នៅលើបណ្ដាញសង្គមផ្ទាល់ខ្លួនកាលពីថ្ងៃទី៧ ខែកក្កដា ឆ្នាំ២០២៤ ឧកញ៉ា ហួត ឈឿន បានលើកឡើងថា «ខ្ញុំបាទសូមគោរពជម្រាបជូនបងប្អូនទាំងអស់គ្នាជាដំណឹងថាខ្ញុំបាទឧកញ៉ាហួតឈឿនមិនមានប្រើ account ABAទេហើយក៏មិនមានការប្រកាសរៃអង្គាសប្រាក់ចូលបច្ច័យកសាងជួងឡើយ»។

ការប្រកាសមិនប្រើអាខោន ABA ដើម្បីរៃអង្គាសបច្ច័យរបស់ឧកញ៉ា ហួត ឈឿន ទំនងធ្វើឡើងក្រោយពីមានជនខិលខូច ក្លែងបន្លំគណនីដើម្បីប្រមូលថវិកាពីសប្បុរសជនក្នុងគោលបំណងទុច្ចរិត។

សូមជម្រាបជូនថា ឧកញ៉ា ហួត ឈឿន ប្រធានសភាពាណិជ្ជកម្មខេត្តកំពង់ចាម-មណ្ឌលគិរី បានចូលរួមចំណែកកសាងសមិទ្ធផលជាច្រើននៅក្នុងវត្ដជោតប្បនារាម ហៅ(វត្តតាសុត) ហើយកាលពីពេលថ្មីៗនេះ ឧកញ៉ា ហួត ឈឿន ទើបតែដាក់ឆ្លងប្រគេនអណ្ដូងទឹកស្អាត ទី៣ និងទី៤ ដល់ព្រះអង្គ វន វាសីច័ន្ទមុនី៕

The post ឧកញ៉ា ហួត ឈឿន ជូនដំណឹងពីការមិនប្រើអាខោន ABA ដើម្បីអង្គាសបច្ច័យកសាងជួង ក្នុងវត្ដព្រះអង្គវនវាសីចន្ទមុនីឡើយ appeared first on .

លោកឧកញ៉ា បានលើកឡើង​លើ​បណ្តាញ​សង្គម​ហ្វេសប៊ុក យ៉ាងដូច្នេះ​ថា៖ “សូមគោរពឯកឧត្តម ឧកញ៉ា លោកជំទាវ អស់លោក លោកស្រី ពុទ្ធបរិសទ្ធ័ទូទាំងប្រទេស ដែលបានចូលរួមបច្ច័យ​កសាងអណ្តូងទឹកស្អាត និងប្រព័ន្ធទឹកស្អាតនៅវត្ត​ជោតប្បនារាម ហៅ (វត្តតាសុត) វត្តព្រះអង្គវនវាសីចន្ទមុនី ខ្ញុំសូមជម្រាបជូនថា ថ្ងៃទី២៤ ខែមេសា ឆ្នាំ២០២៤ វេលាម៉ោង​៤រសៀល ធ្វើបុណ្យដាក់​ឆ្លងអណ្តូងទី៣ និង ទី៤”។

ឧកញ៉ា ហួត ឈឿន បាន​ឱ្យដឹង​បន្ថែម​ទៀត​ថា កម្មវិធី​ខាង​លើ​​ក៏​នឹង​មាន​ការ​ដាំនិងបំបួសដើមឈើចំនួន៤មុខ មានដើម​ព្នៅចំនួន៤ដើម ដើមស្រម៉ចំនួន៤ដើម ដើមម្តិញចំនួន២ដើម និងដើមសន្តាន់២ដើម ដែល​សុទ្ធសឹង​ជា​ដើមឈើដែលយើង​ស្ទើរ​តែ​ភ្លេច ហើយមិនដែល​ស្គាល់ផង។ ហេតុនេះ លោកឧកញ៉ា​សូមអញ្ជើញចូលរួមទទួលមគ្គផល​តាមសទ្ធារៀងៗខ្លួន​ដែលលោក-លោកស្រីបានសាង។

លោកឧកញ៉ា ហួត ឈឿន ធ្លាប់​បានបញ្ជាក់ថា អណ្តូងដំបូង (ទី១) និងអណ្តូងទី២ បានវេរប្រគេនវត្តរួចរាល់ហើយ ចំណែក​អណ្តូង​ទី៣ ទោះសាង​សង់​រួចរាល់ក្ដី តែមិនទាន់បានវេរប្រគេនព្រះអង្គនៅឡើយ​ទេ ចាំ​វេរ​​ប្រគេន​រួមគ្នា​ជាមួយ​នឹង​អណ្តូង​លើកទី៤តែម្តង។ សូមជម្រាបថា ឧកញ៉ា ហួត ឈឿន ប្រគេនអណ្ដូងទឹកស្អាតទាំង៤​នេះ​ ដល់ព្រះអង្គ វន វាសីច័ន្ទមុនី គឺ​ដើម្បី​ទុកឱ្យប្រជាជនប្រើប្រាស់តាមតម្រូវការ៕

The post ឧកញ៉ា ហួត ឈឿន ប្រកាសរៀបចំបុណ្យឆ្លងប្រគេនអណ្ដូងទឹកស្អាត ដល់ព្រះអង្គ វន វាសីច័ន្ទមុនី នៅចុងខែមេសានេះ appeared first on .

អ្នកឧកញ៉ា ឧកញ៉ា ដែលអញ្ជើញអមដំណើរសម្ដេចធិបតីរួមមាន អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា, អ្នកឧកញ៉ា ទុយ គី អនុប្រធាន​សភាពាណិជ្ជកម្មកម្ពុជា និងជា​អនុប្រធានក្រុមប្រឹក្សាភិបាលសមាគមមូលនិធិសម្តេចតេជោ ដើម្បីអភិវឌ្ឍន៍សហគ្រាស​ធុនតូច និងមធ្យមនៅកម្ពុជា, អ្នកឧកញ៉ា ចាន់ សុទ្ធា អនុប្រធានសភាពាណិជ្ជកម្មកម្ពុជា ,ឧកញ៉ា ហួត ឈឿន ប្រធានសភាពាណិជ្ជកម្មខេត្តកំពង់ចាម-មណ្ឌលគិរី, ឧកញ៉ា នួន ពេជ្រសុផល អគ្គនាយករងជាន់ខ្ពស់សភាពាណិជ្ជកម្មកម្ពុជា ,ឧកញ៉ា តែ តាំងប៉ ប្រធានក្រុមប្រឹក្សាភិបាល នៃសមាគមមូលនិធិសម្តេចតេជោ និងជាប្រធាន FASMEC។

សូមជម្រាបជូនថា ក្នុងដំណើរទស្សនកិច្ចផ្លូវការរបស់សម្ដេចធិបតី ហ៊ុន ម៉ាណែត នៅសាធារណរដ្ឋប្រជាធិបតេយ្យប្រជាមានិតឡាវ គឺចាប់ពីថ្ងៃទី២៥-២៦ ខែមីនា ឆ្នាំ២០២៤ តបតាមការអញ្ជើញរបស់ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្រ្តីឡាវ។

ដំណើរទស្សនកិច្ចផ្លូវការរបស់ សម្តេចធិបតី ទៅកាន់ប្រទេសឡាវ នឹងធ្វើឱ្យកាន់តែស៊ីជម្រៅថែមទៀតនូវទំនាក់ទំនងទ្វេភាគី ក្នុងស្មារតីភាពជាអ្នកជិតខាងល្អ មិត្តភាពជាប្រពៃណី និងភាពជាដៃគូយុទ្ធសាស្រ្តគ្រប់ជ្រុងជ្រោយ និងយូរអង្វែងរវាងប្រទេសទាំងពីរ ព្រមទាំងពង្រឹងមូលដ្ឋានគ្រឹះដើម្បីវឌ្ឍនភាព និងវិបុលភាពសម្រាប់ផលប្រយោជន៍របស់ប្រជាជននៃប្រទេសទាំងពីរ៕

The post អ្នកឧកញ៉ា ឧកញ៉ា ៧រូបអមដំណើរសម្ដេចធិបតីទស្សនកិច្ចផ្លូវការនៅឡាវ appeared first on .

កាលពី​ថ្ងៃទី១០ ខែមីនា ម្សិលមិញ​នេះ​ លោក​ឧកញ៉ា ហួត ឈឿន​ បាន​បញ្ជាក់ឱ្យ​ដឹង​តាម​រយៈ​គណនី​ហ្វេសប៊ុក​ផ្ទាល់​ខ្លួន​ថា លោកបានមកជួបព្រះអង្គ វន វាសីច័ន្ទមុនី គឺ​ដើម្បីប្រគេនអណ្តូងទឹកស្អាតទី៤ ដែល​ជា​ប្រព័ន្ធ​ចែកចាយទឹកស្អាត​ជូនដល់​ប្រជាពលរដ្ឋប្រើ​ប្រាស់។

លោកឧកញ៉ា បានបញ្ជាក់ថា អណ្តូងដំបូងនិងអណ្តូងទី២ បានវេរប្រគេនវត្តរួចរាល់ហើយ ចំណែកអណ្តូងទី៣ ទោះសាង​សង់​រួចរាល់ក្ដី តែមិនទាន់បានវេរប្រគេនព្រះអង្គនៅឡើយ ចាំ​វេរ​​ប្រគេន​រួមគ្នា​ជាមួយ​នឹង​អណ្តូងលើកទី៤តែម្តង។

ក្នុងឱកាសនោះដែរ ឧកញ៉ា ហួត ឈឿន ក៏បានថ្លែងអំណរគុណដល់​ថ្នាក់ដឹកនាំ​ លោកឧកញ៉ា លោកលោកស្រី និងពុទ្ធ​បរិស័ទ​ទាំងអស់​ ដែលបានចូលរួមបច្ច័យ សម្រាប់កសាងអណ្ដូងនោះគ្រប់ៗគ្នា៕

The post ឧកញ៉ា ហួត ឈឿន ប្រគេនអណ្ដូងទឹកស្អាតចំនួន៤ ដល់ព្រះអង្គ វន វាសីច័ន្ទមុនី appeared first on .

ការបោះឆ្នោតមានបេក្ខជនឈរឈ្មោះ១១រូប អ្នកចុះឈ្មោះបោះឆ្នោតសរុប៤២១នាក់ បេក្ខជនជ័យលាភីមាន១០រូប សរុបសមាជិកជ្រើសតាំងចាស់ និងថ្មីមានចំនួន១៥រូប។ ក្នុងនោះ ឧកញ៉ា ហួត ឈឿន ត្រូវបានជាប់ឆ្នោតជាប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី អាណត្តិទី៣ លើកទី១។

លោក បួន សារៈមុនី រដ្ឋលេខាធិការក្រសួងពាណិជ្ជកម្ម បានឲ្យដឹងថា សមាសភាពប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី នាអាណត្តិនេះ គឺ ឧកញ៉ា ហួត ឈឿន ដែលទទួលបានការបោះឆ្នោតគាំទ្រទុកចិត្តជាប្រធានចំនួន១១សម្លេងលើ១៥សម្លេងនៃចំនួនសមាជិកជ្រើសតាំងសរុបទាំង១៥ រូប។ បន្ថែមពីនោះគណៈកម្មការរៀបចំការបោះឆ្នោត បានធ្វើការរៀបចំបោះឆ្នោតជ្រើសរើសអនុប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរីក្នុងចំណោមបេក្ខជនស័គ្រចិត្តឈរឈ្មោះសរុបចំនួន១១រូបនៃសមាជិកទាំងអស់ ជាលទ្ធផលមានបេក្ខជនចំនួន០៨រូបបានជាប់ជាអនុប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី អាណត្តិទី៣ លើកទី១។

ជាមួយគ្នានេះ លោកបានណែនាំដល់សមាជិកសភាពាណិជ្ជកម្មដែលទើបនឹងជាប់ឆ្នោត និងសមាជិកនៅក្នុងអាណត្តិត្រូវមានសាមគ្គីភាពនៅក្នុងការបំពេញការងារ បន្តសហការយ៉ាងជិតស្និតជាមួយអាជ្ញាធរ ដែនដី និងមន្ទីរពាណិជ្ជកម្មខេត្តដែលជាអាណាព្យាបាល ជួយទាក់ទាញវិនិយោគគិនពីបរទេសឱ្យបណ្តាក់ទុនបន្ថែមទៀត ដើម្បីចូលរួមចំណែកជាមួយរាជរដ្ឋាភិបាលនៅក្នុងជំរុញការអភិវឌ្ឍន៍កំណើនសេដ្ឋកិច្ច-ពាណិជ្ជកម្មនៅក្នុងខេត្តក៏ដូចជានៅទូទាំងប្រទេសផងដែរ។

សូមជម្រាបជូនថា ឧកញ៉ា ហួត ឈឿន ធ្លាប់កាន់ដំណែងប្រធានការិយាល័យប្រតិបត្តិសភាពាណិជ្ជកម្ម មណ្ឌលខេត្តកំពង់ចាម-ខេត្តមណ្ឌលគិរីអាណត្តិ ទី២លើកទី២ មុនឈានមកធ្វើជាប្រធានសភាពាណិជ្ជកម្មមណ្ឌលខេត្តកំពង់ចាម-មណ្ឌលគិរី។

ក្នុងឪកាសជាប់ជាប្រធានថ្មីបន្ត ឧកញ៉ា ហួត ឈឿន បានប្រកាសប្តេជ្ញាចិត្តក្នុងអាណត្តិថ្មីនេះ លោកនឹងខិតខំកៀរគរ រកអ្នកវិនិយោគឱ្យមកខេត្តកំពង់ចាមឲ្យបានផុសផុសបន្ថែមទៀត និងរួមសហការការងារជាមួយសមាជិកសមាជិកាក្នុងអង្គភាពឱ្យបានល្អប្រសើរ៕

The post ឧកញ៉ារូបណាជាប់ជាប្រធានសភាពាណិជ្ជកម្មខេត្តកំពង់ចាម-មណ្ឌលគិរី appeared first on .