កិច្ចប្រជុំនេះក៏មានការចូលរួមផងដែរពីសំណាក់តំណាងក្រសួង ស្ថាប័ន​ពាក់ព័ន្ធ តំណាងគ្រឹះស្ថាន សមាគមឯកជន តំណាងកំពង់ផែ និងអ្នកពាក់ព័ន្ធក្នុងការរៀបចំនេះមួយចំនួនទៀត។

សភាពាណិជ្ជកម្មកម្ពុជា បានឱ្យដឹងថា កិច្ចប្រជុំនេះមានគោលបំណងដើម្បីពិគ្រោះ ពិភាក្សាគ្នារវាងភាគីពាក់ព័ន្ធ ក្នុងការ​ប្រមូលនូវ តារាងប្រភពទិន្នន័យ ដើម្បីដាក់បញ្ចូលទៅក្នុងប៉ាណូឡិការភស្តុភារកម្ម (Logistic Dashboard) ដោយលម្អិតតាមផ្នែកនីមួយៗ ដើម្បីបង្ហាញអំពីប្រសិទ្ធិភាពប្រតិបត្តិការក្នុងវិស័យដឹកជញ្ជូន និងភស្តុភារកម្ម មុននឹងឈានទៅដល់ការពិនិត្យ និងសម្រេចដោយក្រុមប្រឹក្សាជាតិភស្តុភារកម្មកម្ពុជា។

សូមជម្រាបជូនថា ការៀបចំប៉ាណូឡិការភស្តុភារកម្ម (Logistic Dashboard) គឺជាការសហការគ្នារវាងក្រសួង​សាធារណការ និងដឹកជញ្ជូន និងធនាគារពិភពលោក។​

ធនាគារពិភពលោក បានរៀបចំរួចរាល់ និងដាក់ជូនក្រុមប្រឹក្សាជាតិភស្តុភារកម្មនូវ របាយការណ៍ សិក្សានៃប៉ាណូ​ឡិកាភស្ដុភារកម្ម (Conceptual framework of Logistics Dashboard) ដែល ជាឧបករណ៍សម្រាប់រក្សាទុក វិភាគ និងប្រើប្រាស់ទិន្នន័យ ដោយបង្ហាញនូវទិន្នន័យភស្តុភារកម្ម ពិស្ដារ និងតាមពេលវេលាជាក់ស្ដែង (Real-time​ data) ដើម្បីគាំទ្រដល់ការរៀបចំគោលនយោបាយជាតិ គោលនយោបាយយុទ្ធសាស្តពាក់ព័ន្ធ​សម្រាប់វិស័យភស្តុភារ​កម្មនៅកម្ពុជា។

The post ឧកញ៉ា ស៊ិន ចន្ធី តំណាងអ្នកឧកញ៉ា គិត ម៉េង ចូលរួមកិច្ចប្រជុំក្នុងការរៀបចំប៉ាណូឡិកាភស្តុភារកម្ម appeared first on .

លោកឧកញ៉ាបានបន្ថែមថា ក្នុងពេលបច្ចុប្បន្ននេះតម្លៃប្រេងម៉ាស៊ូតកើនឡើងខ្លាំង ប៉ុន្តែការដឹកជញ្ជូនដំឡើង ត្រឹមកម្រិតតិចតួចប៉ុណ្ណោះ។ ដូច្នេះវិស័យដឹកជញ្ជូនត្រូវតែកាត់បន្ថយការចំណេញ ដើម្បីសម្របជាមួយអ្នកផលិត ឱ្យដើរទៅជាមួយគ្នាដោយរលូន។

ក្នុងបទសម្ភាសន៍មួយកាលពីពេលថ្មីៗនេះ លោកឧកញ៉ា ស៊ិន ចន្ធី បានគូសបញ្ជាក់បែបនេះថា៖ “ជាក់ស្តែង​នៅពេល​តម្លៃប្រេងឥន្ធនៈឡើងថ្លៃខ្លាំងក្នុងរយៈពេល២សប្តាហ៍ចុងក្រោយនេះ យើងមិនអាចដំឡើងថ្លៃភ្លាមៗ​ដល់​អតិថិជននោះទេ។ ការបញ្ជារទិញខ្លះ ឬកិច្ចសន្យាខ្លះ យើងចុះកិច្ចសន្យារយៈពេល ១ឆ្នាំ។ ដូច្នេះយើងមិនអាចចេះ​តែ​ទាមទារថ្លៃដឹកជញ្ជូនឡើងបានទេ បើយើងឡើងថ្លៃទៅ នោះភ្ញៀវយើងដែលជាប់កុងត្រានឹងពិបាកដូចគ្នា។ ដូច្នេះ​អ្នកប្រកបអាជីវកម្ម និងអ្នកដឹកជញ្ជូន ត្រូវតែបន្ថយគម្លាតរៀងៗគ្នា ដើម្បីអាចដើរជាមួយគ្នាបាន”។

សូមជម្រាបថា វិបត្តិសង្គ្រាមនៅតំបន់មជ្ឈិមបូព៌ាបានធ្វើឲ្យតម្លៃប្រេងឥន្ធនៈនៅកម្ពុជាប្រែប្រួលក្នុងចន្លោះ ៣ថ្ងៃ​ម្តង ជាការប្រែប្រួលតម្លៃប្រេង មុនកាលកំណត់ ដែលតែងតែធ្វើឡើងក្នុងចន្លោះ ១០ថ្ងៃម្តង។ ការហក់ឡើងយ៉ាងគំហុក​នៃតម្លៃ​ប្រេងនៅកម្ពុជា ត្រូវបានអ្នកជំនាញសេដ្ឋកិច្ចកម្ពុជាមើលឃើញថា នឹងធ្វើឲ្យប៉ះពាល់ដល់ពលរដ្ឋខ្មែរ​ និងម្ចាស់អាជីវកម្ម ក្នុ​ងវិស័យផលិតកម្ម និងដឹកជញ្ជូនផងដែរ៕

The post ឧកញ៉ា ស៊ិន ចន្ធី៖ ទោះតម្លៃប្រេងឥន្ធនៈឡើងថ្លៃ តែការដឹកជញ្ជូនមិនអាចដំឡើងថ្លៃទេ appeared first on .

យុទ្ធសាស្រ្តជាតិអភិវឌ្ឍន៍វិស័យសហគ្រាសធុនមីក្រូ តូច​ និងមធ្យម មានគោលបំណងដើម្បីលើកកម្ពស់សមត្ថភាព និងភាពធន់របស់ សហគ្រាសធុនមីក្រូ តូច​ និងមធ្យម ឱ្យក្លាយជាមូលដ្ឋានគ្រឹះដ៏រឹងមាំនៃសេដ្ឋកិច្ចជាតិ ដែលនឹងនាំ​មកនូវវិបុលភាព និងវឌ្ឍនភាពសង្គម។

យុទ្ធសាស្រ្តជាតិនេះ មានគោលដៅចំនួន ៣ ដូចជា៖ ទី១. ការអភិវឌ្ឍសមត្ថភាពស្ថាប័នសាធារណៈ ដើម្បីជ្រោម​ជ្រែង និងគាំទ្រដល់ សហគ្រាសធុនមីក្រូ តូច​ និងមធ្យម, ទី២. ការពង្រឹងនិងលើកកម្ពស់ប្រសិទ្ធភាព ផលិតភាព និងភាពប្រកួតប្រជែង របស់ សហគ្រាសធុនមីក្រូ តូច​ និងមធ្យម និង ទី៣. ដោះស្រាយនូវឧបសគ្គ ដែលរារាំង​ដល់ការអភិវឌ្ឍ សហគ្រាសធុនមីក្រូ តូច​ និងមធ្យម។

សូមជម្រាបថា យុទ្ធសាស្ត្រជាតិនេះមានចក្ខុវិស័យ ពង្រឹង និងពង្រីកការអភិវឌ្ឍសហគ្រាសធុនមីក្រូ តូច និងមធ្យម​កម្ពុជា ឱ្យក្លាយជាមូលដ្ឋានគ្រឹះ និងជាកម្លាំងចលករដ៏រឹងមាំនៃកំណើនសេដ្ឋកិច្ចជាតិ សម្រាប់ការចាកចេញពី​ចំណាត់​ថ្នាក់​ប្រទេសមានការអភិវឌ្ឍតិចតួចនៅចុងឆ្នាំ២០២៩ ដោយជោគជ័យ៕

The post ឧកញ៉ា ស៊ិន ចន្ធី តំណាងអ្នកឧកញ៉ា គិត ម៉េង ចូលរួមសិក្ខាសាលាពិគ្រោះយោបល់ស្តីពី “យុទ្ធសាស្រ្តជាតិ​អភិវឌ្ឍន៍វិស័យសហគ្រាសធុនមីក្រូ តូច​ និងមធ្យម ឆ្នាំ២០២៦–២០៣០” លើកទី២ appeared first on .

ថ្លែងក្នុងកិច្ចសម្ភាសន៍ពិសេសជាមួយឧកញ៉ាញូស៍ កាលពីពេលថ្មីនេះៗ ឧកញ៉ា ស៊ិន ចន្ធី បានឱ្យដឹងថា កម្ពុជានៅតែមាន តម្លៃដឹកជញ្ជូន និងឡូជីស្ទិកខ្ពស់ជាងគេ បើធៀបជាមួយបណ្តាប្រទេសអាស៊ាន ហើយតម្លៃខ្ពស់នេះមិនមែន នៅលើតម្លៃដឹក ជញ្ជូន មួយនោះទេ នៅមានកត្តាផ្សេងៗទៀត ដែលធ្វើឱ្យយើងមានផលប៉ះពាល់ ក៏ដូចជាតម្លៃដឹកជញ្ជូន នៅកម្ពុជាខ្ពស់ជាង គេ។

កត្តាតម្លៃដឹកជញ្ជូន ខ្ពស់ នេះ លោកឧកញ៉ា យល់ ថា មក ពី កត្តាសំខាន់ៗមួយចំនួនរួមមាន៖ ទី១) ទាក់ទងនឹងហេដ្ឋា រចនា សម្ព័ន្ធ៖ មធ្យោបាយនៃការដឹកជញ្ជូនតាមផ្លូវរថភ្លើងមិនទាន់បានគ្រប់ទៅនឹងតម្រូវការរបស់យើងទេ។ ម្យ៉ាង ទៀត យើងនៅ មាន ការ ប្រើ ប្រាស់បានតិចតួចបំផុត បើធៀបនិងការដឹកជញ្ជូនតាមផ្លូវរថយន្ត (នេះជាការធ្វើឱ្យថ្លៃដើមយើងខ្ពស់ជាងគេ) ទី២) ការធ្វើបែបបទផ្សេងៗ(បែបបទនៃការនាំចេញ) ក៏យើងនៅមិនទាន់ល្អ ១០០%ដែរ ទោះបីជាពេលនេះរាជរដ្ឋាភិបាល ក្រសួងសេដ្ឋកិច្ច និងហិរញ្ញវត្ថុ គយ និងរដ្ឋាករខិតខំធ្វើដាក់ចេញឱ្យដំណើរការហើយ កន្លងមកយើងមិនទាន់ បានប្រើប្រាស់ បាន ១០០%ទេ បានប្រហែល៥០ទៅ៦០%ប៉ុណោះ ហេតុនេះហើយយើងនៅតែមិនទាន់បានកាត់បន្ថយដល់កម្រិតទេ មានន័យថាការប្រើប្រាស់ របស់យើងនៅមានកម្រិតនៅឡើយ។ ទី៣) ការដឹកជញ្ជូនមិនទាន់មាន ទៅនិងមកនៅឡើយ គឺមាន តែមួយផ្លូវ មានន័យថាមានតែដឹកទៅតែមិនមានដឹកមក ដូច្នេះការយកតម្លៃថោកមិនទាន់បានទេ។

លើសពីនេះ លោកឧកញ៉ា គិតថា នៅមានកត្តាផ្សេងៗដែលយើងនៅមានកម្រិតខ្ពស់ជាងគេនៅឡើយ ទាក់ទងការធ្វើឡូ ជីស្ទិក នេះ ក៏ដូចជាការប្រើប្រាស់អគ្គិសនីក៏នៅតែមានការខ្ពស់ជាងគេ។ ប៉ុន្តែកិច្ចការនេះ នៅក្នុងយុទ្ធសាស្រ្តរបស់ រាជរដ្ឋាភិបាល គឺខិតខំពង្រឹងបញ្ហានេះ ដើម្បីធ្វើឱ្យមានការប្រកួតប្រជែងនឹងប្រទេសជិតខាងផងដែរ។

លោកឧកញ៉ាបន្តថា នៅប្រទេសថៃថ្លែដឹកជញ្ជូនរបស់គេនៅកម្រិតតែ ១៤,៦៥% ប៉ុណ្ណោះទេ សម្រាប់នៅវៀតណាម ប្រហែល មិនដល់ ២០%ទេ នៅកម្ពុជា ២៦,៤៦% ខណៈដែលប្រទេសសាំងហ្គាពួរ មានត្រឹមតែ ៨% ប៉ុណ្ណោះ។

ទាក់ទងនឹងបញ្ហានេះ លោកឧកញ៉ាប្រធានសមាគម ក៏បានលើកឡើងពីដំណោះស្រាយ ដើម្បី ឱ្យ ក្រុមហ៊ុន អាច ដំណើរការ ប្រក្រតីបាន គឺមានតែយើងសម្រប ខ្លួន វិញ មានន័យថាក្រុមហ៊ុននីមួយៗមានការកាត់បន្ថយតាំងពីថ្លៃដើម តាំងពីបុគ្គលិក តាំងពីការប្រើប្រាស់ធនធាន ផ្សេងៗតាម របៀបស្ងប់ស្ងាត់ មិនមែនធ្លាក់ចុះហើយផ្អើលនោះទេ។ នេះជាយុទ្ធសាស្រ្តមួយ ដែលកាត់បន្ថយតាមរបៀបស្ងប់ស្ងាត់ ធ្វើ ឱ្យក្រុមហ៊ុនមានសភាពធន់ និងមិនក្ស័យធន៕

The post អ្នកជំនាញមើលឃើញថា កម្ពុជានៅមានតម្លៃដឹកជញ្ជូនខ្ពស់ជាងគេ បើធៀបនឹងបណ្តាប្រទេសអាស៊ាន appeared first on .

ថ្លែងក្នុងពេលដឹកនាំក្រុមការងារទៅបំពេញទស្សនកិច្ចនៅប្រទេសឥណ្ឌា ដើម្បីពង្រឹងនិងពង្រីកវិស័យភស្ដុភារកម្មកម្ពុជា ព្រមទាំងវិស័យពាណិជ្ជកម្ម ស្ថិតនៅក្នុងអាកាសយានដ្ឋានអន្តរជាតិភ្នំពេញ នាព្រឹកថ្ងៃទី២៦ ខែមីនានេះ ឧកញ៉ា ស៊ិន ចន្ធី ប្រធានសមាគមភស្ដុភារកម្មកម្ពុជា មានប្រសាសន៍ថា «បើទោះបីជំងឺឆ្លងកូវីដ-១៩បានកន្លងហួសពីកម្ពុជាហើយក៏ដោយ តែវិស័យភស្ដុភារកម្មកម្ពុជានៅតែជួបប្រឈមនឹងបញ្ហាបីសំខាន់ៗដដែល ទី១, បញ្ហា កប៉ាល់សម្រាប់ដឹងជញ្ជូនទំនិញឡើងថ្លៃ ទី២, បញ្ហាតម្លៃប្រេងឥន្ធនៈនៅតែឡើងថ្លៃដោយមិនចុះ និងទី៣, កង្វះខាតទូកកុងតឺនឺសម្រាប់ដឹងទំនិញ និងហេដ្ឋារចនាសម្ព័ន្ធក្នុងប្រទេស»។

យ៉ាងណា តាមរយៈដំណើរទស្សនកិច្ចទៅកាន់ប្រទេសឥណ្ឌាជាមួយបណ្ដារក្រុមហ៊ុនជាង១០ ដែលជាសមាជិក សមាគមភស្ដុភារកម្មកម្ពុជា លោកឧកញ៉ាបានដាក់ក្ដីរំពឹងទុកថា ការធ្វើដំណើរទៅកាន់ប្រទេសឥណ្ឌាគឺដើម្បីពង្រឹងនិងពង្រីកវិស័យដឹកជញ្ជូន ហើយកម្ពុជានឹងបានធ្វើទំនាក់ទំនងយ៉ាងជិតស្និទជាមួយបណ្ដារក្រុមហ៊ុនដទៃទៀតនៅលើពិភពលោក ដែលមានភ្ញៀវកិត្តិយសមកចូលរួមជាង១០០ប្រទេស ដោយមានឥណ្ឌាធ្វើជាម្ចាស់ផ្ទះ។

ទន្ទឹមនឹងនោះលោកឧកញ៉ា ក៏មានគោលបំណងផងដែរក្នុងដំណើរនេះដើម្បីបង្ហាញដល់ពាណិជ្ជករ ក៏ដូចជាអ្នករកស៊ីក្នុងវិស័យដឹកជញ្ជូនជាង១០០ប្រទេសដែលបានចូលរួម ព្រមទាំងចង់បង្ហាញពីសក្ដានុពលនៅកម្ពុជាក្នុងវិស័យភស្ដុភារកម្មនេះ ក៏ដូចជាវិស័យដទៃទៀត។

បើតាមឧកញ៉ា ស៊ិន ចន្ធី សម្រាប់ការប្រជុំលើវិស័យភស្ដុភារកម្មនេះ នឹងចាប់ផ្ដើមពីថ្ងៃទី២៧ ដល់ទី៣០ ខែមីនា ឆ្នាំ២០២៣ ដោយមានរបៀបវារៈដូចជា ដំណាក់កាលដំបូងប្រជុំទ្រង់ទ្រាយធំជាមួយបណ្ដារប្រទេសដែលមកជាង១០០ផ្សេងគ្នា។ បន្ទាប់មក មានការរៀបចំប្រជុំដាច់ដោយឡែក រវាងក្រុមហ៊ុននីមួយៗ។ ដោយសមាជិកចូលរួមភាគច្រើនជាអ្នកលក់ និងអ្នកទិញ។

លោកឧកញ៉ា ស៊ិន ចន្ធី មានប្រសាសន៍បន្ថែមថា «ក្នុងបណ្ដារប្រទេសដទៃទៀតគេបានចាប់អារម្មណ៍លើកម្ពុជា ក៏ដូចជាប្រទេសឥណ្ឌាផ្ទាល់ដែលជាប្រទេសអាស៊ានបូក៦ បាននឹងកំពុងធ្វើទំនាក់ទំនងវិស័យពាណិជ្ជកម្ម និងភស្ដុភារកម្មកម្ពុជា។ ហើយសម្រាប់ការប្រជុំលើកនេះ កម្ពុជាមានការរំពឹងទុកថា ទំហំពាណិជ្ជកម្ម កម្ពុជា-ឥណ្ឌានឹងកើនលើស៣០០លានដុល្លារ»។

គួរជម្រាបផងដែរថា ឧកញ៉ា ស៊ិន ចន្ធី ដែលជាក្បាលម៉ាស៊ីនដឹកនាំសមាគមភស្ដុភារកម្មកម្ពុជា ប្រកបដោយគំនិតច្នៃប្រឌិត និងមានបទពិសោធន៍ក្រាស់ក្រាលក្នុងវិស័យដឹកជញ្ជូន ជាង២៥ឆ្នាំមកនេះ កន្លងមកតែងតែដឹកនាំគណៈប្រតិភូទៅបំពេញទស្សនកិច្ចនៅតាមបណ្ដារប្រទេសក្នុងតំបន់អាស៊ានរួចមកហើយ លើកលែងតែក្នុងសម័យ កូវីដ-១៩ ទេដែលសមាគមន៍ភស្ដុភារកម្មកម្ពុជាមិនបានទៅបំពេញទស្សនកិច្ចផ្ទាល់ ដោយបានប្រជុំតាមប្រព័ន្ធអនឡាញ៕ អត្ថបទ៖ រ៉េត សុកធា

The post ឧកញ៉ា ស៊ិន ចន្ធី៖ ទោះបីឆ្លងផុតជំងឺរាតត្បាតកូវីដ-១៩ វិស័យភស្តុភារកម្មកម្ពុជានៅតែប្រឈមនឹងបញ្ហាបីសំខាន់ៗ appeared first on .

ទន្ទឹមគ្នានេះ សម្តេចតេជោ បានអះអាងដែរថា កម្ពុជា-ឡាវ ក៏បានពិភាក្សាពីគម្រោងលើកកម្ពស់នៅកិច្ចសហប្រតិបត្តការលើវិស័យទេសចរណ៍ តាមរយៈការភ្ជាប់ផ្លូវគោក និងផ្លូវអាកាសជាមួយគ្នា នៅតំបន់ទេសចរណ៍សំខាន់ៗ និងទៅតំបន់ទីក្រុងផងដែរ។

ជាមួយគ្នានោះ អ្នករកស៊ីក្នុងវិស័យដឹកជញ្ជូន និងសមាគមភស្តុភារកម្មកម្ពុជា បានសម្តែងការអបអរសាទរចំពោះគម្រោងតភ្ជាប់ផ្លូវរថផ្លូវល្បឿនលឿនជាមួយឡាវឆ្ពោះទៅចិនកម្ពុជា។ ឧកញ៉ា ស៊ិន ចន្ធី  ប្រធានសមាគមភស្តុភារកម្មកម្ពុជា បានគូសបញ្ជាក់ថា ការតភ្ជាប់ផ្លូវរថភ្លើងល្បឿនលឿនជាមួយឡាវ គឺកម្ពុជាចំណេញច្រើនផ្នែកពាណិជ្ជកម្ម។

សូមស្តាប់ប្រសាសន៍ឧកញ៉ា ស៊ិន ចន្ធី៖

The post អ្នករកស៊ីក្នុងវិស័យដឹកជញ្ជូននៅកម្ពុជា សម្តែងការអបអរសាទរចំពោះគម្រោងតភ្ជាប់ផ្លូវរថផ្លូវល្បឿនលឿនជាមួយឡាវឆ្ពោះទៅចិន appeared first on .

The post តើច្រកព្រំដែនបាវិត ជាច្រកសំខាន់កម្រិតណា សម្រាប់ការនាំទំនិញទៅកាន់វៀតណាម? (វីដេអូ) appeared first on .

ក្នុងជំនួប​នេះ លោក​ឧកញ៉ា ស៊ិន ចន្ធី យល់​ឃើញ​ថា ​បានទទួលលទ្ធផលផ្លែផ្កា​យ៉ាងល្អប្រសើរ ដែលនឹង​ជួយ​ឱ្យវិស័យដឹកជញ្ជូន និងភស្តុភារកម្មកាន់តែរីកចម្រើន ខណៈដែលវិស័យមួយនេះមានសារសំខាន់បំផុត សម្រាប់កំណើនសេដ្ឋកិច្ចជាតិ។

លោក​ឧកញ៉ា ​​បាន​ថ្លែង​ឱ្យ​ដឹង​ថា៖ “នៅក្នុងការជួប ពិភាក្សានេះ គឺយើងទទួលបានលទ្ធផលល្អប្រសើរ ណាស់ យើងបានសិក្សាពីគ្នាអំពីគោលនយោបាយនាំចេញ នាំចូល និងបែបបទពាក់ព័ន្ធនានា ជាពិសេស​បានសិក្សាស៊ីជម្រៅជាមួយគ្នា ដោយ​មានការប្រជុំពិភាក្សា ហើយក៏មានការទស្សនកិច្ចផ្ទាល់​នៅកំពង់ផែ​សមុទ្រនៅប្រទេសវៀតណាម ដូច្នេះសម្រាប់ការងារនេះ និយាយឱ្យចំគឺយើងទទួលបានផលវិជ្ជមានច្រើន ដែលផលវិជ្ជមាននោះគឺទី១ យើងបានជួបគ្នារវាងក្រុមហ៊ុននិងក្រុមហ៊ុន ទី២ យើងបានផ្លាស់ប្តូរ ព័ត៌មាន​ពី​គ្នាទៅវិញទៅមក បន្ទាប់ពីជំងឺកូវីដ១៩បានធូរស្រាល ជាពិសេសនោះ គឺការទៅបានទស្សនកិច្ចផ្ទាល់​នៅ​កំពង់ផែប្រទេសវៀតណាមនេះ ហើយយើងក៏មានការសិក្សាពីផលជាក់ស្ដែង និងសិក្សាពីអាជ្ញាធរផែ លើ​វិស័យដឹកជញ្ជូននេះ”។

សូម​បញ្ជាក់​ថា សមាគមភស្តុភារកម្មកម្ពុជា និងសមាគមភស្តុភារកម្មពាណិជ្ជកម្មវៀតណាម តែងតែមាន​ការ​ជួបពិភាក្សាការងារលើវិស័យដឹកជញ្ជូននិងភស្តុភារកម្មជារៀងរាល់ឆ្នាំ ប៉ុន្តែដោយសារមាន​បញ្ហាប្រឈម​នៃ​ជំងឺកូវីដ១៩ បានធ្វើឱ្យជំនួបពិភាក្សាត្រូវបានអាក់ខានរយៈពេល២ឆ្នាំកន្លងមកហើយ ។ លោកឧកញ៉ា ស៊ិន ចន្ធី​ បានបន្តថា សម្រាប់ឆ្នាំ២០២២នេះ សមាគមទាំងពីរ បានរៀបចំ​ឱ្យមានការជួបពិភាក្សាគ្នាជាថ្មី​ម្ដង​ទៀត ក្នុងគោលបំណងឱ្យក្រុមហ៊ុនដែលជាសមាជិករបស់ CLA ជួបជាមួយក្រុមហ៊ុនសមាជិករបស់ VLA ដើម្បី​មានឱកាសចាប់ដៃគូពាណិជ្ជកម្មរវាងប្រទេសទាំងពីរ លើវិស័យដឹកជញ្ជូនអន្តរជាតិនិងភស្តុភារកម្ម៕

The post ឧកញ៉ា ស៊ិន ចន្ធី ដឹកនាំក្រុមហ៊ុន៥០ ទៅជួបសមាគមភស្តុភារកម្មពាណិជ្ជកម្មវៀតណាម appeared first on .

ក្នុងដំណើរទស្សនកិច្ចលើកនេះ ឧកញ៉ា ស៊ិន ចន្ធី បានថ្លែងប្រាប់ឧកញ៉ាញូស៍ថា៖ «យើងបានសិក្សាស្វែងយល់ពីដំណើរការរបស់ក្រុមហ៊ុន PTLS និងនីតិវិធីផ្សេងៗ ដោយក្នុងនោះបានកត់សម្គាល់ឃើញថា ទីតាំងចំណតផែរណបពហុបំណង TS១១ ជាទីតាំងល្អនិងមានសក្កានុពលនាពេលអនាគត ដោយឡែកប្រតិបត្តិការបច្ចុប្បន្នឃើញថាអំណោយផលល្អសម្រាប់ទំនិញប្រភេទ ( LCL) និង ពេលអនាគតកាន់តែមានសក្កានុពលទៅដល់ទំនិញប្រភេទផ្សេងៗទៀត»។

ជាមួយគ្នានេះ សមាគមភស្តុភារកម្មកម្ពុជា និងក្រុមហ៊ុន PTLS ក៏មានឆន្ទៈបង្កើនចំណងមិត្តភាព ដោយរំពឹងទុកថានឹងមានការសហការកាន់តែល្អនាពេលអនាគតខាងមុខផងដែរ។

សូមស្តាប់ការលើកឡើងរបស់លោកឧកញ៉ា ស៊ិន ចន្ធី ប្រធានសមាគមភស្តុភារកម្មកម្ពុជា៖

The post កំពង់ផែស្វយ័តភ្នំពេញ កំពុងបន្ថែមសមត្ថភាពរបស់ខ្លួនក្នុងការប្រមូលទំនិញរាយដឹកទៅក្រៅប្រទេសឲ្យបានទាន់ពេលវេលា appeared first on .

ថ្លែង​​ប្រាប់​ឧកញ៉ា ញូស៍ ​​កាល​ពី​ពេល​ថ្មីៗ​នេះ ​​លោក​ឧកញ៉ា ស៊ិន​ ចន្ធី ​​បាន​មាន​ប្រសាសន៍​ថា៖ “ការងារ​ដឹក​ញ្ជូន​ និង​ឡូជីស្ទីក​​​កន្លង​មក ​​យើង​មាន​ឧបសគ្គ​៣ ​​តាំង​ពី​ចាប់​ផ្តើម​មាន​កូវីដ-១៩។ ទី១ បញ្ហា​​ថ្លៃ​ដឹក​ជញ្ជូន​តាម​កប៉ាល់​ឡើង​ថ្លៃ​ខ្ពស់​ខ្លាំង ទី២ បញ្ហា​កង្វះ​ទូកុងតឺនឺ​ក្នុង​ការ​ច្រក​ទំនិញ​សម្រាប់​ដឹក និង​ទី​៣ ជា​បញ្ហា​ដែល​កើត​មាន​ឡើង​រហូត​មក​ដល់​សព្វ​ថ្ងៃ​នេះ ​​ហើយ​ក៏​មិន​ទាន់​ដឹង​ថា តើ​ពេល​ណា​នឹង​ចប់​បញ្ហា​នេះ​ដែរ នោះ​គឺ​បញ្ហា​ប្រេង​ឡើង​ថ្លៃ តាំង​ពី​ខែ​កុម្ភៈ ឆ្នាំ​២០២២​ មកដល់​បច្ចុប្បន្ន”។

លោក​ឧកញ៉ា ​​បាន​បញ្ជាក់​បន្ថែម​ថា ចំពោះ​បញ្ហា​តូច​តាច​មិន​ពាក់ព័ន្ធ​នឹង​បញ្ហា​ពិភពលោក គឺ​យើង​អាច​ដោះ​ស្រាយ​​លក្ខណៈ​ផ្ទៃ​ក្នុង​យើង​បាន​​​​ជា​បណ្តើរៗ ប៉ុន្តែ​យើង​គេច​មិន​រួច​ពី​ការ​ឡើង​ថ្លៃ​នោះ​ទេ ព្រោះ​មធ្យោបាយ​​ដឹក​ញ្ជូន​គឺ​ទាក់ទង​នឹង​ប្រេង​ឥន្ធនៈ ដូច្នេះ​នៅ​ពេល​ប្រេង​ឥន្ធនៈ​ឡើង​ថ្លៃ ​​យ៉ាង​ណា​ក៏​ការ​ដឹក​ជញ្ជូន​មាន​ការ​កើន​ឡើង​តម្លៃ​ថ្លៃ​ជាង​មុន​ផង​ដែរ។

គួររំឭកថា ​​កាល​​ថ្ងៃ​ទី​២១ ដល់​ថ្ងៃ​ទី​២៣ ខែ​មិថុនា ​​ឧកញ៉ា ស៊ិន ចន្ធី ដែល​​មាន​បទពិសោធន៍​​ជាង ២៥​ឆ្នាំ ក្នុង​វិស័យ​ភស្តុភារកម្ម និង​ដឹក​ជញ្ជូន ​​បាន​ដឹក​នាំ​ប្រតិភូកម្ពុជា មាន​ប្រមាណ​ជាង ៣០​ក្រុមហ៊ុន ទៅ​ធ្វើ​ទស្សនៈកិច្ច​សិក្សា​នៅ​ប្រទេស​ឡាវ ដោយ​មាន​បំណង​ស្វែង​យល់​ និង​សិក្សា​ពី​ផ្លូវ​រថភ្លើង ក្នុង​ការ​តភ្ជាប់​ពី​ប្រទេស​ចិន (ទីក្រុងគុនមីង) មក​ទីក្រុង​វៀងច័ន្ទ ប្រទេស​ឡាវ ឆ្លងកាត់​ប្រទេស​ថៃ និង​​មក​​ដល់​កម្ពុជា ​​តាម​​ច្រក​អន្តរជាតិ​ប៉ោយប៉ែត។ លោក​ឧកញ៉ា រំពឹង​ថា ​​បើ​ការ​ត​ភ្ជាប់​ផ្លូវ​ដែក​នេះ​ទទួល​បាន​ជោគជ័យ ​​នោះ​នឹង​ជួយ​​បង្កើត​សមត្ថភាព​លើ​វិស័យ​ដឹក​ជញ្ជូន​របស់​កម្ពុជា ​​បាន​មួយ​កម្រិត​ទៀត៕

The post ឧកញ៉ា ស៊ិន ចន្ធី យល់ថាវិស័យដឹកជញ្ជូនកម្ពុជាបច្ចុប្បន្ន កំពុងជួបឧបសគ្គធំៗ៣ appeared first on .