យោងតាមរដ្ឋបាលគយទូទៅចិន (GACC) បានបង្ហាញផងដែរថា ពាណិជ្ជកម្មលើទំនិញពាក់កណ្តាលសម្រេច រួមទាំងគ្រឿងបន្លាស់ សមាសធាតុ និងធាតុចូលផលិតកម្ម បានកើនឡើង ២៤,៥% ដល់ ២,៨៦ទ្រីលានយ៉ន់ ក្នុងអំឡុងពេលដូចគ្នានេះ ដែលមានចំនួនប្រហែលពីរភាគបីនៃពាណិជ្ជកម្មសរុប។

លោក Lyu Daliang អ្នកនាំពាក្យរបស់ GACC បានសន្មតថាកំណើនស្ថិរភាពនៃពាណិជ្ជកម្មទំនិញពាក់កណ្តាលសម្រេចនេះ គឺដោយសារតែការធ្វើសមាហរណកម្ម និងការតភ្ជាប់កាន់តែស៊ីជម្រៅរវាងខ្សែសង្វាក់ឧស្សាហកម្ម និងតម្លៃរបស់ចិន និងអាស៊ាន។

ទន្ទឹមនឹងនេះ ទិន្នន័យចុងក្រោយបំផុតពីគយ Nanning ក៏បានបង្ហាញផងដែរថា ពាណិជ្ជកម្មរវាងតំបន់ស្វយ័ត Guangxi Zhuang របស់ចិន និងអាស៊ានបានឈានដល់ ២៤៨,២១ទ្រីលានយ៉ន់ ក្នុងរយៈពេលប្រាំពីរខែដំបូងនៃឆ្នាំ២០២៦ កើនឡើង ២,៥% ។

យ៉ាងណាមិញ ប្រព័ន្ធផ្សព្វផ្សាយចិន បានរាយការណ៍ថា ជុំវិញកំណើននេះ ត្រូវបានជំរុញដោយក្របខ័ណ្ឌពិសេសដែលគាំទ្រដល់ពាណិជ្ជកម្មក្នុងតំបន់ គឺភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មដែលមានសមាជិកចំនួន ១៥ ប្រទេស ដែលរួមមានប្រទេសចិន ជប៉ុន សាធារណរដ្ឋកូរ៉េ អូស្ត្រាលី នូវែលសេឡង់ និងប្រទេសអាស៊ានចំនួន ១០ ផងដែរ។

គួរជម្រាបជូនថា កិច្ចព្រមព្រៀងដែលបានចូលជាធរមាននៅក្នុងខែមករា ឆ្នាំ២០២២ នេះ ត្រូវបានអនុវត្តយ៉ាងពេញលេញដោយប្រទេសចុះហត្ថលេខាទាំង១៥ ចាប់តាំងពីខែមិថុនា ឆ្នាំ២០២៣ មក។ ក្រោមច្បាប់ប្រភពដើមរបស់ខ្លួន សម្ភារៈដែលមានប្រភពមកពីប្រទេសសមាជិកមួយ និងប្រើប្រាស់ក្នុងការផលិតនៅក្នុងប្រទេសសមាជិកមួយផ្សេងទៀត ត្រូវបានចាត់ទុកថាជាវត្ថុធាតុដើមនៃប្រទេសសមាជិកក្រោយ៕​

The post ទំហំពាណិជ្ជកម្មរវាងចិន និងអាស៊ាន កើនឡើងដល់ជាង ៦៤៣ពាន់លានដុល្លារ នៅក្នុងឆមាសទី១ ឆ្នាំនេះ appeared first on .

ថ្លែងនៅក្នុងសន្និសីទសារព័ត៌មាននៅថ្ងៃទី១០ ខែសីហា ក្នុងអំឡុងពេលប្រារព្ធទិវាអាស៊ានលើកទី៥៩ លោក Hasan បានជំរុញឱ្យអាស៊ានបង្កើនទំនាក់ទំនងពាណិជ្ជកម្មបន្ថែមទៀតក្នុងចំណោមរដ្ឋជាសមាជិករបស់ខ្លួន។ យោងតាមលោក អាស៊ានបានបង្កើតយន្តការផ្សេងៗដើម្បីគាំទ្រគោលដៅនេះ ដូចជាការដឹកជញ្ជូនទំនិញដោយសេរី ដែលមានគោលបំណងធ្វើឱ្យវាកាន់តែងាយស្រួលក្នុងការជំរុញពាណិជ្ជកម្មក្នុងតំបន់។

យ៉ាងណាមិញ នៅមុននេះ លោក Hasan បានធ្វើជាអធិបតីក្នុងពិធីអបអរសាទរខួបលើកទី៥៩ របស់អាស៊ាន ដែលរៀបចំដោយក្រសួងការបរទេសម៉ាឡេស៊ី ដោយមានអ្នកចូលរួមសរុបប្រមាណ ៣០០ នាក់។

នៅក្នុងសេចក្តីថ្លែងការណ៍មួយ ក្រសួងបាននិយាយថា ទិវាអាស៊ានឆ្នាំនេះគឺជាព្រឹត្តិការណ៍សំខាន់មួយនៅក្នុងដំណើរឆ្ពោះទៅមុខរបស់ប្លុក។ ដោយបង្កើតឡើងនៅលើសសរស្តម្ភសំខាន់ៗចំនួនបីគឺ នយោបាយ-សន្តិសុខ សេដ្ឋកិច្ច និងសង្គម-វប្បធម៌ អាស៊ានបន្តបង្ហាញពីភាពរឹងមាំ សាមគ្គីភាព និងភាពធន់របស់សហគមន៍របស់ខ្លួន។

មិនតែប៉ុណ្ណោះ សេចក្តីថ្លែងការណ៍នេះ បានបញ្ជាក់ទៀតថា ការប្រារព្ធទិវាអាស៊ាននេះ គឺឆ្លុះបញ្ចាំងពីការប្តេជ្ញាចិត្តរួមគ្នារបស់ប្លុក ខណៈពេលដែលមានការពង្រឹងបន្ថែមទៀតនូវចំណងមិត្តភាពដែលបង្រួបបង្រួមប្រជាជាតិអាស៊ីអាគ្នេយ៍ទាំងមូល៕

The post អាស៊ាន ដាក់គោលដៅក្លាយជាតំបន់សេដ្ឋកិច្ចធំបំផុតទី៤ ក្នុងឆ្នាំ២០៣០ ខាងមុខ appeared first on .

កិច្ចប្រជុំនេះ ត្រូវបានរៀបចំឡើងផ្ទាល់ និងតាមអនឡាញ ក្រោមភាពជាប្រធានអាស៊ានប្តូរវេនរបស់ប្រទេសហ្វីលីពីន ព្រមទាំងមានការចូលរួមពីមន្ត្រីនៃលេខាធិការដ្ឋានអាស៊ានផងដែរ។

ក្នុងឱកាសនោះ អង្គប្រជុំបានពិនិត្យ និងពិភាក្សាលើសកម្មភាពការងារមួយចំនួន រួមមាន៖
១. ពិនិត្យ និងតាមដានលទ្ធផលការងារជាបន្តបន្ទាប់ពីកិច្ចប្រជុំមន្ត្រីសេដ្ឋកិច្ចលើកទី៧ ឆ្នាំ២០២៦ កាលពីថ្ងៃទី១៤ ខែកក្កដា ឆ្នាំ២០២៦ នៅលេខាធិការដ្ឋានអាស៊ាន។
២. ផែនការការងារអាទិភាពឆ្នាំ២០២៦ ស្ដីពីការកសាងសហគមន៍សេដ្ឋកិច្ចអាស៊ាន
៣. ពិនិត្យ និងអនុម័តលើរបាយការណ៍របស់ប្រធានកិច្ចប្រជុំតាមវិស័យ ស្ថិតក្រោមយុត្តាធិការទទួលខុសត្រូវរបស់ឧត្តមមន្ត្រីសេដ្ឋកិច្ចអាស៊ាន (SEOM)
៤. ពិនិត្យវឌ្ឍនភាពនៃកិច្ចសហប្រតិបត្តិការសេដ្ឋកិច្ច-ពាណិជ្ជកម្ម ជាមួយដៃគូយុទ្ធសាស្ត្រសំខាន់ៗ រួមមាន៖ អាស៊ាន-សហភាពអឺរ៉ុប (EU) អាស៊ាន-សហរដ្ឋអាម៉េរិក អាស៊ាន-ចក្រភពអង់គ្លេស និងអាស៊ានបូកបី (China-Japan-Korea)
៥. ពិនិត្យ និងពិភាក្សាលើសេចក្តីថ្លែងការណ៍រួម (JMS) សម្រាប់កិច្ចប្រជុំពិគ្រោះយោបល់រដ្ឋមន្រ្តីសេដ្ឋកិច្ចអាស៊ាន និងដៃគូសន្ទនាអាស៊ាន (AEM-DP Consultations)
៦. ពិនិត្យនិងពិភាក្សាលើវឌ្ឍនភាពនៃដំណើរការចូលជាសមាជិក ក្នុងកិច្ចព្រមព្រៀងសេដ្ឋកិច្ចអាស៊ានរបស់ប្រទេសទីម័រខាងកើត (Timor-Leste)
៧. ការត្រៀមរៀបចំកិច្ចប្រជុំឧត្តមមន្រ្តីសេដ្ឋកិច្ចអាស៊ានលើកទី៣ (SEOM 3/57) និងកិច្ចប្រជុំពាក់ព័ន្ធ រួមមាន របាយការណ៍ប្រធានមន្រ្តីសេដ្ឋកិច្ចអាស៊ានជូនកិច្ចប្រជុំ (SEOM 3/57) ក៏ដូចរៀបចំរដ្ឋបាលសម្រាប់កិច្ចប្រជុំ និង
៨. បញ្ហាផ្សេងៗទៀត។

សូមជម្រាបជូនថា កិច្ចប្រជុំលើកទី៥ នេះ បានបិទបញ្ចប់ទៅដោយជោគជ័យ និងបានប្រព្រឹត្តិបន្តទៀតចាប់ពីថ្ងៃទី៧ ដល់ថ្ងៃទី៩ ខែសីហា ឆ្នាំ២០២៦ នៅទីក្រុងម៉ានីល ប្រទេសហ្វីលីពីន៕

The post កម្ពុជា ចូលរួមកិច្ចប្រជុំលើកទី៨ នៃមន្ត្រីសេដ្ឋកិច្ចនៃស្ថានបេសកកម្មអចិន្ត្រៃយ៍នៃរដ្ឋសមាជិកអាស៊ានប្រចាំអាស៊ាន នៅប្រទេសហ្វីលីពីន appeared first on .

សម្តេចធិបតី ថ្លែងដូច្នេះក្នុងឱកាសអញ្ជើញជា​អធិប​តី​​បើក​កិច្ច​ប្រជុំរដ្ឋមន្ត្រីលើវិស័យ​សាធារណៈអាស៊ានលើកទី២៣ (23rd ACCSM) និងអាស៊ាន​បូក​៣​លើក​​ទី៨ (8th ACCSM+3) នៅសណ្ឋាគារសុខា​ខេត្តសៀម​រាប នាថ្ងៃ ទី៥ ខែសីហា ឆ្នាំ២០២៦​នេះ នៅ​ខេត្តសៀម​រាប។

នាឱកាសនោះ សម្តេចធិបតី ហ៊ុន ម៉ាណែត បានថ្លែងថា សូមបញ្ជាក់ជាថ្មីថា កម្ពុជាគាំទ្រយ៉ាងពេញទំហឹង និងបន្តប្តេជ្ញាចិត្តធ្វើការយ៉ាងជិតស្និទ្ធជាមួយរដ្ឋសមាជិកអាស៊ានទាំងអស់ ប្រទេសបូកបី និងដៃគូសន្ទនា ដើម្បីបំប្លែងឯកសារទាំងនេះទៅជាសកម្មភាពជាក់ស្តែង។ ក្នុងស្មារតីនេះ កម្ពុជាមានមោទកភាពក្នុងការទទួលតួនាទីជាប្រធានប្តូរវេន នៃបណ្តាញវិទ្យាស្ថានបណ្តុះបណ្តាលមុខងារសាធារណៈអាស៊ាន សម្រាប់អាណត្តិឆ្នាំ២០២៧-២០២៨។

ជាមួយនឹងការសម្លឹងខ្ពស់ទៅអនាគតដ៏វែងឆ្ងាយ សម្តេចធិបតី ក៏សូមឱ្យអាស៊ានរួមគ្នាទទួលយកចក្ខុវិស័យរួមសម្រាប់អនាគតនៃស្ថាប័នសាធារណៈរបស់យើង។ រួមគ្នា យើងពង្រឹងកិច្ចសហប្រតិបត្តិការក្នុងតំបន់ លើកកម្ពស់វប្បធម៌នវានុវត្តន៍ និងឧត្តមភាព និងជំរុញការកសាងមុខងារសេវាសាធារណៈដែលមានភាពបត់បែន និងភាពធន់ ត្រៀមខ្លួនសម្រាប់អនាគត និងលះបង់ដើម្បីលើកកម្ពស់ជីវភាពរស់នៅរបស់ប្រជាជនយើង។

បន្ថែមពីនេះ សម្តេចធិបតី បានថ្លែងដោយក្តីសង្ឃឹមយ៉ាងស្មោះស្ម័គ្រថា ការផ្លាស់ប្តូរទស្សនៈ និងកិច្ចសន្ទនាគោលនយោបាយដែលបានប្រព្រឹត្តទៅក្នុងរយៈពេលពីរថ្ងៃកន្លងមក និងនៅក្នុងថ្ងៃនេះ នឹងជួយពង្រឹងការយោគយល់គ្នាទៅវិញទៅមក លើកទឹកចិត្តដល់ការចែករំលែកបទពិសោធន៍ និងការអនុវត្តល្អបំផុត និងពង្រឹងកិច្ចសហការរវាងស្ថាប័នសេវាសាធារណៈរបស់យើង។
សូមជម្រាបដែរថា កិច្ចប្រជុំដ៏មានសារៈសំខាន់ស្ថិតនៅក្រោមសសរស្តម្ភសង្គម និងវប្បធម៌របស់​អា​ស៊ាននេះ គឺមានការអញ្ជើញចូលពីរដ្ឋមន្ត្រីមុខងារសាធារណៈនៃប្រទេសសមាជិក​អាស៊ាន អគ្គលេខាធិការអាស៊ាន និងរដ្ឋមន្ត្រីមុខងារសាធារណៈប្រទេសបូក៣ រួមមាន ចិន ជប៉ុន ព្រមទាំងប្រទេសកូរ៉េខាងត្បូង៕អត្ថបទ៖ហ្សាលីន

The post សម្តេចធិបតី ជំរុញឱ្យអាស៊ានរួមគ្នាជំរុញការកសាងមុខងារសេវាសាធារណៈដែលមានភាពធន់ appeared first on .

នេះបើយោងតាមប្រសាសន៍របស់ លោក គង់ ភោគ រដ្ឋលេខាធិការ និងជាឧត្តមមន្ត្រីអាស៊ានកម្ពុជា ក្នុងឱកាសធ្វើជាសហប្រធានដឹកនាំកិច្ចប្រជុំឧត្តមមន្ត្រីអាស៊ាន-សហរដ្ឋអាម៉េរិក លើកទី៣៨ ជាមួយ លោក Michael George DeSombre ឧបការីរដ្ឋមន្ត្រីការបរទេសទទួលបន្ទុកកិច្ចការអាស៊ីបូព៌ា និងប៉ាស៊ីហ្វិក និងជាឧត្តមមន្ត្រីសហរដ្ឋអាម៉េរិក នៅលេខាធិការដ្ឋានអាស៊ាន ទីក្រុងហ្សាការតា ប្រទេសឥណ្ឌូណេស៊ី។ កិច្ចប្រជុំនេះមានការចូលរួមពីសំណាក់ឧត្តមមន្ត្រី និងតំណាងពីប្រទេសសមាជិកអាស៊ាន សហរដ្ឋអាម៉េរិក និងលេខាធិការដ្ឋានអាស៊ាន។

កិច្ចប្រជុំ បានស្វាគមន៍ចំពោះការអនុវត្តប្រកបដោយជោគជ័យនៃផែនការសកម្មភាពដើម្បីអនុវត្តភាពជាដៃគូយុទ្ធសាស្ត្រអាស៊ាន-សហរដ្ឋអាម៉េរិក (២០២១-២០២៥) ពិនិត្យឡើងវិញនូវកិច្ចសហប្រតិបត្តិការក្រោមភាពជាដៃគូយុទ្ធសាស្ត្រគ្រប់ជ្រុងជ្រោយអាស៊ាន-សហរដ្ឋអាម៉េរិក កំណត់វិស័យថ្មីសម្រាប់កិច្ចសហប្រតិបត្តិការនាពេលអនាគត​ និងផ្លាស់ប្តូរទស្សនៈគ្នាជុំវិញការវិវត្តក្នុងតំបន់ និងអន្តរជាតិ។ ភាគីទាំងពីរក៏បានទន្ទឹងរង់ចាំការអបអរខួបលើកទី៥០ នៃទំនាក់ទំនងដៃគូសន្ទនាអាស៊ាន-សហរដ្ឋអាម៉េរិក ក្នុងឆ្នាំ២០២៧ ផងដែរ។

ជារួម នៅក្នុងកិច្ចប្រជុំនោះ ក្នុងនាមជាប្រទេសសម្របសម្រួលទំនាក់ទំនងដៃគូសន្ទនាអាស៊ាន-សហរដ្ឋអាម៉េរិក ក៏កម្ពុជាបានអះអាងជាថ្មីនូវការប្តេជ្ញាចិត្តក្នុងការធ្វើការជិតស្និទ្ធជាមួយប្រទេសសមាជិកអាស៊ាន និងសហរដ្ឋអាម៉េរិក ក្នុងការត្រៀមរៀបចំព្រឹត្តិការណ៍ដ៏សំខាន់នេះ និងលើកកម្ពស់ភាពជាដៃគូឲ្យឈានទៅកម្រិតខ្ពស់ថ្មីមួយទៀត ដើម្បីផលប្រយោជន៍រួមរបស់ប្រជាជនទាំងពីរផងដែរ៕អត្ថបទ៖ហ្សាលីន

The post កម្ពុជា ប្តេជ្ញាធ្វើការជិតស្និទ្ធជាមួយអាស៊ាន និងអាម៉េរិក ដើម្បីលើកកម្ពស់ភាពជាដៃគូឱ្យឈានទៅកម្រិតខ្ពស់ថ្មី appeared first on .

តាមរយៈសារអបអរសាទរក្នុងឱកាសខួប ២៧ឆ្នាំ នៃការចូលជាសមាជិកអាស៊ានរបស់កម្ពុជា (ថ្ងៃទី៣០ ខែមេសា ឆ្នាំ១៩៩៩ – ថ្ងៃទី៣០ ខែមេសា ឆ្នាំ២០២៦) ឯកឧត្តម ប្រាក់ សុខុន បានលើកឡើងថា តាមរយៈការចូលរួមយ៉ាងសកម្មនៅក្នុងកិច្ចខិតខំ ប្រឹងប្រែងកសាងសហគមន៍អាស៊ាន ក្នុងចំណោមបណ្តាវិស័យផ្សេងៗ កម្ពុជាបានពង្រីក កាលានុវត្តភាពពាណិជ្ជកម្មនិងវិនិយោគ បង្កើនការតភ្ជាប់តំបន់ ពង្រឹងភាពធន់នៃខ្សែច្រវាក់ផ្គត់ផ្គង់ បង្រួមគម្លាតអភិវឌ្ឍន៍ ព្រមទាំងជំរុញភាពជឿនលឿនផ្នែកវិទ្យាសាស្ត្រ បច្ចេកវិទ្យា និងនវានុវត្តន៍។ កិច្ចខិតខំប្រឹងប្រែងទាំងនេះបានរួមចំណែកប្រកបដោយអត្ថន័យដល់ការលើកកម្ពស់ជីវភាពរស់នៅរបស់ប្រជាជនយើង និងផ្ដល់ឱ្យពួកគាត់នូវ ការត្រៀមលក្ខណៈជាស្រេចនិងបន្សំចំពោះអនាគត។

ឯកឧត្ដមរដ្ឋមន្រ្ដី បានបន្ថែមថា ស្របពេលជាមួយគ្នានេះ កម្ពុជាក៏ជាអ្នករួមចំណែកយ៉ាងសកម្មដល់ការអភិវឌ្ឍ និងសមាហរណកម្មរបស់អាស៊ាន។ ចាប់តាំងពីការចូលជាសមាជិកអាស៊ាន នៅថ្ងៃទី៣០ខែមេសា ឆ្នាំ១៩៩៩ កម្ពុជាបានបំពេញតួនាទីជាប្រធានអាស៊ានចំនួន ៣លើក ដោយ បានដឹកនាំសមាគមមួយនេះឆ្លងកាត់ដំណាក់កាលសំខាន់ៗជាច្រើននៃដំណើរការវិវឌ្ឍន៍របស់ខ្លួន។ កម្ពុជាក៏បានជំរុញកិច្ចសន្ទនាក្នុងតំបន់ពង្រឹងតួនាទីស្នូលរបស់អាស៊ាននៅ ក្នុងនិម្មាបនកម្មតំបន់ដែលកំពុងមានការវិវឌ្ឍឥតឈប់ឈរ ព្រមទាំងបានលើកកម្ពស់

កិច្ចសហប្រតិបត្តិការជាក់ស្ដែង នៅគ្រប់សសរស្ដម្ភសហគមន៍នយោបាយ-សន្តិសុខ សហគមន៍សេដ្ឋកិច្ច និងសហគមន៍សង្គម-វប្បធម៌។ ការចូលរួមយ៉ាងសកម្មនិងវិភាគទាន ប្រកបដោយស្ថាបនារបស់កម្ពុជាគូសបញ្ជាក់ឱ្យឃើញថា ការចូលជាសមាជិកអាស៊ាន របស់ខ្លួនបានពង្រឹងមជ្ឈភាពអាស៊ាន ភាពធន់ និងសមត្ថភាពរួមរបស់អាស៊ាន ដើម្បី ឆ្លើយតបទៅនឹងបញ្ហាប្រឈមតំបន់ និងជាសាកល។

សម្លឹងឆ្ពោះទៅមុខ កម្ពុជារក្សាការប្តេជ្ញាយ៉ាងមុតមាំធ្វើការយ៉ាងជិតស្និទ្ធជាមួយ បណ្តាប្រទេសសមាជិកអាស៊ានទាំងអស់ ដើម្បីសម្រេចបាននូវទស្សនវិស័យសហគមន៍ អាស៊ានឆ្នាំ២០៤៥។ ដោយរួមគ្នា កម្ពុជានឹងបន្តពង្រឹងឯកភាពនិងមជ្ឈភាពអាស៊ាន ព្រមទាំងកសាងសហគមន៍អាស៊ានមួយដែលកាន់តែស្អិតរមួតគ្នា ប្រកបដោយបរិយាបន្ន និងភាពធន់, ជាសហគមន៍មួយដែលផ្ដោតលើផលប្រយោជន៍ប្រជាជនពិតប្រាកដ និងយកចិត្តទុកដាក់ចំពោះប្រជាជន ដោយមិនបោះបង់នរណាម្នាក់ឡើយ៕

The post ឯកឧត្ដម ប្រាក់ សុខុន៖ រយៈពេល២៧ឆ្នាំកន្លងមក អាស៊ានបានដើរតួជាវេទិកាមួយដែលមិនអាចខ្វះបាន សម្រាប់កម្ពុជា appeared first on .

នៅក្នុងកិច្ចប្រជុំកំពូលអាស៊ាន ដែលប្រពឹត្តិធ្វើឡើងនៅទីក្រុងកូឡាឡាំពួរ នាយករដ្ឋមន្ត្រីទីម័រខាងកើត លោក Xanana Gusmao បានប្រកាសនៅថ្ងៃនេះថា ៖”ប្រវត្តិសាស្ត្រត្រូវបានបង្កើតឡើង” ខណៈពេលដែលមេដឹកនាំនៃប្រទេសអាស៊ានទាំង១០ បានធ្វើជាសាក្សីនៃការចុះហត្ថលេខាលើសេចក្តីប្រកាសស្តីពីការទទួលយកទីម័រខាងកើត ឲ្យចូលរួមនៅក្នុងប្លុក។

ទន្ទឹមនឹងនេះ នាយករដ្ឋមន្ត្រីម៉ាឡេស៊ី លោក Anwar Ibrahim ដែលប្រទេសរបស់លោកកំពុងកាន់តំណែងជាប្រធានអាស៊ាន បាននិយាយថា ៖”ការចូលជាសមាជិករបស់ទីម័រខាងកើត គឺជាការបំពេញបន្ថែមនៃគ្រួសារអាស៊ាន ដោយបញ្ជាក់ជាថ្មីនូវវាសនារួមរបស់យើង និងអារម្មណ៍មិត្តភាពយ៉ាងជ្រាលជ្រៅនៅក្នុងតំបន់របស់យើង”។

លោក Anwar បានសង្កត់ធ្ងន់ទៀតថា ៖”នៅក្នុងសហគមន៍នេះ ការអភិវឌ្ឍ និងស្វ័យភាពជាយុទ្ធសាស្ត្ររបស់ទីម័រខាងកើតនឹងត្រូវបានគាំទ្រយ៉ាងរឹងមាំ និងជាអចិន្ត្រៃយ៍”។

គួរឲ្យដឹងថាទីម័រខាងកើតបានក្លាយជាប្រទេសឯករាជ្យនៅឆ្នាំ២០០២ បន្ទាប់ពីបំបែកចេញពីប្រទេសឥណ្ឌូណេស៊ី។ ហើយនៅឆ្នាំ២០១១ ទីម័រខាងកើតបានដាក់ពាក្យសុំចូលរួមអាស៊ានជាលើកដំបូង។ ហើយការសិក្សាជាបន្តបន្ទាប់ត្រូវបានធ្វើឡើងដើម្បីវាយតម្លៃពីការត្រៀមខ្លួនរបស់ប្រទេសនេះ ទាក់ទងនឹងស្ថិរភាពនយោបាយ សមត្ថភាពសេដ្ឋកិច្ច និងការត្រៀមខ្លួនរបស់ស្ថាប័ន។

ជម្រាបជូនថា នៅឆ្នាំ២០២២ អាស៊ានបានផ្តល់ឋានៈជាអ្នកសង្កេតការណ៍ដល់ទីម័រខាងកើត ដែលអនុញ្ញាតឱ្យប្រទេសនេះ ចូលរួមកិច្ចប្រជុំអាស៊ានទាំងអស់ រួមទាំងកិច្ចប្រជុំកំពូលអាស៊ាន និងវេទិកាពាក់ព័ន្ធផងដែរ៕​

The post ទីម័រខាងកើត ចូលជាសមាជិកទី១១ របស់អាស៊ានជាផ្លូវការ ក្រោយពុះពារអស់ ១៤ឆ្នាំ appeared first on .

តាមរយៈសារលិខិត ចុះថ្ងៃទី២៦ ខែតុលា ឆ្នាំ២០២៥ សម្ដេចតេជោ ហ៊ុន សែន បានលើកឡើងថា «ក្នុងនាមព្រឹទ្ធសភា នៃព្រះរាជាណាចក្រកម្ពុជា និងក្នុងនាមខ្លួនខ្ញុំផ្ទាល់ ខ្ញុំមានសេចក្តីសោមនស្ស រីករាយយ៉ាងខ្លាំង សូមចូលរួមអបអរសាទរយ៉ាងកក់ក្តៅបំផុតជូនចំពោះ លោកជំទាវសភាជាតិ និង ប្រជាជន នៃសាធារណរដ្ឋប្រជាធិបតេយ្យទីម័រឡេស្តេ ក្នុងឱកាសជាប្រវត្តិសាស្ត្រ នៃការចូលរួមជាសមាជិក ពេញសិទ្ធិ នៃសមាគមអាស៊ានក្នុងខែតុលា ឆ្នាំ២០២៥»។

សម្ដេចតេជោ បានបញ្ជាក់ថា សមិទ្ធផលដ៏អស្ចារ្យនេះ ឆ្លុះបញ្ចាំងពីកិច្ចខិតខំប្រឹងប្រែងឥតងាករេរបស់ស្ថាប័ន និងប្រជាជនរបស់ទីម័រឡេស្តេ និងគោលដៅរួមរបស់តំបន់ នៃការធ្វើសមាហរណកម្ម និងកិច្ចសហប្រតិបត្តិការកាន់តែស៊ីជម្រៅ។ ដំណើររបស់ទីម័រឡេស្តេ ចាប់តាំងពីការទទួលស្គាល់ជាគោលការណ៍ជាសមាជិកអាស៊ាន នៅសន្និសីទកំពូលអាស៊ានលើកទី៤០ និង៤១ នៅប្រទេសកម្ពុជា ឆ្នាំ២០២២ រហូតដល់ការចូលជាសមាជិកពេញសិទ្ធិនេះ គឺជាសក្ខីភាព នៃឆន្ទៈជាតិរបស់ទីម័រឡេស្តេ និងសាមគ្គីភាពតំបន់។

សម្ដេចតេជោ ហ៊ុន សែន បានបន្ថែមថា ក្នុងនាមជាមិត្តដ៏យូរអង្វែង កម្ពុជាមានមោទនភាពយ៉ាងខ្លាំង ដែលបានគាំទ្រទីម័រឡេស្តេ ក្នុងដំណើរចូលរួមជាសមាជិកអាស៊ាន។

សម្ដេចតេជោ មានជំនឿជាក់ថា ការចូលជាសមាជិកពេញសិទ្ធិរបស់ទីម័រឡេស្តេ នឹងពង្រឹងឯកភាពអាស៊ាន និងជំរុញកិច្ចសហប្រតិបត្តិការរវាងសភា និងការអភិវឌ្ឍតំបន់ក្នុងបរិបទដែលពិភពលោកកំពុងមានបញ្ហាប្រឈមកាន់តែស្មុគស្មាញ។

ទន្ទឹមនឹងនោះ សម្ដេចតេជោ ហ៊ុន សែន ក៏បានបញ្ជាក់ពីការទន្ទឹងរង់ចាំធ្វើការងារយ៉ាងជិតស្និទ្ធជាមួយលោកជំទាវ ប្រធានសភាជាតិទីម័រឡេស្តេ ដើម្បីពង្រឹងបន្ថែមទៀតនូវទំនាក់ទំនងមិត្តភាពរវាងស្ថាប័ននីតិប្បញ្ញត្តិទាំងពីរ និងលើកកម្ពស់ផលប្រយោជន៍ទៅវិញទៅមករបស់ប្រជាជាតិទាំងពីរ និងផលប្រយោជន៍រួមរបស់សហគមន៍អាស៊ាន៕

The post ស​​ម្ដេចតេជោ ហ៊ុន សែន ផ្ញើលិខិតទៅលោកជំទាវប្រធានសភាជាតិទីម័រឡេស្តេ អបអរសាទរដែល បានចូលជាសមាជិកពេញសិទ្ធិអាស៊ាន appeared first on .

នៅក្នុងកិច្ចសន្ទនាតាមទូរស័ព្ទជាមួយប្រធានាធិបតី ឯកឧត្តម ដូណាល់ ត្រាំ នៅថ្ងៃនេះ ឯកឧត្តម អាន់វ៉ា អុីប្រាហ៊ីម បានបញ្ជាក់ជាថ្មីនូវការប្តេជ្ញាចិត្តរបស់ម៉ាឡេស៊ី ក្នុងនាមជាប្រធានអាស៊ាន ក្នុងការបន្តដើរតួនាទីយ៉ាងសកម្មក្នុងការធានាសន្តិភាពក្នុងតំបន់ ជាពិសេសពាក់ព័ន្ធនឹងបញ្ហាកម្ពុជា-ថៃ។

តាមបណ្តាញសង្គមផ្លូវការ ឯកឧត្តម Anwar Ibrahim នាយករដ្ឋមន្ត្រីម៉ាឡេស៊ី នៅរសៀលថ្ងៃទី២៥ ខែកញ្ញា ឆ្នាំ២០២៥នេះ បានបង្ហោះសារថា លោកប្រធានាធិបតី Trump បានទទួលស្គាល់ភាពជោគជ័យរបស់ប្រទេសម៉ាឡេស៊ី ក្នុងការសម្របសម្រួលកិច្ចព្រមព្រៀងឈប់បាញ់រវាងកម្ពុជា និងថៃ ថាជាសមិទ្ធិផលដ៏អស្ចារ្យដែលបង្ហាញពីអធិបតេយ្យភាពរបស់ប្រទេសម៉ាឡេស៊ី និងភាពរឹងមាំរបស់អាស៊ាន។ 

ជាមួយគ្នានេះ លោក Anwar ក៏បានសរសើរ លោកប្រធានាធិបតី Trump ចំពោះតួនាទីដែលសហរដ្ឋអាមេរិកកំពុងដើរតួក្នុងការធានាបទឈប់បាញ់រវាងកម្ពុជា-ថៃ។

ឯកឧត្តម Anwar Ibrahim បានបញ្ជាក់ថា ម៉ាឡេស៊ី ទន្ទឹងរង់ចាំវត្តមានរបស់លោកប្រធានាធិបតី ដូណាល់ ត្រាំ ក្នុងកិច្ចប្រជុំកំពូលអាស៊ាននៅខែក្រោយ ដែលនឹងក្លាយជាវេទិកាសំខាន់មួយដើម្បីពង្រឹងកិច្ចសហប្រតិបត្តិការ ដើម្បីសន្តិភាព ស្ថិរភាព និងវិបុលភាពក្នុងតំបន់៕

The post ប្រធានអាស៊ាន ឯកឧត្តម Anwar Ibrahim ទូរស័ព្ទជាមួយ ឯកឧត្តម ដូណាល់ ត្រាំ ជជែកពីបញ្ហាព្រំដែន កម្ពុជា-ថៃ appeared first on .

អនុរដ្ឋមន្ត្រីក្រសួងពាណិជ្ជកម្មចិន លោក Yang Dong បាននិយាយថា ប្រទេសចិន នៅតែជាដៃគូពាណិជ្ជកម្មដ៏ធំបំផុតរបស់អាស៊ាន សម្រាប់រយៈពេល ១៦ឆ្នាំជាប់ៗគ្នាមកហើយ ខណៈពេលដែលអាស៊ាន បានក្លាយជាដៃគូពាណិជ្ជកម្មដ៏ធំបំផុតរបស់ចិន ក្នុងរយៈពេល ៥ឆ្នាំជាប់ៗគ្នា។

គួរឲ្យដឹងថា នៅក្នុងឆ្នាំ២០២៤ កន្លងទៅ ពាណិជ្ជកម្មទ្វេភាគីរវាងចិន ជាមួយវៀតណាម ម៉ាឡេស៊ី ឥណ្ឌូណេស៊ី ថៃ និងសិង្ហបុរី ដោយប្រទេសនីមួយៗ មានចំនួនលើសពី ១០០ពាន់លានដុល្លារ។ ជាពិសេស ពាណិជ្ជកម្មជាមួយវៀតណាម និងម៉ាឡេស៊ី បានកើនឡើងលើសពី ២០០ពាន់លានដុល្លារ។

ទន្ទឹមនឹងនេះ លោក Yang Dong បានសង្កត់ធ្ងន់ទៀតថា ជុំវិញការកើនឡើងនេះ បានបញ្ជាក់យ៉ាងច្បាស់ អំពីភាពរីកចម្រើនឥតឈប់ឈរ នៅក្នុងកិច្ចសហប្រតិបត្តិការ និងការកើនឡើងនូវអត្ថប្រយោជន៍ស្ថាប័ននៃការសម្របសម្រួលពាណិជ្ជកម្ម និងការវិនិយោគ វិសាលភាពនៃសមាហរណកម្មសេដ្ឋកិច្ចក្នុងតំបន់អាស៊ាន-ចិន ដែលត្រូវបានពង្រីកជាបន្តបន្ទាប់៕​

The post ទំហំពាណិជ្ជកម្មអាស៊ាន-ចិន កើនឡើងដល់ជិត ៦០០ពាន់លានដុល្លារ ត្រឹម ៧ខែដំបូង appeared first on .