នាឱកាសនោះ សម្តេចធិបតី ហ៊ុន ម៉ាណែត បានបង្ហាញក្តីរំភើបដែលបានឃើញសមិទ្ធផលថ្មីរបស់កម្ពុជា ដែលនេះគឺជាសមិទ្ធផលជាតិដ៏គាប់ប្រសើរ និងជាអាកាសយានដ្ឋានអន្តរជាតិដ៏ធំ សម្រាប់ទាក់ទាញភ្ញៀងទេសចរណ៍ និងការវិនិយោគមកគ្រប់ទិសទី។សម្តេចសង្ឃឹមថា អាកាសយានដ្ឋាននេះ គឺជាមធ្យោបាយធ្វើដំណើរដឹកជញ្ជូនដ៏ចាំបាញ់លើវិស័យទេសចរណ៍ កាទូត នយោបាយ និងវិស័យជាច្រើនទៀត ដែលមិនអាចខ្វះបាន ខណៈអាកាសយានដ្ឋានថ្មីរបស់កម្ពុជានេះអាចទទួលជើងយន្តហោះខ្នាតអន្តរជាតិជាច្រើននៅជុំវិញពិភពលោកផងដែរ។

សូមជម្រាបថា គិតត្រឹមចុងខែធ្នូ កន្លងទៅនេះ អាកាសយានដ្ឋានអន្តរជាតិ តេជោ ដែលមានតម្លៃវិនិយោគប្រមាណ១ពាន់៥រយលានដុល្លារអាម៉េរិកសម្រេចការសាងសង់បានជាង៩២%ហើយ ដោយចំណាយថវិកាអស់ប្រមាណជិត១,៣៣៩លានដុល្លារ។

អាកាសយានដ្ឋានប្រភេទ 4F ដែលអភិវឌ្ឍន៍លើផ្ទៃដី២ពាន់៦រយហិកតានេះ គ្រោងសម្ពោធដាក់ឱ្យដំណើរការដំណាក់កាលទី១នៅអំឡុងខែកក្កដា ឆ្នាំ២០២៥ ខណៈកាលពីដំបូងគ្រោងដាក់ឱ្យដំណើរការនៅអំឡុងឆមាសទី១ក្នុងឆ្នាំដដែល។ កម្ពុជារំពឹងថា តាមរយៈព្រលានយន្តហោះនេះវានឹងចូលរួមចំណែកយ៉ាងសំខាន់ក្នុងការតភ្ជាប់ការដឹកជញ្ជូនតាមផ្លូវអាកាសរបស់កម្ពុជាទៅកាន់ទីផ្សារក្នុងតំបន់ និងពិភពលោក។

អាកាសយានដ្ឋានអន្តរជាតិតេជោ សាងសង់លើផ្ទៃដីប្រមាណ២ពាន់៦រយហិកតា ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល និងមួយផ្នែកស្ថិតនៅស្រុកបាទី ខេត្តតាកែវ។ អាកាសយានដ្ឋាននេះជាប្រភេទ 4F ដែលមានសមត្ថភាពអាចឱ្យប្រភេទយន្តហោះហោះធុនយក្សដូចជា Airbus A380-800 និង Boeing 747-800 អាចចុះចតបាន៕ អត្ថបទ៖​ហ្សាលីន

The post សម្តេចធិបតី ដាក់ឱ្យប្រើប្រាស់អាកាសយានដ្ឋានអន្តរជាតិតេជោ តម្លៃជាង១ ៥០០ លានដុល្លារ ជាផ្លូវការ appeared first on .

រដ្ឋលេខាធិការដ្ឋានអាកាសចរណ៍ស៊ីវិល បានឱ្យដឹងថា រាជរដ្ឋាភិបាលកម្ពុជា បានឯកភាពជាគោលការណ៍ កំណត់យកថ្ងៃទី២០ ខែតុលា ឆ្នាំ២០២៥ ចាប់ពីម៉ោង ៦:០០នាទី ដល់ម៉ោង ១២:០០នាទីព្រឹក សម្រាប់ការរៀបចំពិធីសម្ពោធដាក់ឱ្យប្រើប្រាស់ជាផ្លូវការ អាកាសយានដ្ឋានអន្តរជាតិតេជោ (KTI) លំដាប់ថ្នាក់ 4F ក្រោមអធិបតីភាពដ៏ខ្ពង់ខ្ពស់បំផុតរបស់ សម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ដើម្បីឱ្យការរៀបចំពិធីសម្ពោធជាផ្លូវការខាងលើនេះ ប្រព្រឹត្តទៅដោយរលូន ព្រមទាំងរក្សាបាននូវ សណ្តាប់ធ្នាប់ និងរបៀបរៀបរយសាធារណៈ រដ្ឋលេខាធិការដ្ឋានអាកាសចរណ៍ស៊ីវិល ស្នើសុំបងប្អូនមេត្តាយោគយល់ ប្រជាពលរដ្ឋទាំងអស់ដែលធ្វើដំណើរចេញ-ចូលឆ្លងកាត់អាកាសយានដ្ឋានអន្តរជាតិតេជោ និងអធ្យាស្រ័យ ដោយទីតាំងខាងលើនេះនឹងមានការរឹតបន្តឹងសន្តិសុខ និងសុវត្ថិភាព។

សូមបញ្ជាក់ថា អាកាសយានដ្ឋានអន្តរជាតិតេជោ (KTI) លាតសន្ធឹងលើផ្ទៃដី  ២,៦០០ ហិកតា ស្ថិតនៅស្រុកកណ្ដាលស្ទឹង ខេត្តកណ្ដាល និងផ្នែកខ្លះនៃស្រុកបាទី ខេត្តតាកែវ។ អាកាសយានដ្ឋានថ្មីនេះ មានទីតាំងយុទ្ធសាស្ត្រនៅភាគខាងត្បូងនៃរាជធានីភ្នំពេញ ដែលមានចម្ងាយប្រមាណ ២០ គីឡូម៉ែត្រពីកណ្ដាលក្រុង។

អាកាសយានដ្ឋានមួយនេះជាអាកាសយានដ្ឋានខ្នាតធំមិនធ្លាប់មាននៅកម្ពុជា ដែលត្រូវបានចាត់ថ្នាក់ ជាអាកាសយានដ្ឋាន 4F។ អាកាសយានដ្ឋានលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

មកដល់ពេលនេះ អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ សម្រាប់ដំណាក់កាលទី១។ អាកាសយានដ្ឋានអន្តរជាតិតេជោ ជាស្នាដៃកូនខ្មែរ និងជាសមិទ្ធផលដ៏អស្ចារ្យក្រោមសម័យតេជោធិបតី និងជាអាកាសយានដ្ឋានអន្តរជាតិ ជាប់ឈ្មោះជាសំណង់ស្ថាបត្យកម្មដ៏អស្ចារ្យបំផុតនៅលើពិភពលោក៕

The post នៅសល់តែប៉ុន្មានថ្ងៃទៀតប៉ុណ្ណោះ អាកាសយានដ្ឋានអន្តរជាតិតេជោ លំដាប់ 4F នឹងសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាព សម្តេចធិបតី ហ៊ុន ម៉ាណែត appeared first on .

សម្តេចតេជោ ហ៊ុន សែន  បានបញ្ជាក់នៅលើបណ្តាញសង្គមហ្វេសប៊ុកកាលពីពេលថ្មីៗនេះថា ការបើកដំណើរការនេះ គឺជាការបោះជំហានដ៏សំខាន់មួយសម្រាប់វិស័យអាកាសចរណ៍ និងសេដ្ឋកិច្ចកម្ពុជា ព្រមទាំងបានចូលខ្លួនមកជំនួសតួនាទីអាកាសយានដ្ឋានអន្តរជាតិភ្នំពេញបច្ចុប្បន្ន ដើម្បីក្លាយជាមជ្ឈមណ្ឌលអាកាសចរណ៍ដ៏សំខាន់សម្រាប់កម្ពុជា។

ជាមួយគ្នានេះ សម្តេចតេជោ បានបញ្ជាក់ថា វិស័យអាកាសចរណ៍ គឺជាមធ្យោបាយធ្វើដំណើរដឹកជញ្ជូនមួយក្នុងចំណោមមធ្យោបាយជាច្រើន ដែលអាចភ្ជាប់ទំនាក់ទំនងរបស់អ្នកទេសចរ ធុរកិច្ច នយោបាយ និងបេសកកម្មពហុបំណង និងជាប្រភពសេដ្ឋកិច្ចយ៉ាងសំខាន់សម្រាប់ប្រទេស ពិសេសឈរលើគោលនយោបាយយ៉ាងជាក់លាក់ក្នុងការទាក់ទាញការវិនិយោគ ទំនាក់ទំនង ការទូត និងគោលដៅផ្សេងៗរាប់មិនអស់។

អាស្រ័យហេតុនេះ សម្តេចតេជោថា កម្ពុជា ក៏បានពង្រឹង និងពង្រីកខ្លួនយ៉ាងសកម្មក្នុងការកសាងអាកាសយានដ្ឋានកម្រិតអន្តរជាតិនេះ ដើម្បីចូលរួមចំណែកក្នុងការបម្រើដល់សេចក្តីត្រូវការ កំណើននៃការធ្វើដំណើរ តភ្ជាប់ទំនាក់ទំនងយ៉ាងសកម្មរបស់អ្នកដំណើរ ពិសេសការតម្រង់គោលដៅមកកាន់កម្ពុជា។

សូមជម្រាបថា “ អាកាសយានដ្ឋានអន្តរជាតិតេជោ ” ដែលជាស្នាដៃដ៏ធំ និងជាមោទនភាពថ្មីមួយរបស់កម្ពុជា គឺបានប្រកាសបើកដំណើរការ កាលពីថ្ងៃទី៩ ខែកញ្ញា ឆ្នាំ២០២៥ ហើយនឹងសម្ពោធផ្លូវការនៅថ្ងៃទី២០ ខែតុលា ឆ្នាំ២០២៥ ក្រោមអធិបតីដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ។

អាកាសយានដ្ឋានអន្តរជាតិតេជោ ត្រូវបានសាងសង់លើផ្ទៃដីដ៏ធំទូលាយប្រមាណ ២,៦០០ ហិកតា ស្ថិតនៅស្រុកកណ្ដាលស្ទឹង ខេត្តកណ្ដាល និងផ្នែកខ្លះនៃស្រុកបាទី ខេត្តតាកែវ។ អាកាសយានដ្ឋានថ្មីនេះ មានទីតាំងយុទ្ធសាស្ត្រនៅភាគខាងត្បូងនៃរាជធានីភ្នំពេញ ដែលមានចម្ងាយប្រមាណ ២០ គីឡូម៉ែត្រពីកណ្ដាលក្រុង។

លក្ខណៈសម្គាល់ដ៏សំខាន់មួយរបស់អាកាសយានដ្ឋាននេះ គឺវាត្រូវបានចាត់ថ្នាក់ជាអាកាសយានដ្ឋានលំដាប់ 4F ដែលជាកម្រិតខ្ពស់បំផុតនៅក្នុងវិស័យអាកាសចរណ៍អន្តរជាតិ។ ជាមួយនឹងចំណាត់ថ្នាក់នេះ អាកាសយានដ្ឋានអាចទទួលយន្តហោះគ្រប់ប្រភេទ រួមទាំងយន្តហោះខ្នាតយក្សដូចជា Airbus A380 និង Boeing 747 ផងដែរ។

ក្នុងដំណាក់កាលទី១ ព្រលានយន្តហោះថ្មីនេះមានសមត្ថភាពអាចទទួលអ្នកដំណើរបានរហូតដល់ ១៣ លាននាក់ក្នុងមួយឆ្នាំ និងដោះស្រាយទំនិញបានរហូត ២៦,០០០ តោន៕ អត្ថបទ៖​ហ្សាលីន

The post សម្តេចតេជោ៖ អាកាសយានដ្ឋានអន្តរជាតិថ្មី នឹងក្លាយជាមជ្ឈមណ្ឌលអាកាសចរណ៍ដ៏សំខាន់សម្រាប់កម្ពុជា appeared first on .

ការបិទទ្វារអាកាសយានដ្ឋានវ័យចំណាស់មួយនេះ បានបន្សល់ទុកនូវអនុស្សាវរីយ៍ជាច្រើន ជាកន្លែងជួប កន្លែងលើកដៃលា កន្លែងរំភើប កន្លែងនឹកព្រួយពីអ្នកដំណើរឆ្លងកាត់អាកាសយានដ្ឋានមួយនេះ។

បក្សីស្លាបដែកជាច្រើនគ្រឿងធ្លាប់ចំណត ត្រដាងស្លាបចុះឡើង នឹងត្រូវបង្អែរគោលដៅហោះ-ហើរ ទៅកាន់អាកាសយានដ្ឋានថ្មី (អាកាសយានដ្ឋានអន្តរជាតិតេជោ) លាតសន្ធឹងលើផ្ទៃដី ២ ៦០០ហិចតា ស្ថិតនៅឃុំព្រែកស្លែង ស្រុកកណ្តាលស្ទឹង ខេត្តកណ្តាល និងមួយផ្នែកស្ថិតនៅស្រុកបាទី ខេត្តតាកែវ ចម្ងាយ ប្រមាណ២០គីឡូម៉ែត្រពីរាជធានីភ្នំពេញ។

អាកាសយានដ្ឋានអន្តរជាតិភ្នំពេញ ឬអាកាសយានដ្ឋានពោធិ៍ចិនតុង បានហែលឆ្លងកាត់ភាពជូរចត់ ដោយបានឈរជើងប្រតិបត្តិការទទួលអ្នកអ្នកដំណើរចេញ-ចូលកម្ពុជារយៈ៦៦ឆ្នាំ ចាប់តាំងពីឆ្នាំ១៩៥៩។ ព្រលានមួយនេះ ស្ថិតនៅចម្ងាយប្រហែល១០គីឡូម៉ែត្រពីរាជធានីភ្នំពេញ នៅលើផ្លូវសហព័ន្ធរុស្សី ទៅដល់រង្វង់មូលចោមចៅ ដែលកាលពីមុនមានឈ្មោះថា «អាកាសយានដ្ឋានអន្តរជាតិពោធិ៍ចិនតុង» ក្រោយមកក្នុងឆ្នាំ២០០៣ ទើបប្តូរឈ្មោះមកជា «អាកាសយានដ្ឋានអន្តរជាតិភ្នំពេញ»វិញ។

ដើម្បីជួយសម្រួលអាកាសយានដ្ឋានអន្តរជាតិភ្នំពេញ និងលើកផ្នែកអាកាសចរណ៍ឲ្យមានការរីកចម្រើនជាងមុន រាជរដ្ឋាភិបាលបានផ្តល់សិទ្ធិឲ្យក្រុមហ៊ុន CAIC ដែលជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា និងក្រុមហ៊ុន OCIC សាងសង់ និងអភិវឌ្ឍអាកាសយានដ្ឋានអន្តរជាតិភ្នំពេញថ្មី នៅខេត្តកណ្តាល និងខេត្តតាកែវ លើផ្ទៃដីទំហំ ២ ៦០០ហិកតា ស្ថិតនៅចម្ងាយ ប្រមាណ២០គីឡូម៉ែត្រពីភ្នំពេញ។

មកដល់ពេលនេះ អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ សម្រាប់ដំណាក់កាលទី១។ អាកាសយានដ្ឋានអន្តរជាតិតេជោ ជាស្នាដៃកូនខ្មែរ និងជាសមិទ្ធផលដ៏អស្ចារ្យក្រោមសម័យតេជោធិបតី និងជាអាកាសយានដ្ឋានអន្តរជាតិ ជាប់ឈ្មោះជាសំណង់ស្ថាបត្យកម្មដ៏អស្ចារ្យបំផុតនៅលើពិភពលោក។

សូមបញ្ជាក់ថា អាកាសយានដ្ឋានមួយនេះជាអាកាសយានដ្ឋានខ្នាតធំមិនធ្លាប់មាននៅកម្ពុជា ដែលត្រូវបានចាត់ថ្នាក់ ជាអាកាសយានដ្ឋាន 4F។ អាកាសយានដ្ឋានលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

អាកាសយានដ្ឋានអន្តរជាតិតេជោ បានត្រៀមខ្លួនរួចជាស្រេចក្នុងការស្វាគមន៍ ទទួលភ្ញៀវទេសចរ និងធុរជនជាតិនិងអន្តរជាតិ ពីគ្រប់ទិសទីនៅលើពិភពលោក៕

The post រាត្រីចុងក្រោយនៃការបិទអនុស្សាវរីយ៍រាប់ភ្លេចក្នុងអាកាសយានដ្ឋានពោធិ៍ចិនតុងឈានមកដល់ និងជារាត្រីនៃការបើកទ្វារស្វាគមន៍អាកាសយានដ្ឋានថ្មីលើផ្ទៃដីដ៏ធំភាគខាងត្បូងរាជធានីភ្នំពេញ appeared first on .

ឧកញ៉ា ឆាយ ស៊ីវលីន ប្រធានសមាគមទេសចរណ៍កម្ពុជាមានប្រសាសន៍ថា “តាមទស្សនៈរបស់លោកជំទាវអាកាសយានដ្ឋានអន្តរជាតិតេជោនេះនឹងចូលរួមលើកកម្ពស់កេរ្ដិ៍ឈ្មោះកម្ពុជាឱ្យស្មើមុខស្មើមាត់ជាមួយនិងបណ្ដាលប្រទទេសនៅក្នុងតំបន់និងពិភពលោក ដោយសារអាកាសយានដ្ឋានថ្មីនេះគឺជាគម្រោងដ៏ធំមួយបង្ហាញអំពីការរីកចម្រើននិងសក្ដានុពុលរបស់កម្ពុជា។ ជាភស្ដុតាងមួយដែលបានបង្ហាញឱ្យឃើញថាកម្ពុជាមានសមត្ថភាពនៅក្នុងការភិវឌ្ឍហេដ្ឋារចនាសម្ព័ន្ធខ្នាតយក្សនិងមានលទ្ធភាពក្នុងការក្លាយជាមជ្ឈមណ្ឌលទេសចរណ៍និងពាណិជ្ជកម្មដ៏សំខាន់មួយនៅក្នុងតំបន់”។

ឧកញ៉ាបន្តទៀតថា ផ្អែកទៅលើវត្តមានអាកាសយានដ្ឋានថ្មីនេះ វិស័យទេសចរណ៍កម្ពុជាអាចនិងមានលទ្ធភាពទាក់ទាញការវិនិយោគពីក្រុមហ៊ុនអន្តរជាតិធំៗបានច្រើន ហើយដើម្បីផ្ដល់ទំនុកចិត្តដល់អ្នកវិនិយោគខាងក្រៅ៖ទី១)កម្ពុជាគួរតែបន្តរដាក់នៅគោលនរយោបាយដែលមានតម្លាភាពនិងភាពងាយស្រួល, ទី២)ការលើកទឹកចិត្តទៅលើពន្ធដារគួរតែផ្ដល់ការលើកលែងពន្ធនិងការលើកទឹកចិត្តផ្សេងៗទៀតទៅដល់អ្នកវិនិយោគ, ទី៣) ការការពារអ្នកវិនិយោគដោយត្រូវធានាផ្នែកច្បាប់ទៅលើក្រុនហ៊ុនបរទេសនិងទី៤)ពង្រឹងកិច្ចសហប្រតិបត្តិការរវាងស្ថាប័នរដ្ឋនិងឯកជនដើម្បីបង្កើតបរិយាកាសវិនិយោគប្រកបដោយភាពងាយស្រួល។

ឧកញ៉ា ឆាយ ស៊ីវលីន មានប្រសាសន៍ថា “ស្របពេលអាកាសយានដ្ឋានអន្តរជាតិតេជោថ្មីឈានជិតទៅដល់ថ្ងៃបើកសម្ពោធជាផ្លូវការនាពេលដ៏ខ្លីខាងមុខនេះ, ខ្ញុំសូមលើកទឹកចិត្តដល់បងប្អូនដែលប្រកបរបរនៅក្នុងវិស័យទេសចរណ៍ទាំងអស់សូមបន្តពង្រឹងគុណភាពសេវាកម្មឱ្យកាន់តែល្អប្រសើរនិងមានវិជ្ជាជីវៈផ្ដល់នូវភាពរស់រាយរាក់ទាក់ដែលជាចំណុចពិសេសរបស់ប្រជាជនកម្ពុជា ដោយបង្កើតនូវផលិតផលសេវាកម្មថ្មីៗដើម្បីទាក់ទាញភ្ញៀវ និងផ្ដល់បទពិសោធន៍ប្លែកៗជូនពួកគាត់បានចូលរូមក្នុងវគ្គបណ្ដុះបណ្ដាលបន្ថែមដើម្បីបង្កើនសមត្ថភាពនិងចំណេះដឹង។ លើសនេះចូលរួមផ្សព្វផ្សាយអំពីភាពវិជ្ជមានរបស់ប្រទេសកម្ពុជានៅក្នុងបណ្ដាញទំនាក់ទំនងសង្គមនានាដែលកំពុងប្រើប្រាស់ ដើម្បីឱ្យពិភពលោកបានដឹងអំពីកម្ពុជាជាគោលដៅទេសចរណ៍ដែលមានសុវត្ថិភាព៕

The post ឧកញ៉ា ឆាយ ស៊ីវលីន៖ ព្រលានយន្តអន្តរជាតិតេជោនឹងលើកស្ទួយកេរ្តិ៍ឈ្មោះកម្ពុជាឱ្យស្មើមុខស្មើមាត់ជាមួយប្រទេសក្នុងតំបន់និងពិភពលោក appeared first on .

អាកាសយានដ្ឋានអន្តរជាតិតេជោ ដែលជាស្នាដៃកូនខ្មែរ  និងជាសមិទ្ធផលដ៏អស្ចារ្យក្រោមសម័យតេជោធិបតី និងជាអាកាសយានដ្ឋានអន្តរជាតិ ជាប់ឈ្មោះជាសំណង់ស្ថាបត្យកម្មដ៏អស្ចារ្យបំផុតនៅលើពិភពលោក បានត្រៀមខ្លួនរួចជាស្រេចក្នុងការស្វាគមន៍ ទទួលភ្ញៀវទេសចរ និងធុរជនជាតិនិងអន្តរជាតិ ពីគ្រប់ទិសទីនៅលើពិភពលោក។

អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ សម្រាប់ដំណាក់កាលទី១ និង ជាប់ចំណាត់ថ្នាក់លេខ ៩ នៃគម្រោងស្ថាបត្យកម្មពិភពលោកទាំង ១១ ក្នុងឆ្នាំ២០២៥ ដោយផ្អែកលើប្រណីតភាព រចនាបថ និងបរិស្ថានប្រកបទៅដោយរុក្ខជាតិបៃតង និងបានសាងសង់ឡើងលើផ្ទៃដីជាង ២ ៦០០ហិកតា។

សូមបញ្ជាក់ថា ព្រលានយន្តហោះនេះជាព្រលានខ្នាតធំមិនធ្លាប់មាននៅកម្ពុជា ស្ថិតនៅចម្ងាយ ១៩គីឡូម៉ែត្រ ពីរាជធានីភ្នំពេញ ដែលត្រូវបានចាត់ថ្នាក់ ជាអាកាសយានដ្ឋាន 4F។ ព្រលានយន្តហោះលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

អាកាសយានដ្ឋានអន្តរជាតិតេជោ គ្រោងនឹងបើកដំណើរការសាកល្បងនៅថ្ងៃទី៩ ខែកញ្ញា ឆ្នាំ២០២៥ ខណៈអាកាសយានដ្ឋានអន្តរជាតិភ្នំពេញ(ពោធិ៍ចិនតុង) ដែលឈរជើងប្រតិបត្តិការទទួលអ្នកអ្នកដំណើរចេញ-ចូលកម្ពុជាជិត៧០ឆ្នាំ ចាប់តាំងពីឆ្នាំ១៩៥៩មក នឹងគ្រោងបិទទ្វានៅយប់ថ្ងៃទី៩ ខែកញ្ញា ឆ្នាំ២០២៥៕

The post បាំងមួយសប្តាហ៍ទៀតប៉ុណ្ណោះ! អាកាសយានដ្ឋានអន្តរជាតិតេជោ លំដាប់4F នឹងបើកទ្វារស្វាគមន៍ភ្ញៀវទេសចរជាតិ និងអន្តរជាតិ appeared first on .

គណៈប្រតិភូក្រសួងទេសចរណ៍ វិស័យឯកជន មគ្គុទ្ទេសក៍ទេសចរណ៍ និងក្រុមអ្នកផលិតមាតិកាទេសចរណ៍ប្រមាណ ៣០០នាក់ កាលពីថ្ងៃ១៦ ខែសីហា បានធ្វើដំណើរទស្សនកិច្ចនៅអាកាសយានដ្ឋានអន្តរជាតិដ៏ធំមួយនេះ ផ្តិតយករូបភាពដ៏អស្ចារ្យដែលផុសនៅភាគខាងត្បូងរាជធានីភ្នំពេញ នៃប្រទេសកម្ពុជា។

លោកឧកញ៉ា ឆារស៍ វ៉ាន់ នាយកគ្រប់គ្រងនៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានបានបង្ហាញពីការត្រៀមខ្លួនរួចរាល់ក្នុងការទទួលជើងហោះហើរជាតិនិងអន្តរជាតិគ្រប់កម្រិត និងគ្រប់ប្រភេទពីគ្រប់ទិសទីនៅលើពិភពលោកមកកាន់ព្រះរាជាណាចក្រកម្ពុជា។

លោកបានបន្តថា អាកាសយានដ្ឋានអន្តរជាតិតេជោបានចំណាយថវិកាសាងសង់អស់ទឹកប្រាក់ប្រមាណជាង ២០០០លានដុល្លារ សម្រាប់ដំណាក់កាលទី១ និង ជាប់ចំណាត់ថ្នាក់លេខ ៩ នៃគម្រោងស្ថាបត្យកម្មពិភពលោកទាំង ១១ ក្នុងឆ្នាំ២០២៥ ដោយផ្អែកលើប្រណីតភាព រចនាបថ និងបរិស្ថានប្រកបទៅដោយរុក្ខជាតិបៃតង និងបានសាងសង់ឡើងលើផ្ទៃដីជាង ២ ៦០០ហិកតា។

រដ្ឋមន្រ្តីក្រសួងទេសចរណ៍ លោក ហួត ហាក់ បានកោតសរសើរចំពោះអាកាសយានដ្ឋានអន្តរជាតិតេជោ ដែលជាស្នាដៃកូនខ្មែរ  និងជាសមិទ្ធផលដ៏អស្ចារ្យក្រោមសម័យតេជោធិបតី។ នេះគឺជាមោទនភាពសម្រាប់ប្រជាជនកម្ពុជាគ្រប់រូប ដែលមានអាកាសយានដ្ឋានធំបំផុតលំដាប់អន្តរជាតិ និងជាតម្លៃបន្ថែមខ្ពស់សម្រាប់វិស័យទេសចរណ៍។

សូមបញ្ជាក់ថា ព្រលានយន្តហោះលំដាប់ 4F នេះអាចទទួលយន្តហោះខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។

អាកាសយានដ្ឋានអន្តរជាតិតេជោ គ្រោងនឹងបើកដំណើរការសាកល្បងនៅថ្ងៃទី៩ ខែកញ្ញា ឆ្នាំ២០២៥ ខណៈអាកាសយានដ្ឋានអន្តរជាតិភ្នំពេញ(ពោធិ៍ចិនតុង) ដែលឈរជើងប្រតិបត្តិការទទួលអ្នកអ្នកដំណើរចេញ-ចូលកម្ពុជាជិត៧០ឆ្នាំ ចាប់តាំងពីឆ្នាំ១៩៥៩មក នឹងគ្រោងបិទទ្វានៅយប់ថ្ងៃទី៩ ខែកញ្ញា ឆ្នាំ២០២៥៕

The post អាកាសយានដ្ឋានអន្តរជាតិតេជោ លំដាប់4F បានត្រៀមខ្លួនរួចជាស្រេចក្នុងការទទួលភ្ញៀវទេសចរ និងធុរជនជាតិនិងអន្តរជាតិ ពីគ្រប់ទិសទីនៅលើពិភពលោក appeared first on .

ពិធីសម្ពោធដាក់ឱ្យប្រើប្រាស់ជាផ្លូវការនៅថ្ងៃទី២០ ខែតុលា ឆ្នាំ២០២៥ ក្រោមវត្តមាន សម្តេចមហាបរវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រ កម្ពុជា។

ការកំណត់ពេលវេលានេះបង្ហាញពីការបន្តផ្តោតលើបទពិសោធន៍អ្នកដំណើរ ដោយភាគីពាក់ព័ន្ធទាំងអស់កំពុងប្រើពេលបន្ថែមនេះដើម្បីពង្រឹងការរៀបចំ និងស្វាគមន៍អ្នកដំណើរ។

អាកាសយានដ្ឋានអន្តរជាតិតេជោទន្ទឹងរង់ចាំស្វាគមន៍អ្នកដំណើរមកពីទូទាំងប្រទេស និងជុំវិញពិភពលោក។​

The post ការបើកប្រតិបត្តិការអាកាសយានដ្ឋានអន្តរជាតិតេជោ ត្រូវបានកំណត់​នៅថ្ងៃទី០៩ ខែកញ្ញា appeared first on .

សេចក្តីជូនដំណឹងខាងលើបានឱ្យដឹងបន្តថា យោងតាមចំណារដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា ចុះថ្ងៃទី២១ ខែឧសភា ឆ្នាំ២០២៥ រាជរដ្ឋាភិបាល បានឯកភាពជាគោលការណ៍ ៖

កំណត់យកថ្ងៃទី៩ ខែកញ្ញា ឆ្នាំ២០២៥ ជាកាលបរិច្ឆេទបើកឱ្យប្រតិបត្តិការអាកាសយានដ្ឋាន អន្តរជាតិតេជោ លំដាប់ថ្នាក់ 4F ជាផ្លូវការ។

កំណត់យកថ្ងៃចន្ទ ទី២០ ខែតុលា ឆ្នាំ២០២៥ សម្រាប់រៀបចំពិធីសម្ពោធបើកឱ្យប្រើប្រាស់ អាកាសយានដ្ឋានអន្តរជាតិតេជោ លំដាប់ថ្នាក់ 4F ជាផ្លូវការ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។

បន្ទាប់ពីអាកាសយានដ្ឋានអន្តរជាតិតេជោ បើកឱ្យដំណើរការជាផ្លូវការ អាកាសយានដ្ឋានអន្តរជាតិភ្នំពេញដែលកំពុងតែមមាញឹកប្រតិបត្តិការទទួលអ្នកអ្នកដំណើរចេញ-ចូលនឹងត្រូវបិទទ្វារ។

ការបិទទ្វាដែលទទួលអ្នកដំណើររបស់ព្រលានយន្តហោះនេះ គឺដើម្បីផ្លាស់ប្តូរទៅអាកាសយានដ្ឋានអន្តរជាតិតេជោ ដែលត្រូវបានស្គាល់ជា អាកាសយានដ្ឋានធំបំផុតនៅកម្ពុជា សាងសង់បានជាង៩០%ហើយ។

សូមជម្រាបថា អាកាសយានដ្ឋានអន្តរជាតិតេជោ សាងសង់ឡើងលើផ្ទៃដីជាង ២ ៦០០ហិចតា ជាព្រលានយន្តហោះលំដាប់ 4F អាចធ្វើឱ្យយន្តខ្នាតធំចុះចតបានដូចជា ប្រភេទ Airbus A380 និង ប្រភេទ Boeing 747 និងអាចទទួលអ្នកដំណើរបានរហូតដល់ ១៣លាននាក់ ក្នុង១ឆ្នាំ ក្នុងដំណាក់កាលទី១។ ជាមួយគ្នានេះ ក្រុមហ៊ុនវិនិយោគ មានមហិច្ឆិតាអភិវឌ្ឍន៍ ជាព្រលានយន្តហោះថ្មីនេះ ឱ្យធំ និងទំនើបជាងគេនៅតំបន់អាស៊ីផងដែរ៕

The post អាកាសយានដ្ឋានអន្តរជាតិតេជោ តម្លៃជាង១ ៥០០លានដុល្លារ នឹងសម្ពោធដាក់ឱ្យប្រើប្រាស់ជាផ្លូវការនៅខែតុលា ខាងមុខ appeared first on .

តាមប្រភពខាងលើ ភ្នាក់ងារផ្ដល់ហិរញ្ញប្បទានមួយនេះ នឹងចេញផ្សាយឯកសារអំពីការវាយតម្លៃផលប៉ះពាល់ដល់បរិស្ថាន និងសង្គម (ESAI) នៃគម្រោងអាកាសយានដ្ឋានអន្តរជាតិតេជោ ដែលមានទីតាំងស្ថិតក្នុងខេត្តកណ្ដាល ចម្ងាយ ២០គីឡូម៉ែត្រ ពីរាជធានីភ្នំពេញ មានតម្លៃ ១,៥ពាន់លានដុល្លារ។ ឯកសារទាំងនេះ នឹងត្រូវបើកចំហសម្រាប់សាធារណៈមតិ រហូតដល់ថ្ងៃ ១២ ខែកក្កដា ប៉ុន្ដែមិនបានបញ្ជាក់អំពីទំហំហិរញ្ញប្បទាន និងលក្ខខណ្ឌហិរញ្ញប្បទាន ដែលបានស្នើឡើងនោះទេ។

ក្នុងការសាងសង់អាកាសយានដ្ឋានអន្តរជាតិតេជោដ៏ធំជាប្រវត្តិសាស្ត្រ រាជរដ្ឋាភិបាលកម្ពុជា បានជំរុញឱ្យមានការបោះផ្សាយលក់បណ្ណបំណុល ដោយក្រុមហ៊ុន OCIC ដែលជាអ្នកវិនិយោគសាងសង់គម្រោងព្រលានយន្ដហោះថ្មីនេះ ដោយការបោះផ្សាយបណ្ណបំណុលមាន អត្រាការប្រាក់ ឬកូប៉ុង ៥,៥% ក្នុងមួយឆ្នាំ និងមានការសងត្រឡប់វិញរយៈពេល ៣ឆ្នាំ។ បណ្ណបំណុលដែលបានបោះផ្សាយទាំងនោះ ត្រូវបានទិញក្នុងទំហំធំ ដោយធនាគារ ក្រុមហ៊ុនធានារ៉ាប់រង និង ស្ថាប័នហិរញ្ញវត្ថុក្នុងស្រុក ដែលមានតម្លៃសរុបប្រមាណ ៣០០លានដុល្លារ។

សាជីវកម្មហិរញ្ញវត្ថុអភិវឌ្ឍន៍អន្តរជាតិ (DFC) ត្រូវបានបង្កើតឡើងដោយ លោក ដូណាល់ ត្រាំ អំឡុងពេលអាណត្តិដំបូងរបស់លោក ដើម្បីផ្ដល់ហរិញ្ញប្បទានដល់គម្រោងវិនិយោគឯកជន។ ទោះយ៉ាងណា ការផ្តល់ហិរញ្ញប្បទានរបស់ DFC ក៏តម្រូវឱ្យមានលក្ខខណ្ឌអនុលោមតាមសាជីវកម្មហិរញ្ញវត្ថុអន្តរជាតិរបស់ធនាគារពិភពលោក រួមបញ្ចូលទាំងផលប៉ះពាល់ដល់ការតាំងលំនៅរបស់ប្រជាពលរដ្ឋផងដែរ។

សូមជម្រាបថា អាកាសយានដ្ឋានអន្តរជាតិតេជោ ជំហានទី១ នឹងបើកដាក់ឱ្យដំណើរការជាផ្លូវការ នៅថ្ងៃទី១០ ខែកក្កដា ឆ្នាំ២០២៥ ខាងមុខនេះ។ អាកាសយានដ្ឋានថ្មីនេះ ត្រូវបានអភិវឌ្ឍន៍ដោយក្រុមហ៊ុន Cambodia Airport Investment Co Ltd (CAIC) ដែលជាការរួមទុនគ្នារវាងក្រុមហ៊ុន OCIC របស់ លោកអ្នកឧកញ៉ា ពុង ឃាវសែ និងរដ្ឋលេខាធិការដ្ឋានអាកាសចរស៊ីវិលកម្ពុជា (SSCA)។ រាជរដ្ឋាភិបាលកម្ពុជារំពឹងថា អាកាសយានដ្ឋានថ្មីតម្លៃ ១,៥០០លានដុល្លារ នឹងអាចទទួលបានអ្នកដំណើរសរុបប្រមាណ ១៣ លាននាក់ក្នុងមួយឆ្នាំ៕

ប្រភព៖ Nikkei Asia

The post អាម៉េរិក កំពុងពិចារណាជួយគាំទ្រផ្នែកហិរញ្ញប្បទាន សាងសង់អាកាសយានដ្ឋានអន្តរជាតិតេជោ appeared first on .