កិច្ចប្រជុំដ៏មានសារៈសំខាន់នេះ ត្រូវបានរៀបចំឡើងចាប់ពីថ្ងៃទី០២ ដល់ថ្ងៃទី០៤ ខែមិថុនា ឆ្នាំ២០២៦ នៅ​រាជធានីភ្នំពេញ ព្រះរាជាណាចក្រកម្ពុជា។ កិច្ចប្រជុំ នេះនឹងបង្កើតឱកាសក្នុងការជួបពិភាក្សា ផ្លាស់ប្តូរយោបល់ និងស្វែងរកដំណោះស្រាយនានា រវាងវិស័យឯកជន និងថ្នាក់ដឹកនាំគយនៃបណ្តាប្រទេសសមាជិកអាស៊ាន។

ថ្លែងនៅក្នុងពិធីបើកកិច្ចប្រជុំ នៅថ្ងៃទី២ ខែមិថុនា, អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងថា «កិច្ចប្រជុំអគ្គនាយកគយអាស៊ាន លើកទី ៣៥» នេះ គឺជាវេទិកា​ដ៏​សំខាន់ ដែលបង្ហាញពីការប្តេជ្ញាចិត្តរួមក្នុងការពង្រឹងសមាហរណកម្មតំបន់ និងការប្តេជ្ញាចិត្តរួមក្នុងការរក្សាភាពធន់ ភាពប្រកួតប្រជែង និងភាពរឹងមាំរបស់អាស៊ាន ចំពោះមុខបញ្ហា ប្រឈមសកលនានា។ ខណៈដែលពិភពលោក កំពុងប្រឈមនឹងភាពមិនប្រាកដប្រជាបណ្តាលមក ពីភាពតានតឹងភូមិសាស្ត្រនយោបាយ ជម្លោះប្រដាប់អាវុធ និងការប្រែប្រួលសេដ្ឋកិច្ច, ការពង្រឹងកិច្ចសហប្រតិបត្តិការ និងស្ថិរភាពស្ថាប័ន គឺជាកត្តាមូលដ្ឋានសម្រាប់ធានា​ភាពធន់ និងចីរភាពនៃការអភិវឌ្ឍរបស់អាស៊ាន៕

The post ឧកញ៉ា ហាក់ លាងហ៊ ចូលរួមពិធីជប់លៀង Cocktail ក្នុងឱកាសនៃកិច្ចប្រជុំអគ្គនាយកគយ-អាស៊ាន លើកទី៣៥ appeared first on .

សហព័ន្ធស្រូវអង្ករកម្ពុជា បានឱ្យដឹងថា វគ្គបណ្ដុះបណ្ដាលនេះ ផ្ដោតសំខាន់ទៅលើប្រធានបទ ៤ រួមមាន៖

១ ទិដ្ឋភាពរួមក្នុងការតភ្ជាប់ពាណិជ្ជកម្ម និងការដឹកជញ្ជូន

២ លក្ខខណ្ឌពាណិជ្ជកម្មអន្តរជាតិ (Incoterms) និងវិធីសាស្ត្រនៃការអនុវត្ត

៣ នីតិវិធីនៃការនាំចេញអង្ករ

៤ ការអនុវត្តជាក់ស្តែងនៃការនាំចេញអង្ករទៅបរទេស។

ជាកិច្ចបញ្ចប់នៃវគ្គបណ្ដុះបណ្ដាល កញ្ញា សៅ ខេណ្ណារ័ត្ន  អនុប្រធានសហព័ន្ធស្រូវអង្ករកម្ពុជា និងលោកស្រី អ៊ូ សុភ័ក្រ អនុប្រធានសមាគមភស្តុភារកម្មកម្ពុជា បានអញ្ជើញជាកិត្តិយសក្នុងការប្រគល់ជូននូវវិញ្ញាបនបត្របញ្ជាក់ការចូលរួមទៅកាន់សិក្ខាកាមទាំងអស់ដែលបានចូលរួមផងដែរ៕

The post ឧកញ៉ា ចាន់ សុឃាំង និងឧកញ៉ា ហាក់ លាងហ៊ ដឹកនាំរៀបចំវគ្គបណ្ដុះបណ្ដាលស្ដីពី «ការគ្រប់គ្រងការដឹកជញ្ជូន និងលក្ខខណ្ឌពាណិជ្ជកម្មអន្តរជាតិ» appeared first on .

សមាគមភស្តុភារកម្មកម្ពុជា បានឱ្យដឹងថា កិច្ចពិភាក្សានេះ ធ្វើឡើងក្នុងគោលបំណងដើម្បីអញ្ជើញក្រុមហ៊ុនកប៉ាល់ ដែលមានបញ្ហាពាក់ព័ន្ធនឹងការកក់ទូកុងតឺន័រ មកធ្វើការបកស្រាយអំពីនីតិវិធី និងពន្យល់បន្ថែមអោយបានស៊ីជម្រៅ ដើម្បីស្វែងរកដំណោះស្រាយសមស្របណាមួយ សម្រាប់ភាគីពាក់ព័ន្ធ ជាពិសេសក្រុម Freight Forwarders ដែលជាសមាជិកសមាជិការបស់សមាគមភស្តុភារកម្មកម្ពុជា។

ក្នុងនោះផងដែរ ឧកញ៉ា ហាក់ លាងហ៊ បានមានប្រសាសន៍ថា ដើម្បីអោយដំណោះស្រាយដំណើរការទៅបានល្អ លុះត្រាតែសមាជិកសមាគម និងក្រុមហ៊ុនកប៉ាល់ បង្ហាញពីគោលជំហរ និងមានការប្តេជ្ញាចិត្ត ក្នុងការចូលរួម​ដោះស្រាយជាមួយគ្នា។

បន្ថែមពីនេះ ក្រុមហ៊ុនកប៉ាល់ ក៏បានទទួលយកនូវសំណើពីសមាគម​ និងព្រមទទួលយកនូវការដោះស្រាយ​ដ៏ល្អមួយ ដោយមានការសម្របសម្រួលពី ឧកញ៉ា ហាក់ លាងហ៊ ប្រធានសមាគម និង លោក មាស​ វីរៈ នាយកផ្នែក​ដឹកជញ្ជូនតាមផ្លូវទឹកផងដែរ ដោយចំនុចសំខាន់ៗទាំងនោះរួមមាន ការពិនិត្យលើកាលបរិច្ឆេទ​នៃការដាក់​លិខិតទៅក្រុមហ៊ុនកប៉ាល់ (Authorized letter) ពិនិត្យលើការកក់ទូកុងតឺន័រ ដោយពុំចាំបាច់ដាក់​ឈ្មោះ ម្ចាស់ទំនិញនៅពេលនាំចូល ជាពិសេស ពិនិត្យលើនីតិវិធីនៃការពុំចាំបាច់កក់ទូកុងតឺន័រតែម្តង វាជាចំនុច​សំខាន់​ដែលសមាជិក​សមាគម តែងតែចង់បាន និងរីករាយក្នុងការធ្វើតាមការណែនាំរបស់ក្រុមហ៊ុនកប៉ាល់ ដើម្បីទទួលបានអត្ថប្រយោជន៍ត្រឡប់មកវិញ៕

The post ឧកញ៉ា ហាក់ លាងហ៊ ដឹកនាំកិច្ចប្រជុំជាមួយតំណាងក្រុមហ៊ុនកប៉ាល់មួយចំនួន ពិភាក្សាពី​ការកក់ទូកុងតឺន័រ appeared first on .

ការបោះឆ្នោតជ្រើសរើសប្រធានក្រុមប្រឹក្សារភិបាល និងក្លាយជាប្រធានសមាគមភស្តុភារកម្មកម្ពុជា អាណត្តិទី១០ រៀបចំឡើងនៅព្រឹក ថ្ងៃទី២៩ ខែមេសា ឆ្នាំ២០២៦ នាសណ្ឋាគារ កាំបូឌីយ៉ាណាដោយមានការអញ្ជើញចូលរួមពីសមាជិកសមាជិកា និងភ្ញៀវកិត្តិយសសរុបជាង២០០នាក់។

សូមជម្រាបថា សមាគមភស្តុភារកម្មកម្ពុជា (CLA) គឺជាស្ថាប័នដ៏សំខាន់មួយក្នុងការអភិវឌ្ឍវិស័យភស្តុភារកម្ម និងដឹកជញ្ជូននៅកម្ពុជា។ សមាគមនេះបង្កើតឡើងតាំងពីឆ្នាំ២០០៤ ដោយមានគោលបំណងពង្រឹងកិច្ចសហប្រតិបត្តិការទាំងក្នុង និងក្រៅប្រទេស ព្រមទាំងបណ្តុះបណ្តាលធនធានមនុស្សជំនាញលើវិស័យឡូជីស្ទិក និងដឹកជញ្ជូន។

The post ឧកញ៉ា ហាក់ លាងហ៊ ជាប់ឆ្នោតជាប្រធានសមាគមភស្តុភារកម្មកម្ពុជា (CLA) អាណត្តិទី១០ ឆ្នាំ២០២៦-២០២៨ appeared first on .