ក្រុមហ៊ុន PIC Group ដែលជាក្រុមហ៊ុនរបស់កូនខ្មែរ មានលោក គឹន ឧត្តមមុនី ស៊ីណាត ជានាយកប្រតិបត្តិនៃក្រុមហ៊ុន ផ្តើមចេញពីក្រុមហ៊ុនមានបុគ្គលិកតែម្នាក់ រហូតមានសមត្ថភាពនាំយកក្រុមហ៊ុនយក្សម៉ាក PETRONAS ក្រោមម៉ាកយីហោ PETRONAS Lubricants Cambodia ដែលត្រូវបាននាំចូល និងចែកចាយផ្តាច់មុខតែមួយគត់ មកបម្រើជូនអតិថិជននៅប្រទេសកម្ពុជា។
គួររំឭកថា Petronas ជាក្រុមហ៊ុនថាមពលយក្សមួយរបស់ម៉ាឡេស៊ី ត្រូវបានបង្កើតឡើងជាផ្លូវការក្នុងឆ្នាំ១៩៧៤ ក្រោមច្បាប់ Petroleum Development Act 1974 ដែលជាគម្រោងយុទ្ធសាស្ត្រជាតិរបស់ប្រទេសម៉ាឡេស៊ី ក្នុងការអភិវឌ្ឍ និងការគ្រប់គ្រងធនធានប្រេង និងឧស្ម័នរបស់ប្រទេសខ្លួន ដើម្បីកាត់បន្ថយការពឹងផ្អែកទៅលើក្រុមហ៊ុនបរទេស។ នៅពេលនោះ ឧស្សាហកម្មឧស្ម័ន និងប្រេងរបស់ម៉ាឡេស៊ី ភាគច្រើនស្ថិតក្រោមការគ្រប់គ្រងរបស់ក្រុមហ៊ុនប្រេងអន្តរជាតិធំៗ។ ទោះបីប្រទេសនេះមានធនធានធម្មជាតិសម្បូរបែបក៏ដោយ ប៉ុន្តែជំនាញ បច្ចេកវិទ្យា ប្រព័ន្ធគ្រប់គ្រងស្ទើរទាំងស្រុង ពឹងផ្អែកលើក្រុមហ៊ុនបរទេស។ ក្នុងដំណាក់កាលដំបូង Petronas ចាប់ផ្តើមដោយគ្មានបច្ចេកវិទ្យា គ្មានអ្នកជំនាញគ្រប់គ្រាន់ មានបុគ្គលិកត្រឹម ១៥នាក់ ថែមទាំងត្រូវប្រកួតប្រជែងជាមួយក្រុមហ៊ុនអន្តរជាតិ ដែលមានបទពិសោធន៍រាប់សិបឆ្នាំមកហើយ។
ក្នុងរយៈពេលជាង ៥ទសវត្សរ៍ នៃការអភិវឌ្ឍ Petronas ជាមួយនឹងបទពិសោធន៍ មេរៀន និងគំនិតអាជីវកម្ម ការគិតវែងឆ្ងាយ ការគ្រប់គ្រងប្រកបដោយយុទ្ធសាស្ត្រ និងការបន្តអភិវឌ្ឍខ្លួនជានិច្ច គឺជាគន្លឹះសំខាន់សម្រាប់ការរីកចម្រើនរបស់ក្រុមហ៊ុនថាមពលយក្ស Petronas ដោយបានប្រែក្លាយទៅជាក្រុមហ៊ុនថាមពលជាតិដ៏ធំបំផុតមួយរបស់អាស៊ី និងជាមោទនភាពរបស់ប្រទេសម៉ាឡេស៊ី នៅលើឆាកអន្តរជាតិផងដែរ។
ក្រុមហ៊ុន PICG ជាក្រុមហ៊ុនបង្កើតឡើងដោយកូនខ្មែរ និងមានក្រុមហ៊ុនជាបុត្រសម្ព័ន្ធជាច្រើនផ្សេងៗទៀតនៅកម្ពុជា។ PICG បាននឹងកំពុងទទួលសិទ្ធិផ្ដាច់មុខ ចែកចាយផលិតផលប្រេងម៉ាក PETRONAS និងសំបកកង់រថយន្តម៉ាក សៃលុន (Sailun) ដែលផលិតដោយប្រើជ័រកៅស៊ូខ្មែរ មានរោងចក្រនៅខេត្តស្វាយរៀង។
សូមជម្រាបថា ក្រុមហ៊ុន PICG គឺជាក្រុមហ៊ុនទទួលសិទ្ធិចែកចាយផ្តាច់មុខនូវប្រេងគ្រប់ប្រភេទម៉ាក PETRONAS នៅកម្ពុជា តាំងពីឆ្នាំ២០១៨ រហូតមកទល់ពេលបច្ចុប្បន្ននេះ។ ប្រេង PETRONAS គឺជាម៉ាកយីហោដ៏ល្បីល្បាញប្រចាំប្រទេសម៉ាឡេស៊ី និងនៅលើសកលលោក ហើយម៉ាកយីហោប្រេង PETRONAS ក៏មានប្រវត្តិបំបែកកំណត់ត្រា ជាម៉ាកយីហោ ជាប់ Top Strongest Brand រយៈពេល ៥ឆ្នាំ ជាប់ៗគ្នាផងដែរ៕
