នាឱកាសដ៏ថ្លៃថ្លានេះយើងខ្ញុំទាំងអស់គ្នា សូមកោតសរសើរចំពោះសម្តេចមហាបវរធិបតី ហ៊ុន ម៉ាណែត ដែលបានខិតខំប្រឹងប្រែងអស់ពីកម្លាំងកាយចិត្ត ប្រាជ្ញាស្មារតី ដោយមិនខ្លាចនឿយហត់ដឹកនាំ​រាជរដ្ឋាភិបាល​បម្រើឧត្តមប្រយោជន៍ជាតិ និងប្រជាជន ជាពិសេសបន្តថែរក្សានូវសុខសន្តិភាព ស្ថិរភាពនយោបាយ ស្ថិរភាពម៉ាក្រូ​សេដ្ឋកិច្ច កំណើនសេដ្ឋកិច្ចខ្ពស់ ការពារបូរណភាពទឹកដី និងអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ ក្នុងការអភិវឌ្ឍប្រទេសជាតិលើគ្រប់វិស័យ។

សម្តេចធិបតី គឺជាប្រមុខរាជរដ្ឋាភិបាលដែលបាន និងកំពុងដឹកនាំជោគវាសនាប្រទេសជាតិ ដោយទឹកចិត្ត បេះដូង និងការគិតគូរយ៉ាងម៉ត់ចត់ ពីប្រជាជាតិកម្ពុជា។ សម្តេចធិបតី ពិតជាបានខិតខំប្រឹងប្រែងដោយទឹកចិត្ត ស្មោះស្ម័គ្រ ក្នុងការថែរក្សាកេរមរតកចាស់ និងបង្កើតសមិទ្ធផលថ្មី ដើម្បីប្រជាជាតិ​ និងប្រជាជនកម្ពុជាច្រើនជំនាន់តទៅ។

ទន្ទឹមនេះក្នុងការរក្សាសន្តិភាព ការពារអធិបតេយ្យភាពជាតិ បូរណភាពទឹកដី និងសេចក្តីសុខចម្រើននៃជាតិ​ និងប្រជាជន សម្តេចធិបតីបានបង្ហាញភាពប៉ិនប្រសប់ ក្នុងទំនាក់ទំនងអន្តរជាតិ ភាពចាស់ទំនយោបាយ និងគតិ​បណ្ឌិតប្រតិបត្តិដោយឈរលើស្មារតីសន្តិសហវិជ្ជមាន ដើម្បីភាពសុខដុមរបស់មនុស្សជាតិ។ ក្រោមការដឹកនាំ​រាជរដ្ឋាភិបាលបន្តវេនរបស់សម្តេចមហាបវរធិបតី ប្រជាជនកម្ពុជាបន្តរួមរស់ជាមហាគ្រួសារ ប្រកបដោយសុភមង្គល វិបុលភាព, មោទនភាពជាតិ កិត្យានុភាពជាតិ និងឧត្តមភាព នៃរាជរដ្ឋាភិបាលកម្ពុជា កាន់តែត្រូវបានលើកកម្ពស់ នៅក្នុងក្របខ័ណ្ឌតំបន់ និងពិភពលោក។

យើងខ្ញុំសូមបួងសួងដល់ទេវតាថែរក្សាព្រះរាជាណាចក្រកម្ពុជា សូមតាមជួយបីបាច់ថែរក្សា ប្រោះព្រំនូវសព្ទ​សាធុការពរជ័យ សិរីសួស្តី ជ័យមង្គល វិបុលសុខគ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងសាច់ញាតិក្រុមគ្រួសារ សូមបានសមប្រកបដោយពុទ្ធពរ និងពរទាំងប្រាំប្រការគឺ អាយុ វណ្ណៈ សុខៈ ពលៈ និងបដិភាណ កុំបីឃ្លៀងឃ្លាតឡើយ៕

The post អ្នកឧកញ៉ា ជាម ឃុនណាត និងលោកជំទាវ ផ្ញើសារលិខិតជូនពរសម្តេចធិបតី ហ៊ុន ម៉ាណែត ក្នុងឱកាសខួបចម្រើនជន្មាយុ appeared first on .

ការប្តេជ្ញាចិត្តរបស់ អ្នកឧកញ៉ា ជាម ឃុនណាត បានធ្វើឡើងបន្ទាប់ពី នៅថ្ងៃទី១៨ ខែកញ្ញា ឆ្នាំ២០២៦ សភាពាណិជ្ជកម្មកម្ពុជា បានរៀបចំការបោះឆ្នោតជ្រើសរើសបង្គ្រប់សមាជិកជ្រើសតាំងថ្មីរបស់សភាពាណិជ្ជកម្មរាជធានីភ្នំពេញ ដើម្បីបំពេញកន្លែងទំនេរក្នុងចំណោមសមាជិកជ្រើសតាំងទាំង ៤០រូប របស់សភាពាណិជ្ជកម្មរាជធានីភ្នំពេញ ដោយអង្គបោះឆ្នោតភាគច្រើន បានគាំទ្រអ្នកជំនួញវ័យក្មេង៧រូប ជាសមាជិកជ្រើសតាំងថ្មី។

អ្នកឧកញ៉ា ជាម ឃុនណាត ដែលជាបេក្ខភាពជាប់ឆ្នោតមួយរូប ក្នុងចំណោម ៧រូប បានលើកឡើងថា ការជាប់ឆ្នោតនេះ មិនត្រឹមតែជាកិត្តិយសប៉ុណ្ណោះទេ ប៉ុន្តែជាការទទួលខុសត្រូវរបស់សមាជិកជ្រើសតាំងថ្មីទាំង ៧រូប ក្នុងការចូលរួមបំពេញការងារ និងជួយសភាពាណិជ្ជកម្មឱ្យសម្រេចបាននូវភារកិច្ចរបស់ខ្លួន។

អ្នកឧកញ៉ា ជាម ឃុនណាត ក៏បានថ្លែងអំណរគុណដល់ក្រុមការងារសភាពាណិជ្ជកម្ម ក្រោមការដឹកនាំរបស់អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ដែលបានខិតខំរៀបចំ និងសម្របសម្រួលដំណើរការបោះឆ្នោតឱ្យប្រព្រឹត្តទៅដោយរលូន។

សមាជិកជ្រើសតាំងថ្មីចំនួន ៧រូប ដែលបានឈរឈ្មោះ និងទទួលបានការគាំទ្រក្នុងការបោះឆ្នោត រួមមាន៖ អ្នកឧកញ៉ា ជាម ឃុនណាត, អ្នកឧកញ៉ា តេង ហឿង, អ្នកឧកញ៉ា អ៊ឹង លីហេង, លោកជំទាវ ភឹម សំភ័ស, អ្នកឧកញ៉ាបណ្ឌិត សួរ វីរៈ, អ្នកឧកញ៉ាបណ្ឌិត សំ សុខនឿន និងឧកញ៉ាបណ្ឌិត អន ប៊ុនហាក់។

សូមជម្រាបថា សភាពាណិជ្ជកម្មកម្ពុជា ជាលេខាធិការដ្ឋាននៃក្រុមការងារផ្នែកឯកជននៃវេទិការដ្ឋាភិបាល-ផ្នែកឯកជន ដែលជាយន្តការសម្រាប់សម្របសម្រួល និងជំរុញការអភិវឌ្ឍវិស័យឯកជន ព្រមទាំងធ្វើការយ៉ាងជិតស្និទ្ធជាមួយដៃគូអន្តរជាតិ ដើម្បីពង្រឹងទំនាក់ទំនងពាណិជ្ជកម្ម និងតភ្ជាប់កម្ពុជាជាមួយទីផ្សារអន្តរជាតិ។

បច្ចុប្បន្ន សភាពាណិជ្ជកម្មកម្ពុជា ក៏បានចូលរួមសហការជាមួយបណ្តាក្រុមប្រឹក្សាធុរកិច្ច និងអង្គការធុរកិច្ចក្នុងតំបន់ និងអន្តរជាតិ ដើម្បីស្វែងរកកាលានុវត្តភាពថ្មីៗសម្រាប់វិស័យឯកជន និងស្វាគមន៍ធុរជន និងវិនិយោគិនពីទូទាំងពិភពលោក មកស្វែងរកឱកាសវិនិយោគ និងធ្វើធុរកិច្ចនៅកម្ពុជា៕

The post អ្នកឧកញ៉ា ជាម ឃុនណាត តំណាងឱ្យសមាជិកជ្រើសតាំងថ្មីទាំង ៧រូប ប្តេជ្ញាចូលរួមសកម្មភាពជាមួយសភាពាណិជ្ជកម្ម និងខិតខំបំពេញការងារ តាមការចាត់តាំងរបស់ថ្នាក់ដឹកនាំ appeared first on .

ពិធីបោះឆ្នោតជ្រើសរើសបង្គ្រប់សមាជិកជ្រើសតាំងថ្មីរបស់សភាពាណិជ្ជកម្មរាជធានីភ្នំពេញ បានប្រព្រឹត្តទៅក្រោមអធិបតីភាព លោក ម៉ៅ ថូរ៉ា រដ្ឋលេខាធិការក្រសួងពាណិជ្ជកម្មនិង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ព្រមទាំងមានការអញ្ជើញចូលរួមពីថ្នាក់ដឹកនាំសំខាន់ៗនិងសមាជិក សមាជិកាជាច្រើនរូប នៅអគារ វីងថោវើ (WingTower)។

អ្នកជំនួញវ័យក្មេង ៧រូប រួមមាន អ្នកឧកញ៉ា ជាម ឃុនណាត, អ្នកឧកញ៉ា តេង ហឿង, អ្នកឧកញ៉ា អ៊ឹង លីហេង, លោកស្រី គឹម សំភ័ស, អ្នកឧកញ៉ា បណ្ឌិត សួរ វីរៈ, អ្នកឧកញ៉ា បណ្ឌិត សំ សុខនឿន និងឧកញ៉ា បណ្ឌិត អន ប៊ុនហាក់ ត្រូវបានអង្គបោះឆ្នោតចំនួន៩០នាក់ ក្នុងចំណោម៩៣នាក់ បោះឆ្នោតគាំទ្រឱ្យក្លាយជាសមាជិកជ្រើសតាំងថ្មី របស់សភាពាណិជ្ជកម្មរាជធានីភ្នំពេញ។

អ្នកឧកញ៉ា គិត ម៉េង បានថ្លែងកោតសរសើរចំពោះសមាជិកថ្មី ទាំង៧រូបនេះ ដោយបានសង្កត់ធ្ងន់ថា សមាសភាពទាំងនេះ សុទ្ធសឹងជាអ្នកជំនួញវ័យក្មេង ប្រកបដោយបញ្ញាមានសមត្ថភាពខ្ពស់ និងមានធនធានដែលនឹងចូលរួមចំណែកយ៉ាងសំខាន់ក្នុងការជួយសម្របសម្រួលការងាររបស់វិស័យឯកជន និងជំរុញកំណើនសេដ្ឋកិច្ចជាតិឲ្យកាន់តែរីកចម្រើន។

បើតាមអ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា បានពន្យល់ថាការបោះឆ្នោតនេះគឺជាការបោះឆ្នោតវិសាមញ្ញ ដើម្បីជ្រើសរើសសមាជិកជ្រើសតាំង មកពេញកន្លែងរបស់សមាជិកជ្រើសតាំងនៃសភាពាណិជ្ជកម្មកម្ពុជាដែលមានចំនួនសរុប ៤០រូប។ ការបោះឆ្នោតនេះធ្វើឡើងដោយសារមានសមាជិកមួយចំនួនមានភារកិច្ចហើយអ្នកខ្លះបានសុំសម្រាក។

អ្នកឧកញ៉ា លឹម ហេង បានឱ្យដឹងថាបច្ចុប្បន្ននេះសភាពាណិជ្ជកម្មកម្ពុជា មានសមាជិកបីប្រភេទរួមមាន៖ សមាជិកជ្រើសតាំង ដែលមានចំនួន ៤០រូប, សមាជិកសាមញ្ញដែលមាន ៥,០០០នាក់ មកក្រុមហ៊ុន សហគ្រាសនានា និងសមាជិកទីប្រឹក្សា។

សមាជិកទាំងអស់នេះ ដើរតួនាទីយ៉ាងសំខាន់ក្នុងការជួយជ្រោមជ្រែងសភាពាណិជ្ជកម្មកម្ពុជា ក្នុងនាមជាស្ថាប័នគ្រឹះស្ថានរបស់រដ្ឋមួយដែលគ្រប់គ្រងដោយវិស័យឯកជន៕

The post អ្នកជំនួញវ័យក្មេង៧រូប រួមមានឧកញ៉ា អ្នកឧកញ៉ាៗ ៦រូប ជាប់ឆ្នោតជាសមាជិកជ្រើសតាំងថ្មី របស់សភាពាណិជ្ជកម្មរាជធានីភ្នំពេញ appeared first on .

ដោយសង្កេតឃើញពីតម្រូវការឈាមខ្ពស់ ក្រោមការផ្តួចផ្តើមពី អ្នកឧកញ៉ា ជាម ឃុនណាត ប្រធានក្រុមប្រឹក្សាភិបាល នៃក្រុមហ៊ុន KNN Group និងលោកជំទាវ ហេង ចិន្តា​ បានបង្កើតកម្មវិធីបរិច្ចាគឈាមដ៏ធំមួយ ក្រោមប្រធានបទ «១,០០០ ឈាម ១,០០០ សង្ឃឹម» ជាការចូលរួមចំណែកជាមួយរាជរដ្ឋាភិបាល និងក្រសួងសុខាភិបាល ក្នុងការបំពេញបន្ថែមនូវស្តុកឈាមជាតិ។ កម្មវិធីនេះមានគោលដៅធំចម្បងក្នុងការប្រមូលឱ្យបានឈាម ១,០០០​ ថង់ ដើម្បីរួមចំណែកជួយសង្គ្រោះជីវិតជនរងគ្រោះដែលកំពុងមានតម្រូវការឈាមជាចាំបាច់ ក៏ដូចជាការជម្រុញនិង ផ្សព្វផ្សាយអោយប្រជាជនក្នុងតំបន់យល់ដឹងពីអត្ថប្រយោជន៏នៃការផ្តល់ឈាម។

កម្មវិធីនឹងធ្វើឡើងនៅ៖

• កាលបរិច្ឆេទ៖ ថ្ងៃសៅរ៍ ទី០៥ ខែកញ្ញា ឆ្នាំ២០២៦ ចាប់ពីម៉ោង ៨ ព្រឹក រហូតដល់ ៥ ល្ងាច
• ទីតាំង៖ គម្រោង មេគង្គ ស៊ីធី (បុរី មេគង្គ លែន) ផ្លូវជាតិ ៦A (ស្ពានលេខ ១០)
• លក្ខខណ្ឌបរិច្ចាគ៖ សាធារណជនគ្រប់រូបដែលមានអាយុចាប់ពី ១៨ឆ្នាំឡើងទៅ មានសុខភាពល្អ

ក្រុមហ៊ុន KNN Group សូមអំពាវនាវដល់បុគ្គលិក ដៃគូអាជីវកម្ម និងសាធារណជនទាំងអស់ ចូលរួមក្នុងសកម្មភាពសប្បុរសធម៌នេះឱ្យបានច្រើនកុះករ។ រាល់ដំណក់ឈាម ឬការបរិច្ចាគរបស់លោកអ្នក មិនត្រឹមតែជា «ក្តីសង្ឃឹម» ប៉ុណ្ណោះទេ ប៉ុន្តែគឺជាការដើរតួនាទីយ៉ាងសំខាន់ក្នុងការរួមចំណែកសង្គ្រោះជីវិតប្រជាជនកម្ពុជា។

សូមចូលរួមបរិច្ចាគឈាមជាមួយយើងខ្ញុំទាំងអស់គ្នានៅថ្ងៃទី០៥ ខែកញ្ញា ឆ្នាំ២០២៦ ខាងមុខនេះ ដើម្បីប្រែក្លាយដំណក់ឈាមរបស់លោកអ្នកឱ្យទៅជាសេចក្តីសង្ឃឹម និងឱកាសថ្មីសម្រាប់អ្នកជំងឺដែលកំពុងត្រូវការ!

សម្រាប់ព័ត៏មានបន្ថែមសូមទាក់ទងមកលេខទូរស័ព្ទ : 095 222 189/ 081 755 844

។

The post ក្រុមហ៊ុន ខេ អិន អិន គ្រុប នឹងរៀបចំកម្មវិធីបរិច្ចាគឈាម «១,០០០ ឈាម ១,០០០ សង្ឃឹម» នៅថ្ងៃទី៥ ខែកញ្ញា ឆ្នាំ២០២៦ ខាងមុខនេះ appeared first on .

សូមបញ្ជាក់ថា គណៈប្រតិភូក្រុមប្រឹក្សាធុរកិច្ចសហរដ្ឋអាមេរិក-អាស៊ាន កំពុងនិងបំពេញទស្សនកិច្ចនៅកម្ពុជា ដើម្បីស្វះស្វែងរកឱកាសធ្វើធុរកិច្ច វិនិយោគ ក៏ដូចជាជំរុញការធ្វើពាណិជ្ជកម្មរវាងកម្ពុជា និងអាមេរិក ឱ្យកាន់តែល្អប្រសើរ៕

The post អ្នកឧកញ៉ា គិត ម៉េង និងអ្នកឧកញ៉ា ជាម ឃុនណាត អញ្ជើញចូលរួមអម សម្តេចមហាបវរធិបតី ហ៊ុន ម៉ាណែត ដែលអនុញ្ញាតឱ្យប្រតិភូក្រុមប្រឹក្សាធុរកិច្ចអាមេរិក-អាស៊ាន ជួបសម្តែងការគួរសម appeared first on .

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែងអំណរគុណយ៉ាងជ្រាលជ្រៅ​បំផុត​ចំពោះ អ្នកឧកញ៉ា ជាម ឃុនណាត និងលោកជំទាវ ដែលបានបរិច្ចាគថវិកាចំនួន ៣ម៉ឺនដុល្លារអាមេរិក ជូនកាកបាទ​ក្រហមកម្ពុជា ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៦ ក្រោមមូលបទ «បន្តរួមកម្លាំងគ្នា ដើម្បីមនុស្សធម៌»។

កាកបាទក្រហមកម្ពុជា បានបញ្ជាក់ថា នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ដើម្បីបម្រើ​សកម្មភាព​មនុស្សធម៌ជួយដល់ប្រជាពលរដ្ឋងាយរងគ្រោះបំផុត ជាពិសេសប្រជាជនភៀសសឹក និងគ្រួសារ​យុទ្ធជនរបួសនិងពលីក្នុងសមរភូមិ។

ដើម្បីមានមូលនិធិសម្រាប់បន្តបេសកកម្មមនុស្សធម៌ជាជំនួយការជូនរាជរដ្ឋាភិបាល កាកបាទក្រហមកម្ពុជា សូមអំពាវនាវចំពោះ សម្តេច ឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនមកពីគ្រប់មជ្ឈដ្ឋានទាំងក្នុងវិស័យរដ្ឋ និងវិស័យឯកជន សូមមេត្តាបន្តចូលរួមបរិច្ចាគ​ថវិកា សម្ភារ ជូនកាកបាទក្រហមកម្ពុជា ដោយសទ្ធាជ្រះថ្លា និងតាមការស្ម័គ្រចិត្ត។ ការចូលរួមឧបត្ថម្ភគាំទ្រការងារ​មនុស្សធម៌តាមរយៈកាកបាទក្រហមកម្ពុជា គឺពិតជាមានគុណតម្លៃណាស់​ក្នុងការលើកកម្ពស់ស្មារតី​វប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល៕

The post អ្នកឧកញ៉ា ជាម ឃុនណាត និងលោកជំទាវ បរិច្ចាគថវិកា ៣ម៉ឺនដុល្លារអាមេរិក ជូនកាកបាទក្រហមកម្ពុជា appeared first on .

ពិធីសូត្រមន្តចម្រើនព្រះបរិត្ត បានប្រារព្ធទៅតាមគន្លងប្រពៃណីព្រះពុទ្ធសាសនាដ៏ផូរផង់ ដោយមានការបូជាទៀនធូប ផ្កាភ្ញី គ្រឿងសក្ការៈនានា ថ្វាយព្រះរតនត្រៃ និងបាននិមន្ត ព្រះធម្មវនវាសី ចន្ទមុនី ព្រះសមុហ៍គណខេត្តព្រះសង្ឃាធិបតីវត្តចន្ទប្បជោនារាម (ហៅវត្តតាសុត) ដើម្បីចម្រើនព្រះបរិត្ត ស្វាធ្យាយជយន្តោ ពុទ្ធជ័យមង្គល ជូនដល់លោកជំទាវ ហ៊ុន ម៉ាណា អគ្គនាយិកា អ្នកឧកញ៉ា ជាម ឃុនណាត និងអ្នកឧកញ៉ា តេង ហឿង សហនាយកប្រតិបត្តិ ថ្នាក់ដឹកនាំ បុគ្គលិក នៃក្រុមហ៊ុនអ័រគីដេ ឌីវែឡុបម៉ិន ភ្ញៀវកិត្តិយសទាំងអស់ ព្រមទាំងក្រុមគ្រួសារ ជាកិច្ចទទួលអំណរសាទរឆ្នាំថ្មីប្រពៃណីជាតិខ្មែរ។

គួររំលឹកផងដែរថា​ កាលចុងសប្តាហ៍មុន ក្រុមហ៊ុន អ័រគីដេ ឌីវែឡុបម៉ិន បានរៀបចំបុណ្យភូមិអ័រគីដេ នៅគម្រោងអ័រគីដេដឹរ៉ូយ៉ាល់ខុនដូ (Orkide The Royal Condominium) ផ្លូវ២០០៤ ប្រកបដោយជោគជ័យ។ ក្រុមហ៊ុនក៏នឹងបន្តរៀបចំកម្មវិធី បុណ្យភូមិអ័រគីដេ នៅគម្រោង The Botanic City នៅថ្ងៃទី៤ ខែមេសា ឆ្នាំ២០២៦ បន្ថែមទៀត ដោយមានការរៀបចំជាស្តង់បង្ហាញ និងលក់ម្ហូប សិប្បកម្ម និងផលិតផលខ្មែរ ការលេងល្បែងប្រជាប្រិយ ការរាំលេងកំសាន្តជាមួយចង្វាក់ប្រពៃណីខ្មែរ និងការសំដែងសិល្បះវប្បធម៌បុរាណខ្មែរផ្សេងៗទៀត ក្នុងគោលបំណងចូលរួមលើកស្ទួយ និងផ្សព្វផ្សាយសិល្បះវប្បធម៌ប្រពៃណីខ្មែរ ជូនដល់សាធារណៈជន និងក្មេងៗជំនាន់ក្រោយ ព្រមទាំងផ្ដល់នូវស្នាមញ្ញឹម និងអនុស្សាវរីយ៍ដ៏ល្អៗផងដែរ៕ ​

The post អ្នកឧកញ៉ា ជាម ឃុនណាត និងអ្នកឧកញ៉ា តេង ហឿង អមដំណើរលោកជំទាវ ហ៊ុន ម៉ាណា អញ្ជើញប្រារព្វពិធីសូត្រមន្តទទួលអំណរសាទរឆ្នាំថ្មីប្រពៃណីជាតិខ្មែរ appeared first on .

ខ្ញុំបាទ និងក្រុមគ្រួសារ ព្រមទាំងបុគ្គលិកទាំងអស់ សូមបួងសួងដល់គុណបុណ្យព្រះរតនត្រ័យ គុណកែវទាំងបី ឫទ្ធិបារមីខ្លាំងក្លា វត្ថុស័ក្តិសិទ្ធិទាំងឡាយក្នុងលោក សូមមេត្តាតាមជួយបីបាច់ថែរក្សាប្រោះព្រំនូវសព្ទសាធុការពរជ័យ សិរីសួស្តី ជ័យមង្គល វិបុលសុខ គ្រប់ប្រការជូន សម្តេចមហាបវរធិបតី និងលោកជំទាវបណ្ឌិត ព្រមទាំងបុត្រាបុត្រី សូមមានជន្មាយុយឺនយូរ ជួបប្រទះតែសេចក្តី សុខចម្រើន មានសុភមង្គលក្នុងក្រុមគ្រួសារ មានសុខុមាលភាពល្អបរិបូរណ៍ និងសូមប្រកបដោយព្រះពុទ្ធពរដ៏ប្រពៃថ្លៃថ្លា បួនប្រការគឺ អាយុ វណ្ណៈ សុខៈ ពលៈ ជានិច្ចនិរន្តរ៍កុំបីឃ្លៀងឃ្លាតឡើយ៕

The post អ្នកឧកញ៉ា ជាម ឃុនណាត និងលោកជំទាវ សូមគោរពផ្ញើសារលិខិតជូនពរ សម្តេចធិបតី ហ៊ុន ម៉ាណែត ក្នុងឱកាសខួបកំណើតគម្រប់ ៤៨ ឈានចូល ៤៩ឆ្នាំ appeared first on .

ការឧបត្ថម្ភរបស់អ្នកឧកញ៉ា គឺចេញពីទឹកចិត្តស្រឡាញ់ និងស្នេហាជាតិមាតុភូមិ ជាពិសេសគឺការគាំទ្រដល់យុទ្ធជនកម្ពុជាដែលកំពុងការពារបូរណភាពទឹកដីតទល់នឹងសត្រូវឈ្លានពាន រួមជាមួយនឹងប្រជាពលរដ្ឋភៀសសឹក ការចូលរួមនេះបង្ហាញពីស្មារតីរួមគ្នាក្នុងការការពារជាតិ និងជាកំលាំងជម្រុញដល់វីរៈកងទ័ពជួរមុខកម្ពុជាយើង។

សូមបញ្ជាក់ថា ការឧបត្ថម្ភថវិកាចំនួន ៥៣,៦១១ ដុល្លារ(ប្រាំម៉ឺនបីពាន់ប្រាំមួយរយដប់មួយដុល្លារអាមេរិក) និង៥០លានរៀល របស់អ្នកឧកញ៉ា ជាម ឃុនណាត ធ្វើឡើងចំនួន៣លើក។ ក្នុងនោះ ឧបត្ថម្ភដល់កងទ័ពជួរមុខចំនួន ៥០,០០០ ដុល្លារ, ឧបត្ថម្ភដល់មូលនិធិ ទ្រទ្រង់កងទ័ពការពារជាតិកម្ពុជាចំនួន៤០លានរៀល និង ១,១១១ដុល្លារ និងឧបត្ថម្ភដល់សមាគមអតីតយុទ្ធជនកម្ពុជា ដើម្បីរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជា ទូទាំងប្រទេស ចំនួន២,៥០០ដុល្លារ។

សូមជម្រាបជូនថា អ្នកឧកញ៉ា ជាម ឃុនណាត កន្លងមកតែងតែបរិច្ចាគ ឧបត្ថម្ភ និងគាំទ្រ ដល់យុទ្ធនាការផ្សេងៗរបស់ រាជរដ្ឋាភិបាល ក៏ដូចជាកិច្ចការងារមនុស្សធម៌ ជួយដល់សង្គមផ្សេងៗនិងកម្មវិធីសប្បុរសជាច្រើនទៀតផងដែរ៕

The post អ្នកឧកញ៉ា ជាម ឃុនណាត ឧបត្ថម្ភថវិកាជូនវីរៈកងទ័ពជួរមុខការពារបូរណភាពទឹកដីកម្ពុជាយើងចំនួន ៥៣,៦១១ដុល្លារ (ប្រាំម៉ឺនបីពាន់ប្រាំមួយរយដប់មួយដុល្លារអាមេរិក) និង៥០លានរៀល appeared first on .

ការចូលរួមឧបត្ថម្ភថវិការបស់ អ្នកឧកញ៉ា គឺជាការចូលរួមចំណែកលើកទឹកចិត្តដល់កងទ័ពកម្ពុជាដ៏អង់អាចក្លាហានរបស់កម្ពុជា ដែលកំពុងឈរជើងជាប់ជាប្រចាំដើម្បីការពារបូរណភាពទឹកដី នៅតាមបណ្តោយព្រំដែនកម្ពុជា-ថៃ។

សម្តេចតេជោ ហ៊ុន សែន តាមរយៈថ្លែងការណ៍ចេញពីព្រឹទ្ធសភា បានអំពាវនាវប្រជាពលរដ្ឋទាំងអស់ ឱ្យចូលរួមឧបត្ថម្ភតាមការស្ម័គ្រចិត្តដល់កងទ័ព ដើម្បីបង្ហាញពីភាពរួបរួមគ្នាជាធ្លង់មួយនៃខឿនការពារជាតិរបស់កម្ពុជា។

ឆ្លៀតឱកាសនេះ យើងខ្ញុំសូមបួងសួងដល់ ទេវតារក្សាទឹកដីនៃព្រះរាជាណាចក្រកម្ពុជា បុព្វបុរសខ្មែរគ្រប់ព្រះអង្គ និងវត្ថុសក្តិសិទ្ធិក្នុងលោក សូមតាមថែរក្សាការពារកងទ័ពកម្ពុជារបស់យើង ឱ្យជួបប្រទះតែសេចក្តីសុខ ជៀសផុតពីជំងឺដង្កាត់ទាំងឡាយ ហើយឈ្នះអស់ខ្មាំងសត្រូវ៕

The post អ្នកឧកញ៉ា ជាម ឃុនណាត ចូលរួមឧបត្ថម្ភថវិកា ៥០,០០០ ដុល្លារអាម៉េរិក ដល់កងទ័ពជួរមុខ ដែលកំពុងឈរជើងការពារបូរណភាពទឹកដីកម្ពុជា appeared first on .