វត្តមាន​របស់​សម្តេច​តេជោ ហ៊ុន សែន ទៅ​កាន់​សណ្ឋាគារ​ សុខា​ភ្នំពេញ ​ក្នុង​ពិធី​បិទ​សន្និបាត​ខាង​លើ​នេះ គេ​ឃើញ​មាន​​ការ​ចូល​រួម​ធ្វើ​បដិសណ្ឋារកិច្ច​ពី​សំណាក់​មន្ត្រី​ជាន់ខ្ពស់​​របស់​រាជរដ្ឋាភិបាលកម្ពុជា​ជា​ច្រើនរូប ​ទាំងមន្ត្រី​ស៊ីវិល និង​កង​កម្លាំងនគរបាលជាន់ខ្ពស់។ ទទឹម​នឹង​នោះ អ្នកឧកញ៉ា សុខ គង់ ​​​​ក៏​បាន​ចូល​រួម​ធ្វើ​បដិសណ្ឋារកិច្ច​សម្តេច​តេជោ ដោយ​ផ្ទាល់​​ទៅ​កាន់​សណ្ឋាគារ​របស់​លោក ដើម្បី​​​ចូល​រួម​ក្នុង​វេទិកា​សន្និបាត​ផង​ដែរ។

ជាមួយ​គ្នា​នេះ លោកបណ្ឌិត ងិន បាណាល់ កូន​ប្រសារ​របស់​អ្នកឧកញ៉ា សុខ គង់ ​​ក៏​បាន​អញ្ជើញ​ចូល​រួម​ក្នុង​ពិធី​បិទ​សន្និបាត​នេះ​ដែរ។ លោក​​ឧត្តមសេ​នីយ៍​ឯក ងិន បាណាល់ ​​​អគ្គនាយករង នៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ នៃ​ក្រសួង​មហាផ្ទៃ ​​បាន​បង្ហោះ​រូបភាព​មួយ​សន្លឹក​​លើ​ទំព័រ​ហ្វេសប៊ុក​របស់​លោក ​ភ្ជាប់​ជាមួយ​នឹង​សារ​ថា៖ “ថ្ងៃនេះ ខ្ញុំបាទទទួលបានកិត្តិយសដ៏ឧត្តុងឧត្តមបានថតរូបអនុស្សាវរីយ៍ក្នុងឯកសណ្ឋានជាមួយ លោកជំទាវ​កិត្តិសង្គហបណ្ឌិត ម៉ែន សំអន និងលោកពុក។ ដោយសេចក្តីគោរពដ៏ខ្ពង់ខ្ពស់”។

សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានធ្វើសេចក្ដីរាយការណ៍ ឱ្យ​ដឹង​ថា​ ផ្អែកលើសេចក្ដីរាយការណ៍​នៃលទ្ធផលការងារប្រចាំឆ្នាំ២០២២ និងលើទិសដៅការងារឆ្នាំ២០២៣ របស់​ក្រសួង​មហាផ្ទៃ បានបង្ហាញឱ្យ​ឃើញសមិទ្ធផល បញ្ហាប្រឈម និងដំណោះស្រាយ សំដៅលើកកម្ពស់គុណភាព​ការងារ​របស់ក្រសួងមហាផ្ទៃ និងរដ្ឋបាលថ្នាក់ក្រោមជាតិ។

សូម​ជម្រាប​ជូន​ថា ឆ្លៀតឱកាសនោះ សម្ដេចតេជោ ហ៊ុន​ សែន​ នាយករដ្ឋមន្ដ្រី បាន​មានប្រសាសន៍ណែនាំ​ដល់កងកម្លាំងនគរបាលជាតិ សម្រាប់អនុវត្តការងារឆ្នាំ២០២៣ ថា ត្រូវបន្ដពង្រឹង និងថែរក្សាការពារសន្ដិភាព ស្ថិរភាពនយោបាយ បូរណភាពទឹកដី អធិបតេយ្យជាតិ ការពារព្រះមហាក្សត្រ ការពាររបបរាជានិយម ព្រម​ទាំង​បន្ដលើកកម្ពស់លទ្ធិប្រជាធិបតេយ្យ និងសេរី ពហុបក្ស សិទ្ធិសេរីភាពរបស់ប្រជាពលរដ្ឋ និងការពង្រឹងនិតិរដ្ឋ ព្រមទាំងរដ្ឋធម្មនុញ្ញ នៃព្រះរាជាណាចក្រកម្ពុជា៕

The post អ្នកឧកញ៉ា ម្ចាស់សណ្ឋាគារ សុខា អញ្ជើញធ្វើបដិសណ្ឋារកិច្ចសម្តេចតេជោ ហ៊ុន សែន ដោយផ្ទាល់ appeared first on .

លោកបណ្ឌិត ងិន បាណាល់ ​​ចូល​រួម​ពិធី​រំកិល​ទូក «ង» ​​វែង​ជាង​គេ​លើ​ពិភពលោក ដែល​មាន​ឈ្មោះ​ថា​ «កម្ពោ​ជិក​បុត្តាខេមរាតរី» ខាង​លើ​នេះ​ ​​ក្នុង​នាម​តំណាងលោក​ ស សុខា ប្រធានអនុគណ:កម្មការសាងសង់រោងទូក ង “កម្ពោជិកបុត្តាខេមរាតរី” និងលោកជំទាវ កែ សួនសុភី។ កម្មវិធី​នេះ​ ក៏​មាន​ការ​អញ្ជើញ​​ចូល​រួម​ពី​លោក​ ជា សុមេធី អភិបាល នៃគណ:អភិបាលខេត្តព្រៃវែង ​ក្នុងនោះអ្នកចូលរួមរំកិលទូក ង មានកងកម្លាំងប្រដាប់អាវុធ​ទាំងបី​ប្រភេទ និងកម្លាំងយុវជនសរុបទាំងអស់ ២៦៧នាក់ និងប្រើដើមចេកចំនួន១.៦០០ដើម ដើម្បី​រំកិល​ទូក ង វែង​ជាង​គេ​លើ​ពិភពលោក ទៅ​តម្កល់​នៅ​តំបន់ចុងប៉ម មុខសាលាខេត្តព្រៃវែង។

បើ​តាម​លោក​ ស សុខា ​​ធ្លាប់​បាន​បញ្ជាក់​​ឱ្យ​ដឹង​ថា រោងតម្កល់ទូក ង វែងជាងគេលើពិភពលោកនេះ ត្រូវបាន​សាងសង់ឡើងលើផ្ទៃដី ២ ៤៩២ម៉ែត្រការេ ដែលមានទទឹង ៨,៦០ម៉ែត្រ បណ្តោយ ៩៨,៨០ម៉ែត្រ និងកម្ពស់ ១១ម៉ែត្រ ស្ថិតនៅក្នុងភូមិលេខ១ សង្កាត់កំពង់លាវ ក្រុងព្រៃវែង ខេត្តព្រៃវែង (មុខសាលាខេត្ត)។

គួរ​បញ្ជាក់​ថា​ផង​ដែរ​ថា ទូក «ង» ​ខ្មែរដ៏អស្ចារ្យ​​​ បាន​ជាប់កំណត់ត្រាជាទូក ង វែងជាងគេលើពិភពលោក ដែល​ត្រូវបានចុះវាយតម្លៃផ្ទាល់ ដោយតំណាងអង្គការ Guinness World Records នៅថ្ងៃទី១២ ខែវិច្ឆិកា ឆ្នាំ២០១៨ ឈ្មោះ “កម្ពោជិកបុត្តាខេមរាតរី”។ ទូក ង “កម្ពោជិកបុត្តាខេមរាតរី” ផលិតឡើងតាមរថនាបថ និងបច្ចេកទេស​កូនខ្មែរ ជាទូកវែងជាងគេលើពិភពលោក ដែលមានប្រវែង ៨៧,៣០ម៉ែត្រ ទទឹង ១,៩៤ម៉ែត្រ ជម្រៅ ០,៨០​ម៉ែត្រ និងកម្រាស់សាច់ឈើទូក ៧សង់ទីម៉ែត្រ ដែលអាចផ្ទុកចំណុះបានចំនួន ១៧៩នាក់៕

The post កូនប្រសារអ្នកឧកញ៉ា សុខ គង់ ចូលរួមរំកិលទូក «ង» វែងជាងគេលើពិភពលោក ទៅតម្កល់នៅទីតាំងថ្មី appeared first on .

លោកបណ្ឌិត ងិន បាណាល់ ​​​ក្នុង​នាម​ជា​អ្នកដឹកនាំ និង​សម្រប​សម្រួល​ការ​ចង​ក្រង​សៀវភៅ​​​ខាង​លើ​នេះ ​​បាន​ឱ្យ​ដឹង​ថា ក្រុមអ្នកនិពន្ធ បានចងក្រងយ៉ាងសម្រិតសម្រាំងនូវខ្លឹមសារប្រកបដោយគុណតម្លៃ អស់រយៈពេលជាង ២ឆ្នាំ ទម្រាំសៀវភៅ «អាថ៌កំបាំងពីក្រោយភាពជោគជ័យរបស់ អ្នកឧកញ៉ាបណ្ឌិត សុខ គង់» បានសម្រេច​ជា​ស្ថាពរ និងដាក់សម្ពោធជាផ្លូវការនៅថ្ងៃទី៣ ខែមករា ឆ្នាំ២០២៣។

លោកបណ្ឌិត​ ​​បាន​​បន្ត​ថា សៀវភៅទាំងមូល គឺផ្ដោតលើខ្លឹមសារ​អប់រំ តម្រង់ទិស ចក្ខុវិស័យ យុទ្ធសាស្រ្ត​គ្រប់គ្រង​ជំនួញ គន្លឹះ​ដឹក​នាំ​ធនធាន​មនុស្ស និងសម្រង់សំដី​ប្រកប​ដោយ​គតិបណ្ឌិត ដែល​ឆ្លុះបញ្ចាំងពីបទពិសោធន៍របស់​អ្នកឧកញ៉ាបណ្ឌិត ដែលនាំមកនូវភាពជោគជ័យរហូតមក ដែល​អាចក្លាយ​ជាត្រីវិស័យសម្រាប់មនុស្សគ្រប់​ស្រទាប់វណ្ណៈ ពិសេស​យុវជនអាចក្រេបជញ្ជក់យកចំណេះដឹង​ជាប្រយោជន៍​សម្រាប់ការរស់នៅ និងមុខរបរក្នុង​ពេលបច្ចុប្បន្ន និង​អនាគតផងដែរ។

ឧត្តមសេនីយ៍ឯកបណ្ឌិត ងិន បាណាល់ បានបញ្ជាក់​បន្ថែម​យ៉ាង​ដូច្នេះ​ថា៖ “សៀវភៅ «អាថ៌កំបាំងពីក្រោយ​ភាពជោគជ័យរបស់ អ្នកឧកញ៉ាបណ្ឌិត សុខ គង់» បានចងក្រងឡើងដោយមិនរកប្រាក់ចំណេញ និងបាន​បោះពុម្ពជាលើកដំបូងចំនួន ១.០០០ក្បាល គ្រោងនឹងដាក់តម្កល់នៅបណ្ណាគារជាតិ តាមបណ្ណាគារធំៗ និង​តាមបណ្ណាល័យក្នុងសាកលវិទ្យាល័យមួយចំនួន”។

ជាមួយគ្នានេះ លោកបណ្ឌិត ងិន បាណាល់ ស្វាមី​របស់​លោក​ជំទាវ សុខ ចន្ធូ សង្ឃឹមថា សៀវភៅ «អាថ៌កំបាំងពី​ក្រោយ​ភាពជោគជ័យរបស់ អ្នកឧកញ៉ា​បណ្ឌិត សុខ គង់» នេះ នឹងបានជាប្រយោជន៍សម្រាប់អ្នកសិក្សាសា្រវជ្រាវ និងទុកជាកេរ្តិ៍ដំណែលដល់អ្នក​ជំនាន់​ក្រោយ ដែលមានចិត្តចង់ឈ្វេងយល់ និងដកពិសោធន៍ពីអ្នកឧកញ៉ា ដែល​ជារៀមច្បង​មាន​បទពិសោធន៍​អនុវត្តជាក់ស្ដែងយូរឆ្នាំលើវិថីជំនួញប្រកបដោយជោគជ័យ៕

The post សៀវភៅ «អ្នកឧកញ៉ាបណ្ឌិត សុខ គង់» មិនមែនចងក្រងឡើង ដើម្បីរកប្រាក់ចំណេញទេ appeared first on .

លោកបណ្ឌិត ងិន បាណាល់ ​​​ក្នុង​នាម​ជា​អ្នកដឹកនាំ និង​សម្រប​សម្រួល​ការ​ចង​ក្រង​សៀវភៅ​​​ខាង​លើ​នេះ​ឡើង ​បាន​ឡើង​ថ្លែង​សុន្ទរកថា និង​របាយការណ៍​ ឱ្យ​ដឹង​ថា សៀវភៅ «អាថ៌កំបាំង​ពីក្រោយភាពជោគជ័យរបស់​អ្នក​ឧកញ៉ាបណ្ឌិត សុខ គង់» ​​​គឺ​លោក​ និង​ក្រុមការងារ​​ព្រម​ទាំង​អ្នក​និពន្ធ បាន​ខិត​ខំ​ស្រាវជ្រាវ អស់​រយៈពេល​ជាង ២​ឆ្នាំ​មក​ហើយ។ ការ​ចង​ក្រង​សៀវភៅ​នេះ បាន​ប្រើ​វិធីសាស្ត្រ​មួយ​ចំនួន​ដូចជា ជួបសម្ភាសផ្ទាល់​ជាមួយ​អ្នកឧកញ៉ា ដែលជាតួអង្គឯកនៅក្នុងសៀវភៅនេះ និងបានជួបសម្ភាសជាមួយអ្នកពាក់ព័ន្ធជាមួយអ្នកឧកញ៉ា ដូចជា សមាជិកក្រុមគ្រួសារ អ្នកធ្លាប់បំពេញការជាមួយអ្នកឧកញ៉ាជាដើម។

លោកបណ្ឌិត បាន​បន្ត​ថា អ្នកនិពន្ធបានប្រើវិធីសាស្រ្ត ពីរក្នុងការសរសេរសៀវភៅនេះ គឺវិធីសាស្រ្តទី១ សរសេរ​តាមបែបបុរសទី១ ដើម្បីរៀបរាប់រឿងរ៉ាវផ្ទាល់ខ្លួនរបស់អ្នកឧកញ៉ា ពោលគឺ អ្នកអានសៀវភៅ​នេះនឹងយល់ថា​អ្នកឧកញ៉ាកំពុងរៀបរាប់រឿងរ៉ាវទាំងឡាយ នៃជីវិតរបស់លោកប្រាប់អ្នកអានដោយផ្ទាល់ ដែលអាចធ្វើឱ្យអ្នកអាន​ហាក់​ស្ថិតនៅក្នុងព្រឹត្តិការណ៍ជីវិត លេចឡើងនូវរូបារម្មណ៍ផ្សេងៗ ដូចជា ភាពជូរចត់ ការភិតភ័យ ក្ដីរីករាយ លាយឡំមនោសញ្ចេតនា ទៅតាមការពិពណ៌នារឿងរ៉ាវ។ ចំណែកវិធីសាស្រ្តទី២ គឺសរសេរតាមបែបបុរសទី៣ មានន័យថា អ្នកនិពន្ធដកស្រង់ប្រសាសន៍របស់អ្នកឧកញ៉ាមកជម្រាបជូនអ្នកអានឱ្យបានយល់ និងបានដឹងអំពី​ទ្រឹស្ដីជំនួញ ការគ្រប់គ្រងពាណិជ្ជកម្ម និងការដឹកនាំគ្រប់គ្រងបុគ្គលិកជាដើម។

ស្វាមី​របស់​លោក​ជំទាវ សុខ ចន្ធូ បាន​សង្កត់​ធ្ងន់​បន្ថែម​ថា អត្ថន័យទាំងស្រុង​នៅក្នុងសៀវភៅនេះគឺផ្អែកលើ​ការពិត សច្ចភាព និងតាមបែបផែននៃវិទ្យាសាស្រ្តសិក្សាស្រាវជ្រាវយ៉ាងពិតប្រាកដ។ ព្រឹត្តិការណ៍ កាលបរិច្ឆេទ រូបភាព និងទិន្នន័យផ្សេងៗ សុទ្ធតែត្រូវបានផ្ទៀងផ្ទាត់ដោយយកចិត្តទុកដាក់បំផុត។ គ្រប់ពាក្យពេចន៍ គ្រប់ឃ្លា​ប្រយោគសុទ្ធតែត្រូវបានសម្រិតសម្រាំង មុននឹងសម្រេចដាក់បញ្ចូលទៅក្នុងសៀវភៅនេះ។ សេចក្ដីរៀបរាប់នៅ​ក្នុងសៀភៅនេះ មិនមែនជាសាច់រឿងប្រលោមលោក ដែលកើតចេញពីអ្នកនិពន្ធទេ ប៉ុន្ដែវាជាព្រឹត្តិការណ៍ពិតមួយ ដែលមានតួអង្គឯក គឺអ្នកឧកញ៉ាបណ្ឌិត សុខ គង់ និងលោកជំទាវ គឹម ឡេង។

យ៉ាងណាមិញ​ លោកបណ្ឌិត ងិន បាណាល់ សង្ឃឹមថា សៀវភៅ «អាថ៌កំបាំងពីក្រោយភាពជោគជ័យរបស់ អ្នកឧកញ៉ា​បណ្ឌិត សុខ គង់» នេះ នឹងបានជាប្រយោជន៍សម្រាប់អ្នកសិក្សាសា្រវជ្រាវ និងទុកជាកេរ្តិ៍ដំណែលដល់អ្នក​ជំនាន់​ក្រោយ ដែលមានចិត្តចង់ឈ្វេងយល់ និងដកពិសោធន៍ពីអ្នកឧកញ៉ា ដែលជារៀមច្បងចុះស្នាម មាន​បទពិសោធន៍​អនុវត្តជាក់ស្ដែងយូរឆ្នាំលើវិថីជំនួញប្រកបដោយជោគជ័យ៕​​​​

The post បណ្ឌិត ងិន បាណាល់ ប្រាប់ពីលក្ខណៈពិសេសនៃសៀវភៅ «អាថ៌កំបាំងពីក្រោយភាពជោគជ័យរបស់អ្នកឧកញ៉ាបណ្ឌិត សុខ គង់» appeared first on .

លោក​ឧត្តមសេនីយ៍ឯក ងិន បាណាល់ ​​​​បាន​លើក​ឡើង​លើ​បណ្តាញ​សង្គម​ហ្វេសប៊ុក​​របស់​លោក កាល​ពី​ថ្ងៃ​សុក្រ ទី៩ ខែ​ធ្នូ ឆ្នាំ២០២២​នេះ ​​យ៉ាង​ដូច្នេះ​ថា៖ “ថ្ងៃនេះជាថ្ងៃចុងក្រោយនៃ វគ្គសុក្រឹតការថ្នាក់ដឹកនាំនគរបាល​ កម្រិត១ ជំនាន់ទី២។ រយៈពេល៤ខែបានកន្លងផុតទៅ បានបន្សល់ទុកនូវអនុស្សាវរីយ៍​ជាច្រើនជាមួយថ្នាក់ដឹកនាំ​បណ្ឌិត្យសភានគរបាលកម្ពុជា លោកសាស្រ្តាចារ្យ លោកគ្រូ អ្នកគ្រូ ព្រមទាំងបងប្អូនសិក្ខាកាមទាំងអស់”។

លោក​បណ្ឌិត ក៏​សូមថ្លែងអំណរគុណយ៉ាងជ្រាលជ្រៅបំផុតដល់ថ្នាក់ដឹកនាំក្រសួងមហាផ្ទៃ ដែលបានផ្តល់ឱកាស​ឱ្យ​រូប​លោក​បានមកបំពេញបន្ថែមចំណេះដឹងក្នុងវគ្គដ៏មានសារៈសំខាន់នេះ។

សូម​ជម្រាប​ជូន​ថា ​បច្ចុប្បន្ន​បណ្ឌិត​ ងិន បាណាល់ ជា​មន្ត្រី​ជាន់ខ្ពស់មួយរូប នៅ​ក្រសួង​មហាផ្ទៃ ​​មាន​ឋានន្តរស័ក្តិ​ជា​ឧត្តមសេ​នីយ៍​ឯក (ផ្កាយ៣) និង​មាន​តួនាទី​ជា​អគ្គនាយករង នៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ ដែលលោកបាន​ឡើង​កាន់តួនាទីនេះ តាំង​ពីឆ្នាំ២០១៣​មក។ លោក​បាន​រៀបការ​ជាមួយ​លោក​ជំទាវ សុខ ចន្ធូ (កូនស្រី​របស់​អ្នក​ឧកញ៉ា សុខ គង់) ហើយ​បច្ចុប្បន្ន​មាន​កូន​ចំនួន​៣​នាក់ ក្នុង​នោះ​ប្រុស​ម្នាក់ និង​ស្រី​២នាក់៕

The post កូនប្រសារអ្នកឧកញ៉ា សុខ គង់ បញ្ចប់ការសិក្សា «វគ្គសុក្រឹតការថ្នាក់ដឹកនាំនគរបាល» នៅបណ្ឌិត្យសភានគរបាលកម្ពុជា appeared first on .

សៀវភៅដែលអ្នកឧកញ៉ាស្ថាបនិកក្រុមហ៊ុន ស៊ូគីម៉ិច គ្រុប គ្រោងនឹងចេញផ្សាយជាផ្លូវការនោះ មានចំណងជើងថា៖ “អាថ៌កំបាំងនៅពីក្រោយភាពជោគជ័យ អ្នកឧកញ៉ា សុខ គង់” ជាមួយក្របសៀវភៅទំព័រមុខបង្ហាញរូបភាពអ្នកឧកញ៉ាដាក់ដៃទ្រចង្កា ក្នុងទឹកមុខស្មិងស្មាធិ៍គិតគូរវែងឆ្ងាយទៅគោលដៅអនាគត។ ចំណែកឯក្របសៀវភៅខាងក្រោមវិញបានរំលេចពាក្យស្លោកមួយឃ្លារបស់អ្នកឧកញ៉ា យ៉ាងដូច្នេះថា៖ “ត្រូវស្មោះត្រង់ និងយកចិត្តទុកដាក់ចំពោះការងារដើម្បីកសាងកេរ្តិ៍ឈ្មោះ”។

សូមជម្រាបថា អ្នកឧកញ៉ា សុខ គង់ ពាណិជ្ជករចាស់វស្សាជោគជ័យក្តោបក្តាប់មុខជំនួញប្រាក់ពាន់លានជាច្រើននៅក្នុងដៃ ដែលចាប់ផ្តើមចេញរកស៊ី ពីមាសត្រឹមតែមួយជីដោយចាប់មុខរបបជាអ្នកផលិតកង់កៅស៊ូនៅរាជធានីភ្នំពេញ។ លោកជាមហាសេដ្ឋីមួយរូប និងជាមនុស្សដ៏មានឥទ្ធិពលក្នុងចំណោមអ្នកជំនួញជាច្រើនរូបទៀត ឬអាចនិយាយបានថា ជាគ្រាប់អុកសេដ្ឋកិច្ចមួយរូបដែលកំពុងរកស៊ីនៅប្រទសកម្ពុជា។

គិតមកដល់ពេលបច្ចុប្បន្ន ក្រុមហ៊ុន សូគីម៉ិច គ្រុប ​រក​ស៊ី​នាំ​ចូល​ប្រេងសាំង រក​ស៊ី​កាស៊ីណូ សណ្ឋាគារ រោងចក្រ​កាត់​ដេរ កសិកម្មជាដើម។

អ្នកឧកញ៉ា សុខ គង់ បានឲ្យតំបូន្មានថា៖ “យើងធ្វើអ្វីក៏ដោយ យើងត្រូវខំប្រឹងធ្វើវា ហើយយើងត្រូវចេះសន្សំសំចៃ មិនមែនយើងធ្វើថ្ងៃនេះបានដប់ ចាយអស់ដប់ តើថ្ងៃក្រោយយើងបានអីធ្វើទៀត។ យើងធ្វើបន្តិចម្តងៗ ប៉ុន្តែយូរៗទៅវាកាន់តែធំហើយ”៕

The post អ្នកឧកញ៉ា សុខ គង់ ត្រៀមបង្ហាញស្នាដៃសៀវភៅនៅពីក្រោយភាពជោគជ័យលើកដំបូងរបស់ខ្លួន appeared first on .

​​​តាម​រយៈ​​រូបភាព​​ដ៏​ផ្អែម​ល្ហែម​ជាមួយ​នឹង​ភរិយា ​លោកជំទាវ សុខ ចន្ធូ ដែល​​បង្ហោះ​នៅ​លើ​បណ្តាញ​សង្គម​ហ៊េសប៊ុក ​​​អម្បាញ់មិញ​នេះ ​ឯកឧត្តម​បណ្ឌិត​ ងិន បាណាល់ ​​បាន​ភ្ជាប់​ជាមួយ​នឹង​សារ​ដ៏​មាន​អត្ថន័យ​ជ្រាល​ជ្រៅ​ផង​ដែរ​ថា៖ “អាហារ​នៅតាមចិញ្ចើមផ្លូវ ក៏អាចបំពេញតម្រូវការស្រេកឃ្លានរបស់យើងបានដែរ – គ្មានហេតុផលចាំបាច់​ ដែលត្រូវ​ធ្វើ​ឱ្យអ្នកដ៏ទៃខ្លោចផ្សាររីងរៃ ដើម្បីសេចក្តីសុខហួសប្រមាណរបស់ខ្លួនឡើយ”។

គួរ​បញ្ជាក់​ថា ឯកឧត្តមបណ្ឌិត​ ងិន បាណាល់ ​ជា​មន្ត្រី​ជាន់ខ្ពស់​​មាន​ឋានន្តរស័ក្តិ​ជា​ឧត្តមសេ​នីយ៍​ឯក (ផ្កាយ៣) និង​មាន​​តួនាទី​ជា​អគ្គនាយករង នៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ នៅ​ក្រសួង​មហាផ្ទៃ។ លោក​បាន​រៀបការ​ជាមួយ​លោក​ជំទាវ សុខ ចន្ធូ (កូនស្រី​របស់​អ្នក​ឧកញ៉ា សុខ គង់) ហើយ​បច្ចុប្បន្ន​មាន​កូន​​ចំនួន​៣​នាក់ ក្នុង​នោះ​ប្រុស​ម្នាក់ និង​ស្រី​២នាក់៕

The post កូនប្រសារអ្នកឧកញ៉ា សុខ គង់ ប្រើជីវិតសាមញ្ញនាំប្រពន្ធកូនញាំអាហារតាមចិញ្ចើមផ្លូវ appeared first on .

ឯកឧត្តមបណ្ឌិត​ ងិន បាណាល់ ​​​​​​បច្ចុប្បន្ន​មាន​តួនាទី​ជា​អគ្គនាយករង នៃ​អគ្គនាយកដ្ឋាន​ភស្តុភារ និង​ហិរញ្ញវត្ថុ ក្រសួង​មហាផ្ទៃ ដែលលោកបានឡើងកាន់តួនាទីនេះ តាំង​ពីឆ្នាំ២០១៣​មក។ លោក​បាន​រៀបការ​ជាមួយ​លោក​ជំទាវ សុខ ចន្ធូ (កូនស្រី​របស់​អ្នក​ឧកញ៉ា សុខ គង់) ហើយ​បច្ចុប្បន្ន​មាន​កូន​ចំនួន​៣​នាក់ ក្នុង​នោះ​ប្រុស​ម្នាក់ និង​ស្រី​២នាក់។

សម្រាប់​ប្រវត្តិសិក្សា ឯកឧត្តម ងិន បាណាល់ ​​បាន​បញ្ចប់​ថ្នាក់​បរិញ្ញាបត្រ​ផ្នែកនីតិហិរញ្ញវត្ថុ និង​អចលទ្រព្យ មក​ពី​សាកលវិទ្យាល័យ California Polytechnic State រដ្ឋ​ California សហរដ្ឋអាមេរិក នៅ​ឆ្នាំ​២០០១។ បន្ទាប់​មក​ លោក​ក៏​បាន​បញ្ចប់​ថ្នាក់​អនុបណ្ឌិត និង​បណ្ឌិត​ផ្នែកសេដ្ឋកិច្ច​មក​ពី​សាកលវិទ្យាល័យ Claremont Graduate រដ្ឋ​​ California សហរដ្ឋអាមេរិក នៅ​ឆ្នាំ​២០១១។

គួរ​បញ្ជាក់​ថា ឯកឧត្តម ងិន បាណាល់ គឺជាកូនប្រុស​របស់​ឯកឧត្តម ងិន ឃន សមាជិកគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃ​រដ្ឋសភា និង​ជា​តំណាងរាស្ត្រ​មណ្ឌលខេត្តបាត់ដំបង។

ឯកឧត្តម ងិន បាណាល់ ក៏ជាអ្នកដឹកនាំក្នុងការផលិត​​វីដេអូអំពីជីវប្រវត្តិសង្ខេប​​របស់​អ្នក​ឧកញ៉ា សុខ គង់ និងកំពុងរៀបចំសរសេរសៀវភៅអំពីខ្សែជីវិតរបស់អ្នកឧកញ៉ា សុខ គង់ ផងដែរ៕

The post មកស្គាល់កូនប្រសារអ្នកឧកញ៉ា សុខ គង់ ដែលជាមន្ត្រីជាន់ខ្ពស់ផ្កាយ៣ appeared first on .