ក្នុងឱកាសអញ្ជើញជាព្រះរាជតំណាងដ៏ខ្ពង់ខ្ពស់ព្រះករុណា ព្រះបាទសម្ដេច ព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ក្នុងពិធីបើកអនុសំវច្ឆរមហាសន្និបាតមន្ដ្រីសង្ឃទូទាំងប្រទេស លើកទី៣៣ នៅវិទ្យាស្ថានជាតិអប់រំ នាព្រឹកថ្ងៃចន្ទនេះ សម្ដេចតេជោ ហ៊ុន សែន បានថ្លែងបញ្ជាក់បែបនេះថា៖ «មកទល់ម៉ោងនេះ យើងមិនទាន់បានដកសញ្ជាតិអ្នកមួយទេ ក្នុងពេលដែលថៃបានដកសញ្ជាតិពីរនាក់រួចទៅហើយ គឺអ្នកឧកញ៉ា លី យ៉ុងផាត់ និងអ្នកឧកញ៉ា កុក អាន»។ 

សម្ដេចតេជោ បានបន្ថែមថា នៅលើពិភពលោក មានប្រទេសជាច្រើន ដែលស្ទើរតែ៨០% ដែលមានច្បាប់ដកសញ្ជាតិ ហើយមកដល់ម៉ោងនេះ កម្ពុជាមិនទាន់ដកសញ្ជាតិអ្នកណាមួយនោះទេ តែអាចនឹងឈានដល់ ការដក ប្រសិនបើគេប្រព្រឹត្ដដល់កម្រិតនោះ។

សូមជម្រាបថា កាលពីថ្ងៃទី៨ ខែកក្កដា ឆ្នាំ២០២៥ តុលាការថៃ និងសមត្ថកិច្ចថៃ ចេញដីកាចាប់ខ្លួន និងចុះទៅឆែកឆេរដល់ផ្ទះអ្នកឧកញ៉ា កុក អាន ដែលស្ថិតនៅក្នុងខេត្តសាមុត ប្រាកាន ក្បែរក្រុងបាងកក ប្រទេសថៃ ដោយបានធ្វើការរឹបអូសឡានទំនើបជាច្រើនគ្រឿង និងលុយជាង២៧លានបាត។ ដោយឡែកនៅ នៅថ្ងៃសុក្រ ទី២៤ ខែកញ្ញា ឆ្នាំ២០២៥ រដ្ឋាភិបាលថៃ បានសម្រេចដកសញ្ជាតិពី លោកអ្នកឧកញ៉ា លី យ៉ុងផាត់ សមាជិកព្រឹទ្ធសភាកម្ពុជា។ រដ្ឋាភិបាលថៃ បានពន្យល់ថា ការដកសញ្ញាតិនេះ ដោយសារ លោកអ្នកឧកញ៉ា លី យ៉ុងផាត់ និង អ្នកឧកញ៉ា កុក អានមានជាប់ពាក់ព័ន្ធនឹងឧក្រិដ្ឋកម្មឆបោកអនឡាញ៕ 

The post សម្ដេចតេជោ ហ៊ុន សែន បញ្ជាក់ពីភាពខុសគ្នារវាងកម្ពុជា-ថៃ បន្ទាប់ពីថៃដកសញ្ជាតិពី លោកអ្នកឧកញ៉ា លី យ៉ុងផាត់ និងអ្នកឧកញ៉ា កុក អាន appeared first on .

រដ្ឋបាលខេត្តកោះកុង បានឱ្យដឹងថា ពិធីសំណេះសំណាល និងជូនរង្វាន់ដល់សិស្សានុសិស្ស ដែលទទួលបាននិទ្ទេស A នៅខេត្តកោះកុង នឹងប្រព្រឹត្តទៅ នាថ្ងៃទី ១០ ខែតុលា ឆ្នាំ២០២៥ ខាងមុខនេះ ក្រោមអធិបតីភាពដ៍ខ្ពង់ខ្ពស់ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា។

សូមបញ្ជាក់ជូនថា ក្នុងការប្រឡងសញ្ញាបត្រមធ្យមសិក្សាទុតិយភូមិ សម័យប្រឡងថ្ងៃទី២៨-២៩ ខែសីហា ឆ្នាំ២០២៥ កន្លងទៅ សិស្សានុសិស្សនៅខេត្តកោះកុង ទទួលបាននិទ្ទេស A ចំនួន ២២នាក់, និទ្ទេស B ចំនួន ៥២នាក់, និទ្ទេស C ចំនួន ១៥៣នាក់ ,និទ្ទេស D ចំនួន ៣០៧នាក់ និងនិទ្ទេស E ចំនួន ៣១៦នាក់៕

The post អ្នកឧកញ៉ា កុក អាន ឧបត្ថម្ភថវិកា ១០,០០០ដុល្លារ ដើម្បីរៀបចំពិធីសំណេះសំណាល និងជូនរង្វាន់ដល់សិស្សនិទ្ទេស A ខេត្តកោះកុង appeared first on .

ការចូលរួមឧបត្ថម្ភថវិការបស់ អ្នកឧកញ៉ា កុក អាន គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា កុក អាន ចូលរួមឧបត្ថម្ភថវិកា ១,០០០,០០០ដុល្លារ (១លានដុល្លារ) ដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា appeared first on .

ពិធីបុណ្យនេះផ្តួចផ្តើមដោយ លោក ជា ឫទ្ធី និងលោកជំទាវឧកញ៉ា សុខ ស៊ីដា ត្រូវជាឪពុកម្តាយបង្កើត, អ្នកឧកញ៉ា កុក អាន និងលោកជំទាវ ត្រូវជាឪពុកម្តាយក្មេក, លោកជំទាវឧកញ៉ា ភូ ឈាលីន ត្រូវជាភរិយា ព្រមទាំងបុត្រ, ឧកញ៉ា ឫទ្ធីរស្មី និងលោកជំទាវ ព្រមទាំងលោកស្រី ឫទ្ធី ពេជ្រចិន្តា ត្រូវជាប្អូនបង្កើត។

កម្មវិធីនេះដែរ មាន លោកអ្នកឧកញ៉ា អ្នកឧកញ៉ា ឧកញ៉ា ឯកឧត្តម លោកជំទាវ ញាតិមិត្តជិតឆ្ងាយជាច្រើន បានអញ្ជើញចូលរួមជាភ្ញៀវកិត្តិយស ក្នុងពិធីបុណ្យគម្រប់ខួប ៣ឆ្នាំនេះ។ ក្នុងនោះដែរ ក៏មានវត្តមាន លោកអ្នកឧកញ៉ា លាង ឃុន, អ្នកឧកញ៉ា ហ៊ុន តូ, អ្នកឧកញ៉ា ម៉ៅ ចំណាន, អ្នកឧកញ៉ា លាង ម៉េង, អ្នកឧកញ៉ា ហ៊ុន ឡាក់, ឧកញ៉ា ឡេង និមល តំណាងអ្នកឧកញ៉ា ឡេង ណាវ៉ាត្រា, ឧកញ៉ា អ៉ឹង គីមហុង, ឧកញ៉ា ភិរម្យ វិចិត្រដារ៉ា, ឧកញ៉ា សុខ មុយលី ព្រមទាំង អ្នកឧកញ៉ា ឧកញ៉ា មួយចំនួនទៀត។

សូមជម្រាបថា កម្មវិធីគោរពវិញ្ញាណក្ខន្ធ លោកឧកញ៉ា ឫទ្ធី សំណាង គម្រប់ ៣ ឆ្នាំដែលបានប្រព្រឹត្តទៅនៅពហុកីឡដ្ឋានជាតិ នាថ្ងៃទី ១៨ ខែឧសភានេះ ក៏មានការប្រកួតមិត្តភាពរវាងក្រុមអាយុក្រោម ១៩ឆ្នាំភ្នំពេញក្រោន និងយុវជនសាលាបាល់ទាត់ជាតិបាទី ដែលជាការប្រកួតដើម្បីឧទ្ទិសដល់លោកឧកញ៉ា ឫទ្ធី សំណាង និងអនុញ្ញាតឱ្យទស្សនិកជនចូលរួមទស្សនាដោយសេរីផងដែរ៕

The post មកមើលទិដ្ឋភាពខ្លះៗ នៃកម្មវិធីគោរពវិញ្ញាណក្ខន្ធ លោកឧកញ៉ា ឫទ្ធី សំណាង គម្រប់ ៣ឆ្នាំ នៅពហុកីឡដ្ឋានជាតិអូឡាំពិក appeared first on .

គ.ជ.ប ​​បាន​សម្រេច​ទទួល​ស្គាល់​ជា​ផ្លូវការ​ បេក្ខជន​ជាប់ឆ្នោត​ជា​សមាជិក​ព្រឹទ្ធសភា​ក្នុងការបោះឆ្នោត​ជ្រើស​តាំង​សមាជិក​ព្រឹទ្ធសភា នីតិកាលទី៥ តាម​មណ្ឌលភូមិភាគ​ទាំង​៨ ក្នុងការបោះឆ្នោត​កាល​ថ្ងៃ​អាទិត្យ ទី២៥ ខែកុម្ភៈ ឆ្នាំ២០២៤ សរុប​ចំនួន ៥៨រូប ក្នុង​នោះ​មាន​អ្នកឧកញ៉ា​​​ចំនួន ៣រូប ក៏​បាន​ជាប់ឆ្នោត​ផង​ដែរ​ ដែល​មាន​ដូច​ខាង​ក្រោម៖

១. អ្នកឧកញ៉ា កុក អាន ៖ លេខរៀងទី៤ ភូមិភាគទី៥ (ខេត្ត​តាកែវ ខេត្តកំពត និង​ខេត្តកែប)

២. អ្នកឧកញ៉ា លី យ៉ុងផាត់ ៖ លេខរៀងទី៤ ភូមិភាគទី៧ (ខេត្ត​កំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និង​ខេត្តព្រះសីហនុ)

៣. អ្នកឧកញ៉ា ម៉ុង ឫទ្ធី ៖ លេខរៀងទី៥ ភូមិភាគទី៧ (ខេត្ត​កំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និង​ខេត្តព្រះសីហនុ)

គួររំឭកថា​ សមាជិក​ព្រឹទ្ធសភា ​នីតិកាលទី៤ (២០១៨-២០២៤) ​សរុបមានចំនួន ៦២រូប ដោយ​មាន​សម្តេច​វិបុលសេនាភក្តី សាយ ឈុំ ជា​ប្រធាន ហើយ​ក៏​មាន​ អ្នកឧកញ៉ា កុក អាន, អ្នកឧកញ៉ា លី យ៉ុងផាត់ និងអ្នកឧកញ៉ា ម៉ុង ឫទ្ធី ជា​សមាជិក​ផង​ដែរ។ ដោយឡែក សម្រាប់​ការបោះឆ្នោត​ជ្រើសតាំង​សមាជិក​ព្រឹទ្ធសភា នីតិកាលទី៥ ​សម្តេចតេជោ ហ៊ុន សែន ​ប្រធាន​ក្រុម​ឧត្តម​ប្រឹក្សាផ្ទាល់​ព្រះមហាក្សត្រ ក៏​បាន​ឈរ​ឈ្មោះ និង​ជាប់​​ជា​បេក្ខជន​លេខ​រៀង​ទី១ ភូមិភាគទី៣ ខេត្ត​កណ្តាល និង​ជា​បេក្ខភាព​ «ប្រធាន​ព្រឹទ្ធសភា» សម្រាប់​អាណត្តិថ្មី ចាប់ពី​ឆ្នាំ២០២៤។

ការបោះឆ្នោតជ្រើសតាំង​សមាជិកព្រឹទ្ធសភា ត្រូវធ្វើឡើង០៦ឆ្នាំម្តង។ ព្រឹទ្ធសភា មានចំនួនសមាជិកយ៉ាងច្រើន ស្មើនឹង​ពាក់កណ្ដាលនៃចំនួន សមាជិករដ្ឋ​សភាទាំងមូល។ សមាជិកព្រឹទ្ធសភា ចំនួន២រូប ត្រូវបានចាត់តាំងដោយព្រះមហាក្សត្រ, សមាជិកព្រឹទ្ធសភា ចំនួន២រូប ត្រូវបានរដ្ឋសភា ជ្រើសតាំងតាមមតិភាគច្រើនដោយ​​ប្រៀប (លោក​ ​សុខ​ ​ឥសាន​ ​និង​លោក​ ​ហេង​ ​ហា​លី​ម ទើប​ត្រូវបាន​រដ្ឋសភា​ជ្រើសតាំង​) និង​សមាជិកព្រឹទ្ធសភាឯទៀត​ចំនួន ៥៨រូប​ ត្រូវជ្រើសតាំងដោយ ការបោះ​ឆ្នោត​អសកល តាមរយៈ​សមាជិករដ្ឋសភាក្នុងតំណែង ​និងសមាជិក​ក្រុម​ប្រឹក្សា​ឃុំ​ ​សង្កាត់៕

The post អ្នកឧកញ៉ា ៣រូប បន្តជាប់ឆ្នោតជាសមាជិកព្រឹទ្ធសភា នីតិកាលទី៥ appeared first on .

គ.ជ.ប ​​បាន​សម្រេច​ទទួល​ស្គាល់​ជា​ផ្លូវការ​លើ​ពាក្យ​សុំ​ចុះបញ្ជី​របស់​ គណបក្ស​ប្រជាជន​កម្ពុជា ដែល​មាន ៨​ភូមិភាគ និង​បញ្ជី​បេក្ខជន​ឈរ​ឈ្មោះ​បោះឆ្នោត​​ជ្រើសតាំងសមាជិកព្រឹទ្ធសភា ឆ្នាំ២០២៤ ក្នុង​នោះ​មាន​អ្នកឧកញ៉ា​មួយ​​ចំនួន ក៏​បាន​ឈរ​ឈ្មោះ​ជា​បេក្ខជន​ផង​ដែរ ដែល​មាន​ដូច​ខាង​ក្រោម៖

១. អ្នកឧកញ៉ា កុក អាន ៖ បេក្ខជន​ពេញសិទ្ធិ លេខរៀងទី៤ ភូមិភាគទី៥ ខេត្ត​តាកែវ ខេត្តកំពត និង​ខេត្តកែប

២. អ្នកឧកញ៉ា លី យ៉ុងផាត់ ៖ បេក្ខជន​ពេញសិទ្ធិ​ លេខរៀងទី៤ ភូមិភាគទី៧ ខេត្ត​កំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និង​ខេត្តព្រះសីហនុ

៣. អ្នកឧកញ៉ា ម៉ុង ឫទ្ធី ៖ បេក្ខជន​ពេញសិទ្ធិ​ លេខរៀងទី៥ ភូមិភាគទី៧ ខេត្ត​កំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និង​ខេត្តព្រះសីហនុ។

សូម​ជម្រាប​ជូន​ថា សមាជិក​ព្រឹទ្ធសភា ​នីតិកាលទី៤ (២០១៨-២០២៤) ​សរុបមានចំនួន ៦២រូប ដោយ​មាន​សម្តេច​វិបុលសេនាភក្តី សាយ ឈុំ ជា​ប្រធាន ហើយ​ក៏​មាន​អ្នកឧកញ៉ា ម៉ុង ឫទ្ធី, អ្នកឧកញ៉ា លី យ៉ុងផាត់ និងអ្នកឧកញ៉ា កុក អាន ជា​សមាជិក​ផង​ដែរ។ ដោយឡែក សម្រាប់​ការបោះឆ្នោត​ជ្រើសតាំង​សមាជិក​ព្រឹទ្ធសភា នីតិកាលទី៥ ​​​ត្រូវ​​ប្រព្រឹត្ត​ទៅ​នៅ​ថ្ងៃ​អាទិត្យ ទី២៥ ខែកុម្ភៈ ឆ្នាំ២០២៤ ក្នុង​នោះ​សម្តេចតេជោ ហ៊ុន សែន ​ប្រធាន​ក្រុម​ឧត្តម​ប្រឹក្សាផ្ទាល់​ព្រះមហាក្សត្រ ក៏​បាន​ឈរ​ឈ្មោះ​ជា​បេក្ខជន​ពេញសិទ្ធិ​លេខ​រៀង​ទី១ ភូមិភាគទី៣ ខេត្ត​កណ្តាល និង​ជា​បេក្ខភាព​ «ប្រធាន​ព្រឹទ្ធសភា» សម្រាប់​អាណត្តិថ្មី ចាប់ពី​ឆ្នាំ២០២៤៕
​​​

The post តើអ្នកឧកញ៉ារូបណាខ្លះ ឈរឈ្មោះជាបេក្ខជនបោះឆ្នោតជ្រើសតាំងសមាជិកព្រឹទ្ធសភា ឆ្នាំ២០២៤? appeared first on .

​ពិធីជប់លាងរបស់ក្រសួងរ៉ែនេះដែរ ក៏មានការអញ្ជើញចូលរួមពីមហាសេដ្ឋីកំពុងរកស៊ីខាងផ្គត់ផ្គង់អគ្គិសនីចំនួន ២រូប​ទី១ អ្នកឧកញ៉ា​ លី​ យ៉ុងផាត់ អគ្គនាយកក្រុមហ៊ុន L.Y.P Group ក្រុមហ៊ុន O’ Smach Electricity and Water Supply ដែល​ផ្គត់ផ្គង់​ទឹក​ភ្លើង​នៅ​ខេត្ត​ឧត្តរមានជ័យ ជាពិសេស​​ តំបន់​អូរស្មាច់ និង​ក្រុមហ៊ុន Cambodia Electricity Private (CEP) នៅ​រាជ​ធានី​ភ្នំពេញ ទី២​ អ្នកឧកញ៉ា​ កុក​ អាន​ អគ្គនាយកក្រុមហ៊ុន អានកូ គ្រុប និងក្រុមហ៊ុន Anco Electricity Co., Ltd ជាក្រុមហ៊ុនផ្គត់ផ្គង់នឹងចែកចាយអគ្គីសនី។

សូមជម្រាបជូនថា អ្នកឧកញ៉ាទាំងពីររូបនេះជានិច្ចកាលតែងតែបង្ហាញវត្តមានស្ទើរគ្រប់កម្មវិធីដែលរៀបចំឡើងដោយក្រសួងរ៉ែ និងឋាមពល និងអគ្គិសនីកម្ពុជាផងដែរ។

សូមជម្រាបបន្ថែមថា តាមឯកសារដែលបានចែកចាយជាសាធារណៈសមាសភាពគណៈរដ្ឋមន្រ្តីថ្មីសម្រាប់អាណត្តិទី៧នេះ លោក ស៊ុយ សែម មិនមានឈ្មោះក្នុងបញ្ជីនោះឡើយ ដោយត្រូវដាក់លោក កែវ រតនៈ ត្រូវជាក្មួយមកកាន់តំណែងរដ្ឋមន្រ្តីក្រសួងរ៉ែ និងឋាមពលជំនួសលោកវិញ៕

The post មហាសេដ្ឋីរកស៊ីផ្គត់ផ្គង់អគ្គិសនី២រូប ចូលរួមជប់លាងជាមួយថ្នាក់ដឹកនាំ និងមន្រ្ដីរាជការក្រសួងរ៉ែ appeared first on .

ក្រុមហ៊ុន អានកូ វ៉ធើរ សឹបផ្លាយ ខេត្តព្រះសីហនុ (Anco Water Supply Co.,Ltd.) បាននិងកំពុងវិនិយោគស្ថានីយ៍ទឹកស្អាតនៅខេត្តព្រះសីហនុ ដែលមានទីតាំងនៅតំបន់ក្បាលឆាយ ស្ថិតក្នុងសង្កាត់លេខ១ ក្រុងព្រះសីហនុ ដែលបោះទុនរាប់លានដុល្លារពីអ្នកឧកញ៉ា កុក អាន អគ្គនាយកក្រុមហ៊ុន អានកូ គ្រុប។ លោកជាពាណិជ្ជករ និងជាមន្រ្តីជាន់ខ្ពស់រាជរដ្ឋាភិបាលដ៏មាននឥទ្ធពលម្នាក់ ដែលតែងតែចេញមុខចេញមាត់បង្ហាញវត្តមានរាល់ពេលក្រុមមហាសេដ្ឋី សេដ្ឋី ប្រកាសបរិច្ចាគទ្រព្យធនធានដល់រាជរដ្ឋាភិបាល ដូចភ្លៀងរលឹម។

ក្រុមហ៊ុនទឹកស្អាត អ្នកឧកញ៉ាមានស្ថានីយ៍ប្រព្រឹត្តិកម្មទឹកស្អាត ចំនួន៣កន្លែង ដោយមានសមត្ថភាពផលិតទឹក ក្នុងមួយថ្ងៃបានចំនួន១៦ម៉ឺនម៉ែត្រគីប ក្នុងនោះទំនប់ទី១ អាចផលិតបាន៤ម៉ឺនម៉ែត្រគីប ទំនប់ទី២ ផលិតបាន៦ម៉ឺនម៉ែត្រគីប និងទំនប់ទី៣ មានសមត្ថភាពផលិតចំនួ៦ម៉ឺនម៉ែត្រគីបក្នុងមួយថ្ងៃ សម្រាប់ចែកចាយប្រើប្រាស់នៅក្នុងខេត្តព្រះសីហនុ។

ទន្ទឹមនឹងនោះ ក្រុមហ៊ុនក៏បានអូសបណ្ដាញតភ្ជាប់ដល់ប្រជាពលរដ្ឋ រោងចក្រសហគ្រាសប្រើប្រាស់នៅក្នុងក្រុងព្រះសីហនុ មួយផ្នែកនៃស្រុកព្រៃនប់ និងស្រុកស្ទឹងហាវ ដែលអាចប្រើប្រាស់ទឹកក្នុងរង្វង់ ពី៦ម៉ឺនទៅ៧ម៉ឺនម៉ែត្រគីបក្នុងមួយថ្ងៃ។

សូមជម្រាបថា ខេត្តព្រះសីហនុត្រូវបានរាជរដ្ឋាភិបាលកម្ពុជា កំណត់ជាតំប​ន់​សេដ្ឋកិច្ចពិសេសគំរូពហុបំណង និងជាតារារះនាទិសនារតី ដែលមានចក្ខុវិស័យ វែងឆ្ងាយ អំពីរៀបចំឱ្យខេត្តក្លាយជាតំបន់ឧស្សាហកម្មធុនធ្ងន់ ទំនើប និងវិទ្យាសាស្ត្រ ដែលរាជរដ្ឋាភិបាលបានរៀបចំផែនការមេ ដើម្បីតម្រង់ទិស នៃការអភិវឌ្ឍខេត្តព្រះសីហនុ នាពេលអនាគត ជាពិសេ​សផ្លូវ ទឹក និងភ្លើង ត្រូវដើរស្របគ្នាទៅនឹងគោលដៅ នៃការអភិវឌ្ឍន៍ ដើម្បីប្រសិទ្ធភាព នៃរៀបចំផែនការ នៃការផ្គត់ផ្គង់ស្របតាមតម្រូវការនៃការប្រើប្រាស់នៅក្នុងខេត្តព្រះសីហនុ នាពេលបច្ចុប្បន្ន និងទៅអនាគត៕

The post មហាសេដ្ឋីរូបណា កំពុងវិនិយោគទឹកស្អាតនៅខេត្តព្រះសីហនុ? appeared first on .

ការចូលរួមបរិច្ចាគថវិការបស់អ្នកឧកញ៉ា និងលោកជំទាវ ធ្វើឡើងតាមការអំពាវនាវរបស់ សម្តេចព្រះមហាសង្ឃរាជ បួរ គ្រី ដើម្បីកសាងអគារសិក្សាថ្មី នៃពុទ្ធិកសាកលវិទ្យាល័យព្រះសីហមុនីរាជា សម្រាប់បណ្តុះបណ្តាលធនធានមនុស្សទាំងផ្នែកពុទ្ធចក្រ និងអាណាចក្រឱ្យកាន់ច្រើនឡើងក្នុងចូលរួមអភិវឌ្ឍជាតិ៕

The post អ្នកឧកញ៉ា កុក អាន បរិច្ចាគទឹកប្រាក់ ១០ម៉ឺនដុល្លារសាងសង់អគារសិក្សាថ្មីពុទ្ធិកសាកលវិទ្យាល័យព្រះសីហមុនីរាជា appeared first on .

រយៈពេល​ជា​ច្រើន​ឆ្នាំ​មក​នេះ ក្រុមហ៊ុន Crown Resort បាន​ពង្រីក​ប្រតិបត្តិការ​របស់​ខ្លួន​ ​​នៅ​តាម​ព្រំដែន​កម្ពុជា-ថៃ និង​កម្ពុជា-វៀតណាម ដោយ​បាន​បង្កើត Crown Casino ​​នៅ​​តំបន់​ជ្រៃធំ ស្រុក​កោះធំ ខេត្ត​កណ្តាល នៅ​ខែ​មិថុនា ឆ្នាំ​២០០៥, បង្កើត​ Crown Casino នៅ​ក្រុង​បាវិត ខេត្ត​ស្វាយរៀង​ ក្នុង​ខែ​​មិថុនា ឆ្នាំ​២០១០ និង​បង្កើត​ទីតាំង​ទី​៤ Crown Casino ​​នៅ​​ខេត្ត​ប៉ៃលិន ​​នៅ​ខែ​កញ្ញា ឆ្នាំ​២០១៣។

ស្ថាបនិក​របស់​កាស៊ីណូ​ទាំង​៤​ទីតាំង​ខាង​លើនេះ​ គឺ​អ្នកឧកញ៉ា កុក អាន។ អ្នកឧកញ៉ា កុក អាន ជា​​លំដាប់​មហាសេដ្ឋី​ជើង​ចាស់​​ឈាន​មុខ​គេ​មួយ​រូប​នៅ​កម្ពុជា ដែល​លោក​មាន​មុខ​ជំនួញ​ជា​ច្រើន​ក្នុង​ដៃ​​ ​ព្រម​ទាំង​មាន​តួនាទី​ក្នុង​ស្ថាប័ន​នីតិបញ្ញត្តិ​​របស់​ជាតិ​ផង​ដែរ។ មហាសេដ្ឋី កុក អាន ​អគ្គនាយកក្រុមហ៊ុន Anco Group ​មាន​ឈ្មោះដើម ភូ កុកអាន កូនកាត់ចិន ឬ ចៅចិន កើតនៅខេត្តកោះកុង ខែកក្កដា ឆ្នាំ១៩៥៤។

អ្នកឧកញ៉ា កុក អាន មានមុខជំនួញ និង​ក្រុមហ៊ុន​ដូចជា ក្រុមហ៊ុនចែកចាយបារី​ Anco Brother Co., Ltd, ក្រុមហ៊ុនកាស៊ីណូ សណ្ឋាគារ និងការកម្សាន្ត Crown Resort Co.,Ltd, ក្រុមហ៊ុនបណ្តាញ​អគ្គីសនី Anco Electricity Co., Ltd, ក្រុមហ៊ុនចែកចាយអគ្គីសនី Khmer Electrical Power Co., Ltd, រោងចក្រ រោងចក្រ Ice Cream &Pure Drinking Water, ធនាគារ ឯកទេស អានកូ (Anco Specialized Bank) និងជា​​ស្ថាបនិកក្លិប​បាល់ទាត់​ភ្នំពេញក្រោន បានបង្កើតឡើងនៅឆ្នាំ២០០១។ បច្ចុប្បន្ន​​អ្នកឧកញ៉ា កុក អាន ក៏​ជា​សមាជិក​ព្រឹទ្ធសភា មួយ​រូប​ផង​ដែរ៕

The post មហាសេដ្ឋីម្នាក់ មានកាស៊ីណូ ៤កន្លែងនៅតាមព្រំដែន appeared first on .