ឯកឧត្ដមឧបនាយករដ្ឋមន្ត្រី បានលើកឡើងថា ភាពតានតឹង និងជម្លោះនាពេលថ្មីៗនេះ បានធ្វើឱ្យប៉ះពាល់ធ្ងន់ធ្ងរដល់ជំនឿទុកចិត្តរវាងកម្ពុជា និងថៃ ព្រមទាំងបន្សល់ទុកនូវការខូចខាតដល់បេតិកភណ្ឌវប្បធម៌ និងការគំរាមកំហែងពីគ្រាប់មិនទាន់ផ្ទុះ។ ទោះជាយ៉ាងក្តី ដោយសារភូមិសាស្ត្រជាអ្នកជិតខាងអចិន្ត្រៃយ៍ ការកសាងទំនុកចិត្តឡើងវិញគឺជាកត្តាចាំបាច់ ដោយផ្អែកលើការអនុវត្តពេញលេញ និងដោយសុឆន្ទៈនូវកិច្ចព្រមព្រៀងដែលមានស្រាប់ រួមមាន៖ សេចក្ដីថ្លែងការណ៍រួមទីក្រុងគូឡាឡាំពួ, កុងសង់ស៊ីសហ្វូសៀន (Fuxian Consensus) និងជាពិសេសសេចក្តីប្រកាសរួម ចុះថ្ងៃទី២៧ ខែធ្នូ ឆ្នាំ២០២៥ ដែលភាគីទាំងពីរបានប្តេជ្ញាបដិសេធការគំរាមកំហែង ឬការប្រើកម្លាំង និងគោរពខណ្ឌសីមាព្រំដែនអន្តរជាតិ។
 
ក្នុងនោះ កម្ពុជាបានស្នើឱ្យចាប់ផ្តើមឡើងវិញជាបន្ទាន់នូវការងារវាស់វែង និងខណ្ឌសីមាព្រំដែនរបស់គណៈកម្មការចម្រុះ (JBC) ដើម្បីដោះស្រាយបញ្ហាដែលនៅសេសសល់។ ជាមួយគ្នានេះ ឯកឧត្ដមបានលើកឡើងពីបញ្ហាមនុស្សធម៌ចំពោះប្រជាពលរដ្ឋកម្ពុជាជាង ២០.០០០នាក់ ដែលមិនទាន់អាចវិលត្រឡប់ទៅផ្ទះវិញបាន ដោយសារការបន្តកាន់កាប់ និងការរារាំងរបស់កម្លាំងយោធាថៃ ដែលអ្នករាយការណ៍ពិសេស អ.ស.ប. បានបញ្ជាក់កាលពីខែកក្កដាថា «ពួកគេត្រូវការ និងសមទទួលបានការអនុញ្ញាតឱ្យវិលត្រឡប់ទៅលំនៅដ្ឋានវិញ» ព្រមទាំងទាមទារឱ្យបញ្ឈប់សកម្មភាពបង្កើតស្ថានភាពជាក់ស្ដែង (fait accompli) ក្នុងទឹកដីដែលត្រូវបានកាន់កាប់។

ដោយឡែកចំពោះវិវាទដែនសមុទ្រ ឯកឧត្ដមឧបនាយករដ្ឋមន្ត្រី បានបញ្ជាក់ថា បន្ទាប់ពីប្រទេសថៃបានសម្រេចបញ្ចប់ជាឯកតោភាគីនូវអនុស្សរណៈនៃការយោគយល់គ្នាឆ្នាំ២០០១ (MoU 2001) កាលពីខែឧសភាកន្លងទៅ កម្ពុជាបានសម្រេចចិត្តផ្ដើមនីតិវិធីផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនីតិសមុទ្រ (UNCLOS) ដើម្បីការពារអធិបតេយ្យ និងសិទ្ធិដែនសមុទ្ររបស់ខ្លួនស្របតាមច្បាប់អន្តរជាតិ ដូចដែលសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងកាលពីខែមិថុនា។ កម្ពុជាក៏បានថ្លែងអំណរគុណដល់គណៈកម្មការផ្សះផ្សា ចំពោះឆន្ទៈជួយដោះស្រាយវិវាទនេះ ក្នុងកិច្ចប្រជុំលើកទី១ នៅប្រទេសសិង្ហបុរី កាលពីដើមខែកញ្ញានេះផងដែរ៕

The post កម្ពុជាគូសបញ្ជាក់នៅមហាសន្និបាត អ.ស.ប. ពីការប្តេជ្ញាដោះស្រាយវិវាទព្រំដែនជាមួយថៃដោយសន្តិវិធី appeared first on .

ឯកឧត្ដមឧបនាយករដ្ឋមន្ត្រី បានគូសបញ្ជាក់ថា ការវិវត្តនៃបច្ចេកវិទ្យា បញ្ញាសិប្បនិម្មិត (AI) និងនវានុវត្តន៍ឌីជីថល ផ្តល់នូវកាលានុវត្តភាពផង និងហានិភ័យផង ដែលការប្រើប្រាស់ខុសគោលដៅអាចបង្កើនវិសមភាព អសន្តិសុខ និងឧក្រិដ្ឋកម្មឆ្លងដែន។ ចំពោះមុខបញ្ហានេះ កម្ពុជាបានពង្រឹងក្របខ័ណ្ឌច្បាប់ និងស្ថាប័នរបស់ខ្លួន ព្រមទាំងបានបង្កើនប្រតិបត្តិការអនុវត្តច្បាប់យ៉ាងសកម្មប្រឆាំងនឹងទីតាំងឆបោក និងបណ្ដាញឧក្រិដ្ឋជននៅពីក្រោយ ដោយសម្រេចបានលទ្ធផលជាក់ស្តែងដែលមិនអាចប្រកែកបាន។

ទោះជាយ៉ាងណា ឯកឧត្ដមបានសង្កត់ធ្ងន់ថា គ្មានប្រទេសណាមួយអាចទទួលបានជោគជ័យក្នុងការដោះស្រាយបញ្ហានេះដោយឯកឯងបានឡើយ ដោយសារបណ្តាញឧក្រិដ្ឋជនបានធ្វើប្រតិបត្តិការឆ្លងកាត់ព្រំដែន ដែលទាមទារឱ្យមានកិច្ចសហប្រតិបត្តិការអន្តរជាតិកាន់តែរឹងមាំ។

ក្នុងន័យនេះ កម្ពុជាទើបតែបានរៀបចំធ្វើជាម្ចាស់ផ្ទះដោយជោគជ័យនូវ «សន្និសីទអន្តរជាតិស្តីពីការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យា» ដោយមានការសហការរៀបចំពីការិយាល័យអង្គការសហប្រជាជាតិទទួលបន្ទុកបញ្ហាគ្រឿងញៀន និងឧក្រិដ្ឋកម្ម (UNODC) និងអង្គការប៉ូលីសអន្តរជាតិ (INTERPOL) ព្រមទាំងស្ថាប័នពាក់ព័ន្ធនានា។ សន្និសីទអន្តរជាតិនេះ បានអំពាវនាវឱ្យមានការសម្របសម្រួល និងសកម្មភាពរួមគ្នាទាំងនៅកម្រិតជាតិ តំបន់ និងសកលលោក ដើម្បីទប់ស្កាត់ និងលុបបំបាត់បទឧក្រិដ្ឋកម្មនេះឱ្យមានប្រសិទ្ធភាព៕

The post កម្ពុជាប្រកាសនៅវេទិកា អ.ស.ប. ពីការយកចិត្តទុកដាក់ខ្ពស់លើការបង្ក្រាបការឆបោកតាមប្រព័ន្ធបច្ចេកវិទ្យា appeared first on .

ឯកឧត្ដមបានគូសបញ្ជាក់ថា នេះគឺជាការជួបជុំជាថ្មីនៃគ្រួសារហ្វ្រង់កូហ្វូនីនៅលើទឹកដីទ្វីបអាស៊ី បន្ទាប់ពីកិច្ចប្រជុំកំពូលជាប្រវត្តិសាស្ត្រនៅទីក្រុងហាណូយ កាលពីជិត ៣០ឆ្នាំមុន។ ព្រឹត្តិការណ៍នេះបង្ហាញពីភាពរស់រវើកនៃសហគមន៍ហ្វ្រង់កូហ្វូនី ដែលឆ្លងហួសពីព្រំដែនទ្វីប និងភាពខុសគ្នាផ្នែកវប្បធម៌។

កិច្ចប្រជុំកំពូលលើកទី២០ នេះ នឹងប្រព្រឹត្តទៅក្រោមមូលបទ «រួមគ្នាបន្តកសាងសន្តិភាព ដើម្បីវិបុលភាពរួម និងស្ថិរភាពយូរអង្វែង» ដែលស្របគ្នាទៅនឹងមូលបទរបស់មហាសន្និបាត អ.ស.ប. ឆ្នាំនេះ ត្រង់ភាពចាំបាច់នៃការស្តារទំនុកចិត្ត និងការវិនិយោគឡើងវិញលើសន្តិភាព។ ក្រៅតែពីការលើកស្ទួយភាសាបារាំង កម្ពុជាមានបំណងធ្វើឱ្យកិច្ចប្រជុំនេះក្លាយជាឱកាសនៃការផ្សារភ្ជាប់ប្រជាជនមកពីគ្រប់ទ្វីប ជុំវិញតម្លៃរួមនៃសន្តិភាព ការគោរពភាពចម្រុះបែប ការសន្ទនារវាងវប្បធម៌ សាមគ្គីភាព និងការយោគយល់គ្នាទៅវិញទៅមក។

ឯកឧត្ដមឧបនាយករដ្ឋមន្ត្រី បានបន្ថែមថា វត្តមានរបស់ប្រមុខរដ្ឋ និងប្រមុខរដ្ឋាភិបាល នឹងផ្តល់សារៈសំខាន់ខាងនយោបាយយ៉ាងពេញលេញដល់កិច្ចប្រជុំកំពូលនេះ ហើយនឹងធ្វើឱ្យរាជធានីភ្នំពេញក្លាយជាវេទិកាដ៏សំខាន់សម្រាប់ការសន្ទនាអន្តរជាតិ ខណៈដែលកម្ពុជាក្នុងនាមជាព្រះរាជាណាចក្រនៃប្រាង្គប្រាសាទអង្គរ ត្រៀមស្វាគមន៍ភ្ញៀវកិត្តិយសទាំងអស់ប្រកបដោយបដិសណ្ឋារកិច្ចយ៉ាងកក់ក្តៅបំផុត៕

The post កម្ពុជាប្រកាសពីការត្រៀមរៀបចំធ្វើម្ចាស់ផ្ទះកិច្ចប្រជុំកំពូលហ្វ្រង់កូហ្វូនីលើកទី២០ នាខែវិច្ឆិកា ខាងមុខ appeared first on .

ថ្លែងនាឱកាសនោះ ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា នៅក្នុងយុគសម័យដែលពិភពលោកកំពុងកើនឡើងនូវបញ្ហាប្រឈម ជម្លោះប្រដាប់អាវុធ និងភាពតានតឹងភូមិសាស្ត្រនយោបាយ ការគោរពបូរណភាពទឹកដី និងការដោះស្រាយបញ្ហាដោយសន្តិវិធី ត្រូវតែបន្តដើរតួជាមូលដ្ឋានគ្រឹះដ៏រឹងមាំនៃសណ្តាប់ធ្នាប់អន្តរជាតិ។

អំឡុងពេលថ្លែងសុន្ទរកថា ឯកឧត្តមបានបញ្ជាក់ជាថ្មីនូវការប្តេជ្ញាចិត្តឥតងាករេរបស់កម្ពុជា ចំពោះធម្មនុញ្ញអង្គការសហប្រជាជាតិ និងបានថ្លែងថា ដោយដកស្រង់ចេញពីបទពិសោធន៍ប្រវត្តិសាស្ត្រផ្ទាល់របស់កម្ពុជា ឯកឧត្តមបានគូសបញ្ជាក់ថា ជម្លោះត្រូវតែដោះស្រាយដាច់ខាតតាមរយៈការសន្ទនា ការទូត និងការគោរពច្បាប់អន្តរជាតិ។

មុននឹងបញ្ចប់ ឯកឧត្តមបានថ្លែងអំណរគុណយ៉ាងជ្រាលជ្រៅរបស់កម្ពុជា ចំពោះសហគមន៍អន្តរជាតិ ដែលបានគាំទ្រឱ្យមានឈប់បាញ់ និងការដោះស្រាយដោយសន្តិវិធីនៃជម្លោះព្រំដែនកម្ពុជា-ថៃ៕

The post ឧបនាយករដ្ឋមន្ត្រី ប្រាក់ សុខុន៖ ជម្លោះត្រូវតែដោះស្រាយដាច់ខាតតាមរយៈការសន្ទនា ការទូត និងការគោរពច្បាប់អន្តរជាតិ appeared first on .

ក្រសួងការបរទេស បានបញ្ជាក់តាមរយៈសេចក្តីប្រកាសនៅថ្ងៃទី២២ ខែឧសភា ឆ្នាំ២០២៦ថា តបតាមការអញ្ជើញរបស់ភាគីចិន ក្នុងនាមជាប្រធានប្តូរវេននៃក្រុមប្រឹក្សាសន្តិសុខអង្គការសហប្រជាជាតិ (អ.ស.ប.) ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃ ព្រះរាជាណាចក្រកម្ពុជា នឹងដឹកនាំគណៈប្រតិភូជាន់ខ្ពស់ អញ្ជើញចូលរួមកិច្ចប្រជុំបើកចំហកម្រិតខ្ពស់របស់ ក្រុមប្រឹក្សាសន្តិសុខ អ.ស.ប. ដែលនឹងប្រព្រឹត្តទៅនៅថ្ងៃទី២៦ ខែឧសភា ឆ្នាំ២០២៦ នៅទីក្រុងញូវយ៉ក សហរដ្ឋអាម៉េរិក។

កិច្ចប្រជុំកម្រិតខ្ពស់នេះ នឹងប្រព្រឹត្តទៅក្រោមប្រធានបទ «ការលើកកម្ពស់គោលបំណង និងគោលការណ៍ របស់ធម្មនុញ្ញ អ.ស.ប. និងការពង្រឹងប្រព័ន្ធអន្តរជាតិផ្តោតលើ អ.ស.ប.» ដោយមាន ឯកឧត្តម វ៉ាង យី រដ្ឋមន្ត្រី ការបរទេស និងជាសមាជិកការិយាល័យនយោបាយនៃគណៈកម្មាធិការកណ្តាលបក្សកុម្មុយនីស្តចិន ធ្វើជា អធិបតី និងចូលរួមថ្លែងសុន្ទរកថា។

សូមជម្រាប់ដែរថា ក្នុងអំឡុងពេលស្នាក់នៅទីក្រុងញូវយ៉ក ឯកឧត្តមឧបនាយករដ្ឋមន្ត្រី រំពឹងថានឹងអញ្ជើញចូលរួម ព្រឹត្តិការណ៍អមដែលពាក់ព័ន្ធ ហើយក៏នឹងមានជំនួបទ្វេភាគីដាច់ដោយឡែកពីគ្នាជាមួយសមភាគីពីបណ្តា ប្រទេសឯទៀត ដើម្បីពង្រឹងទំនាក់ទំនងទ្វេភាគី ជំរុញកិច្ចសហប្រតិបត្តិការ និងផ្លាស់ប្តូរយោបល់លើបញ្ហា នានាដែលជាផលប្រយោជន៍ និងជាក្តីបារម្ភរួមទៅវិញទៅមកផងដែរ៕

អត្ថបទ៖ហ្សាលីន

The post មេការទូតកម្ពុជា នឹងទៅចូលរួមកិច្ចប្រជុំបើកចំហកម្រិតខ្ពស់របស់ក្រុមប្រឹក្សាសន្តិសុខ(UN) នៅអាម៉េរិក appeared first on .

តាមរយៈសារអបអរសាទរក្នុងឱកាសខួប ២៧ឆ្នាំ នៃការចូលជាសមាជិកអាស៊ានរបស់កម្ពុជា (ថ្ងៃទី៣០ ខែមេសា ឆ្នាំ១៩៩៩ – ថ្ងៃទី៣០ ខែមេសា ឆ្នាំ២០២៦) ឯកឧត្តម ប្រាក់ សុខុន បានលើកឡើងថា តាមរយៈការចូលរួមយ៉ាងសកម្មនៅក្នុងកិច្ចខិតខំ ប្រឹងប្រែងកសាងសហគមន៍អាស៊ាន ក្នុងចំណោមបណ្តាវិស័យផ្សេងៗ កម្ពុជាបានពង្រីក កាលានុវត្តភាពពាណិជ្ជកម្មនិងវិនិយោគ បង្កើនការតភ្ជាប់តំបន់ ពង្រឹងភាពធន់នៃខ្សែច្រវាក់ផ្គត់ផ្គង់ បង្រួមគម្លាតអភិវឌ្ឍន៍ ព្រមទាំងជំរុញភាពជឿនលឿនផ្នែកវិទ្យាសាស្ត្រ បច្ចេកវិទ្យា និងនវានុវត្តន៍។ កិច្ចខិតខំប្រឹងប្រែងទាំងនេះបានរួមចំណែកប្រកបដោយអត្ថន័យដល់ការលើកកម្ពស់ជីវភាពរស់នៅរបស់ប្រជាជនយើង និងផ្ដល់ឱ្យពួកគាត់នូវ ការត្រៀមលក្ខណៈជាស្រេចនិងបន្សំចំពោះអនាគត។

ឯកឧត្ដមរដ្ឋមន្រ្ដី បានបន្ថែមថា ស្របពេលជាមួយគ្នានេះ កម្ពុជាក៏ជាអ្នករួមចំណែកយ៉ាងសកម្មដល់ការអភិវឌ្ឍ និងសមាហរណកម្មរបស់អាស៊ាន។ ចាប់តាំងពីការចូលជាសមាជិកអាស៊ាន នៅថ្ងៃទី៣០ខែមេសា ឆ្នាំ១៩៩៩ កម្ពុជាបានបំពេញតួនាទីជាប្រធានអាស៊ានចំនួន ៣លើក ដោយ បានដឹកនាំសមាគមមួយនេះឆ្លងកាត់ដំណាក់កាលសំខាន់ៗជាច្រើននៃដំណើរការវិវឌ្ឍន៍របស់ខ្លួន។ កម្ពុជាក៏បានជំរុញកិច្ចសន្ទនាក្នុងតំបន់ពង្រឹងតួនាទីស្នូលរបស់អាស៊ាននៅ ក្នុងនិម្មាបនកម្មតំបន់ដែលកំពុងមានការវិវឌ្ឍឥតឈប់ឈរ ព្រមទាំងបានលើកកម្ពស់

កិច្ចសហប្រតិបត្តិការជាក់ស្ដែង នៅគ្រប់សសរស្ដម្ភសហគមន៍នយោបាយ-សន្តិសុខ សហគមន៍សេដ្ឋកិច្ច និងសហគមន៍សង្គម-វប្បធម៌។ ការចូលរួមយ៉ាងសកម្មនិងវិភាគទាន ប្រកបដោយស្ថាបនារបស់កម្ពុជាគូសបញ្ជាក់ឱ្យឃើញថា ការចូលជាសមាជិកអាស៊ាន របស់ខ្លួនបានពង្រឹងមជ្ឈភាពអាស៊ាន ភាពធន់ និងសមត្ថភាពរួមរបស់អាស៊ាន ដើម្បី ឆ្លើយតបទៅនឹងបញ្ហាប្រឈមតំបន់ និងជាសាកល។

សម្លឹងឆ្ពោះទៅមុខ កម្ពុជារក្សាការប្តេជ្ញាយ៉ាងមុតមាំធ្វើការយ៉ាងជិតស្និទ្ធជាមួយ បណ្តាប្រទេសសមាជិកអាស៊ានទាំងអស់ ដើម្បីសម្រេចបាននូវទស្សនវិស័យសហគមន៍ អាស៊ានឆ្នាំ២០៤៥។ ដោយរួមគ្នា កម្ពុជានឹងបន្តពង្រឹងឯកភាពនិងមជ្ឈភាពអាស៊ាន ព្រមទាំងកសាងសហគមន៍អាស៊ានមួយដែលកាន់តែស្អិតរមួតគ្នា ប្រកបដោយបរិយាបន្ន និងភាពធន់, ជាសហគមន៍មួយដែលផ្ដោតលើផលប្រយោជន៍ប្រជាជនពិតប្រាកដ និងយកចិត្តទុកដាក់ចំពោះប្រជាជន ដោយមិនបោះបង់នរណាម្នាក់ឡើយ៕

The post ឯកឧត្ដម ប្រាក់ សុខុន៖ រយៈពេល២៧ឆ្នាំកន្លងមក អាស៊ានបានដើរតួជាវេទិកាមួយដែលមិនអាចខ្វះបាន សម្រាប់កម្ពុជា appeared first on .

ក្នុងជំនួបនេះ ភាគីទាំងពីរបានពិភាក្សាអំពីការពង្រឹងកិច្ចសហប្រតិបត្តិការរវាងកម្ពុជានិងអង្គការយូណេស្កូ ព្រមទាំងការការពារនិងអភិរក្សបេតិកភណ្ឌជាតិនិងសម្បត្តិបេតិកភណ្ឌពិភពលោក។

ភាគីទាំងពីរ ក៏បានផ្លាស់ប្តូរទស្សនៈអំពីការវិវត្តន៍ថ្មីៗពាក់ព័ន្ធនឹងស្ថានការណ៍នៅព្រំដែនកម្ពុជា-ថៃ ព្រមទាំងបញ្ហាតំបន់ និងអន្តរជាតិដែលជាកង្វល់រួមរបស់ភាគីទាំងពីរផងដែរ៕

The post ឧបនាយករដ្ឋមន្រ្ដី ប្រាក់ សុខុន ជួបពិភាក្សាការងារទ្វេភាគីជាមួយអគ្គនាយកអង្គការ UNESCO នៅប្រទេសបារាំង appeared first on .

ប្រជាពលរដ្ឋភៀសសឹកទាំងនេះ បានមកស្នាក់នៅទីនេះ បន្ទាប់ពីយោធាឈ្លានពានថៃ បានចូលមករាយបន្លាលួស និងដាក់ទូកុងតឺន័រ ចូលដែនអធិបតេយ្យភាព បូរណភាពទឹកដីកម្ពុជាដោយខុសច្បាប់ នាពេលកន្លងមក បន្ទាប់ពីការចុះហត្ថលេខាលើកិច្ចព្រមព្រៀងបទឈប់បាញ់ កាលពីថ្ងៃទី២៧ ខែធ្នូ ឆ្នាំ២០២៥។

រាជរដ្ឋាភិបាលកម្ពុជា បានដាក់លិខិតតវ៉ាជាបន្តបន្ទាប់ តាមរយៈក្រសួងការបរទេស និងតែងតែបញ្ជាក់ម្តងហើយម្តងទៀត គឺប្រកាន់ជំហរដាច់ខាត ដោយមិនទទួលស្គាល់ការកែប្រែខ្សែបន្ទាត់ព្រំដែន តាមរយៈការប្រើកម្លាំងឡើយ៕

The post ឧបនាយករដ្ឋមន្ត្រី ប្រាក់ សុខុន ដឹកនាំឯកអគ្គរាជទូត និងអង្គការអន្តរជាតិធំៗ ចុះពិនិត្យស្ថានភាពរស់នៅពលរដ្ឋភៀសសឹកនៅឃុំថ្មដា appeared first on .

ការបញ្ជាក់បែបនេះរបស់ឯកឧត្តមឧបនាយករដ្ឋមន្ត្រី ធ្វើឡើងនៅក្នុងឱកាសអញ្ជើញជួបសំណេះសំណាលជាមួយសហគមន៍ខ្មែរ ចំនួនប្រមាណ១៥០នាក់ មកពីទីក្រុង Canberra ទីក្រុង Sydney ទីក្រុង Melbourne និងទីក្រុង Adelaide នៅប្រទេសអូស្ត្រាលី កាលពីថ្ងៃទី១៤ ខែមីនា ឆ្នាំ២០២៦។

នៅក្នុងឱកាសនេះផងដែរ ឯកឧត្តម បានពាំនាំនូវការសួរសុខទុក្ខពីសំណាក់ ព្រះករុណាព្រះមហាក្សត្រជាអម្ចាស់ជីវិតតម្កល់លើត្បូង សម្តេចតេជោ ហ៊ុន សែន និងសម្តេចធិបតី ហ៊ុន ម៉ាណែត។ ការសួរសុខទុក្ខនេះ បានឆ្លុះបញ្ចាំងឱ្យឃើញពីស្មារតីយកចិត្តទុកដាក់ និងសេចក្តីកង្វល់របស់រាជរដ្ឋាភិបាល ចំពោះប្រជាពលរដ្ឋខ្មែរ ដោយបញ្ជាក់ពីគោលការណ៍ថា «មិនដែលបោះបង់បងប្អូនណាម្នាក់ឡើយ» ទោះបីជារស់នៅទីណាក៏ដោយ ព្រោះប្រជាជនកម្ពុជាគ្រប់រូប ជាផ្នែកមួយនៃមហាគ្រួសារខ្មែរ។

ឯកឧត្តមឧបនាយករដ្ឋមន្ត្រី ក៏បានថ្លែងអំណរគុណដល់ស្មារតីសាមគ្គីភាព និងការលើកទឹកចិត្តរបស់បងប្អូនសហគមន៍ខ្មែរ ក្នុងប្រទេសអូស្ត្រាលី ដែលដែលជាប្រភពនៃការគាំទ្រយ៉ាងរឹងមាំ ដល់កងទ័ពជួរមុខរបស់កម្ពុជា និងជួយពង្រឹងស្មារតីប្តូរផ្តាច់របស់ជាតិ។

ឯកឧត្តមឧបនាយករដ្ឋមន្ត្រី បានសង្កត់ធ្ងន់ថា ទំនាក់ទំនងកម្ពុជា-អូស្រ្តាលី បានវិវត្តទៅជា «ភាពជាដៃគូដ៏ចាស់ទុំ និងទំនើប» ដែលត្រូវបានកសាងលើកលើមូលដ្ឋាន នៃចំណងការទូតជាង៧៤ឆ្នាំ ចាប់តាំងពីឆ្នាំ១៩៥២។ ឯកឧត្តម ក៏បានសម្តែងនូវក្តីសោមនស្សរីករាយ ក្នុងការអញ្ជើញមកបំពេញទស្សនកិច្ចផ្លូវការជាលើកដំបូង ក្នុងនាមជារដ្ឋមន្ត្រីការបរទេស និងសហប្រតិបត្តិការអន្តរជាតិ។

សូមជម្រាបជូនថា អំឡុងនៃដំណើរទស្សនកិច្ចនេះ ឯកឧត្តមឧបនាយករដ្ឋមន្ត្រី នឹងអញ្ជើញជួបពិភាក្សាទ្វេភាគីជាមួយបណ្តាថ្នាក់ដឹកនាំសំខាន់ៗរបស់ប្រទេសអូស្ត្រាលី ក្នុងនោះមានប្រធានរដ្ឋសភា រដ្ឋមន្ត្រីការបរទេស និងរដ្ឋមន្ត្រីការពារជាតិផងដែរ។ ជំនួបទាំងនេះ នឹងជួយពង្រឹងកិច្ចសហប្រតិបត្តិការលើគ្រប់វិស័យរវាងកម្ពុជា និងអូស្ត្រាលី ព្រមទាំងគាំទ្រដល់ការធ្វើឱ្យមានអាទិភាពផ្នែកសេដ្ឋកិច្ច និងការលើកកម្ពស់ផលប្រយោជន៍ជាតិស្នូលរបស់កម្ពុជា៕

The post ឧបនាយករដ្ឋមន្ត្រី ប្រាក់ សុខុន៖ ទំនាក់ទំនងកម្ពុជា-អូស្រ្តាលី បានវិវត្តទៅជា «ភាពជាដៃគូដ៏ចាស់ទុំ និងទំនើប» appeared first on .

សេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ ចុះថ្ងៃទី៨ ខែមីនា ឆ្នាំ២០២៦ បានឱ្យដឹងថា ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ នៃ ព្រះរាជាណាចក្រកម្ពុជា នឹងអញ្ជើញទៅបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ពីថ្ងៃទី១០ដល់ ថ្ងៃទី១១ ខែមីនា ឆ្នាំ២០២៦។

ក្នុងអំឡុងពេលទស្សនកិច្ចនេះ ឯកឧត្តម ប្រាក់ សុខុន នឹងអញ្ជើញចូលជួបសម្តែងការគួរសមចំពោះ ឯកឧត្តម ឡរ៉េន វ៉ុង នាយករដ្ឋមន្ត្រី នៃសាធារណរដ្ឋសិង្ហបុរី និងជួបពិភាក្សាការងារជាមួយឯកឧត្តមបណ្ឌិត វីវៀន បាឡាគ្រឹស្សណាន់ រដ្ឋមន្ត្រីការបរទេសសិង្ហបុរី។

កិច្ចពិភាក្សារបស់ប្រមុខការទូតទាំងពីរនឹងផ្តោតលើការ ជំរុញទំនាក់ទំនងទ្វេភាគីដ៏យូរអង្វែង និងកក់ក្តៅ តាមរយៈការស្វែងរកវិស័យថ្មីៗដែលមានសក្តានុពលសម្រាប់ កិច្ចសហប្រតិបត្តិការយុទ្ធសាស្ត្រ និងលើបញ្ហាតំបន់ និងអន្តរជាតិសំខាន់ៗ។

បើតាមក្រសួងការបរទេសគូសបញ្ជាក់ថា ទស្សនកិច្ចផ្លូវការនេះបញ្ជាក់យ៉ាងមុតមាំអំពីចំណងមិត្តភាពដ៏ជិតស្និទ្ធ និងយូរអង្វែងរវាងប្រទេសទាំងពីរ ហើយបង្ហាញអំពីការប្តេជ្ញាចិត្តរួម និងទស្សនវិស័យឆ្ពោះទៅមុខ សំដៅលើកកម្ពស់ទំនាក់ទំនងទ្វេភាគីទៅកាន់ កម្រិតថ្មី ដោយប្រែក្លាយប្រទេសទាំងពីរ ទៅជាដៃគូល្អក្នុងការចូលរួមចំណែកដល់សន្តិភាព ស្ថិរភាព និងវិបុលភាព យូរអង្វែងនៅក្នុងតំបន់៕

The post ម្រមុខការទូតកម្ពុជា នឹងបំពេញទស្សនកិច្ចផ្លូវការនៅសិង្ហបុរី ដើម្បីជំរុញទំនាក់ទំនងទ្វេភាគីបន្ថែម appeared first on .