គណៈប្រតិភូសភាពាណិជ្ជកម្មកម្ពុជា បានអញ្ជើញចូលរួមពិព័រណ៍ម្ហូបអាហារអូស្ត្រាលី(Fine Food Australia 2026) នៅទីក្រុងមែលប៊ន ប្រទេសអូស្ត្រាលី ដែលជាពិព័រណ៍ឈានមុខគេមួយក្នុងវិស័យម្ហូបអាហារ និងកសិឧស្សាហកម្ម។ ព្រឹត្តិការណ៍នេះមានការចូលរួមពីអាជីវកម្ម និងម៉ាកផលិតផលមកពីប្រទេសជាច្រើនជុំវិញពិភពលោក។ ជាពិសេស បានបង្ហាញនូវផលិតផល បច្ចេកវិទ្យា ឧបករណ៍ និងដំណោះស្រាយថ្មីៗជាច្រើនក្នុងវិស័យម្ហូបអាហារ និងបដិសណ្ឋារកិច្ច។

គណៈប្រតិភូសភាពាណិជ្ជកម្មកម្ពុជា ក៏បានអញ្ជើញចូលរួមកិច្ចពិភាក្សាការងារ និងស្វែងយល់បន្ថែមអំពីកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ ជាមួយការិយាល័យតំណាងសភាពាណិជ្ជកម្មកម្ពុជាប្រចាំទីក្រុងមែលប៊ន សភាពាណិជ្ជកម្ម និងឧស្សាហកម្មរដ្ឋវិចតូរៀ និងតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី ប្រទេសអូស្ត្រាលី។ ការជួបពិភាក្សាខាងលើ គឺជាឱកាសដ៏មានតម្លៃក្នុងការពង្រឹងបណ្តាញទំនាក់ទំនងអន្តរជាតិ ស្វែងរកដៃគូសហការថ្មីៗ និងបង្កើតមូលដ្ឋានសម្រាប់កិច្ចសហប្រតិបត្តិការនាពេលអនាគត ជាពិសេសស្វែងយល់ពី សក្តានុពលទីផ្សារ ឱកាសវិនិយោគ ការពង្រីកទំនាក់ទំនងអាជីវកម្ម និងការតភ្ជាប់វិស័យឯកជនរវាងកម្ពុជា និងអូស្ត្រាលី ដែលអាចរួមចំណែកដល់ការជំរុញ ពាណិជ្ជកម្ម ការវិនិយោគ និងទំនាក់ទំនងធុរកិច្ច។

បន្ថែមពីនេះ គណៈប្រតិភូសភាពាណិជ្ជកម្មកម្ពុជាក៏បានទស្សនកិច្ចនៅក្រុមហ៊ុន LUUS COMMERCIAL CATERING EQUIPMENT ដែលជាក្រុមហ៊ុនមានឯកទេសក្នុងការរចនា និងផលិត ឧបករណ៍ និងគ្រឿងបរិក្ខារផ្ទះបាយពាណិជ្ជកម្ម សម្រាប់វិស័យភោជនីយដ្ឋាន សណ្ឋាគារ និងបដិសណ្ឋារកិច្ច  ដែលមានមូលដ្ឋានផលិតកម្មនៅទីក្រុងមែលប៊ន។ ក្រុមហ៊ុននេះផ្តោតលើការផលិតឧបករណ៍ និងគ្រឿងបរិក្ខារដែលមានគុណភាពខ្ពស់ ប្រសិទ្ធភាព និងភាពធន់ ស្របតាមតម្រូវការរបស់ផ្ទះបាយពាណិជ្ជកម្មទំនើប រួមមាន ឧបករណ៍ចម្អិនអាហារប្រើហ្គាស ឧបករណ៍ចម្អិនអាហារបែបអាស៊ី ម៉ាស៊ីនចៀន ឧបករណ៍ដុត ឧបករណ៍ចម្អិនម្ហូប និងចង្ក្រានពាណិជ្ជកម្ម ដែលត្រូវបានរចនាឡើងសម្រាប់ការប្រើប្រាស់ក្នុងផ្ទះបាយដែលមានតម្រូវការខ្ពស់។

តាមរយៈសកម្មភាពនៃដំណើរទស្សនកិច្ចខាងលើនេះ គឺជាសក្ខីភាពនៃការប្តេជ្ញាចិត្ត និងទិសដៅដ៏មុតមាំរបស់សភាពាណិជ្ជកម្មកម្ពុជា ក្រោមការដឹកនាំរបស់ គិត ម៉េង ជាប្រធាន ដែលតែងជំរុញឱ្យមានកិច្ចសហការយ៉ាងជិតស្និទ្ធជាមួយដៃគូ និងស្ថាប័នអន្តរជាតិ ក្នុងការបន្តពង្រឹងទំនាក់ទំនងលើវិស័យធុរកិច្ច ពាណិជ្ជកម្ម និងការវិនិយោគ ជាមួយបណ្តាប្រទេសនានា និងដើម្បីឱ្យសមាជិក សមាជិកា ដែលស្ថិតក្នុងវិស័យម្ហូបអាហារ និងបដិសណ្ឋារកិច្ច ទទួលបានបទពិសោធន៍ និងចំណេះដឹងបន្ថែមទៀតដែលអាចយកទៅអភិវឌ្ឍន៍ក្នុងអាជីវកម្មប្រកបដោយភាពជោគជ័យ និងក្នុងការពង្រីកភាពជាដៃគូក្រៅប្រទេស ជំរុញការផ្លាស់ប្តូរវិនិយោគ និងលើកកម្ពស់កិច្ចសហប្រតិបត្តិការអន្ដរជាតិ៕

The post អ្នកឧកញ៉ា ភួ វាសនា ដឹកនាំគណៈប្រតិភូសភាពាណិជ្ជកម្មកម្ពុជា បំពេញទស្សនកិច្ចពាណិជ្ជកម្មទៅកាន់ទីក្រុងមែលប៊ន និងស៊ីដនី ប្រទេសអូស្ត្រាលី ប្រកបដោយភាពជោគជ័យ appeared first on .

សភាពាណិជ្ជកម្មកម្ពុជា បានឱ្យដឹងថា ដំណើរទស្សនកិច្ចនេះ ជាការឆ្លើយតបតាមការអញ្ជើញរបស់ លោក GAO liang ប្រធានសភាពាណិជ្ជកម្មខេត្តហឺណាន ប្រចាំប្រទេសកម្ពុជា ក្រោយពីការចុះអនុស្សរណៈយោគយល់គ្នា រវាងសភាពាណិជ្ជកម្មខេត្តបាត់ដំបង និងសភាពាណិជ្ជកម្មខេត្តហឺណាន ប្រចាំកម្ពុជា កាលពីខែធ្នូ ឆ្នាំ២០២៥កន្លងទៅ។

គោលបំណងនៃដំណើរទស្សនកិច្ចគឺ៖

១.ការផ្សព្វផ្សាយពាណិជ្ជកម្ម និងវិនិយោគ៖ បង្កើនការជួញដូរទំនិញ និងទាក់ទងការវិនិយោគពី​សហគ្រាសខេត្ត​ហឺណាន មកខេត្តបាត់ដំបង។

២.ការសហការផ្នែកកសិកម្ម និងអាហារ៖ ជំនួយបច្ចេកវិទ្យាកសិកម្ម ការរួមបញ្ចូលខ្សែសង្វាក់ ចាប់ពីផលិតដល់​ទីផ្សារ ដើម្បីបង្កើនផលិតភាព និងចំណូលដល់កសិករ។

៣.ការផ្សព្វផ្សាយវប្បធម៌ និងទេសចរណ៍៖ លើកកម្ពស់ការប្រាស្រ័យទាក់ទង ដើម្បីធ្វើការផ្លាស់ប្ដូរទស្សនកិច្ច​ពាណិជ្ជកម្ម ចំពោះអត្ថប្រយោជន៍រួម។

៤.ជំរុញការផ្គត់ផ្គង់ទីផ្សារ បណ្តុះបណ្តាល និងប្រើប្រាស់បណ្ដាញហិរញ្ញវត្ថុ ដើម្បីធ្វើឱ្យសេដ្ឋកិច្ចមូលដ្ឋាន​រឹងមាំ​ជាងមុន។

សូមជម្រាបថា ក្នុងដំណើរទស្សនកិច្ចនេះផងដែរ អ្នកឧកញ៉ា ភួ វាសនា និងប្រតិភូ ក៏នឹងអញ្ជើញទៅទស្សនកិច្ច​ទីតាំងឧស្សាហកម្ម និងពាណិជ្ជកម្មនានាផ្សេងទៀតរួមមាន តំបន់សេដ្ឋកិច្ចពិសេសនៃទីក្រុង Xin Xiang រោងចក្រ​ផលិតជី Xilian Xing និងជំនួបជាមួយសមាគមសហគ្រាសធុនតូច និងមធ្យមនៅខេត្តហឺណាន។

The post អ្នកឧកញ៉ា ភួ វាសនា ដឹកនាំប្រតិភូទៅទស្សនកិច្ចពាណិជ្ជកម្មនៅខេត្តហឺណាន ប្រទេសចិន ក្នុងគោលបំណងចំនួន ៤ appeared first on .

សភាពាណិជ្ជកម្មកម្ពុជា បានឱ្យដឹងថា ដំណើរទស្សនកិច្ចពាណិជ្ជកម្មនេះ នឹងចាប់ពីថ្ងៃទី ១៧ មេសា ដល់ថ្ងៃទី ២១ ខែមេសា ឆ្នាំ២០២៦។ ក្នុងដំណើរទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងត្រូវ៖ ១.ចូលរួមកម្មវិធីពិព័រណ៍ផលិតផលនាំចេញ នាំចូលប្រទេសចិន (The 139th Canton Fair), ២.ចូលរួមកិច្ចប្រជុំ និងវេទិកាចែករំលែក, ៣.ជំនួបពាណិជ្ជកម្ម និងចាប់ដៃគូរជាមួយក្រុមហ៊ុនចិនល្បីៗ, ៤.ទស្សនកិច្ចរោងចក្រ សហគ្រាសផលិត ដែលមានឧបករណ៍ និងបច្ចេកវិទ្យាទំនើបៗ នៅក្នុងវិស័យឧស្សាហកម្មប្រទេសចិន។

សូមជម្រាបថា ដំណើរទស្សនកិច្ចពាណិជ្ជកម្មទៅកាន់ទីក្រុងក្វាងចូវខាងលើនេះ រៀបចំដោយសភាពាណិជ្ជកម្មកម្ពុជា និងសហការរៀបចំដោយ មជ្ឈមណ្ឌលអភិវឌ្ឍធុរកិច្ច (BDC) និងមូលនិធិអភិវឌ្ឍន៍ជំនាញ (SDF) ព្រមទាំងគាំទ្រដោយ សហគ្រិនខ្មែរ នៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍៕

The post អ្នកឧកញ៉ា ឧកញ៉ា ២រូប នឹងដឹកនាំប្រតិភូ ៤៥រូប ធ្វើទស្សនកិច្ចពាណិជ្ជកម្មទៅកាន់ទីក្រុងក្វាងចូវ ប្រទេសចិន រយៈពេល ៤យប់៥ថ្ងៃ appeared first on .

ក្នុងឱកាសអញ្ជើញចូលរួមសម្ពោធរោងសិប្បកម្មថ្មី និងផលិតផលថ្មីរបស់សហគ្រាស ជេ អឹម អិល អេច (J.M.L.H) របស់លោកស្រី សេង សំណាង ដែលផលិតម្សៅស៊ុបជាតិ និងសមិទ្ធផលថ្មីៗ ប្រចាំខេត្តបាត់ដំបង, អ្នកឧកញ៉ា ភួ វាសនា បានថ្លែងថា៖ «ក្នុងស្ថានភាពបច្ចុប្បន្ននេះ ផលិតករក្នុងស្រុករបស់យើងបាន និងកំពុងខិតខំ​ពង្រឹង​អ្វីដែលយើងខ្វះខាតកន្លងមក ឱ្យរឹតតែខ្លាំងឡើងៗ ដោយបង្កើនការផលិត ពង្រឹងគុណភាព សុវត្ថិភាព និង​តម្លៃប្រកួតប្រជែង ដូច្នេះសូមឱ្យប្រជាពលរដ្ឋបន្តគាំទ្រផលិតផលរបស់ខ្មែរជារៀងរហូត»។

លោកស្រី សេង សំណាង ម្ចាស់សហគ្រាស ជេ អឹម អិល អេច បានលើកឡើងថា បងៗកងទ័ពឈរជើង​ការពារ​ជួរមុខ ពួកយើងឈរជើងការពារជួរក្រោយ បង្កើនសម្ថតភាព ពង្រឹងសេដ្ឋកិច្ច សាមគ្គីគ្នាជួយជាកំលាំង​ដើម្បីការពារ​ប្រទេស។ សហគ្រាស ជេអឹមអិលអេច បានបញ្ចប់បេសកកម្មដ៏ធំមួយ គឺពង្រីកទីតាំងផលិត ដើម្បីបង្កើនការផលិត និងបញ្ចប់ការស្រាវជ្រាវផលិតផលថ្មី ហៅថាម្សៅស៊ុបចុងភៅ ចាប់ផ្តើមបើកសម្ភោធជាផ្លូវការនៅថ្ងៃនេះ។

សូមជម្រាបថា អ្នកឧកញ៉ា ភួ វាសនា បានជាប់ជា​ប្រធានសភាពាណិជ្ជកម្មខេត្តបាត់ដំបង សម្រាប់អាណត្តិទី១ ជាលើកទី២ កាលពីថ្ងៃទី០៤ ខែមករា ឆ្នាំ២០២៣។ ក្នុងអាណត្តិ និងតួនាទី ជាអ្នកដឹកនាំសភាពាណិជ្ជកម្មក្នុង​មូលដ្ឋាន​ខេត្តរបស់ខ្លួន អ្នកឧកញ៉ាវ័យក្មេង និងជាអ្នកជំនួញ ការទូតដ៏បុិនប្រសព្វ ពោរពេញដោយសក្ដានុពល ប្រចាំខេត្ត​បាត់ដំបង​រូបនេះ បានដឹកនាំក្រុមការងារពាក់ព័ន្ធ បញ្ចេញសកម្មភាពជួយជំរុញ ការងារសភាពាណិជ្ជកម្ម​ខេត្ត​ឱ្យចេញជា​ផ្លែផ្កាជាច្រើន ពិសេសការស្វែងរកបញ្ហាប្រឈម និងការកសាងបណ្ដាញសហគ្រិន​ផលិតផលក្នុង​ស្រុក ក្នុងខេត្តបាត់ដំបង៕

The post អ្នកឧកញ៉ា ភួ វាសនា អំពាវនាវឱ្យប្រជាពលរដ្ឋខ្មែរ បន្តគាំទ្រផលិតផល​ក្នុងស្រុក appeared first on .

សភាពាណិជ្ជកម្មខេត្តបាត់ដំបង បានឱ្យដឹងថា ដំណេីរទស្សនកិច្ចពាណិជ្ជកម្មនេះ មានរយ:ពេល៥យប់ ៦ថ្ងៃ គឺចាប់ពីថ្ងៃទី១៥ ដល់ថ្ងៃទី២០ ខែតុលា ឆ្នាំ២០២៥ ដែលជាទីកន្លែងតាំងពិព័រណ៍ដ៏ធំរបស់ប្រទេសចិន សម្រាប់ម្ចាស់អាជីវកម្មក្នុងវិស័យ៖ ឧស្សាហកម្ម និងម៉ាស៊ីនសង្វាក់ផលិតកម្ម, គ្រឿងបន្លាស់រថយន្ត កង់ ម៉ូតូ ឡាន, គ្រឿងកសិកម្ម និងសំណង់, គ្រឿងបង្គុំអគ្គិសនី និងបច្ចេកវិទ្យាថ្មីៗ, ផ្សារបោះដុំ ខោអាវ កាបូប នាឡិកា គ្រឿងអេឡិចត្រូនិច និងគ្រឿងសម្អាង។

 សូមជម្រាបថា គោលបំណងនៃដំណេីរទស្សនកិច្ចពាណិជ្ជកម្មនេះ គឺដេីម្បីពង្រឹង និងពង្រីក ទៅលេីខ្សែសង្វាក់ផលិតកម្ម របស់វិស័យ SME ដែលកំពុងមានសក្ដានុពល ក៏ដូចជាបង្កេីតឱកាសពាណិជ្ជកម្ម រវាងពាណិជ្ជករក្នុងស្រុកជាមួយប្រភពរោងចក្រពីប្រទេសចិនដោយផ្ទាល់៕

The post តំណាងអ្នកឧកញ៉ា ភួ វាសនា ដឹកនាំប្រតិភូជាង ៤០រូប ធ្វើដំណើរទស្សនកិច្ចពាណិជ្ជកម្ម ទៅទីក្រុងក្វាងចូវ ប្រទេសចិន appeared first on .

ពិធីសិរីមង្គលកូនប្រុសស្រីលំដាប់អភិជននៅភូមិភាគពាយ័ព្យនេះ កូនប្រុសនាម រិន សុភារៈ ត្រូវជាកូនប្រុសរបស់លោក ហាយ វណ្ណរិន និង លោកស្រី ឈរ ហុងឆាយ។ រីឯកូនស្រីនាម ភួ យូនីលីវឺ ជាកូនស្រី របស់ឧកញ៉ា ភួ ពុយ និងលោកជំទាវ អុឹង ណងពីន ហើយត្រូវជាប្អូនស្រីរបស់ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង។

ក្នុងឱកាសនេះដែរ ដើម្បីអបអរសាទរដល់គូស្វាមីភរិយាថ្មីខាងលើនេះ វត្តមាន សម្ដេច ឯកឧត្ដម លោកជំទាវ ជាឥស្សរជនថ្នាក់ដឹកនាំជាតិជាច្រើន ក៏បានអញ្ជើញជាភ្ញៀវកិត្តិយសផងដែរ រួមទាំងវត្តមានដ៏ខ្ពង់ខ្ពស់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត។ ជាមួយគ្នានោះ គេក៏ឃើញមានវត្តមាន លោកអ្នកឧកញ៉ា ភូ ហុងស៊ួន ស៊ីគង់ទ្រីវ, អ្នកឧកញ៉ា ហ៊ុន តូ និងលោកឧកញ៉ា ឡេង និមល អញ្ជើញចូលរួមផងដែរ៕

រូបភាព៖ The Ring

The post មកមើលទិដ្ឋភាពមង្គលការកូនស្រី ឧកញ៉ា ភួ ពុយ សេដ្ឋីនៅភាគពាយ័ព្យ appeared first on .

អ្នកឧកញ៉ា ភួ វាសនា បានលើកឡើងតាមរយៈបណ្តាញសង្គមហ្វេសប៊ុក កាលថ្ងៃទី១១ ខែវិច្ឆិកា ដូច្នេះថា៖ “តាំងនាមខ្ញុំបាទ ជាប្រធានគណៈកម្មការប្រតិបត្តិ តំណាងដ៏ខ្ពង់ខ្ពស់របស់ ឯកឧត្តម ស រដ្ឋា ប្រធានសហភាពសហពន្ធ័យុវជនកម្ពុជាខេត្តបាត់ដំបង ក្នុងការរៀបចំពានរង្វាន់សម្តេចក្រឡាហោម ស ខេង ឆ្នាំ២០២៤ ខ្ញុំសូមអរគុណជាទីបំផុត ដល់ក្រុមការងារគ្រប់អនុគណ:កម្មការគ្រប់ផ្នែកទាំងអស់ ដែលបានអនុវត្តការងារតាមផ្នែករបស់ខ្លួនយ៉ាងសកម្ម រហូតទទួលបានលទ្ធផលយ៉ាងល្អ ជាទីគាប់ប្រសើរ”។

«សូមជម្រាបថា ក្នុងព្រឹត្តិកានេះមានអ្នកចូលរួមទស្សនាផ្ទាល់ប្រមាណ ៦០០០ នាក់ ដែលនេះជាការចូលរួមលើសការរំពឹងទុករបស់យើងខ្ញុំ ដោយមិនធ្លាប់មានពីមុនមកឡើយ ក្នុងព្រឹត្តិការណ៍កីឡាក្នុងខេត្តបាត់ដំបងយើងនេះ។ យើងខ្ញុំក៏សូមថ្លែងអំណរគុណដល់អ្នកដែលចូលរួមទាំងអស់ ដែលបានចំណាយពេលវេលាចូលរួមគាំទ្រ លើកស្ទួយវិស័យកីឡានេះផងដែរ»។ អ្នកឧកញ៉ា បានបន្ថែម។

សូមជម្រាបថា ព្រឹត្តិការណ៍ការប្រកួតបាល់ទាត់រវាងក្រុមថ្នាក់ដឹកនាំ សសយក ខេត្តបាត់ដំបង ប្រកួតជាមួយក្រុមផ្ការីកគ្រប់រដូវ របស់លោកពាក់មី ក៏មានការផ្តល់កិត្តិយសដ៏ខ្ពង់ខ្ពស់ពីសំណាក់ ឯកឧត្តមអភិសន្តិបណ្ឌិត ស សុខា អនុប្រធាន សសយក កម្ពុជា, ឯកឧត្តម ស រដ្ឋា ប្រធាន សសយក ខេត្តបាត់ដំបង និងជាប្រធានគណៈកម្មការរៀបចំការប្រកួតកីឡា “ពានរង្វាន់សម្តេចក្រឡាហោម ស ខេង ឆ្នាំ២០២៤” និងអ្នកឧកញ៉ា ភួ វាសនា ប្រធានប្រតិបត្តិ កម្មវិធីការប្រកួតកីឡា ពានរង្វាន់សម្តេចក្រឡាហោម ស ខេង ឆ្នាំ២០២៤ រួមទាំងថ្នាក់ដឹកនាំ សសយក ជាច្រើនរូបទៀត អញ្ជើញចូលលេងក្នុងការប្រកួតផងដែរ។ ជាចុងបញ្ចប់ ក្រុមទាំងពីរបានបញ្ចប់ទៅក្នុងលទ្ធផលស្មើគ្នា ១ ទល់នឹង ១។

ព្រឹត្តិការណ៍ការប្រកួតកីឡាដណ្តើមពានរង្វាន់សម្តេចក្រឡាហោម ស ខេង ឆ្នាំ២០២៤ លើវិញ្ញាសាទាំង៤ (បាល់ទាត់ បាល់ទះ វាយសី ប៉ូល ប៉េតង់) ក្រោមប្រធានបទ៖ “យុវជនម្នាក់លេងកីឡាមួយប្រភេទប្រចាំជីវិត និងចៀសឆ្ងាយពីគ្រឿងញៀន” គោលបំណងដើម្បីឱ្យប្រជាពលរដ្ឋជាពិសេសយុវជនមានសុខភាពល្អ បង្កើននូវសាមគ្គីភាព មិត្តភាព ចៀសឆ្ងាយពីគ្រឿងញៀន និងកាត់បន្ថយភាពអសកម្មផ្សេងៗក្នុងសង្គម រួមចំណែកក្នុងការលើកកម្ពស់វិស័យកីឡាឱ្យកាន់តែរីកចម្រើន ឈានដល់ការសម្រេចបានគោលនយោបាយជាតិ ស្តីពីការអភិវឌ្ឍន៍វិស័យអប់រំ និងកីឡា៕

The post អ្នកឧកញ៉ា ភួ វាសនា៖ ការប្រកួតបើកពានរង្វាន់សម្តេចក្រឡាហោម ស ខេង ឆ្នាំ២០២៤ មានអ្នកចូលទស្សនាផ្ទាល់ ៦ពាន់នាក់ បំបែកកំណត់ត្រានៅខេត្តបាត់ដំបង appeared first on .

សម្រាប់ការប្រកួតនារសៀលនេះ នឹងមានវត្តមាន ឯកឧត្តមអភិសន្តិបណ្ឌិត ស សុខា អនុប្រធាន សសយក កម្ពុជា, ឯកឧត្តម ស រដ្ឋា ប្រធាន សសយក ខេត្តបាត់ដំបង និងជាប្រធានគណៈកម្មការរៀបចំការប្រកួតកីឡា “ពានរង្វាន់សម្តេចក្រឡាហោម ស ខេង ឆ្នាំ២០២៤” និងអ្នកឧកញ៉ា ភួ វាសនា ប្រធានប្រតិបត្តិ កម្មវិធីការប្រកួតកីឡា ពានរង្វាន់សម្តេចក្រឡាហោម ស ខេង ឆ្នាំ២០២៤ រួមទាំងថ្នាក់ដឹកនាំ សសយក ជាច្រើនរូបទៀតផងដែរ។ 

សូមជម្រាបថា ពានរង្វាន់សម្តេចក្រឡាហោម ស ខេង ឆ្នាំ២០២៤ មាន៤ប្រភេទកីឡា ក្នុងនោះ៖ ១. កីឡាបាល់ទាត់ ចូលរួមមានចំនួន ៣០ក្រុម, ២. កីឡាបាល់ទះ ចូលរួមមានចំនួន ១១ក្រុម, ៣. កីឡាវាយសី ចូលរួមមានចំនួន ៧៤ក្រុម និង ៤. កីឡាប៊ូល និងប៉េតង់ ចូលរួមមានចំនួន ៣៨ក្រុម៕

The post អ្នកឧកញ៉ា ភួ វាសនា នឹងចូលលេងឱ្យក្រុមថ្នាក់ដឹកនាំ សសយក ខេត្តបាត់ដំបង ប្រកួតជាមួយក្រុមផ្ការីកគ្រប់រដូវ appeared first on .

កម្មវិធី​ដំណើរទស្សនកិច្ច​ពិព័រណ៍ពាណិជ្ជកម្ម ដែល​រៀបចំដោយសភាពាណិជ្ជកម្មខេត្តបាត់ដំបង​នេះ ចាប់ពី​ថ្ងៃទី១៥​ ដល់ទី២០​ ខែតុលា​ ឆ្នាំ២០២៤ ក្នុងគោលបំណង ស្វែងយល់អំពីទំនើបកម្មសម័យថ្មីលើវិស័យ SME ដើម្បីពង្រឹងសម្ថភាពក្នុងការផលិត និងកែឆ្នៃនានា។

គួរបញ្ជាក់ថា ក្នុងអាណត្តិ និងតួនាទី ជាអ្នកដឹកនាំសភាពាណិជ្ជកម្មក្នុងមូលដ្ឋានខេត្តរបស់ខ្លួន អ្នកឧកញ៉ា​ ភួ វាសនា បានដឹកនាំក្រុមការងារពាក់ព័ន្ធ បញ្ចេញសកម្មភាពជួយជំរុញ ការងារសភាពាណិជ្ជកម្មខេត្ត​ឱ្យចេញជា​ផ្លែផ្កាជាច្រើន។ បេសកកម្មដឹកនាំអាទិភាព របស់អ្នកឧកញ៉ាវ័យក្មេងរូបនេះ គឺការស្វែងរកបញ្ហាប្រឈម ការ​កសាង​បណ្ដាញសហគ្រិន ក្នុងខេត្តបាត់ដំង ជាមួយអ្នកវិនិយោគ​ពីប្រទេសជិតខាង និងបណ្តាប្រទេសធំៗ​លើ​ពិភពលោក។ ជាពិសេសការផ្សព្វផ្សាយពីកាលានុវត្តភាពអាជីវកម្មលើវិស័យជាច្រើនក្នុងខេត្តបាត់ដំបង ឱ្យកាន់​តែ​ទូលំទូលាយ៕

The post លោក ជា សុខឡេង តំណាងអ្នកឧកញ៉ា ភួ វាសនា ដឹកនាំអាជីវករជាង ៣០នាក់ ធ្វើដំណើរទស្សនកិច្ចពាណិជ្ជកម្ម នៅទីក្រុងក្វាងចូវ appeared first on .

បើតាមសភាពាណិជ្ជកម្មកម្ពុជា បានឱ្យដឹងថា កម្មវិធីខាងលើនេះ ប្រព្រឹត្តទៅក្រោមអធិបតីភាព លោកឧកញ៉ា ភួ ពុយ អ្នកតំណាងរាស្រ្ដមណ្ឌលខេត្តបាត់ដំបង លោកឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងអ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង។  

លោកឧកញ៉ា ភួ ពុយ និង លោកឧកញ៉ា តាន់ មុនីវណ្ណ ក៏បានចូលរួមជាវាគ្មិនកិត្ដិយស ក្នុងការចែករំលែកបទពិសោធន៍ និងគំនិតអាជីវកម្មទៅដល់ សមាជិក សមាជិកា និងបងប្អូនអាជីវករ ដែលបានអញ្ជើញចូលរួមក្នុងកម្មវិធីខាងលើ ចំនួនប្រមាណជាង ២០០ នាក់ ដើម្បីទទួលបាន គំនិតល្អៗ និងអនុសាសន៍ណែនាំមួយចំនួនជាជំនួយស្មារតីបន្ថែមសម្រាប់យកទៅបង្កើតអាជីវកម្មថ្មី ឬកែលម្អអាជីវកម្មរបស់ខ្លួនឱ្យប្រសើរឡើង។

សូមបញ្ជាក់ថា “កម្មវិធីការចែករំលែកដើម្បីអាជីវកម្មរីកចម្រើន” ទទួលបានការគាំទ្រពី សហគ្រិនខ្មែរ និងឧបត្ថម្ភដោយ ធនាគាវីង (ខេមបូឌា) ម.ក, សមាគមន៍វិនិយោគនវានុវត្តន៌និងអភិវឌ្ឍ(IDI) ផ្សារវីនសូ ក្រុមហ៊ុន ឌីហ្រ្គេន រៀលធី ឯ.ក និងប្រធាន អនុប្រធាន សមាជិក សមាជិកា សភាពាណិជ្ជកម្មខេត្តបាត់ដំបងទាំងអស់៕

The post អ្នកឧកញ៉ា ឧកញ៉ា ៣រូប អញ្ជើញជាអធិបតីក្នុងកម្មវិធីការចែករំលែកដើម្បីអាជីវកម្មរីកចម្រើន នៅខេត្តបាត់ដំបង appeared first on .