ការថ្លែងរបស់សម្តេចតេជោធ្វើឡើងនៅក្នុងសន្និសិទសារព័ត៌មាន ក្រោយកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ នាល្ងាចថ្ងៃទី១៣ ខែវិច្ឆិកានេះ នៅវិមានសន្តិភាព។

សម្តេចតេជោនាយករដ្ឋមន្រ្តីបានបញ្ជាក់ថា កម្ពុជាជាអ្នកទទួលដុំថ្មក្តៅ ប៉ុន្តែកម្ពុជាបានសម្រប់សម្រួលបញ្ហានានាអស់រយៈពេលមួយឆ្នាំ តែឥឡូវនេះដុំថ្មក្តៅនោះកម្ពុជាបានប្រគល់ឱ្យប្រទេសឥណ្ឌូនេស៊ីជួយដោះស្រាយបន្ត។

ទន្ទឹមនឹងនេះ សម្តេចតេជោថ្លែងបញ្ជាក់ថា៖ កម្ពុជាតូចមែន ក្រមែន តែកម្ពុជាក្នុងនាមជាប្រធានអាស៊ាន មានសមត្ថភាពអញ្ជើញប្រធានាធិបតី ប្រមុខរដ្ឋ ថ្នាក់ដឹកនាំនានា ចូលរួម និងឡើងថ្លែងក្នុងកិច្ចប្រជុំកំពូលដែលរៀបចំដោយកម្ពុជា។

បើតាមសម្ដេចតេជោ ហ៊ុន សែន ដើម្បីឱ្យប្រមុខរដ្ឋ ប្រមុខដឹកនាំពិភពលោក ថ្នាក់ដឹកនាំនានា អញ្ជើញចូលរួមកិច្ចប្រជុំកំពូលនៅកម្ពុជានាពេលនេះ គឺទី១.ត្រូវធានាឱ្យបាននូវសុខសន្តិភាព, ទី២.ការគ្រប់គ្រងបានល្អលើជំងឺកូវីដ, ទី៣.គ្មានការជ្រួលច្របល់ និងហិង្សា, ទី៤.បទពិសោធន៍ កម្ពុជា ដែលធ្លាប់ទទួលធ្វើជាម្ចាស់ផ្ទះរៀបចំកិច្ចប្រជុំកំពូលបែបនេះ៕

The post សម្តេច ហ៊ុន សែន៖ កម្ពុជាជាអ្នកទទួលដុំថ្មក្តៅ ប៉ុន្តែបានសម្របសម្រួលបញ្ហានានាអស់រយៈពេលមួយឆ្នាំ appeared first on .

សម្តេចតេជោបន្តថា អាស៊ានប្រកាន់ភាពជាកណ្ដាល។ អាស៊ានទទួលយកអ៊ុយក្រែន គឺដើម្បីបង្កើនភាពជាដៃគូសហប្រតិបត្តិការ។

សូមជម្រាបថា កាលពីថ្ងៃទី១០ ខែវិច្ឆិកានេះ អ៊ុយក្រែន បានក្លាយជាសមាជិកទី៥០នៃសន្ធិសញ្ញាមិត្តភាព និងភាពជាដៃគូសហប្រតិបត្តិជាមួយបណ្តាប្រទេសក្នុងតំបន់អាស៊ាន ដែលហៅកាត់ថា TAC។

ការបញ្ចូលអ៊ុយក្រែនជាសមាជិក TAC ពេលនេះ ធ្វើឡើងនាអំឡុងពេលដែលប្រទេសមួយនេះកំពុងរ៉ាំរ៉ៃដោយសង្រ្គាមជាមួយនឹងរុស្ស៊ី ហើយក្នុងសង្រ្គាមនេះ អ៊ុយក្រែនទទួលបានការគាំទ្រពីសហគមន៍អាស៊ាននិយាយជារួម និងនិយាយដោយឡែកពីកម្ពុជា ក្នុងការបោះឆ្នោតនៅអង្គការសហប្រជាជាតិចំនួន ៣លើក៕

The post សម្តេចតេជោ ហ៊ុន សែន៖ អាស៊ានទទួលអ៊ុយក្រែន គឺអាស៊ានមិនខ្វល់ថា នរណាខឹង ឬ មិនខឹងទេ appeared first on .

ក្នុងសុន្ទរកថាបើកកិច្ចប្រជុំកំពូលអាស៊ី-បូព៌ា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានលើកឡើងថា កិច្ចប្រជុំកំពូលនាថ្ងៃនេះ កំពុងដើរតួជាវេទិកាសន្ទនា ក្នុងកម្រិតយុទ្ធសាស្រ្ដដ៏សំខាន់ នៅក្នុងចំណោមវេទិកាពហុភាគីធំៗ ក្នុងការជំរុញកិច្ចសហប្រតិបត្តិការនៅក្នុងតំបន់អាស៊ីបូព៌ាទាំងមូល និងតំបន់ពាក់ព័ន្ធដទៃទៀត ។

សម្តេចតេជោ ហ៊ុន សែន បានលើកឡើងបន្តថា ជាក់ស្តែងបញ្ហា និងភាពតានតឹងជាច្រើន ដែលសកល លោកកំពុងតែប្រឈម កំពុងបង្អាក់កិច្ចខិតខំប្រឹងប្រែងដ៏លំបាកកន្លង ក្នុងការជំរុញការអភិវឌ្ឍប្រកប ដោយចីរភាព និងបានបង្កទុក្ខលំបាកជាអនេក ដល់ការរស់នៅរបស់ប្រជាជន ។ ហើយនេះក៏ជាសារ ដាស់តឿនមួយ សម្រាប់ភាគីទាំងអស់ត្រូវរួបរួមគ្នាក្នុងការថែរក្សាផលប្រយោជន៍រួម ដើម្បីកសាង អនាគត ដ៏ត្រចះត្រចង់សម្រាប់អ្នកជំនាន់ក្រោយ និងត្រូវធានាឱ្យបានថា កិច្ចសហប្រតិបត្តិការរឹងមាំ ជានិច្ច ទោះស្ថិតក្នុងកាលៈទេសៈណាក៏ដោយ ។

សម្តេចតេជោ ហ៊ុន សែន បានលើកឡើងទៀតថា កម្ពុជា ក្នុងនាមជាប្រធានអាស៊ាន បានជ្រើសរើស មូលបទសម្រាប់ឆ្នាំនេះ គឺ៖ «អាស៊ានរួមគ្នាធ្វើ៖ ដោះស្រាយបញ្ហាប្រឈមទាំងអស់គ្នា» ។ នេះគឺជា បំណងប្រាថ្នា ដើម្បីបំផុសស្មារតី «ការរួបរួមគ្នា» ទាំងនៅក្នុងក្របខណ្ឌអាស៊ាន និងអាស៊ីបូព៌ាទាំងមូល សំដៅជំរុញការប្រកាន់ខ្ជាប់នូវស្មារតីពហុភាគីនិយម ដែលបើកចំហ និងប្រកបដោយបរិយាបន្ន ភាពជាក់ស្តែងនិយម និងការគោរពគ្នាទៅវិញទៅមក នៅក្នុងការដោះស្រាយបញ្ហាប្រឈមនានា ដែលគំរាមមកលើអត្ថិភាព និងភាពជាយុទ្ធសាស្រ្ត។ ហើយនេះក៏ជាសេចក្តីប្រាថ្នារបស់អាស៊ាននៅក្នុង ការពង្រឹងបន្ថែមនូវមជ្ឈភាពអាស៊ាន ក៏ដូចជាគោលការណ៍ពាក់ព័ន្ធនានា ដែលលើកកម្ពស់សន្តិភាព, ស្ថិរភាព, សន្តិសុខ និងការអភិវឌ្ឍក្នុងតំបន់ ។

គួរបញ្ជាក់ថា កិច្ចប្រជុំកំពូលអាស៊ីបូព៌ា មានសមាជិកចំនួន ១៨ប្រទេស រួមមាន៖ សមាជិក អាស៊ានទាំង ១០ ចិន ឥណ្ឌា ជប៉ុន ណូវែលហ្សេឡង់ អូស្ត្រាលី កូរ៉េខាងត្បូង រុស្ស៊ី និងអាមេរិក៕

The post សម្តេច ហ៊ុន សែន៖ កិច្ចប្រជុំកំពូលអាស៊ីបូព៌ា កំពុងដើរតួនាទីជាវេទិកាសន្ទនាក្នុងកម្រិតយុទ្ធសាស្រ្តក្នុងតំបន់ appeared first on .

ថ្លែងនៅក្នុងពិធីបិទបញ្ចប់កិច្ចប្រជុំកំពូលអាស៊ាន នារសៀលថ្ងៃទី១៣វិច្ឆិកានេះ សម្តេចតេជោ ហ៊ុន សែន មានប្រសាសន៍ថា យើងបានអនុម័ត និងកត់សម្គាល់នូវឯកសារសមិទ្ធផល និងសេចក្តីប្រកាសចំនួន ៧០ ដែលគ្របដណ្តប់ទៅលើសសរស្តម្ភទាំង ៣ របស់សហគមន៍អាស៊ាន និងបានអនុម័តក្របខណ្ឌកិច្ចសហ-ប្រតិបត្តិការមួយចំនួន ជាមួយនឹងដៃគូសន្ទនារបស់យើង។

សម្តេចតេជោបន្តថា ដើម្បីបន្ត និងពង្រឹងទំនាក់ទំនងជាមួយដៃគូ អាស៊ានបានយល់ព្រមបញ្ចូលអ៊ុយក្រែន ក្នុងសន្ធិសញ្ញាមិត្តភាព និងសហប្រតិបត្តិការអាស៊ី អាគ្នេយ៍ (TAC) នាកិច្ចប្រជុំកំពូលអាស៊ាន លើកទី ៤០ និង ៤១ នេះ ។ ដូចគ្នានេះដែរ ប្រទេស ៦ ទៀត រួមមាន ដាណឺម៉ាក ក្រិច ហូឡង់ អូម៉ាន កាតា និងអេមីរ៉ាតអារ៉ាប់រួម ក៏បានចុះហត្ថលេខាចូលជាសមាជិក ក្នុងសន្ធិសញ្ញាមិត្តភាព និងសហប្រតិបត្តិការអាស៊ីអាគ្នេយ៍ នាកិច្ចប្រជុំរដ្ឋមន្រ្តីការបរទេសអាស៊ានលើកទី ៥៥ និងកិច្ចប្រជុំពាក់ព័ន្ធ នៅខែ សីហា ដែលធ្វើឱ្យប្រទេសជាសមាជិកនៃសន្ធិសញ្ញានេះ បានកើនឡើងដល់ ៥0 ប្រទេស ។

បើតាមសម្តេចតេជោ អាស៊ានបានចេញនូវសេចក្តីថ្លែងការណ៍រួមនៃខួបអនុស្សាវរីយ៍ លើកទី ២០ នៃសេចក្តីថ្លែងការណ៍ ស្តីពីការប្រតិបត្តិរបស់បណ្តាភាគីនៅសមុទ្រចិនខាងត្បូង (DOC) ដើម្បីប្រារព្ធពិធីរំលឹកខួបអនុស្សាវរីយ៍លើកទី ២០ នៃការចុះហត្ថលេខាលើសេចក្តីថ្លែងការណ៍ស្តីពីការប្រតិបត្តិ នេះ នាឆ្នាំ ២០០២៕

The post កម្ពុជាបិទបញ្ចប់តួនាទីប្រធានអាស៊ាន ប្រកបដោយជោគជ័យ និងផ្លែផ្កា appeared first on .

ថ្លែងនៅក្នុងឱកាសនោះ សម្តេចតេជោ ហ៊ុន សែន នាយករដ្ឋមន្ត្រី ថ្លែងបញ្ជាក់ថា៖ “ឆ្នាំនេះ គឺជារយៈពេល ១ ឆ្នាំ ពោរពេញទៅដោយអនុស្សាវរីយ៍ និងជាប្រវត្តិសាស្ត្រសម្រាប់រូបខ្ញុំផ្ទាល់ និងកម្ពុជា ដែលមានកិត្តិយសដ៏ឧត្តុង្គឧត្តម បានទទួលតំណែងជាប្រធានប្តូរវេនរបស់អាស៊ាន”។

សម្តេចតេជោបន្ត ខណៈដែលអាស៊ានបាននិងកំពុងខិតខំស្តារឡើងវិញពីផលប៉ះពាល់នៃជំងឺកូវីដ-១៩ និង ដោះស្រាយវិបត្តិនៅមីយ៉ាន់ម៉ានោះ ស្ថានភាពមិនរំពឹងទុក ក៏បានកើតមានឡើង ដែលមានប៉ះពាល់ធ្ងន់ធ្ងរដល់សន្តិសុខ សេដ្ឋកិច្ច និងសង្គម ។ ទោះជាយ៉ាងនេះក្តី អាស៊ានបានគ្រប់គ្រង និងសម្រប-សម្រួលលើបញ្ហាប្រឈមទាំងនោះ រហូតទទួលបានលទ្ធផលជាច្រើនគួរជាទីគាប់ចិត្ត ។ សម្តេចថ្លែងថា៖ យើងពិតជាបានអនុវត្តតាមមូលបទនៃភាពជាប្រធានអាស៊ានរបស់កម្ពុជាក្នុងឆ្នាំនេះ «អាស៊ានរួមគ្នាធ្វើ៖ ដោះ- ស្រាយបញ្ហាប្រឈមទាំងអស់គ្នា (ASEAN A.C.T: Addressing Challenge Together)» ។

សម្តេចតេជោនាយករដ្ឋមន្ត្រីបានថ្លែងបន្ថែមទៀតថា ខ្ញុំមានសេចក្តីរីករាយ ដែលកិច្ចប្រជុំកំពូលអាស៊ាន លើកទី ៤០ និង ៤១ និងកិច្ចប្រជុំកំពូលពាក់ព័ន្ធ ត្រូវបានបញ្ចប់ដោយជោគជ័យ និងសូមអគុណចំពោះកិច្ចសហប្រតិបត្តិការពេញលេញ ការគាំទ្រ និងភាពទន់ភ្លន់ ដែលបានផ្តល់ឱ្យដោយប្រទេសជាសមាជិកអាស៊ាន និងប្រទេសជាដៃគូ និងបាននាំមកនូវសមិទ្ធផលដ៏ច្រើនក្រៃលែងគួរជាទីមោទនៈ៕

The post សម្តេច ហ៊ុន សែន បង្ហាញមោទនភាពជាប្រវត្តិសាស្ត្រសម្រាប់រូបសម្តេចផ្ទាល់ និងកម្ពុជា appeared first on .

ក្នុងនោះរួមមាន៖
-ម៉ោង១២:៤៥ នាយករដ្ឋមន្រ្តីចិន
-ម៉ោង១៣:១៥ នាយករដ្ឋមន្រ្តីវៀតណាម
-ម៉ោង១៣:៣០ ប្រធានាធិបតីកូរ៉េ
-ម៉ោង១៤:០៥ នាយករដ្ឋមន្រ្តីសឹង្ហបុរី
-ម៉ោង១៤:២៥ ប្រធានាធិបតីសហរដ្ឋអាមេរិក
-ម៉ោង១៤:៣០ អនុប្រធានាធិបតីឥណ្ឌា
-ម៉ោង១៥:០០ នាយករដ្ឋមន្រ្តីជប៉ុន
-ម៉ោង១៥:៣០ ប្រធានាធិបតីឥណ្ឌូណេស៊ី
-ម៉ោង១៦:០០ រដ្ឋមន្រ្តីការបរទេសរុស្ស៊ី
-ម៉ោង១៦:១៥ នាយករដ្ឋមន្រ្តីឡាវ
-ម៉ោង១៨:៣០ នាយករដ្ឋមន្រ្តីថៃ

សូមជម្រាបជូនថា ដើម្បីមកចូលរួមកិច្ចប្រជុំកំពូលអាស៊ានលើកទី៤០ ទី៤១ នៅកម្ពុជាក៏មានមេដឹកប្រទេសអាស៊ានបានអញ្ជើញមកតាំងពីថ្ងៃទី៨មកម្លេះ ដូចជា នាយករដ្ឋមន្ត្រីវៀតណាម នាយករដ្ឋមន្ត្រីចិន ហើយក្នុងនោះមេដឹកនាំប្រទេសមួយចំនួនអមដំណើរដោយស្រ្តីទី១នៃប្រទេសរៀងៗខ្លួន ខណៈសម្តេចព្រះចៅស៊ុលតង់ ព្រះមហាក្សត្រព្រុយណេ អមព្រះរាជដំណើរដោយព្រះរាជបុត្រាមួយអង្គផងដែរ៕

The post មេដឹកនាំកំពូលៗ ១១ប្រទេសនឹងចាកចេញពីកម្ពុជានារសៀលនេះ appeared first on .

ក្នុងកិច្ចប្រជុំនោះ សម្តេចតេជោ ហ៊ុន សែន បានវាយតម្លៃខ្ពស់នូវសំណើកាណាដា ចំពោះការពង្រីកទំនាក់ទំនងរវាងអាស៊ាន និងកាណាដា ឱ្យទៅជាដៃគូយុទ្ធសាស្ត្រ។

បើតាមសម្តេចតេជោ តាមរយៈការពង្រឹងទំនាក់ទំនងរវាងអាស៊ាន និងកាណាដា ទៅជាដៃគូយុទ្ធសាស្ត្រ ដែលជាទិសដៅដ៏ប្រសើរសម្រាប់ជំរុញទំនាក់ទំនងកិច្ចសន្ទនា អាស៊ាននិងកាណាដា ឲ្យកាន់តែស្អិតរមួត និងកាន់តែស៉ីជម្រៅ។ សម្តេចគូសបញ្ជាក់ថា ការបើកការចរចាលើកិច្ចព្រមព្រៀងពាណិជ្ជកម្មសេរីអាស៊ាន-កាណាដា នៅពេលថ្មីៗនេះ គឺជាការបោះជំហានជាវិជ្ជមានដំបូង ស្របតាមទិសដៅនេះ ដែលនឹងជំរុញស្តារសេដ្ឋកិច្ច នៅក្នុងតំបន់ទាំងពីរឡើងវិញ ប្រកបដោយចីរភាព បរិយាប័ន្ន និងភាពធន់ ក្រោយវិបត្តិជំងឺកូវីដ-១៩។

សម្តេចតេជោនាយករដ្ឋមន្ត្រី ថ្លែងបញ្ជាក់ថា រយៈពេល៤៥ឆ្នាំមកនេះ អាស៊ានបានការប្តេជ្ញា និងបំណងប្រាថ្នារួម ក្នុងការរក្សានូវសន្តិភាព ស្ថិរភាព និងវិបុលភាព ក្នុងតំបន់ទាំងពីរ ភាពជាដៃគូដ៏យូរអង្វែងរបស់អាស៊ាន និងកាណាដា បាននាំមកនូវសមិទ្ធផលលេចធ្លោលើគ្រប់វិស័យ និងបានចូលរួមចំណែកយ៉ាងសំខាន់ ក្នុងការដោះស្រាយបញ្ហាប្រឈមទាំងក្នុងតំបន់ និងសាកលលោក ជាពិសេសលើកកម្ពស់សុខមាលភាព និងជីវភាពរស់នៅរបស់ប្រជាជន។

សូមបញ្ជាក់ថា ទំនាក់ទំនងកិច្ចសន្ទនាអាស៊ាន-កាណាដា ត្រូវបានបង្កើតឡើងក្នុងខែកុម្ភៈ ឆ្នាំ១៩៧៧ ក្រោយការកោះប្រជុំផ្លូវការលើកដំបូង រវាងរដ្ឋលេខាធិការកាណាដា សម្រាប់កិច្ចការបរទេស និងគណៈកម្មាធិការអចិន្ត្រៃយ៍អាស៊ាន។ នៅឆ្នាំ១៩៨១ កិច្ចព្រមព្រៀងសហប្រតិបត្តិការសេដ្ឋកិច្ច អាស៊ាន-កាណាដា ត្រូវបានចុះហត្ថលេខាដោយដាក់មូលដ្ឋាន សម្រាប់កិច្ចសហប្រតិបត្តិការឧស្សាហកម្ម ពាណិជ្ជកម្ម និងបច្ចេកទេសរវាងភាគីទាំងពីរ។

នៅឆ្នាំ២០២០ ការដោះដូរទំនិញទៅមក រវាងអាស៊ាន និងកាណាដា មានចំនួន ១៦,២ពាន់លានដុល្លារ និងការវិនិយោគផ្ទាល់ពីបរទេស ពីកាណាដាមកអាស៊ានឈានដល់ ៥,១ពាន់លានដុល្លារ៕

The post អាស៊ាន-កាណាដា កំពុងពង្រីកទំនាក់ទំនងជាមួយគ្នាឱ្យទៅជាដៃគូយុទ្ធសាស្ត្រ appeared first on .

នៅក្នុងឱកាសនោះ សម្តេចតេជោ ហ៊ុន សែន នាយករដ្ឋមន្ត្រី និងជាប្រធានអាស៊ាន បានអញ្ជើញទទួលស្វាគមន៍ថតរូបអនុស្សាវរីយ៍ និងរៀបចំពិធីលៀងសាយភោជន៍។ ក្នុងនាមជាប្រធានអាស៊ាន សម្តេចតេជោបានថ្លែងនូវសុន្ទរកថាចំណាប់អារម្មណ៍ប្រកបដោយអត្ថន័យសំខាន់ៗ ដែលមានវត្តមានមេដឹកនាំអាស៊ាន និងពិភពលោក នៅកម្ពុជានាពេលនេះ បង្ហាញពីមិត្តភាព និងកិច្ចសហប្រតិបត្តិការរឹងមាំ ដែលធានាថាប្រជាជន អាចរស់រានក្នុងពិភពលោកមួយដោយសុខដុមរមនា និងសុខសន្តិភាព។

សម្តេចតេជោបន្តថា៖ វត្តមានយើងទាំងអស់គ្នានៅក្នុងកម្មវិធីនាល្ងាចនេះ បានបង្ហាញអំពីទិដ្ឋភាពពិត នៃស្មារតីមិត្តភាព និងកិច្ចសហប្រតិបត្តិការដ៏រឹងមាំ និងយូរអង្វែង ដែលជាមូលដ្ឋានគ្រឹះរបស់យើង ក្នុងការធានាថាប្រជាជនយើងទាំងអស់ អាចរស់រានបាន នៅក្នុងពិភពលោកមួយប្រកបដោយសុខដុមរមនា សុខសន្តិភាព សុវត្ថិភាព និងវិបុលភាព។

ទន្ទឹមនឹងនេះដែរ សម្តេចតេជោ ហ៊ុន សែន បានគូសបញ្ជាក់ថា កម្ពុជាមានមោទនភាព ក្នុងការធ្វើជាប្រធានអាស៊ានលើកទី៣ នាពេលនេះ ហើយបានវាយតម្លៃខ្ពស់ចំពោះការគាំទ្រភាពជាប្រធានអាស៊ាននេះរបស់មេដឹកនាំនានាកន្លងមក។

បើតាមប្រធានអាស៊ានឆ្នាំ២០២២ សម្តេចមានមោទនភាព និងការទទួលខុសត្រូវខ្ពស់ ក្នុងការទទួលតួនាទីជាប្រធានអាស៊ាន ជាលើកទី៣នេះ ក្រោមមូលបទ អាស៊ានរួមគ្នាធ្វើ ដោះស្រាយបញ្ហាប្រឈមទាំងអស់គ្នា យើងបានពូនជ្រំតាមរយៈដំណោះស្រាយរួមរបស់យើង សម្រាប់បញ្ហាប្រឈមនៅក្នុងតំបន់ និងពង្រឹងការចូលរួមចំណែករបស់អាស៊ាន ដើម្បីសន្តិភាព ស្ថិរភាព សុវត្ថិភាព និងការអភិវឌ្ឍប្រកបដោយចីរភាពរបស់តំបន់ និងពិភពលោក៕

The post សម្តេចតេជោ ហ៊ុន សែន៖ វត្តមានមេដឹកនាំអាស៊ាន និងពិភពលោក នៅកម្ពុជាបង្ហាញពីមិត្តភាព កិច្ចសហប្រតិបត្តិការរឹងមាំ និងសន្តិភាព appeared first on .

កិច្ចសន្ទនាអាស៊ានជាសាកល មានការយាង និងអញ្ជើញចូលរួមពីសំណាក់មេដឹកនាំរបស់អាស៊ាន និងប្រទេសដៃគូសន្ទនា ព្រមទាំងថ្នាក់ដឹកនាំអង្គការសកល ដទៃផ្សេងទៀត។ រីឯកិច្ចប្រជុំកំពូលអាស៊ីបូព៌ា នឹងមានការយាង និងអញ្ជើញចូលរួមពីសំណាក់មេដឹកនាំអាស៊ាន ជាមួយមេដឹកនាំបណ្តាប្រទេសដៃគូអាស៊ានផ្សេងទៀត។

តាមកម្មវិធី ដែលបានគ្រោងទុក នៅមុនពេលអាហារថ្ងៃត្រង់ នាថ្ងៃក៏នឹងមានពិធីបិទកិច្ចប្រជុំកំពូលអាស៊ាន លើកទី៤០ និងលើកទី៤១ រួមទាំងកិច្ចប្រជុំកំពូលពាក់ព័ន្ធ។ ក្នុងពិធីនោះ សម្តេចតេជោ ហ៊ុន សែន នឹងប្រគល់ញញួរជូនប្រធានាធិបតីឥណ្ឌូនេស៊ី ដើម្បីបន្តវេន ធ្វើជាប្រធានអាស៊ាន នៅឆ្នាំ២០២៣។

ជាមួយគ្នា នៅរសៀលម៉ោង ៣ និង៤០នាទី ថ្ងៃអាទិត្យ ទី១៣វិច្ឆិកា សម្តេចតេជោ ហ៊ុន សែន នឹងធ្វើសន្និសីទកាសែត ប្រកាសបូកសរុបលទ្ធផលនៃកិច្ចប្រជុំកំពូលអាស៊ាន លើកទី៤០ និងលើកទី៤១ រួមទាំងកិច្ចប្រជុំកំពូលពាក់ព័ន្ធ ដែលកម្ពុជា ធ្វើជាម្ចាស់ផ្ទះ នាពេលនេះ។

The post ថ្ងៃនេះ ថ្នាក់ដឹកនាំអាស៊ាន បន្តកិច្ចប្រជុំកំពូលចំនួនពីរទៀត appeared first on .

ដំណើរ​មក​ដល់​របស់​លោក​ប្រធានាធិបតី​ទី​៤៦ របស់​អាមេរិក ​​បាន​​ធ្វើ​ឱ្យ​កម្លាំង​សមត្ថកិច្ច​បិទ​ចរាចរណ៍​ទាំង​ស្រុង ​​នៅ​លើ​កំណត់​ផ្លូវ​សហព័ន្ធ​រុស្ស៊ី ​​​ចាប់ពី​មុខ​ព្រលាន​យន្តហោះ​អន្តរជាតិ​ភ្នំពេញ រហូត​ដល់​សណ្ឋាគារ រ៉ាហ្វលឡឺរ៉ូយ៉ាល់ ​​តាំង​ពី​ម៉ោង​ ៨:០០​នាទី​ព្រឹក ដល់​​ម៉ោង​ ០៩:៣០​នាទីព្រឹក ដើម្បីការពារសុវត្ថិភាព និងក្បួនធ្វើដំំណើរ​របស់លោក។

សណ្ឋាគារ រ៉ាហ្វលឡឺរ៉ូយ៉ាល់ (Raffles Le Royal) មានទីតាំង​នៅ​​រុក្ខវិថី​លេខ​៩២ សង្កាត់​វត្ត​ភ្នំ ខណ្ឌ​ដូនពេញ​ ជា​សណ្ឋាគារ​​លំដាប់​ប្រណិត​ផ្កាយ៥ ដែល​បាន​កសាង​ឡើង​នៅ​សម័យ​បារាំង ហើយសព្វថ្ងៃ​សណ្ឋាគារ​នេះ នៅតែរក្សារចនាបថដើមសឹងតែ១០០ភាគរយ។ សណ្ឋាគារ​នេះ បើក​ឱ្យ​ដំណើរការ​នៅក្នុង​ឆ្នាំ១៩២៩ ក្រោមព្រះរាជាធិបតីព្រះបាទស៊ីសុវត្ថិ មុនីវង្ស ដែល​មក​ដល់​បច្ចុប្បន្ន​នេះ មាន​អាយុ​កាល​ជិត​ ១០០​ឆ្នាំ​ហើយ។

រ៉ាហ្វលឡឺរ៉ូយ៉ាល់ ជាសណ្ឋាគារ ដែលឥស្សរ:ជនល្បីៗនៅលើពិភពលោក​ជ្រើសជ្រើសរើស សម្រាប់ការ​ស្នាក់​នៅរាល់ពេលមកកម្ពុជា ដែលក្នុងនោះរួមមាន នៅឆ្នាំ១៩៣៦ តារាកំប្លែងជនជាតិអង់គ្លេស Charlie Chaplin (លោក សាកឡូ) និងលោកស្រី Paulette Goddard, អ្នក​និពន្ធរឿងជនជាតិអង់គ្លេសលោក William Somerset Maugham, នៅឆ្នាំ១៩៦៦ លោកប្រធានាធិបតី​បារាំង ហ្សាល ដឺហ្គូល (Charles de Gaulle), នៅឆ្នាំ១៩៦៧ ស្ត្រីទី១អាមេរិកលោកស្រី Jacqueline Kennedy (ភរិយារបស់ប្រធានាធិបតីអាមេរិកលោក John F Kennedy), អ្នកនិពន្ធប្រលោម​លោកល្បី​​ឈ្មោះជនជាតិបារាំងលោក Andre Malraux និងលោកប្រធានធិបតីសហរដ្ឋអាមេរិក​លោក ប៉ារ៉ាក់ អូប៉ាមា (មកចូលរួម​កិច្ច​ប្រជុំ​កំពូល​អាស៊ាន ដែល​កម្ពុជា​ធ្វើ​ជា​ម្ចាស់​ផ្ទះ) នៅឆ្នាំ២០១២ ផងដែរ។

សូម​ជម្រាប​​ជូន​ថា ​​លោក​ប្រធានាធិបតី ចូ បៃដិន ​​នឹង​ចូល​រួម​កិច្ច​ប្រជុំ​កំពូល​អាស៊ាន-អាមេរិក លើក​ទី​១០ នៅ​វេលា​ម៉ោង ៥:០០​ល្ងាច ថ្ងៃទី​១២ ខែ​វិច្ឆិកា​នេះ នៅ​សណ្ឋាគារ​ សុខា ភ្នំពេញ។ លោក​នឹង​ស្នាក់​​​នៅ​សណ្ឋាគារ រ៉ាហ្វលឡឺរ៉ូយ៉ាល់ (Raffles Le Royal) ​រយៈពេល​មួយ​យប់ ​ហើយ​នឹង​មាន​ជំនួប​ទ្វេរភាគី​ជាមួយ​មេដឹកនាំ​ប្រទេស​មួយ​ចំនួន នៅ​ព្រឹក​ថ្ងៃទី​១៣ ខែ​វិច្ឆិកា ​​មុន​ពេល​​លោក​​ចាក​ចេញ​ពី​ទឹកដី​កម្ពុជា ​​នៅ​រសៀល​ថ្ងៃ​ដដែល ​​ដើម្បី​បន្ត​ដំណើរ​ទៅ​កាន់​​ប្រទេស​ឥណ្ឌូនេស៊ី ​ដើម្បី​ចូលរួម​កិច្ច​ប្រជុំ G-20 ពី​ថ្ងៃទី ១៣ រហូត​ដល់ថ្ងៃទី១៦ ខែ​វិច្ឆិកា​ បន្តទៀត៕​

The post មេដឹកនាំកំពូលអាមេរិក ចូ បៃដិន ស្នាក់នៅសណ្ឋាគារលំដាប់ផ្កាយ៥ មួយនៅរាជធានីភ្នំពេញ appeared first on .