កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច​ អគ្គនាយកសភាពាណិជ្ជកម្ម​កម្ពុជា, អនុសហប្រធានក្រុមការងារ “ឌ” តំណាងផ្នែកឯកជន​, ​តំណាងសមាគមសហព័ន្ធអភិវឌ្ឍន៍ដីធ្លី និង​សំណង់កម្ពុជា, តំណាងសមាគមអ្នកវាយតម្លៃ និងភ្នាក់ងារអចលនវត្ថុនៅកម្ពុជា, តំណាងសមាគមអគ្គិសនីជនបទ, តំណាងក្រុមហ៊ុនអចលនទ្រព្យ សំណង់ បុរីឯកជន និងអ្នកពាក់ព័ន្ធ ដែលជាសមាជិកនៃក្រុមការងារផ្នែកឯកជន​ជាច្រើនទៀតផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហា​ប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យសំណង់និងអចនវត្ថុ ដើម្បីដាក់ស្នើសុំដំណោះស្រាយជាមួយនឹងដៃគូ គឺក្រសួងរៀបចំដែនដី នគរូបនីយកម្ម និងសំណង់ និងស្ថាប័ន​ពាក់ព័ន្ធនាពេលខាងមុខនេះ។

កិច្ចប្រជុំបានបន្តធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១.បញ្ហាទាក់ទង​នឹងការអនុវត្តប្រកាសលេខ ០១២ របស់អាជ្ញាធរសេវាហិរញវត្ថុមិនមែនធនាគារ ស្តីពីតម្លៃសេវាអ្នកវាយតម្លៃ និងភ្នាក់ងារអចលនវត្ថុ ,​ ២.បញ្ហាទាក់ទងនឹងក្រុមហ៊ុន ឬភ្នាក់ងារប្រកបអាជីវកម្មអចលនវត្ថុដោយគ្មានអាជ្ញាប័ណ្ណ និង ៣.បញ្ហាទាក់ទងនឹងកម្រៃសេវា និងកម្រៃជើងសារវិជ្ជាជីវៈសម្រាប់ការផ្តល់សេវាកម្មអចលនវត្ថុ៕

The post ឧកញ៉ាបណ្ឌិត តាន់ មុនីវណ្ណ ដឹកនាំកិច្ចប្រជុំក្រុមការងារផ្នែកឯកជន “ផ្នែកសំណង់ និងអចលនទ្រព្យ” នៃវេទិការាជរដ្ឋាភិបាល-ផ្នែកឯកជន appeared first on .

ពិព័រណ៍នេះរៀបចំឡើងដោយក្រសួងការពារជាតិនៃសាធារណរដ្ឋសង្គមនិយមវៀតណាម ដោយមានការសម្របសម្រួលជាមួយស្ថានទូតវៀតណាមប្រចាំនៅកម្ពុជា និងក្រសួងការពារជាតិនៃព្រះរាជាណាចក្រកម្ពុជា។

កម្មវិធីនេះមានការអញ្ជើញចូលរួមពី ឯកឧត្តម ឧត្តមសេនីយ៍ឯក តាន់ ថាណា គឺជា រដ្ឋលេខាធិការ ក្រសួងការពារជាតិ នៃព្រះរាជាណាចក្រកម្ពុជា ឯកឧត្តម ង្វៀន មិញវូ (NGUYEN Minh Vu) ឯកអគ្គរដ្ឋទូតវៀតណាមប្រចាំនៅកម្ពុជា ឯកឧត្តម ឧត្តមសេនីយ៍ឯក ង្វៀន ក្វាង ង៉ុក (NGUYEN Quang Ngoc) អនុរដ្ឋមន្ត្រីក្រសួងការពារប្រទេសវៀតណាម និងឯកឧត្តម កឹម ស៊ីថន រដ្ឋលេខាធិការប្រចាំការនៃក្រសួងពាណិជ្ជកម្ម ព្រមទាំងតំណាងស្ថាប័នពាក់ព័ន្ធ និងធុរជននៃប្រទេសកម្ពុជា និងវៀតណាមជាច្រើនរូបទៀត។

សភាពាណិជ្ជកម្មកម្ពុជា បានឱ្យដឹងថា ពិព័រណ៍ VIDEX CAMBODIA 2026 បានប្រមូលផ្តុំក្រុមហ៊ុនផលិត អ្នកផ្គត់ផ្គង់ ពាណិជ្ជករ ប្រតិបត្តិករអាជីវកម្ម និងដៃគូសក្តានុពលមកពីកម្ពុជា និងវៀតណាម ដើម្បីបង្កើតឱកាសក្នុងការស្វែងយល់ពីផលិតផល ផ្លាស់ប្តូរព័ត៌មាន ជួបពិភាក្សាជាមួយដៃគូអាជីវកម្ម បង្កើតទំនាក់ទំនងពាណិជ្ជកម្មថ្មីៗ និងពង្រីកកិច្ចសហប្រតិបត្តិការរវាងប្រទេសទាំងពីរ។

The post ឧកញ៉ា តាន់ មុនីវណ្ណ តំណាងអ្នកឧកញ៉ា គិត ម៉េង ចូលរួមកម្មវិធីបើកពិព័រណ៍តភ្ជាប់ពាណិជ្ជកម្ម និងផ្សព្វផ្សាយផលិតផល វៀតណាម-កម្ពុជា ២០២៦ appeared first on .

កិច្ចប្រជុំនេះប្រព្រត្តឹទៅក្រោមអធិបតីភាព របស់ ឯកឧត្តមបណ្ឌិតសភាចារ្យ ជូ វិជិត្ត រដ្ឋលេខាធិការប្រចាំការនៃក្រសួងសេដ្ឋកិច្ច និងហិរញ្ញវត្ថុ និងដោយមានការចូលរួមផងដែរពីសំណាក់តំណាងក្រសួងស្ថាប័នពាក់ព័ន្ធរាជរដ្ឋាភិបាល តំណាងគ្រឹះស្ថាន សមាគម ក្រុមហ៊ុន សហគ្រាសធុនតូច និងមធ្យម និងអ្នកពាក់ព័ន្ធជាច្រើនផងដែរ។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បីពិគ្រោះ ពិភាក្សា និងទទួលធាតុចូលពីវិស័យ​ឯកជនពាក់ព័ន្ធការរៀបចំសេចក្តីព្រាងអនុក្រឹត្យទាំងពីរខាងលើ តបតាមការចង្អុលបង្ហាញក្នុង “យុទ្ធសាស្រ្តជាតិស្តីពីការអភិវឌ្ឍន៍សហគ្រាស ធុនមីក្រូ តូច និងមធ្យម ឆ្នាំ២០២៦-២០៣០” ដោយតម្រូវឱ្យមានការធ្វើបច្ចុប្បន្នភាពបទប្បញ្ញត្តិ ដើម្បីសម្រួលដល់ប្រតិបត្តិការរបស់សហគ្រាសធុនមីក្រូ តូច និងមធ្យមនៅកម្ពុជា។ 

សូមជម្រាបជូនថា សេចក្តីព្រាងអនុក្រឹត្យស្តីពីការលើកទឹកចិត្តដល់សហគ្រាសធុនតូច និងមធ្យម មានគោលបំណងកំណត់អំពីគោលការណ៍ លក្ខខណ្ឌ និងយន្តការសម្រាប់ការផ្តល់ការលើកទឹកចិត្តផ្នែកសារពើពន្ធ និងមិនមែនសារពើពន្ធ ដល់សហគ្រាសពាណិជ្ជកម្ម ដែលត្រូវបានចាត់ថ្នាក់ជាសហគ្រាសធុនតូច និងមធ្យម (ដែលសរសេរអក្សរកាត់ថា ស.ត.ម.) ដូចបានកំណត់ក្នុងអនុក្រឹត្យស្ដីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ដើម្បីចូលរួមចំណែកក្នុងការជំរុញផលិតកម្មក្នុងស្រុក និងការតភ្ជាប់ ស.ត.ម. ជាមួយនឹងសហគ្រាសមានប្រភពទុនវិនិយោគផ្ទាល់ពីបរទេស បង្កើតការងារ និងលើកកម្ពស់ភាពប្រកួតប្រជែងនៃសេដ្ឋកិច្ចជាតិ។

សេចក្តីព្រាងអនុក្រឹត្យស្តីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ត្រូវបានកំណត់បែបបទ និងនីតិវិធីនៃការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម ដែលគិតចាប់ ពីការចាប់ផ្ដើមអាជីវកម្ម ការធ្វើប្រតិបត្តិការអាជីវកម្ម រហូតដល់ការបិទអាជីវកម្ម ដែល សរសេរអក្សរកាត់ថា ស.ត.ម. ដើម្បីផ្ដល់ស្ថានភាពស្របច្បាប់ និងសម្រួលដល់ការធ្វើអាជីវកម្ម ឱ្យបានជាអតិបរមា សំដៅចូល រួមជំរុញការអភិវឌ្ឍ ស.ត.ម. ឱ្យក្លាយជាមូលដ្ឋានគ្រឹះដ៏រឹងមាំនៃសេដ្ឋកិច្ចជាតិ។

The post ឧកញ៉ា តាន់ មុនីវណ្ណ តំណាង អ្នកឧកញ៉ា គិត ម៉េង ចូលរួមកិច្ចប្រជុំពិគ្រោះយោបល់ជាមួយវិស័យឯកជនលើសេចក្តីព្រាង “អនុក្រឹត្យស្តីពីការលើកទឹកចិត្តដល់សហគ្រាសធុនតូច និងមធ្យម” និង “អនុក្រឹត្យស្តីពីការគ្រប់គ្រងវដ្ដអាជីវកម្មរបស់សហគ្រាសធុនតូច និងមធ្យម” appeared first on .

វេទិកាខាងលើនេះមានការចូលរួមពីវាគ្មិនកិត្តិយសសំខាន់ៗរួមមាន៖ ឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា, លោកជំទាវឧកញ៉ា កែវ មុំ ស្ថាបនិកក្រុមហ៊ុននំស្រួយ លី លី, លោក ជា ថារក្ស ប្រធាននាយកដ្ឋានវិញ្ញាបនបត្រកម្ម នៃវិទ្យាស្ថានស្ដង់ដារកម្ពុជា នៃក្រសួង ឧ.វ.ប.ន និងលោកស្រី លឹម ពិសី ស្ថាបនិក និងអគ្គនាយិកា ក្រុមហ៊ុន ComZone Asia Co., Ltd.

សភាពាណិជ្ជកម្មកម្ពុជា បានឱ្យដឹងថា វេទិកាពិភាក្សានេះ មានគោលបំណងដើម្បីចែករំលែកបទពិសោធន៍ និងលើកកម្ពស់ការយល់ដឹងអំពីការប្រើប្រាស់ស្លាកសញ្ញាស្ដង់ដារទៅលើផលិតផល និងសំបកវេចខ្ចប់ ឱ្យបានត្រឹមត្រូវ ដើម្បីលើកកម្ពស់គុណភាព និងសុវត្ថិភាពផលិតផល បង្កើតតម្លៃបន្ថែម ពង្រឹងម៉ាកយីហោ ជំរុញការវេចខ្ចប់ប្រកបដោយចីរភាព និងពង្រីកលទ្ធភាពចូលទៅកាន់ទីផ្សាររបស់សហគ្រាសធុនមីក្រូ តូច និងមធ្យម កម្ពុជា។

សូមជម្រាបជូនថា ផេកថក (PackTalk) គឺជាវេទិកាថ្នាក់ជាតិដ៏មានសារៈសំខាន់ ដែលផ្តោតជាចម្បងលើការអភិវឌ្ឍន៍វិស័យវេចខ្ចប់ ក្នុងគោលដៅលើកកម្ពស់សមត្ថភាពប្រកួតប្រជែងរបស់សហគ្រាសធុនតូច និងមធ្យម (SMEs)។ វេទិកានេះត្រូវបានរៀបចំឡើងជាមួយគ្នានឹងពិព័រណ៍អន្ដរជាតិស្ដីពី បច្ចេកវិទ្យាផលិត កែច្នៃអាហារ ភេសជ្ជៈ និងការវេចខ្ចប់នៅកម្ពុជា ដើម្បីជំរុញការប្រើប្រាស់ការវេចខ្ចប់ជាយុទ្ធសាស្រ្តទីផ្សារ ព្រមទាំងផ្តល់នូវសេវាប្រឹក្សាយោបល់ និងឱកាសពង្រីកបណ្តាញទំនាក់ទំនងធុរកិច្ចយ៉ាងទូលំទូលាយ។ 

The post ឧកញ៉ា តាន់ មុនីវណ្ណ ចូលរួមវេទិកាពិភាក្សាក្រោមប្រធានបទ៖ “ហេតុអ្វីគួរប្រើស្លាកសញ្ញាស្ដង់ដារលើសំបកវេចខ្ចប់ផលិតផល?” appeared first on .

ជំនួបនេះប្រព្រឹត្តទៅក្រោមអធិបតីភាព ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា និង ឯកឧត្តម ង្វៀន មិញវូ (NGUYEN Minh Vu) ឯកអគ្គរដ្ឋទូតសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា ដោយមានការអញ្ជើញចូលរួមពី ឧកញ៉ា ឡេង ឫទ្ធី ប្រធានសមាគមសហព័ន្ធធុរកិច្ចវៀតណាម-កម្ពុជា ព្រមទាំងថ្នាក់ដឹកនាំក្រសួង-ស្ថាប័នពាក់ព័ន្ធ និងសហគ្រិនវៀតណាម-កម្ពុជាជាច្រើនរូប។

បើតាមសភាពាណិជ្ជកម្មកម្ពុជា កិច្ចពិភាក្សានេះមានគោលបំណងបង្កើតវេទិកាផ្លាស់ប្តូរយោបល់ដោយផ្ទាល់រវាង សហគមន៍អាជីវកម្មវៀតណាមនៅកម្ពុជា ក្រុមប្រឹក្សាអភិវឌ្ឍន៍កម្ពុជា សភាពាណិជ្ជកម្មកម្ពុជា និងក្រសួង-ស្ថាប័នមានសមត្ថកិច្ច ដើម្បីស្តាប់ និងប្រមូលផ្តុំបញ្ហាប្រឈមរបស់វិស័យឯកជន ស្វែងរកដំណោះស្រាយ និងពង្រឹងការយល់ដឹងអំពីគោលនយោបាយពាក់ព័ន្ធនឹងការវិនិយោគ និងការធ្វើអាជីវកម្មនៅកម្ពុជា។

ជាមួយគ្នានេះ កិច្ចសន្ទនាក៏ផ្តោតលើការកែលម្អបរិយាកាសវិនិយោគ ការពង្រឹងទំនាក់ទំនងរវាងសហគ្រាស និងក្រសួង-ស្ថាប័នពាក់ព័ន្ធ ក៏ដូចជាការជំរុញកិច្ចសហប្រតិបត្តិការជាមួយដៃគូអាជីវកម្មកម្ពុជា ដើម្បីលើកទឹកចិត្តដល់ការវិនិយោគថ្មីៗ និងការពង្រីកសកម្មភាពអាជីវកម្មដែលមានស្រាប់។

កិច្ចសន្ទនានេះបានឆ្លុះបញ្ចាំងពីការបន្តពង្រឹង កិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងកម្ពុជា និងវៀតណាម ព្រមទាំងការរួមចំណែករបស់វិស័យឯកជនក្នុងការលើកកម្ពស់បរិយាកាសធុរកិច្ច និងការវិនិយោគនៅកម្ពុជា។

The post ឧកញ៉ា តាន់ មុនីវណ្ណ ដឹកនាំសមាជិកសភាពាណិជ្ជកម្មកម្ពុជា ចូលរួមកិច្ចពិភាក្សាការងាររវាងសហគ្រាសវៀតណាមនៅកម្ពុជា ជាមួយក្រុមប្រឹក្សាអភិវឌ្ឍន៍កម្ពុជា appeared first on .

ពិធីសម្ពោធនេះមានការចូលរួម ឯកឧត្តម នរ៉ាណាឫទ្ធិ អានន្ទដាយ៉ាត រដ្ឋមន្ត្រីប្រតិភូអមនាយករដ្ឋមន្ត្រី និងជាអនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ ព្រមទាំង ឯកឧត្តម លោកជំទាវ តំណាងក្រសួង-ស្ថាប័នពាក់ព័ន្ធ ថ្នាក់ដឹកនាំសភាពាណិជ្ជកម្មកម្ពុជា ធុរជន វិនិយោគិន និងតំណាងក្រុមហ៊ុនជាតិ-អន្តរជាតិជាច្រើនរូប។

ស៊េរីពិព័រណ៍កម្ពុជា ឆ្នាំ២០២៦ ជាព្រឹត្តិការណ៍ពិព័រណ៍ពាណិជ្ជកម្មអន្តរជាតិដ៏មានសារៈសំខាន់ សម្រាប់ជំរុញការអភិវឌ្ឍវិស័យ កសិកម្ម បសុសត្វ វារីវប្បកម្ម អាហារ និងភេសជ្ជៈ សត្វចិញ្ចឹម ឱសថ បរិក្ខារវេជ្ជសាស្ត្រ មន្ទីរពិសោធន៍ សម្រស់ និងផលិតផលប្រើប្រាស់។

ថ្លែងទៅកាន់អង្គពិធី ឧកញ៉ា តាន់ មុនីវណ្ណ បានស្វាគមន៍យ៉ាងកក់ក្តៅចំពោះ ឯកឧត្តម លោកជំទាវ អ្នកឧកញ៉ា ឧកញ៉ា សមាជិក សមាជិកា សភាពាណិជ្ជកម្មកម្ពុជា ភ្ញៀវកិត្តិយស តំណាងស្ថាប័ន ក្រុមហ៊ុន សហគ្រាស និងដៃគូអាជីវកម្មជាតិ និងអន្តរជាតិទាំងអស់ ដែលបានចំណាយពេលវេលាដ៏មានតម្លៃ អញ្ជើញមកចូលរួមក្នុងព្រឹត្តិការណ៍ដ៏មានសារៈសំខាន់នេះ។

លោកឧកញ៉ាបណ្ឌិត ក៏បានថ្លែងថា ពិព័រណ៍នេះនឹងក្លាយជាឱកាសដ៏ល្អសម្រាប់ធុរជន និងវិនិយោគិន ក្នុងការស្វែងរកដៃគូអាជីវកម្មថ្មីៗ បង្កើតកិច្ចសហប្រតិបត្តិការ ពង្រឹងទំនាក់ទំនងអាជីវកម្ម និងពង្រីកខ្សែសង្វាក់ផ្គត់ផ្គង់។ ជាពិសេស ព្រឹត្តិការណ៍នេះនឹងរួមចំណែកជួយឱ្យវិស័យ ពាណិជ្ជកម្ម កសិកម្ម ឧស្សាហកម្ម និងវិស័យពាក់ព័ន្ធនៅកម្ពុជា កាន់តែមានសមត្ថភាពប្រកួតប្រជែង និងមានភាពរឹងមាំបន្ថែមទៀត។

ឆ្លៀតក្នុងឱកាសនោះ លោកឧកញ៉ា បានអំពាវនាវដល់ក្រុមហ៊ុន និង សហគ្រាសឯកជនទាំងអស់ សូមចូលជាសមាជិកសភាពាណិជ្ជកម្មកម្ពុជា ដើម្បីទទួលបានអត្ថប្រយោជន៍ និងសេវាគាំទ្រផ្សេងៗ ព្រមទាំងមានឱកាសចូលរួមក្នុងបណ្តាញធុរជននិងសកម្មភាពផ្សេងៗរបស់សភាពាណិជ្ជកម្មកម្ពុជា ហើយក៏បានបន្ថែមទៀតថា សភាពាណិជ្ជកម្មកម្ពុជា ដែលជាតំណាងឱ្យវិស័យឯកជន តែងតែចូលរួមការពារផលប្រយោជន៍ស្របច្បាប់របស់វិស័យឯកជន ព្រមទាំងដើរតួនាទីជា ស្ពានភ្ជាប់រវាងវិស័យឯកជន និងរាជរដ្ឋាភិបាល ព្រមទាំងស្ថាប័នពាក់ព័ន្ធ ដើម្បីរួមចំណែកលើកកម្ពស់បរិយាកាសធុរកិច្ច និងការវិនិយោគនៅកម្ពុជា។

The post អ្នកឧកញ៉ា គិត ម៉េង ចាត់តាំងឧកញ៉ា តាន់ មុនីវណ្ណ ចូលរួមជាភ្ញៀវកិត្តិយស និងថ្លែងសុន្ទរកថា នៅក្នុងពិធីសម្ពោធ «ស៊េរីពិព័រណ៍កម្ពុជា ឆ្នាំ២០២៦» appeared first on .

កិច្ចប្រជុំនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ និងជាប្រធាន​ក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា ព្រមទាំងមានការអញ្ជើញចូលរួមពី សមាជិក ក.ផ.ផ. ដែលមាន ឯកឧត្តម លោកជំទាវ មកពីក្រសួង ស្ថាប័នរដ្ឋ និង ឧកញ៉ា លោក លោកស្រី ដែលមកពី​ផ្នែកឯកជន ព្រមទាំងអង្គភាពប្រតិបត្តិរបស់ ក.ផ.ផ. សរុបប្រមាណ ៣០រូប។

បើតាមសភាពាណិជ្ជកម្មកម្ពុជា កិច្ចប្រជុំនេះរៀបចំឡើងដើម្បីវាយតម្លៃពីស្ថានភាព និងបញ្ហាប្រឈម​សំខាន់ៗ​ដែលកំពុងប៉ះពាល់ដល់វិស័យទេសចរណ៍ រួមមានបញ្ហាព្រំដែនកម្ពុជា-ថៃ, ឥទ្ធិពលព័ត៌មានអវិជ្ជមាន និងបទល្មើស​ឆបោកតាមប្រព័ន្ធបច្ចេកវិទ្យា, ព្រមទាំងសង្គ្រាមនៅអ៊ីរ៉ង់ដែលធ្វើឱ្យកើនឡើងថ្លៃ​ប្រេងឥន្ធនៈដែលជះឥទ្ធិពល​ដល់ការធ្វើដំណើរអន្តរជាតិ។

ដើម្បីឆ្លើយតបនឹងបញ្ហាប្រឈមទាំងនេះ អង្គប្រជុំបានឯកភាពដាក់ចេញនូវយុទ្ធសាស្ត្រសំខាន់ៗ ដើម្បីស្តារ​ទំនុកចិត្ត និងទាក់ទាញទេសចរអន្តរជាតិមកកម្ពុជា ដែលមានជាអាទិ៍៖ ការពង្រីកទីផ្សារទេសចរណ៍ផ្ទាល់ និង​ទីផ្សារ «បូក១» តាមរយៈវៀតណាម និងសិង្ហបុរី និងទីផ្សារសក្តានុពលផ្សេងទៀត, ការកសាងទំនុកចិត្ត​របស់​ទេសចរអន្តរជាតិ តាមរយៈការពង្រឹងការផ្សព្វផ្សាយជាមួយស្ថាប័នសារព័ត៌មានអន្តរជាតិធំៗ និងការអញ្ជើញ​អ្នកសារព័ត៌មានអន្តរជាតិ ក្រុមហ៊ុនទេសចរណ៍អន្តរជាតិ និងអ្នកបង្កើតមាតិកាបរទេសល្បីៗមកទស្សនាកម្ពុជា ព្រមទាំងការជំរុញការងារភាពយន្តទេសចរណ៍។

The post ឧកញ៉ា តាន់ មុនីវណ្ណ និងឧកញ៉ា លូ ម៉េង ចូលរួមកិច្ចប្រជុំបូកសរុបលទ្ធផល​ការងារប្រចាំឆមាសទី១ ឆ្នាំ២០២៦ របស់ក្រុមប្រឹក្សាភិបាលសិក្សាទីផ្សារ និងផ្សព្វផ្សាយទេសចរណ៍កម្ពុជា appeared first on .

កិច្ចប្រជុំនេះធ្វើឡើងក្រោមអធិបតីភាព ឯកឧត្តម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី២ ក្រុមប្រឹក្សាអភិវឌ្ឍន៍កម្ពុជា និងជាប្រធានគណៈកម្មាធិការដឹកនាំការងារថ្នាក់ជាតិនៃគម្រោង ICONE II និង ឯកឧត្តម Stefan Messerer ឯកអគ្គរាជទូតអាល្លឺម៉ងប្រចាំនៅកម្ពុជា។  

កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួង ស្ថាប័ន​ពាក់ព័ន្ធនៃគម្រោង មន្ត្រីពាក់ព័ន្ធនៃស្ថានទូតអាល្លឺម៉ងប្រចាំនៅកម្ពុជា ក្រុមការងារនៃទីភ្នាក់ងារកិច្ចសហប្រតិបត្តិការអាល្លឺម៉ង (GIZ)  និងអ្នកពាក់ព័ន្ធនឹងគម្រោងមួយចំនួនទៀត។

សូមជម្រាបថា កិច្ចប្រជុំនេះមានគោលបំណងចម្បងដើម្បីពិនិត្យ ពិភាក្សា និងឯកភាពលើ៖ ១.សេចក្តីព្រាងកិច្ចព្រមព្រៀងអនុវត្តកម្មវិធី (Implementation Agreement) និង ២.ផែនការប្រតិបត្តិកម្មវិធីឆ្នាំ២០២៦ (Operation Plan 2026)។

The post ឧកញ៉ា តាន់ មុនីវណ្ណ តំណាង អ្នកឧកញ៉ា គិត ម៉េង ចូលរួមកិច្ចប្រជុំអន្តរក្រសួងពិភាក្សាស្តីពី គម្រោងការលើកកម្ពស់ភាពប្រកួតប្រជែងរបស់សហគ្រាសនៅកម្ពុជាដំណាក់កាលទី២  appeared first on .

ក្នុងជំនួបនេះ លោក រស់ រាសី បានថ្លែងអំណរគុណយ៉ាងជ្រាលជ្រៅចំពោះ​លោកឧកញ៉ា អនុប្រធាន​សភាពាណិជ្ជកម្ម​កម្ពុជា ដែលបានចំណាយពេលវេលាដ៏មានតម្លៃដើម្បីទទួលជួបពិភាក្សាការងារ។

លោក​ រស់​រាសី បានគូសបញ្ជាក់ថា គោលបំណងសំខាន់នៃជំនួបនេះ គឺដើម្បីពង្រឹង និងពង្រីកកិច្ចសហប្រតិបត្តិការ​សេដ្ឋកិច្ច និងពាណិជ្ជកម្មរវាងជប៉ុន និងកម្ពុជា។ លោកបានគូស​បញ្ជាក់ថា នេះជាដំណើរទស្សនកិច្ចរបស់ធុរជន​ជប៉ុន ដើម្បីស្វែងយល់បន្ថែមពីបរិយាកាសធុរកិច្ច និងទិដ្ឋភាពជាក់ស្ដែងជាមួយនិងការអភិវឌ្ឍន៍​យ៉ាងឆាប់រហ័ស​របស់កម្ពុជានាពេលបច្ចុប្បន្ន។​ ធុរជនដែល​អញ្ជើញមកនាថ្ងៃនេះមកពីវិស័យដូចជា​សុខាភិបាល គ្រឿងសម្អាង​ ពាណិជ្ជកម្ម​ ភោជនីយដ្ឋាន និងសេវាកម្មថែទាំមនុស្សចាស់។ គណៈប្រតិភូក៏បានសាកសួរស្វែងយល់ បន្ថែមអំពី​ឱកាសក្នុងការវិនិយោគក្នុងវិស័យកសិកម្មនៅកម្ពុជាផងដែរ។​

​ជាកិច្ចឆ្លើយតប ឧកញ៉ា តាន់ មុនីវណ្ណ អនុប្រធានសភាពាណិជ្ជកម្មកម្ពុជា បានសម្តែងការស្វាគមន៍យ៉ាងកក់ក្តៅ និងបានវាយតម្លៃខ្ពស់ចំពោះកិច្ចខិតខំប្រឹងប្រែងដ៏សកម្មរបស់ការិយាល័យតំណាងសភាពាណិជ្ជកម្មកម្ពុជា នៅជប៉ុន​ដែលដឹកនាំដោយ​លោក រស់ រាសី។

លោកឧកញ៉ា បានមានប្រសាសន៍អំពីទំនាក់ទំនង​ដ៏យូរអង្វែងរវាងកម្ពុជា និងជប៉ុន​ និងការគាំទ្រជាច្រើនរបស់ជប៉ុន​តាមរយៈជំនួយផ្សេងៗដូចជាផ្នែកហេដ្ឋារចនាសម្ព័ន្ធ និងគតិយុត្តជាដើម។ នៅក្នុងនោះផងដែរ លោកឧកញ៉ា ក៏បានបញ្ជាក់ថានាពេលបច្ចុប្បន្នក៏មានវត្តមានក្រុមហ៊ុនជប៉ុនជាច្រើនដែលកំពុងធ្វើការវិនិយោគនៅកម្ពុជា។

លោកឧកញ៉ា ក៏បានលើកយកវិស័យដែលមានសក្ដានុពលនៅកម្ពុជា​ដូចជាវិស័យសុខាភិបាល ពោលដោយសារ​មាន​តម្រូវការ​ទីផ្សារខ្ពស់នៅកម្ពុជា ការនាំចេញនាំចូលទំនិញ និង​ការអប់រំបណ្តុះបណ្តាលបច្ចេកទេស និងវិជ្ជាជីវៈ​ដែលជាចលករមួយក្នុងការជំរុញកម្លាំងពលកម្មទៅប្រទេសជប៉ុន។ លោកឧកញ៉ាបានលើកទឹកចិត្តឲ្យធុរជនជប៉ុន វិនិយោគក្នុងវិស័យកសិកម្ម និងវិស័យផ្សេងៗនៅកម្ពុជាផងដែរ ពោលគឺដោយសារកម្លាំងពលកម្មគឺមានតម្លៃទាប​ជាង​ប្រទេសដទៃ ហើយរាល់ការវិនិយោគតែង ទទួលបានលើកទឹកចិត្តពីរាជរដ្ឋាភិបាលកម្ពុជា៕

រូបភាព៖ សភាពាណិជ្ជកម្មកម្ពុជា

The post ឧកញ៉ា តាន់ មុនីវណ្ណ តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ទទួលជួបគណៈប្រតិភូជប៉ុន ស្វែងរកកាលានុវត្តភាពវិនិយោគនៅកម្ពុជា​ appeared first on .

សភាពាណិជ្ជកម្មកម្ពុជា បានឱ្យដឹងថា នៅក្នុងឱកាសបើកកិច្ចប្រជុំ ឧកញ៉ា តាន់ មុនីវណ្ណ និង លោក Paul Keogh បានថ្លែងសុន្ទរកថាបើក និងសម្ដែងនូវការវាយតម្លៃខ្ពស់ចំពោះកិច្ចសហប្រតិបត្តិការយ៉ាងជិតស្និទ្ធរវាងស្ថាប័នទាំងពីរ ក្នុងការគាំទ្រដល់យន្តការវេទិការាជរដ្ឋាភិបាល-ផ្នែកឯកជន (G-PSF) ដែលជាយន្តការសន្ទនារវាងរដ្ឋ និងឯកជនកម្រិតខ្ពស់បំផុតនៅកម្ពុជា។

កម្មវិធី CAPRED បានគូសបញ្ជាក់ថា «និរន្តរភាព» គឺជាគោលការណ៍ស្នូលក្នុងការគាំទ្រដល់ដៃគូនានា ដោយផ្តោតលើការធានាថា ជំនួយដែលបានផ្តល់ជូននឹងរួមចំណែកដល់ការកសាងសមត្ថភាពស្ថាប័នឱ្យមានភាពរឹងមាំយូរអង្វែង និងគាំទ្រដល់ការអភិវឌ្ឍសេដ្ឋកិច្ចរយៈពេលវែងរបស់កម្ពុជា។

នៅក្នុងជំនួបនេះដែរ អង្គប្រជុំបានស្តាប់នូវបទបង្ហាញយ៉ាងលម្អិតចំនួនពីរ រួមមាន៖

១. ផែនការការងារឆ្នាំ២០២៦ និងឆ្នាំបន្តបន្ទាប់ របស់លេខាធិការដ្ឋានគណៈកម្មការសម្របសម្រួលក្រុមការងារផ្នែកឯកជន (CCC’s PS G-PSF CC Secretariat) ដែលបង្ហាញដោយក្រុមការងារលេខាធិការដ្ឋាន CCC។

២. បទបង្ហាញស្តីពីយុទ្ធសាស្ត្រនិរន្តរភាព (Sustainability Strategy) ដែលបង្ហាញដោយ លោកស្រីបណ្ឌិត Sheila Scopis ទីប្រឹក្សាអន្តរជាតិនៃយន្តការ G-PSF របស់កម្មវិធី CAPRED។

បន្ទាប់ពីស្តាប់បទបង្ហាញ តំណាងស្ថាប័នទាំងពីរ ក៏ដូចជាសមាជិកអង្គប្រជុំ បានធ្វើការពិភាក្សាយ៉ាងផុសផុលលើការពង្រឹងវឌ្ឍនភាពដែលសម្រេចបានកន្លងមក និងពង្រឹងមូលដ្ឋានគ្រឹះស្ថាប័នដែលចាំបាច់ ដើម្បីធានាថា G-PSF នៅតែបន្តមានប្រសិទ្ធភាព បរិយាបន្ន ដឹកនាំដោយផ្នែកឯកជន និងមាននិរន្តរភាពក្នុងរយៈពេលវែង។

លើសពីនេះ ជំនួបនេះក៏ជាឱកាសក្នុងការទទួលបាននូវការណែនាំតម្រង់ទិសដៅពី ឧកញ៉ា តាន់ មុនីវណ្ណ សម្រាប់ជំហានបន្ទាប់ និងកំណត់សកម្មភាពជាក់ស្តែងសម្រាប់ការបន្តកិច្ចសហប្រតិបត្តិការរវាង CCC-CAPRED ជាពិសេសលើការពង្រឹងការសម្របសម្រួលក្នុងវិស័យឯកជន ការចូលរួមរបស់ក្រុមការងារផ្នែកឯកជន (Private Sector Working Groups) និងការចូលរួមប្រកបដោយប្រសិទ្ធភាពរបស់គ្រប់ភាគីពាក់ព័ន្ធទាំងអស់ (ជាតិ-អន្តរជាតិ) ដើម្បីចូលរួមសកម្មភាពតាមជំនាញ បទពិសោធន៍ ក្នុងក្រុមការងារតាមវិស័យនៅក្នុងយន្តការ G-PSF ដែលមានលេខាធិការដ្ឋានសម្របសម្រួលក្រុមការងារផ្នែកជន នៃសភាពាណិជ្ជកម្មកម្ពុជា ជាលេខាធិការសម្របសម្រួលសកម្មភាពនានា របស់ការងារទាំងអស់ផ្នែកឯកជន៕

The post ឧកញ៉ា តាន់ មុនីវណ្ណ ជួបពិភាក្សាការងារស្តីពី «និរន្តរភាពនៃកិច្ចសហប្រតិបត្តិការរវាងសភាពាណិជ្ជកម្មកម្ពុជា និងក្រុមការងារ នៃកម្មវិធីភាពជាដៃគូ កម្ពុជា-អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED)» appeared first on .