នៅថ្ងៃទី១១ ខែមិថុនា ធនាគារកណ្តាលអឺរ៉ុប (ECB) បានប្រកាសបង្កើន ០,២៥% នៃអត្រាការប្រាក់គោលរបស់ខ្លួន ដល់ ២,២៥% ខណៈការសម្រេចចិត្តនេះ ត្រូវបានរំពឹងទុកដោយទីផ្សារ។

ធនាគារកណ្តាលអឺរ៉ុប (ECB) បាននិយាយថា ចលនានេះមានគោលបំណងបន្ធូរបន្ថយសម្ពាធអតិផរណាដែលបណ្តាលមកពីជម្លោះនៅមជ្ឈិមបូព៌ា។ សេចក្តីថ្លែងការណ៍ដដែលនេះ បានសរសេរទៀតថា ៖”ការដំឡើងអត្រាការប្រាក់គឺសមរម្យដោយសារតែសេណារីយ៉ូជាច្រើនទាក់ទងនឹងស្ថានភាពនៅមជ្ឈិមបូព៌ា និងផលប៉ះពាល់នៃការភ័យខ្លាចទៅលើទស្សនវិស័យរយៈពេលមធ្យម សម្រាប់តំបន់ចាយប្រាក់អឺរ៉ូ”។

គួរជម្រាបជូនថា ជម្លោះនៅមជ្ឈិមបូព៌ាមានរយៈពេលជិតបីខែកន្លងមកនេះ បានរំខានដល់លំហូរថាមពលសកល ដោយសារតែការបិទច្រកសមុទ្រ Hormuz និងការវាយប្រហារលើរោងចក្រផលិតថាមពលនៅក្នុងតំបន់។ បទឈប់បាញ់នៅតែមានប្រសិទ្ធភាព ប៉ុន្តែភាពតានតឹងរវាងទីក្រុងវ៉ាស៊ីនតោន និងទីក្រុងតេអេរ៉ង់ បានបន្តកើនឡើងក្នុងរយៈពេលប៉ុន្មានថ្ងៃថ្មីៗនេះ៕​

The post អឺរ៉ុប ដំឡើងអត្រាការប្រាក់ជាលើកដំបូង ក្នុងរយៈពេល ៣ឆ្នាំចុងក្រោយ appeared first on .

យោងតាមការចុះផ្សាយពីសារព័ត៌មាន AFP នៅថ្ងៃទី២៩ ខែមេសា បន្ទាប់ពីកិច្ចប្រជុំគោលនយោបាយរយៈពេលពីរថ្ងៃ ធនាគារកណ្តាលអាមេរិក បានសម្រេចចិត្តរក្សាអត្រាការប្រាក់គោលរបស់ខ្លួនមិនផ្លាស់ប្តូរ នៅចន្លោះ ៣,៥-៣,៧៥%។

ជុំវិញការវិធានការនេះ គឺស្រដៀងគ្នាទៅនឹងកិច្ចប្រជុំដែលធ្វើឡើងនៅក្នុងខែមករា និងខែមីនាដែរ ខណៈកាលពីឆ្នាំមុន Fed បានសម្រេចកាត់បន្ថយអត្រាការប្រាក់គោលរបស់ខ្លួនចំនួនបីដងជាប់ៗគ្នា។

ធនាគារកណ្តាលសហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយរបស់ខ្លួនបន្ទាប់ពីកិច្ចប្រជុំថា ៖”អតិផរណាកំពុងកើនឡើង ដែលឆ្លុះបញ្ចាំងពីការកើនឡើងនៃតម្លៃថាមពលសកលថ្មីៗនេះ។ ស្ថានភាពនៅមជ្ឈិមបូព៌ាកំពុងរួមចំណែកដល់ការកើនឡើងនៃភាពមិនប្រាកដប្រជាយ៉ាងខ្លាំង នៅក្នុងទស្សនវិស័យសេដ្ឋកិច្ចអាមេរិក”។

យ៉ាងណាក៏ដោយ ទីភ្នាក់ងារនេះបានរក្សាការពិពណ៌នារបស់ខ្លួនអំពីរបៀបដែលធនាគារកណ្តាលសហរដ្ឋអាមេរិក នឹងវាយតម្លៃលើវិសាលភាព និងពេលវេលានៃការកែតម្រូវអត្រាការប្រាក់បន្ថែមទៀត។ ដែលឃ្លានេះ បញ្ជាក់ថាអត្រាការប្រាក់អាចនឹងត្រូវបានបន្ទាបនៅពេលក្រោយ។

ជម្រាបជូនថា បន្ទាប់ពីការប្រកាសរបស់ធនាគារកណ្តាលសហរដ្ឋអាមេរិក សន្ទស្សន៍ភាគហ៊ុនសំខាន់ៗរបស់សហរដ្ឋអាមេរិកបានធ្លាក់ចុះបន្ថែមទៀត។ បច្ចុប្បន្ន ភាគហ៊ុន S&P 500 និង Nasdaq Composite បានធ្លាក់ចុះ ០,២៧% ខណៈភាគហ៊ុន DJIA បានធ្លាក់ចុះដល់ទៅ ០,៧%៕​

The post ធនាគារកណ្តាលអាមេរិក Fed បន្តរក្សាអត្រាការប្រាក់មិនផ្លាស់ប្តូរជាលើកទីបីជាប់ៗគ្នា appeared first on .

កាលពីសប្តាហ៍មុន ធនាគារកណ្តាលអឺរ៉ុប (ECB) បានរក្សាអត្រាការប្រាក់គោលរបស់ខ្លួនឲ្យនៅដដែល ពោលគឺក្នុងកម្រិត ២% ប៉ុន្តែបានព្រមានថាអត្រានេះអាចកើនឡើង។ ដូច្នេះមន្ត្រីធនាគារកំពុងពិភាក្សាអំពីសេណារីយ៉ូដែលនឹងបង្ខំពួកគេឲ្យដំឡើងអត្រាការប្រាក់ ដើម្បីការពារការកើនឡើងនៃអតិផរណាជាបន្តបន្ទាប់។

មុនពេលផ្ទុះឡើងនៃជម្លោះនៅមជ្ឈិមបូព៌ា កាលពីចុងខែមុន អតិផរណានៅតំបន់ចាយប្រាក់អឺរ៉ូ បានធ្លាក់ចុះក្រោមគោលដៅ ២% របស់ ECB។ តែទោះជាយ៉ាងណាក៏ដោយ នៅខែកុម្ភៈ តួលេខនេះបានបង្ហាញសញ្ញានៃការកើនឡើង ដោយឈានដល់ ១,៩%។ ការប្រយុទ្ធគ្នា ដែលស្ទើរតែបានបិទច្រកសមុទ្រ Hormuz បានបណ្តាលឲ្យតម្លៃប្រេង និងឧស្ម័នសកលកើនឡើង ដែលរំខានដល់ការព្យាករអតិផរណានៅអឺរ៉ុបទាំងមូល។

ជម្រាបជូនថា នៅក្រោមសេណារីយ៉ូមូលដ្ឋាន ការព្យាករអតិផរណាជាមធ្យមសម្រាប់តំបន់អឺរ៉ុប នៅឆ្នាំនេះគឺ ២,៦% នៅឆ្នាំ២០២៧ និង ២,១% នៅឆ្នាំ២០២៨។ តែទោះជាយ៉ាងណាក៏ដោយ នៅក្នុងសេណារីយ៉ូដែលមានទុទិដ្ឋិនិយមជាងនេះ ECB ព្រមានថាអតិផរណាអាចឡើងដល់ ៤% នៅឆ្នាំនេះ៕​

The post EU គ្រោងដំឡើងអត្រាការប្រាក់ ដើម្បីត្រៀមទប់ទល់អតិផរណាដែលបង្កឡើងដោយជម្លោះអ៊ីរ៉ង់ appeared first on .

ដោយបាននិយាយទៅកាន់សារព័ត៌មាន CNBC លោក Goolsbee បានលើកឡើងថា ៖” ប្រសិនបើយើងអាចបង្ហាញថាយើងកំពុងស្ថិតនៅលើផ្លូវឆ្ពោះទៅរកអតិផរណា ២% នោះខ្ញុំនៅតែគិតថាមានការកាត់បន្ថយអត្រាការប្រាក់ជាច្រើនទៀត ដែលអាចកើតឡើងនៅឆ្នាំ២០២៦ នេះ។ ប៉ុន្តែយើងត្រូវតែរង់ចាំមើលសិន នៅក្នុងការបង្ហាញទិន្នន័យនាពេលខាងមុខ”។

គួរឲ្យដឹងថា ធនាគារកណ្តាលអាមេរិក Fed បានរក្សាអត្រាការប្រាក់គោលរបស់ខ្លួនឲ្យនៅថេរ ក្នុងចន្លោះពី ៣,៥%​ ទៅ ៣,៧៥%​ នៅក្នុងកិច្ចប្រជុំកាលពីថ្ងៃទី២៧-២៨ ខែមករា ហើយវាត្រូវបានគេរំពឹងទុកថា Fed អាចនឹងបន្តធ្វើដូច្នេះម្តងទៀត នោក្នុងកិច្ចប្រជុំបន្ទាប់ នាថ្ងៃទី១៧-១៨ ខែមីនា ខាងមុខ។

ជម្រាបជូនផងដែរថា យោងតាមទិន្នន័យថ្មីៗនេះ បានធ្វើឲ្យធនាគារកណ្តាលអាមេរិក រក្សាស្ថានភាពរបស់ខ្លួន នៅពេលដែលកំណើនការងារនៅក្នុងខែមករា បានកើនឡើងខ្ពស់ជាងការរំពឹងទុកចំនួន ១៣០ ០០០ កន្លែង ស្របពេលអត្រាគ្មានការងារធ្វើបានធ្លាក់ចុះបន្តិចមកនៅត្រឹម ៤,៣% និងបានកាត់បន្ថយការព្រួយបារម្ភមួយចំនួនដែលថាទីផ្សារការងារហៀបនឹងធ្លាក់ចុះ និងកាត់បន្ថយអំណះអំណាងមួយចំនួនផ្សេងទៀត សម្រាប់ការកាត់បន្ថយអត្រាការប្រាក់ភ្លាមៗ៕​

The post ធនាគារកណ្តាលអាមេរិក អាចនឹងបន្តកាត់បន្ថយអត្រាការប្រាក់ច្រើនដង បើអតិផរណាឈានដល់ ២% appeared first on .

នៅថ្ងៃទី២៨ ខែមករា បន្ទាប់ពីកិច្ចប្រជុំគោលនយោបាយរយៈពេលពីរថ្ងៃ ធនាគារកណ្តាលសហរដ្ឋអាមេរិក បានសម្រេចចិត្តបន្តរក្សាអត្រាការប្រាក់គោលរបស់ខ្លួនមិនផ្លាស់ប្តូរ នៅចន្លោះពី ៣,៥%-៣,៧៥%។

ជុំវិញការផ្លាស់ប្តូរនេះបានកើតឡើងបន្ទាប់ពីធនាគារកណ្តាលសហរដ្ឋអាមេរិកបានកែសម្រួលគោលនយោបាយរូបិយវត្ថុរបស់ខ្លួន ដោយធ្វើកាត់បន្ថយអត្រាការប្រាក់គោលចំនួនបីដងរួចមកហើយ កាលពីឆ្នាំមុន។ មិនតែប៉ុណ្ណោះ មន្ត្រីធនាគារកណ្តាលសហរដ្ឋអាមេរិកមួយចំនួន បាននិយាយថា ថ្មីៗនេះពួកគេចង់ឃើញផលប៉ះពាល់នៃការកាត់បន្ថយអត្រាការប្រាក់ទាំងនេះ មុនពេលពិចារណាលើសកម្មភាពបន្ថែមទៀត។

លើសពីនេះ ធនាគារកណ្តាល Fed បាននិយាយនៅក្នុងសេចក្តីថ្លែងការណ៍មួយរបស់ខ្លួន កាលពីថ្ងៃទី២៨ ខែមករាថា ៖” សកម្មភាពសេដ្ឋកិច្ចបន្តកើនឡើងក្នុងល្បឿនរឹងមាំ។ លើសពីនេះអតិផរណាបន្តកើនឡើង ហើយទីផ្សារការងារបានបង្ហាញពីសញ្ញាស្ថេរភាពមួយចំនួនឡើងវិញ”។

យ៉ាងណាមិញ ជុំវិញការប្រកាសរបស់ Fed មិនបានផ្តល់តម្រុយណាមួយអំពីពេលណាដែលការកាត់បន្ថយអត្រាការប្រាក់បន្ទាប់នឹងកើតឡើងនោះទេ ដោយគ្រាន់តែសង្កត់ធ្ងន់ថា ការកាត់បន្ថយនេះនឹងអាស្រ័យលើទិន្នន័យជាក់ស្តែង និងទស្សនវិស័យសេដ្ឋកិច្ចនាពេលខាងមុខ៕​

The post ធនាគារកណ្តាលអាមេរិក Fed បន្តរក្សាអត្រាការប្រាក់នៅដដែលមិនផ្លាស់ប្តូរ appeared first on .

ធនាគារកណ្តាលជប៉ុន (BOJ) នៅថ្ងៃទី១៩ ខែធ្នូ បានដំឡើងអត្រាការប្រាក់ចំនួន ២៥ពិន្ទុ ឬ ០,២៥% ដែលធ្វើឲ្យអត្រាការប្រាក់គោលកើនឡើងដល់ ០,៧៥% ដែលជាកម្រិតខ្ពស់បំផុត ក្នុងរយៈពេល ៣០ឆ្នាំចុងក្រោយនេះ។

មិនតែប៉ុណ្ណោះ BOJ បាននិយាយថាបើទោះបីជាការដំឡើងអត្រាការប្រាក់បន្ថែមទៀតក៏ដោយ ប៉ុន្តែវានៅតែមានកម្រិតទាបជាងអត្រាការប្រាក់របស់បណ្តាប្រទេសអភិវឌ្ឍផ្សេងទៀត។

ប៉ុន្តែទោះជាយ៉ាងណាក៏ដោយ ការកើនឡើងនៃអត្រាការប្រាក់នេះ នឹងដាក់សម្ពាធបន្ថែមទៀតលើសេដ្ឋកិច្ចជប៉ុន។ តួលេខដែលបានកែសម្រួលបង្ហាញថា ផលិតផលក្នុងស្រុកសរុបរបស់ប្រទេសនេះ បានធ្លាក់ចុះ ២,៣% នៅក្នុងត្រីមាសទីបី បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។

ទន្ទឹមនឹងនេះ នៅក្នុងសេចក្តីប្រកាសរបស់ខ្លួន BOJ បាននិយាយថា ទោះបីជាមានសញ្ញានៃភាពទន់ខ្សោយផ្នែកសេដ្ឋកិច្ចក៏ដោយ ប្រាក់ចំណេញសាជីវកម្មត្រូវបានគេរំពឹងថានឹងនៅតែខ្ពស់ ហើយក្រុមហ៊ុនក្នុងស្រុកត្រូវបានគេរំពឹងថានឹងបន្តដំឡើងប្រាក់ឈ្នួល នៅឆ្នាំ២០២៦។

ជម្រាបជូនថា ការដំឡើងអត្រាការប្រាក់នេះ បានកើតឡើងចំពេលមានការកើនឡើងនៃទិន្នផលលើមូលបត្ររដ្ឋាភិបាលជប៉ុន ដែលឈានដល់កម្រិតខ្ពស់បំផុតក្នុងរយៈពេលច្រើនទសវត្ស ដែលកំពុងបង្កើនហានិភ័យនៃការចំណាយលើការខ្ចីប្រាក់ខ្ពស់ និងបន្ថែមសម្ពាធថវិកាបន្ថែមទៀត៕​

The post ជប៉ុន ដំឡើងអត្រាការប្រាក់ដល់កម្រិតខ្ពស់បំផុតមិនធ្លាប់មាន រយៈពេល ៣០ឆ្នាំចុងក្រោយ appeared first on .

យោងតាមលោក Jerome Powell ប្រធានធនាគារកណ្តាលអាមេរិក បាននិយាយថា Fed មានជំហរល្អក្នុងការរង់ចាំមើលបន្ថែមទៀតថាតើសេដ្ឋកិច្ចរបស់សហរដ្ឋអាមេរិក នឹងវិវត្តទៅយ៉ាងដូចម្តេច មុនមានការកាត់បន្ថយបន្ថែមទៀត។

លោក Powell បានសង្កត់ធ្ងន់ទៀតថា មន្ត្រីរបស់ Fed ស្ថិតក្នុងជំហរល្អក្នុងការកំណត់ វិសាលភាព និងពេលវេលានៃការកែតម្រូវបន្ថែមដោយផ្អែកលើទិន្នន័យចូល ទស្សនវិស័យវិវត្ត និងតុល្យភាពនៃហានិភ័យ។

គួរឲ្យដឹងថា ការកាត់បន្ថយ ០,២៥% នេះ​ មានន័យថាអត្រាការប្រាក់គោលរបស់ Fed ធ្លាក់មកនៅចន្លោះពី ៣,៥០-៣,៧៥% ដែលជាកម្រិតទាបបំផុតក្នុងរយៈពេលប្រហែលបីឆ្នាំចុងក្រោយ ដែលជាចលនាមួយស្របនឹងការរំពឹងទុករបស់ទីផ្សារ។

ជម្រាបជូនថា ធនាគារកណ្តាលសហរដ្ឋអាមេរិក បានគូសបញ្ជាក់ពីការកាត់បន្ថយអត្រាការប្រាក់មួយផ្សេងទៀតនៅឆ្នាំក្រោយ ហើយបានបង្ហាញពីហានិភ័យខ្ពស់ចំពោះការងារ នៅមុនពេលមានសម្រេចចិត្តក្នុងការទម្លាក់អត្រាការប្រាក់នេះ៕​

The post ធនាគារកណ្តាលអាមេរិក បន្តកាត់បន្ថយអត្រាការប្រាក់ ០,២៥% ជាលើកទីបីជាប់ៗគ្នា appeared first on .

នៅថ្ងៃទី៧ ខែឧសភាកន្លងទៅ បន្ទាប់ពីកិច្ចប្រជុំគោលនយោបាយរយៈពេលពីរថ្ងៃ ធនាគារកណ្តាលអាមេរិក (Fed) បានសម្រេចចិត្តរក្សាអត្រាការប្រាក់គោលរបស់ខ្លួនមិនផ្លាស់ប្តូរនៅកម្រិត ៤,២៥-៤,៥០% ដដែល។ កម្រិតនេះត្រូវបានរក្សាតាំងពីចុងឆ្នាំមុនមក។

ក្នុងសេចក្តីថ្លែងការណ៍មួយ Fed បាននិយាយថា ៖”សេដ្ឋកិច្ចទាំងមូលបានបន្តពង្រីកក្នុងល្បឿនដ៏រឹងមាំ។ យើងបានសន្មតថាការធ្លាក់ចុះនៃ GDPនៅត្រីមាសទី១ គឺដោយសារតែអាជីវកម្ម និងគ្រួសារបង្កើនការនាំចូល ដើម្បីជៀសវាងពន្ធគយថ្មី”។

ទន្ទឹមនឹងនេះ នៅក្នុងសន្និសីទសារព័ត៌មានដាច់ដោយឡែកមួយ ប្រធាន Fed លោក Jerome Powell ​បាននិយាយថា ​Fed មិនទាន់​ប្រញាប់ប្រញាល់ក្នុងការបន្ធូរបន្ថយគោលនយោបាយហិរញ្ញវត្ថុរបស់ខ្លួនទេ ដោយរង់ចាំមើលទៅលើ​ស្ថានភាពសេដ្ឋកិច្ចសិន ខណ:ពេលដែលពន្ធគយរបស់លោក​ ត្រាំ ​នឹង​ប៉ះពាល់ដល់វិស័យការងារ និងអតិផរណាអាមេរិក។

មិនតែប៉ុណ្ណោះ លោក Powell បាននិយាយទៀតថា ៖”ខ្ញុំមិនគិតថាយើងអាចនិយាយបានថាលទ្ធផលវានឹងទៅជាយ៉ាងណានោះទេ។ វានៅតែមានភាពមិនច្បាស់លាស់ច្រើនខ្លាំងណាស់នៅពេលនេះ ជាឧទាហរណ៍ យើងត្រូវរង់ចាំមើលថាវិធានការពន្ធគយថ្មីនេះ នឹងទៅជាយ៉ាងណា”។

ជម្រាបជូនផងដែរថា ការសម្រេចចិត្តចុងក្រោយរបស់ Fed បែបនេះ ហាក់ផ្ទុយពីការចង់បានរបស់ប្រធានាធិបតី លោក ដូណាល់ ត្រាំ ដែលកំពុងព្យាយាមជំរុញឲ្យទីភ្នាក់ងារនេះ កាត់បន្ថយអត្រាការប្រាក់របស់ខ្លួន។ ប្រធានាធិបតីអាមេរិកបានធ្វើការអំពាវនាវនេះម្តងហើយម្តងទៀតក្នុងរយៈពេលប៉ុន្មានខែកន្លងមកនេះ ខណ:ក្រុមអ្នកវិភាគជឿថា លោក ត្រាំ ចង់បន្ថយអត្រាការប្រាក់ ដើម្បីកាត់បន្ថយផលប៉ះពាល់នៃផែនការពន្ធនាំចូលរបស់ខ្លួន។ តែទោះ​ជា​យ៉ាង​ណា លោក Powell មិន​ចង់​កាត់​បន្ថយ​អត្រា​ការ​ប្រាក់​ឆាប់​ៗ​ទេ ដោយសារ​តែ​មាន​ការ​ព្រួយ​បារម្ភ​អំពី​អតិផរណា៕

​​

The post ធនាគារកណ្តាលអាមេរិក បន្តរក្សាអត្រាការប្រាក់មិនប្តូរ ផ្ទុយពីការចង់បានរបស់លោក ត្រាំ appeared first on .

ជុំវិញការផ្លាស់ប្តូរនេះ ត្រូវបានជំរុញដោយការកើនឡើងដ៏ច្រើននៃការចំណាយរបស់រដ្ឋ ជាពិសេសលើវិស័យយោធា ដែលនាំមកនូវអត្រាការប្រាក់ខ្ពស់ជាងកម្រិត ២០% នៅដែលរដ្ឋាភិបាលរុស្ស៊ី ចាប់ផ្តើមបើកប្រតិបត្តិការយោធាពិសេស នៅប្រទេសអ៊ុយក្រែន ក្នុងខែកុម្ភៈ ឆ្នាំ២០២២។

ទន្ទឹមនឹងនេះ ធនាគារកណ្តាល បាននិយាយថាការដំឡើងអត្រាការប្រាក់ខ្ពស់បែបនេះ គឺជារឿងចាំបាច់ដើម្បីទប់ទល់នឹងអតិផរណាដែលបច្ចុប្បន្នឈានដល់ ៨,៤% ដែលជាកម្រិតដ៏ខ្ពស់បំផុតមួយ គិតចាប់តាំងពីដើមឆ្នាំនេះមក។

មិនតែប៉ុណ្ណោះនិយតកររុស្ស៊ី បាននិយាយថា ការរឹតបន្តឹងបន្ថែមនៃគោលនយោបាយរូបិយវត្ថុ គឺត្រូវបានទាមទារដើម្បីធានាបានថាអតិផរណានឹងត្រឡប់ទៅរកកម្រិតគោលដៅវិញ និងកាត់បន្ថយការរំពឹងទុកនៃការកើនឡើងអតិផរណាបន្ថែមទៀត។

ជម្រាបជូនផងដែរថា ប្រទេសរុស្ស៊ីដែលទើបតែធ្វើជាម្ចាស់ផ្ទះនៃកិច្ចប្រជុំកំពូលនៃបណ្តាប្រទេស BRICS គិតមកទល់ពេលនេះ មានអត្រាការប្រាក់គោលខ្ពស់បំផុត ក្នុងចំណោមសមាជិក BRICS ដំបូងផ្សេងទៀត ដែលរួមមានប្រទេសចិន ឥណ្ឌា ប្រេស៊ីល និងអាហ្វ្រិកខាងត្បូង៕

The post ធនាគារកណ្តាលរុស្ស៊ី ប្រកាសដំឡើងអត្រាការប្រាក់ដល់កម្រិតខ្ពស់បំផុតក្នុងរយ:ពេលជាង ២០ឆ្នាំ appeared first on .

ខណៈដែលភាគច្រើនកំពុងរំពឹងថានឹងមានការកាត់បន្ថយអត្រាការប្រាក់បន្ថែមទៀតនៅឆ្នាំនេះ ធនាគារកណ្តាលអាមេរិកថ្មីៗនេះបានអោយដឹងថាកុំមានសុទិដ្ឋិនិយមខ្លាំងពេក (សម្រាប់ការកាត់បន្ថយអត្រាការប្រាក់បន្ថែម) ហើយធនាគារកណ្តាលអាមេរិកនឹងមិនប្រញាប់ប្រញ៉ាលកាត់បន្ថយអត្រាការប្រាក់នោះទេ។ “ការជំរុញដោយទិន្នន័យ” បន្តត្រូវបានបញ្ជាក់សារជាថ្មីម្តងទៀត។ ដូចនេះ «កុំប្រឆាំងជាមួយធនាគារកណ្តាលអាមេរិក» ។

បើតាមការលើកឡើងពីលោក Raymond Sia នាយកប្រតិបត្តិធនាគារកាណាឌីយ៉ាដែលបានសរសេរអត្ថបទមួយទាក់ទិននឹងអត្រាការប្រាក់កាលពីមួយខែមុននៅលើ LinkedIn ផ្ទាល់ខ្លួនរបស់លោក បានឲ្យដឹងថា៖ នេះគឺធ្វើតាមនិន្នាការធ្លាក់ចុះនៃប្រាក់ដុល្លារសម្រាប់រយៈពេលបីខែកន្លងមក (ពីខែមិថុនាដល់ថ្ងៃទី២៤ ខែកញ្ញា) ដោយធនាគារកណ្តាលអាមេរិកបានកាត់បន្ថយអត្រាការប្រាក់ដល់ 50bps នៅចុងខែកញ្ញា ឆ្នាំ២០២៤។ បន្ទាប់មក ប្រាក់ដុល្លារបានចាប់ផ្តើមគន្លងកើនឡើងរបស់ខ្លួន បើទោះបីជាតម្លៃទីផ្សារមានការកាត់បន្ថយអត្រាការប្រាក់យ៉ាងតិចពីរបន្ថែមទៀតក៏ដោយ (ប្រហែលជាមានការកាត់បន្ថយតែមួយភាគប៉ុណ្ណោះដោយផ្អែកលើទិន្នន័យថ្មីៗ ) មុនឆ្នាំ២០២៤ត្រូវបានបញ្ចប់។ ដូច្នេះយើងមានសំណួរមួយចំនួនដែលគួរគិតពិចារណា។

តើនឹងមានអ្វីកើតឡើង ប្រសិនបើយើងយល់ខុសអំពីអតិផរណា?

ចុះប្រសិនបើធនាគារកណ្តាលសហរដ្ឋអាមេរិកគិតខុសអំពីគន្លងអតិផរណា ហើយអតិផរណានឹងត្រលប់មករំខានទីផ្សារ ខណៈដែលបុណ្យណូអែល/ឆ្នាំថ្មីឆ្នាំ២០២៥ ខិតជិតមកដល់?

នៅទូទាំងពិភពលោក សេដ្ឋកិច្ចនៃបណ្តាប្រទេសភាគច្រើនកំពុងបង្ហាញលទ្ធផលវិជ្ជមាននៅក្នុងការប្រយុទ្ធប្រឆាំងនឹងអតិផរណា។ នៅសហរដ្ឋអាមេរិក និងចក្រភពអង់គ្លេស អតិផរណានៅតែបន្តធ្លាក់ចុះបើប្រៀបធៀបទៅនឹងឆ្នាំមុន ប៉ុន្តែទិន្នន័យថ្មីៗនេះបានធ្វើឱ្យមានការភ្ញាក់ផ្អើល និងបង្កឱ្យមានការបារម្ភមួយចំនួន។ នៅក្នុងតំបន់អាស៊ាន ធនាគារកណ្តាលជាច្រើនបានរក្សាអត្រាការប្រាក់ ហើយប្រទេសមួយចំនួនថែមទាំងកាត់បន្ថយអត្រាគោលនយោបាយរូបិយវត្ថុក្នុងប្រទេសរបស់ពួកគេ ដូចជាធនាគារកណ្តាលថៃកាលពីសប្តាហ៍មុន។

យ៉ាងណាក៏ដោយ យើងត្រូវចាំថា រាល់ភាពតានតឹងភូមិសាស្ត្រនយោបាយដែលកើនឡើងបែបនេះនឹងជះឥទ្ធិពលដល់អតិផរណា ស្របនឹងការប្រញាប់ប្រញាល់រកកន្លែងសុវត្ថិភាព (ម្តងទៀត) និងផ្តល់នូវសន្ទុះបន្ថែមទៀតសម្រាប់ប្រាក់ដុល្លារ។ «អតិផរណាធ្វើឱ្យយើងធ្លាក់តម្លៃទាំងអស់គ្នា។»

សូមបញ្ជាក់ផងដែរថា លោក Raymond Sia បច្ចុប្បន្ន មានតួនាទីជានាយកប្រតិបត្តិនៃធនាគារកាណាឌីយ៉ា និងជាវាគ្មិនដែលមានបទពិសោធន៍ និងជាអ្នកសរសេរអត្ថបទអំពីធនាគារ ការប្តូរប្រាក់ និងភាពជាអ្នកដឹកនាំ។ ខាងលើគឺជាទស្សនៈផ្ទាល់ខ្លួនរបស់លោក ហើយមិនឆ្លុះបញ្ចាំងពីស្ថាប័នដែលលោកកំពុងបំពេញការងារឱ្យនោះទេ៕

ដកស្រង់និងប្រែសម្រួលពី៖ Link

The post តើធនាគារកណ្ដាលអាម៉េរិក នឹងបន្ថយអត្រា​ការ​ប្រាក់​ចុះបាន​ទៀត​ដល់កម្រិតណា? appeared first on .