អ្នកស្រី សំ ស្រីណា អាជីវករលក់ផ្លែឈើជាង១០ឆ្នាំនៅផ្សារច្បារអំពៅ បានឱ្យដឹងថា តម្រូវការផ្លែឈើគឺមានជារៀងរាល់ថ្ងៃ ដោយឡែកសម្រាប់ឱកាសបុណ្យទានបែបនេះ គឺមានតម្រូវការខ្លាំងលើសថ្ងៃធម្មតា ដោយថ្ងៃធម្មតាក្នុងមនុស្សម្នាក់ទិញតែ១គីឡូ ឬក៏២គីឡូ ប៉ុន្ដែសម្រាប់ថ្ងៃបុណ្យវិញប្រជាពលរដ្ឋទិញម្ដងចាប់ពី៧ម៉ឺន ទៅ១០ម៉ឺនរៀលនៅក្នុងម្នាក់ៗ។ តម្លៃផ្លែឈើកន្លែងលោកស្រី គឺមិនមានការឡើងថ្លៃនោះទេ ពោលគឺនៅថេរដដែល។ ចំពោះការរក្សាតម្លៃដដែលនេះ លោកស្រី សំ ស្រីណា បញ្ជាក់ថា ប្រសិនយើងលក់ខុសពីតម្លៃទីផ្សារ ពិបាកនៅក្នុងការលក់។ ផ្លែឈើសព្វថ្ងៃ ផ្លែក្រូច និងផ្លែប៉ោម ១គីឡូ ១៥០០០រៀល មង្ឃុត ១គីឡូ ១៣០០០រៀល ចំណែកឯផ្លែទឹកដោះគោ ១គីឡូ១០០០០រៀល។

អ្នកស្រី សំ សោភណ្ឌ អាជីវករលក់ផ្លែឈើជាង១០ឆ្នាំ បានឱ្យដឹងដែរថា តម្រូវការផ្លែឈើនៅសព្វថ្ងៃនេះ នៅមានសភាពស្ងប់ស្ងាត់នៅឡើយ ប្រហែលជាជិតដល់ថ្ងៃសែនទើបប្រជាពលរដ្ឋឡើងមកទិញតែម្ដង។ អ្នកស្រីបញ្ជាក់ថា ផ្លែឈើនៅកន្លែងអ្នកស្រី មិនមានការឡើងថ្លៃខ្ពស់នោះទេ ទោះមានតម្រូវការច្រើនយ៉ាងណាក៏ដោយ។

អ្នកស្រី សុន សាវ៉ន អាជីវករលក់គ្រឿងរណ្ដាប់តុបតែងសែនចិន បានឱ្យដឹងថា គ្រឿងរណ្ដាប់សែននេះ អ្នកស្រីលក់ដាច់តាំងពីកៀកថ្ងៃដកជើងធូបមកម្ល៉េះ ចំណែកតម្លៃវិញគឺមានការឡើងថ្លៃទៅតាមមុខទំនិញ។ អ្នកស្រីគូសបញ្ជាក់ថា ទោះជាមានតម្លៃឡើង ប៉ុន្ដែប្រជាពលរដ្ឋមានការយល់ដឹងច្រើនពីតម្លៃនេះ ព្រោះអាជីវករមិនមែនចេះតែឡើងតាមមាត់នោះទេ ដោយសារទិញមកពីគេថ្លៃដែរ ទើបយកមកលក់បន្ដមានការកើនខ្លះជារឿងធម្មតា។ ចំពោះគ្រឿងសែន ប្រជាពលរដ្ឋឡើងមកទិញម្ដងៗ ចំណាយថវិកាទិញប្រមាណជា១០ម៉ឺនទៅ៤០ម៉ឺនរៀល ទៅតាមលក្ខណៈគ្រួសារនីមួយៗ។

ដោយឡែកអាជីវករលក់នំពងទា បានឱ្យដឹងដែរថា តម្រូវការនំឡើងឬហៅថានំពងទានេះ មានតម្រូវខ្ពស់គួរសមផងដែរ ដោយប្រជាពលរដ្ឋចាប់ផ្ដើមទិញទៅសែនតាំងពីថ្ងៃដកជើងធូបមកម្ល៉េះ ។ ចំណែកឯតម្លៃនំវិញ អ្នកស្រីបញ្ជាក់ថា កន្លែងណាក៏ដូចកន្លែងណាដែរ គឺតម្លៃតែងតែឡើងខុសពីថ្ងៃធម្មតា ពី១០០០រៀល ទៅ២០០០រៀល។

ប៉ុន្ដែទោះបីជាយ៉ាងណា អ្នកស្រី ព្រំ ញឹប ជាអ្នកលក់ផ្កាអង្គារសិល្ប៍ បានឱ្យដឹងថា ការលក់នៅឆ្នាំនេះមិនសូវដាច់នោះទេ ពីព្រោះមានអ្នកលក់ច្រើន និងមិនសូវមានអ្នកមកជួយទិញ។ ផ្កានៅក្នុងមួយដើមគឺមានតម្លៃចាប់ពី១៥០០០រៀលឡើងទៅ តាមទំហំផ្កាល្អ និងមិនសូវល្អ។

ដោយឡែក លោក វ៉ន សាវិន ជាអ្នកលក់ផ្កាអង្គារសិល្ប៍ដូចគ្នានោះ ក៏បានបញ្ជាក់ផងដែរថា ការលក់នៅឆ្នាំនេះ គឺខ្សោយជាងឆ្នាំមុនៗ ៕

The post អាជីវករ៖ ទោះមានតម្លៃថ្លៃ ប្រជាពលរដ្ឋនៅតែសម្រុកទិញផ្លែឈើ ផ្កាភ្ញី គ្រឿងសែន ស្របពេលចូលឆ្នាំចិន-វៀតណាម ខិតជិតមកដល់ appeared first on .

អភិបាលរាជធានីភ្នំពេញបានណែនាំដល់ប្រធានគណៈកម្មការផ្សារត្រូវមើលឲ្យគ្រប់ជ្រុងជ្រោយនៅក្នុងផ្សារដែលខ្លួនគ្រប់គ្រងទាំងជីវភាពរស់នៅរបស់អាជីវករ ជាមួយនឹងការធ្វើស្ថិតិឲ្យបានច្បាស់លាស់ចំពោះអាជីវករដែលមានជីវភាពក្រីក្រ និងមធ្យម ដើម្បីងាយស្រួលថែទាំ។ បន្ថែមពីនេះ ត្រូវណែនាំប្រជាពលរដ្ឋ និងអាជីវករថែរក្សាអនាម័យ បរិស្ថាននៅក្នុងផ្សារជាប្រចាំ។

ទន្ទឹមនឹងនេះ លោក ឃួង ស្រេង បានជំរុញឲ្យអាជ្ញាធរខណ្ឌទាំង១៤ និងគណៈកម្មការផ្សាររដ្ឋទាំង២៥ ត្រូវពិនិត្យអនុវត្តការងារនេះឲ្យបានម៉ត់ចត់ សំដៅធ្វើយ៉ាងណាទទួលបានការគោរពស្រលាញ់ពីប្រជាពលរដ្ឋ និងអាជីវករ។

សូមជម្រាបជូនថា ប្រមុខរាជរដ្ឋាភិបាល សម្តេចមហាបវរធិបតី ហ៊ុន ម៉ាណែត ធ្លាប់បានបង្ហើបឲ្យដឹងកាលដើមខែកញ្ញានេះថា ក្រៅពីចុះជួបជាមួយកម្មករ និយោជិតនៅតាមបណ្តារោងចក្រនានា សម្តេចក៏មានគម្រោងចុះជួបជាមួយអាជីវករ និង អ្នករកស៊ីក្រៅប្រព័ន្ធនៅតាមផ្សារដើម្បីស្វែងយល់ពីទុក្ខលំបាក ក៏ដូចជារកដំណោះស្រាយជូន។

បើតាមសម្តេចធិបតីនាយករដ្ឋមន្រ្តី រាជរដ្ឋាភិបាលទទួលស្គាល់ថា បច្ចុប្បន្ននេះអាជីវករ និងអ្នករកស៊ីក្រៅប្រព័ន្ធ បានជួបបញ្ហាលំបាក និងការលក់ដូរ មានការថយចុះបន្ទាប់ពីមានការរាលដាលជំងឺកូវីដ១៩ បញ្ហាសង្រ្គាមភូមិសាស្រ្តនយោបាយជាដើម ដែលរដ្ឋាភិបាលត្រូវយកចិត្តទុកដាក់និងដាក់ចេញគោលនយោបាយដើម្បីការពារក្នុងការជួយដោះស្រាយការលំបាកដល់អ្នករកស៊ីនិងអាជីវករទាំងក្នុង និងក្រៅប្រព័ន្ធដែលជាការចូលរួមចំណែកកាត់បន្ថយភាពក្រីក្រ៕ អត្ថបទ៖ អក្ខរា

The post លោក ឃួង ស្រេង ហាមមិនឲ្យយកលុយពីអាជីវករលក់តាមកញ្ច្រែងល្អី និងពិនិត្យបញ្ចុះតម្លៃទឹកភ្លើងនៅតាមផ្សារ appeared first on .

យោងតាមសូចនាករសំខាន់ៗសម្រាប់អាស៊ីនិងប៉ាស៊ីហ្វិកឆ្នាំ ២០២៣ ដែលបានចេញផ្សាយនៅថ្ងៃនេះ បានឱ្យដឹងថា ប្រជាជនប្រមាណ ១៥៥,២ លាននាក់ក្នុងតំបន់ អាស៊ី និងប៉ាស៊ីហ្វិកកំពុងអភិវឌ្ឍ ឬ ៣,៩% នៃចំនួនប្រជាជនសរុបក្នុងតំបន់ បានរស់នៅក្នុងភាពក្រីក្រខ្លាំង គិតត្រឹមឆ្នាំមុន។

របាយការណ៍បានឱ្យដឹងទៀតថាចំនួននេះគឺ ៦៧,៨ លាននាក់ច្រើនជាងចំនួន ក្នុងករណីគ្មានជំងឺរាតត្បាត និងការកើន ឡើងនៃវិបត្តិថ្លៃទ្រទ្រង់ជីវភាព។ ភាពក្រីក្រខ្លាំងត្រូវបានកំណត់ថាជាការរស់នៅក្នុងស្ថានភាពដែលគិតជា ទឹកប្រាក់តិចជាង ២,១៥ ដុល្លារ ក្នុងមួយថ្ងៃ នេះផ្អែកលើមូលដ្ឋានតម្លៃឆ្នាំ ២០១៧ និងដែលត្រូវបានកែសម្រួលលើមូលដ្ឋានអំណាចទិញ និងអតិផរណា។

លោក Albert Park ប្រធានសេដ្ឋវិទូរបស់ ADB បានមានប្រសាសន៍ថា «អាស៊ី និងប៉ាស៊ីហ្វិកកំពុង ងើបឡើងវិញជាបណ្តើរៗពីជំងឺរាតត្បាតកូវីដ១៩ ប៉ុន្តែវិបត្តិថ្លៃទ្រទ្រង់ជីវភាពកើនឡើងកំពុងធ្វើឱ្យប៉ះពាល់ ដល់វឌ្ឍនភាពឆ្ពោះទៅរកការលុបបំបាត់ភាពក្រីក្រ។ តាមរយៈការពង្រឹងសំណាញ់សុវត្ថិភាពសង្គមសម្រាប់ ជនក្រីក្រនិងការជំរុញការវិនិយោគ និង ការច្នៃប្រឌិតដែលបង្កើតឱកាសសម្រាប់កំណើននិងការងារ រដ្ឋាភិបាលក្នុងតំបន់អាចស្តារស្ថានភាពឡើងវិញបាន»។

ប្រជាជនក្រីក្របានរងទុក្ខវេទនាបំផុតដោយសារវិបត្តិថ្លៃទ្រទ្រង់ជីវភាពកើនឡើង ដោយសារពួកគាត់មិនសូវមានលទ្ធភាពចំណាយច្រើនលើតម្រូវការចាំបាច់ដូចជាអាហារ និងប្រេងឥន្ធនៈ។ ការកើនឡើងនៃតម្លៃទំនិញ និងសេវាកម្មជាមូលដ្ឋានធ្វើឱ្យប្រជាជនក្រីក្រជាច្រើនមិនអាចសន្សំប្រាក់ ចំណាយលើការថែទាំសុខភាព ឬ វិនិយោគលើការអប់រំក៏ដូចជាឱកាសផ្សេងទៀតដែលអាចធ្វើឱ្យប្រសើរឡើងនូវស្ថានភាពរបស់ពួកគាត់ក្នុងរយៈពេលវែង។ ស្ត្រីក៏អាចទទួលរងផលប៉ះពាល់លើសពីនេះដែរ ព្រោះពួកគាត់ទំនងជារកចំណូលបានតិចជាងបុរស ខណៈដែលត្រូវទទួលរ៉ាប់រងការងារដែលគ្មានប្រាក់ខែផងដែរ។

របាយការណ៍ក៏កត់សម្គាល់ដែរថាអ្នកក្រមិនត្រឹមតែ រកប្រាក់ចំណូលបានតិចប៉ុណ្ណោះទេ ពួកគាត់ក៏ខាតបុព្វលាភដើម្បីទទួលបានទំនិញ និង សេវាកម្មសំខាន់ៗជាច្រើន ព្រោះត្រូវបង្ខំចិត្តជ្រើសរើសអ្វីដែលអាចនឹងកាន់តែខាតបង់ក្នុងរយៈពេលយូរ។ ជាឧទាហរណ៍ គ្រួសារដែលមានចំណូលទាបអាចត្រូវទិញទំនិញក្នុងបរិមាណតិច ដែលអាចថ្លៃជាងការទិញក្នុងបរិមាណច្រើន។ ពួកគាត់ក៏អាចត្រូវបង្ខំចិត្តរស់នៅក្នុងលំនៅបណ្តោះអាសន្ន ដែលអាចនាំមកនូវបញ្ហាប្រឈមកាន់តែខ្ពស់ដល់សុខភាព ដែលនឹងបង្កើនតម្លៃថែទាំសុខភាពរបស់ពួកគាត់ ហើយដែលពួកគាត់អាចត្រូវធ្វើដំណើរកាន់តែឆ្ងាយ និង ពិបាក។

ADB បានប៉ាន់ប្រមាណកាលពីឆ្នាំ ២០២១ ថាជំងឺរាតត្បាតបានជំរុញឱ្យមនុស្សពី ៧៥ ទៅ ៨០ លាននាក់បន្ថែមទៀតធ្លាក់ចូលទៅក្នុងភាពក្រីក្រខ្លាំងត្រឹមឆ្នាំមុននេះ បើធៀបនឹងការព្យាករមុនជំងឺរាតត្បាត។ ពេលនោះ ភាពក្រីក្រខ្លាំងត្រូវបានកំណត់ថាជាការរស់នៅក្នុងស្ថានភាពដែលគិតជាទឹកប្រាក់តិចជាង ១,៩០ ដុល្លារក្នុងមួយថ្ងៃ ដែលវាមានមូលដ្ឋានលើតម្លៃក្នុងឆ្នាំ ២០១១។

ប្រទេសក្នុងតំបន់អាស៊ីនិងប៉ាស៊ីហ្វិកកំពុងអភិវឌ្ឍ ត្រូវបានព្យាករថា នឹងបន្តធ្វើឲ្យមានការរីក ចម្រើនប្រឆាំងនឹងភាពក្រីក្រ។ ទោះជាយ៉ាងនេះក្តី នៅឆ្នាំ ២០៣០ ប្រជាជនក្នុងតំបន់ប្រមាណ ៣០,៣% ឬ ប្រហែល ១,២៦ ពាន់លាននាក់ នឹងនៅតែត្រូវបានចាត់ទុកថាងាយរងគ្រោះផ្នែកសេដ្ឋកិច្ច ដែលជាការកំណត់ថា ជាជីវភាពរស់នៅក្នុងស្ថានភាពដែលគិតជាទឹកប្រាក់គឺ ៣,៦៥ ដុល្លារ ទៅ ៦,៨៥ ដុល្លារ ក្នុងមួយថ្ងៃ ផ្អែកលើមូលដ្ឋានតម្លៃឆ្នាំ ២០១៧ ។

បើយោងតាមរបាយការណ៍នេះ ដើម្បីជួយដោះស្រាយវិបត្តិថ្លៃទ្រទ្រង់ជីវភាពកើនឡើងនេះ រដ្ឋាភិបាលក្នុងតំបន់អាស៊ីនិងប៉ាស៊ីហ្វិក អាចពង្រឹងប្រព័ន្ធគាំពារសង្គម បង្កើនការគាំទ្ររបស់ពួកគេសម្រាប់ ការអភិវឌ្ឍកសិកម្ម កែលម្អលទ្ធភាពទទួលបានសេវាហិរញ្ញវត្ថុរបស់ប្រជាជន ផ្តល់អាទិភាពដល់ការវិនិយោគហេដ្ឋារចនាសម្ព័ន្ធ និងលើកកម្ពស់ការច្នៃប្រឌិតបច្ចេកវិទ្យានិងការអភិវឌ្ឍធនធានមនុស្ស៕ អត្ថបទ៖សារេត

The post ADB៖ វិបត្តិថ្លៃទ្រទ្រង់ជីវភាពកើនឡើងកំពុងធ្វើឱ្យប៉ះពាល់ដល់វឌ្ឍនភាពឆ្ពោះទៅរកការលុបបំបាត់ភាពក្រីក្រ appeared first on .

បើតាមអាជីវករម្នាក់លក់នំបញ្ចុក បបរនិងភេសជ្ជៈនៅក្បែរឬមុខរោងចក្រផលិតស្បែកជើង លីនវេណជីសាន់ចូរអេនធើប្រាយ ស្ថិតនៅក្នុងទីដីខេត្តកណ្តាល បានឱ្យដឹងថា នៅចុងខែកម្មកររោងចក្រស៊ឹងគ្រប់គ្នាអត់សូវសំបូរលុយចាយប៉ុន្មានទេ ប៉ុន្តែនៅដើមខែរយៈពេល២ថ្ងៃដំបូងបន្ទាប់បើកប្រាក់ខែ នៅក្នុងមួយថ្ងៃអាចលក់បានលុយពី៣០ទៅ៤០ម៉ឺនរៀលតាមរយៈ បបរ នំបញ្ចុកនិងភេសជ្ជៈ។

បើតាមអ្នកស្រីដែលជាអ្នកប្រកបមុខរបរខាងលើ ហេតុផលក្រៅពីនៅចុងខែកម្មករ កម្មការីមិនសូវជាទិញអ្វីហូបនៅខាងមុខរោងចក្រ នៅខាងក្នុងបរិវេណរោងចក្រគេបង្កើតឱ្យមានកន្លែងលក់ទៅតាមប្រភេទចំណីអាហារផ្សេងៗគ្នា។ តែទោះជាយ៉ាងនេះក្តីកម្មករ កម្មការីទំាងអស់នៅតែមិនសូវសំបូរលុយចាយនោះទេព្រោះនៅរយៈចុងក្រោយនេះក្រុមកម្មរមិនសូវមានការងារធ្វើម៉ោង។

អ្នកស្រីថា នៅរោងចក្រនេះបើសិនអត់មានផ្សារនៅខាងក្នុង ទុកឱ្យកម្មករចេញមករកអ្វីបរិភោគនៅខាងក្រៅរោងចក្រអាចធ្វើឱ្យស្ទះចរចាររាប់ម៉ោងបើមិនមានអ្នកជួយសម្រួលចរាចរនោះទេ។

អ្នកស្រីលក់នំបញ្ចុកថា ការលក់រាល់ថ្ងៃនេះពេលថ្លៃលក់ដាច់ តែថ្ងៃខ្លះក៏អត់ក៏មាន។ជារួមក្នុងមួយខែក្រោយពីកាត់ថ្លៃផ្ទះជួលអស់១០០ដុល្លារអាមេរិកមកមិនឃើញមានលុយទុកសន្សំធ្វើមានធ្វើបានអីនោះ ឃើញលុយត្រឹមតែវិលទៅវិលមកនៅក្នុងគ្រួសារ ប្រៀបបានទៅនិងសេដ្ឋកិច្ចគ្រួសារមានត្រឹមតែខ្យល់ដកដង្ហើប។

ចំណែកអ្នកលក់ភេសជ្ជៈនៅមុខរោងចក្រ«Wintai Sock Manufacture និងរោងចក្រ JD& Toyoshima»ស្ថិតនៅក្នុងទីដីខេត្តតាកែវបានឱ្យដឹងថាមកដល់ឥឡូវលក់មិនសូវដាច់ទេ ព្រោះមិនសូវមានមនុស្ស ព្រោះគេរំសាយកម្មករព្រោះអត់មានការងារធ្វើលក់បានលុយតែ២០ម៉ឺនរៀលក្នុងមួយថ្ងៃ តែកាលពីមុនលក់ដាច់ខ្លំាងដោយក្នុងមួយថ្ងៃអាចលក់បានលុយរហូតដល់៤០ម៉ឺនរៀល៕ អត្ថបទ៖សារេត

The post អ្នកប្រកបរបរលក់ដូរមុខរោងចក្រជួយឱ្យសេដ្ឋកិច្ចគ្រួសារមានត្រឹមតែដង្ហើម មិនអាចក្លាយជាអ្នកមានបាន appeared first on .

លោក លុន ភារិន មានអាយុ៧១ឆ្នំារស់នៅភូមិឃុំខាងលើ ដែលបច្ចុប្បន្នកំពុងប្រកបមុខរបរធ្វើនំបញ្ចុកគោកលក់បានឱ្យដឹងថារបរធ្វើនំបញ្ចុកលក់រាល់ថ្ងៃនេះគឺលោកធ្វើតពីឪពុកម្តាយ ហើយមុខរបរធ្វើនំបញ្ចុកលក់នេះមានការលំបាកណាស់ទម្រំាបានយកមកហូបឬដាក់លក់ជូនដល់ពលរដ្ឋរស់នៅក្នុងតំបន់។ប៉ុន្តែមកដល់សព្វថ្ងៃនេះការធ្វើនំបញ្ចុកលក់ហាក់មានភាពងាយស្រួលនិងធ្វើនំបានលឿន តាមរយៈការកែច្នៃដោយប្រើម៉ាស៊ីន។

លោក លុន ភារិន បញ្ជាក់ថា« រាល់ថ្ងៃខ្ញុំធ្វើនំបញ្ចុកគោកលក់ពីរនាក់ប្រព័ន្ធ ហើយនៅថ្ងៃធម្មតាធ្វើនំបញ្ចុកលក់ចំនួន៤០គីឡូ តែបើលក់ដាច់បានច្រើនយើងបង្កើនធ្វើនំដល់៥០ឬ៦០គីឡូក្នុងមួយថ្ងៃ។ សម្រាប់ថ្ងៃសៅរ៍និងថ្ងៃអាទិត្យបើមានគេកំម្ម៉ង់អាចធ្វើនំដល់១៥០គីឡូក្រាមក្នុងមួយថ្ងៃ»។

បើតាមលោកលុនភារិន មូលហេតុ ឬហេតុផលដែលនាំឱ្យពលរដ្ឋដែលជាអ្នកលក់នំបញ្ចុកគោកអមតាមដងផ្លូវជាតិលេខ២ ស្ថិតនៅចំណុចភូមិបរចាមមិនចូលចិត្តលក់នំបញ្ចុកដាក់ទឹកសម្លដូចនៅកន្លែងផ្សេងទៀតដោយសារពួកគាត់គិតថាវាមានការលំបាកដូចជាត្រូវលានចាន ត្រូវទៅរកទិញម្ហូបនិងគ្រឿងមកស្លធ្វើជាទឹកនំ ហើយបើលក់មិនអស់ខាតលុយច្រើន។ម្យ៉ាងទៀតពួកគាត់អត់មានកូនចៅនៅចំាជួយដោយពួកគេទៅធ្វើនៅរោងចក្រ ដល់អីចឹងគ្រប់គ្នាសុខចិត្តលក់នំបញ្ចុកគោកឬហៅថានំបញ្ចុកគីឡូវាមានភាពងាយស្រួលជាងការធ្វើនំបញ្ចុកដាក់ឬលាយទឹកសម្លនិងគ្រឿងផ្សំផ្សេងទៀត ។

អ្នកស្រី ហឿន ស្រីពេជ្រ បានឱ្យដឹងថា«ខ្ញុំទើបចាប់ផ្តើមលើកនំបញ្ចុកលក់បន្តបានពីរខែហើយមិនដែលជួបការខាតបង់ប្រាក់ដោយសារនំបញ្ចុកសល់នោះទេ។ក្នុងមួយថ្ងៃលើកនំបញ្ចុកលក់បន្តចំនួន៣០គីឡូក្រាមដោយក្នុងមួយថ្លៃ២០០០រៀលហើយលក់ចេញទៅវិញក្នុងតម្លៃ២៥០០រៀលក្នុងមួយគីឡូក្រាម»។

តាមអ្នកស្រី ហឿនស្រីពេជ្រ ការលក់នំបញ្ចុកគោកនេះគឺអ្នកស្រី ចាប់ដាក់លក់នៅមុខផ្ទះលើដងផ្លូវជាតិតំាងពី៦ព្រឹកទៅដល់ម៉ោង៧យប់ទើបលក់អស់ តែនៅពេលខ្លះដាក់មិនបានប៉ុន្មានផងលក់អស់នំក៏មាន ហើយនំបញ្ចុកគោកភាគច្រើនទទួលបានការគាំទ្រពីបងប្អូនកម្មករធ្វើការនៅតាមរោងចក្រទិញយកទៅហូបនៅតាមផ្ទះឬកម្មវិជួបជុំ។ ប្រជាពលរដ្ឋដែលចាប់របរធ្វើនំបញ្ចុកលក់ឬលើកនំបញ្ចុកលក់បន្តនៅភូមិបរចាមក្រៅពីអំពាវនាវទៅដល់ប្រជាពលរដ្ឋផ្សេងទៀតដែលចូលចិត្តហូបនំបញ្ចុក ពេលបានធ្វើដំណើរឆ្លងកាត់សូមឈប់ជួយទិញនំបញ្ចុកផងនោះក៏បានអះអាងការធ្វើនំបញ្ចុករបសពួកគាត់នៅក្នុងតំបន់ធ្វើឡើងតាមបែបធម្មជាតិមិនប៉ះពាល់ដល់សុខភាពអ្នកបរិភោគនោះទេ៕ អត្ថបទ៖សារេត

The post ពលរដ្ឋនៅភូមិបរចាម និយមលក់នំបញ្ចុកគោកតាមគ្នាទោះបីដឹងថាបានប្រាក់ចំណេញតិចតួច appeared first on .

លោក កាំង សារិន ជាអ្នកធ្លាប់ចិញ្ចឹមក្រពើអស់រយៈពេល៣០ឆ្នាំនៅក្រុងភ្នំពេញ បានឱ្យដឹងថា ប្រជាពលរដ្ឋក្នុងស្រុកមានការនិយមបរិភោគសាច់ក្រពើឃើញថាមានការកើនឡើងនាពេលសព្វថ្ងៃនេះ។ តែសាច់ក្រពើមួយគីឡូក្រាមថ្លៃតែ១ម៉ឺនរៀលនេះ លក់ខាតច្រើនណាស់។ ម្ចាស់កសិដ្ឋានលក់ក្រពើនេះដើម្បីបញ្ចប់ការចិញ្ចឹមក្រពើរបស់ខ្លួនហើយបើទុកយូរឆ្នាំថែមទៀតវារឹតតែខាតបង់ច្រើន ព្រោះអ្នកចិញ្ចឹមក្រពើសំខាន់បានកូនក្រពើលក់និងនាំចេញទៅវៀតណាម។

បើតាមលោក កាំង សារិន ទីផ្សារក្រពើនៅកម្ពុជានៅមុនមិនទាន់មានការផ្ទុះជំងឺកូវីដ១៩ តម្លៃមានការធ្លាក់ចុះសន្សឹមៗ លុះបញ្ហាជំងឺកូវីដ១៩រីករាលដាលនៅគ្រប់ប្រទេសរឹតតែធ្វើឱ្យលំបាកក្នុងការនាំចេញទៅចិននិងវៀតណាម។

លោកបញ្ជាក់ថា«កាលពីមុនមេក្រពើមួយក្បាលមានទម្ងន់៤០គីឡូអាចលក់បានថ្លៃ២០០ទៅ៣០០ដុល្លារអាមេរិកហើយសាច់ក្រពើថ្លៃពី១៥ទៅ២០ដុល្លារអាមេរិកក្នុងមួយគីឡូក្រាម តែមកដល់សព្វថ្ងៃនេះមេក្រពើមួយក្បាលលក់បានថ្លៃតែ២០ដុល្លារអាមេរិក ហើយសាច់លក់បានថ្លៃត្រឹមតែ១ម៉ឺនរៀលនេះ សុទ្ធតែជាអ្នកក្ស័យធុនទើបលក់ក្រពើចោលព្រោះវាគ្មានជម្រើស»។

តាមលោក កាំង សារិន សត្វក្រពើត្រូវការចិញ្ចឹមរយៈពេល៣ឆ្នាំទើបបានសាច់១៦គីឡូក្រាម ហើយនោះលោកមិនសូវជាចាប់អារម្មណ៍ប៉ុន្មាននោះទេទៅលើការលក់សាច់ សំខាន់គឺលោកចិញ្ចឹមក្រពើយកស្បែកលក់ព្រោះស្បែកក្រពើមួយតឹកថ្លៃបានរហូតដល់៣០ដុល្លារអាមេរិក។

លោកលើកឡើងថា ចិញ្ចឹមកូនក្រពើ១ម៉ឺនកូន ត្រូវការចំណាយលុយទិញចំណីអស់ប្រាក់៥ម៉ឺនដុល្លារអាមេរិកក្នុងមួយឆ្នំា ហើយកាលនោះកូនក្រពើមួយក្បាលអាចលក់បានតែជាង១ដុល្លារអាមេរិកប៉ុណ្ណោះ។ ដូច្នេះក្នុងមួយឆ្នំាៗយើងបានខាតបង់ប្រាក់៥ម៉ឺនដុល្លារអាមេរិកជារៀងរាល់ឆ្នំា៕ អត្ថបទ៖សារេត

The post ទស្សនៈ៖ សាច់ក្រពើមួយគីឡូថ្លៃ១ម៉ឺនរៀលបង្ហាញឱ្យឃើញថាមុខរបរមួយនេះជិតដល់ថ្ងៃអវសាន appeared first on .

លោកជំទាវ ឧកញ៉ា កែវមុំ ប្រធានសមាគមសហគ្រិនស្ត្រីកម្ពុជាបានឱ្យដឹងថាក្នុងឆ្នំា២០២២កន្លងមកសន្ទុះនៃការប្រកបអាជីវកម្មរបស់សមាជិកសមាគមគឺនៅមានកម្រិតនៅឡើយដោយសាររងផលប៉ះពាល់ពីវិបត្តិជំងឺកូវីដ១៩ ធ្វើឱ្យការប្រកបអាជីវកម្មបានត្រឹមតែទប់ទល់។

លោកជំទាវឧកញ៉ាមានប្រសាសន៍ថា«ចូលដល់ឆ្នាំ២០២៣នេះយើងសង្កេតឃើញប្រទេសចិនបានបើកទូលាយនិងឱ្យមានជើងហោះហើរឡើងវិញ អីចឹងយើងសង្ឃឹមថានឹងមានភ្ញៀវទេសចរចិនជាច្រើននិងចូលមកទស្សនានៅក្នុងប្រទេសកម្ពុជា ពិសេសនិងធ្វើឱ្យអាជីវកម្មរបស់ស្ត្រីអាចពង្រឹងនិងពង្រីកអាជីវកម្មរបស់ខ្លួនបានកាន់តែប្រសើរតាមរយៈភ្ញៀវទេសចរចិននេះ។ ប្រទេសកម្ពុជានិងចិនហាក់បីដូចជាបងប្អូនគ្នាអីចឹង ហើយអ្នកវិនិយោគរបស់ចិន កូរ៉េ ជប៉ុន អាមេរិករួមនិងវិនិយោគិននៅតាមបណ្តាប្រទេសផ្សេងៗទៀតបាននិងកំពុងសម្លឹងមកកាន់កម្ពុជាដែលមានសក្តានុពលលើការបណ្តាក់ទុនវិនិយោគ»។

លោកជំទាវ ឧកញ៉ាកែវមុំ ក្នុងនាមខ្ញុំជាប្រធានសមាគមសហគ្រិនស្ត្រីកម្ពុជាសូមអំពាវនាវទៅដល់សហគ្រិនស្ត្រីកម្ពុជាត្រូវតែពង្រឹងសមត្ថភាពខ្លួនឯង ត្រូវជឿជាក់លើខ្លួនឯង ហើយត្រូវខិតខំពង្រីកអាជីវកម្មដោយខ្លួនឯង។យើងត្រូវមានជំនឿចិត្តថាប្រទេសកម្ពុជាអច្ឆៈរិយៈ ជាប្រទេសសុវណ្ណភូមិ ដាក់ចុះដុះឡើង។ប្រទេសកម្ពុជាត្រូវបានអ្នកវិនិយោគនៅតាមប្រទេសជាច្រើនចូលមករកការវិនិយោគ អីចឹងវាជាឱកាសមួយសម្រាប់ចាប់ដៃគូរសហការជាមួយអ្នកវិនិយោគបរទេសដើម្បីពង្រីកនិងពង្រឹងអាជីវកម្មរបស់ខ្លួនបាន៕ អត្ថបទ៖ ឧកញ៉ា សារេត

The post ភ្ញៀវទេសចរចិននិងជួយឱ្យអាជីវកម្មស្ត្រីអាចពង្រឹងខ្លួនបានប្រសើរឡើងវិញក្នុងពេលខាងមុខនេះ appeared first on .

បន្ថែមទៀតនោះ ត្រូវប្រកាន់ភ្ជាប់នូវវិធានការ​ បីកុំ បីការពារ ដើម្បីសុខសុវត្ថិភាពទាំងខ្លួនឯង​ និងភ្ញៀវទេសចរ។

ទន្ទឹមនឹងនោះដែរ លោក សោម ពិសិដ្ឋ​ ក៏បានបញ្ជាឲ្យអាជ្ញាធរក្រុង ស្រុក ពិសេសកងកំលាំងនគរបាលចរាចរណ៍​ ត្រូវប្រចាំការសម្រួលសន្តិសុខ សណ្តាប់ធ្នាប់តាមដងផ្លូវ និងនៅតាមតំបន់ទេសចរណ៍សំខាន់ៗក្នុងខេត្ត ដើម្បីបង្កលក្ខណៈងាយស្រួលជូនភ្ញៀវទេសចរ​ ដែលមកសំរាកលំហែកំសាន្តក្នុងភូមិសាស្ត្រខេត្តកែប។

ជាមួយគ្នានេះ មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្ត ក៏បានដាក់ជញ្ជីងស្ដង់ដារគំរូថ្មីចំនួន ៥គ្រឿង នៅផ្សារក្ដាម ដើម្បីសាធារណជន បងប្អូនភ្ញៀវទេសចរជាតិ និងអន្តរជាតិ ដែលមកលេងកម្សាន្តនៅខេត្តកែប អាចថ្លឹងទំនិញផ្សេងៗ ដែលបានទិញប្រកបដោយសុក្រឹតភាពផងដែរ ៕

The post អភិបាលខេត្តកែប ស្នើអាជីវករកុំឆ្លៀតឱកាសតម្លើងថ្លៃជ្រុលហួសហេតុ appeared first on .

នៅក្នុងកិច្ចប្រជុំ អាជីវករផ្សារឫស្សី បានស្នើសុំ ០៤ ចំណុច៖ ១/ ​កំណត់​អាណត្តិ ២០​ឆ្នាំ​បបន្តទៀត ២/ ផ្តល់​ប័ណ្ណ​តូប​កម្មសិទ្ធិ​ផ្ទាល់ខ្លួន​ដូច​មុន​ ៣/ ​ស្នើសុំ​បង់​ត្រឹម ៥០% នៃ​តម្លៃ​អាណត្តិ​ចាស់​ និង ៤ ស្នើ​ឱ្យ​មានការ​ជួសជុល​ផ្សារ​នា​ឆ្នាំ​២០២៣​ខាងមុខ ដោយជួសជុល​តាម​ប្លុក​ បន្ទាប់ពី បង់​អាណត្តិ​ថ្មី​រួច​។​

ការស្នើសុំបែបនេះពីអាជីវករ​ផ្សារ​អូរឫស្សី​ ដោយសារ​ស្ថានភាព​នៃ​ការរីក​រាលដាល ជំងឺ​កូ​វីដ​-១៩ ជាស​កល បានធ្វើឱ្យ​ប៉ះពាល់​ដល់​សេដ្ឋកិច្ច ការប្រកប​របរ​អាជីវ​កម្ម​ផ្សេងៗ បណ្តាលឱ្យ ការលក់ដូរ​ក្នុង​ផ្សារ​អូរឫស្សី​មានការ​ធ្លាក់ចុះ។

សេចក្តីជូនដំណឹងរបស់រដ្ឋបាល​រាជធានី​ភ្នំពេញ​ បាន​ឱ្យដឹងថា ​តម្លៃ​នៃ​ការបង់ រយៈពេល ២០​ឆ្នាំ គឺជា​តម្លៃ​កាលពី​២០​ឆ្នាំមុន ដែលធ្លាប់បាន​បង់​រួចហើយ​។ ចំពោះ​តម្លៃ ប្រសិនចែកជា​ប្រចាំឆ្នាំ ចំពោះ​ប្រភេទ​តូប​/​ស្តង់​តម្លៃ​ខ្ពស់បំផុត មាន​ត​ម្លៃ ៣៣០០ ដុល្លារ ក្នុង​រយៈពេល ២០ ឆ្នាំ​, បើ​ចែកជា​ប្រចាំឆ្នាំ ទឹកប្រាក់​ដែល​ត្រូវ​បង់ គឺ​ចំនួន ១៦៥ ដុល្លារ​/​ឆ្នាំ​។

ដោយឡែក សម្រាប់​តម្លៃ​ទាប​បំផុត​គឺ​ចំនួន ១,៩៨០ ដុល្លារ ក្នុង​រយៈពេល ២០​ឆ្នាំ​, បើ​ចែកជា​ប្រចាំឆ្នាំ ទឹកប្រាក់​ដែល​បង់​គឺ​ចំនួន ៩៩ ដុល្លារ​/​ឆ្នាំ​។

រដ្ឋបាលរាជធានីភ្នំពេញ បានបញ្ជាក់ថា ចំពោះតម្លៃ និងកម្មសិទ្ធិ អាជីវករ​អាច​បន្ត ការលក់ដូរ​រហូត​តកូនតចៅ​ក្នុងអំឡុងពេល​អាណត្តិ​នៃ​កិច្ចសន្យា ហើយក៏អាច​ផ្ទេរសិទ្ធិ កាន់កាប់ ប្រើប្រាស់ និង​អាស្រ័យ​ផល ទៅ​កូនចៅ ឬ​អ្នកដទៃ​បាន​។

ចំពោះសំណើរបស់អាជីវករ ស្នើសុំ​កំណត់អាណត្តិបន្ថែមទៀត រដ្ឋបាលរាជធានីភ្នំពេញ បានដាក់ឲ្យនៅ​ជា​ប្រក្រតី រយៈពេល ២០​ឆ្នាំ​បន្តទៀត។ ហើយចំពោះ​អាណត្តិ​ថ្មី នៃ​កិច្ចសន្យា គិត​ចាប់ពី​ថ្ងៃទី​៣១ ខែធ្នូ ឆ្នាំ​២០២២ រហូតដល់​ថ្ងៃទី​៣១ ខែធ្នូ ឆ្នាំ ២០៤២​។ ការបង់ប្រាក់​សម្រាប់​អាណត្តិ​ថ្មី នៃ​កិច្ចសន្យាអាជីវករ​អាចធ្វើ​ការបង់​ទៅតាម​លទ្ធភាព​ជាក់ស្តែង ដូចជា៖ ​ជម្រើស​ទី​១ ៖ បង់ប្រាក់ ០១ លើក សម្រាប់​អាណត្តិ​រយៈពេល ២០ ឆ្នាំ​ ​និងជម្រើស​ទី​២ ៖ បង់ប្រាក់ ០២​លើក សម្រាប់​អាណត្តិ​រយៈពេល ២០ ឆ្នាំ ដោយ​បង់ ១០ ឆ្នាំ ម្តង ជម្រើស​ទី​៣៖ បង់ប្រាក់ ០៤ លើក សម្រាប់​អាណត្តិ​រយៈពេល ២០​ឆ្នាំ ដោយ​បង់​០៥ ឆ្នាំ ម្ម្តង។

គួររំលឹកថា នៅថ្ងៃទី២១ ខែកក្កដា ឆ្នាំ២០២២ អាជីវកនៅផ្សារអូរឬស្សីរាប់រយនាក់បានប្រមូលផ្ដុំគ្នាធ្វើការតវ៉ា នៅមុខស្នាក់ការផ្សារ ដើម្បីស្នើរសុំដល់អាជ្ញាធរគ្រប់គ្រងផ្សារ ចំនួន៣ចំណុច ទី១​ សុំកែរពីពាក្យ​ បង់ថ្លៃជួលតូប​ មកជាពាក្យបន្តបង់តប័ណ្ណ​កម្មសិទ្ធិជូនដល់អាជីវករ​ ដោយមិនប្រើពាក្យថាជួល​ ទី២សុំបញ្ចុះ និង ទី៣ សុំពន្យាពេលការបង់បន្តថ្លៃកម្មសិទ្ធរហូតដល់ចុងឆ្នាំ២០២២៕

The post អាជីវករផ្សារអូឫស្សី យល់ព្រមទទួលយកការសម្របសម្រួលពីរដ្ឋបាលរាជធានីភ្នំពេញ appeared first on .

​ឧកញ៉ាញូសន៍បាន​ចុះ​សម្ភាសន៍អាជីវករ​មួយ​​ចំនួន​ ដែលប្រកប​មុខ​របរ​លក់ដូរ​តាម​ដង​ផ្លូវ​ជាតិ​លេខ ១ ចាប់ពី​គល់ស្ពាន​ច្បារអំពៅ ដោយ​ពួកគាត់​បានលើ​កឡើង​ពី​សក្តានុពលលក់ដូរ​លើ​ដង​ផ្លូវ​មួយ​នេះ​។

លោកស្រី សាន់ សៀម ប្រកបរបរលក់ផ្លែទុរេននៅលើដងផ្លូវជាតិ​លេខ ១ ក្បែរ​វត្ត​និរោធន៍​អស់រយៈពេល ៥ ឆ្នាំមកហើយ។ បើតាមអាជីវករវ័យ ៤០ ឆ្នាំរូបនេះបានឱ្យដឹងថា ការលក់ផ្លែទុរេននេះជារបរសុចរិតដែលគាត់និងប្ដីបានរកស៊ីជាយូរ។ ការលក់ផ្លែទុរេនក្នុងរដូវនេះមានបងប្អូនអាជីវករលក់ច្រើន តែលោកស្រីនៅតែសប្បាយចិត្តព្រោះមានអ្នកលក់ច្រើន អ្នកទិញក៏ច្រើនដែរ។

លោកស្រីបើកលក់តាំងពីម៉ោង ៦ព្រឹកដល់ម៉ោង១០យប់។ លោកស្រីបានបញ្ជាក់ប្រាប់ថា ថ្ងៃដែលលក់ដាច់ខ្លាំងគឺថ្ងៃសៅរ៍និងថ្ងៃអាទិត្យ លក់មួយថ្ងៃបាន ៨០ គីឡូក្រាមទៅ ៩០ គីឡូក្រាមក្នុងមួយថ្ងៃដោយក្នុងមួយគីឡូតម្លៃ​១៥០០០ រៀល។ ការលក់ដូរនេះមិនមានបញ្ហាចោទខ្លាំងក្នុងការធ្វើដំណើរមកលក់នោះទេ ព្រោះគ្រួសារលោកស្រីជួលបន្ទប់ស្នាក់នៅនៅក្បែរនោះ។

ចំពោះកញ្ញា វ៉ុន ស្រីរ៉ា ដែលជាអាជីវករលក់ផ្លែទុរេនម្នាក់​ទៀត ក៏បានប្រាប់ឧកញ៉ាញូស៍ទាំងទឹកមុខរីករាយផងដែរថា គាត់លក់ក្នុងរដូវទុរេន៦ខែក្នុងមួយរដូវ ចាប់ពីខែ ៦ រហូតដល់ខែ១១ដែលក្នុងមួយថ្ងៃអាចលក់បានចាប់ពី ១០០ គីឡូក្រាមរហូតដល់២០០គីឡូក្រាម។

កញ្ញាវ័យ២៦រូបនេះក៏បានបញ្ជាក់ផងដែរថា តាមផ្លូវ​ជាតិលេខ ១ កកកុញដោយហាង​អាជីវកម្ម និង​អ្នក​ដំណើរ ហើយ​ការលក់ដូរដាច់ច្រើន​ព្រោះតែមានអតិថិជនច្រើនកុះករមកពីទីជិត ឆ្ងាយ ដែលធ្វើដំណើរលើដងផ្លូវនេះ។

រីឯកំលោះវ័យ២៤ឆ្នាំដែលប្រកបរបរលក់បង្អែមអស់រយៈពេល ៤ ឆ្នាំលើដងផ្លូវជាតិលេខមួយនេះក៏បានបង្ហាញពីភាពរីករាយផងដែរ។ ប្រាប់ឧកញ៉ាញូស៍ បុរសវ័យ​ក្មេង​រូប​នេះ​ប្រាប់​ឧកញ៉ាណ៍​ថា ក្នុងមួយថ្ងៃគាត់អាចលក់បង្អែមបានចាប់ពី ៥០០ ប្រអប់ឡើងទៅ។ បង្អែមរបស់គាត់ទទួលបានការចាប់អារម្មណ៍ខ្លាំងពីបងប្អូននៅក្បែរនោះព្រោះ​តែរសជាតិ គុណភាព អនាម័យរួមទាំងតម្លៃសមរម្យ។

បង្អែមរបស់គាត់មានរហូតដល់ ២០ មុខជាងរួមមាន ចាក់កចាន់ ត្រាវ បាក់បិន នំកូរសណ្ដែក បាយដំណើបខ្នុរ បាយដំណើបសង្យាចេក ពោតក្រឡុក ត្រាវក្រឡុក ចេកក្រឡុក លម្អងចេកស្នូលដូង​ អាកោខ្ទិះ ក្រឡរជីស្នូលដូងល្ងរខ្មៅ នំផ្លែអាយ ចំពោះបង្អែមទាំងនេះគាត់លក់តែមួយប្រអប់៣០០០រៀលតែប៉ុណ្ណោះ ។កម្លោះរូបនេះក៏បានបញ្ជាក់ថាបង្អែមទាំងអស់ ដែលលក់ដាច់ជាងគេគឺ អាកោខ្ទិះ ដំឡូងដុត នំផ្លែអាយ និងក្រឡរជីស្នូលដូងល្ងរខ្មៅ ។

បើតាមស្រ្តីវ័យ ៤៥ ឆ្នាំដែលជាអតិថិជនបានឱ្យដឹងថា ការមានអ្នកលក់ដូរតាមដងផ្លូវច្រើនបែបនេះងាយស្រួលក្នុងការរកទិញ មិនចាំបាច់ចំណាយពេលវេលាច្រើនក្នុងការទិញនោះទេ។

លោកស្រីក៏បានបញ្ជាក់ផងដែរថា ការមានអ្នកលក់ច្រើនធ្វើឱ្យអាជីវករទាំងមានការប្រកួតប្រជែងគ្នាលើគុណភាព រសជាតិ អនាម័យព្រមទាំងតម្លៃផងដែរ។

គួររំឭកផងដែរថាផ្លូវជាតិលេខមួយនេះជាខ្សែរផ្លូវឆ្ពោះទៅព្រំដែនវៀតណាម កាត់តាមអ្នកលឿង និងខ្ពស់ទៅខេត្តព្រៃវែង ស្វាយរៀង ដែលផ្លូវនេះមានប្រវែង ១៦៧,១០ គីឡូម៉ែត្រ។ តាម​ដងផ្លូវលេខ ១ ចាប់ពី​គល់ស្ពាន​ច្បារអំពៅ​មាន​ភាពមមាញឹក ដោយប្រមូលផ្តុំដោយ​ហាង​អាជីវកម្ម​តូចធំ ខណៈកំណើន​ពលរដ្ឋមក​រស់នៅកាន់តែច្រើន ដោយសារ​មាន​ការ​សាងសង់​បុរី​ធំៗ រួមទាំងគម្រោងអភិវឌ្ឍ​ជាច្រើនទៀត​មក​តំបន់​ផ្លូវជាតិ​មួយ​នេះ៕

The post ផ្លូវជាតិលេខ ១ កាន់តែ​មមាញឹក អាជីវករ​​តូចធំ​តាម​ដង​ផ្លូវ​ប្រាប់​ថា ងាយស្រួលលក់ដូរ​​ មាន​អតិថិជន​ច្រើន appeared first on .