នៅលើបណ្តាញសង្គម នៅថ្ងៃទី៨ ខែមិថុនា ឧកញ៉ា ណូ សុភា បានលើកឡើងបែបនេះថា៖ “នាងខ្ញុំពិតជា​មានសេចក្តីសោមនស្សរីករាយ និងរំភើបចិត្តជាខ្លាំង នៅពេលបានឃើញស្នាមញញឹមដ៏កក់ក្តៅរបស់ដូនទាំងពីរ។ កាលពីថ្ងៃអាទិត្យចុងសប្តាហ៍កន្លងទៅនេះ ក្រុមការងាររបស់នាងខ្ញុំបាននាំយកស្បៀងអាហារ និងថវិកាជូន​ដូនទាំងពីរ ដែលប្រកបរបរធ្វើកន្ត្រងប្រហុក នៅខេត្តកំពង់ឆ្នាំង ដោយដូនម្នាក់ទទួលបានថវិកាចំនួន ២,០០០ ដុល្លារ សរុបជាសាច់ប្រាក់ ៤,០០០ ដុល្លារ”។

ឧកញ៉ាជា​សប្បុរសជន​ខ្មែរ​​រស់នៅ​ក្រៅ​ប្រទេស បានបន្ថែមថា ស្នាមញញឹម និងក្តីរំភើបរបស់ដូនទាំងពីរ គឺជា​កម្លាំងចិត្តដ៏មានតម្លៃ និងជាសេចក្តីសុខដ៏ធំបំផុតសម្រាប់ពួកយើង។ ការចែករំលែកក្តីស្រឡាញ់ និងការជួយគ្នា​ក្នុងគ្រាលំបាក គឺជាអំណោយដ៏មានន័យសម្រាប់ជីវិត។ ជាចុងក្រោយ ឧកញ៉ា ណូ សុភា ក៏សូមជូនពរដល់​ដូនទាំងពីរ មានសុខភាពល្អ មាំមួន អាយុយឺនយូរ ជួបតែសេចក្តីសុខ និងសុភមង្គលគ្រប់ពេលវេលា៕

The post ឧកញ៉ា ណូ សុភា បរិច្ចាគថវិកាជូនលោកយាយ ២រូប ដែលប្រកបរបរធ្វើកន្ត្រងប្រហុក ម្នាក់ ២,០០០ដុល្លារ appeared first on .

ឧកញ៉ា ណូ សុភា កើតនៅឆ្នាំ១៩៧៩ ក្នុងខេត្តកំពង់ធំ ​ជា​សប្បុរសជន​ខ្មែរ​​រស់នៅ​ក្រៅ​ប្រទេស ដែល​តែងតែ​ឈឺឆ្អាល​នឹង​សុខទុក្ខ​ប្រជាជន​ខ្មែរ ហើយ​បាន​ចូលរួម​យ៉ាង​សកម្ម​ក្នុង​ការ​ជួយ​ដល់​ជន​ក្រីក្រ​។ លោកស្រី មានស្វាមីជាមហាសេដ្ឋីអាល្លឺម៉ង់ ហើយលោកស្រី និងស្វាមី បានបរិច្ចាគប្រាក់រាប់លានដុល្លារ ដល់​ប្រទេស​កម្ពុជា អាល្លឺម៉ង់ និងបណ្តាប្រទេសផ្សេងៗមួយចំនួនទៀត។ លោកស្រី ទទួលបានគោរមងារ «ឧកញ៉ា» កាលថ្ងៃទី២៩ ខែមេសា ឆ្នាំ២០២៦។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះ​ឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា។

សមាគមឧកញ៉ាកម្ពុជា ជាស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគម ដើម្បីរក្សានិងលើកកម្ពស់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណកាលរៀងមក ជាពិសេសការពង្រឹងសាមគ្គីភាព និងការគោរពច្បាប់​ជាធរមានរបស់គោរមវន្ត ដើម្បីរួមចំណែកថែរក្សា និងការពារវប្បធម៌ ប្រពៃណី និងទំនៀមទម្លាប់ដ៏ល្អ​ផូរផង់របស់​ជាតិ ក៏ដូចជាសន្ដិសុខ សណ្ដាប់ធ្នាប់សាធារណៈ និងការអភិវឌ្ឍសេដ្ឋកិច្ចនិងសង្គម៕

The post ឧកញ៉ា ណូ សុភា ចូលជាសមាជិក នៃសមាគមឧកញ៉ាកម្ពុជា appeared first on .

ថ្មីៗនេះ នៅលើបណ្តាញសង្គមហ្វេសប៊ុក មានការចែករំលែករូបភាពបុរសម្នាក់ប្រកបរបរសំលៀងកាំបិតតាមផ្លូវ  ដែល​ជិះកង់ដឹក​កូន​តូចៗ២នាក់កំពុងគេង ដើម្បីរកថវិកាចិញ្ចឹមជីវិត។ ក្រោយឃើញរូបភាពនេះ អ្នកលេងបណ្តាញ​សង្គមជាច្រើន បានបង្ហាញក្តីអាណិតអាសូយ៉ាងខ្លាំង ជាពិសេសគឺកូនតូចៗដែលត្រូវលំបាកតស៊ូហាលខ្យល់​ហាល​ភ្លៀងជាមួយឪពុក។

យ៉ាងណាមិញ ឧកញ៉ា ណូ សុភា ក៏បានឃើញនូវរូបភាពដ៏ក្តុកក្តួលនេះផងដែរ។ តាមរយៈសារបណ្តាញសង្គម លោកស្រីឧកញ៉ា បានបង្ហោះសារឧបត្ថម្ភថវិកាបែបនេះថា៖ “នាងខ្ញុំចង់ជួយឧបត្ថម្ភថវិកាចំនួន ១ម៉ឺនដុល្លារ ដើម្បី​ជួយឱ្យគាត់មានដើមទុនតូចមួយសម្រាប់រកស៊ី និងថែរក្សាកូនៗ។ កូនតូចៗកំពុងគេងលង់លក់យ៉ាងស្ងប់សុខ លើដៃកង់របស់ឪពុក ដែលកំពុងជិះកង់ដើរសំលៀងកាំបិតឱ្យគេតាមផ្លូវ។ ឃើញរូបភាពនេះហើយ ពិតជា​ក្តុកក្តួល​ចិត្តខ្លាំងណាស់។ បើមានពុកម៉ែ បងប្អូនណាស្គាល់គាត់ សូមមេត្តាជួយផ្តល់ដំណឹងឱ្យគាត់ទាក់ទងមកនាងខ្ញុំ ឬក្រុមការងា”។

សូមជម្រាបថា ឧកញ៉ា សុភា បុត្រឈរ ដែលកើតនៅឆ្នាំ១៩៧៩ ក្នុងខេត្តកំពង់ធំ ​ជា​សប្បុរសជន​ខ្មែរ​​រស់នៅ​ក្រៅ​ប្រទេស ដែល​តែងតែ​ឈឺឆ្អាល​នឹង​សុខទុក្ខ​ប្រជាជន​ខ្មែរ ហើយ​បាន​ចូលរួម​យ៉ាង​សកម្ម​ក្នុង​ការ​ជួយ​ដល់​ជន​ក្រីក្រ​។ លោកស្រី មានស្វាមីជាមហាសេដ្ឋីអាល្លឺម៉ង់ ហើយលោកស្រី និងស្វាមី បានបរិច្ចាគប្រាក់រាប់លានដុល្លារ ដល់​ប្រទេស​កម្ពុជា អាល្លឺម៉ង់ និងបណ្តាប្រទេសផ្សេងៗមួយចំនួនទៀត។ លោកស្រី ទទួលបានគោរមងារ «ឧកញ៉ា» កាលថ្ងៃទី២៩ ខែមេសា ឆ្នាំ២០២៦៕

The post ឧកញ៉ា ណូ សុភា អនិកជនខ្មែរ ប្រកាសឧបត្ថម្ភថវិកា ១០,០០០ដុល្លារ ដល់បុរសដែលជិះកង់ដឹក​កូនតូចៗ២នាក់ ដើរសំលៀងកាំបិតតាមផ្លូវ appeared first on .

មុនទទួលបានគោរមងារ «ឧកញ៉ា» លោកស្រី ណូ សុភា ធ្លាប់បានបង្ហាញឱ្យដឹងនៅលើបណ្តាញសង្គមថា ក្នុងរយៈពេល ២ខែ ដើមឆ្នាំ២០២៦នេះ លោកស្រី និងស្វាមី បានបរិច្ចាគថវិកាជាបន្តបន្ទាប់ ដើម្បីជួយដល់អ្នកខ្វះខាត និងសង្គមនៅកម្ពុជា ដោយខែទីមួយ បរិច្ចាគប្រមាណ ៣៣០ ០០០ដុល្លារ និងខែទីពីរ បរិច្ចាគប្រមាណ ២៧០ ០០០ដុល្លារ។ ដូច្នេះសរុបទាំងពីរខែ បានបរិច្ចាគសរុបប្រមាណ ៦០០ ០០០ដុល្លារ (៦០ម៉ឺនដុល្លារ)។ លោកស្រី បានបន្តថា នេះគឺជាការចែករំលែកដោយបេះដូង សេចក្តីស្រឡាញ់ និងបំណងចង់ឃើញសង្គមយើង​កាន់តែល្អ​ប្រសើរ។

ជាមួយគ្នានេះ នៅថ្ងៃទី៨ ខែឧសភានេះ ឧកញ៉ា ណូ សុភា ក៏បានផ្ញើសារថ្លែងអំណរគុណផងដែរ បន្ទាប់ពីទទួល​បានគោរមងារ «ឧកញ៉ា»។ លោកស្រីឧកញ៉ា បានបង្ហោះសារលើទំព័រហ្វេសប៊ុកបែបនេះថា៖ “នាងខ្ញុំ​សូមក្រាបបង្គំ​ថ្លែងអំណរគុណយ៉ាងជ្រាលជ្រៅបំផុត ចំពោះព្រះមហាក្សត្រ នៃព្រះរាជាណាចក្រកម្ពុជា ដែលបានប្រោស​ព្រះរាជទាន​គោរមងារដ៏ខ្ពង់ខ្ពស់មួយនេះដល់នាងខ្ញុំ។ នេះគឺជាកិត្តិយស និងមោទនភាពដ៏ធំធេងសម្រាប់នាងខ្ញុំ និងក្រុមគ្រួសារ។

នាងខ្ញុំក៏សូមគោរពថ្លែងអំណរគុណយ៉ាងស្មោះស្ម័គ្រចំពោះ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចមហាបវរធិបតី នាយករដ្ឋមន្ត្រី ព្រមទាំងរាជរដ្ឋាភិបាល​កម្ពុជា ដែលបានផ្តល់កិត្តិយស និងការគាំទ្រដ៏ថ្លៃថ្លានេះ”។

ឧកញ៉ា ណូ សុភា បានបន្ថែមថា សូមអរគុណពីដួងចិត្តចំពោះបងប្អូនប្រជាពលរដ្ឋខ្មែរទាំងក្នុង និងក្រៅប្រទេស មិត្តភក្តិ និងអ្នកគាំទ្រទាំងអស់ ដែលបានផ្ញើសារអបអរសាទរ និងផ្តល់ក្តីស្រឡាញ់ដ៏កក់ក្តៅមកកាន់លោកស្រី។ សូមជូនពរព្រះមហាក្សត្រ ថ្នាក់ដឹកនាំ និងប្រជាជនកម្ពុជាទាំងអស់ សូមប្រកបដោយសុខភាពល្អ សេចក្តីសុខ សេចក្តីចម្រើន និងជោគជ័យគ្រប់ភារកិច្ច៕

The post មុនទទួលបានគោរមងារ «ឧកញ៉ា» លោកស្រី ណូ សុភា បរិច្ចាគថវិកាជួយសង្គមប្រមាណ ៦០ម៉ឺនដុល្លារ រយៈពេល២ខែដំបូង ឆ្នាំ២០២៦ appeared first on .

យ៉ាងណាមិញ ជុំវិញការផ្តល់គោរមងារ «ឧកញ៉ា» ដល់លោកស្រី ណូ សុភា នេះ ហាក់បានធ្វើឲ្យមហាជនមានភាពភ្ញាក់ផ្អើលយ៉ាងខ្លាំង ដោយសារតែលោកស្រី ត្រូវបានគេស្គាល់យ៉ាងច្បាស់រួចហើយ តាមរយៈអំពើសប្បុរសធម៌ ដូចជាការផ្តល់ជូនជាជំនួយដល់ជនក្រីក្រ និងជនរងគ្រោះដោយសារសង្គ្រាម នៅក្នុងប្រទេសកម្ពុជា នាពេលកន្លងមក។

មិនតែប៉ុណ្ណោះ លោកស្រី Sophea Bottcher ក៏ត្រូវបានគេដឹងច្បាស់ផងដែរថា មានស្វាមីជាមហាសេដ្ឋី គឺលោក Udo Bottcher ដែលជាអ្នកជំនួញ និងជាម្ចាស់ក្រុមហ៊ុនដ៏ធំមួយ នៅក្នុងប្រទេសអាល្លឺម៉ង់។

លោក Udo Bottcher កើតនៅថ្ងៃទី១៥ ខែមីនា ឆ្នាំ១៩៦០ នៅក្នុងប្រទេសអាល្លឺម៉ង់ ត្រូវបានគេស្គាល់ថាជាអ្នកជំនួញដ៏ជោគជ័យ និងជាអ្នកដឹកនាំដែលមានចក្ខុវិស័យ នៅពីក្រោយក្រុមហ៊ុន Böttcher AG ដែលជាក្រុមហ៊ុនដ៏លេចធ្លោមួយ ក្នុងឧស្សាហកម្មសកល។

ក្រោមការដឹកនាំរបស់លោក Udo ក្រុមហ៊ុន Böttcher AG សម្រេចបាននូវសមិទ្ធផលគួរឱ្យកត់សម្គាល់យ៉ាងច្រើន។ ឥឡូវនេះ Bottcher AG គឺជាក្រុមហ៊ុនឈានមុខគេលើពិភពលោកក្នុងការផលិត ជាមួយនឹងផលប័ត្រចម្រុះដែលគ្របដណ្តប់លើឧស្សាហកម្មជាច្រើនដូចជា យានយន្ត ការថែទាំសុខភាព និងថាមពលកកើតឡើងវិញ។

យ៉ាងណាមិញ ទ្រព្យសម្បត្តិសរុបរបស់លោក Udo Böttcher ត្រូវបានគេប៉ាន់ប្រមាណថាមានចំនួន ២០០លានដុល្លារ។ ទ្រព្យសម្បត្តិភាគច្រើនរបស់លោក Udo គឺទទួលបានមកពីការកាន់កាប់ភាគហ៊ុន នៅក្នុង Böttcher AG ផ្ទាល់ និងការវិនិយោគផ្សេងទៀត ក្នុងវិស័យអចលនទ្រព្យ និងក្រុមហ៊ុនបច្ចេកវិទ្យាថ្មីៗ ផងដែរ។

ជម្រាបជូនផងដែរថា លោក Udo ក៏ត្រូវបានគេស្គាល់ថាជាសប្បុរសជនមួយរូបផងដែរ តាមរយៈការចូលរួមយ៉ាងសកម្មក្នុងកម្មវិធីសប្បុរសធម៌ផ្សេងៗ រួមទាំងការគាំទ្រវិស័យអប់រំ និងគំនិតផ្តួចផ្តើមក្នុងបរិស្ថាន ផងដែរ៕​

The post ណែនាំឲ្យស្គាល់សេដ្ឋីលាក់មុខ ជាស្វាមីរបស់អនិកជនខ្មែរ Sophea Bottcher ដែលទើបទទួលបានគោរមងារ «ឧកញ៉ា» appeared first on .

សូមជម្រាបថា លោកស្រី សុភា បុត្រឈរ ដែលកើតនៅឆ្នាំ១៩៧៩ ក្នុងខេត្តកំពង់ធំ ​ជា​សប្បុរសជន​ខ្មែរ​​រស់នៅ​ក្រៅ​ប្រទេស ដែល​តែងតែ​ឈឺឆ្អាល​នឹង​សុខទុក្ខ​ប្រជាជន​ខ្មែរ ហើយ​បាន​ចូលរួម​យ៉ាង​សកម្ម​ក្នុង​ការ​ជួយ​ដល់​ជន​ក្រីក្រ និង​ជន​រងគ្រោះ​ដោយសារ​សង្គ្រាម​។ លោកស្រី មានស្វាមីជាមហាសេដ្ឋីអាល្លឺម៉ង់ ហើយលោកស្រី និងស្វាមី បានបរិច្ចាគប្រាក់រាប់លានដុល្លារ ដល់ប្រទេសកម្ពុជា អាល្លឺម៉ង់ និងបណ្តាប្រទេសផ្សេងៗមួយចំនួនទៀតផងដែរ៕

The post លោកស្រី ណូ សុភា សប្បុរសជន​ខ្មែរ​​រស់នៅ​ក្រៅ​ប្រទេស ទទួលបានគោរមងារ «ឧកញ៉ា» appeared first on .