ក្នុង​នោះ លោកជំទាវ​ លាង​ វួចឆេង​ ហ៊ុន​ណេង ​បានឧបត្ថម្ភថវិកាដល់ អ្នក​ស្លាប់​ចំនួន​ ១៤​ នាក់​ ក្នុង​១នាក់​ ថវិកា​ ២លាន​រៀល​ អ្នករងរបួស​ធ្ងន់​ចំនួន​ ១៥នាក់​ ក្នុង​១នាក់​ ថវិកា​ ១លានរៀល​ អ្នករងរបួសស្រាលចំនួន​ ៦៧នាក់​ ក្នុង​ ១នាក់​ ថវិកា​ ៥០ម៉ឺនរៀល​។

សូមរំលឹកថា គ្រោះថ្នាក់ចរាចរណ៍ចំនួន ២ករណី ដែល​បានកើតឡើងព្រមគ្នានៅព្រឹកថ្ងៃទី២៣ ខែឧសភា ឆ្នាំ​២០២៦ នៅខេត្តកំពង់ឆ្នាំង និងខេត្តស្វាយរៀង បានបណ្តា​ល​ឱ្យបងប្អូនកម្មករនិយោជិត ១៤នាក់បានបាត់បង់ជីវិត និងប្រមាណ ១០០នា​ក់ផ្សេងទៀត បានរងរបួសធ្ងន់ និងស្រាល៕

The post ម្តាយអ្នកឧកញ៉ា ហ៊ុន តូ ឧបត្ថម្ភថវិកាជូនដល់កម្មករ​ កម្មការិនី​ ដែលជួប​គ្រោះថ្នាក់​ចរាចរណ៍​ នៅខេត្តស្វាយរៀង និងខេត្តកំពង់ឆ្នាំង appeared first on .

សេចក្តីបំភ្លឺ បានបញ្ជាក់ថា កាលពីពេលថ្មីៗកន្លងមកនេះ នៅលើបណ្តាញសង្គម និងសារព័ត៌មានមួយចំនួន បានផ្សព្វផ្សាយដោយបានភ្ជាប់ អ្នកឧកញ៉ា ហ៊ុន តូ ពាក់ព័ន្ធជាមួយក្រុមហ៊ុន «ហួយវ័នផេម.ក (HUIONEPAYPLC.)» ដែលជាគ្រឹះស្ថានដក និងដាក់ប្រាក់។ ការផ្សាយទាំងនោះបានចោទប្រកាន់អ្នកឧកញ៉ា ហ៊ុន តូ ថាជាថៅកែធំរបស់ក្រុមហ៊ុននេះ រហូតមានការប្រមូលផ្តុំធ្វើបាតុកម្មតវ៉ាដើម្បីឲ្យអ្នកឧកញ៉ា ចេញមុខ​ដោះស្រាយករណីលុយដែលពួកគាត់បានដាក់ ហើយមិនទាន់បានទទួលការទូទាត់សងវិញ។

អ្នកឧកញ៉ា ហ៊ុន តូ បានបញ្ជាក់ថា កន្លងមកអ្នកឧកញ៉ា ពិតជាមានភាគហ៊ុននៅក្នុងក្រុមហ៊ុន «ហួយវ័នផេម.ក (HUIONEPAYPLC.)» ចំនួន៣០ភាគរយពិតប្រាកដមែន នៅក្នុងលក្ខន្តិកៈ និងបទបញ្ជាផ្ទៃក្នុងរបស់​ក្រុមហ៊ុន​ដែល​​ទទួលស្គាល់ដោយក្រសួងពាណិជ្ជកម្មក្នុងឆ្នាំ២០២០។ ប៉ុន្តែផ្អែកលើជំពូក២ ចែងអំពីដើមទុន-ភាគហ៊ុន និងប្រការ៩ ស្តីពីការបង់ប្រាក់ភាគហ៊ុនអ្នកឧកញ៉ា បានបាត់បង់សិទ្ធិចាត់ចែងការងារទូទៅ​ក្នុងនាមជាម្ចាស់​ភាគហ៊ុន៣០ភាគរយនេះតាំងពីចាប់ផ្ដើមដំណើរការក្រុមហ៊ុនដំបូងពីឆ្នាំ២០២០មកម្ល៉េះ ដោយសារតែលោក​មិនបានបង់ប្រាក់សុទ្ធចំនួន៣០ភាគរយដែលជាចំណែកភាគហ៊ុនរបស់លោក ចូលទៅក្នុងក្រុមហ៊ុនសម្រាប់​បើកដំណើរការប្រតិបត្តិការរបស់ក្រុមហ៊ុន ដោយមូលហេតុក្រុមហ៊ុន មិនបានបែងចែកសិទ្ធិអំណាច ឬសិទ្ធិសម្រេច​កិច្ចការងារក្នុងក្រុមហ៊ុនដើម្បីឲ្យលោកទទួលខុសត្រូវ ជាពិសេសសិទ្ធិលើការគ្រប់គ្រង​ចំណូលចំណាយ​និងប្រតិបត្តិការ​ប្រចាំថ្ងៃរបស់ក្រុមហ៊ុន។

បន្ថែមលើនេះមានចំណុចមួយចំនួនទៀត ត្រូវបានអ្នកឧកញ៉ា ហ៊ុន តូ បញ្ជាក់ពីការមិនពាក់ព័ន្ធការងារ​ប្រត្តិបត្តិការ​របស់ក្រុមហ៊ុននេះដូចខាងក្រោម៖

ទី១៖ អ្នកឧកញ៉ា មិនដែលទទួលបានការអញ្ជើញឱ្យចូលរួមគ្រប់កិច្ចប្រជុំ ឬមហាសន្និបាតនៃម្ចាស់ភាគហ៊ុននោះទ

ទី២៖ អ្នកឧកញ៉ា មិនធ្លាប់បានចាត់តំណាង ឬតែងតាំងអាណត្តិគាហករួមណាម្នាក់ធ្វើជាតំណាងភាគហ៊ុន នៅក្នុងក្រុមហ៊ុនដូចដែលបានកំណត់ក្នុងប្រការ១២ ជំពូក២ នៃលក្ខន្តិកៈ និងបទបញ្ជាផ្ទៃក្នុងក្រុមហ៊ុននោះឡើយ

ទី៣៖ អ្នកឧកញ៉ា មិនធ្លាប់ទទួលបានប្រាក់ចំណេញប្រាក់ភាគលាភ និងទ្រព្យសកម្មបន្តិចណាសោះពីក្រុមហ៊ុននោះឡើយ

ទី៤៖ អ្នកឧកញ៉ា មិនធ្លាប់បានចូលរួមបោះឆ្នោតក្នុងកិច្ចប្រជុំ និងចូលរួមអនុម័តកិច្ចការផ្សេងៗរបស់ក្រុមហ៊ុននោះឡើយ

ទី៥៖ អ្នកឧកញ៉ា មិនធ្លាប់បានទទួលបានព័ត៌មានពីប្រតិបត្តិការអ្វីទាំងអស់ពីក្រុមហ៊ុនឡើយ។

សេចក្តីបំភ្លឺដដែល អ្នកឧកញ៉ា ហ៊ុន តូ បានបញ្ជាក់បន្ថែមថា នៅថ្ងៃទី១ ខែតុលា ឆ្នាំ២០២៥ ក្រុមហ៊ុនជម្រះបញ្ជី រីចន៍ &ផាតនើរ REACHS & PartnersCo.,Ltd. ដែលជាក្រុមហ៊ុនជម្រះបញ្ជីតាមនីតិវិធីផ្លូវច្បាប់ ដែលទទួល​ស្គាល់ដោយ ធនាគារជាតិនៃកម្ពុជា បានបញ្ចប់ការជម្រះបញ្ជី និងបានចេញរំបាយការណ៍ចុងក្រោយ​ស្តីពីការជម្រះ​បញ្ជីគ្រឹះស្ថានផ្តល់សេវាទូទាត់សងប្រាក់ហួយវ័នផេម.ក (HUIONEPAYPLC.) ដោយបានបញ្ជាក់ពីការបញ្ចប់​ទាំងស្រុង អំពីការជម្រះបញ្ជីរវាងម្ចាស់បំណុលជាមួយគ្រឹះស្ថាន​ផ្តល់សេវាទូទាត់សងប្រាក់​ហួយវ័នផេម.ក (HUIONEPAYPLC.)។

នៅក្នុងរបាយការណ៍ចុងក្រោយរបស់ក្រុមហ៊ុនជម្រះបញ្ជីបានបញ្ជាក់ថា ក្រោយពីធ្វើការទូទាត់សងម្ចាស់បំណុល​រួចរាល់អស់ហើយ គ្រឹះស្ថានហួយវ័នផេម.ក (HUIONEPAYPLC.) នៅសល់សាច់ប្រាក់សុទ្ធចំនួន ១.១៨៩.២៣៥,៥១ដុល្លារអាមេរិក និងបានធ្វើការបែងចែកប្រាក់ដែលនៅសេសសល់នេះ​ជូនម្ចាស់ភាគហ៊ុន​ពិតប្រាកដដែលទទួលខុសត្រូវក្នុងប្រតិបត្តិការរបស់ក្រុមហ៊ុនកន្លងមក។

សម្រាប់ការបែងចែកប្រាក់ដែលនៅសល់នេះ អ្នកឧកញ៉ា មិនមានចំណែកក្នុងការទទួលប្រាក់ដែលសល់ ក្រោយពី​ជម្រះបញ្ជីនោះទេ ដោយសារតែអ្នកឧកញ៉ា មិនមែនជាម្ចាស់ភាគហ៊ុនដែលបាន​ពាក់ព័ន្ធជាមួយប្រតិបត្តិការ​ក្រុមហ៊ុនកន្លងមក។

អ្នកឧកញ៉ា ហ៊ុន តូ សូមប្រកាសជាសាធារណៈថា ចំពោះគ្រឹះស្ថានផ្តល់សេវាទូទាត់សងប្រាក់ H-PAYSERVICE PLC អ្នកឧកញ៉ាមិនមានភាគហ៊ុន ឬពាក់ព័ន្ធក្នុងក្រុមហ៊ុននោះឡើយ ហើយសូមកុំឲ្យមាន​ការយល់ច្រឡំមកលើរូបលោកថា ជាម្ចាស់របស់ក្រុមហ៊ុន ហួយវ័នផេម.ក(HUIONEPAYPLC.) បន្តទៅទៀត។

ជាចុងក្រោយ អ្នកឧកញ៉ា បានបញ្ជាក់ពីជំហរនឹងសហការយ៉ាងពេញលេញជាមួយអាជ្ញាធរគ្រប់លំដាប់ថ្នាក់ ដែលពាក់ព័ន្ធ និងត្រៀមផ្ដល់ឯកសារ ឬភស្តុតាងនានាតាមដែលច្បាប់តម្រូវ៕

The post អស់ការសង្ស័យ! អ្នកឧកញ៉ា ហ៊ុន តូ ចេញសេចក្តីបំភ្លឺពាក់ព័ន្ធនឹងក្រុមហ៊ុន HUIONE PAY appeared first on .

គួរបញ្ជាក់ផងដែរថា នៅថ្ងៃទី ១៤ ខែមេសា ឆ្នាំ ២០២៦ ដែលត្រូវនឹងថ្ងៃចូលឆ្នាំទី១ សម្រាប់ខេត្តកំពង់ចាម មានភ្ញៀវទេសចរមកលេងកម្សាន្តប្រមាណជាជិត ១លាននាក់។ នេះបើតាមរបាយការណ៍របស់មន្ទីរទេសចរខេត្តកំពង់ចាម។

សម្រាប់ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៦នេះ រដ្ឋបាលខេត្តកំពង់ចាម បានរៀបចំកម្មវិធីល្បែងប្រជាប្រិយ ជាច្រើនប្រភេទសម្រាប់ប្រជាពលរដ្ឋចូលរួមលេងកម្សាន្ត។ ជាមួយគ្នានោះ ក៏មានការបង្ហាញពីរពណ៌តាមស្តង់ រហូតដល់ទៅជាង១០០ ស្តង់ សម្រាប់ភ្ញៀវទស្សនា និងលេងល្បែងប្រជាប្រិយ នៅបរិវេណសួនច្បារមុខសាលាខេត្តកំពង់ចាម បង្ករបរិយាកាសរីករាយរួមគ្នាផងដែរ៕

The post អ្នកឧកញ៉ា ហ៊ុន តូ ចូលរួមពិធីបេីកព្រឹត្តិការណ៍លៀសហាល ៥តោន ថ្ងៃទីពីរនៃសង្រ្គាន្តកំពង់ចាម appeared first on .

ក្នុងពិធីខួបកំណើតនេះ គេឃើញមានវត្តមាន ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី ទទួលបន្ទុកជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន, ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ, ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា, ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ, ថ្នាក់ដឹកនាំ អភិបាលរាជធានី ខេត្ត អភិបាលខណ្ឌ ព្រមទាំងវត្តមាន លោកអ្នកឧកញ៉ា លាង ឃុន សហស្ថាបនិកក្រុមហ៊ុន ជីប ម៉ុង និងអ្នកឧកញ៉ា ឧកញ៉ាៗជាច្រើនរូបទៀត៕

រូបភាព៖ Pheng Vannak

The post លោកអ្នកឧកញ៉ា អ្នកឧកញ៉ា ឧកញ៉ាៗច្រើនរូប អញ្ជើញចូលរួមពិធីខួបកំណើត អ្នកឧកញ៉ា ហ៊ុន តូ appeared first on .

ឯកឧត្តមសន្តិបណ្ឌិត នេត សាវឿន ប្រធានគណៈកិត្តិយសសាខាកាកបាទក្រហមកម្ពុជា ខេត្តកំពង់ចាម សូមថ្លែងអំណរគុណយ៉ាងជ្រាលជ្រៅបំផុតចំពោះ អ្នកឧកញ៉ា ហ៊ុន តូ ដែលបានឧបត្ថម្ភថវិកា ជូនសាខាកាកបាទក្រហមកម្ពុជា ខេត្តកំពង់ចាម ក្នុងឱកាសខួបទី១៦២ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២៥ និងខួបលើកទី៧០ឆ្នាំ នៃកាកបាទក្រហមកម្ពុជា ក្រោមមូលបទ «រួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់នឹងអាកាសធាតុ»។

ការចូលរួមឧបត្ថម្ភគាំទ្រជាថវិកា និងសម្ភារៈ តាមរយៈកាកបាទក្រហមកម្ពុជា គឺពិតជាមានគុណតម្លៃណាស់ ក្នុងការលើកកម្ពស់ស្មារតីវប្បធម៌នៃការចែករំលែក ដែលជាការផ្សារភ្ជាប់រវាងសប្បុរសជនជាមួយអ្នកទទួលផល។

គួររម្លឹកថាកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន នៅក្នុងឆ្នាំ២០២៤កន្លងទៅ បានជួយប្រជាពលរដ្ឋងាយគ្រោះដោយផ្ទាល់ និងតាមខ្នងផ្ទះ រួមទាំងប្រយោលជាង ២លាននាក់៕

The post អ្នកឧកញ៉ា ហ៊ុន តូ បរិច្ចាគថវិកាចំនួន ២០ម៉ឺនដុល្លារ ជូនសាខាកាកបាទក្រហមកម្ពុជា ខេត្តកំពង់ចាម appeared first on .

ក្នុងពិធីបុណ្យខួបគម្រប់ ៣ឆ្នាំនេះ ត្រូវបានប្រារពឡើង នៅភូមិអណ្ដូងច្រះ ឃុំអំពិល ស្រុកកំពង់សៀម ខេត្តកំពងចាម ដោយមានការអញ្ជើញចូលរួមពីថ្នាក់ដឹកនាំស្ថាប័នព្រឹទ្ធសភា រដ្ឋសភា រាជរដ្ឋាភិបាល អភិបាលរាជធានីខេត្ត ព្រមទាំងវត្តមាន លោកអ្នកឧកញ៉ា អ្នកឧកញ៉ា ឧកញ៉ាៗ និងសាច់ញាតិជិតឆ្ងាយជាច្រើនផងដែរ។

សម្តេច ហ៊ុន ណេង មានឈ្មោះដើម ហ៊ុន ឡុងសេង កើតនៅថ្ងៃទី២៥ ខែវិច្ឆិកា ឆ្នាំ១៩៥០ នៅភូមិពាមក្រៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម នៅក្នុងគ្រួសារកសិករ ដែលមានឪពុកឈ្មោះ ហ៊ុន នាង និងម្តាយឈ្មោះ ឌី ប៉ុក។ លោកជាកូនទី២ ក្នុងចំណោមបងប្អូន ៦នាក់ ក្នុងនោះស្រី៣នាក់។ លោកបានរៀបអាពាហ៍ពិពាហ៍ជាមួយនឹងលោកស្រី លាង វួចឆេង នៅឆ្នាំ១៩៧១ និងមានបុត្រាបុត្រីចំនួន ៦នាក់ ក្នុងនោះស្រី ៣នាក់ រួមទាំង អ្នកឧកញ៉ា ហ៊ុន តូ និងលោកជំទាវ ហ៊ុន គីមឡេង ភរិយារបស់លោកឧបនាយករដ្ឋមន្ត្រី នេត សាវឿន។

សម្ដេចឧត្តមទេពញាណ ហ៊ុន ណេង ជាឥស្សរជនមួយរូប និងជាបងប្រុសបង្កើតសម្តេចតេជោ ហ៊ុន សែន អតីតនាយករដ្ឋមន្រ្តីកម្ពុជា។ សម្ដេចឧត្តមទេពញាណ ហ៊ុន ណេង សមាជិកគណៈកម្មាធិការអចិន្ត្រៃយ៍រដ្ឋសភា ជាតំណាងរាស្ត្រមណ្ឌលកំពង់ចាម និងជាប្រធានគណៈកម្មការទី៤ នៃរដ្ឋសភា បានទទួលមរណភាព ដោយរោគាពាធ កាលពីរសៀលថ្ងៃទី០៥ ខែឧសភា ឆ្នាំ២០២២ ក្នុងជន្មាយុ៧២ឆ្នាំ៕

The post សម្ដេចតេជោ ហ៊ុន សែន អញ្ជើញចូលរួមពិធីបុណ្យខួបគម្រប់ ៣ឆ្នាំ សម្ដេចឧត្តមទេពញាណ ហ៊ុន ណេង ឪពុកអ្នកឧកញ៉ា ហ៊ុន តូ appeared first on .

ពិធីមង្គលការលំដាប់អភិជនដ៏ធំ ដែលកូនកំលោះនាម ដូមីនីគ ភីអត ផូវាកា និងកូនក្រមុំនាម នេត ធីតា ច័ន្ទធីម៉ា មានការអញ្ជើញផ្តល់កិត្តិយសដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ព្រមទាំងសម្ដេច ឯកឧត្ដម លោកជំទាវ ជាឥស្សរជនថ្នាក់ដឹកនាំជាច្រើនរូបទៀត។

ក្រៅពីវត្តមានរបស់ឥស្សរជនជាន់ខ្ពស់ ក៏មានវត្តមានរបស់ លោកអ្នកឧកញ៉ា អ្នកឧកញ៉ា ឧកញ៉ាៗជាច្រើនរូបផងដែរ រួមមាន៖ លោកអ្នកឧកញ៉ា ភាព ហៀក, លោកអ្នកឧកញ៉ា លាង ឃុន, លោកអ្នកឧកញ៉ា ហុង សួន ស៊ីគង់ទ្រី, អ្នកឧកញ៉ា ហ៊ុន តូ, អ្នកឧកញ៉ា លាង ម៉េង, អ្នកឧកញ៉ា លាង ពៅ, អ្នកឧកញ៉ា លី ឃុនថៃ, ឧកញ៉ា លាង ហួង, ឧកញ៉ា ហ៊ុន ស៊ីណាត ព្រមទាំងធុរជនជាច្រើនរូបទៀតផងដែរ។

សូមជម្រាបថា លោក នេត សាវឿន ជាអតីតអគ្គស្នងការនគរបាលជាតិ ដែលឡើងកាន់តំណែងជំនួសលោក ហុក ឡង់ឌី តាំងពីឆ្នាំ២០០៨។ នៅថ្ងៃទី២២ ខែសីហា ឆ្នាំ២០២៣ លោក នេត សាវឿន បានទទួលភារកិច្ចថ្មីជា ឧបនាយករដ្ឋមន្ត្រី សម្រាប់អាណត្តិទី៧ បន្ទាប់ពីរដ្ឋសភាបានផ្តល់សេចក្តីទុកចិត្ត ព្រមទាំងទទួលបន្ទុកជា នាយករដ្ឋមន្រ្តីស្តីទី នៅពេលនាយករដ្ឋមន្រ្តីអវត្តមាន។ កាលពីថ្ងៃទី០១ ខែមិថុនា ឆ្នាំ២០២៣ លោកក៏បានរៀបចំពិធីមង្គលការកូនស្រីឈ្មោះ នេត ធីតាវិឈុណា និងកូនប្រុស លោកឧត្តមសេនីយ៍ទោ ហែម សុវត្ថិ ផងដែរ៕

រូបភាព៖ The Ring

The post លោកអ្នកឧកញ៉ា អ្នកឧកញ៉ា និងឧកញ៉ាៗច្រើនរូប អញ្ជើញជាភ្ញៀវកិត្តិយសពិធីមង្គលការកូនស្រី ឧបនាយករដ្ឋមន្ត្រី នេត សាវឿន appeared first on .

ក្នុងលិខិតបញ្ជាក់នេះ អ្នកឧកញ៉ា ហ៊ុន តូ បានលើកឡើងថា មួយរយៈកន្លងមកនេះ មានការក្លែងប្រឌិតអង្គហេតុ ចោទប្រកាន់ដោយគ្មានភស្តុតាង ព្រមទាំងគម្រាមសម្លាប់មកលើរូបលោក ពីសំណាក់បុគ្គលម្នាក់ឈ្មោះ ហេង សិទ្ធី។ អំពើជាបន្តបន្ទាប់របស់បុគ្គលឈ្មោះ ហេង សិទ្ធី បានផ្សព្វផ្សាយតាមបណ្តាញសង្គមនានា ពិតជាបានបង្ហាញនូវចេតនាទុច្ចរិត បំពានច្បាប់ និងបានធ្វើឱ្យប៉ះពាល់យ៉ាងធ្ងន់ធ្ងរដល់កិត្តិយស សិទ្ធិប្រកបមុខរបរ សិទ្ធិការពារដោយច្បាប់របស់រូបលោក។

អ្នកឧកញ៉ា ហ៊ុន តូ សូមបញ្ជាក់ជូនសាធារណៈលើ ៣ចំណុច ដូចខាងក្រោម៖

១. រាល់ទង្វើផ្សព្វផ្សាយ តាមបណ្តាញសង្គមនានា របស់បុគ្គលឈ្មោះ ហេង សិទ្ធី សុទ្ធសឹងជាការក្លែងប្រឌិត ផ្ទុយពីការពិត បំភាន់មតិសាធារណៈជន ចេតនាទុច្ចរិតចោទប្រកាន់ ទំលាក់កំហុសដោយអសុទ្ធចិត្តមកលើរូបលោក។

២. អ្នកឧកញ៉ា បានត្រៀមខ្លួនរួចជាស្រេច ក្នុងការប្តឹងបកត្រឡប់ទៅវិញ និងតតាំងក្តីជាមួយបុគ្គលឈ្មោះ ហេង សិទ្ធី ដើម្បីការពារសិទ្ធិ ភាពត្រឹមត្រូវរបស់លោក នៅចំពោះមុខច្បាប់។

៣. ទង្វើររបស់បុគ្គលឈ្មោះ ហេង សិទ្ធី មិនត្រឹមតែប៉ះពាល់ដល់សិទ្ធិបុគ្គលរបស់លោកនោះទេ តែថែមទាំងបានប៉ះពាល់ធ្ងន់ធ្ងរដល់ផលប្រយោជន៍សង្គមកម្ពុជាផងដែរ៕

The post អ្នកឧកញ៉ា ហ៊ុន តូ ចេញលិខិតបដិសេធរាល់ការចោទប្រកាន់ដោយគ្មានភស្តុតាងពីសំណាក់អតីតអ្នកឧកញ៉ា ហេង សិទ្ធី appeared first on .

យ៉ាងណា គោរមងារ «អ្នកឧកញ៉ា» យោងទៅតាមបញ្ជីរាយនាម​ អ្នកឧកញ៉ា ឧកញ៉ា ចុះនៅថ្ងៃទី២៨ ខែកុម្ភៈ ឆ្នាំ២០២២ បញ្ជាក់ថានៅកំឡុងឆ្នាំ២០០០ មានបុគ្គលតែ២រូបប៉ុណ្ណោះទទួលបាន គឺ៖

១.​ លោក ហេង ខេងសេង ទទួលបានងារ អ្នកឧកញ៉ា នៅថ្ងៃទី៦ ខែឧសភា ឆ្នាំ២០០០ តាមរយៈព្រះរាជក្រឹត្យលេខ នស/រកត/០៥០០/០៨៣។

២. លោក ហ៊ុន តូ ទទួលបានងារ អ្នកឧកញ៉ា នៅថ្ងៃទី៦ ខែឧសភា ឆ្នាំ២០០០ តាមរយៈព្រះរាជក្រឹត្យលេខ នស/រកត/០៥០០/០៨៤។

សូមជម្រាបជូនបន្ថែមថា តាមសៀវភៅរាជកិច្ច ដែលចេញផ្សាយដោយទីស្តីការគណៈរដ្ឋមន្រ្តី នៅអំឡុងឆ្នាំ២០០០ សប្បុរសជន ២រូបខាងលើគឺទទួលបានគោរមងារ «អ្នកឧកញ៉ា» ដោយមិនធ្លាប់មានប្រវត្តិទទួលងារ «ឧកញ៉ា»នោះទេ ។

តាមរបាយការណ៍របស់សមាគមឧកញ៉ាកម្ពុជា  គិតមកដល់ឆ្នាំ២០២៣ នេះ  បុគ្គលមានគោរមងារ អ្នកឧកញ៉ា និងឧកញ៉ា សរុបមានចំនួនជាង ១៣០០នាក់ហើយ ៕

អត្ថបទ៖ សុកធា

The post នៅឆ្នាំ២០០០ មានបុគ្គលតែ២រូបប៉ុណ្ណោះដែលទទួលបានគោរមងារជា «អ្នកឧកញ៉ា» appeared first on .

ថ្ងៃនេះឧកញ៉ាញូស៍ សូមណែនាំទូកងមួយទូកដែលត្រូវបានអ្នកឧកញ៉ា ហ៊ុន តូ ឧបត្ថម្ភមកពីខេត្តកំពង់ចាម។ ទូកង «ចៅពេជ្រកុមារបុប្ផាជ្រោយថ្ម» ចំណុះចំនួន ៧៥នាក់ នៅវត្តសុទស្សនារាមជ្រោយថ្ម ស្ថិតនៅសង្កាត់កំពង់ចាម ក្រុងកំពង់ចាម ខេត្តកំពង់ចាម។

ទូកង «ចៅពេជ្រកុមារបុប្ផាជ្រោយថ្ម» សម្រាប់ឆ្នាំ២០២៣នេះ ត្រូវបានឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ ព្រមទាំងលោកជំទាវ។

ក្នុងព្រះរាជពិធីបុណ្យអ៊ុំទូក បណ្ដែតប្រទីប នៅរាជធានីភ្នំពេញ កាលថ្ងៃទី១ម្សិលមិញ «ចៅពេជ្រកុមារបុប្ផាជ្រោយថ្ម» ជាប់ចំណាត់ថ្នាក់លេខ ៦ នៅទូទាំងប្រទេស។ ទូកងជាការផ្តួចផ្តើម និងឧបត្ថម្ភដោយសម្តេចឧត្តមទេពញាណ ហ៊ុន ណេង អតីតអភិបាលខេត្តកំពង់ចាម ជាបងប្រុសសម្តេចតេជោ ហ៊ុន សែន ប្រធានឧត្តមប្រឹក្សាផ្ទាល់ព្រះមហាក្សត្រ៕

The post មកស្គាល់ «ទូកង» ល្បីឈ្មោះខ្នាតអន្តរជាតិ ឧបត្ថម្ភដោយអ្នកឧកញ៉ា ហ៊ុន តូ និងឧកញ៉ា ឡេង ហួរ appeared first on .