ព្រះរាជទានត្រាស់បង្គាប់ផ្តល់គោរមងារ «អ្នកឧកញ៉ា» ជាសក្ខីភាពឆ្លុះបង្ហាញអំពីកិច្ចខិតខំប្រឹងប្រែង ទាំងកម្លាំងកាយ និងចិត្ត ដោយមិនខ្លាចនឿយហត់របស់អ្នកឧកញ៉ា សួរ វីរៈ ក្នុងបុព្វហេតុដើម្បីជួយសង្គមជាតិ និងចូលរួមចំណែក ដល់ការអភិវឌ្ឍសេដ្ឋកិច្ច ប្រទេសជាតិ ឱ្យកាន់តែរីកចម្រើន។ ការប្រទាននេះពិតជាស័ក្តិសម និងផ្ដល់កិត្តិយសដ៏ឧត្តុង្គឧត្តមសម្រាប់អ្នកឧកញ៉ា និងក្រុមគ្រួសារ។

យើងខ្ញុំសូមបួងសួងដល់វត្ថុស័ក្ដិសិទ្ធិទាំងអស់ ក្នុងលោកតាមជួយប្រោះព្រំប្រសិទ្ធពរជ័យជូនអ្នកឧកញ៉ា សួរ វីរៈ និងក្រុមគ្រួសារ សូមជួបប្រទះតែសេចក្ដីសុខ សុភមង្គល និងប្រកបដោយពុទ្ធពរទាំង ៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

The post អ្នកឧកញ៉ា លី យ៉ុងផាត់ និងសមាជិកសមាជិកាទាំងអស់ផ្ញើសារអបអរសាទរជូនឧកញ៉ា សួរ វីរៈ ដែលព្រះមហាក្សត្ រផ្តល់គោរមងារ «អ្នកឧកញ៉ា» appeared first on .

​​ចេស្តា ​​បាន​បញ្ចប់​ការ​សិក្សា​ថ្នាក់ទី១២ ​​ពី​សាលា​ល្បី​មួយ​នៅ​កម្ពុជា​គឺ Singapore Cambodia International Academy – SCIA កាល​ពី​ពេល​ថ្មីៗ​កន្លង​ទៅ​នេះ។ បេសកកម្ម​បន្ត​ របស់​យុវជន​បន្ត​វេន​រូប​នេះ ​​នឹង​​​ត្រូវ​សិក្សា​ថ្នាក់​បរិញ្ញាបត្រ​ នៅ​ប្រទេស​អូស្ត្រាលី លើ​ជំនាញគ្រប់គ្រងពាណិជ្ជកម្ម ដែល​ជា​ជំនាញ​មួយ ​​អាច​នឹង​ជួយ​ក្រុមហ៊ុន​របស់​ឪពុក​ខ្លួន ឬ​អាច​​ក្លាយ​ជា​អ្នក​គ្រប់គ្រង​ក្រុមហ៊ុន​របស់​ឪពុក​ នា​ពេល​អនាគត។ នេះបើការបញ្ជាក់ពីលោកឧកញ៉ា សួរ វីរៈ ប្រាប់ឧកញ៉ាញូស៍។

លោក​ឧកញ៉ា សួរ វីរៈ ​​បាន​បង្ហោះសារ​លើ​បណ្តាញ​សង្គម​ហ្វេសប៊ុក នៅ​​ថ្ងៃ​អង្គារ​នេះ​​យ៉ាង​ដូច្នេះ​ថា៖ “ជូនពរ Jesda ​ក្នុងដំណើរឆ្ពោះទៅក្រេប​យកចំណេះដឹង និងបទពិសោធន៏​ថ្មី​ក្នុងទឹកដី​បរទេស ប្រកបដោយសុវត្ថិភាព និងភាពជោគជ័យ។ ហើយបន្តបេសកកម្មជាថ្នាក់ដឹកនាំ​ក្នុងសកម្មភាព​ចូលរួមអភិវឌ្ឍន៍​ក្រុមហ៊ុន ស្តាប័ន និង​សង្គម ប្រកបដោយគុណធម៌ សច្ច:ធម៌ និងការទទួលខុសត្រូវខ្ពស់។ We all wish you”។

សូម​ជម្រាប​ថា លោកឧកញ៉ា សួរ វីរៈ ជា​ម្ចាស់​ក្រុមហ៊ុន វិរៈប៊ុនថាំ អេចប្រេស ដែល​បច្ចុប្បន្ន​បាន​ពង្រីក​ខ្លួន​ឡើង​ដល់ ៨៥១ សាខា នៅទូទាំងប្រទេសកម្ពុជា​ ថៃ និង​វៀតណាម។ លោកឧកញ៉ា ក៏​ជា​ម្ចាស់​ រីសត ជា​ច្រើន​កន្លែង​ទៀត​ដូចជា៖ កោះស្តេច រីសត, កោះអភិជន រីសត, ភីដូម៉ា រីសត (Pidoma Resort), រំដួល​គិរីរម្យ រីសត, ឧទ្យាន​បោះតង់, Sarasea រីសត, Tube រីសត, Sandy Beach Bungglows, Bodega រីសត និង​ Eden Beach រីសត ផងដែរ៕

The post កូនប្រុសច្បងឧកញ៉ា សួរ វីរៈ ចេញទៅបន្តការសិក្សានៅប្រទេសអូស្ត្រាលី appeared first on .

លោកឧកញ៉ា ​​បាន​បង្ហើប​ឱ្យ​ដឹង​នូវ​គោលការណ៍​ចំនួន​៥នោះ រួម​មាន៖ ១)ការតាំងចិត្តធ្វើជា​អ្នកជំនួញពិត​ប្រាកដ ២)ស្គាល់ច្បាស់ពីអាជីវកម្មខ្លួនឯងកំពុងធ្វើ ៣)ការតាំងចិត្ត និងការលះបង់ខ្ពស់ ៤)ការជំរុញ និងលើកទឹកចិត្ត និង ៥)ការ​ធ្វើផែនការអាជីវកម្មច្បាស់លាស់។

លោកឧកញ៉ា បាន​សង្កត់​ធ្ងន់​ទៀត​​នូវធនធានសំខាន់បំផុតចំនួន ៣ ដែលសហគ្រិនគួរ​ចេះប្រើប្រាស់​ឱ្យបានប្រុង​ប្រយ័ត្ន ហ្មត់ចត់ និងប្រកបដោយប្រសិទ្ធភាពបំផុត រួមមាន៖ “ធនធានមនុស្ស ធនធានហិរញ្ញវត្ថុ និងធនធាន​ពេលវេលា”។ ធនធានទាំង៣នេះ មេដឹកនាំគប្បីត្រូវចេះប្រើវាដោយសន្សំសំចៃខ្ពស់ ប្រើឱ្យចំគោលដៅបំផុត។ មួយ​វិញទៀត ក្នុងការចាប់ផ្ដើមអាជីវកម្មដំបូង បើសិនជាអាចមេដឹកនាំគប្បីត្រូវចេះជំនាញច្រើន និងអាចធ្វើរឿង​ច្រើនយ៉ាងបានល្អបំផុត ទើបជារឿងប្រសើរ។

សូម​ជម្រាប​ថា លោកឧកញ៉ា សួរ វីរៈ អគ្គនាយកក្រុមហ៊ុន វីរៈប៊ុនថាំ អេចប្រេស ក៏ជាម្ចាស់រីសត កោះស្តេចរីសត និង ភីដូម៉ា រីសត (Pidoma Resort) ផង​ដែរ។ កោះស្តេចរីសត ជាតំបន់រមណីយដ្ឋាន លក្ខណៈឯកជន​ដំបូង​គេ​បង្អស់​​នៅ​លើ​កោះ​ឆ្នេរដូង ស្ថិត​នៅភូមិ​កោះស្តេច ឃុំកោះស្តេច ស្រុកគីរីសាគរ ខេត្តកោះកុង។ រីឯ ភីដូម៉ា រីសត ​មាន​ទីតាំង​​នៅ​តំបន់​ដាក់ដាំ ​ខេត្ត​មណ្ឌលគិរី តំបន់រមណីយ​ដ្ឋាន​មួយ​នេះ​ ពិត​ជា​ស័ក្តិសម​សម្រាប់​បងប្អូន​ដែល​​ចង់​ធ្វើ​ដំណើរ​កម្សាន្ត​ទៅ​កាន់​ខេត្ត​មណ្ឌលគិរី និង​ចង់​បាន​បទពិសោធន៍​ថ្មី​លក្ខណៈ​បែប​ធម្មជាតិ និង​ការ​ស្នាក់​នៅ​បែប​ទំនើប ជាមួយ​នឹង​បន្ទប់​ឯកជន លក្ខណៈ​គ្រួសារ ឬ​លក្ខណៈ​គូស្នេហ៍៕

The post ឧកញ៉ា សួរ វីរៈ បង្ហើបប្រាប់គោលការណ៍រកស៊ី ៥ចំណុច ទើបអាចពង្រីកក្រុមហ៊ុន វីរៈប៊ុនថាំ ដល់ ៨៥១សាខា appeared first on .

កោះស្តេច រីសត ជាតំបន់រមណីយដ្ឋាន លក្ខណៈឯកជន​ដំបូង​គេ​បង្អស់​​នៅ​លើ​កោះ​ឆ្នេរដូង ស្ថិត​នៅភូមិ​កោះស្តេច ឃុំកោះស្តេច ស្រុកគីរីសាគរ ខេត្តកោះកុង។ កោះស្តេច រីសត ​​បាន​បើក​ដំណើរ​ការ​ កាលពី​ចុង​ឆ្នាំ​២០២១ ខណៈ​ដែល​​​កំពង់ផែ​ផ្ទាល់ខ្លួន សម្រាប់​ភ្ញៀវ​​ចូល​ដើរ​កម្សាន្ត​ដោយ​ថ្មើជើង ​​អាច​គយគន់​ទេសភាព​កោះ​​ដ៏​ស្រស់ស្អាត​ ទើប​តែ​​សាងសង់​រួចរាល់ នៅ​ឆ្នាំ២០២៣​នេះ និង​ជួយ​បង្កើន​ទស្សនីយភាព​ កាន់​តែ​អស្ចារ្យ​បន្ថែម​ទៀត។

លក្ខណៈពិសេស​របស់ កោះស្តេច រីសត ​គឺ​ធ្វើ​ឱ្យ​​​ភ្ញៀវ​ទេសចរណ៍ ​​មាន​អារម្មណ៍​ស្រស់ស្រាយ ​​និង​រូមែនទិក ​​ជាមួយ​នឹង​ទេសភាព​ដ៏​ស្រស់​ត្រកាល​នៃ​កោះ ឆ្នេរសមុទ្រ កន្លែងគេង ទស្សនា​ទេសភាព​ព្រៃភ្នំ លេង​ហែលទឹក ​​ដើរ​កម្សាន្ត​តាម​ឆ្នេរ ជិះទូក ស្ទូចត្រី គយគន់​ថ្ងៃ​រះ និង​គយគន់ថ្ងៃលិច រួម​ទាំង​មាន​សកម្មភាព​សប្បាយៗ​ជា​ច្រើន​ទៀត។

សាកសួរព័ត៌មានបន្ថែមអំពីតម្លៃបន្ទប់ ឬកក់បន្ទប់តាមលេខទូរស័ព្ទ៖
-012 577 875 ( Cellcard )
-081 577 875 ( Smart )
-Telegram link : https://t.me/KohSdechResort
-ទីតាំងរីសត ៖ https://bit.ly/3Fdr07l ។

The post កំពង់ផែកោះស្តេចរីសត របស់ឧកញ៉ា សួរ វីរៈ ចាប់បើកឱ្យភ្ញៀវចូលទស្សនាទេសភាពជុំវិញកោះទាំងមូល appeared first on .

វិស័យទេសចរណ៍ បដិសណ្ឋារកិច្ច ហេដ្ឋារចនាសម្ព័ន្ធ បរិស្ថាន ការអប់រំ និងសាសនា រួមទាំងសេដ្ឋកិច្ចប្រជាជននៅលើ កោះស្ដេច កំពុងស្រូបយកផលប្រយោជន៍ដោយផ្ទាល់ ពីសកម្មភាពនៃការចូលរួមវិនិយោគពូនផ្ដុំ បង្កើតរីសតលំដាប់ផ្កាយ៥ សណ្ឋាគារ និងកន្លែងស្នាក់នៅយ៉ាងសម្បូរបែប ត្រៀមស្វាគមន៍ភ្ញៀវទេសចរមកកម្សាន្តពីគ្រប់ទិសទី។

តើកោះស្ដេចពីមុន និងកោះស្ដេច ឥឡូវខុសគ្នាដូចម្ដេច? ហើយថាតើ លោកឧកញ៉ា សួរ វីរៈ បាននិងកំពុងដាក់ជី ស្រោចទឹក មើលថែទាំបុប្ផាកោះស្ដេចដូចម្ដេចខ្លះ ទម្រាំបង្កើតបានវឌ្ឍនៈភាពសឹងគ្រប់វិស័យ នៅលើកោះទេសចរណ៍នាដែនសមុទ្រខ្មែរមួយនេះ?

ដើម្បីជ្រាបច្បាស់ពីសក្ដានុពលទេសចរណ៍លើកោះស្ដេច សូមអញ្ជើញទស្សនា វីដេអូសម្ភាសន៍ពិសេស ជាមួយក្រុមការងារនៃកម្មវិធី “សេដ្ឋី និងជំនួញ” ដូចតទៅ៖

The post ឧកញ៉ា សួរ វីរៈ បង្កើតវឌ្ឍនៈភាពចម្រុះពណ៌លើកោះស្ដេច ប្រៀបដូចបុប្ផាត្រូវទឹកសន្សើមនាព្រឹកព្រលឹម appeared first on .

ស្ថាបនិក​ឧទ្យានបោះតង់ (រំដួលគីរីរម្យ រីស៊ត) ​​នៅ​លើ​ឧទ្យានជាតិ​គិរីរម្យ​​រូប​នេះ ​​បាន​បង្ហោះ​រូបភាព​ និង​សារ​ កាល​ពី​​ថ្ងៃ​ព្រហស្បតិ៍​ម្សិល​មិញ​​យ៉ាង​ដូច្នេះ​ថា៖ “កាន់តែថ្មី ហើយប្លែក! រំដួលគីរីរម្យ រីស៊ត សម្រស់មិនចាញ់​ប្រទេស​ជិតខាងយើងឡើយ។ ធ្វើដំណើរឆ្លងសមុទ្រ ឡើងភ្នំ មិនមែន ដើម្បីតែបេះដូងខ្លួនឯងនោះឡើយ តែជា​ការចូលរួមចំណែកក្នុងការអភិវឌ្ឍ​វិស័យទេសចរណ៍​ក្នុងស្រុក ដើម្បីកាត់បន្ថយភាពក្រីក្រ និងការចំណាក​ស្រុក​របស់ប្រជាពលរដ្ធ។ ជាពិសេសដើម្បីទាក់ទងភ្ញៀវទេសចរជាតិ និងអន្តរជាតិ ឱ្យ​កាន់តែបានស្គាល់​ពីសក្តានុពល​ទេសចររបស់ប្រទេសកម្ពុជា”។

សូម​ជម្រាប​ថា ក្នុង​ឱកាស​បុណ្យ​ចូលឆ្នាំថ្មី ប្រពៃណីជាតិ​ខ្មែរ​នេះ ឧទ្យានបោះតង់ (CampingPark) ​​ក៏​មាន​សកម្មភាព​លេងល្បែងប្រជាប្រិយ និង​សង្រ្កាន្តភ្នំ យ៉ាង​សប្បាយ​ផង​ដែរ។ ឧទ្យានបោះតង់ មានបន្ទប់​ទឹកក្ដៅ/​ត្រជាក់ និងបង្គន់អនាម័យ, Wifi មានល្បឿនលឿនភ្ជាប់ដោយសេរី ២៤ម៉ោង, ភោជនីយដ្ឋាន​មានលក់អាហារ​បីពេល និង​ហាងកាហ្វេ ក៏ដូចជាមីនីម៉ាត។

ទំនាក់ទំនងសម្រាប់សាកសួរព័ត៌មានបន្ថែម ឬកក់ជាមួយនឹងកន្លែងបោះតង់ទុកមុន៖ 078 600 012 /
068 600 012 ។
ទីតាំង Google Map : https://bit.ly/3xmBr6v ៕

The post ឧកញ៉ា សួរ វីរៈ ៖ ការអភិវឌ្ឍវិស័យទេសចរណ៍ក្នុងស្រុក ជួយកាត់បន្ថយភាពក្រីក្រ និងការចំណាកស្រុក appeared first on .

App កម្មវិធី VET EXPRESS ក្រុមហ៊ុន វីរៈ ប៊ុនថាំ អេចប្រេស របស់​ឧកញ៉ា សួរ វីរៈ ​​បានដាក់​ឱ្យដំណើរការ​ ជូនអតិថិជនកាលពី​ថ្ងៃទី​១៧ ខែ​តុលា ឆ្នាំ២០២២។ កម្មវិធីឌីជីថលជា​លើក​ដំបូង​នៅកម្ពុជានេះ អនុញ្ញាតឱ្យអតិថិជនអាច៖ កក់សំបុត្ររថយន្តតាមទូរស័ព្ទដៃបាន កក់សំបុត្រទូក កក់សំបុត្ររថយន្ត VET Air Bus, តាមដានព័ត៌មានបញ្ជើអុីវ៉ាន់ ផ្ញើ​បញ្ញើ​អុីវ៉ាន់ដោយ​ខ្លួន​ឯង​ ​​កក់ការដឹកជញ្ជូនដល់ផ្ទះ រួមទាំងសេវាកម្មជួលរថយន្តបាន យ៉ាង​ងាយស្រួល និងចំណេញ​ពេល​វេលាបំផុត។

អតិថិជនដែលជាអ្នកប្រើប្រាស់ អាច​ទាញ​យក កម្មវិធី VET EXPRESS ​បាន​នៅ​លើ​​​ទូរសព្ទ​ដៃ​ ទាំង​ប្រព័ន្ធ​ iOS និង​ Andriod ។ ​ក្រុមហ៊ុន​ វិរៈ ប៊ុនថាំ អេចប្រេស ជា​ក្រុមហ៊ុន​ដឹក​ជញ្ជូន​ និង​បញ្ញើ​ឈាន​មុខ​គេ​មួយ​នៅ​ប្រទេស​កម្ពុជា ដែល​អាច​ធ្វើ​ដំណើរ ឬ​​ផ្ញើ​​ទំនិញ​ ទៅ​កាន់​ប្រទេសថៃ និង​វៀតណាម​បាន។

-សម្រាប់ប្រព័ន្ធប្រតិបត្តិការ IOS: https://apple.co/2GG57Vq

-សម្រាប់ប្រព័ន្ធប្រតិបត្តិការ GooglePlay: https://bit.ly/2IhMiZ8 

វេបសាយសម្រាប់កក់ : www.vireakbuntham.com

ទំនាក់ទំនង សម្រាប់ព័ត៌មានបន្ថែម៖​​ 081 911 911

The post ចូល App កម្មវិធី VET Express វីរៈ ប៊ុនថាំ កក់សំបុត្រឡានឱ្យហើយទៅទាន់ក្រុមហ៊ុន មានប្រូម៉ូសិនពិសេសមុនចូលឆ្នាំខ្មែរ appeared first on .

ឧកញ៉ា វ័យក្មេង ដែលកំពុងរួមចំណែកជួយលើកស្ទួយ វិស័យឧស្សាហកម្មគ្មានផ្សែង នៅប្រទេសកម្ពុជាដដែលរូបនេះ បានអះអាងពីមហិច្ឆិតារបស់ខ្លួនថា៖ “ធ្លាប់តែសុបិន្ត តែឆ្នាំនេះ ខ្ញុំនឹងធ្វើអាងទឹកដែលវែងជាងគេបំផុតនៅកម្ពុជា បងប្អូន សាកទាយមើលថានៅ ខេត្តណា? តំបន់ណា?”។

ថ្លែងប្រាប់ Oknha News ដោយផ្ទាល់ ឧកញ៉ា សួរ វីរៈ ថា គំនិតច្នៃប្រឌិតបង្កើតអ្វីដែលថ្មីនេះឡើង គឺដោយសារតែលោកឧកញ៉ា មើលឃើញថា វិស័យទេសចរណ៍ក្នុងស្រុកនៅកម្ពុជាយើងរាល់ថ្ងៃនេះ ហាក់នៅមិនទាន់មានសភាពល្អប្រសើរដូចពីមុននៅឡើយទេ។ ភ្ញៀវទេសចរភាគច្រើន យើងទទួលបានតែភ្ញៀវក្នុងស្រុកទេ ហេតុដូច្នេះ លោកនឹងបន្តរិះរកវិធីកែខៃអ្វីដែលថ្មីៗបន្ថែមទៀត ដើម្បីរួមចំណែកជំរុញវិស័យទេសចរណ៍របស់ប្រទេសឱ្យកាន់តែទាក់ទាញ ទាំងភ្ញៀវជាតិ និងភ្ញៀវអន្តរជាតិ។

ជុំវិញគម្រោងសាងសង់អាងហែលទឹកវែងជាងគេនៅកម្ពុជានេះដែរ ម្ចាស់គម្រោងរីសតទាំងជាង ១០កន្លែង រូបនេះ ពន្យល់បន្ថែមថា៖ “គម្រោងរៀបចំអាងទឹកដ៏វែង ដែលខ្ញុំគ្រោងនឹងរៀបចំក្នុងឆ្នាំនេះ គឺអាចនៅក្នុងរីសតណាមួយ ជាប់នឹងមាត់សមុទ្រ ហើយចំពោះប្រវែងអាងអាចដល់ជិត ២០០ម៉ែត្រ។ ហើយអាងទឹកនេះ អាចចុះហែលលេងបានទាំងភ្ញៀវចាស់ និងក្មេង ជាពិសេស ភ្ញៀវអញ្ជើញទៅកម្សាន្ត ពួកគាត់ នឹងទទួលបានអារម្មណ៍ថាប្លែកខុសពីធម្មតា និងមិនធ្លាប់មានពីមុនមកនៅកម្ពុជា”។

គួរបញ្ជាក់ថា ក្រៅពីជាប់ឈ្មោះជា សហគ្រិនឆ្នើម បង្កើតក្រុមហ៊ុន វីរៈ ប៊ុនថាំ អេចប្រេស ផ្ដល់សេវាកម្មដឹកជញ្ជូនអ្នកដំណើរ និងទទួូលបញ្ញើរអុីវ៉ាន់ ទាំងក្នុង និងក្រៅប្រទេសកម្ពុជា អតីតកូនអ្នកខេត្តកំពង់ធំ ឧកញ៉ា សួរ វីរៈ ក៏កំពុងតែវិនិយោគ លើគម្រោងសាងសង់រមណីយដ្ឋានលម្ហែ សណ្ឋាគារនៅតាមបណ្ដាខេត្តនានា សេវាកម្មកាប៉ាល់ទំនើបជូនភ្ញៀវទៅលេងតាមកោះ និងតាមបណ្ដាកោះទេសចរណ៍សក្ដានុពលនានា ក្នុងប្រទេសកម្ពុជាផងដែរ។ ក្នុងនោះ រួមមានដូចជា៖

១. កោះរ៉ុងសន្លឹម មានរីស៊តដូចជា៖ Sara resort,Eden Beach resort,Tube resort,Bodega resort,Sandy beach resort

២. កោះស្តេច មានរីស៊ត ដូចជា៖ Koh sdach Resort, Akpijun Resort

៣. កោះកុង មានសណ្ឋាគារឈ្មោះ Apex Koh Kong Hotel

៤. នៅខេត្តមណ្ឌលគីរី មានរីស៊តមួយ ឈ្មោះថា Pidoma Resort

៥. នៅគីរីរម្យ មានរីស៊តឈ្មោះ ឧទ្យានបោះតង់ Camping park និង Romdoul Resort

ទន្ទឹមនឹងការប្រកាសឱ្យអ្នកតាមដាន នៅតាមបណ្ដាញសង្គមទាយសាកល្បង ថាតើគោលដៅទីតាំងរមណីយដ្ឋាន របស់ខ្លួនមួយណា ដែលត្រៀមនឹងលេចរូបរាង គម្រោងអាងហែលទឹកកម្សាន្តវែងជាងគេក្នុងប្រទេសកម្ពុជានេះដែរ អគ្គនាយកក្រុមហ៊ុន វីរៈ ប៊ុនថាំ រូបនេះក៏បាន សាកល្បងឱ្យអ្នកគាំទ្រទស្សទាយយករង្វាន់ផងដែរ។ ក្នុងនោះ ឧកញ៉ា សួរ វីរៈ ប្រកាសថា ប្រាក់រង្វាន់អ្នកទាយត្រូវ នឹងទទួលបានការស្នាក់នៅរីស៊តហ្វ្រី រយ:ពេល ២យប់តាមការចូលចិត្ត និងប្រាក់បន្ថែមចំនួន ១០០$ ថែមទៀតផង។

សូមបញ្ជាក់៖ អ្នកចូលរួម អាចទាយបានតែម្តងទេ ហើយអ្នកឈ្នះនឹងជ្រើសរើស តែ ៣នាក់ ប៉ុណ្ណោះ។ ចំពោះលទ្ធផល ក៏អត់ទុកឱ្យអ្នកទស្សន៍ទាយអន្ទះសារងចាំយូរ នាំជូរផ្អូមដែរ គឺផេកហ្វេសប៊ុកផ្ទាល់របស់លោក Oknha Sou Vireak នឹងប្រកាសលទ្ធផលឱ្យហ្វេនៗដឹង ក្នុងថ្ងៃទី០៨ មីនា ចំថ្ងៃពិសេសនៃ “ទិវាសិទ្ធិនារីអន្តរជាតិ” នេះតែម្ដង៕

The post ឧកញ៉ា សួរ វីរៈ ប្ដេជ្ញាសម្រេចក្ដីសុបិន្ត សាងសង់អាងទឹកកម្សាន្តវែងជាគេបំផុតនៅកម្ពុជា ក្នុងឆ្នាំ២០២៣ នេះឱ្យបាន appeared first on .

លោកឧកញ៉ាអគ្គនាយក ដែល​ជា​និច្ចកាល​តែង​តែ​ចែក​រំលែក​នូវ​ទស្សនៈ​ល្អៗ និង​តែង​មាន​គំនិត​សុទិដ្ឋិនិយម​រូប​នេះ ​​បាន​លើក​ឡើង​លើ​ទំព័រ​ហ្វេសប៊ុក​របស់​លោក កាលពី​​​ថ្ងៃទី​០១ ខែមីនា ឆ្នាំ២០២៣​​ យ៉ាង​ដូច្នេះ​ថា ភាព​ជោគជ័យ​ប្រកបដោយក្តីសុខ គឺការរស់នៅដោយសាមញ្ញ មិនឈ្លក់វង្វែងនឹងអំណាច ហើយក៏កុំសម្ភារ:និយម។

គួរ​បញ្ជាក់​ថា បច្ចុប្បន្ននេះលោកឧកញ៉ា សួរ វីរៈ មានមុខជំនួញជាច្រើនក្នុងដៃ​លើវិស័យអចលនទ្រព្យ ទេសចរណ៍ បដិសណ្ឋារកិច្ច និងភេសជ្ជៈជាដើម។ ថ្មីៗ នេះលោកក៏បានបង្កើតផ្សារអេឡិចត្រូនិច VTENH ដែលជាផ្សារលក់ទំនិញតាម Onlineទំនើបផងដែរ ​​ហើយ​លោក​ឧកញ៉ា ត្រូវ​បាន​គេ​យល់​ឃើញ​ថា ជា​បុគ្គល​មួយ​រូប​​​ចូល​ចិត្ត​ជីវិត​បែប​សាមញ្ញ ព្រម​ទាំង​​​ស្រឡាញ់​វប្បធម៌​ចែក​រំលែក​ជួយ​ដល់​អ្នកក្រខ្សត់ និង​ជួយ​ដល់​សង្គម។

ជាក់ស្តែង កាលពី​ដើម​ខែ​តុលា ឆ្នាំ២០២២ ក្នុង​ឱកាស​ខួប​កំណើត​របស់​ខ្លួន​ លោក​ឧកញ៉ា​ សួរ វីរៈ ​បាន​បរិច្ចាគ​ថវិកា​ប្រមាណ ៨១​លាន​រៀល ជូន​ដល់​មន្ទីរ​ពេទ្យ គន្ធបុប្ផា ដើម្បី​រួម​ចំណែក​ជួយ​សង្គ្រោះ​កុមារ​ទាំង​អស់ ​ដែល​កំពុង​​​ត្រូវការ​ព្យាបាល​ជំងឺ​ផ្សេងៗ៕
​​

The post ឧកញ៉ា សួរ វីរៈ ៖ ភាពជោគជ័យប្រកបដោយក្តីសុខ គឺការរស់នៅដោយសាមញ្ញ appeared first on .

ខេត្តព្រះសីហនុ ទទួលបានចាប់អារម្មណ៍យ៉ាងខ្លាំងពីក្រុមវិនិយោគិនចិនកាលអំឡុងពេលមុនវិបត្តិកូវីដ១៩ យ៉ាងណាក្រោយជួបវិបត្តិសកលនេះខេត្តមួយនេះ ហាក់មានសភាពស្ងប់ស្ងាត់វិញដោយសារជនជាតិចិនទាំងនោះបានវិលត្រឡប់ទៅស្រុកកំណើត រហូតបណ្តាឲ្យអាគាររាប់ពាន់អគារត្រូវបានជាប់គាំង។ គិតមកដល់ពេលបច្ចុប្បន្នរាជរដ្ឋាភិបាល និងសាម៉ីខេត្តផ្ទាល់ក៏បានព្យាយាមសម្របសម្រួលនីតិវិធីដើម្បីទាក់ទាញវិនិយោគិនចិនត្រឡប់មកវិញធ្វើការអភិវឌ្ឍនបន្ត។

យ៉ាងណា ខេត្តដែលកំពុងសម្រួចចក្ខុវិស័យក្នុងការប្រែក្លាយឱ្យទៅជាតំបន់សេដ្ឋកិច្ចពិសេសគំរូពហុបំណង ដើម្បីឈានឱ្យក្លាយជាក្បាលម៉ាស៊ីនថ្មីមួយ សម្រាប់ជំរុញកំណើនសេដ្ឋកិច្ចជាតិមួយនេះ ក៏មានការវិនិយោគិនក្នុងស្រុកជាច្រើនរូបផងដែរ លើវិស័យអចលនទ្រព្យ តំបន់សេដ្ឋកិច្ចពិសេស ទេសចរណ៍ បដិសណ្ឋារកិច្ច គមនាគមន៍ ជាដើម។

ខាងក្រោមនេះ សូមបង្ហាញឧកញ៉ា អ្នកឧកញ៉ាដែលកំពុងមានលេចធ្លោរលើមុខជំនួញក្នុងខេត្តព្រះសីហនុ ដូចទៅ៖

១/ ឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស និងមានបុត្រសម្ព័ន្ធជាច្រើនក្នុងវិស័យបដិសណ្ឋារកិច្ច ទេសចរណ៍។ មុខជំនួញក្នុងខេត្តព្រះសីហនុ លោកឧកញ៉ាមានតំបន់កម្សាន្ត (រីសត់) ជាច្រើនកន្លែង ហើយក៏មានរថយន្តទំនើប និងទូកល្បឿនលឿនដឹកញ្ជូនភ្ញៀវទេសចរណ៍ផងដែរ។

២/ ឧកញ៉ា ទៀ វិចិត្រ អគ្គនាយកក្រុមហ៊ុនទូកល្បឿនលឿន GTVC Speedboat Cambodia និងមានមុខជំនួញក្នុងវិស័យ ទេសចរណ៍ បដិណ្ឋារកិច្ច ភេសជ្ជៈ ប្រេងឥន្ទនៈ និងអចលនទ្រព្យ ស្ថិតនៅក្នុងខេត្តព្រះសីហនុ។

៣/ ឧកញ៉ា រតនៈ សម្បត្តិ ប្រធានក្រុមហ៊ុន Kong Pong Devaresort, The Rich Resort, ក្រុមហ៊ុន ក្រោន អីស្ទេត ខូអិលធីឌី  និងភោជនីយដ្ឋានម្លប់ជ្រៃប៉ោកី ខេត្តព្រះសីហនុ។

៤/ អ្នកឧកញ៉ា ម៉ុង ឫទ្ធី អគ្គនាយក​ក្រុមហ៊ុន​ ម៉ុងឫទ្ធីគ្រុប ដែលជាក្រុមហ៊ុន​កសិ-ឧស្សាហកម្ម​ធំ​បំផុត​​​នៅ​ក្នុងប្រទេសកម្ពុជា។ លោកកំពុងឈរជើងយ៉ាងរឹងមាំវិនិយោគក្នុងទឹកដីខេត្តព្រះសីហនុ។

៥/ អ្នកឧកញ៉ា សុខ គង់ អគ្គនាយកក្រុមហ៊ុន សូគីម៉ិច គ្រុប និងជាម្ចាស់សណ្ឋាគារ ឆ្នេរសុខា ។

៦/ អ្នកឧកញ៉ា ទ្រី ភាព អគ្គនាយកក្រុមហ៊ុន ទ្រីភាព គ្រុប នៅខេត្តព្រះសីហនុ លោកវិនិយោគតំបន់កម្សាន្ត Try Palace Resort Sihanoukville ។

៧/ អ្នកឧកញ៉ា កុក អាន អគ្គនាយកក្រុមហ៊ុន អានកូ គ្រុប ហើយសម្រាប់មុខជំនួញនៅខេត្តព្រះសីហនុ មានឈ្មោះថា ក្រុមហ៊ុន អានកូ វ៉ធើរ សឹបផ្លាយ (Anco Water Supply Co.,Ltd.) បាននិងកំពុងវិនិយោគស្ថានីយ៍ទឹកស្អាតនៅខេត្តព្រះសីហនុ។

៨/ អ្នកឧកញ៉ា គិត ម៉េង អគ្គនាយកក្រុមហ៊ុន រ៉ូយ៉ាល់ គ្រុប នៅខេត្តព្រះសីហនុ លោកបានវិនិយោគលើព្រលានយន្តហោះអន្តរជាតិ កាស៊ីណូ សណ្ឋាគារ តំបន់កម្សាន្ត និងរោងចក្រផលិតថាមពលដើរដោយពន្លឺព្រះអាទិត្យនៅលើកោះរ៉ុង។

៩/ អ្នកឧកញ៉ា ហេង សិទ្ធី អគ្គនាយកក្រុមហ៊ុន ម៉ារីថាម គ្រុប និងជាម្ចាស់រមណីយដ្ឋាន Sea Sense Resort ថ្មីលំដាប់ផ្កាយ៥ នៅលើកោះច្រមោច ខេត្តព្រះសីហនុ។

១០/ អ្នកឧកញ៉ា ចេន ហ្ស៊ី ប្រធានសម្ព័ន្ធក្រុមហ៊ុនព្រីនស៍ គ្រុប ដែលមានបុត្រសម្ព័ន្ធជាច្រើនក្នុងដៃ ហើយនៅខេត្តព្រះសីហនុលោកបានវិនិយោគលើវិស័យអចលនទ្រព្យ សំណង់ និងបដិសណ្ឋារកិច្ច មានឈ្មោះថា សណ្ឋាគារព្រីនស៍ ថាម ហូថេល និង Prince Theme Resort។ ថ្មីៗនេះ ក្រុមហ៊ុនអ្នកឧកញ៉ា ចេន ហ្ស៊ី ក៏បានចាប់ដៃគ្នាជាមួយក្រុមហ៊ុន CANOPY SANDS DEVELOPMENT Co.,LTD រួមគ្នាបញ្ចុះបឋមសិលាបើកការដ្ឋានសាងសង់គម្រោង BAY OF LIGHTS GROUND BREAKING CEREMONY ស្ថិតនៅឆ្នេររាម នៅថ្ងៃទី២០ ខែធ្នូ ឆ្នាំ២០២២៕

The post អ្នកឧកញ៉ា ឧកញ៉ាលេចធ្លោ ១០រូបកំពុងរកស៊ីនៅខេត្តព្រះសីហនុ appeared first on .