លោក Meng Xiong នឹងឡើងកាន់តំណែងថ្មីនេះជំនួសលោក Lim Soon Huat ដែលជានាយកផ្នែកគ្រប់គ្រងបច្ចុប្បន្ន ចាប់ពីថ្ងៃទី១ ខែកញ្ញាតទៅ។ លោក Lim នឹងលាលែងចេញពីតំណែងនេះ ហើយត្រូវឡើងទៅកាន់តំណែងជាទីប្រឹក្សាក្រុមប្រឹក្សាភិបាលរបស់ក្រុមហ៊ុនជំនួសវិញ។

យ៉ាងណាមិញ បើតាមការចុះផ្សាយពីសារព័ត៌មាន The Edge Malaysia បានបង្ហាញថា ការតែងតាំងនេះគឺជាផ្នែកមួយនៃផែនការបន្តវេនរបស់ក្រុមប្រឹក្សាភិបាលនៃក្រុមហ៊ុនត្រកូល Kuok ដោយពួកគេមានទំនុកចិត្តថា លោក Meng Xiong នឹងកសាងលើគ្រឹះដ៏រឹងមាំរបស់ក្រុមហ៊ុន និងដឹកនាំក្រុមហ៊ុនចូលទៅក្នុងជំពូកបន្ទាប់នៃការរីកចម្រើន និងការអភិវឌ្ឍរបស់ខ្លួន។

គួរជម្រាបជូនថា PPB Group និង Shangri-La គឺជាផ្នែកនៃចក្រភពអាជីវកម្មដែលបង្កើតឡើងដោយលោក Robert Kuok ដែលបានជាប់ចំណាត់ថ្នាក់ជាបុគ្គលមានបំផុតរបស់ម៉ាឡេស៊ីអស់រយៈពេលជាច្រើនទសវត្សមកហើយ។ យោងតាមទស្សនាវដ្តី Forbes បានប៉ាន់ប្រមាណថាទ្រព្យសម្បត្តិសរុបរបស់លោក Robert មានចំនួន ១៣,៣ពាន់លានដុល្លារគិតត្រឹមថ្ងៃទី៤ ខែមិថុនា៕​

The post ចៅប្រុសអ្នកមានដាច់គេរបស់ម៉ាឡេស៊ី ត្រូវបានតែងតាំងឲ្យក្លាយជានាយកផ្នែកគ្រប់គ្រង នៅក្រុមហ៊ុន PPB Group appeared first on .

មហាសេដ្ឋីដែលមានមូលដ្ឋាននៅទីក្រុងហុងកុងរូបនេះ ស្ថិតនៅលំដាប់ទី២០៤ ក្នុងបញ្ជីពិភពលោក ជាមួយនឹងទ្រព្យសម្បត្តិសរុប ១៤,២ពាន់លានដុល្លារអាមេរិក កើនឡើង ១៧% ធៀបទៅនឹងឆ្នាំមុន។

លោក Kuok ត្រូវបានគេស្គាល់ថាជា “ស្តេចស្ករនៃអាស៊ី” និងជាស្ថាបនិកនៃក្រុមហ៊ុនខ្សែសង្វាក់សណ្ឋាគារប្រណីត Shangri-La។ លោកក៏ជាម្ចាស់ក្រុមហ៊ុន Kuok Group ដែលមានភាគហ៊ុនលើសណ្ឋាគារ អចលនទ្រព្យ និងទំនិញផងដែរ។

ជម្រាបជូនថា បន្ទាប់ពីលោក Kuok តំណែងអ្នកមានដាច់គេទី២ របស់ម៉ាឡេស៊ី គឺធ្លាក់ទៅលើលោក Quek Leng Chan ប្រធានប្រតិបត្តិនៃក្រុមហ៊ុនអភិវឌ្ឍអចលនទ្រព្យ Hong Leong Group ដែលស្ថិតនៅលំដាប់ទី៤៨៦ នៅលើពិភពលោក ជាមួយនឹងទ្រព្យសម្បត្តិសរុប ៧,៦ពាន់លានដុល្លារអាមេរិក៕​

The post Robert Kuok បន្តគ្រងតំណែងជាមហាសេដ្ឋីមានដាច់គេរបស់ម៉ាឡេស៊ី ក្នុងឆ្នាំ២០២៦ appeared first on .

ជុំវិញការតែងតាំងនេះ បានចូលជាធរមានភ្លាមៗ បន្ទាប់ពីមានការប្រាសកាលសប្តាហ៍មុន។ នេះបើយោងតាមឯកសារមួយដែលបានដាក់ជូនផ្សារហ៊ុនដោយក្រុមហ៊ុន PPB Group ដែលជាក្រុមហ៊ុនចម្រុះ និងមានដើមទុនចុះបញ្ជីសរុបប្រមាណ ៣,៩ពាន់លានដុល្លារ។

យោងតាមកាសែត The Business Times បានបង្ហាញឲ្យដឹងផងដែរថា លោក Meng Xiong ជាសមាជិកនៃជំនាន់ទីបីរបស់គ្រួសារ Kuok ដែលទទួលបានសញ្ញាបត្របរិញ្ញាបត្រផ្នែកគ្រប់គ្រងសណ្ឋាគារពីសាកលវិទ្យាល័យ Cornell របស់សហរដ្ឋអាមេរិក។

បច្ចុប្បន្នលោក Meng Xiong បម្រើការជានាយកគ្រប់គ្រងនៃក្រុមហ៊ុន Kuok Brothers ដែលជាក្រុមហ៊ុនវិនិយោគឯកជនលើយានជំនិះរបស់ជីតា Robert Kuok។

ជម្រាបជូនថាលោក Robert Kuok ក្នុងវ័យជាង ១០០ឆ្នាំ លោកត្រូវបានចាត់ចំណាត់ថ្នាក់ជាអ្នកមានដាច់គេបំផុតរបស់ប្រទេសម៉ាឡេស៊ី ជាមួយទ្រព្យសម្បត្តិសរុបជាង ១៤ពាន់លានដុល្លារ នៅក្នុងឆ្នាំ២០២៦ នេះ៕​

The post អ្នកមានដាច់របស់ម៉ាឡេស៊ី​ Robert Kuok តែងតាំងចៅប្រុសឲ្យកាន់តំណែងក្នុងក្រុមប្រឹក្សាភិបាលក្រុមហ៊ុន appeared first on .

មហាសេដ្ឋីដែលមានវ័យចំណាស់ជាងកំពូលអ្នកមានម៉ាឡេស៊ី គឺជាមហាសេដ្ឋីអាមេរិក លោក George Joseph ដែលបច្ចុប្បន្នមានអាយុរហូតដល់ទៅ ១០២ឆ្នាំ។ នេះបើតាមការចុះផ្សាយពី​គេហទំព័រ Businessinsider។

ខាងក្រោមគឺជាបញ្ជីឈ្មោះមហាសេដ្ឋីវ័យចំណាស់បំផុតលើលោក និងទំហំទ្រព្យសម្បត្តិរបស់ពួកគេ គិតត្រឹមខែតុលា ឆ្នាំ២០២៣នេះ៖

១/George Joseph អាយុ ១០២ឆ្នាំ មានទ្រព្យសម្បត្តិ ១,៣ពាន់លានដុល្លារ

២/Robert Kuok អាយុ ១០០ឆ្នាំ មានទ្រព្យសម្បត្តិ ១១,៨ពាន់លានដុល្លារ

៣/David Murdock អាយុ ១០០ឆ្នាំ មានទ្រព្យសម្បត្តិ ៣,៤ពាន់លានដុល្លារ

៤/Charlie Munger អាយុ ៩៩ឆ្នាំ មានទ្រព្យសម្បត្តិ ២,៦ពាន់លានដុល្លារ

៥/Sim Daniel Abraham អាយុ ៩៩ឆ្នាំ មានទ្រព្យសម្បត្តិ ២,៤ពាន់លានដុល្លារ

៦/Ana Maria Brescia Cafferata អាយុ ៩៩ឆ្នាំ មានទ្រព្យសម្បត្តិ ១ពាន់លានដុល្លារ

៧/Stephen A. Jarislowsky អាយុ ៩៨ឆ្នាំ មានទ្រព្យសម្បត្តិ ១,៥ពាន់លានដុល្លារ

៨/John Farber អាយុ ៩៨ឆ្នាំ មានទ្រព្យសម្បត្តិ ១,៣ពាន់លានដុល្លារ៕

The post អ្នកមានបំផុតនៅម៉ាឡេស៊ីអាយុ ១០០ឆ្នាំ ជាមហាសេដ្ឋីវ័យចំណាស់បំផុតទី២លើលោក appeared first on .

ដោយសារកំណើនសេដ្ឋកិច្ចនៃប្រទេសមួយនេះ​មានការ​រីកចម្រើនខ្លាំង ដូច្នេះក៏មានមហាសេដ្ឋី​រស់នៅ​ទីនោះ​ច្រើនផងដែរ ហើយសម្រាប់អត្ថបទមួយនេះ ឧកញ៉ាញូវសន៍​នឹង​គាស់កកាយ​ពី​បញ្ជី​ឈ្មោះ​មហាសេដ្ឋី​ម៉ាឡេស៊ី​ទាំង ១០រូប មានបំផុតប្រចាំ​ប្រទេស​ដូចតទៅ៖

1/Robert Kuok មានទ្រព្យសម្បត្តិ​សរុប​ប្រមាណ ១២,១ពាន់លានដុល្លារ រកស៊ី​លើវិស័យប្រេងដូង ដឹកជញ្ជូន និងអចលនទ្រព្យ

2/ Quek Leng Chan មានទ្រព្យសម្បត្តិ​សរុប​ប្រមាណ ១០,២ពាន់លានដុល្លារ រកស៊ី​លើវិស័យធនាគារ និងអចលនទ្រព្យ

3/Ananda Krishnan មានទ្រព្យសម្បត្តិ​សរុប​ប្រមាណ ៥,៤ពាន់លានដុល្លារ រកស៊ី​លើវិស័យប្រេង គមនាគមន៍ និងប្រព័ន្ធផ្សព្វផ្សាយ

4/Koon Poh Keong មានទ្រព្យសម្បត្តិ​សរុប​ប្រមាណ ៣,៩ពាន់លានដុល្លារ រកស៊ី​លើវិស័យលោហធាតុ

5/Chen Lip Keong មានទ្រព្យសម្បត្តិ​សរុប​ប្រមាណ ២,៨ពាន់លានដុល្លារ រកស៊ី​លើវិស័យថាមពល កាស៊ីណូ និងអចលនទ្រព្យ

6/Lim Kok Thay មានទ្រព្យសម្បត្តិ​សរុប​ប្រមាណ ២,៣ពាន់លានដុល្លារ រកស៊ី​លើវិស័យកាស៊ីណូ

7/Kie Chie Wong មានទ្រព្យសម្បត្តិ​សរុប​ប្រមាណ ១,៧ពាន់លានដុល្លារ រកស៊ី​លើវិស័យវិនិយោគ

8/Lau Cho Kun មានទ្រព្យសម្បត្តិ​សរុប​ប្រមាណ ១,៦ពាន់លានដុល្លារ រកស៊ី​លើវិស័យប្រេងដូង និងអចលនទ្រព្យ

8/Syed Mokhtar AlBukhary មានទ្រព្យសម្បត្តិ​សរុប​ប្រមាណ ១,៦ពាន់លានដុល្លារ រកស៊ី​លើវិស័យវិស្វកម្ម និងយានយន្ត

10/G. Gnanalingam មានទ្រព្យសម្បត្តិ​សរុប​ប្រមាណ ១,៥ពាន់លានដុល្លារ រកស៊ី​ការដឹកជញ្ជូនតាមកំពង់ផែ

សូមជម្រាបដែរថា ទិន្នន័យខាងលើទទួលបានពី Forbes គិតត្រឹមថ្ងៃទី ២៧ មីនា ២០២៣៕

The post ណែនាំឲ្យស្គាល់មហាសេដ្ឋីម៉ាឡេស៊ី ១០រូប មានបំផុតប្រចាំប្រទេស appeared first on .