តាមរយៈសំណេរនៅលើបណ្ដាញសង្គមហ្វេសប៊ុក ​នា​រសៀល​ថ្ងៃ​សុក្រ​នេះ លោក​​ឧត្តមសេនីយ៍ឯក ឌី វិជ្ជា ​​​បាន​​លើក​ឡើង​ថា ​​​បន្ទាប់ពីធ្វើការស្ទង់មតិ កាលពីថ្ងៃម្សិលមិញលើផេកហ្វេសបុគផ្ទាល់ខ្លួនរបស់​លោក​ ចំពោះការ​រៀបចំ​ការប្រកួតបាល់ទាត់ «ស្វាយរៀងស៊ុបភើខាប់» លោក​បានកត់សម្គាល់ឃើញថា ការចូលរួមមតិ​របស់​បងប្អូន​ខេត្តស្វាយរៀង ភាគច្រើនបានគាំទ្រ ឱ្យមានការរៀបចំការប្រកួតមួយនេះ ដូច្នេះលោក​សម្រេចថា នឹង​ធ្វើការ​រៀបចំពានរង្វាន់ “ស្វាយរៀងស៊ុបភើខាប់ (Svay Rieng Super Cup)” នៅក្នុងឆ្នាំ២០២៤ ក្រោយចប់​ការ​ប្រកួតពានរង្វាន់ ស្វាយរៀងខាប់ រដូវកាលនេះ។

ជាមួយគ្នានេះ លោក​បានឃើញនូវសំណូមពរ ឱ្យមានការរៀបចំប្រកួតពានរង្វាន់កីឡាបាល់ទាត់នារី ដូចនេះ លោក​ក៏សម្រេចនឹងរៀបចំឱ្យមានការប្រកួតនេះផងដែរ នៅដើមខែមីនា ឆ្នាំ២០២៤។ យ៉ាង​ណា​មិញ ចំពោះ​សំណូមពរ​របស់បងប្អូន ស្នើសុំឱ្យមានការប្រកួតពានកុមារ លោក​បានឃើញ ក៏រីករាយសប្បាយចិត្តនឹង​ទទួល​យក ហើយលោក​នឹងចាត់ឱ្យក្រុមការងារបច្ចេកទេស ដើម្បីចុះទៅពិភាក្សា និងសិក្សាឱ្យបានច្បាស់លាស់​បន្ថែម​ទៀត មុននឹងដាក់ចេញឱ្យមានការប្រកួតពានសម្រាប់កុមារនេះ។

លោក ឌី វិជ្ជា​ ក៏​សូមថ្លែងអំណរគុណ ចំពោះបងប្អូនសាធារណជន ក៏ដូចជាបងប្អូនអ្នកស្វាយរៀង និងអ្នកគាំទ្រ​ស្រលាញ់វិស័យកីឡាបាល់ទាត់ទាំងអស់ ដែលបានចូលរួម និងខមមិនឆ្លើយតបមកវិញគាំទ្រ និងជាមតិនានា ដើម្បីឱ្យ​លោក​ និងក្រុមការងារ យកទៅរៀបចំការប្រកួតពានរង្វាន់ “ស្វាយរៀងស៊ុបភើខាប់ (Svay Rieng Super Cup)” នេះ។

គួរ​រំឭក​ថា កាលពី​ថ្ងៃទី១១ ខែមករា ឆ្នាំ២០២៤ ​​លោក​ ឌី វិជ្ជា បាន​ធ្វើការ​ស្ទង់​មតិ​លើ​ទំព័រហ្វេសប៊ុក​របស់​លោក ដោយ​ចោទ​ជា​សំណួរ​ថា៖ “ជូន​ដល់​បងប្អូន​វិស័យ​បាល់ទាត់​ខេត្តស្វាយរៀង ខ្ញុំ​ចង់​បង្កើត ស្វាយរៀងស៊ុបភើខាប់ (Svay Rieng Super Cup) តើ​បងប្អូន​យល់​យ៉ាង​ណា?” ចំពោះ​លទ្ធផល​នៃ​ការ​ស្ទង់​មតិ​នេះ គឺ​ទទួល​បាន​​មតិ​យោបល់​គាំទ្រ​យ៉ាង​ច្រើន។

សូម​ជម្រាប​ថា លោក​ឧត្តមសេនីយ៍ឯក​​​​ ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋាន​កណ្ដាល​សន្តិសុខ គឺ​ជាប្រធានសហភាពសហព័ន្ធយុវជនកម្ពុជាខេត្តស្វាយរៀង, ជា​សមាជិកគណៈកម្មាធិការប្រតិបត្តិ នៃ​សហព័ន្ធកីឡាបាល់ទាត់កម្ពុជា និង​ជា​ប្រធានក្លិបបាល់ទាត់ព្រះខ័នរាជស្វាយរៀង ដែល​កំពុង​លេង​នៅ​លីគ​​កំពូល​​កម្ពុជា Cambodian Premier League ​ផង​ដែរ៕

The post កូនប្រសារសម្តេចតេជោ ប្រកាសរៀបចំការប្រកួតពានរង្វាន់បាល់ទាត់ «ស្វាយរៀងស៊ុបភើខាប់» appeared first on .

ក្នុងឱកាសនោះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានទទួលនូវ “មេដាយមាសអនុស្សាវរីយ៍មហាកំពែង” (The Great Wall Commemorative Medal) ព្រមទាំងថ្នាក់ដឹកនាំ ២រូបទៀត គឺ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ទទួលមេដាយមាស និងឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ ទទួលបានមេដាយប្រាក់។

សូមជម្រាបថា មេដាយអនុស្សាវរីយ៍មហាកំពែង គឺជាមេដាយកិត្តិយសថ្នាក់ខ្ពស់បំផុត ដែលសម្រាប់ផ្ដល់ជូនថ្នាក់ដឹកនាំបរទេសឈានមុខលំដាប់ពិភពលោក ដែលបានរួមចំណែកដល់កិច្ចសហប្រតិបត្តិការអនុវត្តច្បាប់អន្តរជាតិ សន្តិភាព និងស្ថិរភាពពិភពលោក។

ការទទួលបានមេដាយកិត្តិយសដ៏ថ្លៃថ្លានេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងអំណរគុណយ៉ាងជ្រាលជ្រៅដល់ ក្រសួងសន្តិសុខសាធារណៈចិន និងបានវាយតម្លៃខ្ពស់ចំពោះគ្រឿងឥស្សរិយយសប្រកបដោយគុណតម្លៃនេះ ដែលជាមោទកភាពសម្រាប់រាជរដ្ឋាភិបាលកម្ពុជា ជាពិសេសក្រសួងមហាផ្ទៃ ដែលជាស្ថាប័នទទួលខុសត្រូវថែរក្សាសន្តិសុខ សណ្ដាប់ធ្នាប់សាធារណៈ និងសុវត្ថិភាពសង្គម។ សម្ដេចក្រឡាហោម បានមានប្រសាសន៍បន្ថែមថា មេដាយមាស និងមេដាយប្រាក់ អនុស្សាវរីយ៍មហាកំពែង” ដែលថ្នាក់ដឹកនាំកម្ពុជាទទួលបាននៅពេលនេះ គឺជាការលើកទឹកចិត្តដ៏ខ្លាំងក្លាមួយបន្ថែមទៀត ដល់សមត្ថកិច្ចអនុវត្តច្បាប់របស់កម្ពុជាទាំងមូល ក្នុងកិច្ចខិតខំអនុវត្តការងាររបស់ខ្លួន ដើម្បីបម្រើដល់បុព្វហេតុជាតិ និងប្រជាជន។

គួរបញ្ជាក់ថា វេទិកា Liaryurgarg ត្រូវបានបង្កើតឡើងតាមសំណើរបស់ក្រសួងសន្តិសុខសាធារណៈ នៃសាធារណរដ្ឋប្រជាមានិតចិន នៅទីក្រុង Lianyungang នៃខេត្ត Jiangsu កាលពីឆ្នាំ២០១៥ និងជាវេទិកាសម្រាប់កិច្ចសន្ទនា និងកិច្ចសហប្រតិបត្តិការដែលមាន “កិច្ចសហការសន្តិសុខដើម្បីវិបុលភាពរួម” ជាតម្លៃស្នូល។ វេទិកានេះ មានគោលដៅកម្ពស់កិច្ចសហប្រតិបត្តិការលើការអនុវត្តច្បាប់ និងសន្តិសុខសម្រាប់ការអភិវឌ្ឍសេដ្ឋកិច្ចពិភពលោក ជាមួយនឹងការគិតគូរប្រកបដោយភាពច្នៃប្រឌិត និងវិធានការជាក់ស្ដែង ដោយមានការចូលរួមគ្នា ការកសាង និងការ គ្រប់គ្រងរបស់មន្ត្រីជាន់ខ្ពស់មកពីរដ្ឋាភិបាល និងអង្គការអន្តរជាតិ មន្ត្រីអនុវត្តច្បាប់ និងកងកម្លាំងនគរបាល អ្នកដឹកនាំអាជីវកម្ម និងអ្នកជំនាញប្រឹក្សាយោបល់៕

The post មន្ត្រីជាន់ខ្ពស់ក្រសួងមហាផ្ទៃ ៣ រូប ទទួលមេដាយមាសអនុស្សាវរីយ៍មហាកំពែង ពីប្រទេសចិន appeared first on .

យ៉ាងណាកក៏ដោយ នៅពីក្រោយការចាប់អារម្មណ៍កម្មវិធីវប្បធម៌សិល្បៈដ៏ធំនេះឡើងក៏ប្រហែលមិនមែនជារឿងសាមញឡើយ ដែលអាចមានអ្នករៀបចំព្រឹត្តិការណ៍ទទួលការគាំទ្រ និងកោតសរសើរពីមហាជនច្រើនលើសលប់បែបនេះ។

តើឥស្សរជន ឬសិល្បកររូបណា នៅក្រោយព្រឹត្តិការណ៍សិល្បៈដ៏ធំសម្បើបនេះ?

ប្រហែលជាមនុស្សមិនតិចនោះទេ បានស្គាល់កូន​ប្រុស​ច្បង​របស់ឧត្តមសេនីយ៍ឯកផ្កាយមាស៤ ហុក ឡង់ឌី​ អតីត​អគ្គ​ស្នង​ការ​នគរ​បាល​ជាតិ គឺឧត្តម​សេនីយ៍​ឯក ឌី វិជ្ជា បច្ចុប្បន្នជាអគ្គស្នងការ​រង​នគរបាល​ជាតិ និង​ជា​ប្រធាន​នាយកដ្ឋាន​កណ្ដាល​សុខ ហើយក្រៅពីការរាជការលោកក៏ជាអនុប្រធានសហភាពសហព័ន្ធយុវជនកម្ពុជា និងជាប្រធានសហភាពសហព័ន្ធយុវជនកម្មខេត្តស្វាយរៀង ហើយក៏ជាបេក្ខជនដំណាងរាស្រ្តបម្រុងមណ្ឌលខេត្តស្វាយរៀងផដែរ។

ឧត្តម​សេនីយ៍​ឯក ឌី វិជ្ជា ជាឥរស្សជន ដែលនៅពីក្រោយព្រឹត្តិការណ៍ដ៏ធំប្រចាំឆ្នាំ ហោស្រពរបាំក្បាច់បុរាណខ្មែរ «រឿងព្រះបាទជ័យវរ្ម័នទី៧» ដែលកំពុងទទួលបានការកោតសរសើរពីមហាជនគ្រប់មជ្ឈដ្ឋាន។ ប្រភពជិតស្និតក្រុមការងាររៀបចំកម្មវិធីបង្ហើបឲ្យដឹងថា គឺមានបុរសដ៏សាមញ្ញម្នាក់នេះនៅពីក្រោយគាំទ្រ និងឱ្យមានការរៀបចំមហោស្រពនេះឡើង។

ឧត្តម​សេនីយ៍​ឯក ឌី វិជ្ជា ជាថ្នាក់ដឹកនាំដ៏សំខាន់មួយរូបនៅពីក្រោយ ចាំជួយលើកទឹកចិត្ត និងផ្ដល់កម្លាំងចិត្តដល់អ្នកគ្រូ ឱម យុវណ្ណឌី, សិល្បករសិល្បការិនី និងយុវជនក្រុមការងារគ្រប់រូប ទើបធ្វើឱ្យមហោស្រពដែលចូលរួមចំណែកលើកស្ទួយ និងផ្សព្វផ្សាយអំពីសិល្បៈវប្បធម៌ខ្មែរយើងមួយនេះ ទទួលបាននូវភាពជោគជ័យដ៏ត្រចះត្រចង់។

ថ្វីដ្បិតលោកជាបុគ្គលដ៏សំខាន់នៅពីក្រោយព្រឹត្តិការណ៍នេះ តែលោកមិនបានទៅអង្គុយទស្សនានៅកៅអីកិត្តិយសនោះទេ គឺលោកនៅឈរខាងក្រោយជាមួយក្រុមការងារបច្ចេកទេសយ៉ាងស្ងប់ស្ងាត់។ ភាពសាមញ្ញរបស់លោកជាគំរូដ៏ប្រពៃដល់យុវជនគ្រប់រូប និងគួរឱ្យគោរពបំផុត៕

The post កូនប្រសារសម្តេចតេជោនាយករដ្ឋមន្រ្តីម្នាក់ នៅពីក្រោយព្រឹត្តិការណ៍សិល្បៈក៏កក្រើកថ្មីៗនេះ…! appeared first on .

បុក្គលិកកម្ពុជាថ្មីរូបនេះ បានសរសេររៀបរាប់តាមរយៈបណ្តាញសង្គមហ្វេសប៊ុកផ្ទាល់ខ្លួន កាលពីពេលថ្មីៗនេះថា៖ «ខ្ញុំបានចាកចេញពីវិទ្យុបារាំងអន្តរជាតិមកចូល«កម្ពុជាថ្មី»ជាងកន្លះឆ្នាំមកហើយ។ កាលនៅវិទ្យុបារាំងអន្តរជាតិ ខ្ញុំបានរៀនចេះច្រើនណាស់ពីអ្នកពូកែៗនៅទីនោះ ឯនៅទីនេះវិញ ខ្ញុំក៏បានចេះអ្វីដែលថ្មីៗដែលខ្ញុំមិនបានឆ្លងកាត់ទាល់តែសោះពីសំណាក់រៀមច្បងជំនាញៗ និងក្រុមការងារដ៏មានសក្តានុពល»។

លោក ​វណ្ណ សុគន្ធា បានលើកឡើងបន្ថែមថា៖ «មែនទែនទៅ នៅក្នុងសង្វាក់ការងារនានា មិនថាតែក្នុងផ្នែកសារព័ត៌មានទេ តែងតែជួបបញ្ហា។ ប៉ុន្តែ គាត់( ឯ.ឧ ឌី វិជ្ជា) មិនដែលបន្ទោស ឬដាក់សម្ពាធដល់ក្រុមការងារឡើយ ផ្ទុយទៅវិញ គាត់តែងតែលើកទឹកចិត្ត និងនិយាយថា មិនអីទេ វាជាមេរៀនមួយសម្រាប់គ្នាយើងនាពេលក្រោយ ខណ:ខ្ញុំ និងក្រុមការងារ ពិតជាមានអារម្មណ៍មិនល្អសោះ ពេលដំណើរការការងារជួបឧបសគ្គបែបនេះ។ សម្តីរបស់គាត់ គឺជាឱសថទិព្វមួយសម្រាប់ព្យាបាលផ្លូវចិត្តរបស់ពួកយើងនាពេលនោះ»។

មិនតែប៉ុណ្ណោះ អ្នកសារព័ត៌មានខាងលើ ក៏បានបញ្ជាក់ដូច្នេះដែរថា «ជាងកន្លះឆ្នាំមកនេះ ខ្ញុំមានឱកាសបានជួបគាត់ដោយផ្ទាល់តែពីរបីដងប៉ុណ្ណោះ។ ពេលជួបគាត់ម្តងៗ ត្បិតថាជាការទទួលទានអាហារជុំគ្នាប្រកបដោយភាពរីករាយ និងស្និតស្នាលមែន តែជាឱកាសដ៏ល្អក្នុងការជជែកពិភាក្សាពីការងារព័ត៌មាននានារបស់«កម្ពុជាថ្មី»។ គាត់ពិតជារវល់ខ្លាំងណាស់ តែគាត់ក៏មិនដែលភ្លេចពួកយើងដែរ។ គាត់ជាមនុស្សមិនសូវមាត់ករ តែចូលចិត្តស្តាប់យោបល់ពួកយើងច្រើន ដែលត្រង់នេះធ្វើឳ្យខ្ញុំនឹកឃើញដល់ពេលធ្វើការងារនៅកន្លែងចាស់របស់ខ្ញុំ គឺការដឹកនាំ និងគ្រប់គ្រងមានលក្ខណ:ប្រជាធិបតេយ្យដូចគ្នា»។

លោក វណ្ណ សុគន្ធា បានរៀបរាប់ទៀតថា ពេលពួកយើងនិយាយម្តងៗពីបញ្ហាការងារប្រចាំថ្ងៃ ជាពិសេស ការបង្កើតនូវកម្មវិធីពិសេសថ្មីៗនោះ គាត់តែងតែផ្ចិតផ្ចង់ស្តាប់យ៉ាងយកចិត្តទុកដាក់ ហើយម្តងម្តាល គាត់បានសួរនាំមួយៗ និងតែងតែងក់ក្បាលជានិច្ច។ នេះ ធ្វើឳ្យពួកយើងកាន់តែមានភាពជឿជាក់ក្នុងការធ្វើបទបង្ហាញ។ គាត់ មិនដែលនិយាយបដិសេធគម្រោងនានារបស់យើងទេ ដោយជំនួសមកវិញថា គាត់សូមពិនិត្យមើលសិន។

ជាមួយគ្នានេះដែរ បុគ្គលិកកម្ពុជាថ្មីរូបនេះ ក៏បានអះអាងទៀតថា «ត្បិតថា ជួបគាត់បានតិចមែន ប៉ុន្តែ ខ្ញុំបានរៀនពីគាត់ច្រើន។ គាត់មានមេត្តា និងអធ្យាស្រ័យដល់ក្រុមការងារច្រើន។ គាត់មិនប្រកាន់ តែសាមញ្ញមែនទែន ទោះបីគាត់ជាថ្នាក់ដឹកនាំកំពូលក្នុងអង្គភាពក៏ដោយ។ អ្វីជាការកត់សម្គាល់ និងគួរឳ្យគោរព គឺគាត់ជាថ្នាក់ដឹកនាំម្នាក់ដែលតែងឳ្យតម្លៃទៅលើអ្នកដទៃណាស់មិនថាជាថ្នាក់ក្រោមគាត់ឡើយ»។

ជាងនេះទៀត អ្នកសារព័ត៌មានខាងលើ ក៏បានបញ្ជាក់ដែរថា «មេរៀនមួយទៀតដែលខ្ញុំលួចរៀនពីគាត់តាមវិធីសាស្រ្តអង្កេត គឺគាត់ជាមនុស្សសាមញ្ញ មិនសូវចេះមាត់ករ ស្ងប់ស្ងាត់ តែគាត់រឹងមាំ ម៉ឺងម៉ាត់ ច្បាស់លាស់ និងហ្មត់ចត់ណាស់នឹងការងារ។ ប៉ុន្តែ គាត់ក៏មានការយោគយល់ និងអធ្យាស្រ័យច្រើនដល់ក្រុមការងារផងដែរ»។

គួររម្លឹកថា ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយករដ្ឋានកណ្តាលសន្តិសុខ។ ឯកឧត្តមត្រូវជាកូនប្រុសច្បងអតីតមេបូលីសក្រុងភ្នំពេញ ឧត្ដមសេនីយ៍ ហុក ឡងឌី អគ្គស្នងការនគរបាលជាតិ ហើយត្រូវជាកូនប្រសារសម្តេចតេជោ ហ៊ុន សែន នាយករដ្ឋមន្រ្តី គឺលោកជំទាវ ហ៊ុន ម៉ាណា អគ្គនាយិកាស្ថានីយ៍ទូរទស្សន៍ បាយ័ន គ្រុប៕

The post បុគ្គលិក«កម្ពុជាថ្មី»ម្នាក់ លើកសរសើរពីគុណសម្បត្តិ របស់កូនប្រសារសម្តេច ហ៊ុន សែន ឯកឧត្តម ឌី វិជ្ជា ថាជាមនុស្សបែបនេះ? appeared first on .

ក្នុង​ឱកាស​នោះ​ដែរ ឧត្តមសេនីយ៍ឯក ឌី វិជ្ជា ​​បាន​អញ្ជើញ​​ចុះ​ទៅ​ត្រួត​ពិនិត្យ​ផ្ទាល់​ នៅ​ទីតាំង​ប្រជុំ​ធំ នៅ​សណ្ឋាគារ​សុខា​ភ្នំពេញ ​ដោយ​បាន​​អង្កេត​​​ពិនិត្យ​លើ​សម្ភារៈ បរិក្ខា និងរបស់ប្រើប្រាស់​​នានា ​ព្រម​ទាំង​​ប្រើ​សុនខ ​ដើម្បី​ហិតក្លិន​ស្វែង​រក​អាវុធ​ ឬគ្រឿង​ផ្ទុះ​​នៅ​​តាម​បន្ទប់​ទទួល​ភ្ញៀវ​ បន្ទប់​ប្រជុំ​​ និង​នៅ​តាម​សួន​សាធារណៈ​​​សំខាន់ៗ​នានា ក្នុង​រាជធានីភ្នំពេញ។

​​តាមសេចក្តីប្រកាស​របស់​​ក្រសួងការបរទេស​ និងសហប្រតិបត្តិការអន្តរជាតិ បាន​ឲ្យ​ដឹងថា នៅក្នុង​កិច្ចប្រជុំ​ថ្នាក់​រដ្ឋមន្ត្រីការបរទេស​អាស៊ាន និង​កិច្ចប្រជុំ​ពាក់ព័ន្ធ ដែល​កម្ពុជា​ធ្វើជា​ម្ចាស់ផ្ទះ​​ចាប់ពី​ថ្ងៃទី​៣០ ខែ​កក្កដា ដល់​ថ្ងៃទី​០៦ ខែ​សីហា ឆ្នាំ​២០២២ នឹងមាន​ការចូលរួម​រហូតដល់​ទៅ ៣៩ ប្រទេស ទាំង​កម្ពុជាផង ក្នុងនោះ រដ្ឋមន្ត្រីការបរទេស នៃ​បណ្តា​ប្រទេស​ធំៗ ដូចជា​រដ្ឋមន្ត្រីការបរទេស សហរដ្ឋអាមេរិក លោក Antony Blinken រដ្ឋមន្ត្រីការបរទេស​ចិន លោក Wang Yi រដ្ឋមន្ត្រីការបរទេស​រុស្ស៊ី លោក Sergei Lavrov រដ្ឋមន្ត្រីការបរទេស​ជប៉ុន លោក Hayashi Yoshimasa រដ្ឋមន្ត្រីការបរទេស​ឥណ្ឌា លោក S. Jaishankar និង​រដ្ឋមន្ត្រីការបរទេស​អូស្ត្រាលី លោកស្រី Penny Wong ក៏​នឹង​អញ្ជើញ​មក​ចូលរួម​ផងដែរ៕

The post ស្វាមីលោកជំទាវ ហ៊ុន ម៉ាណា ដឹកនាំកងកម្លាំងការពារសុវត្ថិភាពគណៈប្រតិភូមកចូលរួមកិច្ចប្រជុំ appeared first on .

ការជំរុញរបស់ឧត្តមសេនីយ៍ឯកដូចនេះ បានធ្វើឡើងនៅក្នុងពិធីបិទវគ្គបណ្តុះបណ្តាលបំប៉នជំនាញចរាចរណ៍ផ្លូវគោក និងបំប៉ន​ជំនាញ​សន្តិសុខ​ផ្ទៃក្នុង​នៅ​សាលានគរបាលមិត្តភាពកម្ពុជា-វៀតណាម ក្នុងខេត្តកំពង់ស្ពឺ នាព្រឹកថ្ងៃទី​០៥ ខែឧសភា ឆ្នាំ២០២២នេះ។

ឧត្តមសេនីយ៍ឯក ឌី វិជ្ជា បានលើកឡើងថា ក្នុងនាមជាកងកម្លាំងបម្រើសន្តិ​សុខសណ្តាប់ធ្នាប់​ជូន​ដល់​ប្រជាពលរដ្ឋ ក៏ដូចជា​ប្រទេសជាតិទាំងមូលត្រូវធ្វើអ្វីគោរពទៅតាមវិន័យ និងវិជ្ជាជីវៈរបស់ខ្លួន ដូច​​អ្វី​ដែលស្របទៅតាមការកែទម្រង់​របស់​ក្រសួង​មហាផ្ទៃ ក៏ដូចជារាជរដ្ឋាភិបាល។

ឧត្តមសេនីយ៍ឯក បានបញ្ជាក់ថា ការផ្តល់វគ្គបណ្តុះបណ្តាលជំនាញនានា​ដល់កងកម្លាំង​នគរបាល​ទាំងអស់ គឺដើម្បីបង្កើន​ជំនាញ សមត្ថភាព និងវិជ្ជាជីវៈ ក្នុងកិច្ចការងារថែរក្សាសន្តិសុខ​សណ្តាប់ធ្នាប់​ជូនដល់ប្រជាជន និងប្រទេស​ជាតិ។ វគ្គបណ្តុះ​​បណ្តាលនេះ ដើម្បីឲ្យយល់​ដឹងកាន់តែច្បាស់​បន្ថែម​ទៀតនូវមូលដ្ឋានច្បាប់របស់​កងកម្លាំង​​នគរបាលផងដែរ។

ជាមួយគ្នានេះ ឧត្តមសេនីយ៍ឯក ឌី វិជ្ជា ក៏បានថ្លែងកោតសរសើរចំពោះកងកម្លាំងនគរបាលទាំងអស់​នាពេលកន្លងមក ដែល​បានខិតខំថែរក្សាសន្តិសុខសណ្តាប់ធ្នាប់ជូនដល់ប្រជាជន និងប្រទេសជាតិ​ផងដែរ ជាពិសេស​ក្នុងរយៈ​ពេលពីរឆ្នាំចុង​ក្រោយ​នេះ បានខិតខំយ៉ាងខ្លាំងទាំងយប់ទាំងថ្ងៃ ក្នុងការ​ចូលរួម​ជាមួយ​រាជរដ្ឋា​ភិបាល ទប់ស្កាត់ការរីករាលដាល នៃមេរោគ​កូវីដ-១៩ ទទួលបានជោគជ័យ តាំងពីចាប់ផ្តើមបិទប្រទេស រហូតបើកដំណើរការប្រទេសឡើងវិញ ៕

The post ឧត្តមសេនីយ៍ឯក ឌី វិជ្ជា ជំរុញដល់​កងកម្លាំង​នគរបាល​ទាំងអស់​បំពេញការងារ​ ដោយគោរពវិន័យ​និងវិជ្ជាជីវៈ appeared first on .