តសម្លាប់ និងបង្កររបួសដល់មនុស្ស នៅក្នុងប្រទេសឡាវ៕

The post ព្រះនាង Aiko នៃប្រទេសជប៉ុន យាងបំពេញទស្សនកិច្ចផ្លូវការនៅប្រទេសឡាវ ជាលើកដំបូង appeared first on .

យោងតាមការចុះផ្សាយពីសារព័ត៌មាន Laotian Times បានរាយការណ៍ថា ក្នុងអំឡុងដំណើរទស្សនកិច្ចនោះ ប្រទេសទាំងពីរ បានចុះហត្ថលេខាលើកិច្ចព្រមព្រៀងចំនួន៧ ដែលគ្រប់ដណ្តប់លើថាមពលនុយក្លេអ៊ែរ សុខភាព ការអប់រំ​ បរិស្ថាន និងកិច្ចសហប្រតិបត្តិការផ្នែកច្បាប់។

ប្រភពដដែលបានសង្កត់ធ្ងន់ទៀតថា ចំណុចស្នូលនៃដំណើរទស្សនកិច្ចនេះ គឺជាផែនការសម្រាប់កិច្ចសហប្រតិបត្តិការនុយក្លេអ៊ែរ ដោយសន្តិវិធីរវាងរុស្ស៊ី និងឡាវ។ ភាពជាដៃគូនេះ មានគោលបំណងប្រើប្រាស់បច្ចេកវិទ្យានុយក្លេអ៊ែរ ដើម្បីកែលម្អឱសថ កសិកម្ម ការស្រាវជ្រាវវិទ្យាសាស្ត្រ និងការផលិតថាមពល នៅក្នុងប្រទេសឡាវ។

ជម្រាបជូនផងដែរថា កិច្ចព្រមព្រៀងនេះ ត្រូវបានធ្វើឡើង ចំពេលសហរដ្ឋអាមេរិក បានប្រកាសដាក់ពន្ធគយខ្ពស់រហូតដល់ទៅ ៤០% លើប្រទេសឡាវ ដែលត្រូវបានចូលជាធរមាន កាលពីថ្ងៃទី១ ខែសីហាកន្លងទៅ។ អត្រាពន្ធគយថ្មីរបស់ឡាវនេះ ហាក់មានកម្រិតខ្ពស់ជាងគេ បើធៀបទៅនឹងបណ្តាប្រទេសជាសមាជិកអាស៊ានផ្សេងទៀត៕​

The post ឡាវ ឆ្លៀតចុះកិច្ចសន្យាថាមពលនុយក្លែអ៊ែរជាមួយរុស្ស៊ី​ ចំពេលអាមេរិកដាក់ពន្ធ ៤០% appeared first on .

នាយកដ្ឋានប្រតិបត្តិការពិសេសនៃខេតចំប៉ាសាក់ ប្រទេសឡាវ បានប្រកាសនៅថ្ងៃសៅរ៍នេះថា គ្រាប់កាំភ្លើងធំចំនួន ១០​ គ្រាប់ បានធ្លាក់មកលើទឹកដីរបស់ខ្លួន អំឡុងពេលមានការប៉ះទង្គិចគ្នារវាងកងទ័ពកម្ពុជា និងថៃ កាលពីថ្ងៃទី ២៤-២៥ ខែកក្កដា។

គ្រាប់ផ្លោងទាំងនេះ បានបំផ្លាញផ្ទះសម្បែង និងសំណង់ជាច្រើននៅក្នុងខេត្តចំប៉ាសាក់ ប៉ុន្តែយោធាឡាវ មិនទាន់អាចកំណត់បាននៅឡើយទេថាអ្នកណាជាអ្នកបាញ់ គ្រាប់ទាំងនេះ។ ចំប៉ាសាក់ គឺជាខេត្តមួយស្ថិតនៅភាគនិរតីនៃប្រទេសឡាវ ដែលជាប់ព្រំដែនជាមួយកម្ពុជា និងថៃ។ 

គួរឲ្យដឹងផងដែរថា​ ការប្រយុទ្ធគ្នារវាងថៃ និងកម្ពុជា នៅតាមបណ្តោយព្រំដែនបានឈានដល់ចូលដល់ថ្ងៃទី៣​ ហើយ។ ប្រទេស​ថៃ​និយាយ​ថា​ជម្លោះ​នេះ​បាន​បណ្តាល​ឲ្យយ​មនុស្ស​២០​នាក់​ស្លាប់ ​ក្នុង​នោះ​មាន​ជន​ស៊ី​វិល​១៤​នាក់​ និង​ទាហាន ​៦​នាក់​ និង​រាប់​សិប​នាក់ផ្សេងទៀត​រង​របួស ។ ស្របពេលក្រសួង​ការពារជាតិ​កម្ពុជា​ និយាយ​ថា មនុស្ស​១៣​នាក់​បាន​ស្លាប់ និង​៧១​នាក់​រង​របួស។

បន្ទាប់ពីកិច្ចប្រជុំបិទទ្វារនៃក្រុមប្រឹក្សាសន្តិសុខអង្គការសហប្រជាជាតិស្តីពីជម្លោះព្រំដែនកម្ពុជា-ថៃ កាលពីថ្ងៃទី២៥ ខែកក្កដា ឯកអគ្គរាជទូតកម្ពុជា ឯកឧត្តម កែវ ឈា បានអំពាវនាវឲ្យមានបទឈប់បាញ់ជាបន្ទាន់ និងដោយគ្មានលក្ខខណ្ឌ ក៏ដូចជាដំណោះស្រាយដោយសន្តិវិធី ដើម្បីដោះស្រាយជម្លោះ។

ប៉ុន្តែយ៉ាងណាក៏ដោយ នៅព្រឹកថ្ងៃទី២៦ ខែកក្កដា នេះ កម្លាំងពីភាគីទាំងសងខាងបានបន្តប៉ះទង្គិចគ្នានៅទីតាំងថ្មី នៅព្រំដែនខេត្តពោធិសាត់ របស់កម្ពុជា។

ជម្រាបជូនថា ភាព​តានតឹង​រវាង​ថៃ​និង​កម្ពុជា​បាន​កើន​ឡើង​តាំងពី​ព្រលឹម​ថ្ងៃ​ទី​២៤ ខែកក្កដា នៅ​ពេល​ដែល​ទាហាន​ពី​ភាគី​ទាំង​សងខាង​បាន​បើក​ការ​បាញ់​ប្រហារ​គ្នានៅតាមបណ្តោយ​ព្រំដែន។ កម្ពុជានៅតែបន្តអះអាងថា ការប្រយុទ្ធគ្នានេះ បានកើតឡើងបន្ទាប់ពីភាគីថៃ បានផ្ទុះអាវុធមុន នៅចំណុចប្រាសាទតាមាន់៕

The post ឡាវ ទទួលរងគ្រាប់ផ្លោងប្រហែល ១០គ្រាប់ ពីជម្លោះដ៏ក្តៅគគុករវាងថៃ-កម្ពុជា appeared first on .

គម្រោងថាមពលខ្យល់មូសុង ដែលមានតម្លាំង ៦០០ មេហ្គាវ៉ាត់ មានតម្លៃសរុបរហូតដល់ទៅ ៦៣០លានដុល្លារអាមេរិកនេះ នឹងលាតសន្ធឹងលើផ្ទៃដីសរុប ៦៨ ០០០ ហិកតា នៅទូទាំងស្រុក Dakcheung ក្នុងខេត្ត Xekong និងស្រុក Sanxay ក្នុងខេត្ត Attapeu ។ គម្រោងនេះ គឺជាគំនិតផ្តួចផ្តើមថាមពលខ្យល់ដំបូងគេក្នុងតំបន់ ដែលគ្របដណ្តប់លើខេត្តច្រើនជាងមួយ។

បើតាមប្រភពខាងលើបានបង្ហាញឲ្យដឹងទៀតថា អគ្គិសនីដែលផលិតបានដោយគម្រោងនេះ នឹងត្រូវនាំចេញទៅកាន់ប្រទេសវៀតណាម ក្រោមកិច្ចព្រមព្រៀងទិញថាមពលរយ:ពេល ២៥ឆ្នាំ ជាមួយក្រុមហ៊ុនរដ្ឋ Vietnam Electricity (EVN)។

ជម្រាបជូនផងដែរថា គម្រោងនេះស្ថិតនៅក្រោមការអភិវឌ្ឍដោយក្រុមហ៊ុន Impact Energy Asia Development Co Ltd ដែលបានចុះហត្ថលេខាលើអនុស្សរណៈនៃការយោគយល់គ្នា ជាមួយរដ្ឋាភិបាលឡាវ ក្នុងឆ្នាំ២០១១ ដើម្បីវាយតម្លៃលទ្ធភាពនៃការបណ្តាក់ទុននេះ។ ការងារលើគម្រោងនេះ បានដំណើរការជាផ្លូវការនៅឆ្នាំ២០២២ បន្ទាប់ពីការចុះហត្ថលេខាលើកិច្ចព្រមព្រៀងសម្បទាន ហើយបច្ចុប្បន្នវាត្រូវបានប្រតិបត្តិការដោយក្រុមហ៊ុន Monsoon Wind Power Company Limited៕

The post ឡាវ ត្រៀមបើកដំណើរការស្ថានីយថាមពលខ្យល់ធំបំផុតក្នុងតំបន់អាស៊ាន នៅចុងឆ្នាំនេះ appeared first on .

ក្រសួងឧស្សាហកម្ម និងពាណិជ្ជកម្ម បង្ហាញថា ក្នុងរយៈពេលពីរខែដំបូងនៃឆ្នាំនេះ ប្រទេសថៃបាននាំចូលកាហ្វេពី ១៨ ប្រទេស និងដែនដី ជុំវិញពិភពលោក។ ក្នុង​នោះ ឡាវ​ជា​អ្នក​ផ្គត់​ផ្គង់​កាហ្វេ​ធំ​ជាង​គេ​ទៅ​ប្រទេស​ថៃ​ ជាមួយចំនួនសរុប ៣ ៤៦០ តោន ដែល​មាន​តម្លៃ ១៣,៤លាន​ដុល្លារ។ កម្រិតនេះបានកើនឡើង ១៦,២% គិតនៅក្នុងបរិមាណ និង ៤៨,៥% គិតជាតម្លៃ បើធៀបនឹងរយៈពេលដូចគ្នាកាលពីឆ្នាំមុន។

យ៉ាងណាមិញ ដោយសារការកើនឡើងនៃតម្រូវការកាហ្វេដោយជនជាតិថៃ ចំណែកទីផ្សារកាហ្វេរបស់ឡាវ នៅក្នុងការនាំចូលសរុបនៅក្នុងទីផ្សារនេះ បានកើនឡើងពី ៤២,២២% ក្នុងរយៈពេលពីរខែដំបូងនៃឆ្នាំមុន ដល់ ៦១,៧៤% ក្នុងរយៈពេលដូចគ្នា ក្នុងឆ្នាំនេះ។

ក្រៅពីឡាវ ថៃក៏បានបង្កើនការនាំចូលកាហ្វេពីប្រទេសឥណ្ឌូណេស៊ី ម៉ាឡេស៊ី និងប្រេស៊ីល ផងដែរ។

ផ្ទុយ​ទៅ​វិញ វៀតណាម​ ដែលធ្លាប់តែគ្រងតំណែងលេខ១ បាន​ក្លាយ​ជា​អ្នក​ផ្គត់​ផ្គង់​កាហ្វេ​ធំ​លំដាប់ទី​ពីរ​ សម្រាប់​ប្រទេស​ថៃវិញ។ ជាក់ស្តែងក្នុងរយៈពេលពីរខែដំបូងនៃឆ្នាំនេះ ប្រទេសថៃបាននាំចូលកាហ្វេពីប្រទេសវៀតណាមចំនួន ១ ៣៦០ តោន ដែលមានតម្លៃ ៧,៤៣លានដុល្លារ។ តួលេខនេះបានថយចុះចំនួន ៦៤,៧% ក្នុងបរិមាណ និង ៣៥,៦% គិតជាតម្លៃ ធៀបនឹងរយៈពេលដូចគ្នាកាលពីឆ្នាំមុន។

ជាលទ្ធផលចំណែកទីផ្សារកាហ្វេរបស់វៀតណាម ក្នុងការនាំចូលសរុបទៅកាន់ប្រទេសថៃ បានថយចុះពី ៥៤,៥៤% ក្នុងរយៈពេលពីរខែដំបូងនៃឆ្នាំ២០២៤ មកនៅត្រឹម ២៤,២៤% ក្នុងរយ:ពេលដូចគ្នា នៅឆ្នាំនេះ៕

The post ឡាវ វ៉ាដាច់វៀតណាម ក្លាយជាប្រទេសនាំចេញកាហ្វេច្រើនបំផុតទៅកាន់ថៃ appeared first on .

ទំហំពាណិជ្ជកម្មសរុបរបស់ប្រទេសឡាវ សម្រាប់ឆ្នាំ២០២៤ សម្រេចបាន ១៦,៣៥ពាន់លានដុល្លារ ដោយ​ការ​នាំ​ចេញ​មាន​តម្លៃ ៨,១៤ពាន់​លាន​ដុល្លារ និង​ការ​នាំ​ចូល​មាន​តម្លៃ ៨,២១ ពាន់​លាន​ដុល្លារ​។ ចំនួននេះបណ្តាលឲ្យមានឱនភាពពាណិជ្ជកម្មប្រហែល ៦៤លានដុល្លារ។

ក្រៅ​ពីថាមពល​អគ្គិសនី ការ​នាំ​ចេញ​សំខាន់ៗរបស់ប្រទេសក្នុងតំបន់អាស៊ានមួយនេះ ​រួម​មាន អំបិល រ៉ែប៉ូតាស្យូម មាស ឧបករណ៍​អគ្គិសនី កៅស៊ូ និង​ក្រដាស ជាដើម ស្របពេលទីផ្សារនាំចេញសំខាន់ៗ គឺប្រទេសចិន ថៃ និងវៀតណាម ដែលរួមគ្នាមានចំនួនជាង ៨០% នៃការនាំចេញសរុបរបស់ប្រទេសឡាវ។

ទន្ទឹមនឹងនេះ ចំពោះ​ផ្នែក​នាំ​ចូលវិញ ទំនិញ​ចម្បងៗ​រួម​មាន​ប្រេង​ម៉ាស៊ូត គ្រឿង​ម៉ាស៊ីន និង​យានជំនិះ ក្នុងនោះប្រទេស​ថៃ និង​ចិន ជា​ដៃគូ​នាំ​ចូល​ធំ​ជាង​គេបំផុត។

ជម្រាបជូនផងដែរថា នៅក្នុងឆ្នាំ២០២៣ ការនាំចេញថាមពលអគ្គិសនី បានឈរនៅលំដាប់កំពូលក្នុងបញ្ជី ដែលរួមចំណែកបាន ២,៣៨ពាន់លានដុល្លារដល់ប្រាក់ចំណូលនាំចេញសរុបរបស់ប្រទេសឡាវ។ នេះបើតាមទិន្នន័យទទួលបានពីកាសែត Laotian Times៕

The post ថាមពលអគ្គិសនី នៅតែដើរតួយ៉ាងសំខាន់ក្នុងពាណិជ្ជកម្មរបស់ឡាវ នៅឆ្នាំ២០២៤ appeared first on .

ដ្បិតថាជា ប្រទេសសំបូរធនធានធម្មជាតិរ៉ែមាស តែឡាវកំពុងផុងខ្លួនក្នុងវិបត្តិយ៉ាងជ្រៅ។ ថ្មីៗនេះក្រសួងហិរញ្ញវត្ថុឡាវ បានចុះកិច្ចព្រមព្រៀងជាមួយក្រុមហ៊ុនក្នុងស្រុក PTL Holding បង្កើតចេញជាធនាគារមាសមួយឡើងឈ្មោះថា Lao Bullion Bank (LBB)។

ធនាគារនេះជាការបណ្ដាក់ទុនរួមគ្នា ដើម្បីជាយន្តការអន្តរាគមន៍បន្ទាន់ទប់ទល់នឹងវិបត្តិសេដ្ឋកិច្ចជាតិ ក៏ដូចជាដើម្បីផ្តល់មូលនិធិបម្រុងសម្រាប់ប្រព័ន្ធសេដ្ឋកិច្ចនិងហិរញ្ញវត្ថុរបស់ប្រទេស ហើយក៏ជាធនាគារដែលដើរតួនាទីជាស្ថាប័នកណ្តាលក្នុងទីផ្សារមាសក្នុងប្រទេស។

រដ្ឋាភិបាលឡាវ សម្រេចបង្កើតធនាគារមាសនេះឡើង ដើម្បីយកមាសធ្វើជាមធ្យោបាយមួយកសាងទុនបម្រុងជាមាស ពង្រឹងស្ថិរភាពហិរញ្ញវត្ថុ និងរក្សាតម្លៃរូបិយប័ណ្ណជាតិ ក៏ដូចជាគាំទ្រគោលនយោបាយរូបិយវត្ថុនិងសារពើពន្ធផងដែរ។

គួររំលឹកផងដែរថា ប្រទេសឡាវ ពឹងផ្អែកខ្លាំងលើការនាំចូលប្រេងឥន្ធនៈ និងស្បៀងអាហារហើយបានជួបវិបត្តិមូល ធនហូរចេញក្រៅប្រទេស តាំងពីឆ្នាំ ២០២២ ខណៈដែលការនាំចេញសំខាន់ៗរួមមាន រ៉ែមាស និងដុំមាស ក្រដាសសុទ្ធ ការផលិតផលក្រដាស ឈើ សំណល់ ក្រដាស ជ័រកៅស៊ូ ដំឡូងមី រ៉ែដែក ចេក សម្លៀកបំពាក់ គ្រឿងអគ្គិសនី ជី និងស្បែកជើង ជាដើម៕

អត្ថបទបន្ត៖ ប្រទេសផលិតមាសទាំង ១០ នៅលើពិភពលោក​ដែល​​ជីកបាន​រ៉ែ​មាស​ច្រើន​ជាង​គេ​បំផុត
ដកស្រង់និងប្រែសម្រួលពី៖ Link | Link

The post ឡាវ ជីករ៉ែមាសបានច្រើនជាង ៨ តោន ខណៈ​ដែល​រដ្ឋបង្កើត​ធនាគារ​មាស​ថ្មីមួយទប់ទល់នឹងវិបត្តិសេដ្ឋកិច្ច appeared first on .

សភាពាណិជ្ជកម្ម និងឧស្សាហកម្មជាតិឡាវ (LNCCI) និងក្រុមធុរកិច្ចចិន កាលពីពេលថ្មីៗនេះ បានជួបប្រជុំគ្នា ដើម្បីស្វែងយល់ពីសក្តានុពលនៃវិស័យកសិកម្មរបស់ប្រទេសឡាវ ជាពិសេសលើដំណាំផ្លែទុរេន សម្រាប់ការនាំចេញទៅកាន់ប្រទេសចិន។

នៅក្នុងកិច្ចប្រជុំនេះ អនុប្រធាន LNCCI លោក Bounleuth Luangpraseuth បានសង្កត់ធ្ងន់លើការរីកចម្រើនយ៉ាងឆាប់រហ័សនៃការដាំដុះទុរេន នៅក្នុងដីកសិកម្មដែលមានជីជាតិរបស់ប្រទេសឡាវ ដោយបានគូសបញ្ជាក់ពីផ្លូវដែកចិន-ឡាវ ជាការតភ្ជាប់ផ្លូវដឹកជញ្ជូនដ៏សំខាន់។

គួរឲ្យដឹងថា ឡាវរកចំណូលបានជាង ១,៤ពាន់លានដុល្លារអាមេរិក ពីការនាំចេញកសិផលរបស់ខ្លួន ក្នុងឆ្នាំ២០២៣។ ក្នុងចំណោមនោះ តម្លៃនៃផលិតកម្មក្នុងវិស័យកសិកម្ម និងព្រៃឈើ មានចំនួនជាង ២០% នៃផលិតផលក្នុងស្រុកសរុបរបស់ឡាវ ក្នុងឆ្នាំ២០២៣។

ជម្រាបជូនថា រដ្ឋាភិបាលឡាវ កំពុងលើកទឹកចិត្តកសិករ និងអ្នកផលិតផ្គត់ផ្គង់ទំនិញកាន់តែច្រើន ទៅកាន់ទីផ្សារក្នុងស្រុក និងផលិតកាន់តែច្រើនសម្រាប់ការនាំចេញ ដើម្បីនាំមកនូវរូបិយប័ណ្ណបរទេសដែលតម្រូវការច្រើន និងជួយកាត់បន្ថយអត្រាប្តូរប្រាក់បរទេសខ្ពស់៕

The post ឡាវ គ្រោងបង្កើនការនាំចេញកសិផលកាន់តែច្រើន ទៅកាន់ប្រទេសចិន តាមរយៈផ្លូវដែកចិន-ឡាវ appeared first on .