សេចក្តីប្រកាសខាងលើនេះ គឺដោយសារថ្មីៗនេះក្រុមហ៊ុនបានសង្កេត និងពិនិត្យឃើញតាមបណ្តាញសង្គម Facebook, TikTok មានការផ្សព្វផ្សាយលក់ផលិតផល គ្រឿងសម្អាងជាច្រើនដែលបានក្លែងបន្លំ ប្រើប្រាស់ម៉ាក​សញ្ញាផលិតផលរបស់ក្រុមហ៊ុន ឡាហ្វ រីយ៉ា ឯ.ក (Love Riya Co., Ltd) ជាពិសេសគឺ “ឡេពងមាន់” ដែលមាន​បុគ្គលមួយចំនួនកំពុងផ្សព្វផ្សាយ ចែកចាយ និងចរាចរលក់ ដោយប្រើប្រាស់ម៉ាកសញ្ញារបស់ក្រុមហ៊ុន តាមបណ្តាញសង្គម ធ្វើឱ្យប៉ះពាល់យ៉ាងខ្លាំងដល់សុខភាពអ្នកប្រើប្រាស់ និងផលប្រយោជន៍ និងឈ្មោះរបស់ក្រុមហ៊ុនយ៉ាង​ធ្ងន់ធ្ងរ។

ជាមួយគ្នានេះ ក្រុមហ៊ុនបានបញ្ជាក់ថា ក្រុមហ៊ុនបានឈប់នាំចូល និងឈប់លក់ចែកចាយ នូវផលិតផលគ្រឿងសម្អាង​ទាំងអស់ ដែលបានលក់កន្លងមក អស់រយៈពេលជាច្រើនខែកន្លងមកហើយ និងមិនមាននៅសេសសល់​ក្នុង​ស្តុកទៀតទេ។ ចំពោះជនទាំងឡាយណាដែលក្លែងបន្លំដូចខាងលើ ក្រុមហ៊ុននឹងមានវិធានការតាមនីតិវិធីច្បាប់៕

The post ក្រុមហ៊ុន Love Riya របស់អ្នកនាង ឆេង ស្រីរ័ត្ន ប្រកាសឈប់នាំចូលផលិតផលគ្រឿងសម្អាងទាំងអស់ appeared first on .

បើតាមអ្នកនាំពាក្យសាលាដំបូងខេត្តកណ្តាល បានឲ្យដឹងថា អ្នកនាង Love Riya ត្រូវជាប់ទោស២ឆ្នាំ តែអនុវត្ត៦ខែ៩ថ្ងៃប៉ុណ្ណោះ។

សូមជម្រាបជូនថា អ្នកនាង ឆេង ស្រីរ័ត្ន ហៅ Love Riya ត្រូវបានចៅក្រមស៊ើបសួរ នៃសាលាដំបូងខេត្តកណ្ដាល សម្រេចឃុំខ្លួនដាក់ពន្ធនាគារជាបណ្ដោះអាសន្ន នៅថ្ងៃទី១៥ ខែសីហា ឆ្នាំ២០២៥ ក្រោយតំណាងអយ្យការ សម្រេចចោទប្រកាន់ចំនួន២បទល្មើស រួមមាន «ញុះញង់ឲ្យប្រព្រឹត្តឧក្រិដ្ឋជាអាទិ៍ និងធ្វើឲ្យខូចទឹកចិត្តកងទ័ព»។ ការចាប់ខ្លួនអ្នកនាង ធ្វើឡើងបន្ទាប់ពីអ្នកលក់ឡេល្បីឈ្មោះរូបនេះ ប្រើប្រាស់ពាក្យសម្ដីនៅលើបណ្ដាញសង្គមដែលមានលក្ខណៈញុះញង់ បំបាក់ទឹកចិត្តកងទ័ព និងប៉ះពាល់ដល់ប្រជាពលរដ្ឋខ្មែរ ពាក់ព័ន្ធបញ្ហាព្រំដែនកម្ពុជា-ថៃ និងការប្រើប្រាស់ផលិតផលថៃ៕

The post អ្នកនាង ឆេង ស្រីរ័ត្ន ហៅ Love Riya  ត្រូវបានតុលាការខេត្តកណ្តាល សម្រេចដោះលែងឲ្យនៅក្រៅឃុំ appeared first on .

ចំពោះរូបភាពបែកធ្លាយ អតីតឧកញ៉ា ឆេង ស្រីរ័ត្ន ហៅ Love Riya ចេញពីមន្ទីរឃុំឃាំង នៃពន្ធនាគារខេត្តកណ្តាល បានធ្វើឱ្យអ្នកលេងបណ្តាញសង្គមជាច្រើនយល់ច្រឡំថា អតីតអ្នកជំនួញលក់ឡេរូបនេះ ត្រូវបានតុលាការ​ដោះ​លែង​វិញ។ ទោះយ៉ាងណា តាមការបញ្ជាក់របស់សមត្ថកិច្ចខេត្តកណ្តាល គិតត្រឹមថ្ងៃទី២៣ ខែកុម្ភ: ឆ្នាំ២០២៦នេះ អ្នកនាង Love Riya មិនទាន់ដោះលែងពីពន្ធនាគារនោះទេ។ សម្រាប់រូបភាពរបស់អ្នកនាង (កំពុងមានផ្ទៃពោះ) ដែលស្លៀកពាក់​ខោអាវអ្នកទោសនោះ គឺមន្រ្តីអនុរក្សពន្ធនាគារ នាំទៅពិនិត្យសុខភាពនៅមន្ទីរពេទ្យ ដោយមានការ​អនុញ្ញាត​​ពីតុលាការ។

សូមជម្រាបថា កាលថ្ងៃទី១៥ ខែសីហា ឆ្នាំ២០២៥ សាលាដំបូង និងអយ្យការអមសាលាដំបូងខេត្តកណ្តាល បានចេញសេចក្តីប្រកាសព័ត៌មាន ស្តីពីចំណាត់ការលើសំណុំរឿងព័ន្ធករណីញុះញង់ឱ្យមានការរើសអើង និងធ្វើឲ្យខូចទឹកចិត្តកងទ័ព ដោយសម្រេចឃុំខ្លួនបណ្តោះអាសន្នលើ ឧកញ៉ា ឆេង ស្រីរ័ត្ន ហៅ Love Riya នៅពន្ធនាគារខេត្តកណ្តាល។ ការចាប់ខ្លួនអ្នកនាង ធ្វើឡើងបន្ទាប់ពីអ្នកលក់ឡេល្បីឈ្មោះរូបនេះ ប្រើប្រាស់ពាក្យ​សម្ដីនៅលើបណ្ដាញសង្គមដែលមានលក្ខណៈញុះញង់ បំបាក់ទឹកចិត្តកងទ័ព និងប៉ះពាល់ដល់ប្រជាពលរដ្ឋខ្មែរ ពាក់ព័ន្ធបញ្ហាព្រំដែនកម្ពុជា-ថៃ និងការប្រើប្រាស់ផលិតផលថៃ៕

The post តុលាការខេត្តកណ្តាល អនុញ្ញាតឱ្យអតីតឧកញ៉ា ឆេង ស្រីរ័ត្ន ហៅ Love Riya ចេញពីពន្ធនាគារ ដើម្បីពិនិត្យ​សុខភាព appeared first on .

ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានគូសបញ្ជាក់ឱ្យដឹង នៅរសៀលថ្ងៃទី២០ ខែសីហា ឆ្នាំ២០២៥នេះថា លោកសង្កេតឃើញថា ក្រោយពីមន្រ្តីនគរបាលយុត្តិធម៌ នៃស្នងការដ្ឋាននគរបាលខេត្តកណ្តាល ធ្វើការឃាត់ខ្លួនម្ចាស់ផលិតផលឡេ និងផលិតមួយចំនួនទៀត មានការវែកញែកបកស្រាយលើកហេតុផលនេះ ហេតុផលនោះ ដោយមានអ្នកអបអរសាទរច្រើនលើសលប់ និងមានមួយក្រុមតូច មិនទទួលយកនូវការអនុវត្តច្បាប់របស់មន្រ្តីនគរបាលជំនាញ។

លោកឧត្តមសេនីយ៍ទោស្នងការខេត្ត បានបន្ថែមដូច្នេះថា៖ “ខ្ញុំសូមបញ្ជាក់ថា ផលិតផលចំនួន៤ មុខ ក្នុងចំណោមផលិតផលផ្សេងទៀត ដែលយកទៅពិសោធន៍ និងធ្វើតេស្ត ដែលម្ចាស់ក្រុមហ៊ុនខាងលើ Live ផ្សាយលក់ គឺជាការបោកប្រាស់ ក្លែងក្លាយ ហើយមានសារធាតុហាមឃាត់លើស ខុសពីច្បាប់អនុញ្ញាត ធ្វើឲ្យប៉ះពាល់សុខភាពយ៉ាងខ្លាំងដល់អ្នកប្រើប្រាស់ជារួមគួរនាំគ្នាអាណិតដល់អ្នកជឿចាញ់បោក ខំប្រឹងរកលុយមកទិញផលិតផលរបស់ក្រុមហ៊ុនខាងលើ យកមកប្រើប្រាស់ ដែលប៉ះពាល់ដល់សុខភាពដោយមិនដឹងខ្លួនពីមួយថ្ងៃទៅមួយថ្ងៃ”។

ឧត្តមសេនីយ៍ទោ ឈឿន សុចិត្ត ស្នើសុំឲ្យបញ្ឈប់ការលើកឡើងដោយគ្មានមូលដ្ឋានច្បាស់លាស់ ដែលបាននិងកំពុងបំពុលសង្គម។

សូមជម្រាបថា កាលថ្ងៃទី១៥ ខែសីហា ឆ្នាំ២០២៥ សាលាដំបូង និងអយ្យការអមសាលាដំបូងខេត្តកណ្តាល បានចេញសេចក្តីប្រកាសព័ត៌មាន ស្តីពីចំណាត់ការលើសំណុំរឿងព័ន្ធករណីញុះញង់ឱ្យមានការរើសអើង និងធ្វើឲ្យខូចទឹកចិត្តកងទ័ព ដោយសម្រេចឃុំខ្លួនបណ្តោះអាសន្នលើ ឧកញ៉ា ឆេង ស្រីរ័ត្ន ហៅ Love Riya នៅពន្ធនាគារខេត្តកណ្តាល៕

The post សមត្ថកិច្ច រកឃើញផលិតផលចំនួន៤ ដែលឧកញ៉ា ឆេង ស្រីរ័ត្ន ហៅ Love Riya ផ្សាយលក់ ជាផលិតផលក្លែងក្លាយ មានសារធាតុហាមឃាត់ ប៉ះពាល់ខ្លាំងដល់សុខភាព appeared first on .

សេចក្តីប្រកាសព័ត៌មាន បានបញ្ជាក់ថា តាមដីកាសន្និដ្ឋានបញ្ជូនរឿងឱ្យស៊ើបសួរ ចុះថ្ងៃទី១៥ ខែសីហា ឆ្នាំ២០២៥ បានសម្រេចចោទប្រកាន់ឈ្មោះ ឆេង ស្រីរ័ត្ន ហៅ Love Riya ភេទស្រី អាយុ ៤០ឆ្នាំ ជនជាតិខ្មែរ សញ្ជាតិខ្មែរ ពីបទ ញុះញង់ឱ្យមានការរើសអើង និងធ្វើឱ្យខូចទឹកចិត្តកងទ័ព ប្រព្រឹត្តនៅចំណុចបុរី ML ស្ថិតនៅ ភូមិកំពង់សំណាញ់១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល កាលពីថ្ងៃទី៦ និងថ្ងៃទី១៣ ខែសីហា ឆ្នាំ ២០២៥ បទល្មើសព្រហ្មទណ្ឌដែលចែងឱ្យផ្តន្ទាទោសតាមមាត្រា ៤៧២ និងមាត្រា ៤៩៦ នៃក្រមព្រហ្មទណ្ឌ។

នៅថ្ងៃទី១៥ ខែសីហា ឆ្នាំ២០២៥ សាលាដំបូងខេត្តកណ្តាល បានទទួលចាត់ការលើសំណុំរឿងព្រហ្ម តាមដីកាសន្និដ្ឋានបញ្ជូនរឿងឱ្យស៊ើបសួរខាងលើ។ បន្ទាប់ពីបានពិនិត្យទៅលើឯកសារ និងភស្តុតាងនានាក្នុងសំណុំរឿង ចៅក្រមស៊ើបសួរនៃសាលាដំបូងខេត្តកណ្តាល បានសម្រេចឃុំខ្លួនបណ្តោះអាសន្នលើជនត្រូវចោទឈ្មោះ ឆេង ស្រីរ័ត្ន ហៅ Love Riya ភេទស្រី អាយុ ៤០ឆ្នាំ ជនជាតិខ្មែរ នៅពន្ធនាគារខេត្តកណ្តាល ដើម្បីបន្តកិច្ចស៊ើបសួរតាមនីតិវិធីច្បាប់៕

The post តុលាការ សម្រេចឃុំខ្លួនបណ្តោះអាសន្នលើ ឧកញ៉ា ឆេង ស្រីរ័ត្ន ហៅ Love Riya នៅពន្ធនាគារខេត្តកណ្តាល appeared first on .

លិខិតសមាគមឧកញ៉ាកម្ពុជា ចុះថ្ងៃទី១៤ ខែសីហា ឆ្នាំ២០២៥ បានបញ្ជាក់ថា ក្នុងនាមសមាគមឧកញ៉ាកម្ពុជា លោកអ្នកឧកញ៉ា លី យ៉ុងផាត់ មានកិត្តិយសសូមគោរព ជម្រាបជូន សម្តេចធិបតី នាយករដ្ឋមន្ត្រី មេត្តាជ្រាបដ៏ខ្ពង់ខ្ពស់ថា សមាគមឧកញ៉ាកម្ពុជា បាននិងកំពុងតាមដានយ៉ាងយកចិត្តទុកដាក់ជាទីបំផុត ចំពោះព័ត៌មាន និងការផ្សព្វផ្សាយនៅតាមបណ្តាញសង្គមនានា កាលពីថ្ងៃទី១៣ ខែ សីហា ឆ្នាំ២០២៥ ពាក់ព័ន្ធនឹងបុគ្គលឈ្មោះ ឆេង ស្រីរ័ត្ន (ហៅ Love Riya) ដែលមានគោរមងារជា “ឧកញ៉ា” ។

ដោយផ្អែកលើព័ត៌មាន និងការផ្សព្វផ្សាយទាំងនោះ សបញ្ជាក់ឱ្យឃើញថាសកម្មភាពរបស់បុគ្គលឈ្មោះ ឆេង ស្រីរ័ត្ន គឺពិតជាបានធ្វើឱ្យប៉ះពាល់យ៉ាងខ្លាំងដល់កិត្តិយស សីលធម៌ សុជីវធម៌ សេចក្តីថ្លៃថ្នូរ ឧត្តមភាព និងគុណតម្លៃរបស់គោរមវន្ត ជាពិសេសប៉ះពាល់យ៉ាងធ្ងន់ធ្ងរដល់ទឹកចិត្តវរកងទ័ព កំពុងទប់ទល់យ៉ាងអង់អាចក្លាហានជាមួយសត្រូវឈ្លានពាន ដែលនាំឱ្យមានការបែកបាក់សាមគ្គីនៃមហាគ្រួសារខ្មែរ និងការលះបង់គ្រប់បែបយ៉ាងរបស់វរកងទ័ពយើងយ៉ាងពិតប្រាកដ។

ដូច្នេះផ្អែកតាមមាត្រា១៨ នៃព្រះរាជក្រឹត្យ និងមាត្រា២២ នៃអនុក្រឹត្យ ដែលយោងខាងលើ សមាគមឧកញ៉ាកម្ពុជា សូមគោរពស្នើសុំ សម្តេចធិបតី មេត្តាក្រាបបង្គំទូលថ្វាយ ព្រះមហាក្សត្រ នៃព្រះរាជាណាចក្រកម្ពុជា ដើម្បីត្រាស់បង្គាប់បញ្ចប់គោរមងារជា “ឧកញ៉ា” ពីបុគ្គលឈ្មោះ ឆេង ស្រីរ័ត្ន ក្នុងពេលវេលាសមគួរបំផុតរបស់សម្តេចធិបតី។

សូមបញ្ជាក់ថា កាលពីព្រឹកថ្ងៃទី១៤ ខែសីហា ឆ្នាំ២០២៥ កម្លាំងនគរបាល នៃស្នងការនគរបាលខេត្តកណ្តាល បានចុះឃាត់ខ្លួនថៅកែលក់ឡេដ៏ល្បីឈ្មោះគឺ ឧកញ៉ា ឆេង ស្រីរ័ត្ន ហៅ Love Riya នៅក្នុងភូមិគ្រឹះផ្ទាល់ខ្លួន ស្ថិតក្នុងបុរី ML ក្រុងតាខ្មៅ ខេត្តកណ្តាល៕

The post ប្រធានសមាគមឧកញ៉ាកម្ពុជា គោរពស្នើសុំសម្តេចធិបតី ក្រាបបង្គំទូលថ្វាយ ព្រះមហាក្សត្រ ត្រាស់បង្គាប់បញ្ចប់គោរមងារឧកញ៉ាពី ឧកញ៉ា ឆេង ស្រីរ័ត្ន ហៅ Love Riya appeared first on .

ប្រតិបត្តិការនេះ បានធ្វើឡើងក្រោមការសម្របសម្រួលពីព្រះរាជអាជ្ញា និងដឹកនាំបញ្ជាផ្ទាល់ពី លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ស្ថិតនៅភូមិគ្រឹះរបស់ Love Riya ស្ថិតក្នុងបុរី ML ក្រុងតាខ្មៅ ខេត្តកណ្តាល។

ក្រោយការឃាត់ខ្លួនភ្លាម កម្លាំងនគរបាល បានបញ្ជូន ឧកញ៉ា ឆេង ស្រីរ័ត្ន ហៅ Love Riya ទៅកាន់ស្នងការដ្ឋាននគរបាលខេត្តកណ្តាល ដើម្បីសួរនាំ និងចាត់ការបន្តនីតិវិធីបន្ថែមទៀត។

សូមជម្រាបថា ឧកញ៉ា ឆេង ស្រីរ័ត្ន ហៅ Love Riya ជាសហគ្រិនស្ត្រី ដ៏លេចធ្លោរមួយរូប ក្នុងវិស័យលក់ផលិតផលថែរក្សាសម្រស់តាមអនឡាញ។ លោកស្រី ទទួលបានគោរមងារ «ឧកញ៉ា» កាលពីថ្ងៃទី០១ ខែកក្កដា ឆ្នាំ២០២៤៕

The post កម្លាំងនគរបាលខេត្តកណ្តាល បានចុះឃាត់ខ្លួន ឧកញ៉ា ឆេង ស្រីរ័ត្ន ហៅ Love Riya នាព្រឹកនេះ appeared first on .

បើតាមសេចក្តីប្រកាសព័ត៌មានរបស់សមាគមឧកញ៉ាកម្ពុជា ជាលទ្ធផល ឧកញ៉ា ឆេង ស្រីរ័ត្ន បានសន្យាចំពោះមុខតំណាង សមាគមឧកញ៉ាកម្ពុជា ចំនួន ៤ចំណុចដូចខាងក្រោម៖

១. បញ្ឈប់សកម្មភាពទាំងឡាយ ក្រោមទម្រង់ការថតសម្តែង ការស្លៀកពាក់ ការប្រើប្រាស់ពាក្យសម្តីមិនសមរម្យ ដែលខុសឆ្គង និងបង្កផលប៉ះពាល់ដល់វប្បធម៌ ប្រពៃណី ជំនឿ សាសនា របស់ជាតិ ព្រមទាំងកិត្តិយស និងសេចក្តីថ្លៃថ្នូរ នៃគោរមងារឧកញ៉ា។

២. យល់ព្រមលុបចោលនូវរូបភាព និងវីដេអូទាំងឡាយ អំពីសកម្មភាពខុសឆ្គង ដែលបានបង្ហោះកន្លងមក ដែលទទួលការរិះគន់ពីសាធារណជន ពិសេសវីដេអូឃ្លីប ការអត្ថាធិប្បាយទាំងឡាយ ដែលប៉ះពាល់សីលធម៌ និងកិត្តិយសដល់គោរមងារឧកញ៉ា។

៣. យល់ព្រមទទួលយកមតិយោបល់អង្គប្រជុំពាក់ព័ន្ធនឹងទម្រង់សម្លៀកបំពាក់ និងពាក្យសម្តីមិនសមរម្យនៅក្នុងការថតផ្សាយជាសាធារណៈ ក្នុងគោលបំណងចៀសវាងផលប៉ះពាល់ដល់កិត្តិយស និងសេចក្តីថ្លៃថ្នូរបស់ស្ត្រី។

៤. យល់ព្រមធ្វើវីដេអូឃ្លីប ផ្សព្វផ្សាយជាសាធារណៈមួយថ្ងៃបន្ទាប់ពីកិច្ចសន្យានេះ ដោយបញ្ជាក់ពីការទទួលស្គាល់កំហុសឆ្គង ប៉ះពាល់ដល់ប្រពៃណី ទំនៀមទម្លាប់ ជំនឿ សាសនា សេចក្តីថ្លៃថ្នូរ និងការសន្យាមិនឱ្យមាន សកម្មភាពបែបនេះតទៅថ្ងៃមុខទៀត។

ករណី ឧកញ៉ា ឆេង ស្រីរ័ត្ន មិនបានអនុវត្តតាមកិច្ចសន្យាទាំង៤ចំណុចខាងលើ ឧកញ៉ា ឆេង ស្រីរ័ត្ន ព្រមទទួលខុសត្រូវចំពោះមុខច្បាប់ជាធរមាន។

ជាមួយគ្នានេះ សមាគមឧកញ៉ាកម្ពុជា សូមអំពាវនាវដល់គោរមវន្តទាំងអស់ សូមមេត្តាចៀសវាងនូវសកម្មភាពទាំងឡាយណាផ្ទុយនឹងច្បាប់ និងលិខិតបទដ្ឋានគតិយុត្តនានារបស់ព្រះរាជាណាចក្រកម្ពុជា ដែលបង្កផលប៉ះពាល់ដល់គុណតម្លៃ កិត្តិយស សីលធម៌ សុជីវធម៌ និងសេចក្តីថ្លៃថ្នូររបស់គោរមងារឧកញ៉ា និងបង្កផលប៉ះពាល់ជាអវិជ្ជមានដល់វប្បធម៌ ប្រពៃណី ជំនឿ សាសនា ជាដើម៕

The post សមាគមឧកញ៉ាកម្ពុជា ចេញសេចក្តីប្រកាសព័ត៌មាន ពីលទ្ធផលកិច្ចប្រជុំជាមួយ ឧកញ៉ា ឆេង ស្រីរ័ត្ន appeared first on .

បើតាមសេចក្តីជូនដំណឹងរបស់ក្រសួងវប្បធម៌និងវិចិត្រសិល្បៈ នៅក្នុងកិច្ចប្រជុំនេះ តំណាងស្ថាប័នពាក់ព័ន្ធបានណែនាំឱ្យ ឧកញ៉ា ឆេង ស្រីរ័ត្ន បញ្ឈប់សកម្មភាពទាំងឡាយ ដែលប៉ះពាល់ដល់ប្រវត្តិសាស្ត្រ សិល្បៈ វប្បធម៌ ប្រពៃណី ជំនឿសាសនា អត្តសញ្ញាណរបស់ជាតិ និងប្រជាជន ព្រមទាំងទម្រង់នៃការស្លៀកពាក់ក្នុងពេលផ្សាយផ្ទាល់ជាសាធារណៈ ដែលប៉ះពាល់ដល់កិត្តិយស និងសេចក្តីថ្លៃថ្នូររបស់ស្ត្រី។

ក្នុងឱកាសនោះ ឧកញ៉ា ឆេង ស្រីរ័ត្ន ហៅ Love Riya បានទទួលស្គាល់កំហុស ទទួលការណែនាំ និងបានផ្តិតមេដៃ លើកិច្ចសន្យាបញ្ឈប់សកម្មភាពទាំងនេះ និងយល់ព្រមទទួលខុសត្រូវចំពោះមុខច្បាប់ជាធរមាន ក្នុងករណីនៅតែបន្តសកម្មភាពទាំងនេះនាពេលខាងមុខ។ ជាមួយគ្នានោះ លោកស្រីឧកញ៉ា ក៏បានសន្យាផងដែរថា នឹងរៀបចំជាវីដេអូឃ្លីបសុំទោសជាសាធារណៈ ទទួលស្គាល់កំហុសដែលបានប្រព្រឹត្តខុសឆ្គង និងសន្យាមិនធ្វើសកម្មភាពបែបនេះទៀតទេ។

The post ឧកញ៉ា ឆេង ស្រីរ័ត្ន ហៅ Love Riya ទទួលស្គាល់កំហុស និងបានផ្តិតមេដៃធ្វើកិច្ចសន្យាបញ្ឈប់សកម្មភាព ដែលប៉ះពាល់ដល់ប្រវត្តិសាស្រ្ត សិល្បៈវប្បធម៌ ប្រពៃណី ជំនឿសាសនា អត្តសញ្ញាណជាតិ appeared first on .

បើតាមលិខិតរបស់សមាគមឧកញ៉ាកម្ពុជា ការអញ្ជើញទៅបំភ្លឺនេះ គឺធ្វើឡើងនៅម៉ោង ៩:០០នាទីព្រឹក នៅការិយាល័យសមាគមឧកញ៉ាកម្ពុជា (សណ្ឋាគារភ្នំពេញ) ស្អែកនេះ ដើម្បីពិភាក្សាលើការផ្សព្វផ្សាយនៅតាមបណ្តាញសង្គមមួយចំនួន នាពេលកន្លងមក និងពេលថ្មីៗនេះ ដែលធ្វើឱ្យប៉ះពាល់ដល់កិត្តិយស សីលធម៌ សុជីវធម៌ និងសេចក្តីថ្លៃថ្នូររបស់គោរមងារឧកញ៉ា។ ទទឹមគ្នានោះ លិខិតរបស់នាយកដ្ឋានប្រឆាំងបទល្មើសបច្ចេកវិទ្យា ក៏បានអញ្ជើញ ឧកញ៉ា ឆេង ស្រីរ័ត្ន ចូលទៅបំភ្លឺ នៅទីស្តីការក្រសួងមហាផ្ទៃ នាវេលាម៉ោង ៩:00នាទីព្រឹកស្អែកដូចគ្នាផងដែរ។

សូមជម្រាបថា លោកស្រី ឆេង ស្រីរ័ត្ន ត្រូវបានគេស្គាល់ថាជាសហគ្រិនស្ត្រី ដ៏លេចធ្លោរមួយរូប​ ក្នុងវិស័យលក់ផលិតផល​ថែរក្សា​សម្រស់​តាមអនឡាញនៅកម្ពុជា។ លោកស្រី ត្រូវបានព្រះមហាក្សត្រ ចេញព្រះរាជក្រឹត្យត្រាស់​បង្គាប់ផ្ដល់គោរមងារជា «ឧកញ៉ា» កាលពី​ថ្ងៃទី ០១ ខែកក្កដា ឆ្នាំ២០២៤៕

The post សមាគមឧកញ៉ាកម្ពុជា និងសមត្ថកិច្ច អញ្ជើញ ឧកញ៉ា ឆេង ស្រីរ័ត្ន ហៅ Love Riya ចូលខ្លួនបំភ្លឺ នៅព្រឹកស្អែក appeared first on .