ប្រភពដដែល បានប៉ាន់ប្រមាណថាទ្រព្យសម្បត្តិសរុបរបស់លោក Zhao ស្ថិតនៅកម្រិតខ្ពស់បំផុតដែលមិនធ្លាប់មានពីមុនមកឡើយ។ ចំនួននេះ គឺបានកើនឡើងពី ៤៧ពាន់លានដុល្លារ កាលពីឆ្នាំមុន។

ជាលទ្ធផល លោក Zhao បានចូលទៅក្នុងក្រុមអ្នកមានបំផុតទាំង២០ នៅលើពិភពលោក ដោយស្ថិតនៅចំណាត់ថ្នាក់ទី១៧ ខណៈពេលដែលលោក Bill Gates ស្ថិតនៅចំណាត់ថ្នាក់ទី១៩ មានទ្រព្យសម្បត្តិសរុបប្រមាណ ១០៨ពាន់លានដុល្លារ។ ទ្រព្យសម្បត្តិរបស់ស្ថាបនិកក្រុមហ៊ុន Microsoft រូបនេះ បានធ្លាក់ចុះយ៉ាងខ្លាំង បន្ទាប់ពីការបរិច្ចាគសប្បុរសធម៌យ៉ាងច្រើន និងក្រោយការលែងលះនៅឆ្នាំ២០២១។

នៅក្នុងចំណាត់ថ្នាក់របស់ Forbes នេះ លោក Zhao ក៏បានវ៉ាដាច់បុគ្គលល្បីឈ្មោះជាច្រើន ដូចជា Michael Bloomberg (មានទ្រព្យសម្បត្តិ ១០៩ពាន់លានដុល្លារ) លោក Jeff Yass (៦៧,៤ពាន់លានដុល្លារ) និងលោក Ken Griffin (៤៩,៨ពាន់លានដុល្លារ) ផងដែរ។​

ជម្រាបជូនថា បើទោះបីជាបានលាលែងពីតំណែងជានាយកប្រតិបត្តិរបស់ Binance តាំងពីឆ្នាំ២០២៣ មកហើយក៏ដោយ តែទ្រព្យសម្បត្តិស្នូលរបស់លោក Zhao នៅតែបានមកពីក្រុមហ៊ុនផ្លាស់ប្តូររូបិយប័ណ្ណឌីជីថលដ៏ធំបំផុតមួយនេះ។ នេះក៏ជាកត្តាមួយដែលរួមចំណែកដល់ការកើនឡើងគួរឲ្យកត់សម្គាល់នៃទ្រព្យសកម្មសរុបរបស់ CZ ផងដែរ៕​

The post ទ្រព្យសម្បត្តិរបស់ស្ថាបនិកក្រុមហ៊ុន Binance កើនច្រើនជាងមហាសេដ្ឋី Bill Gates appeared first on .

យោងតាមសេចក្តីប្រកាសមួយរបស់សេតវិមាន បានហៅការចោទប្រកាន់ទៅលើលោក CZ នេះថា ជាសង្គ្រាមប្រឆាំងទៅនឹងវិស័យគ្រីបតូ ក្នុងអំឡុងរដ្ឋបាលរបស់អតីតប្រធានាធិបតី លោក ចូ បៃដិន។

គួរឲ្យដឹងថា លោក CZ ដែលជាឥស្សរជនម្នាក់ក្នុងចំណោមឥស្សរជនដែលមានឥទ្ធិពលបំផុតនៅក្នុងវិស័យរូបិយប័ណ្ណគ្រីបតូ បានលាលែងពីតំណែងជានាយកប្រតិបត្តិរបស់ Binance ក្នុងឆ្នាំ២០២៣ បន្ទាប់ពីក្រុមហ៊ុនបានសារភាពថាខ្លួនមានទោសពីបទបរាជ័យក្នុងការរក្សាកម្មវិធីរបស់ខ្លួន ប្រឆាំងការលាងលុយកខ្វក់ ហើយតម្រូវឲ្យបង់ប្រាក់ពិន័យប្រមាណ ៤,៣ពាន់លានដុល្លារ។

ជាមួយគ្នានោះ លោក CZ ផ្ទាល់ក៏បានបង់ប្រាក់ពិន័យចំនួន ៥០លានដុល្លារផងដែរ និងបានជាប់ពន្ធនាគារជិតបួនខែ កាលពីឆ្នាំមុន បន្ទាប់ពីសារភាពថាខ្លួនមានទោស។ ទោះជាយ៉ាងណាក៏ដោយ លោកនៅតែកាន់កាប់ភាគហ៊ុនធំនៅក្នុង Binance ដដែល។

ជម្រាបជូនថា ជុមវិញការលើកលែងទោសពេញលេញ និងគ្មានលក្ខខណ្ឌនេះ​អាចបើកផ្លូវឱ្យមហាសេដ្ឋីគ្រីបតូរូបនេះ វិលត្រឡប់ទៅរកអាជីវកម្មដែលលោកបានសហបង្កើតឡើងក្នុងឆ្នាំ២០១៧ វិញ។ ហើយវាក៏អាចផ្តល់ឱកាសឱ្យ Binance ពង្រីកខ្លួននៅសហរដ្ឋអាមេរិកផងដែរ ខណៈពេលដែលឧស្សាហកម្មនេះកំពុងមានភាពរីកចម្រើនខ្លាំង ក្រោមរដ្ឋបាលរបស់លោក ត្រាំ៕

The post លោក ត្រាំ ប្រកាសលើកលែងទោសដល់មហាសេដ្ឋីស្ថាបនិកក្រុមហ៊ុនគ្រីបតូ Binance appeared first on .

គួរឲ្យដឹងថា កាលពីថ្ងៃទី១៣ ខែមីនាកន្លងទៅ កាសែត Wall Street Journal បានដកស្រង់ប្រភពជិតស្និទ្ធនឹងបញ្ហានេះ ដោយបាននិយាយថាអ្នកតំណាងមកពីគ្រួសាររបស់ប្រធានាធិបតីអាមេរិក លោក ត្រាំ បានពិភាក្សាជាមួយក្រុមហ៊ុន Binance អំពីការទិញភាគហ៊ុននៅក្នុងអាជីវកម្មផ្លាស់ប្តូររូបិយប័ណ្ណគ្រីបតូដ៏ធំផុតមួយរបស់ពិភពលោកនេះ។ ប្រភពដដែលនេះ ក៏បាននិយាយទៀតផងដែរថាស្ថាបនិក Binance លោក Zhao ក៏បានលូកដៃចូលនៅក្នុងការទិញយកភាគហ៊ុននេះផងដែរ ដើម្បីព្យាយាមជំរុញឲ្យរដ្ឋបាលរបស់លោក ត្រាំ លើកលែងទោសរបស់ខ្លួន។

រម្លឹកផងដែរថា នៅក្នុងខែវិច្ឆិកា ឆ្នាំ២០២៣ កន្លងទៅ លោក Zhao បានលាលែងពីតំណែងជានាយកប្រតិបត្តិនៃ Binance ហើយត្រូវបានកាត់ទោសឲ្យជាប់ពន្ធនាគាររយៈពេល ៤ខែពីបទ មិនគោរពតាមបទប្បញ្ញត្តិប្រឆាំងការលាងលុយកខ្វក់។

ជាមួយគ្នានេះ លោក Zhao ក៏បានប្រព្រឹត្តិកំហុសបន្ថែមទៀត​ដោយការរំលោភលើទណ្ឌកម្មដែលដាក់ដោយក្រសួងយុត្តិធម៌សហរដ្ឋអាមេរិក (DOJ) ផងដែរ។ ស្របពេលជាមួយគ្នានោះក្រុមហ៊ុន Binance ក៏ត្រូវបានបញ្ជាឲ្យបង់ប្រាក់ពិន័យចំនួនរហូតដល់ ៤,៣ពាន់លានដុល្លារ ថែមទៀតផង។

យ៉ាងណាមិញ បន្ទាប់ពីមានព័ត៌មានជុំវិញការចរចាទិញយកភាគហ៊ុននៅក្នុងក្រុមហ៊ុន Binance របស់គ្រួសារត្រកូល ត្រាំនេះ លោក Zhao បានចេញបដិសេធវិញភ្លាមៗ នៅលើគេហទំព័រផ្ទាល់ខ្លួនរបស់លោក ដោយសរសេរថា ៖”សូមអភ័យទោសដែលធ្វើឲ្យអ្នករាល់គ្នាខកចិត្ត។ ការចុះផ្សាយអត្ថបទនៅលើ WSJ គឺជារឿងមិនពិតនោះទេ”។ មិនតែប៉ុណ្ណោះ ដោយបានសរសេរនៅលើបណ្តាញសង្គម X លោក Zhao បានបញ្ជាក់បន្ថែមទៀតថា មិនមានការពិភាក្សាអំពីការទិញយកភាគហ៊ុនក្នុង Binance នៅអាមេរិក ជាមួយនរណាម្នាក់នោះទេ។

ជម្រាបជូនផងដែរថា ប្រធានាធិបតីលោក ដូណាល់ ត្រាំ ក្នុងរយ:ពេលចុងក្រោយនេះ បានធ្វើការផ្លាស់ប្តូរ និងចេញសេចក្តីថ្លែងការណ៍ជាច្រើន ដោយបង្ហាញពីការពេញចិត្តយ៉ាងខ្លាំងចំពោះរូបិយប័ណ្ណគ្រីបតូ។ កាលពីដើមខែនេះ លោក ត្រាំ ក៏បានចុះហត្ថលេខាលើបទបញ្ជាប្រតិបត្តិមួយដើម្បីបង្កើតទុនបំរុងរូបិយប័ណ្ណឌីជីថលជាតិ ដើម្បីរក្សាទុកនូវកាក់ថូខិនដែលរឹបអូសដោយរដ្ឋាភិបាលក្នុងសំណុំរឿងព្រហ្មទណ្ឌផ្សេងៗ ថែមទៀតផង៕

The post អតីតនាយកប្រតិបត្តិ Binance ចេញមុខបដិសេធរឿងគ្រួសារត្រកូល ត្រាំ កំពុងចរចាទិញយកភាគហ៊ុន appeared first on .

ប៉ុន្តែទោះជាយ៉ាងណាក៏ដោយ លោក Zhao មិនបានបង្ហាញពីឈ្មោះ ឬអត្តសញ្ញាណរបស់ភាគី ដែលជាប់អារម្មណ៍នៅក្នុងការទិញយកភាគហ៊ុនដែលខ្លួនមាននៅក្នុងក្រុមហ៊ុន Binance នៅឡើយនោះទេ។

ទន្ទឹមនឹងនេះ ស្ថាបនិកក្រុមហ៊ុន Binance រូបនេះ ក៏បាននិយាយនៅក្នុងបទសម្ភាសជាលើកដំបូង ចាប់តាំងពីត្រូវបានដោះលែងចេញពីពន្ធនាគារអាមេរិក ថា ៖”ខ្ញុំមិនអាចនិយាយបានថា ខ្ញុំនឹងបន្តកាន់កាប់ភាគហ៊ុនក្នុង Binance ជារៀងរហូតឬអត់នោះទេ។ ខ្ញុំ​រីករាយ​ក្នុង​ការ​ពិនិត្យ​មើល​រាល់​ការ​ផ្តល់​ជូន ប៉ុន្តែ​រហូត​មក​ដល់​ពេល​នេះ ខ្ញុំ​មិន​ទាន់បានទទួលយកសំណើណាមួយនៅឡើយ​ទេ។ ប៉ុន្តែ​អ្នក​ដឹង​ទេថា នៅ​ត្រង់ចំណុច​នេះ ខ្ញុំ​គ្រាន់​តែ​ជា​ម្ចាស់​ភាគហ៊ុន​ធម្មតា​ម្នាក់ក្នុងក្រុមហ៊ុនប៉ុណ្ណោះ”។

ទ្រព្យសម្បត្តិសរុបរបស់លោក Zhao ត្រូវបានគេប៉ាន់ប្រមាណថាចំនួនមានប្រហែល ៦១ពាន់លានដុល្លារ និងកាន់កាប់ភាគហ៊ុនសរុបដល់ទៅ ៩០% នៅក្នុង Binance ដែលជាក្រុមហ៊ុននេះត្រូវបានបង្កើតឡើង ក្នុងឆ្នាំ២០១៧។

ជម្រាបជូនផងដែរថា លោក Zhao ត្រូវបានតុលាការអាមេរិក សម្រេចកាត់ទោសឲ្យជាប់ពន្ធនាគារ បន្ទាប់ពីលោកបានសារភាពកំហុសចំពោះការខកខានក្នុងការអនុវត្តលើការត្រួតពិនិត្យឡើងវិញឲ្យបានគ្រប់គ្រាន់ ដែល​បង្ករ​ឲ្យមានការលាងលុយកខ្វក់​ នៅលើវេទិកាប្តូររូបិយប័ណ្ណគ្រីបតូរបស់ខ្លួន៕

The post CZ ទទួលបានការផ្តល់ជូនដើម្បីលក់ភាគហ៊ុននៅក្នុងក្រុមហ៊ុន Binance ក្រោយចេញពីពន្ធនាគារ appeared first on .

នៅក្នុងការប្រកាសមួយលើបណ្តាញសង្គម X ក្រោយការបង្ហាញមុខជាសាធារណៈលើកដំបូង សហស្ថាបនិកក្រុមហ៊ុនផ្លាស់ប្តូររូបិយប័ណ្ណឌីជីថល Binance រូបនេះ បាននិយាយថា លោកគឺជាអ្នកវិនិយោគរយ:ពេលវែងទៅលើវិស័យបច្ចេកវិទ្យា ហើយនឹងមិនបោះបង់ចោលជាដាច់ខាត។

គួរឲ្យដឹងថាក្រុមហ៊ុន Binance ត្រូវបានរងការពិន័យជាទឹកប្រាក់ចំនួន ៤,៣ពាន់លានដុល្លារ ក្នុងខែវិច្ឆិកា ជុំវិញការចោទប្រកាន់ដោយរដ្ឋាភិបាលសហរដ្ឋអាមេរិក ពីបទអនុញ្ញាតឲ្យឧក្រិដ្ឋជន និងក្រុមភេរវករប្រើប្រាស់សេវាកម្មរបស់ក្រុមហ៊ុនខ្លួនបាន។ ទន្ទឹមនឹងនោះ លោក Zhao ក៏បានយល់ព្រមបង់ប្រាក់ពិន័យផ្ទាល់ខ្លួនចំនួន ៥០លានដុល្លារ ផងដែរ និងត្រូវបានកាត់ទោសឲ្យជាប់ពន្ធនាគាររយៈពេល ៤ខែ មុនពេលត្រូវដោះលែងឲ្យមានសេរីភាពវិញ កាលពីថ្ងៃទី២៧ ខែ​កញ្ញាកន្លងទៅ។

ជម្រាបជូនផងដែរថា លោក Zhao គឺជាមហាសេដ្ឋីគ្រីបតូដ៏លេចធ្លោបំផុតមួយ ដោយមានទ្រព្យសម្បត្តិសរុបប្រមាណជាង ៣០ពាន់លានដុល្លារ។ ហើយជាមួយនឹងការជាប់ពន្ធនាគារនេះ ក៏បានធ្វើឲ្យលោកក្លាយជាអ្នកទោសដែលមានទ្រព្យសម្បត្តិច្រើនបំផុតមិនធ្លាប់មានពីមុន ផងដែរ។ នេះបើតាមសារព័ត៌មាន Bloomberg៕

The post មហាសេដ្ឋីគ្រីបតូ CZ ប្តេជ្ញាបន្តវិនិយោគក្នុងវិស័យបច្ចេកវិទ្យាបន្ថែម ក្រោយត្រូវដោះលែងពីគុក appeared first on .

ទោះបីជាប់ទោសក្នុងពន្ធនាគាររយៈពេលបួនខែក្តី តែបច្ចុប្បន្នលោក Zhao កើនទ្រព្យដល់ចំនួន ៦០ពាន់លានដុល្លារ ខណៈបើតាមទិន្នន័យកាលពីអំឡុង ១០ថ្ងៃមុន រូបលោកមានទ្រព្យត្រឹម ៣៣ពាន់លានដុល្លារប៉ុណ្ណោះ និងក៏នៅតែមានឈ្មោះជាមហាសេដ្ឋីមានបំផុតទី២៥ នៅលើពិភពលោកផងដែរ។

សូមជម្រាបជូនថា ទោសជាប់ពន្ធនាគារជារឿងមួយផ្នែក តែលោកក៏ត្រូវបានកាត់ក្តីឲ្យបង់ប្រាក់ពិន័យប្រហែល ៥០លានដុល្លារ ខណៈមូលហេតុចម្បងដែលធ្វើឲ្យមហាសេដ្ឋី Binance ជាប់ពន្ធនាគារដូច្នេះ កើតឡើងក្រោយរកឃើញថាជាប់ពាក់ព័ន្ធករណីអំពើពុករលួយ ដែលស៊ើបអង្កេតដោយអាជ្ញាធរអាមេរិក៕

The post ជាប់ទោស៤ខែពាក់ព័ន្ធអំពើពុករលួយ ចេញមកវិញមហាសេដ្ឋី Binance កើនទ្រព្យដល់ ៦០ពាន់លានដុល្លារ appeared first on .

យោងតាមការចុះផ្សាយពីសារព័ត៌មាន Benzinga បានបង្ហាញថា មហាសេដ្ឋី Binance រូបនេះ ត្រូវបានតុលាការកាត់ទោសឲ្យជាប់ពន្ធនាគារ រយៈពេល ៤ខែ និងបង់ប្រាក់ពិន័យប្រហែល ៥០លានដុល្លារ ក្រោយជាប់ពាក់ព័ន្ធករណីពុករលួយ ដែលស៊ើបអង្កេតដោយអាជ្ញាធរអាមេរិក។

បើទោះជារងការពិន័យ និងជាប់ឈ្មោះជាមហាសេដ្ឋីជាប់ពន្ធនាគារ ក៏លោក Changpeng នៅរក្សាងារជាកំពូលអ្នកមានបំផុត នៅក្នុងវិស័យកាក់ឌីជីថល ដោយមានទ្រព្យសម្បត្តិប្រមាណ ៣៣ពាន់លានដុល្លារ៕

The post មហាសេដ្ឋី Binance នឹងត្រូវដោះលែងពីពន្ធនាគារនាចុងខែកញ្ញានេះ appeared first on .

យោងតាមការចុះផ្សាយពីគេហទំព័រ The Fortune បានឲ្យដឹងថា តម្លៃកាក់ BNB បានកើនឡើងពី ៦២០ដុល្លារ ដល់ជិត ៧១៨ដុល្លារ គិតត្រឹមថ្ងៃទី០៧ ខែមិថុនា ដែលធ្វើឲ្យមូលធនទីផ្សាររបស់វា មានរហូតដល់ ១០៩ពាន់លានដុល្លារ។

ការកើនឡើងនៃតម្លៃកាក់នេះ បានធ្វើឲ្យលោក Zhao ទទួលបានផលចំណេញច្រើនគួរសម បើទោះជាបច្ចុប្បន្នលោកកំពុងស្ថិតនៅក្នុងពន្ធនាគារក្ដី ពោលរយៈពេល ៦ខែនេះ លោកកើបប្រាក់ចំណេញបានរហូតដល់ជាង ៤ពាន់លានដុល្លារ ដែលធ្វើឲ្យទ្រព្យសម្បត្តិរបស់លោកមានរហូតដល់ ៣៨,៥ពាន់លានដុល្លារ។

សូមជម្រាបដែរថា លោក Changpeng Zhao នឹងត្រូវអនុវត្តទោសក្នុងពន្ធនាគាររយៈពេល ៤ខែ បន្ទាប់ពីរូបលោកបានសារភាពជាប់ពាក់ព័ន្ធ នឹងករណីលាងលុយកខ្វក់ ហើយក៏យល់ព្រមបង់ប្រាក់ពិន័យប្រមាណ ៥០លានដុល្លារផងដែរ៕

The post ទោះកំពុងជាប់ពន្ធនាគារ តែទ្រព្យសម្បត្តិរបស់មហាសេដ្ឋី Binance នៅតែបន្តកើនឡើងដដែល appeared first on .

លោក Zhao ដែលត្រូវបានស្គាល់ទូទៅថា CZ បានប្រកាសលាលែងចេញពីតំណែងជានាយកប្រតិបត្តិក្រុមហ៊ុន Binance កាលពីខែវិច្ឆិកា ឆ្នាំមុន និងថែមទាំងបានយល់ព្រមបង់ប្រាក់ផាកពិន័យជាច្រើនផងដែរ ក្រោយទទួលស្គាល់កំហុសជុំវិញការលាងលុយ តាមរយ:ប្រតិបត្តិការនៅក្នុងក្រុមហ៊ុនផ្លាស់ប្តូររូបិយប័ណ្ណគ្រីបតូដ៏ធំបំផុតរបស់ពិភពលោក។

គួរឲ្យដឹងផងដែរថា ដោយត្រូវបានចាត់ទុកថាជាមនុស្សដ៏មានឥទ្ធិពលបំផុតនៅក្នុងឧស្សហកម្មគ្រីបតូ លោក Zhao គឺជាបុគ្គលទីពីរហើយ ដែលត្រូវបានកាត់ទោសឲ្យជាប់ពន្ធនាគារ បន្ទាប់ពីលោក Sam Bankman-Fried ស្ថាបនិករបស់ក្រុមហ៊ុន FTX។

លោក Sam ត្រូវបានតុលាការអាមេរិក កាត់ទោសឲ្យជាប់ពន្ធនាគាររយ:ពេល ២៥ឆ្នាំ ផងដែរ កាលពីខែមីនាកន្លងទៅ ជុំវិញករណីលួចបន្លំលុយប្រមាណ ៨ពាន់លានដុល្លារ ពីអ្នកវិនិយោគនៅក្នុងក្រុមហ៊ុនផ្លាស់ប្តូររូបិយប័ណ្ណគ្រីបតូ FTX របស់ខ្លួនដែលបច្ចុប្បន្នបានប្រកាសក្ស័យធនរួចទៅហើយ៕

The post ទីបំផុត តុលាការអាមេរិក សម្រេច​ផ្តន្ទា​ទោសស្តេចត្រាញ់គ្រីបតូ Binance ឲ្យជាប់ពន្ធនាគារ ៤ខែ appeared first on .

លោក Zhao ដែលត្រូវបានគេរំពឹងថានឹងទទួលការកាត់ទោសនៅថ្ងៃទី៣០ ខែមេសាខាងមុខនោះ បានប្រកាសលាលែងពីតំណែងជាប្រធានក្រុមហ៊ុន Binance កាលពីខែវិច្ឆិកាឆ្នាំមុន នៅពេលដែលលោកទទួលសារភាពកំហុសចំពោះការបំពានច្បាប់របស់សហរដ្ឋអាមេរិក ស្របពេលក្រុមហ៊ុននេះ ក៏បានយល់ព្រមបង់ប្រាក់ផាកពិន័យចំនួន ៤,៣២ពាន់លានដុល្លារផងដែរ។

ហើយថ្មីៗនេះ រដ្ឋអាជ្ញាអាមេរិក បានប្រាប់តុលាការក្រុង Seattle នៃរដ្ឋវ៉ាស៊ីនតោនថា ដោយសារទំហំនៃការរំលោភបំពានដោយចេតនាលើច្បាប់របស់សហរដ្ឋអាមេរិក នោះលោក Zhao នឹងត្រូវប្រឈមមុខជាមួយនឹងការកាត់ទោសឲ្យជាប់ពន្ធនាគាររយ:ពេល ៣៦ខែ។

ទន្ទឹមនឹងនេះ អាជ្ញាធរអាមេរិកបាននិយាយទៀតថាការចោទប្រកាន់នេះ ត្រូវបានកើតឡើងបន្ទាប់ពីក្រុមហ៊ុន Binance បានបរាជ័យក្នុងការរាយការណ៍អំពីប្រតិបត្តិការគួរឲ្យសង្ស័យជាង ១០០ ០០០ ករណី ជាមួយក្រុមភេរវករដែលបានកំណត់រួមមាន ក្រុមហាម៉ាស អាល់កៃដា និងISIS។

ជម្រាបជូនផងដែរថា លោក Zhao ដែលត្រូវបានគេស្គាល់ជាទូទៅថា CZ បានយល់ព្រមបង់ប្រាក់ផាកពិន័យផ្ទាល់ខ្លួនចំនួន ៥០លានដុល្លារអាមេរិក និងបញ្ឈប់ការជាប់ពាក់ព័ន្ធទាំងស្រុងជាមួយក្រុមហ៊ុន Binance ដែលលោកបានបង្កើតឡើងក្នុងឆ្នាំ២០១៧៕

The post មហាសេដ្ឋីស្ថាបនិកក្រុមហ៊ុន Binance ប្រឈមមុខជាប់ពន្ធនាគារ ៣៦ខែ ក្នុងសំណុំរឿងលាងលុយ appeared first on .