នៅក្នុងបទសម្ភាសជាមួយប៉ុស្តិ៍ទូរទស្សន៍ Al Manar របស់លីបង់ ដែលបានចាក់ផ្សាយនៅថ្ងៃទី២៧ ខែសីហា លោកឧត្តមសេនីយ៍ Mohsen Rezaei អគ្គលេខាធិការក្រុមប្រឹក្សាសន្តិសុខជាតិកំពូលអ៊ីរ៉ង់ ត្រូវបានគេស្នើសុំឱ្យធ្វើការអត្ថាធិប្បាយលើព័ត៌មានដែលថាសហរដ្ឋអាមេរិកសង្ស័យថា អ៊ីរ៉ង់បានដាក់ Barron Trump នៅក្នុងគោលដៅវាយប្រហារ។

តែទោះជាយ៉ាងណាក៏ដោយ ទីប្រឹក្សាជាន់ខ្ពស់រូបនេះបានបដិសេធការចោទប្រកាន់នេះ ដោយបានទម្លាក់កំហុសទៅលើនាយករដ្ឋមន្ត្រីអ៊ីស្រាអែល លោក Benjamin Netanyahu ជំនួសវិញ។

លោកឧត្តមសេនីយ៍ Rezaei បានមានប្រសាសន៍ថា៖ “នេះជាការភូតភរដ៏អាក្រក់ដែលលោក Netanyahu ប្រើដើម្បីបោកប្រាស់លោក ត្រាំ។ ប្រសិនបើពួកយើងសម្រេចចិត្តធ្វើសកម្មភាព គឺគ្មាននរណាម្នាក់អាចរារាំងពួកយើងបានឡើយ។ ការភូតភរទាំងនេះត្រូវបានបង្កើតឡើងដោយលោក Netanyahu សុទ្ធសាធ”។

ជុំវិញការលើកឡើងរបស់លោក Rezaei នេះ​ បានធ្វើឡើងបន្ទាប់ពីទូរទស្សន៍រដ្ឋអ៊ីរ៉ង់ និងបណ្តាញសារព័ត៌មានដែលពាក់ព័ន្ធនឹងកងឆ្មាំបដិវត្តន៍ឥស្លាម (IRGC) កាលពីចុងសប្តាហ៍មុន បានចាកផ្សាយវីដេអូមានប្រវែងជិត ៣នាទីអំពីគម្រោងធ្វើឃាត Barron Trump។

តែទោះបីជាបានបដិសេធការចោទប្រកាន់អំពីផែនការធ្វើឃាត Barron Trump ក៏ដោយ លោកឧត្តមសេនីយ៍ Rezaei មិនបានធ្វើការអត្ថាធិប្បាយលើវីដេអូដែលប្រព័ន្ធផ្សព្វផ្សាយរបស់ប្រទេសខ្លួនបានចុះផ្សាយនោះ នៅឡើយទេ៕​

The post អ៊ីរ៉ង់ ចេញមុខបដិសេធជុំវិញការប៉ុនប៉ងធ្វើឃាតកូនប្រុសពៅសំណព្វរបស់លោក ត្រាំ appeared first on .

វីដេអូនេះ ដែលមានរយៈពេលប្រហែលបីនាទី ត្រូវបានចាក់ផ្សាយនៅលើប៉ុស្តិ៍លេខ០៣ របស់ទូរទស្សន៍រដ្ឋអ៊ីរ៉ង់ និងប្រព័ន្ធផ្សព្វផ្សាយដែលមានទំនាក់ទំនងជាមួយកងឆ្មាំបដិវត្តន៍អ៊ីស្លាម (IRGC) ដូចជា Tasnim កាលពីថ្ងៃទី២៣ ខែសីហា។

វីដេអូដែលមានចំណងជើងថា “កន្លែងដែលត្រូវសម្លាប់ Barron Trump” ត្រូវបានធ្វើឡើងដោយប្រើទម្រង់បែបជាក្រាហ្វិក ដើម្បីធ្វើត្រាប់តាមការឃ្លាំមើលទីតាំងដែល Barron តែងតែបង្ហាញវត្តមានជាញឹកញាប់ រួមទាំងវេទិកាអនឡាញរបស់គេ និងមនុស្សនៅជុំវិញខ្លួនកូនប្រុសរបស់ប្រធានាធិបតីអាមេរិករូបនេះផងដែរ។ វីដេអូនេះក៏បង្ហាញផែនទីនៃទំនាក់ទំនងសង្គមរបស់ Barron និងប្រព័ន្ធការពារសុវត្ថិភាពដែលផ្តល់ដោយសេវាសម្ងាត់សហរដ្ឋអាមេរិកទៀតផង។

យ៉ាងណាមិញ បើតាមប្រព័ន្ធផ្សព្វផ្សាយ C14 News របស់អ៊ីស្រាអែលក៏បានបង្ហាញថា អ៊ីរ៉ង់បានផ្តល់រង្វាន់ចំនួន ១០លានដុល្លារសម្រាប់អ្នកដែលអាចទាក់ទងកូនប្រុសរបស់ប្រធានាធិបតី ត្រាំ បាន។ សេវាសម្ងាត់អាមេរិកបាននិយាយថា ខ្លួនក៏បានដឹងអំពីការគំរាមកំហែងនេះ ហើយកំពុងបើកការស៊ើបអង្កេតផងដែរ។

ចលនាចុងក្រោយនេះធ្វើឡើងបន្ទាប់ពីយុទ្ធនាការប្រព័ន្ធផ្សព្វផ្សាយមួយផ្សេងទៀតដែលបានកំណត់គោលដៅទៅលើស្ត្រីទីមួយ Melania Trump ផងដែរ។វីដេអូគំរាមនោះ បានលើកឡើងពីកន្លែងដែលលោកស្រីតែងតែទៅទស្សនាជាញឹកញាប់នៅទីក្រុងញូវយ៉ក ទម្លាប់ទិញទំនិញរបស់គាត់ និងព័ត៌មានដែលត្រូវបានចោទប្រកាន់ថាទាក់ទងនឹងការការពារសេវាសម្ងាត់ជាដើម។

គួរជម្រាបជូនថា ការគំរាមកំហែងប្រឆាំងនឹងគ្រួសាររបស់លោក ត្រាំ បានលេចឡើងក្នុងចំណោមភាពតានតឹងកាន់តែខ្លាំងឡើងរវាងសហរដ្ឋអាមេរិក និងអ៊ីរ៉ង់ បន្ទាប់ពីការចាប់ផ្តើមនៃជម្លោះនៅថ្ងៃទី២៨ ខែកុម្ភៈ នៅពេលដែលការវាយប្រហារតាមអាកាសរបស់សហរដ្ឋអាមេរិក និងអ៊ីស្រាអែលបានសម្លាប់មេដឹកនាំកំពូលអ៊ីរ៉ង់ លោក Ali Khamenei និងមន្ត្រីយោធា និងនយោបាយជាន់ខ្ពស់មួយចំនួនទៀត៕​

The post ទូរទស្សន៍រដ្ឋអ៊ីរ៉ង់ ចាក់ផ្សាយវីដេអូគំរាមធ្វើឃាតកូនប្រុសពៅប្រធានាធិបតីអាមេរិក Barron Trump appeared first on .

លោកស្រី Takaichi បានផ្ញើសារជូនពរខួបកំណើតដ៏គួរឲ្យភ្ញាក់ផ្អើលបែបនេះ ទៅកាន់ Barron Trump ដែលជាកូនប្រុសពៅរបស់ប្រធានាធិបតីអាមេរិក លោក ដូណាល់ ត្រាំ កាលពីថ្ងៃទី១៩ ខែមីនា ខណៈពេលដែលកំពុងចូលរួមពិធីជប់លៀងនៅសេតវិមានក្នុងអំឡុងពេលដំណើរទស្សនកិច្ចរបស់លោកស្រី នៅសហរដ្ឋអាមេរិក។

លោកស្រី Takaichi បាននិយាយមុនពេលពិធីជប់លៀងចាប់ផ្តើមថា “ខ្ញុំចង់ចាប់ផ្តើមដោយការអបអរសាទរដោយស្មោះអស់ពីចិត្តចំពោះខួបដ៏សំខាន់នេះ។ លោក ដូណាល់ ថ្ងៃស្អែកគឺជាថ្ងៃកំណើតកូនប្រុសរបស់អ្នក ឈ្មោះ Barron Trump។ ខ្ញុំដឹងថាគាត់ធំឡើងច្រើនហើយ និងជាសុភាពបុរសដែលមានរូបរាងខ្ពស់ និងស្រស់សង្ហា”។

មិនតែប៉ុណ្ណោះ លោកស្រី Takaichi បាននិយាយដោយកំប្លែងទៀតថា ៖”ពេលសម្លឹងមើលគាត់ ខ្ញុំអាចមើលឃើញយ៉ាងច្បាស់ថាគាត់បានទទួលហ្សែនរូបរាងដ៏ល្អនោះមកពីណា។ សូមផ្ញើសារជូនពរខួបកំណើតនេះ ដ៏ស្មោះអស់ពីចិត្តរបស់ខ្ញុំ ទៅកាន់គាត់”។

ជម្រាបជូនផងដែរថា លោក ស្រី Takaichi ទើបតែបញ្ចប់ដំណើរទស្សនកិច្ចលើកដំបូងរបស់លោកស្រី ទៅកាន់សហរដ្ឋអាមេរិក ពោលគឺចាប់តាំងពីឡើងកាន់តំណែងជានាយករដ្ឋមន្ត្រីជប៉ុនក្នុងខែតុលា ឆ្នាំ២០២៥ មក៕​

The post នាយករដ្ឋមន្ត្រីជប៉ុន សរសើរ Barron Trump ថាជះរូបរាងស្រស់ស្អាត សង្ហាដូចជាឪពុក appeared first on .

យោងតាមការចុះផ្សាយពីទស្សនាវដ្តី Forbes ថ្មីៗនេះ​បានធ្វើការវិភាគលើការវិនិយោគ និងប្រាក់ចំណូលរបស់សមាជិកគ្រួសាររបស់ប្រធានាធិបតីអាមេរិក លោក ត្រាំ ដោយបង្ហាញថា កូនៗរបស់លោក អាចរកប្រាក់ចំណូលបានយ៉ាងច្រើន ជាពិសេសពីការបណ្តាក់ទុននៅក្នុងវិស័យកាក់គ្រីបតូ និងកិច្ចព្រមព្រៀងពាណិជ្ជកម្មក្រៅប្រទេសផងដែរ។

គួរកត់សម្គាល់ថា កូនប្រុសពៅរបស់លោក ត្រាំ គឺ Barron Trump ដែលបច្ចុប្បន្នមានវ័យត្រឹម ១៩ឆ្នាំ ជានិស្សិតឆ្នាំទីពីរ នៅសាកលវិទ្យាល័យ New York នោះ​ ត្រូវបានប៉ាន់ប្រមាណថាមានទ្រព្យផ្ទាល់ខ្លួនប្រមាណ ១៥០លានដុល្លារ ឯណោះ។ លោក ត្រាំ​ ក៏ធ្លាប់អួតប្រាប់ផងដែរថា Barron គឺជាមនុស្សតែម្នាក់គត់ដែលបានគ្រួសារទាំងមូលឲ្យយល់ដឹងពីតម្លៃនៃរូបិយប័ណ្ណគ្រីបតូ។

ជម្រាបជូនផងដែរថា វិស័យគ្រីបតូនេះ ក៏ជាប្រភពចំណូលដ៏ធំបំផុត សម្រាប់បងប្អូនរបស់ Barron ពីរនាក់ផ្សេងទៀតផងដែរ ដោយ Trump Jr មានទ្រព្យសរុប ៥០០លានដុល្លារ និង Eric Trump មានទ្រព្យសម្បត្តិប្រមាណ ៧៥០លានដុល្លារ។ ដោយឡែកលោក ត្រាំ ដែលសមាជិកដែលមានបំផុតនៃគ្រួសារ បច្ចុប្បន្នមានទ្រព្យសម្បត្តិសរុបប្រមាណ ៧,៣ពាន់លានដុល្លារ៕​

The post កូនប្រុសពៅរបស់លោក ត្រាំ មានទ្រព្យសម្បត្តិសរុបចំនួន ១៥០លានដុល្លារ ក្នុងវ័យត្រឹម ១៩ឆ្នាំ appeared first on .

Barron ដែលបច្ចុប្បន្នមានវ័យ ១៩ឆ្នាំ បានផ្លាស់ទៅរស់នៅជាមួយឪពុកម្តាយរបស់គេ នៅសេតវិមាន ហើយកំពុងចាប់ផ្តើមឆ្នាំសិក្សាទីពីររបស់ខ្លួន នៅសាកលវិទ្យាល័យ New York ដែលទទួលយកសិក្សាអតិបរមា ត្រឹមតែ ១២០ នាក់ ប៉ុណ្ណោះ ក្នុងមួយឆមាស សម្រាប់មុខវិជ្ជាផ្តោតសំខាន់ដូចជា នយោបាយ ប្រវត្តិសាស្រ្ត សេដ្ឋកិច្ច និងសារព័ត៌មាន ។

គួរឲ្យដឹងផងដែរថា នៅឆ្នាំសិក្សាដំបូង កូនប្រុសពៅរបស់លោក ត្រាំ រូបនេះ រស់នៅអគារ Trump Tower ក្នុងទីក្រុង Manhattan ទីក្រុងញូវយ៉ក ពោលគឺមានចម្ងាយជិះប្រហែល ២០នាទី ពីសាលារៀន។

យ៉ាងណាមិញ ជំទាវទីមួយ លោកស្រី Melania Trump បានចំណាយពេលភាគច្រើននៅទីក្រុងញូវយ៉ក ដើម្បីបាននៅជិត Barron កំឡុងពេលចូលរៀននៅមហាវិទ្យាល័យ។ ប្រព័ន្ធផ្សព្វផ្សាយអាមេរិក បានបង្ហាញក្តីរំពឹងថា លោកស្រីនឹងកាន់តែចូលរួមយ៉ាងសកម្មនៅក្នុងអាណត្តិទីពីររបស់ស្វាមីលោកស្រីបន្ថែមទៀត ដោយសារតែឥឡូវនេះកូនប្រុសរបស់លោកស្រី បានផ្លាស់ប្តូរមករស់នៅក្នុងសេតវិមាន ផងដែរ។

ជម្រាបជូនផងដែរថា​ Barron បានបង្ហាញខ្លួនជាសាធារណៈជាច្រើនដងក្នុងអំឡុងពេលយុទ្ធនាការបោះឆ្នោតឆ្នាំ២០២៤ របស់លោក ត្រាំ ប៉ុន្តែរូបគេកម្របានទៅសេតវិមានណាស់ ចាប់តាំងពីឪពុកខ្លួនបានចូលកាន់តំណែងក្នុងខែមករាមក៕​

The post កូនប្រុសពៅលោក ត្រាំ ផ្លាស់ទៅរស់នៅសេតវិមាន ដើម្បីបន្តការសិក្សា appeared first on .

តាមការចុះផ្សាយពីទស្សនាវដ្តី Forbes បានបង្ហាញឲ្យដឹងថា​ Barron អាចរកបានចំណូលបាន ២៥លានដុល្លារ​ បន្ទាប់ពីបង់ពន្ធរួច បន្ទាប់ពីគេបានបណ្តាក់ទុននៅក្រុមហ៊ុន World Liberty Financial ដែលជាក្រុមហ៊ុនផ្តោតរកស៊ីលើវិស័យរូបិយប័ណ្ណឌីជីថល ដែលបង្កើតដោយក្រុមគ្រួសារត្រកូល​​​ Trump កាលពីឆ្នាំមុន។​

​គួរឲ្យដឹងថា​ ចាប់តាំងពីការប្រកាសបង្កើតកាក់គ្រីបតូថ្មីមក លោក ត្រាំ​ ផ្ទាល់ត្រូវបានគេប៉ាន់ប្រមាណថា​ អាចរកប្រាក់ចំណូលបានប្រហែល ១ពាន់លានដុល្លាររួចមកហើយ តាមរយ:សកម្មភាពពាក់ព័ន្ធទៅនឹងវិស័យគ្រីបតូនេះ។​

ជម្រាបជូនថា​ Barron ត្រូវបានចុះបញ្ជីជាសហស្ថាបនិកនៃក្រុមហ៊ុន World Liberty Financial រួមជាមួយឪពុករបស់ខ្លួន លោក ដូណាល់ ត្រាំ និងបងប្រុស Eric Trump ។ បើតាម Forbes បានប៉ាន់ប្រមាណថា Barron ទំនងជាមានភាគហ៊ុន ៧,៥% នៅក្នុងក្រុមហ៊ុនដែលមានមូលដ្ឋាននៅរដ្ឋ Delaware​ មួយនេះ៕​

The post កូនប្រុសពៅលោក​ ត្រាំ កើបលុយបានជិត ៤០លានដុល្លារ ពីជំនួញកាក់គ្រីបតូរបស់គ្រួសារ appeared first on .