កាលពីថ្ងៃទី១១ ខែមិថុនា SpaceX ដែលជាក្រុមហ៊ុនផលិតរ៉ុក្កែត និងយានអវកាស ដែលគ្រប់គ្រងដោយមហាសេដ្ឋីមានដាច់គេរបស់ពិភពលោក Elon Musk បានបញ្ចប់ការចេញលក់ភាគហ៊ុនលើកដំបូង (IPO) របស់ខ្លួនក្នុងតម្លៃ ១៣៥ដុល្លារក្នុងមួយហ៊ុន ដោយរៃអង្គាសបានទឹកប្រាក់សរុប ៧៥ពាន់លានដុល្លារ និងត្រូវបានចាត់ទុកថាជាគេចេញផ្សាយ IPO ដ៏ធំបំផុតក្នុងប្រវត្តិសាស្ត្រទីផ្សារសហរដ្ឋអាមេរិក។

យោងតាមការវិភាគមួយដោយវេទិកាវិនិយោគ Hill ដែលមានមូលដ្ឋាននៅទីក្រុងសាន់ហ្វ្រាន់ស៊ីស្កូ បានបង្ហាញថា ការវិវឌ្ឍទាំងនេះអាចប្រែក្លាយបុគ្គលិក SpaceX ទាំងបច្ចុប្បន្ន និងអតីតជាង ៤ ៤០០ នាក់ ឲ្យក្លាយទៅជាសេដ្ឋី។ ក្នុងចំណោមនេះ ប្រហែល ៤០០នាក់ ត្រូវបានគេព្យាករថានឹងមានទ្រព្យសកម្ម ១០០លានដុល្លារ ឬច្រើនជាងនេះ។

ប្រភពដដែលបានបង្ហាញទៀតថា បុគ្គលិកភាគហ៊ុនរបស់ SpaceX ដែលធ្វើការច្រើនឆ្នាំនៅក្នុងក្រុមហ៊ុន នឹងទទួលបានរង្វាន់ជាជម្រើសភាគហ៊ុនមកកាន់កាប់ក្នុងដៃដែលជាផ្នែកមួយនៃកញ្ចប់សំណងរបស់ពួកគេ។ ជាឧទាហរហ៍ លោក Trevor Hise ដែលបានធ្វើការនៅ SpaceX អស់រយៈពេល ១២ឆ្នាំ មានភាគហ៊ុនជាង ១០០ ០០០ ហ៊ុន នៅក្នុងក្រុមហ៊ុន។ ដូច្នេះនៅពេលមានការចេញលក់ IPO ដែលរំពឹងទុក នឹងធ្វើឲ្យទ្រព្យសម្បត្តិរបស់លោកទទួលបានពីភាគហ៊ុនេះ មានចំនួនរហូតដល់ទៅ ១៣,៥លានដុល្លារឯណោះ។

គួរជម្រាបជូនថា សម្រាប់លោក Elon Musk ការចេញលក់ IPO របស់ SpaceX នេះ​បានធ្វើឲ្យរូបលោក ក្លាយជាមហាសេដ្ឋីលុយទ្រីលានដុល្លារដំបូងគេរបស់ពិភពលោក។ ទ្រព្យសម្បត្តិសរុបរបស់លោក Musk ត្រូវបានប៉ាន់ប្រមាណថានឹងកើនឡើង ២៦% ពី ៧៩៣ពាន់លានដុល្លារ ដល់ ១,១ទ្រីលានដុល្លារ ដោយសារតម្លៃភាគហ៊ុនរបស់លោក ទាំងនៅក្នុង SpaceX និង Tesla៕​

The post បុគ្គលិក SpaceX ជាង ៤ ៤០០ នាក់អាចក្លាយជាសេដ្ឋីគ្រប់គ្នា បន្ទាប់ពីការចេញលក់ IPO ដំបូងរបស់ក្រុមហ៊ុន appeared first on .

យោងតាមទីភ្នាក់ងារសារព័ត៌មាន ​​Reuters បានរាយការណ៍ថា ក្រុមហ៊ុនផលិតរ៉ុក្កែត និងយានអវកាសរបស់លោក Elon Musk បានកំណត់តម្លៃសម្រាប់បិទបញ្ចប់ IPO របស់ខ្លួន នៅថ្ងៃទី១១ ខែមិថុនា។ ការផ្តល់ជូននេះ បានជួយ SpaceX រៃអង្គាសប្រាក់បានក្នុងចំនួនកំណត់ត្រា ៧៥ពាន់លានដុល្លារ តាមរយៈការលក់ភាគហ៊ុនសរុបចំនួន ៥៥៥,៥៦ លានហ៊ុន។

ជាលទ្ធផល តម្លៃមូលធនទីផ្សាររបស់ក្រុមហ៊ុន SpaceX បានឈានដល់ ១,៧៧ទ្រីលានដុល្លារ។ នេះក៏ជាការវាយតម្លៃខ្ពស់បំផុតដែលមិនធ្លាប់មានសម្រាប់ក្រុមហ៊ុនមួយលើការចេញលក់ IPO ជាលើកដំបូងរបស់ខ្លួន ផងដែរ។

គួរជម្រាបជូនថា នៅពេលដែល ចាប់ផ្តើមជួញដូរនៅលើទីផ្សារហ៊ុន Nasdaq នៅថ្ងៃទី១២ ខែមិថុនា SpaceX នឹងក្លាយជាក្រុមហ៊ុនធំបំផុតទី៧ ដោយផ្អែកតាមតម្លៃមូលធនទីផ្សារ នៅសហរដ្ឋអាមេរិក។ ជាមួយនឹងការវាយតម្លៃនេះ SpaceX បានវ៉ាដាច់ក្រុមហ៊ុនធំៗជាច្រើនដូចជា JPMorgan Chase, Berkshire Hathaway, Eli Lilly, Meta Platforms និងសូម្បីតែ Tesla ដែលក្រុមហ៊ុនផលិតរថយន្តអគ្គិសនីដែលគ្រប់គ្រងដោយ Elon Musk ផងដែរ៕​

The post ក្រុមហ៊ុន SpaceX របស់ Elon Musk រៃអង្គាសបានទឹកប្រាក់បំបែកកំណត់ត្រា ៧៥ពាន់លានដុល្លារ តាមរយៈ IPO របស់ខ្លួន appeared first on .

ក្រុមហ៊ុន OpenAI មិនបានបង្ហាញពីទំហំ ឬលក្ខខណ្ឌនៃ IPO នេះទេ ខណៈពេលវេលានៃការចុះបញ្ជីក៏មិនទាន់ត្រូវបានសម្រេចនៅឡើយដែរ។ ក្រុមហ៊ុននេះ នៅតែជឿជាក់ថាពួកគេនៅតែត្រូវការពេលវេលាជាច្រើនទៀតដើម្បីដំណើរការ ពីព្រោះ OpenAI នៅតែជាក្រុមហ៊ុនឯកជននៅឡើយ។

គួរឲ្យដឹងផងដែរថា ជុំវិញការដាក់ឯកសារស្នើសុំដោយសម្ងាត់នេះ គឺអនុញ្ញាតឱ្យក្រុមហ៊ុន OpenAI អាចរៀបចំសម្រាប់ការចុះបញ្ជី IPO ក៏ដូចជាដើម្បីរក្សាព័ត៌មានហិរញ្ញវត្ថុដ៏រសើបជាសម្ងាត់ពីដៃគូប្រកួតប្រជែង និងសាធារណជន។

យ៉ាងណាមិញ​ ពីមុន សារព័ត៌មានជាច្រើនបានរាយការណ៍ថា OpenAI កំពុងមានគោលបំណងវាយតម្លៃ IPO របស់ខ្លួនរហូតដល់ ១ទ្រីលានដុល្លារ ដែលអាចធ្វើឡើងនៅដើមខែកញ្ញាខាងមុខ។ ហើយប្រសិនបើវាអាចសម្រេចបានពិតមែន នោះ OpenAI នឹងក្លាយជាក្រុមហ៊ុនដែលមានមូលធនទីផ្សារ ១ពាន់លានដុល្លារ ក្រោយការចូលទីផ្សារភាគហ៊ុនលើកដំបូង បន្ទាប់ពីក្រុមហ៊ុនអវកាស SpaceX របស់ Elon Musk និង Anthropic របស់ Claude Code ផងដែរ។

គួរជម្រាបជូនផងដែរថា ការចេញលក់មូលបត្រជាសាធារណៈលើកដំបូង (IPO) ទាំងក្រុមហ៊ុន Anthropic និង OpenAI ត្រូវបានគេមើលឃើញថាជាព្រឹត្តិការណ៍ដ៏សំខាន់សម្រាប់ទីផ្សារបច្ចេកវិទ្យា និងហិរញ្ញវត្ថុសកល ដោយបញ្ញាសិប្បនិម្មិត (AI) បានក្លាយជាគោលដៅវិនិយោគដ៏លេចធ្លោបំផុតនៃយុគសម័យថ្មីនេះ៕​

The post OpenAI ដាក់ឯកសារស្នើសុំ IPO ដោយស្ងាត់ៗ ក្នុងគោលបំណងបង្កើនតម្លៃមូលធនទីផ្សារដល់ ១ទ្រីលានដុល្លារ appeared first on .

ការបោះផ្សាយលក់ IPO របស់ក្រុមហ៊ុន Betagro នេះទៀតសោត នឹងក្លាយជាការផ្តល់ជូនធំបំផុតទីពីររបស់ប្រទេសថៃ នៅក្នុងឆ្នាំនេះ បន្ទាប់ពីក្រុមហ៊ុនធានារ៉ាប់រងអាយុជីវិតថៃ (TLIP) បានរៃអង្គាសប្រាក់បានជិត ១ ពាន់លានដុល្លារ ពីការបោះផ្សាយលក់ IPO របស់ខ្លួន នៅក្នុងខែកក្កដាកន្លងទៅ ។

ក្រុមហ៊ុន Betagro ដែលផលិតសាច់ និងអហារសត្វចិញ្ចឹម គ្រោងនឹងផ្តល់ជូនភាគហ៊ុនចំនួន ៤៣៤,៨ លាន ក្នុងតម្លៃ ៤០ បាតក្នុងមួយហ៊ុន ដែលនឹងអាចធ្វើឱ្យក្រុមហ៊ុនខ្លួន បង្កើនទឹកប្រាក់រហូតដល់ ២០ ពាន់លានបាត ។

មិនតែប៉ុណ្ណោះ ក្រុមហ៊ុននេះ បាននិយាយថា ប្រាក់ចំណូលដែលបានមកពីការលក់ហ៊ុននេះ នឹងត្រូវយកទៅប្រើប្រាស់ ដើម្បីសាងសង់រោងចក្រថ្មី ក៏ដូចជាសងបំណុល និងទុកធ្វើជាដើមទុនបន្តទៀតផងដែរ ។

ជម្រាបផងដែរថា ក្រុមហ៊ុន Betagro ទទួលបានប្រាក់ចំណេញសុទ្ធចំនួន ៣,៩ ពាន់លានបាត រួចមកហើយ នៅក្នុងឆមាសទីមួយ នៃឆ្នាំ ២០២២ នេះ ដែលកើនឡើង ១,២ ពាន់លានបាត បើធៀបនឹងរយ:ពេលដូចគ្នា កាលពីឆ្នាំមុន ខណ:ការកើនឡើងនេះ បានរួមចំណែកដោយតម្លៃទីផ្សារខ្ពស់ នៅក្នុងជីវកម្មផលិតប្រូតេអ៊ីន រួមទាំងបសុបក្សី ស៊ុត និងអាហារកែច្នៃ ៕

The post ក្រុមហ៊ុនខ្នាតយក្សថៃ Betagro គ្រោងរៃអង្គាសប្រាក់ជាង ៤៦៣ លានដុល្លារ ពីការបោះផ្សាយលក់ IPO appeared first on .