ព្រះមហាក្សត្រ ប្រោសព្រះរាជទានគ្រឿងឥស្សរិយយស «ជាតូបការ» ជូនដល់ ឧកញ៉ា វណ្ណ សុខហេង

ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យ ប្រោសព្រះរាជទានគ្រឿងឥស្សរិយយស «ជាតូបការ» ប្រគេនដល់ព្រះសង្ឃ និងសប្បុរសជនចំនួន ១៦ រូប កាល​ថ្ងៃទី២៣ ខែធ្នូ ឆ្នាំ២០២៥ រួមទាំង ឧកញ៉ា វណ្ណ សុខហេង។

ឧកញ៉ា វណ្ណ សុខហេង ជាអ្នកជំនួញមួយរូបនៅភាគនិរតី ដែលលោកតែងជួយបរិច្ចាគនូវធនធានផ្ទាល់ខ្លួន​ជាច្រើនជួយដល់សង្គម តាមរយៈរាជរដ្ឋាភិបាលកម្ពុជា។ លោកឧកញ៉ា ជាប្រធានសមាគមសហគ្រាសធុនតូច និងមធ្យមកម្ពុជាខេត្តព្រះសីហនុ (FASMEC) និងជាអតីត​ប្រធានសភាពាណិជ្ជកម្មខេត្តព្រះសីហនុ។

សូមជម្រាបថា មេដាយជាតូបការ ជាគ្រឿងឥស្សរិយយសប្រភេទមាតុប្រទេស លំដាប់ខ្ពស់ជាងគេបំផុតនៅកម្ពុជា សម្រាប់បំពាក់ជូនចំពោះវរជនដែលមានគុណដ៏ឧត្តុងឧត្តមក្នុងការបម្រើមាតុប្រទេស ហើយត្រូវបានប្រទាន​ដោយព្រះមហាក្សត្រ៕