កម្ពុជានឹងបង្កើតសួនឌីជីថល (Digital Park) ទំហំ ១០០ហិកតា នៅលើទឹកដី​ជ្រោយចង្វារ ដើម្បីជំរុញវិស័យឌីជីថល

សង្គម​ និង​សេដ្ឋកិច្ច

កម្ពុជានឹងបង្កើតសួនឌីជីថល (Digital Park) ទំហំប្រមាណ ១០០ហិកតា នៅលើទឹកដី​ជ្រោយចង្វារ ដើម្បីជំរុញ​ការធ្វើបរិវត្តកម្ម​ និងបណ្ដុះបណ្ដាលជំនាញក្នុងវិស័យឌីជីថល។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

គម្រោង ដែលត្រូវបានផ្តួចផ្តើម វិនិយោគ និងអភិវឌ្ឍ ដោយក្រសួងប្រៃសណីយ៍និងទូរគមនាគមន៍នេះ ត្រូវបានប្រកាសដោយ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ កាលចុងឆ្នាំ២០២៥ និង​ត្រូវបានរាជរដ្ឋាភិបាល​ចេញអនុក្រឹត្យ បង្កើតតំបន់សេដ្ឋកិច្ចពិសេស «សួនឌីជីថលកម្ពុជា» មានទីតាំង​ស្ថិត​នៅ​សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ជាផ្លូវការ កាលថ្ងៃទី២៩ ខែមេសា ឆ្នាំ២០២៦។ សួនឌីជីថល នឹងក្លាយជាតំបន់សេដ្ឋកិច្ចពិសេស ដើម្បីប្រែ​ក្លាយកម្ពុជាទៅជាមជ្ឈមណ្ឌលឌីជីថល (Digital Hub) កម្រិតខ្ពស់ប្រកបដោយនវានុត្តន៍ សហគ្រិនភាព និងជំនាញ សំដៅជំរុញ​ការអភិវឌ្ឍប្រកបដោយចីរភាព និងផ្សារភ្ជាប់ទៅក្នុងប្រព័ន្ធអេកូឡូស៊ីឌីជីថលសកល។

សូមជម្រាបថា សួនឌីជីថលគឺជាគម្រោង ដែលទាក់ទាញការវិនិយោគបច្ចេកវិទ្យាឌីជីថល និងធុរកិច្ចបច្ចេកវិទ្យា​ពីបរទេស តាមរយៈការគាំទ្រដល់ធុរកិច្ចថ្មីឌីជីថល ការធ្វើទំនើបកម្មការអប់រំឌីជីថល ការផ្តល់ហេដ្ឋារចនាសម្ព័ន្ធ​ទិន្នន័យដ៏សម្បូរបែប និងការទាក់ទាញក្រុមហ៊ុនវិនិយោគ ជាពិសេស ការបង្កើតជាប្រព័ន្ធអេកូឡូស៊ីមួយ ដែលផ្សារភ្ជាប់ការអប់រំបណ្តុះបណ្តាលជំនាញទៅឧស្សាហកម្មក្នុងវិស័យឌីជីថល ដើម្បីពង្រីកមូលដ្ឋាន​សេដ្ឋកិច្ចផ្នែកបច្ចេកវិទ្យាឌីជីថលនៅកម្ពុជា៕