គួរឲ្យដឹងថា Ronaldo បានចាកចេញពីជំរុំហ្វឹកហាត់របស់ក្រុមជម្រើសជាតិព័រទុយហ្គាល់កាលពីថ្ងៃទី៣០ ខែកញ្ញា បន្ទាប់ពីគ្រូបង្វឹកលោក Jorge Jesus បានប្រាប់អ្នកសារព័ត៌មានថា ខ្សែប្រយុទ្ធវ័យ ៤១ឆ្នាំរូបនេះ នឹងត្រូវដកចេញពីការប្រកួតបន្ទាប់។

កាលពីមុន លោក Jesus បាននិយាយថា មិនមានភាពរកាំរកូសរវាងលោក និង Ronaldo នោះទេ ទោះបីជាគ្រូបង្វឹកវ័យ ៧២ឆ្នាំរូបនេះបានទទួលស្គាល់ថា កំពូលខ្សែប្រយុទ្ធរូបនេះបានខកចិត្តដែលត្រូវអង្គុយនៅកៅអីបម្រុង ក្នុងការប្រកួតឈ្នះប្រទេសន័រវេស ក្នុងពានរង្វាន់ Nations League ក៏ដោយ។ លោក Jesus ត្រូវបានគេរាយការណ៍ថាបានប្រាប់ Ronaldo មុនការប្រកួតនោះថា រូបគេនឹងទទួលបានការលេងរយៈពេល ៣០នាទី ប៉ុន្តែលោកមិនបានរក្សាសន្យានោះទេ។

យ៉ាងណាមិញ​ បើយោងតាមទស្សនាវដ្តី Forbes ប្រហែល ៣០% ទៅ ៣៥% នៃប្រាក់ចំណូលសរុបរបស់សហព័ន្ធបាល់ទាត់ព័រទុយហ្គាល់ (FPF) គឺជាប់ទាក់ទងដោយផ្ទាល់ ឬដោយប្រយោលទៅនឹងការទាក់ទាញផ្នែកពាណិជ្ជកម្មរបស់ Ronaldo។ តួលេខនេះបានមកពីកិច្ចព្រមព្រៀងឧបត្ថម្ភ ការលក់សម្ភារកីឡា និងការទាក់ទាញសរុបរបស់ក្រុមជម្រើសជាតិទៅកាន់ទស្សនិកជនអន្តរជាតិ ជាពិសេសពីសំណាក់ Ronaldo ផ្ទាល់តែម្តង។

ហើយយ៉ាងណាមិញ ប្រសិនបើខ្សែប្រយុទ្ធជើងចាស់រូបនេះ នឹងត្រូវបញ្ចប់អាជីពពីក្រុមជម្រសើជាតិរបស់ខ្លួនជាផ្លូវការមែននោះ សារព័ត៌មានព័រទុយហ្គាល់ Record បានព្យាករថា ផលប៉ះពាល់លើប្រាក់ចំណូលពាណិជ្ជកម្មរយៈពេលវែងរបស់ FPF អាចនឹងធ្លាក់ចុះរហូតដល់ ៥០% ដែលបង្ហាញថាឥទ្ធិពលរបស់ Ronaldo គឺលើសពីការចូលរួមចំណែកនៅលើទីលានទៅទៀត៕

The post វិស័យបាល់ទាត់ព័រទុយហ្គាល់ ប្រឈមមុខនឹងការខាតបង់ហិរញ្ញវត្ថុធ្ងន់ធ្ងរ បើតារាឆ្នើម Ronaldo ចាកចេញពីក្រុម appeared first on .

យ៉ាងណាមិញ ក្រុមវិនិយោគិននោះរួមមាន លោក Gerry Cardinale ដែលជានាយកប្រតិបត្តិនៃក្រុមហ៊ុន RedBird Capital និងជាម្ចាស់ក្លិប AC Milan ព្រមទាំងពាណិជ្ជករអារ៉ាប៊ីសាអូឌីត ៣ រូបទៀតគឺ លោក Ibrahim Al-Muhaidib, លោក Mohammed Al-Khuraiji និងលោក Sharaf Al-Hariri។ ពួកគេកំពុងរៀបចំដាក់សំណើទៅកាន់ PIF ដែលបច្ចុប្បន្នកំពុងកាន់កាប់ភាគហ៊ុន ៧៥% នៅក្នុងក្លិប Al Nassr។

ផ្អែកតាមផែនការដែលបានប្រកាស សមាជិកក្រុមនីមួយៗត្រូវប្តេជ្ញាចិត្តវិនិយោគយ៉ាងហោចណាស់ ១០០លានដុល្លារ ដែលធ្វើឱ្យដើមទុនសរុបអប្បបរមាដែលត្រូវកៀរគរដោយអ្នកវិនិយោគទាំង៥រូប កើនឡើងដល់ ៥០០លានដុល្លារ។

តំណាងមកពីក្រុមហ៊ុន RedBird Capital និងក្រុមអ្នកវិនិយោគផ្សេងទៀត ត្រូវបានរំពឹងថានឹងជួបពិភាក្សាជាមួយថ្នាក់ដឹកនាំ PIF ក្នុងពេលប៉ុន្មានថ្ងៃខាងមុខនេះ។ ជំនួបនេះអាចនឹងសម្រេចថា តើមូលនិធិអារ៉ាប៊ីសាអូឌីតយល់ព្រមប្រគល់សិទ្ធិគ្រប់គ្រងក្លិប Al Nassr ឬយ៉ាងណា។

គួរឲ្យដឹងថាក្លិប Al Nassr ដែលមានមូលដ្ឋាននៅក្រុងរីយ៉ាដមួយនេះ បច្ចុប្បន្នមានកីឡាករល្បីៗជាច្រើនរូប ដោយក្នុងនោះ Ronaldo ជាតួអង្គលេចធ្លោជាងគេ។ រូបគេបានចូលរួមជាមួយ Al Nassr នៅចុងឆ្នាំ២០២២ ដែលជាការចាប់ផ្តើមនៃការផ្ទេរកីឡាករឆ្នើមៗជាបន្តបន្ទាប់មកកាន់លីគបាល់ទាត់ Saudi Pro League។

ជម្រាបជូនថា យោងតាមសារព័ត៌មានប្រេស៊ីល Globo Esporte ក៏បានបង្ហាញឲ្យដឹងថា បច្ចុប្បន្ន Ronaldo កាន់កាប់ភាគហ៊ុន ៥% នៅក្នុងក្លិប Al Nassr ហើយអាចនឹងបង្កើនភាគហ៊ុនរបស់ខ្លួនបន្ថែមទៀត ប្រសិនបើកិច្ចព្រមព្រៀងនេះសម្រេចបានជោគជ័យ៕

The post មហាសេដ្ឋីបាល់ទាត់ Ronaldo មានគម្រោងទិញយកក្លិប Al Nassr របស់អារ៉ាប៊ីសាអូឌីត appeared first on .

យោងតាមការចុះផ្សាយរបស់ Jornal de Noticias កាលពីថ្ងៃទី១៣ ខែសីហា បានបង្ហាញថាគូស្នេហ៍ដ៏ល្បីល្បាញនេះ បានចុះហត្ថលេខាលើកិច្ចព្រមព្រៀងមុនរៀបការនៅការិយាល័យសារការីមួយក្នុងទីក្រុង Lisbon នៅថ្ងៃទី១០ ខែសីហា ពោលគឺមួយថ្ងៃមុនពិធីមង្គលការឯកជនរបស់ពួកគេ ដែលរៀបចំឡើងនៅទីក្រុង Cascais ប្រទេសព័រទុយហ្គាល់។

ក្រោមកិច្ចព្រមព្រៀងនេះ ភាគីនីមួយៗ នឹងរក្សាកម្មសិទ្ធិពេញលេញនៃទ្រព្យសម្បត្តិដែលពួកគេមាន ឬរកបានទាំងមុន និងក្រោយពេលរៀបការ។ ហើយចំពោះទ្រព្យសម្បត្តិថ្មីៗណាមួយដែលបានទិញរួមគ្នា នឹងក្លាយជាទ្រព្យសម្បត្តិរួម។

ឯកសារដដែលនេះក៏បង្ហាញផងដែរថា គូស្នេហ៍នេះមិនបានផ្លាស់ប្តូរនាមត្រកូលរបស់ពួកគេបន្ទាប់ពីរៀបការរួចនោះឡើយ។ ពួកគេនឹងរក្សាលំនៅដ្ឋានរបស់ពួកគេនៅក្នុងប្រទេសអារ៉ាប៊ីសាអូឌីត ជាកន្លែងដែលពួកគេបានរស់នៅចាប់តាំងពី Ronaldo បានចូលរួមជាមួយក្លិបបាល់ទាត់ Al-Nassr ក្នុងឆ្នាំ២០២២ មក។

គួរជម្រាបជូនថា យោងតាមសារព័ត៌មានព័រទុយហ្គាល់បានបង្ហាញថា ពិធីមង្គលការរបស់តារាបាល់ទាត់កំពូលរូបនេះ​ បានរៀបចំធ្វើឡើងក្នុងលក្ខណៈឯកជនយ៉ាងសាមញ្ញ ដោយមានការរួមតែក្រុមគ្រួសារ សាច់ញាត្តិ និងមិត្តភក្តិជិតស្និទ្ធរបស់ពួកគេប៉ុណ្ណោះ។ គូស្នេហ៍នេះបានជួបគ្នាជាលើកដំបូងនៅឆ្នាំ២០១៦ នៅហាង Gucci មួយក្នុងទីក្រុងម៉ាឌ្រីដ ប្រទេសអេស្ប៉ាញ ជាកន្លែងដែល Rodriguez ធ្វើការជាជំនួយការផ្នែកលក់។ ពួកគេបានប្រកាសភ្ជាប់ពាក្យជាមួយគ្នា នៅខែសីហា ឆ្នាំ២០២៥៕​

The post មហាសេដ្ឋីបាល់ទាត់ Ronaldo និងភរិយា ចុះកិច្ចព្រមព្រៀងមួយមុនការ ដើម្បីរក្សាទ្រព្យ និងនាមត្រកូលដាច់ដោយឡែក appeared first on .

ពិធីមង្គលការនេះបានបញ្ចប់ទំនាក់ទំនងរយៈពេលមួយទសវត្សរវាងគូស្នេហ៍ទាំងពីរ ហើយបានកើតឡើងបន្ទាប់ពីមានការរំពឹងទុកយ៉ាងខ្លាំងរបស់ប្រព័ន្ធផ្សព្វផ្សាយធំៗ អស់រយៈពេលជាច្រើនថ្ងៃនៅក្នុងប្រទេសព័រទុយហ្គាល់ ទាំងលើទីតាំង និងពេលវេលានៃពិធីនេះ។

យ៉ាងណាមិញ នៅថ្ងៃទី១២ ខែសីហានេះ Ronaldo បានចែករំលែករូបថតដៃរបស់គូស្នេហ៍ជាមួយនឹងចិញ្ចៀនអាពាហ៍ពិពាហ៍ថ្មីរបស់ពួកគេ និងដាក់ចំណងជើងថា “អក្សរ C (អ៉ីម៉ូជីរូបបេះដូង) អក្សរG” នៅលើគណនី Instagram របស់ផ្លូវការរបស់លោក។

យ៉ាងណាមិញ បើយោងតាម ​​Brunswick Group ដែលទទួលបន្ទុកទំនាក់ទំនងសាធារណៈរបស់កីឡាករ បានប្រាប់ទៅកាន់សារព័ត៌មា AFP ថាពិធីមង្គលការនេះ ត្រូវបានរៀបចំឡើងយ៉ាងសាមញ្ញ និងមានលក្ខណៈឯកជនបំផុត ដោយមានការចូលរួមពីសំណាក់ភ្ញៀវជិតស្និទ្ធ មិត្តភក្តិ សាច់ញាតិ និងកូនៗរបស់ពួកគេប៉ុណ្ណោះ។

ជម្រាបជូនថា គូស្នេហ៍មួយគូនេះបានជួបគ្នាជាលើកដំបូង នៅឆ្នាំ២០១៦ នៅពេលដែល Rodriguez កំពុងធ្វើការនៅក្នុងហាង Gucci មួយក្នុងទីក្រុង Madrid ដោយ Rodriguez បានហៅវាថាជា “ស្នេហាតាំងពីឃើញលើកដំបូង”។ ក្រោយមកអ្នកទាំងពីរ បានភ្ជាប់ពាក្យជាមួយគ្នាកាលពីឆ្នាំមុន ដែលនាំឲ្យមានពាក្យចចាមអារ៉ាមជាច្រើន ជុំវិញពិធីមង្គលរបស់ពួកគេ ពិសេសចាប់តាំងពីព្រឹត្តិការណ៍ World Cup ឆ្នាំនេះ ត្រូវបានបញ្ចប់មក៕​

The post ទីបំផុត មហាសេដ្ឋីបាល់ទាត់ Cristiano Ronaldo ដឹកដៃគូស្នេហ៍ Georgina ចូលរោងការជាផ្លូវការ appeared first on .

យោងតាមការចុះផ្សាយរបស់ The Sun បានបង្ហាញថា ក្នុងនាមជាកីឡាករបាល់ទាត់ដែលអាចរកចំណូលបានច្រើនបំផុត Ronaldo មិនត្រឹមតែមានយន្តហោះផ្ទាល់ខ្លួនប៉ុណ្ណោះទេ រូបលោកក៏ជាអ្នកនិយមប្រមូលរថយន្តទុកផងដែរ ដែលត្រូវបានគេប៉ាន់ប្រមាណថាមានតម្លៃសរុបរហូតដល់ទៅ ២៣លានដុល្លារឯណោះ។

យ៉ាងណមិញ នៅក្នុងរូបថតមួយសន្លឹកដែលត្រូវបានចែកចាយលើបណ្តាញសង្គមនាពេលថ្មីៗនេះ Ronaldo ត្រូវបានគេឃើញឈរក្បែររថយន្ត Ferrari Daytona SP3 ពណ៌ក្រហម។ ហើយនៅក្បែរនោះក៏រួមាន រថយន្តកម្រ Bugatti Veyron Grand Sport Vitesse ពណ៌ត្នោតមួយគ្រឿងចតនៅខាងមុខ ខណៈរថយន្ត Bugatti Centodieci ដ៏កម្រមួយគ្រឿងផ្សេងទៀត ក៏ស្ថិតនៅក្នុងនោះផងដែរ។ រថយន្ត Bugatti Centodieci តែមួយគ្រឿងមានតម្លៃជាង ៩លានដុល្លាររួចទៅហើយ ដោយវាផលិតឡើងត្រឹមតែ ១០ គ្រឿងប៉ុណ្ណោះនៅលើពិភពលោក។

ទន្ទឹមនឹងនេះ​ បើយោងតាមការចុះផ្សាយពី ​​HOLA បានបង្ហាញថា បច្ចុប្បន្ន Ronaldo មានរថយន្តប្រណីតៗប្រហែល ៤០ គ្រឿង ជាមួយនឹងម៉ាកល្បីៗដូចជា Bugatti, Ferrari, Lamborghini, Rolls-Royce និង Bentley ជាដើម។

គួរជម្រាបជូនផងដែរថា Ronaldo កាលពីពេលកន្លងទៅត្រូវបានទស្សវដ្តី Forbes ចាត់ថា្នក់ជាមហាសេដ្ឋីបាល់ទាត់ដំបូងគេរបស់ពិភពលោក ជាមួយទ្រព្យសម្បត្តិសរុបប្រមាណ ១,៣ពាន់លានដុល្លារ៕​

The post មហាសេដ្ឋីបាល់ទាត់ Ronaldo បង្អួតឃ្លាំងដាក់រថយន្តប្រណីតៗ កម្រៗ មានតម្លៃរាប់សិបលានដុល្លារ appeared first on .

រំឮកផងដែរថា នៅក្នុងអំឡូងការសន្ទនាជាមួយអ្នកកាសែត Pier Morgan មុនពេលព្រឹត្តិការណ៍បាល់ទាត់ពិភពលោក Ronaldo បានចែករំលែកថារូបលោកចង់ឈ្នះការប្រកួត World Cup ហើយរៀបការបន្ទាប់ពីនោះ។ ប៉ុន្តែបន្ទាប់ពីបរាជ័យក្នុងការសម្រេចគោលដៅទីមួយ មានពាក្យចចាមអារ៉ាមថា គោលដៅទីពីរក៏នឹងត្រូវបានពន្យារពេលផងដែរ។

ជាមួយគ្នានេះ យោងតាមទំព័រអ្នកគាំទ្របាល់ទាត់ Football & Witball បានសរសេរផងដែរថា ៖”បន្ទាប់ពីការធ្លាក់ចេញរបស់ក្រុមព័រទុយហ្គាល់ ក្រោមថ្វីជើងរបស់អេស្ប៉ាញមក Ronaldo ត្រូវបានគេរាយការណ៍ថាមានអារម្មណ៍ថា ពិធីមង្គលការរបស់លោក ហាក់ដូចជាការអបអរសាទរជ័យជម្នះ World Cup របស់អ្នកដទៃ។ ដូច្នេះហើយ ទើបអនាគតគូស្វាមីភរិយានេះ បានសម្រេចចិត្តពន្យារពេលពិធីមង្គលការវិញ”។

គួរជម្រាបជូនថា ដំបូងឡើយ គូស្នេហ៍នេះ គ្រោងនឹងរៀបចំពិធីមង្គលការភ្លាមៗបន្ទាប់ពីព្រឹត្តិការណ៍ World Cup ដើម្បីអបអរសាទរទាំងភាពជោគជ័យក្នុងអាជីព និងសុភមង្គលគ្រួសារ។ តែទោះជាយ៉ាងណាក៏ដោយ ក្តីស្រមៃរបស់ Ronaldo ក្នុងព្រឹត្តិការណ៍ World Cup ត្រូវបានបំផ្លាញដោយការចាញ់ក្រុមជម្រើសជាតិអេស្ប៉ាញ ក្នុងលទ្ធផល ០-១ របស់ក្រុមព័រទុយហ្គាល់ នៅវគ្គ១៦ ក្រុមចុងក្រោយ កាលពីថ្ងៃទី៧ ខែកក្កដាកន្លងទៅ៕​

The post មហាសេដ្ឋីបាល់ទាត់ Ronaldo ទំនងពន្យារពេលពិធីមង្គលការ ក្រោយព័រទុយហ្គាល់ធ្លាក់ពី World Cup appeared first on .

យន្តហោះដែលដឹកក្រុមជម្រើសជាតិព័រទុយហ្គាល់ពីសហរដ្ឋអាមេរិក បានចុះចតនៅអាកាសយានដ្ឋាន Humberto Delgado ក្នុងទីក្រុង Lisbon កាលពីព្រឹកថ្ងៃទី៨ ខែកក្កដា។ អ្នកគាំទ្ររាប់សិបនាក់បានប្រមូលផ្តុំគ្នាដើម្បីរង់ចាំស្វាគមន៍ក្រុម ប៉ុន្តែ Ronaldo មិនបានបង្ហាញខ្លួននៅច្រកចេញជាមួយមិត្តរួមក្រុមរបស់ខ្លួននោះឡើយ។ ផ្ទុយទៅវិញ ប្រធានក្រុមព័រទុយហ្គាល់រូបនេះ បានបំបែកចេញពីក្រុម ហើយដើរទៅរកយន្តហោះឯកជនមួយផ្សេងទៀត នៅក្បែរនោះ។

ទិន្នន័យពី Flightradar24 បង្ហាញថា យន្តហោះឯកជន Bombardier Global Express XRS របស់ Ronaldo បានហោះចេញពីអាកាសយានដ្ឋាន Humberto Delgado ក្នុងទីក្រុង Lisbon នៅថ្ងៃទី៨ ខែកក្កដា ហើយបានចុះចតនៅទីក្រុងម៉ាឌ្រីដ ប្រទេសអេស្ប៉ាញ នៅថ្ងៃដដែលនោះ។

គួរឲ្យដឹងថា Bombardier Global Express XRS គឺជាយន្តហោះឯកជនរយៈចម្ងាយឆ្ងាយ ដែលដំណើរការដោយម៉ាស៊ីន Rolls-Royce ចំនួនពីរ និងមានចម្ងាយហោះហើរសរុបប្រហែល ១១ ៥០០ គីឡូម៉ែត្រ ដែលមានសមត្ថភាពធ្វើដំណើរឆ្លងទ្វីបដោយមិនចាំបាច់ឈប់ចាក់ប្រេងនោះឡើយ។ ល្បឿនកំពូលរបស់យន្តហោះគឺប្រហែល ៩៥០ គីឡូម៉ែត្រក្នុងមួយម៉ោង អាស្រ័យលើបន្ទុក និងលក្ខខណ្ឌអាកាសធាតុ។

Ronaldo បានទិញយន្តហោះនេះ នៅក្នុងឆ្នាំ២០២៤ ខណៈបច្ចុប្បន្នវាមានតម្លៃចន្លោះពី ៥៧-៨១លានដុល្លារ អាស្រ័យលើការថែទាំ និងកែច្នៃបន្ថែម។ នៅក្នុងបទសម្ភាសមួយក្នុងខែវិច្ឆិកា ឆ្នាំ២០២៥ តារាឆ្នើាមព័រទុយហ្គាល់រូបនេះបាននិយាយថា វាគឺជារបស់ថ្លៃបំផុតដែលលោកធ្លាប់បានទិញ។

គួរជម្រាបជូនថាផងដែរថា ដំណើរប្រកួតនៅក្នុងពានរង្វាន់ World Cup របស់ព័រទុយហ្គាល់ត្រូវបានបញ្ចប់ បន្ទាប់ពីចាញ់អេស្ប៉ាញក្នុងលទ្ធផល ០-១ ក្នុងវគ្គ ១៦ ក្រុមចុងក្រោយ នៅថ្ងៃទី៦ ខែកក្កដា។ Ronaldo ពីមុនបានបញ្ជាក់ថានេះនឹងជា World Cup លើកចុងក្រោយនៃអាជីពរបស់ខ្លួន៕​

The post Cristiano Ronaldo ជិះយន្តហោះឯកជនតម្លៃ ៨០លានដុល្លារទៅផ្ទះនៅទីក្រុងម៉ាឌ្រីដវិញ ក្រោយចប់ភារកិច្ចនៅ World Cup appeared first on .

Ronaldo មានរថយន្តហាយភើខាដ៏កម្រ និងថ្លៃបំផុត Bugatti ចំនួន ៣ គ្រឿង ដែលក្នុងនោះរួមមាន Bugatti Centodieci មានតម្លៃប្រហែល ១០លានដុល្លារ , Bugatti Chiron មានតម្លៃប្រហែល ៣,៣លានដុល្លារ និង Bugatti Veyron Grand Sport Vitesse មានតម្លៃប្រហែល ២លានដុល្លារ។

Ronaldo ក៏មានរថយន្ត Ferrari Monza SP1 & SP2 ដែលជាម៉ូដែលកម្រ មានតម្លៃប្រហែលពី ២ ទៅ ៣លានដុល្លារ រួមទាំង Ferrari F12 TDF , Ferrari Purosangue , Ferrari 599 GTO និង Ferrari SF90 Spider ។

ក្រៅពីនោះ Ronaldo ត្រូវបានគេរាយការណ៍ថា ចូលចិត្តប្រើប្រាស់រថយន្ត Rolls-Royce ដែលក្នុងនោះរួមមានរថយន្ត Rolls-Royce Dawn , Rolls-Royce Cullinan និង Rolls-Royce Phantom Drophead។

លើសពីនេះ ខ្សែប្រយុទ្ធសញ្ជាតព័រទុយហ្គាល់ ក៏ជាម្ចាស់នៃរថយន្ត McLaren Senna ដែលមានតម្លៃប្រហែល ១,៥លានដុល្លារ រថយន្ត Lamborghini Aventador LP 700-4 , Mercedes-AMG G63 Cabriolet មានតម្លៃជាង ១,៣លានដុល្លារ និងរថយន្តកែច្នៃ Brabus G V12 900 ផងដែរ៕​

The post មិនមែនលំៗ Ronaldo មានរថយន្តជាង ៤០ គ្រឿងទុកនៅក្នុងឃ្លាំង ខណៈ ៥ ម៉ូដែលនេះ ពិសេសជាងគេ appeared first on .

យ៉ាងណាមិញ នៅក្នុងនោះ Ronaldo ក៏ជាកីឡាករបាល់ទាត់មួយរូបដែលរកប្រាក់ចំណូលបានច្រើនជាងគេបំផុតផងដែរ ដោយក្នុងនោះប្រភពចំណូលសំខាន់ៗរបស់ខ្សែប្រយុទ្ធសញ្ជាតិព័រទុយហ្គាល់រូបនេះ ត្រូវបានបែងចែកជាពីរធំៗ គឺចំណូលពីវិស័យបាល់ទាត់ និងចំណូលនៅក្រៅទីលាន។

ចំណូលពីវិស័យបាល់ទាត់ គឺ Ronaldo អាចទទួលបានពីប្រាក់ឈ្នួល និងប្រាក់រង្វាន់ពីក្លិប។ ចាប់តាំងពីការផ្លាស់ទៅចូលរួមជាមួយក្លិបយក្សរបស់អារាប៊ីសាអូឌីត Ronaldo ទទួលបានប្រាក់ខែក្នុងទំហំទឹកប្រាក់ដ៏ច្រើនមហាសាល ដែលត្រូវបានប៉ាន់ស្មានមានចំនួនប្រហែល ២០០លានដុល្លារក្នុងមួយឆ្នាំ រួមបញ្ចូលទាំងកិច្ចព្រមព្រៀងពាណិជ្ជកម្មជាមួយក្លិបផងដែរ និងធ្វើឲ្យរូបលោកក្លាយជាកីឡាករដែលមានតម្លៃខ្លួនខ្ពស់បំផុតម្នាក់ក្នុងប្រវត្តិសាស្ត្រ។

ទន្ទឹមនឹងនេះ ចំពោះប្រាក់ចំណូលពីក្រៅទីលានវិញ Ronaldo ទទួលបានពីកិច្ចសន្យាឧបត្ថម្ភ និងការផ្សាយពាណិជ្ជកម្ម ដែលក្នុងនោះរូបលោក គឺជាអ្នកតំណាងផ្សព្វផ្សាយឲ្យប្រេនថ្មីៗជាច្រើនជុំវិញពិភពលោក។ ហើយមិនតែប៉ុណ្ណោះ Ronaldo ក៏មានម៉ាកយីហោផ្ទាល់ខ្លួនផងដែរ គឺ CR7 Brand។

ក្រៅពីនោះ Ronaldo ក៏មានអាជីវកម្មសណ្ឋាគារ និងទេសចរណ៍ផងដែរ ដោយរូបលោកបានចាប់ដៃគូជាមួយក្រុមហ៊ុន Pestana Hotel Group ដើម្បីបង្កើតខ្សែសង្វាក់សណ្ឋាគារលំដាប់ប្រណីតហៅថា Pestana CR7 Lifestyle Hotels នៅតាមទីក្រុងធំៗដូចជា Lisbon, Funchal, Madrid, New York និង Marrakech។

គួរជម្រាបជូនថា សម្រាប់ប្រភពចំណូលដ៏មួយទៀត គឺទទួលបានពីបណ្តាញសង្គម។ ជាមួយនឹងការមានអ្នក Follow រាប់រយលាននាក់នៅលើ Instagram, Facebook និង X (Twitter) រួមទាំងការបង្កើតឆានែល YouTube ផ្ទាល់ខ្លួនផងនោះ Ronaldo អាចរកចំណូលបានរាប់លានដុល្លារសម្រាប់ការបង្ហោះផ្សាយពាណិជ្ជកម្ម (Sponsored Posts) នៅលើវេទិកាទាំងនោះម្តងៗ៕​

The post មកដឹងពីប្រភពចំណូលធំៗមួយចំនួនរបស់មហាសេដ្ឋីបាល់ទាត់ Cristiano Ronaldo appeared first on .

រូបថតមួយសន្លឹក ដែលត្រូវបានបង្ហោះនៅលើ Instagram Story របស់អ្នកនាង Rodriguez កាលពីពេលថ្មីៗនេះកន្លងទៅនេះ ត្រូវបានថតនៅក្នុងរថយន្តប្រណីតលំដាប់កំពូលBugatti Centodieci ដ៏កម្រមួយគ្រឿង ដែលមានតម្លៃប្រហែល ១៣,៦លានដុល្លារ។

នៅក្នុងមួយសន្លឹកនោះក៏បានបង្ហាញផងដែរ ដោយ Ronaldo ពាក់នាឡិកា Patek Philippe មានតម្លៃប្រហែល ៧៩៨ ០០០ដុល្លារ ខណៈពេលដែល Rodriguez ពាក់នាឡិកាម៉ាកដូចគ្នា មានតម្លៃប្រមាណ ៤៤៥ ០០០ដុល្លារ រួមជាមួយនឹងចិញ្ចៀនដាំពេជ្ររាងពងក្រពើ តម្លៃ ៦លានដុល្លារផងដែរ។ ហើយយ៉ាងណាមិញចំពោះតម្លៃសរុបនៃរបស់របរនៅក្នុងរូបថតមួយសន្លឹកដែលកំពុងផ្ទុះការចាប់អារម្មណ៍យ៉ាងខ្លាំងនេះ ត្រូវបានប៉ាន់ប្រមាណថាមានតម្លៃជាង ២០លានដុល្លារឯណោះ។

គួរបញ្ជាក់ផងដែរថា យោងតាមរបាយការណ៍នៅក្នុងខែតុលា ឆ្នាំ២០២៥ ពី Forbes បានបង្ហាញថា Ronaldo គឺជាកីឡាករបាល់ទាត់ដែលមានជាងគេបំផុតរបស់ពិភពលោក ដែលមានទ្រព្យសម្បត្តិសរុបចំនួន ១,៤ពាន់លានដុល្លារ។ ផ្នែកដ៏សំខាន់មួយនៃទ្រព្យសម្បត្តិដ៏ច្រើននេះ គឺបានមកពីកិច្ចសន្យារបស់ Ronaldo ជាមួយក្លឹប Al Nassr របស់ប្រទេសអារ៉ាប៊ីសាអូឌីត ដែលជាកន្លែងរូបគេអាចរកចំណូលបានជាង ២០០លានដុល្លារជារៀងរាល់ឆ្នាំ គិតចាប់តាំងពីឆ្នាំ២០២៣ មក៕​

The post មហាសេដ្ឋីបាល់ទាត់ Ronaldo និងគូដណ្តឹងធ្វើឲ្យផ្អើលពេញបណ្តាញសង្គម ក្រោយបង្ហោះរូបមួយសន្លឹកមានតម្លៃជាង ២០លានដុល្លារ appeared first on .