បុរសម្នាក់នោះ ដែលត្រូវបានគេស្គាល់ឈ្មោះថា Chris បានវិនិយោគទឹកប្រាក់ចំនួន ១ ៥០០ផោន (ឬប្រហែល ២ ០០០ដុល្លារ) ទៅក្នុងកាក់ Bitcoin ក្នុងឆ្នាំ២០១១ បន្ទាប់ពីមិត្តភក្តិម្នាក់ដែលចាប់អារម្មណ៍លើភាគហ៊ុនបានប្រាប់រូបលោកថារូបិយប័ណ្ណគ្រីបតូមួយនេះ​ នឹងក្លាយជាទ្រព្យសម្បត្តិដ៏មានតម្លៃនាពេលអនាគត។

យ៉ាងណាមិញ Chris បានទិញ Bitcoin នោះតាមរយៈវេបសាយ Intersango ដែលពីមុនត្រូវបានគេស្គាល់ថា Britcoin ដែលជាកន្លែងផ្លាស់ប្តូររូបិយប័ណ្ណគ្រីបតូដំបូងបំផុតមួយរបស់ចក្រភពអង់គ្លេស។ នៅពេលដែលវេទិកានេះជួបប្រទះការលំបាក និងឈប់ដំណើរការនៅឆ្នាំ២០១៤ ហើយ Chris បានព្យាយាមដកកាក់ Bitcoin របស់ខ្លួន ប៉ុន្តែបានរកឃើញថាគណនីរបស់លោត្រូវបានគេបង្កកទៅហើយ។ កាក់ Bitcoin របស់លោកមានតម្លៃប្រហែល ៤ ០០០ផោននៅពេលនោះ។

នៅពេលដែលតម្លៃរបស់កាក់ Bitcoin កើនឡើងយ៉ាងខ្លាំងក្នុងរយៈពេលមួយទសវត្សបន្ទាប់ លោក Chris បានឃើញតម្លៃកាក់របស់ខ្លួនដែលមិនអាចចូលទៅប្រើប្រាស់បាននោះ បានកើនឡើងដល់រាប់លានដុល្លារ។

យ៉ាងណានៅឆ្នាំ២០១៨ Chris បានទទួលអ៊ីមែលមួយពីសហស្ថាបនិកក្រុមហ៊ុន Intersango ពីរនាក់ដែលស្នើសុំឱ្យអតិថិជនពីមុនៗទាក់ទងមកពួកគេវិញ ប៉ុន្តែ Chris បានលុបសារទាំងនោះចោល ព្រោះសង្ស័យថាវាជាការបោកប្រាស់។ ប៉ុន្តែភរិយារបស់លោក បានបញ្ចុះបញ្ចូលឲ្យលោកព្យាយាមទាញយកកាក់ Bitcoin ទាំងនោះត្រលប់មកវិញម្តងទៀត។ លុះនៅថ្ងៃទី២០ ខែមករា លោកបានជួលក្រុមហ៊ុនច្បាប់អង់គ្លេស CEL Solicitors ដែលមានជំនាញក្នុងការសង្គ្រោះរូបិយប័ណ្ណគ្រីបតូដែលបាត់បង់ ឲ្យជួយលោកនៅក្នុងរឿងនេះ។

ក្រុមហ៊ុននោះបានប្រមូលឯកសារដើម្បីបញ្ជាក់ពីភាពជាម្ចាស់របស់ Chris និងចរចាការប្រគល់រូបិយប័ណ្ណគ្រីបតូត្រលប់មកវិញ។ ករណីនេះត្រូវបានដោះស្រាយនៅថ្ងៃទី២៨ ខែឧសភា ដោយកាក់ Bitcoin ទាំង ៦១ នោះ ត្រូវបានប្រគល់ជូនមកកាន់លោកវិញ។ Bitcoin ទាំងនោះ កំពុងជួញដូរក្នុងតម្លៃប្រហែល ៧៨ ០០០ដុល្លារ គិតនៅត្រឹមថ្ងៃទី ៣ ខែកញ្ញា ហើយចំនួនសរុបនៃកាក់នោះមានតម្លៃសរុប្រមាណ ៤,៧៦លានដុល្លារ៕

The post បុរសអង់គ្លេសម្នាក់ ក្លាយជាសេដ្ឋីត្រឹមតែមួយប៉ប្រិចភ្នែក ក្រោយរកឃើញកាក់ Bitcoin ដែលបាត់អស់ ១២ឆ្នាំ appeared first on .

ដោយនិយាយនៅលើកម្មវិធីផតខាស The Diary of a CEO កាលពីពេលថ្មីៗនេះ លោក Saylor បាននិយាយថាលោកបានចាប់ផ្តើមប្រើប្រាស់ AI Chatbot របស់ក្រុមហ៊ុន OpenAI នេះ បន្ទាប់ពីក្រុមហ៊ុន Strategy បានព្យាយាមប្រើប្រាស់វិធីសាស្រ្តប្រពៃណីផ្សេងៗរបស់ខ្លួន ក្នុងការរៃអង្គាសដើមទុន ដើម្បីទិញកាក់ Bitcoin បន្ថែម។

លោក Saylor ដែលត្រូវបាន Forbes ប៉ាន់ប្រមាណថាមានទ្រព្យសម្បត្តិសរុបចំនួន ៤ពាន់លានដុល្លារ បានបង្កើតក្រុមហ៊ុន Software MicroStrategy ក្នុងឆ្នាំ១៩៨៩។ ​​បច្ចុប្បន្នក្រុមហ៊ុននេះ ត្រូវបានស្គាល់ថាជា Strategy ដោយបានផ្លាស់ប្តូរអាជីវកម្មរបស់ខ្លួន ទៅផ្តោតលើ Bitcoin វិញ ក្នុងឆ្នាំ២០២០ ហើយបានក្លាយជាក្រុមហ៊ុនជួញដូរសាធារណៈដំបូងគេដែលធ្វើឱ្យរូបិយប័ណ្ណគ្រីបតូក្លាយជាទ្រព្យសកម្មស្នូលរបស់ខ្លួន។

ចាប់តាំងពីពេលនោះមក Strategy បានក្លាយក្រុមហ៊ុនកាន់កាប់កាក់ Bitcoin ធំជាងគេបំផុតរបស់ពិភពលោក។ ក្រុមហ៊ុននេះមានកាក់ Bitcoin ជិត ៨៥០ ០០០ ដែលមានតម្លៃសរុបជាង ៥០ពាន់លានដុល្លារក្នុងតម្លៃទីផ្សារបច្ចុប្បន្ន។

គួរជម្រាបជូនថា នេះមិនមែនជាលើកទីមួយទេដែលលោក Saylor បានសរសើរ AI សម្រាប់ការជួយបង្កើតយុទ្ធសាស្ត្រហិរញ្ញប្បទានរបស់ក្រុមហ៊ុនលោក។ យោងតាម Forbes បានឲ្យដឹងថា នៅក្នុងសន្និសីទអ្នកអភិវឌ្ឍរបស់ Strategy កាលពីឆ្នាំមុន លោកក៏ធ្លាប់បានប្រើមុខងារ Deep Research របស់ ChatGPT ដើម្បីជួយរចនាផលិតផលភាគហ៊ុនអាទិភាពដែលអាចបម្លែងបាន (Convertible preferred stock) របស់ក្រុមហ៊ុនផងដែរ៕​

The post មហាសេដ្ឋីគ្រីបតូម្នាក់ បង្ហើបថា ChatGPT ជួយឲ្យក្រុមហ៊ុនខ្លួនអាចរកបាន ១៥ពាន់លានដុល្លារ/ឆ្នាំ appeared first on .

Trump Media & Technology Group ដែលជាក្រុមហ៊ុនមេរបស់បណ្តាញសង្គម Truth Social បានផ្ទេរកាក់ Bitcoin (BTC) ចំនួន ២ ៦៥០ កាក់ ទៅកាន់ផ្សារហ៊ុនកណ្តាល។ នៅតម្លៃទីផ្សារបច្ចុប្បន្ន BTC ដែលបានផ្ទេរទៅនោះ មានតម្លៃប្រហែល ២០៥លានដុល្លារ។ ទិន្នន័យពី Blockchain បង្ហាញឲ្យដឹងទៀតថា ប្រតិបត្តិការនេះបានកើតឡើងនៅល្ងាចថ្ងៃទី២២ ខែឧសភា។

យ៉ាងណមិញ ជុំវិញការផ្ទេរ Bitcoin ទៅកាន់ផ្សារហ៊ុនកណ្តាលនេះ ត្រូវបានគេមើលឃើញថាជាសញ្ញានៃចេតនាលក់។ តែទោះជាយ៉ាងណាក៏ដោយ យោងតាមការវិភាគរបស់ Lookonchain ករណីរបស់ Trump Media ហាក់ដូចជាខុសគ្នា ហើយមិនបង្ហាញចេតនាបែបនេះទេ។ ក្រុមហ៊ុនវិភាគទិន្នន័យនេះ បានអះអាងថា “Trump Media បានផ្ទេរ BTC ទៅកាន់ផ្សារហ៊ុន ប៉ុន្តែមិនបានលក់វានោះទេ”។

គួរឲ្យដឹងថា ប្រធានាធិបតីអាមេរិក លោក ដូណាល់ ត្រាំ មានភាគហ៊ុនសំខាន់មួយនៅក្នុង Trump Media។ តែទោះជាយ៉ាងណាក៏ដោយ នៅក្នុងខែធ្នូ ឆ្នាំ២០២៤ លោកបានប្រកាសថា លោកកំពុងផ្ទេរភាគហ៊ុនគ្រប់គ្រងរបស់លោកនៅក្នុង Trump Media ទៅកាន់មូលនិធិដែលគ្រប់គ្រងដោយកូនប្រុសរបស់លោក គឺលោក Donald Trump Jr. ដើម្បីជៀសវាងជម្លោះផលប្រយោជន៍។

នៅដើមឆ្នាំ២០២៥ Trump Media បានប្រកាសពីផែនការពង្រីកខ្លួនទៅក្នុងសេវាកម្មហិរញ្ញវត្ថុ ក៏ដូចជាការទិញយក Bitcoin និងរូបិយប័ណ្ណគ្រីបតូផ្សេងទៀត។ នៅក្នុងខែឧសភា ឆ្នាំ២០២៥ ក្រុមហ៊ុនបានប្រកាសពីចេតនារបស់ខ្លួនក្នុងការរៃអង្គាសប្រាក់ប្រហែល ២,៥ពាន់លានដុល្លារដើម្បីបង្កើតរតនាគារ Bitcoin ដំបូងបំផុត។ ហើយនៅចុងខែកញ្ញា ឆ្នាំ២០២៥ Trump Media បានទិញកាក់ BTC ចំនួន ១១ ៥៤២ ក្នុងតម្លៃប្រហែល ១,៣៧ពាន់លានដុល្លារ ដែលស្មើនឹងតម្លៃទិញជាមធ្យម ១១៨ ៥២២ ដុល្លារក្នុងមួយកាក់។

គួរជម្រាបជូនផងដែរថា ក្រុមហ៊ុន Trump Media ត្រូវបានគេប៉ាន់ប្រមាណថា បានខាតបង់ប្រហែល ៤៥៥លានដុល្លារលើការកាន់កាប់ BTC របស់ខ្លួនទាំងនេះ ដោយសារតែតម្លៃកាក់ឌីជីថលធំជាងគេបំផុតរបស់ពិភពលោកមួយនេះ​ បានធ្លាក់តម្លៃយ៉ាងខ្លាំង ក្នុងរយៈពេលចុងក្រោយ៕​

The post ក្រុមហ៊ុន Trump Media របស់ប្រធានាធិបតីអាមេរិក ផ្ទេរកាក់ Bitcoin តម្លៃជាង ២០០លានដុល្លារ ទៅក្នុងទីផ្សារភាគហ៊ុន appeared first on .

ប៊ូតាន ដែលជាប្រទេសតូចមួយនៅអាស៊ី ស្ថិតនៅក្នុងតំបន់ហិម៉ាឡៃ និងជាប្រទេសទីពីរបន្ទាប់ពីប្រទេសអែលសាល់វ៉ាឌ័រ ដែលបាន Mine និងកាន់កាប់កាក់ Bitcoin (BTC) ជាផ្លូវការ ត្រូវបានគេជឿថាបានលក់រូបិយប័ណ្ណគ្រីបតូរបស់ខ្លួន ក្នុងចំនួនយ៉ាងច្រើន។

យោងតាមក្រុមហ៊ុនវិភាគទិន្នន័យ Arkham Intelligence បានបង្ហាញឲ្យដឹងទៀតថា ប្រទេសនេះប្រហែលជាបានលក់កាក់ BTC ដែលមានតម្លៃ ១ពាន់លានដុល្លារ គិតចាប់តាំងពីខែកក្កដា ឆ្នាំ២០២៥មក។

យ៉ាងណាមិញ ចាប់តាំងពីដើមឆ្នាំនេះមក គណនី Wallet ដែលត្រូវបានគេដឹងថាជាកម្មសិទ្ធិរបស់ Druk Holding and Investments (DHI) ដែលជាមូលនិធិទ្រព្យសម្បត្តិអធិបតេយ្យភាពនៃព្រះរាជាណាចក្រប៊ូតាន បានផ្ទេរកាក់ Bitcoin ដែលមានតម្លៃប្រហែល ២០៧លានដុល្លារទៅកាន់ទីផ្សារផ្លាស់ប្តូររូបិយប័ណ្ណឌីជីថល និងក្រុមហ៊ុនពាណិជ្ជកម្មផ្សេងៗ។

មិនតែប៉ុណ្ណោះ ការកាប់កាប់គណនី Wallet របស់ DHT ដែលត្រូវបានតាមដានដោយ Arkham បានថយចុះពីប្រហែល ១៣ ០០០ BTC ក្នុងខែតុលា ឆ្នាំ២០២៤ មកត្រឹមប្រហែល ៣ ១០០ BTC ប៉ុណ្ណោះ គិតត្រឹមថ្ងៃទី១៥ ខែឧសភា។ លំហូរចេញនៃកាក់ Bitcoin នេះ បានកើនឡើងយ៉ាងខ្លាំង នៅក្នុងឆ្នាំ២០២៦ ដល់ចំណុចដែល Arkham ប៉ាន់ប្រមាណថាប្រទេសប៊ូតាន នឹងលក់ការកាន់កាប់ Bitcoin ដែលនៅសល់របស់ខ្លួន នៅខែតុលាខាងមុខ ប្រសិនបើតម្លៃនៃកាក់នេះ នៅតែបន្តរក្សាកម្រិតដូចបច្ចប្បន្ន។

គួរជម្រាបជូនផងដែរថា នៅក្នុងខែធ្នូ ឆ្នាំ២០២៥ ប្រទេសប៊ូតាន បានប្រកាសពីការប្តេជ្ញាចិត្តអភិវឌ្ឍទៅលើកាក់ Bitcoin របស់ខ្លួន។ ក្រោមការប្តេជ្ញាចិត្តនេះ កាក់ Bitcoin រហូតដល់ ១០ ០០០ កាក់ នឹងត្រូវបានបែងចែកសម្រាប់ការអភិវឌ្ឍរយៈពេលវែងនៃ Gelephu Mindfulness City ដែលជាតំបន់សេដ្ឋកិច្ចពិសេសថ្មីមួយនៅភាគខាងត្បូងនៃប្រទេស។ ជុំវិញការប្តេជ្ញាចិត្តនេះ បើគិតជាសាច់ប្រាក់មានតម្លៃប្រហែល ៨៦០លានដុល្លារ៕​

The post ប្រទេសប៊ូតាន លក់ចេញកាក់ Bitcoin មានតម្លៃប្រហែល ១ពាន់លានដុល្លារ appeared first on .

បន្ទាប់ពីមានព័ត៌មានអំពីសហរដ្ឋអាមេរិក និងអ៊ីស្រាអែល បានបើកការវាយប្រហាររួមគ្នាទៅលើអ៊ីរ៉ង់ នៅថ្ងៃទី២៨ ខែកុម្ភៈមក កាក់ Bitcoin (BTC) បានធ្លាក់ចុះតម្លៃមកនៅក្រោម ៦៣ ០០០ដុល្លារក្នុងមួយកាក់។ រូបិយប័ណ្ណគ្រីបតូដ៏ធំបំផុតរបស់ពិភពលោកមួយនេះបានធ្លាក់ចុះប្រហែល ៣% ក្នុងរយៈពេលត្រឹមតែប៉ុន្មានម៉ោងប៉ុណ្ណោះ ដែលជាកម្រិតទាបបំផុតមិនធ្លាប់មាន គិតចាប់តាំងពីថ្ងៃទី៥ ខែកុម្ភៈ នៅពេលដែល BTC ធ្លាក់តម្លៃក្រោម ៦០ ០០០ដុល្លារជាលើកដំបូង។

យ៉ាងណាមិញ បើតាមលោក Shaurya Malwa សហអ្នកដឹកនាំក្រុមទិន្នន័យ និងសញ្ញាសម្ងាត់អាស៊ីរបស់ CoinDesk បាននិយាយថាកាក់ Bitcoin អាចធ្លាក់ចុះដល់ក្រោម ៦០ ០០០ដុល្លារ ឬទាបជាងនេះ។

ប្រសិនបើវាធ្លាក់ចុះដល់ ៦០ ០០០ដុល្លារ នោះតម្លៃរបស់ Bitcoin នឹងថយអស់ជិត ៥៣% បើប្រៀបធៀបទៅនឹងកម្រិតកំពូលរបស់វា នៅដើមខែតុលា ឆ្នាំ២០២៥។ រូបិយប័ណ្ណគ្រីបតូដ៏បំផុតមួយនេះ បានបាត់បង់តម្លៃទីផ្សារខ្លួនជិត ២០% រួចហើយ នៅក្នុងខែកុម្ភៈ។

ជម្រាបជូនថា ជុំវិញការកើនឡើងនៃភាពតានតឹងនៅមជ្ឈិមបូព៌ា ត្រូវបានក្រុមអ្នកវិភាគជឿជាក់ថាតម្លៃ Bitcoin អាចនឹងធ្លាក់ចុះខ្លាំងនៅពេលដំបូង ប៉ុន្តែវានឹងអាចងើបឡើងវិញ នៅពេលដែលទីផ្សារប្រពៃណីស្រូបយកព័ត៌មាន ហើយស្ថានភាពស្ថិតនៅក្រោមការគ្រប់គ្រង៕​

The post តម្លៃកាក់ Bitcoin ធ្លាក់ដាំក្បាលចុះយ៉ាងកំហុគ ក្រោយផ្ទុះជម្លោះនៅអ៊ីរ៉ង់ appeared first on .

យោងតាមព័ត៌មានដែលចេញផ្សាយតាមរយៈរបាយការណ៍ដែលបានដាក់ជូនគណៈកម្មការមូលបត្រ និងប្តូរប្រាក់សហរដ្ឋអាមេរិក (SEC) ក្រុមហ៊ុនវិនិយោគ Mubadala ដែលជាមូលនិធិទ្រព្យសម្បត្តិរដ្ឋដែលគាំទ្រដោយរដ្ឋាភិបាលអារ៉ាប់រួម បានទិញ iShares Bitcoin Trust (IBIT) ជិត ៤ លានកាក់បន្ថែម ចន្លោះខែតុលា និងខែធ្នូ ឆ្នាំ២០២៥ ដែលនាំឱ្យការកាន់កាប់សរុបរបស់ខ្លួនកើនដល់ ១២,៧ លានកាក់។ ការផ្លាស់ប្តូរនេះកើតឡើងនៅពេលដែលតម្លៃកាត់ BTC បានធ្លាក់ចុះប្រហែល ២៣% នៅក្នុងត្រីមាសចុងក្រោយនៃឆ្នាំមុន។

ទន្ទឹមនឹងនេះ ក្រុមហ៊ុន Al Warda Investments ដែលជាក្រុមហ៊ុនគ្រប់គ្រងការវិនិយោគមួយផ្សេងទៀតដែលមានមូលដ្ឋាននៅអារ៉ាប់រួមដែរនោះ បានកាន់កាប់កាក់ BTC ចំនួន ៨,២ លានកាក់ គិតនៅត្រឹមនៅចុងត្រីមាសទី៤ ឆ្នាំ២០២៥។ សរុបមក មូលនិធិទាំងពីរបានកាន់កាប់ Bitcoin ដែលមានតម្លៃជាង ១ពាន់លានដុល្លារតាមរយៈ IBIT នៅចុងឆ្នាំ២០២៥។

ជម្រាបជូនថា ទីផ្សាររូបិយប័ណ្ណឌីជីថលបានបង្ហាញភាពទន់ខ្សោយយ៉ាងខ្លាំង នៅដើមសប្តាហ៍នេះ ដោយកាក់ Bitcoin ធ្លាក់ថ្លៃចុះក្រោម ៦៧ ០០០ដុល្លារក្នុងកាក់ បើធៀបទៅនឹងចុងសប្តាហ៍មុន ដែលមានតម្លៃជិត ៧០ ០០០ដុល្លារក្នុងមួយកាក់៕​

The post ប្រទេសអ្នកមាននៅអារ៉ាប់មួយ កាន់កាប់កាក់ Bitcoin មានតម្លៃសរុបរាប់ពាន់លានដុល្លារ appeared first on .

យ៉ាងណាមិញក៏ដោយ ក្រុមហ៊ុន Bithumb បានចេញសារ​សុំទោស​ចំពោះ​កំហុស​នេះ ហើយ​បាន​និយាយ​ថា ខ្លួន​បាន​ទាញ​យកមក​វិញ ៩៩,៧% នៃ​កាក់ Bitcoin សរុប​ចំនួន ៦២០,០០០ កាក់ ដែល​មាន​តម្លៃ​ប្រហែល ៤៤ពាន់​លាន​ដុល្លារ​គិតតាមតម្លៃលើទីផ្សារ​បច្ចុប្បន្ន។

គួរឲ្យដឹងផងដែរថា ជុំវិញហេតុការណ៍នេះ បានកើតឡើងនៅពេលក្រុមហ៊ុន Bithumb មានគម្រោងចែកជូនរង្វាន់ជាសាច់ប្រាក់តូចៗចំនួន ២ ០០០វ៉ុន (១,៤០) ឬច្រើនជាងនេះដល់អតិថិជនរបស់ខ្លួនម្នាក់ៗ ជាផ្នែកមួយនៃការផ្សព្វផ្សាយ ប៉ុន្តែដោយសារតែកំហុសបច្ចេកទេសអតិថិជន បែជាទទួលបានជាកាក់ Bitcoin យ៉ាងហោចណាស់ ២ ០០០ កាក់ ក្នុងម្នាក់ៗ ទៅវិញ។

មិនតែប៉ុណ្ណោះ Bithumb ថែមទាំងបាន​និយាយ​នៅក្នុង​សេចក្តីថ្លែងការណ៍​មួយ​ថា ថា៖”យើង​ចង់​បញ្ជាក់​ឲ្យ​ច្បាស់​ថា ឧប្បត្តិហេតុ​នេះ​មិន​ទាក់ទង​នឹង​ការលួចចូល​ពីខាងក្រៅ ឬ​ការរំលោភផ្នែក​សុវត្ថិភាព​ទេ ហើយ​វាក៏ពាក់ព័ន្ធទៅនឹង​បញ្ហា​ជាមួយ​ប្រព័ន្ធសុវត្ថិភាព​ ឬ​ការគ្រប់គ្រង​ទ្រព្យសម្បត្តិ​របស់​អតិថិជន​នោះដែរ”។

ជម្រាបជូនថាតម្លៃ Bitcoin បានធ្លាក់ចុះ ១៧% ក្នុងរយៈពេលខ្លី មកនៅត្រឹមជាង ៨១លានវ៉ុន (ជាង ៥៥០០០ដុល្លារ) ក្នុងមួយកាក់ គិតនៅល្ងាចថ្ងៃសុក្រសប្តាហ៍មុន នៅលើ Bithumb ។ ប៉ុន្តែក្រោយមកតម្លៃរបស់វាបានងើបឡើងវិញ ដោយការជួញដូរចុងក្រោយ នៅក្នុងតម្លៃជាង ១០៤លានវ៉ុន ឬជាង ៧១ ០០០ដុល្លារ ក្នុងមួយកាក់៕​

The post ក្រុមហ៊ុនគ្រីបតូខ្នាតយក្សកូរ៉េ Bithumb ច្រលំចែក Bitcoin តម្លៃជាង ៤០ពាន់លានដុល្លារឲ្យអតិថិជន appeared first on .

នៅក្នុងអំឡុងពេលប្រារព្ធទិវាជាតិរបស់ប្រទេស កាលពីថ្ងៃទី១៧ ខែធ្នូ កន្លងទៅនេះ ព្រះមហាក្សត្រប៊ូតាន Jigme Khesar Namgyel Wangchuck បានប្រកាសពីការបែងចែកទឹកប្រាក់មួយចំនួនធំ ដើម្បីវិនិយោគនៅក្នុងទីក្រុង Gelephu Mindfulness (GMC) ដែលត្រូវបានគេរំពឹងថានឹងក្លាយជាមជ្ឈមណ្ឌលសេដ្ឋកិច្ចដ៏សំខាន់បំផុតរបស់ប្រទេសនេះ។

មិនតែប៉ុណ្ណោះ ព្រះអង្គម្ចាស់ Wangchuck ​បានថ្លែងថា​៖”ខ្ញុំត្រូវតែធានាថា ប្រជាពលរដ្ឋគ្រប់រូបនៃប្រទេសប៊ូតាន គឺជាអ្នកការពារ ជាម្ចាស់ភាគហ៊ុន និងជាអ្នកទទួលផលពីទីក្រុង GMC។ ហើយដើម្បីគាំទ្រគោលនយោបាយនេះ ថ្ងៃនេះខ្ញុំប្រកាសពីការបែងចែក កាក់ BTC (Bitcoin) ចំនួន ១០ ០០០ កាក់ ដែលមានតម្លៃប្រហែល ១ពាន់លានដុល្លារ ទៅក្នុងទីក្រុង GMC។

គួរឲ្យដឹងផងដែរថា គំនិតផ្តួចផ្តើមនេះនឹងគាំទ្រដល់ការបង្កើតការងារ ការអភិវឌ្ឍសេដ្ឋកិច្ច និងភាពធន់របស់ជាតិ ខណៈពេលដែលវានឹងអនុញ្ញាតឱ្យប្រជាជនប៊ូតានមកពីគ្រប់តំបន់ទាំងអស់ចែករំលែកភាពជោគជ័យរបស់ GMC តាមរយៈគោលនយោបាយដីធ្លីថ្មី ដោយចាត់ទុកពួកគេជាអ្នកពាក់ព័ន្ធនៅក្នុងគម្រោងអភិវឌ្ឍនេះ។

ជម្រាបជូនផងដែរថា បើតាមលោក Jigdrel Sinngay សមាជិកក្រុមប្រឹក្សាភិបាលនៅទីក្រុង GMC បានថ្លែងថា ប្រទេសប៊ូតានមិនមានគម្រោងលក់កាក់ Bitcoin ទេ ប៉ុន្តែកំពុងរក្សាដើមទុនរបស់ខ្លួនដើម្បីរង់ចាំការកើនឡើងនៃតម្លៃនាពេលអនាគតរបស់កាត់ឌីជីថលប្រភេទនេះ។ ហើយជម្រើសនៃការប្រើប្រាស់កាក់ BTC ចំនួន ១០ ០០០ កាក់ នៅក្នុងគម្រោងនេះ នឹងត្រូវបានពិចារណាយ៉ាងប្រុងប្រយ័ត្នបំផុត រួមទាំងការបម្រុងទុក និងការអនុវត្តយុទ្ធសាស្រ្តគ្រប់គ្រងហានិភ័យទាក់ទងទៅនឹងទ្រព្យសកម្មនេះ​ ជាដើម៕​

The post ប៊ូតាន វិនិយោគ ១ពាន់លានដុល្លារ ក្នុងកាក់ Bitcoin ដើម្បីអភិវឌ្ឍតំបន់សេដ្ឋកិច្ចពិសេសរបស់ខ្លួន appeared first on .

ក្រុមហ៊ុន Trump Media and Technology Group បានប្រកាសកាលពីថ្ងៃទី២១ ខែកក្កដាថា ខ្លួនបានចំណាយទឹកប្រាក់ប្រមាណ ២ពាន់លានដុល្លារ ដើម្បីទិញយកកាក់ Bitcoin និងមូលបត្រផ្សេងទៀតដែលពាក់ព័ន្ធទៅនឹង Bitcoin ផងដែរ។

គួរឲ្យដឹងថា ក្រុមហ៊ុនប្រព័ន្ធផ្សព្វផ្សាយសង្គមរបស់លោក ត្រាំ បច្ចុប្បន្នកំពុងដំណើរការបណ្តាសង្គម Truth Social វេទិកាស្រ្ទីម Truth+ និងគ្រប់គ្រងលើការឌីជីថល Truth.Fi ផងដែរ។

ក្រុមហ៊ុន Trump Media គ្រោងនឹងបន្តទិញកាក់ Bitcion និងទ្រព្យសម្បត្តិដែលពាក់ពន្ធបន្ថែមទៀត ហើយប្តូរជម្រើសទៅជា Bitcion ដោយអាស្រ័យទៅលើលក្ខណ្ឌទីផ្សារ។ ទ្រព្យសម្បត្តិទាំងនេះ ត្រូវបានគេរំពឹងថា នឹងប្រើដើម្បីជួយក្រុមហ៊ុន បង្កើតប្រាក់ចំណូល និងទិញចូលរូបិយប័ណ្ណគ្រីបតូបន្ថែម។

ជម្រាបជូនថា ប្រធានាធិបតីអាមេរិក លោក ត្រាំ​ កាន់កាប់ភាគហ៊ុនធំជាងគេនៅក្នុង Trump Media ។ តែទោះជាយ៉ាងណាក៏ដោយនៅក្នុងខែធ្នូ ឆ្នាំ២០២៤ លោកបានប្រកាសថាលោកនឹងផ្ទេរភាគហ៊ុន និងការគ្រប់គ្រងរបស់ខ្លួនទាំងអស់ នៅក្នុង Trump Media ទៅឲ្យកូនប្រុស Donald Trump Jr. ជំនួសវិញ​ ដើម្បីជៀសវាងជម្លោះផលប្រយោជន៍៕

​

The post ក្រុមហ៊ុនបណ្តាញសង្គមលោក ត្រាំ ចាយលុយ ២ពាន់លានដុល្លារ ទិញកាក់ Bitcoin មកបម្រុងទុក appeared first on .

ជុំវិញការធ្លាក់ចុះនៃតម្លៃកាក់គ្រីបតូដែលត្រូវបានគេស្គាល់ច្រើនបំផុតនេះ គឺត្រូវបានកើតឡើង ដោយសារតែមានការព្រួយបារម្ភខ្លាំងទៅលើទីផ្សារ ជុំវិញវិធានការពន្ធគយថ្មីរបស់សហរដ្ឋអាមេរិក ក៏ដូចជាការបាត់បង់ទំនុកចិត្តពីសំណាក់អ្នកវិនិយោគ ក្រោយមានការចូលទៅលួចលុយអស់ប្រមាណ ១,៥ពាន់លានដុល្លារ ពីសំណាក់ក្រុម Hacker ទៅលើ BYBIT ដែលជាក្រុមហ៊ុនផ្លាស់ប្តូររូបិយប័ណ្ណឌីជីថលធំបំផុតមួយ ដែលមានមូលដ្ឋាននៅទីក្រុងឌុយបៃ។

គួរឲ្យដឹងថា Bitcoin ដែលជារូបិយប័ណ្ណគ្រីបតូដ៏ធំបំផុតរបស់ពិភពលោកដោយផ្នែកតាមតម្លៃទីផ្សាររបស់វានោះ បានធ្លាក់ចុះ ៧,២៥% មកនៅត្រឹមចំនួនទាបបំផុតប្រមាណជាង ៨៧ ១៦៩ដុល្លារ ចំពេលក្រុមវិនិយោគិនសកលលោក ហាក់មានការប្រុងប្រយ័ត្នកាន់តែខ្លាំង ជុំវិញសញ្ញាដែលសេដ្ឋកិច្ចអាមេរិកអាចនឹងត្រូវធ្លាក់ចុះ ខណៈពេលដែលប្រធានាធិបតី លោក ដូណាល់ ត្រាំ កំពុងរៀបចំដាក់ពន្ធគយថ្មីបន្ថែមទៀត។

ទន្ទឹមនឹងនេះ លោក ម៉ាសែល ហ៊ិនរីកស្មែរ (Marcel Heinrichsmeier) អ្នកវិភាគទ្រព្យសកម្មគ្រីបតូប្រចាំនៅ DZ Bank បាននិយាយថា ៖”ស្ថានភាពម៉ាក្រូសេដ្ឋកិច្ច​គឺជាហេតុផលចម្បងដ៏ធំមួយចំពោះការធ្លាក់ចុះនៃតម្លៃកាក់គ្រីបតូ ក្នុងរយៈពេលប៉ុន្មានម៉ោងចុងក្រោយនេះ។ ហើយជុំវិញការ Hack ទៅលើក្រុមហ៊ុន Bybit និងភាពចលាចលនៅក្នុង Memecoin ក្នុងរយ:ពេលប៉ុន្មានសប្តាហ៍កន្លងមកនេះ ក៏បានរួមចំណែកការធ្លាក់ចុះនៃទីផ្សាររូបិយប័ណ្ណគ្រីបតូច្រើនបំផុត បើធៀបទៅនឹងការចាប់ផ្តើមនៅឆ្នាំនេះ”។

ជម្រាបជូនផងដែរថា ខណៈពេលដែលកាក់មេ Bitcoin បានបាត់បង់តម្លៃរបស់ខ្លួនដល់ទៅជិត ៨% នៅក្នុងសប្តាហ៍ចុងក្រោយនេះ គេសង្កេតឃើញថាតម្លៃកាក់គ្រីបតូផ្សេងៗ ក៏ត្រូវបានរងផលប៉ះពាល់កាន់យ៉ាងខ្លាំងផងដែរ។ ក្នុងនោះកាក់ Dogecoin រួមជាមួយកាក់ Solana និង Cardano បានធ្លាក់ចុះតម្លៃរបស់ខ្លួនអស់ប្រហែល ២០% ។ នេះបើយោងតាមទិន្នន័យពី ​​​​CoinGecko៕

The post តម្លៃកាក់ Bitcoin ធ្លាក់ចុះក្រោម ៩ម៉ឺនដុល្លារជាលើកដំបូងនៅឆ្នាំនេះ ក្រោយជួបបញ្ហាធំៗពីរយ៉ាង appeared first on .