ជុំវិញកិច្ចព្រមព្រៀងចុងក្រោយនេះ មានន័យថា Paramount នឹងក្តោបក្តាប់ទៅលើអង្គភាពជាច្រើនរួមមាន CNN, CBS, HBO និង Nickelodeon ក៏ដូចជាសិទ្ធិផ្តាច់មុខលើខ្សែភាពយន្តហូលីវូដដ៏មានតម្លៃជាច្រើន រួមទាំង Harry Potter, Game of Thrones, DC Universe, Mission Impossible និង SpongeBob SquarePants ជាដើម។

យ៉ាងណាមិញ ក្រោមលក្ខខណ្ឌនៃកិច្ចព្រមព្រៀងនេះ Paramount នឹងបង់ ៣១ដុល្លារក្នុងមួយហ៊ុនជាសាច់ប្រាក់សុទ្ធសម្រាប់ភាគហ៊ុន Warner Bros. ទាំងអស់ដែលនៅសេសសល់ ដែលនោះមានន័យថា Paramount នឹងចំណាយទឹកប្រាក់សរុប ១១០ពាន់លានដុល្លារ ទាំងលើភាគហ៊ុន និងបំណុល។

តំណាងក្រុមហ៊ុនទាំងពីរ បាននិយាយថា ប្រតិបត្តិការនេះត្រូវបានអនុម័តជាឯកច្ឆ័ន្ទដោយក្រុមប្រឹក្សាភិបាលរបស់ក្រុមហ៊ុនទាំងពីរ ហើយត្រូវបានគេរំពឹងថានឹងបញ្ចប់នៅត្រីមាសទីបីនៃឆ្នាំ២០២៦។

ជម្រាបជូនផងដែរថា កិច្ចព្រមព្រៀងត្រូវបានកើតឡើង នៅពេលដែលក្រុមហ៊ុនស្រ្ទីមភាពយន្តដ៏ល្បីបំផុតរបស់ពិភពលោក Netflix បានសម្រេចចិត្តដកខ្លួនចេញពីការដេញថ្លៃនេះ៕​

The post ទីបំផុត Paramount ប្រកាសទិញយកក្រុមហ៊ុន Warner Bros ក្នុងតម្លៃកប់ពពក ១១០ពាន់លានដុល្លារ appeared first on .

ជុំវិញការប្រកាសដកខ្លួនចេញរបស់ Netflix នេះ ត្រូវបានគេយល់ថានឹងក្លាយជាឱកាសដ៏ធំសម្រាប់ក្រុមហ៊ុនដៃគូប្រជែង Paramount Skydance ដែលកំពុងព្យាយាមដាក់ដេញថ្លៃទិញយក Warner Bros មកគ្រប់គ្រង ផងដែរ។

យ៉ាងណាមិញ Netflix ដែលជាវេទិកាស្ទ្រីមភាពយន្តធំជាងគេបំផុតរបស់ពិភពលោក បាននិយាយនៅក្នុងសេចក្តីថ្លែងការណ៍មួយ នៅថ្ងៃទី២៦ ខែកុម្ភៈថា ៖”​ យើងចង់រក្សាវិន័យ។ ប្រសិនបើយើងផ្តល់ជូនតម្លៃដើម្បីផ្គូផ្គងនឹងការផ្តល់ជូនចុងក្រោយរបស់ Paramount Skydance កិច្ចព្រមព្រៀងនេះនឹងលែងមានភាពទាក់ទាញផ្នែកហិរញ្ញវត្ថុទៀតហើយ។ ដូច្នេះយើងបានបដិសេធមិនដំឡើងថ្លៃ”។

គួរឲ្យដឹងថា ក្នុងរយៈពេលប៉ុន្មានខែកន្លងមកនេះ Paramount បានខិតខំប្រឹងប្រែងយ៉ាងខ្លាំងក្នុងការឈានដល់កិច្ចព្រមព្រៀងជាមួយWarner Bros ជាពិសេសបន្ទាប់ពី Netflix បានប្រកាសថាខ្លួនបានឈានដល់កិច្ចព្រមព្រៀងមួយដើម្បីទិញយកប្រតិបត្តិការទូរទស្សន៍ ស្ទូឌីយោ និងប្រព័ន្ធស្ទ្រីមរបស់ WBD ក្នុងតម្លៃ ៨២,៧ពាន់លានដុល្លារ។ Warner Bros. បាននិយាយថា ការផ្តល់ជូនចុងក្រោយរបស់ Paramount គឺ ៣១ដុល្លារក្នុងមួយហ៊ុន ដែលខ្ពស់ជាងការផ្តល់ជូនរបស់ Netflix ចំនួន ២៧,៧ដុល្លារក្នុងមួយហ៊ុន។ ការផ្តល់ជូនចុងក្រោយនេះ មានន័យថា Paramount ចង់ទិញយក WBD ទាំងមូល។

ជម្រាបជូនថា WBD គឺជាសម្ព័ន្ធក្រុមហ៊ុនប្រព័ន្ធផ្សព្វផ្សាយ និងកម្សាន្តឈានមុខគេរបស់អាមេរិក ដែលជាម្ចាស់ Warner Bros. Studios, HBO, HBO Max, Discovery Channel, CNN និងប៉ុស្តិ៍ទូរទស្សន៍ខ្សែកាបជាច្រើនទៀត។ ក្រុមហ៊ុននេះត្រូវបានបង្កើតឡើងបន្ទាប់ពីការរួមបញ្ចូលគ្នារវាង WarnerMedia និង Discovery ក្នុងឆ្នាំ២០២២៕​

The post Netflix ប្រកាសដកខ្លួនចេញពីកិច្ចព្រមព្រៀងតម្លៃជិត ៨៣ពាន់លានដល្លារ ជាមួយ Warner Bros appeared first on .

ជុំវិញការទិញយកនេះ នឹងផ្តល់ឲ្យក្រុមហ៊ុន Netflix នូវសិទ្ធិចូលទៅប្រើប្រាស់នូវការចែកខ្សែភាពយន្តយ៉ាងទូលំទូលាយបំផុត ក៏ដូចជាគ្រប់គ្រងទៅលើសេវាកម្មចាក់ផ្សាយតាមអ៊ីនធើណិតដ៏មានកិត្យានុភាព HBO Max ផងដែរ។

គួរឲ្យដឹងផងដែរថា នេះជាកិច្ចព្រមព្រៀងដ៏ធំបំផុតមួយមិនធ្លាប់មាននៅក្នុងឧស្សាកម្មកម្សាន្តបែបនេះ គិតចាប់តាំងពីការទិញយកក្រុមហ៊ុន Fox នៅក្នុងតម្លៃ ៧១ពាន់លានដុល្លារ របស់ក្រុមហ៊ុន Disney នៅក្នុងឆ្នាំ២០១៩ មក។

មិនតែប៉ុណ្ណោះ កិច្ចព្រមព្រៀងដ៏ធំនេះ ត្រូវបានគេវាយតម្លៃថាក្រុមហ៊ុន Netflix នឹងចាយលុយសរុបចំនួន ៨២,៧ពាន់លានដុល្លារ ទៅលើការទិញយកភាគហ៊ុនទាំងស្រុងដែលមានចំនួនសរុប ៧២ពាន់លានដុល្លារ ក៏ដូចជាតម្លៃសហគ្រាស រួមទាំងបំណុលនៃក្រុមហ៊ុន Warner Bros. Discovery ផងដែរ។

ទន្ទឹមនឹងនេះ បើតាមលោក David Zaslav ប្រធាន និងជានាយកប្រតិបត្តិក្រុមហ៊ុន Warner Bros. Discovery បានមានប្រសាសន៍នៅក្នុងសេចក្តីថ្លែងការណ៍មួយថា ៖”ការប្រកាសអំពីកិច្ចព្រមព្រៀងនៅថ្ងៃនេះរួមបញ្ចូលគ្នានូវក្រុមហ៊ុននិទានរឿងដ៏អស្ចារ្យបំផុតពីរនៅលើពិភពលោក”។ ពួកគេបាននិយាយទៀតថា ជុំវិញប្រតិបត្តិការ ដែលត្រូវបានអនុម័តជាឯកច្ឆ័ន្ទដោយក្រុមប្រឹក្សាភិបាលរបស់ក្រុមហ៊ុនទាំងពីរនេះ នឹងត្រូវបិទបញ្ចប់ក្នុងរយៈពេល ១២ ទៅ ១៨ខែ៕​

The post Netflix ប្រកាសទិញយកស្ទូឌីយោផលិតភាពយន្ត Warner Bros ក្នុងតម្លៃជិត ៨៣ពាន់លានដុល្លារ appeared first on .

ក្រសួងហិរញ្ញវត្ថុបានឲ្យដឹងថា ចំនួនក្រុមហ៊ុនបរទេស រួមទាំង Google, Meta (Facebook), Microsoft, Netflix និង Apple ដែលបានចុះឈ្មោះបង់ពន្ធតាមផតថល (Portal) អេឡិចត្រូនិច បានកើនឡើងចំនួន ២៦ក្រុមហ៊ុនពីចុងឆ្នាំ២០២៣ ដល់ចំនួន ១០២ក្រុមហ៊ុននៅក្នុងខែមិថុនា ឆ្នាំ២០២៤ ។

ជារួមមក វេទិកាពាណិជ្ជកម្មអេឡិចត្រូនិកទាំងអន្តរជាតិ និងក្នុងស្រុក ដែលបានចុះឈ្មោះនៅលើផតថល (Portal) អេឡិចត្រូនិច រហូតមកដល់ពេលនេះ មានចំនួនសរុប ៣៨៣ក្រុមហ៊ុន កើនឡើង ២២ក្រុមហ៊ុនចាប់តាំងពីឆ្នាំ២០២៣ មក។

សូមជម្រាបដែរថា ដោយផ្អែកតាមអគ្គនាយកដ្ឋានពន្ធដារ បានឲ្យដឹងថា ការបង់ពន្ធពីបណ្តាក្រុមហ៊ុនរកស៊ីលើពាណិជ្ជកម្មអេឡិចត្រូនិក មានចំនួន ៩៧ទ្រីលានដុងកាលពីឆ្នាំមុន កើនឡើងដល់ទៅ១៤% បើធៀបនឹងពេលបង់ពន្ធនៅអំឡុងឆ្នាំ២០២២ ៕

The post វៀតណាមប្រមូលពន្ធពីក្រុមហ៊ុនខ្នាតយក្សអន្តរជាតិបានជិត ១៥៩លានដុល្លារ appeared first on .

ក្រុមហ៊ុនផ្តល់សេវាស្រី្ទមភាពយន្តខ្នាតយក្សរបស់សហរដ្ឋអាមេរិកមួយនេះ បានធ្វើការប្រកាសអំពីផែនការរបស់ខ្លួន បន្ទាប់ពីកិច្ចប្រជុំដ៏ធំមួយរវាងប្រធានាធិបកូរ៉េខាងត្បូង លោក Yoon Suk Yeol និងសហនាយកប្រតិបត្តិក្រុមហ៊ុន Netflix លោក Ted Sarandos អំឡុងពេលលោក Yoon បានទៅដល់ទីក្រុងវ៉ាស៊ីនតោន សម្រាប់ដំណើរទស្សនកិច្ចផ្លូវរដ្ឋរយ:ពេល ៦ ថ្ងៃ។

ទន្ទឹមនឹងនេះ លោក Yoon ក៏បានបង្ហាញការស្វាគមន៍ចំពោះការវិនិយោគដ៏ធំនេះ ដោយនិយាយថា វាជាឱកាសដ៏សំខាន់ សម្រាប់ឧស្សាហកម្មភាពយន្តរបស់កូរ៉េខាងត្បូង និងក្រុមហ៊ុន Netflix នៅពេលដែលប្រទេសនៅក្នុងតំបន់អាស៊ីមួយនេះ កំពុងស្វែងរកការផ្សព្វផ្សាយវប្បធម៌ និងឥទ្ធិពលរបស់ខ្លួន ។

ជម្រាបជូនផងដែរថា ចាប់តាំងពីការប្រកាសអំពីផែនការវិនិយោគនេះមក ភាគហ៊ុនរបស់ក្រុមហ៊ុនផលិតកម្ម និងក្រុមហ៊ុនកម្សាន្តរបស់កូរ៉េខាងត្បូង បានកើនឡើង ដោយក្នុងនោះ ភាគហ៊ុនរបស់ក្រុមហ៊ុន Showbox មានការកើនឡើង ៨,៧៥% ស្របពេលក្រុមហ៊ុន Studio Dragon ក៏បានកើនឡើង ២,២៦% ផងដែរ ៕

The post Netflix គ្រោងបោះទុនវិនិយោគ ២,៥ពាន់លានដុល្លារ នៅក្នុងប្រទេសកូរ៉េខាងត្បូង appeared first on .

ការធ្លាក់ចុះ​នៃ​តម្លៃ​ហ៊ុន​របស់ Netflix ភ្លាមៗ​នេះ ក៏​បាន​បណ្ដាល​ឲ្យ​មហាសេដ្ឋី​អាមេរិក​ម្នាក់​គឺ​លោក Bill Ackman បាន​ខាតបង់​ថវិកា​អស់​មិន​ស្ទើរ​ផង​ដែរ ពោល​គឺ​ប្រហែល​ជាង ៤០០ លាន​ដុល្លារ​ឯណោះ។

​ក្រុមហ៊ុន Pershing Square Capital Management របស់​វិនិយោគិន​ខាងលើ​បាន​ធ្វើការ​លក់​ភាគហ៊ុន​ Netflix ដែល​ពួកគេ​មាន​ទាំងអស់​កាលពី​ថ្ងៃពុធ​អំឡុងពេល​តម្លៃ​របស់​វា​មាន​ការ​ធ្លាក់ចុះ ហើយ​បើ​តាម​ការ​គណនា​ពី Bloomberg បាន​បង្ហាញ​ថា ពួកគេ​ខាតបង់​ទឹកប្រាក់​ប្រហែល ៤៣៥ លាន​ដុល្លារ។

បញ្ជាក់​ដែរ​ថា កាលពី​ចុងខែ​មករា លោក​ Ackman បាន​ទម្លាយ​ថា បាន​ទិញ​ភាគហ៊ុន Netflix ប្រមាណ ៣,១ លាន​ហ៊ុន​ ឬ​ប្រហែល ០,៧%​នៃ​ហ៊ុន​សរុប និង​បាន​ធ្វើ​ឲ្យ​ Pershing Square ក្លាយ​ជា​ម្ចាស់​ភាគហ៊ុន​ធំ​បំផុត​មួយ​ក្នុង​ចំណោម​ម្ចាស់​ភាគហ៊ុន​ ២០ ផ្សេង​ទៀត៕

ប្រភព: Businessinsider

The post តម្លៃ​ហ៊ុន Netflix ដាំ​ក្បាល​ចុះ ៣៥% បណ្ដាល​ឲ្យ​មហាសេដ្ឋី​អាមេរិក​ម្នាក់​របូត​លុយ​ជាង ៤០០ លាន​ដុល្លារ appeared first on .

ជាក់ស្តែង វាជាលើកដំបូងហើយ ក្នុងរយ:ពេលមួយទសវត្សរ៍ចុងក្រោយ ដែលក្រុមហ៊ុនផ្តល់សេវាស្រ្ទីមភាពយន្តឈានមុខគេមួយនេះ បានបាត់បង់អតិថិជន ស្របពេល Netflix បានដាក់ការស្តីបន្ទោស ទៅលើការផ្អាកសេវាកម្មខ្លួន នៅក្នុងប្រទេសរុស្ស៊ី ក៏ដូចជាការចែករំលែកពាក្យសំងាត់ របស់អ្នកប្រើប្រាស់ផងដែរ ។

គួរឱ្យដឹងថា ក្រុមហ៊ុន Netflix បានបញ្ចប់ត្រីមាសទីមួយ ឆ្នាំនេះ ជាមួយនឹងអតិថិជន ២២១,៦ លាននាក់ ដែលជាចំនួនតិចជាងត្រីមាសចុងក្រោយ នៃឆ្នាំមុខបន្តិច ។ ​

បន្ថែមពីនេះ ភាគហ៊ុនរបស់ Netflix បានធ្លាក់ចុះច្រើនជាង ២៥% មកនៅត្រឹម ២៥៩,៣០ ដុល្លារ នៅក្នុងការទិញដូរចុងក្រោយនៃទីផ្សារ ពោលគឺបន្ទាប់ពីមានការចេញផ្សាយតួលេខប្រាក់ចំណូល និងការធ្លាក់ចុះអតិថិជនរបស់ក្រុមហ៊ុន ។

លើសពីនេះ ក្រុមហ៊ុន Netflix ជឿជាក់ថាកត្តាដែលបានរារាំងកំណើនរបស់ខ្លួន គឺបណ្តាលមកពីអតិថិជន បានចែករំលែកពាក្យសំងាត់គណនីរបស់ពួកគេ ជាមួយមនុស្សដែលមិនរស់នៅក្នុងផ្ទះតែមួយ ។

មិនតែប៉ុណ្ណោះ ក្រុមហ៊ុនបានប៉ាន់ប្រមាណថា ខណៈពេលដែលអ្នកប្រើប្រាស់មាន ២២២ លានគ្រួសារ ដែលបានបង់ថ្លៃសេវាសម្រាប់គណនី គឺត្រូវបានចែករំលែកជាមួយគ្រួសារជាង ១០០ លានផ្សេងទៀត ដែលមិនបានបង់ថ្លៃសេវា ៕

ប្រភព: Bangkok Post

The post ភាគហ៊ុនរបស់ Netflix ធ្លាក់ចុះខ្លាំង ក្រោយបាត់បង់អតិថិជន ដោយសារមូលហេតុចម្បង ២ នេះ appeared first on .