ក្រុមហ៊ុន GGEAR Group បានឱ្យដឹងថា រយៈពេល ១៥ ឆ្នាំមកនេះ ជីហ្គៀ គ្រុប បានវិវឌ្ឍខ្លួនយ៉ាងរឹងមាំ និងឈានមុខគេក្នុងវិស័យអេឡិចត្រូនិច បច្ចេកវិទ្យា និងការផ្គត់ផ្គង់ដំណោះស្រាយសម្រាប់អគារពាណិជ្ជកម្មនៅក្នុងប្រទេសកម្ពុជា។ ក្រុមហ៊ុនមានមោទនភាពជាខ្លាំង ដែលជាដៃគូយុទ្ធសាស្ត្រផ្លូវការក្នុងការចែកចាយផលិតផលម៉ាកល្បីៗ ដូចជា LG Electronics, Hyundai, Panasonic, KHIND Malaysia និង Modena ជាដើម។

ឧកញ៉ា សុខ ពិសិដ្ឋ បានគូសបញ្ជាក់បែបនេះថា៖ “រយៈពេល ១៥ ឆ្នាំ នៃការខិតខំប្រឹងប្រែងរួមគ្នារបស់បុគ្គលិកគ្រប់ជាន់ថ្នាក់ ឈ្នះរាល់ឧបសគ្គ ដោយមានចក្ខុវិស័យច្បាស់លាស់ និងស្មារតីការងារជាក្រុមដ៏រឹងមាំ។ សមិទ្ធផលដែលសម្រេចបានមកទល់ពេលនេះ គឺកើតចេញពីការខិតខំប្រឹងប្រែងរបស់បុគ្គលិកទាំងអស់គ្នា រួមជាមួយការគាំទ្រយ៉ាងពេញទំហឹងពីសំណាក់ដៃគូអាជីវកម្ម និងអតិថិជន”។

សូមជម្រាបថា ឧកញ៉ា សុខ ពិសិដ្ឋ បានបង្កើតក្រុមហ៊ុន GGEAR Group រយៈពេល ១៥ឆ្នាំ មកហើយ។ ក្រុមហ៊ុននេះ មានទិសដៅរួមគ្នាធ្វើយ៉ាងណាជំរុញឱ្យទីផ្សារអេឡិចត្រូនិចនៅកម្ពុជាមានភាពរីកចម្រើន ​ការ​រៀបចំរចនា​សម្ព័ន្ធ​ការងារ ការវិនិ​យោគទៅលើហេដ្ឋារចនាសម្ព័ន្ធទាំងជំនាញទន់ និងជំនាញរឹងទាំងឡាយ ដូចជា​ការ​បណ្ដុះបណ្ដាល​ធនធាន​មនុស្ស ការរៀបចំ សាខាក្រុមហ៊ុនទាំងខេត្ត ក្រុងទាំងអស់ រួមទាំងការបំពេញ​កាតព្វ​កិច្ចច្បាប់​ឱ្យ​បាន​ពេញលេញ សម្រាប់​ត្រៀមការវិនិយោគរយៈពេលវែងផងដែរ៕

The post ឧកញ៉ា សុខ ពិសិដ្ឋ រៀបចំពិធីខួប១៥ឆ្នាំ នៃដំណើរការអាជីវកម្មក្នុងវិស័យអេឡិចត្រូនិចរបស់ក្រុមហ៊ុន GGEAR Group appeared first on .

កិច្ចប្រជុំនេះធ្វើឡើងក្រោមអធិបតីភាព ឯកឧត្ដម ឈាង វណ្ណារិទ្ធ រដ្ឋលេខាធិការទីស្ដីការគណៈរដ្ឋមន្រ្តី និងជា​ប្រធានក្រុមការងារ ក.ស.អ. ដោយមានការអញ្ជើញចូលរួមពី ឯកឧត្ដមអនុប្រធាន និងសមាជិក នៃក.ស.អ. សំដៅ​ពិនិត្យ និងពិភាក្សាលើការកំណត់វិសាលភាពរបស់ ក.ស.អ. និងការរៀបចំផែនការមេសម្រាប់ការប្រើប្រាស់​អាកាស​យានដ្ឋានអន្តរជាតិភ្នំពេញ។ 

ក្នុងឱកាសនោះ, ឯកឧត្ដមប្រធាន បានស្នើ ឯកឧត្ដម ជា អូន រដ្ឋលេខាធិការ នៃរដ្ឋលេខាធិការដ្ឋានអាកាសចរណ៍​ស៊ីវិល និងជាអនុប្រធាន ក.ស.អ. ធ្វើបទបង្ហាញស្ដីពីស្ថានភាពបច្ចុប្បន្ននៃ អាកាសយានដ្ឋានអន្តរជាតិភ្នំពេញ ជូន​អង្គប្រជុំ ដើម្បីមានមូលដ្ឋានក្នុងការពិភាក្សា។

ផ្អែកលើការពិភាក្សា និងផ្លាស់ប្ដូរយោបល់យ៉ាងផុលផុស ឯកឧត្ដមប្រធានអង្គប្រជុំ បានកំណត់ទិសដៅ​ការងារទៅ​មុខ​សំខាន់ៗ និងស្នើឱ្យក្រសួង-ស្ថាប័នពាក់ព័ន្ធពន្លឿនការអនុវត្តនូវកិច្ចការទាំងនោះ ដើម្បីកំណត់មូលដ្ឋានឱ្យ​ច្បាស់លាស់ និងគ្រប់ជ្រុងជ្រោយសម្រាប់ការរៀបចំផែនការមេ ប្រែក្លាយអាកាសយានដ្ឋានអន្តរជាតិភ្នំពេញ (ព្រលានយន្តហោះចាស់) ដើម្បីបម្រើប្រយោជន៍សាធារណៈឱ្យបានជាអតិបរមា ប្រកបដោយប្រសិទ្ធភាព និងចីរភាព៕

The post ឧកញ៉ា សុខ ពិសិដ្ឋ ចូលរួមកិច្ចប្រជុំអន្តរក្រសួងពិភាក្សាអំពីការគ្រប់គ្រង និងប្រើប្រាស់អាកាសយានដ្ឋាន​អន្តរជាតិភ្នំពេញ appeared first on .

កិច្ចប្រជុំនេះធ្វើឡើងក្រោមអធិបតីភាព ឯកឧត្តម ថេង ច័ន្ទសង្វារ រដ្ឋលេខាធិការក្រសួងរៀបចំដែនដី នគរូបនីយ​កម្ម និងសំណង់ ព្រមទាំងមានការចូលរួមពី មន្ត្រីជំនាញរបស់មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពត រួមទាំងអតិថិជនរងគ្រោះជាច្រើនរូប នៅទីស្តីការក្រសួង។

ឯកឧត្តម ថេង ច័ន្ទសង្វារ រដ្ឋលេខាធិការ ទទួលបន្ទុកការងារដោះស្រាយបញ្ហាបុរី និងដីឡូត៍ បានបង្ហោះរូបភាព និងសារលើទំព័រហ្វេសប៊ុក នៅថ្ងៃអង្គារនេះថា៖ “ទោះត្រូវប្រជុំសម្របសម្រួលច្រើនលើកច្រើនសារ​ អតិថិជន​គម្រោង​ដីឡូត៍ដែលមានបញ្ហា​នៅតែបន្តអត់ធ្មត់ចូលរួមជាមួយក្រុមការងារទទួលបន្ទុក​ ដើម្បីផ្តល់មតិ​យោបល់​ ធាតុចូល​ និងស្នើជាជម្រើសដោះស្រាយនានា​ ធ្វើយ៉ាងណា​ធានាឱ្យបាននូវយុត្តិធម៌​អន្តរកាលមួយ ដែល​អាចទទួល​យកបាន​ពីគ្រប់ភាគី​ដែលពាក់ព័ន្ធ។ កិច្ចប្រជុំកិច្ចប្រជុំដំណោះស្រាយបញ្ហាលក់ទិញដីឡូត៍​ក្នុង បុរី FOREST HARMONY​ កំពត (១០-០២-២០២៦)”។

The post ឧកញ៉ា សុខ ពិសិដ្ឋ ចូលរួមកិច្ចប្រជុំស្វែងរកដំណោះស្រាយជាមួយអតិថិជនរងគ្រោះពីគម្រោងដីឡូត៍ FOREST HARMONY​ និងក្រុមហ៊ុន CIC នៅក្រសួងរៀបចំដែនដី appeared first on .

ដំណើរទស្សនកិច្ចនេះបានធ្វើឡើង ក្នុងអំឡុងពេល​គណៈប្រតិភូ​សភាពាណិជ្ជកម្ម អញ្ជើញអមដំណើរសម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ចូលរួមកិច្ចប្រជុំកំពូលអាស៊ាន លើកទី៤៧ និងកិច្ចប្រជុំកំពូលពាក់ព័ន្ធ នៅទីក្រុងគួឡាឡាំពួរ ប្រទេស ម៉ាឡេស៊ី ចាប់ពីថ្ងៃទី២៥ ដល់ថ្ងៃទី ២៨ ខែតុលា ឆ្នាំ២០២៥។

សភាពាណិជ្ជកម្មកម្ពុជា បានឱ្យដឹងថា មជ្ឈមណ្ឌល​នវានុវត្តន៍​របស់ក្រុមហ៊ុនហួវៃ នៅប្រទេសម៉ាឡេស៊ី ត្រូវបានបង្កើតឡើងនៅឆ្នាំ ២០១៦ ដើម្បង្កើតប្រព័ន្ធអេកូឡូស៊ី អភិវឌ្ឍន៍ និងជំរុញដល់ការផ្លាស់ប្តូរឌីជីថល​នៃសេដ្ឋកិច្ចម៉ាឡេស៊ី តាមរយៈការផ្តល់ ជាគំរូបច្ចេកវិទ្យា សម្រាប់អតិថិជន និងដៃគូសហការណ៍ ក្នុងការ សាកល្បងដំណោះស្រាយបច្ចេកវិទ្យា សិក្សាអំពីគំរូអាជីវកម្ម ថ្នាលច្នៃប្រឌិត និងសេវាកម្មដែលមានផ្តល់ជូន ទាំងវិស័យរដ្ឋ និងឯកជន។ ក្នុងឆ្នាំ ២០២៤ មជ្ឈមណ្ឌលនេះ បានប្រកាសក្នុងកាបង្កើត មជ្ឈមណ្ឌលច្នៃប្រឌិត ដែលនឹងផ្តោតលើបច្ចេកវិទ្យា 5G៕

The post ឧកញ៉ា សុខ ពិសិដ្ឋ តំណាងអ្នកឧកញ៉ា គិត ម៉េង ដឹកនាំសមាជិកសភាពាណិជ្ជកម្មកម្ពុជា ធ្វើទស្សនកិច្ច នៅមជ្ឈមណ្ឌល​នវានុវត្តន៍​របស់ក្រុមហ៊ុនហួវៃ (Huawei) appeared first on .

តាមរយៈបណ្តាញសង្គម នាថ្ងៃទី២៣ ខែតុលា ឆ្នាំ២០២៥ លោកឧកញ៉ា សុខ ពិសិដ្ឋ បានលើកឡើងថា លោកពិត​ជា​មានមោទនភាពណាស់ ដែលបានចូលរួមចំណែកក្នុងការបង្កើតសហគមអ្នកនាំចូល និងចែកចាយ​អេឡិចត្រូនិច តាមរយៈសមាគមអេឡិចត្រូនិច និងបច្ចេកវិទ្យាកម្ពុជា (CETA) ដើម្បីនាំគ្នាចូលរួមបង្កា​អំពើររត់ពន្ធ​ ដែលធ្វើឱ្យ​បាត់បង់ចំណូលជាតិជាច្រើន បង្កើតឱ្យមានការប្រកួតប្រជែងមិនស្មើភាពគ្នា និងបាត់បង់ភាពប្រកួត​ប្រជែងរបស់​យុវជនជំនាន់ក្រោយ។

គួររំឭកថា កាលថ្ងៃទី២១ ខែតុលា ឆ្នាំ២០២៥ សម្តេចមហាបវរធិបតី ហ៊ុន ម៉ាណែត ប្រមុខរាជរដ្ឋាភិបាលកម្ពុជា បានដាក់ចេញបទបញ្ជាហាមឃាត់ការនាំចូល ការចែកចាយ ការលក់ ការផ្សាយពាណិជ្ជកម្ម ការប្រើប្រាស់ ការកាន់កាប់ ការផលិត និងការស្តុកទុកឧបករណ៍អេឡិចត្រូនិកនិងសារធាតុគីមីសម្រាប់ជក់ និងស៊ីស្សា។

ការចេញបទបញ្ជាថ្មីនេះ គឺដោយសាររាជរដ្ឋាភិបាល បានសង្កេតឃើញថា មានការ រីករាលដាលការប្រើប្រាស់​ឧបករណ៍អេឡិចត្រូនិក និងសារធាតុគីមីសម្រាប់ជក់ និងស៊ីស្សា ក្នុងចំណោមកុមារនិង យុវជននៅក្នុងព្រះរាជា​ណាចក្រកម្ពុជា ដែលផ្តល់ផលប៉ះពាល់យ៉ាងខ្លាំងដល់សណ្តាប់ធ្នាប់សង្គម សុខភាព សាធារណៈ ជាពិសេស​សុខភាព​របស់អ្នកសិក្សានិងបុគ្គលិកអប់រំ។

សូមជម្រាបថា ឧកញ៉ា សុខ ពិសិដ្ឋ ជាម្ចាស់ក្រុមហ៊ុន ជីហ្គៀ គ្រុប ដែលបានបង្កើតឡើងជាង ១០ឆ្នាំ មកហើយ។ ក្រុមហ៊ុននេះ មានទិសដៅរួមគ្នាធ្វើយ៉ាងណាជំរុញឱ្យទីផ្សារអេឡិចត្រូនិចនៅកម្ពុជាមានភាពរីកចម្រើន ​ការ​រៀបចំរចនា​សម្ព័ន្ធ​ការងារ ការវិនិ​យោគទៅលើហេដ្ឋារចនាសម្ព័ន្ធទាំងជំនាញទន់ និងជំនាញរឹងទាំងឡាយ ដូចជា​ការ​បណ្ដុះបណ្ដាល​ធនធាន​មនុស្ស ការរៀបចំ សាខាក្រុមហ៊ុនទាំងខេត្ត ក្រុងទាំងអស់ រួមទាំងការបំពេញ​កាតព្វ​កិច្ចច្បាប់​ឱ្យ​បាន​ពេញលេញ សម្រាប់​ត្រៀមការវិនិយោគរយៈពេលវែង និងផ្ដល់ឱកាសអោយយុវជន​ជំនាន់ក្រោយអាច​បញ្ចេញ​ស្នាដៃ​របស់ពួកគេដោយមោទនភាព និងភាពជឿជាក់៕

The post ឧកញ៉ា សុខ ពិសិដ្ឋ ចូលរួមបង្កើតសហគមអ្នកនាំចូល និងចែកចាយអេឡិចត្រូនិច appeared first on .

ពិធីប្រគល់ត្រាជូនប្រធានក្រុមប្រឹក្សាភិបាលអាណត្តិថ្មី CAMFEBA និងពិធីលៀងសាយភោជន៍អបអរសាទរមហាសនិ្នបាតប្រចាំឆ្នាំ បានប្រារព្វធ្វើឡើងកាលល្ងាចថ្ងៃទី២៤ ខែកក្កដា ឆ្នាំ២០២៥ ក្រោមអធិបតីភាព ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ ព្រមទាំង ឯកឧត្តម លោកជំទាវ លោក លោកស្រី ដែលជាតំណាងក្រសួង និងថា្នក់ដឹកនាំនៃបណ្តាសហគ្រាស-គ្រឹះស្ថាន អង្គការក្រៅរដ្ឋាភិបាល សហជីព និងសមាគមពាណិជ្ជកម្មនានានៅក្នុងប្រទេសប្រមាណជា ២០០នាក់។

ថ្លែងក្នុងមតិសំណេះសំណាល ឯកឧត្តមរដ្ឋមន្ត្រី ហេង សួរ បានកោតសរសើរ និងវាយតម្លៃខ្ពស់ចំពោះ CAMFEBA ដែលបានរក្សាបាននូវភាពរីកចម្រើនរឹងមាំ និងទទួលបានការទុកចិត្តពីវិនិយោគិន ក៏ដូចជាពីសមាជិករបស់ខ្លួនគួរជាទីមោទនៈ។ ជាមួយគ្នានេះផងដែរ ឯកឧត្តមរដ្ឋមន្ត្រីក៏បានសម្ដែងនូវការអបអរសាទរចំពោះ លោកឧកញ៉ា សុខ ពិសិដ្ឋ ដែលបានជាប់ឆ្នោតជាប្រធានក្រុមប្រឹក្សាភិបាលរបស់ CAMFEBA សម្រាប់អាណត្តិថ្មីនេះ និងព្រមទាំងអញ្ជើញចូលរួមជាសាក្ខីភាពដ៏ខ្ពង់ខ្ពស់ ក្នុងពិធីប្រគល់ និងទទួលត្រាសម្រាប់ប្រធានក្រុមប្រឹក្សាអាណត្តិថ្មីផងដែរ។

ឯកឧត្តមរដ្ឋមន្ត្រីបានបញ្ជាក់បន្ថែមថា លទ្ធផលនានាដែលសម្រេចបានរហូតមកដល់ពេលនេះ គឺបង្ហាញយ៉ាងច្បាស់ពីការខិតខំប្រឹងប្រែង និងការចូលរួមចំណែកប្រកបដោយស្មារតីទទួលខុសត្រូវរបស់ CAMFEBA ក្នុងនាមជាតំណាងភាគីនិយោជក។ CAMFEBA បានចូលរួមយ៉ាងសកម្មក្នុងការលើកកម្ពស់ និងធ្វើឱ្យប្រសើរឡើងនូវលក្ខខណ្ឌការងារ សុខដុមរមនាក្នុងទំនាក់ទំនងវិជ្ជាជីវៈ របបសន្តិសុខសង្គម ក៏ដូចជាការអប់រំបណ្តុះបណ្តាលបច្ចេកទេស និងវិជ្ជាជីវៈនៅក្នុងយន្តការត្រីភាគីនានា ដូចជាគណៈកម្មការប្រឹក្សាការងារ គណៈកម្មការជាតិសុខភាព និងសុវត្ថិភាពការងារ ក្រុមប្រឹក្សាជាតិប្រាក់ឈ្នួលអប្បបរមា ក្រុមប្រឹក្សាភិបាលនៃបេឡាជាតិសន្តិសុខសង្គម និងគណៈកម្មការជាតិបណ្តុះបណ្តាល។

ទន្ទឹមនឹងនេះ CAMFEBA ក៏បានដើរតួនាទីយ៉ាងសំខាន់ក្នុងនាមជាសហប្រធានក្រុមការងារផ្នែកទំនាក់ទំនងវិជ្ជាជីវៈ (ក្រុមការងារទី៨) ក្នុងភាពជាដៃគូរវាងរដ្ឋ-ឯកជន ដោយផ្តល់កិច្ចសហប្រតិបត្តិការយ៉ាងល្អជាមួយក្រសួងការងារ និងបណ្តុះបណ្តាលវិជ្ជាជីវៈក្នុងការស្វែងរកដំណោះស្រាយប្រកបដោយប្រសិទ្ធភាពចំពោះបញ្ហាប្រឈមនានាជូននិយោជក និងកម្មករនិយោជិត ដើម្បីកែលម្អសុខដុមរមនាក្នុងទំនាក់ទំនងវិជ្ជាជីវៈ។

សូមជម្រាបថា ក្រុមប្រឹក្សាភិបាលរបស់ CAMFEBA សម្រាប់អាណត្តិទី១១ ថ្មីនេះ គឺមានសមាសភាពដូចជា៖ ឧកញ៉ា សុខ ពិសិដ្ឋ ជាប្រធាន, ឧកញ៉ា ណាង សុធី, ឧកញ៉ា ស គីណាល់, ឧកញ៉ា កាង ឡេង, ឧកញ៉ា សុង សារ៉ន និងលោក-លោកស្រី ជាអនុប្រធាន ចំនួន ៧រូប ព្រមទាំងសមាជិក សមាជិកាក្រុមប្រឹក្សាភិបាល ចំនួន ៧រូបផ្សេងទៀត សរុបទាំងអស់ចំនួន ១៥រូប។ CAMFEBA អាណត្តិទី១១ មានរយៈពេល ៣ឆ្នាំ ចាប់ពីឆ្នាំ២០២៥ ដល់ឆ្នាំ២០២៧៕

The post ឧកញ៉ា សុខ ពិសិដ្ឋ ជាប់ឆ្នោតជាប្រធាន CAMFEBA និងឧកញ៉ា ៤រូបទៀត ជាប់ជាអនុប្រធាន appeared first on .

បើតាមសភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណង ពង្រឹងទំនាក់ទំនងរវាងស្ថាប័នទាំងពីរ និងកំណត់វិស័យសំខាន់ៗសម្រាប់កិច្ចសហប្រតិបត្តិការនាពេលអនាគត។ ក្នុងឱកាសនៃកិច្ចប្រជុំនេះ សភាពាណិជ្ជកម្មទាំងពីរ បានចុះអនុស្សរណៈយោគយល់គ្នា ដើម្បីបង្កើតក្របខ័ណ្ឌសម្រាប់ការលើកកម្ពស់ទំនាក់ទំនងសេដ្ឋកិច្ច ការជំរុញពាណិជ្ជកម្ម និងការវិនិយោគ និងការសម្របសម្រួលកិច្ចសហប្រតិបត្តិការរវាងសហគមន៍ធុរកិច្ចប្រទេសទាំងពីរ។

ឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុជា បានសង្កត់ធ្ងន់លើទំនាក់ទំនងសេដ្ឋកិច្ចជិតស្និទ្ធរវាងកម្ពុជា និងម៉ាឡេស៊ី ដោយកត់សម្គាល់ពីទំហំពាណិជ្ជកម្មដែលមានកំណើរខ្ពស់ និងការវិនិយោគរបស់ម៉ាឡេស៊ីនៅក្នុង វិស័យសំខាន់ៗនៅកម្ពុជា។ លោកឧកញ៉ា បានគូសបញ្ជាក់ពីកំណើនសេដ្ឋកិច្ចកម្ពុជា ដែលជំរុញដោយកម្លាំងពលកម្មវ័យក្មេង និងស្វាហាប់ បរិយាកាសវិនិយោគអំណោយផល និងគោលនយោបាយរដ្ឋាភិបាលជាយុទ្ធសាស្ត្រ ដោយមានចក្ខុវិស័យសម្រេចបានឋានៈជាប្រទេសមានប្រាក់ចំណូលខ្ពស់នៅឆ្នាំ ២០៥០។

លោក ដាទុក អឹង យី ភីង (Datuk Ng Yih Pyng) ប្រធានសភាពាណិជ្ជកម្មនិងឧស្សាហកម្មម៉ាឡេស៊ី បានសម្តែងនូវសុទិដ្ឋិនិយមចំពោះកិច្ចសហប្រតិបត្តិការនេះ និងបានបញ្ជាក់ថាគោលបំណងចម្បងនៃដំណើរទស្សនកិច្ចនេះ គឺដើម្បីស្វែងរកឱកាសសហប្រតិបត្តិការដែលមានសក្តានុពល និង ជំរុញព្រឹត្តិការណ៍ធុរកិច្ចក្នុងអាស៊ាន រួមមាន៖ សន្និសីទសហគ្រិនវ័យក្មេង ACCCIM លើកទី១៤ សន្និសីទកំពូលធុរកិច្ចអាស៊ាន AI និងសន្និសីទមេដឹកនាំធុរកិច្ចចិនអាស៊ាន ឆ្នាំ ២០២៥។

ជាលទ្ធផល កិច្ចពិភាក្សាបានបញ្ចប់ទៅប្រកបដោយផ្លែផ្កាក្នុងបរិយាកាសភាតរភាព។ ភាគីទាំងពីរបានជជែកពិភាក្សា និងស្វែងយល់បន្ថែមអំពីទិដ្ឋភាពពាណិជ្ជកម្ម និងឱកាសវិនិយោគររបស់ប្រទេសទាំងពីរ។ កិច្ចសហប្រតិបត្តិការរវាងសភាពាណិជ្ជកម្មកម្ពុជា និងសភាពាណិជ្ជកម្មនិងឧស្សាហកម្មចិនម៉ាឡេស៊ី នឹងជួយបង្កើតឱកាសថ្មីៗសម្រាប់ពាណិជ្ជកម្ម និងការវិនិយោគ ដែលរួមចំណែកដល់ការអភិវឌ្ឍសេដ្ឋកិច្ចនៃប្រទេសទាំងពីរ និងជំរុញទំនាក់ទំនងកាន់តែរឹងមាំរវាងសហគមន៍ធុរកិច្ចកម្ពុជា និងម៉ាឡេស៊ី៕

The post ឧកញ៉ា សុខ ពិសិដ្ឋ ជួបពិភាក្សាការងារជាមួយគណៈប្រតិភូសភាពាណិជ្ជកម្ម និងឧស្សាហកម្មចិនម៉ាឡេស៊ី appeared first on .

បើតាមក្រសួងពាណិជ្ជកម្មបានឱ្យដឹងថា កិច្ចប្រជុំនេះធ្វើឡើងដោយមានការអញ្ជើញចូលរួមពីលោកជំទាវ ចម និម្មល រដ្ឋមន្ត្រីក្រសួងពាណិជ្ចកម្ម និងជាសហប្រធានក្រុម «ឆ» និងឧកញ៉ាៗ លោក លោកស្រី ជាសមាជិកពីក្រសួង ស្ថាប័នពាក់ព័ន្ធ និងផ្នែកឯកជន។

កិច្ចប្រជុំនេះ ធ្វើឡើងដើម្បីពិនិត្យដោះស្រាយបញ្ហាប្រឈម និងកង្វល់នានារបស់វិស័យឯកជនដែលនៅសេសសល់ ក៏ដូចជាការគិតគូរសម្របសម្រួលបន្ថែមលើផ្នែកផលិតកម្មកែច្នៃសម្រាប់នាំចេញ និងកិច្ចសម្រួលពាណិជ្ជកម្ម ក្នុងការកាត់បន្ថយថ្លៃធ្វើធុរកិច្ច លើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។

បន្ថែមពីនោះ កិច្ចប្រជុំខាងលើក៏បានពិនិត្យ តាមដាន និងវាយតម្លៃអំពីវឌ្ឍនភាពការងាររបស់ក្រុម «ឆ» ស្របតាមភារកិច្ចដែលត្រូវបានប្រគល់ជូនដោយវេទិការាជរដ្ឋាភិបាល-ផ្នែកឯកជនលើកទី១៩ «សេចក្តីជូនដំណឹងលេខ ១២៧២ សជណ.អកទ ចុះថ្ងៃទី២២ ខែវិច្ឆិកា ឆ្នាំ២០២៣» ព្រមទាំងដើម្បីស្តាប់នូវមតិយោបល់ បញ្ហាប្រឈម និងសំណូមពរនាពេលថ្មីៗរបស់វិស័យឯកជនផងដែរ សំដៅដាក់ចេញនូវវិធានការមុតស្រួច និងជាក់ស្តែងឱ្យបានទាន់ពេលវេលា៕

The post ឧកញ៉ា សុខ ពិសិដ្ឋ ចូលរួមកិច្ចប្រជុំប្រចាំឆមាសទី១ ឆ្នាំ២០២៤ និងលើកទិសដៅបន្ដ របស់ក្រុមការងារផ្នែកផលិតកម្មកែច្នៃសម្រាប់នាំចេញ និងកិច្ចសម្រួលពាណិជ្ជកម្ម ក្រុមការងារ «ឆ» appeared first on .

តាមរយៈ​សេចក្តីសម្រេច​របស់​រាជរដ្ឋាភិបាល​នេះ​ សមាសភាព​គណៈកម្មាធិការផ្តល់យោបល់​លើគោលនយោបាយ​ពាណិជ្ជកម្ម ​​គឺ​​មាន​លោកបណ្ឌិតសភាចារ្យ សុក ស៊ីផាន់ណា ទេសរដ្ឋមន្ត្រី​ទទួល​បន្ទុក​បេសកកម្ម​ពិសេស ជា​ប្រធាន, លោក ស៊ីម សុខខេង រដ្ឋលេខាធិការក្រសួងពាណិជ្ជកម្ម អនុប្រធាន, លោក ឈាង វណ្ណារិទ្ធ រដ្ឋលេខាធិការ​ទីស្តីការ​គណៈរដ្ឋមន្ត្រី អនុប្រធាន​ប្រចាំការ និង​​សមាជិក​ចំនួន ២០​រូប​ រួម​ទាំង​ អ្នកឧកញ៉ា សៀ ឬទ្ធី និង​ឧកញ៉ា សុខ ពិសិដ្ឋ។

គួរបញ្ជាក់​ថា រាជរដ្ឋាភិបាលកម្ពុជា បាន​ចេញ​អនុក្រឹត្យ​បង្កើតគណៈកម្មាធិការ​ផ្តល់យោបល់លើ​គោលនយោបាយ​ពាណិជ្ជកម្ម (គ.ផ.គ.ព.) កាល​ថ្ងៃទី១៩ ខែកុម្ភៈ ឆ្នាំ២០២៤។ គណៈកម្មាធិការ​នេះ ជាសេនាធិការ​របស់​រាជរដ្ឋាភិបាល​សម្រាប់​ផ្តល់យោបល់​អំពី​ការ​រៀបចំ​និងការ​អនុវត្ត​គោលនយោបាយ​ពាណិជ្ជកម្ម​ ដើម្បី​ធានាប្រសិទ្ធភាព និង​ស័ក្តិសិទ្ធភាព​នៃ​ការ​អនុវត្ត​គោលនយោបាយ​ទាំង​នោះ ជាពិសេស​ការ​បង្កើន​ការ​នាំចេញ​ទៅ​កាន់​ទីផ្សារ​ឬ​ដៃគូ​ពាណិជ្ជកម្ម​សក្តានុពល តាមរយៈ​ការ​ពង្រឹង​សមត្ថភាព​ផលិតកម្ម​នៃ​ឧស្សាហកម្ម​ក្នុងស្រុក ឱ្យស្រប​តាម​លក្ខខណ្ឌ​ទីផ្សារ​នីមួយៗ៕

The post សម្តេចធិបតី ចេញសេចក្តីសម្រេចតែងតាំង អ្នកឧកញ៉ា សៀ ឬទ្ធី និងឧកញ៉ា សុខ ពិសិដ្ឋ ជាសមាជិកគណៈកម្មាធិការផ្តល់យោបល់លើគោលនយោបាយពាណិជ្ជកម្ម appeared first on .

តាមសេចក្ដីប្រកាសនេះ សមាសភាពក្រុមប្រឹក្សាបរធនបាល មានចំនួន១០រូប ដឹកនាំដោយ លោក ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ជាប្រធាន។ ដោយឡែកឧកញ៉ា ដែលមានឈ្មោះក្នុងបញ្ជីសមាសភាព ក្រុមប្រឹក្សាបរធនបាល មានឧកញ៉ា សុខ ពិសិដ្ឋ ប្រធានសហព័ន្ធនិយោជក និងសមាគមពាណិជ្ជកម្មកម្ពុជា, ឧកញ៉ា លូ ម៉េង ប្រធានសហព័ន្ធទេសចរណ៍កម្ពុជា ជាសមាជិក។

មូលនិធិអភិវឌ្ឍន៍ជំនាញ បង្កើតឡើងដើម្បីកៀរគរធនធាន សម្រាប់ផ្តល់ហិរញ្ញប្បទានគាំទ្រដល់ការអភិវឌ្ឍជំនាញ ដែលឆ្លើយតបទៅនឹងតម្រូវការវិស័យឯកជន ប្រកបដោយប្រសិទ្ធភាព និងចីរភាព តាមរយៈការកំណត់អំពីលក្ខខណ្ឌ បែបបទ នីតិវិធី យន្តការ ក្នុងការគ្រប់គ្រង ការរៀបចំ និងការប្រព្រឹត្ត។

សូមជម្រាបជូនថា ក្រុមប្រឹក្សាបរធនបាល នៃមូលនិធិអភិវឌ្ឍន៍ជំនាញ មានតួនាទី សិទ្ធិ និងអំណាច ដូចជា៖ ដាក់ចេញ ទិសដៅ និងក្របខណ្ឌយុទ្ធសាស្ត្រឆ្លើយតបនឹងគោលបំណង, អនុម័តលើផែនការថវិកាប្រចាំឆ្នាំ របាយការណ៍ហិរញ្ញវត្ថុ និងបទបញ្ជាផ្ទៃក្នុង, កៀរគរធនធានហិរញ្ញវត្ថុ ដើម្បីបម្រើដល់គោលបំណងរបស់ខ្លួន។

ទន្ទឹមនឹងនោះ មូលនិធិនេះ ក៏មានសិទ្ធិស្នើកែសម្រួលរចនាសម្ព័ន្ធនៃអង្គភាពប្រតិបត្តិតាមការចាំបាច់, និងកំណត់នូវ ស្តង់ដា ប្រតិបត្តិ និងនីតិវិធីរដ្ឋបាល និងហិរញ្ញវត្ថុចាំបាច់នានាពាក់ព័ន្ធនឹងការគ្រប់គ្រង និងដំណើរការ ដើម្បីធានាឱ្យបាននូវ យន្តការ ប្រតិតុល្យភាពគ្រប់គ្រង និងស្វ័យភាពរដ្ឋបាល និងស្វ័យភាពហិរញ្ញវត្ថុផងដែរ៕

The post ឧកញ៉ា ២រូប មានឈ្មោះក្នុងបញ្ជីសមាសភាពក្រុមប្រឹក្សាបរធនបាលនៃមូលនិធិអភិវឌ្ឍន៍ជំនាញ appeared first on .