លោកបានចាត់ទុកសកម្មភាពនេះថា ជារឿងដ៏ប្រពៃ និងមានសារៈសំខាន់បំផុតក្នុងការស្វែងយល់ពីប្រភពនៃដំណើរវិវត្តន៍វប្បធម៌ពិតប្រាកដ សំដៅបញ្ចៀសនូវរាល់ការយល់ច្រឡំ និងអរិភាពនានារវាងប្រជាជាតិទាំងពីរកម្ពុជា-ថៃ។

ការលើកឡើងរបស់លោកទេសរដ្ឋមន្ត្រី បានធ្វើឡើងតាមរយៈបណ្តាញសង្គមផ្ទាល់ខ្លួន នៅព្រឹកថ្ងៃទី២៥ ខែកញ្ញា ឆ្នាំ២០២៦នេះ។ ក្នុងដំណើរនោះ ភាគីថៃបានបើកមើលឯកសារតម្កល់ជាប្រវត្តិសាស្ត្រអន្តរជាតិ ដែលបានកត់ត្រាយ៉ាងក្បោះក្បាយអំពីប្រភពដើមនៃទម្រង់សិល្បៈ និងរបាំបុរាណក្នុងតំបន់អាស៊ីអាគ្នេយ៍។

យោងតាមខ្លឹមសារដែលបានចារឹកក្នុងឯកសារស្រាវជ្រាវប្រវត្តិសាស្ត្ររបស់បារាំង ដែលត្រូវបានបង្ហាញក្នុងដំណើរទស្សនកិច្ចនោះ បានបញ្ជាក់យ៉ាងច្បាស់ថា ប្រទេសថៃបានទទួលមរតកប្រពៃណីរបាំពីចក្រភពអង្គរនៃប្រទេសកម្ពុជា នៅពេលដែលកងទ័ពសៀមបានវាយលុក និងដណ្តើមគ្រប់គ្រងរាជធានីអង្គរក្នុងឆ្នាំ ១៤៣១។

ឯកសារដដែលបានគូសបញ្ជាក់បន្ថែមថា នាសម័យនោះ ក្រុមអ្នករបាំព្រះរាជទ្រព្យ ព្រមទាំងសិល្បករ និងអ្នកប្រាជ្ញខ្មែរជាច្រើន ត្រូវបានកៀរយកទៅកាន់រាជធានីអយុធ្យា ហើយទម្រង់សិល្បៈទាំងនោះត្រូវបានថែរក្សា និងកែច្នៃបន្តិចម្តងៗអស់រយៈពេលជាច្រើនសតវត្សរ៍ ដើម្បីឱ្យស្របទៅតាមចំណង់ចំណូលចិត្តរបស់ប្រជាជាតិថៃ ដោយរក្សាទុកនូវទម្រង់កាយវិការ និងក្បាច់តំណាងជាមូលដ្ឋាននៃរចនាប័ទ្មខ្មែរ-អង្គរដដែល។

ទេសរដ្ឋមន្ត្រី កែវ រ៉េមី បានសង្កត់ធ្ងន់ថា ភាពស្មោះត្រង់ចំពោះប្រវត្តិសាស្ត្រ នឹងជួយកាត់បន្ថយការទាស់ទែងគ្នាតាមបណ្តាញសង្គម ព្រមទាំងពង្រឹងនូវទំនាក់ទំនងមិត្តភាព សាមគ្គីភាព និងការគោរពគ្នារវាងប្រជាជននៃប្រទេសជិតខាងទាំងពីរឱ្យកាន់តែរឹងមាំទៅថ្ងៃអនាគត៕

The post លោក កែវ រ៉េមី កោតសរសើររដ្ឋមន្ត្រីវប្បធម៌ថៃ ដែលចុះទៅផ្ទៀងផ្ទាត់ប្រវត្តិសាស្ត្រ និងវប្បធម៌ដល់ប្រទេសបារាំង appeared first on .

ការដាក់ឱ្យប្រើប្រាស់ធនប័ត្រគំរូថ្មីទាំងពីរប្រភេទនេះ ត្រូវបានអនុវត្តទន្ទឹមគ្នានឹងបណ្តាប្រភេទប្រាក់ដែលត្រូវបានចេញផ្សាយរួចហើយកន្លងមក ដែលមានន័យថារាល់ក្រដាសប្រាក់គំរូចាស់ៗដែលកំពុងចរាចរលើទីផ្សារនាពេលបច្ចុប្បន្ន នៅតែរក្សាតម្លៃ និងមានសុពលភាពចាយវាយស្របច្បាប់ជាធម្មតា។

ផ្អែកតាមសេចក្តីប្រកាសរបស់ធនាគារជាតិនៃកម្ពុជា ដែលចុះហត្ថលេខាដោយលោកជំទាវបណ្ឌិត ជា សិរី ទេសាភិបាលធនាគារជាតិ បានបញ្ជាក់ថា ធនប័ត្រប្រភេទ ៥០,០០០ រៀល គំរូថ្មី មានទំហំបណ្តោយ ១៥៥ មីលីម៉ែត្រ និងទទឹង ៧២ មីលីម៉ែត្រ ដោយមានពណ៌ចម្បងគឺពណ៌ស្លាទុំ និងពណ៌ត្នោត។

នៅលើផ្ទៃខាងមុខ ផ្នែកកណ្តាលខាងស្តាំត្រូវបានរំលេចឡើងនូវព្រះឆាយាល័ក្ខណ៍មើលពីមុខបញ្ឆិតចំហៀងខាងឆ្វេងនៃព្រះករុណា ព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ អមដោយលេខ «៥០០០០» នៅផ្នែកខាងឆ្វេង ហត្ថលេខារបស់ទេសាភិបាល និងអគ្គបេឡា រូបជើងពានទ្រព្រះខ័នព័ទ្ធដោយកម្រងផ្កា និងក្បាច់ភ្ញីទេស ព្រមទាំងមានលេខ-មាលាទឹកថ្នាំខ្មៅ រូបចម្លាក់នាគក្បាល៧ តាមគំរូថ្មនៅប្រាសាទបាលិលេយ្យ និងខ្សែសុវត្ថិភាពទំហំ ១,២ មីលីម៉ែត្រ កាត់ទទឹងក្រដាសប្រាក់ពីលើដល់ក្រោម។

បន្ថែមពីនេះ នៅផ្នែកខាងឆ្វេងនៃផ្ទៃមុខ ក៏មានលេខ «50000» ព្រាលៗបោះពុម្ពបញ្ឈរ និមិត្តសញ្ញាពិសេសសម្រាប់ជនពិការភ្នែក និងបន្ទះ Hologram ទំហំ ១០ មីលីម៉ែត្រ ប្រកបដោយបច្ចេកវិទ្យាទំនើប។ រីឯផ្ទៃខាងខ្នងវិញ ផ្នែកកណ្តាលបង្ហាញពីរូបភាពប្រាសាទបាគងនៃក្រុមប្រាសាទរលួស ក្នុងខេត្តសៀមរាប ផ្នែកខាងស្តាំមានរូបភាពកូនដំរីតាមគំរូចម្លាក់ថ្មនៅប្រាសាទកោះកេរ ខេត្តព្រះវិហារ និងផ្នែកខាងឆ្វេងមានអក្សរ «ធនាគារជាតិនៃកម្ពុជា» ព្រមទាំងអក្សរឡាតាំង «NATIONAL BANK OF CAMBODIA» ចម្លាក់នាគមួយគូ និងលេខឆ្នាំ «2026» នៅផ្នែកខាងក្រោម។

ដោយឡែក ចំពោះធនប័ត្រប្រភេទ ១០០,០០០ រៀល គំរូថ្មីវិញ ត្រូវបានរចនាឡើងដោយមានទំហំបណ្តោយ ១៧០ មីលីម៉ែត្រ និងទទឹង ៧៥ មីលីម៉ែត្រ ព្រមទាំងមានពណ៌ចម្បងគឺពណ៌បៃតង និងពណ៌ប្រផេះ។ នៅផ្ទៃខាងមុខ ផ្នែកកណ្តាលខាងស្តាំរំលេចនូវព្រះឆាយាល័ក្ខណ៍នៃព្រះករុណា ព្រះបរមរតនកោដ្ឋ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ដោយមានលេខ «១០០០០០» ហត្ថលេខាថ្នាក់ដឹកនាំធនាគារជាតិ រូបព្រះសង្ហារនៃព្រះរាជាណាចក្រកម្ពុជា រូបចម្លាក់នាគក្បាល៩ អក្សរ «មួយសែនរៀល» ព្រមទាំងបន្ទះ Hologram ទំហំ ១០ មីលីម៉ែត្រ និងនិមិត្តសញ្ញាសម្រាប់ជនពិការភ្នែកដូចគ្នាផងដែរ។

ចំណែកឯផ្ទៃខាងខ្នង ផ្នែកកណ្តាលបានរំលេចនូវព្រះឆាយាល័ក្ខណ៍រួមគ្នានៃអង្គក្សត្រទាំងបីព្រះអង្គ គឺព្រះករុណា ព្រះបរមរតនកោដ្ឋ សម្តេចព្រះវររាជមាតាជាតិខ្មែរ និងព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា អមដោយរូបភាពស្តេចគ្រុឌឈរសម្ដែងឫទ្ធិ តាមគំរូថ្មនៅប្រាសាទព្រះខ័ន ខេត្តសៀមរាប នៅផ្នែកខាងស្តាំ និងមានឈ្មោះស្ថាប័នជាភាសាខ្មែរ-អង់គ្លេស រួមជាមួយលេខឆ្នាំ «2026» នៅផ្នែកខាងឆ្វេង។

ធនាគារជាតិនៃកម្ពុជា បានបញ្ជាក់ថា ការចេញផ្សាយធនប័ត្រគំរូថ្មីនេះ គឺដើម្បីលើកកម្ពស់គុណភាព និងសុវត្ថិភាពរូបិយវត្ថុជាតិ ព្រមទាំងបានអំពាវនាវដល់សាធារណជនទាំងអស់ ឱ្យយកចិត្តទុកដាក់ពិនិត្យ និងសម្គាល់នូវលក្ខណៈសម្គាល់ផ្លូវការទាំងនេះឱ្យបានច្បាស់លាស់ ដើម្បីធានានូវភាពត្រឹមត្រូវ និងជៀសវាងការភាន់ច្រឡំផ្សេងៗក្នុងការទូទាត់សាច់ប្រាក់ប្រចាំថ្ងៃ៕

The post ចេញជាផ្លូវការហើយ! ធនាគារជាតិនៃកម្ពុជា បង្ហាញរូបរាង និងលក្ខណៈសម្គាល់ក្រដាសប្រាក់គំរូថ្មី ៥០,០០០ រៀល និង ១០០,០០០ រៀល appeared first on .

សម្រាប់តម្លៃក្នុង ១តម្លឹង គឺមានតម្លៃ ៥,២៥០ ដុល្លារ ជាតម្លៃលក់ចេញ និងទិញចូលក្នុងតម្លៃ ៥,២០០ ដុល្លារ។ ដោយឡែកសម្រាប់មាសគ្រឿងអលង្ការ មានតម្លៃ ៥,២៥០ ដុល្លារ ជាតម្លៃលក់ចេញ និងទិញចូលក្នុងតម្លៃ ៥,១៥០ ដុល្លារ។ នេះបើយោងតាមតារាងហាងឆេងមាសប្រចាំថ្ងៃ ពីហាងមាសពេជ្រ CSNJ របស់លោកឧកញ៉ា ចិន សំណាង នាព្រឹក ម៉ោង ០៩:៣០ នាទី ថ្ងៃទី២៣ ខែកញ្ញានេះ។

សូមជម្រាបជូនថា តម្លៃមាសអាចមានការផ្លាស់ប្ដូររៀងរាល់ ៣០ នាទីម្ដង ទៅតាមការប្រែប្រួលតម្លៃមាសនៅលើទីផ្សារអន្តរជាតិ។

ហាងមាសពេជ្រ CSNJ របស់លោកឧកញ៉ា ចិន សំណាង ជាហាងដែលបានបង្កើតឡើងដោយកូនខ្មែរ ១០០% ដែលជាអ្នកជំនាញខាងច្នៃគ្រឿងអលង្ការបញ្ចប់ការសិក្សាពីវិទ្យាស្ថាន GIA ទីក្រុងហុងកុង និងពីប្រទេសឥណ្ឌា។

ហាងមាសពេជ្រ CSNJ មានលក់មាសពេជ្រជាច្រើនជម្រើស មានលក់ទាំងប្រភេទខ្សែកអ៊ីតាលី មាសគីឡូដុំ និងត្បូងមានតម្លៃរបស់ខ្មែរគ្រប់ប្រភេទ។ ហាងនេះមានអាសយដ្ឋានស្ថិតនៅផ្ទះលេខ 39B & 39C មហាវិថីអ្នកឧកញ៉ាមហាភក្តីសប្បុរសភោគាធិបតី ហ៊ុន នាង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ៕

The post ឡើង ឬនៅទ្រឹង? មកមើលហាងឆេងមាសព្រឹកនេះ ទាំងមាសគីឡូ និងគ្រឿងអលង្ការពីហាងមាសពេជ្រ CSNJ appeared first on .

នៅលើបណ្ដាញសង្គមផ្លូវការ នៅថ្ងៃទី២១ ខែកញ្ញា ឆ្នាំ២០២៦ លោក វ៉ាង វិនពីន បានគូសបញ្ជាក់យ៉ាងច្បាស់ថា «កម្ពុជាមានសក្តានុពលអភិវឌ្ឍន៍ដ៏ធំធេង និងទូលំទូលាយ។ យើងរីករាយក្នុងការសហការជាមួយកម្ពុជា ដើម្បីអនុវត្តកុងសង់ស៊ីសយុទ្ធសាស្ត្រដែលសម្រេចបានដោយថ្នាក់ដឹកនាំនៃប្រទេសទាំងពីរ បន្តពង្រឹងខ្លឹមសារនៃក្របខ័ណ្ឌកិច្ចសហប្រតិបត្តិការ “វិស័យអាទិភាពចំនួន៦” ជំរុញការអភិវឌ្ឍ “ច្រករបៀងត្រី-អង្ករ” និង “ច្រករបៀងឧស្សាហកម្ម” ឱ្យមានវឌ្ឍនភាពជាលំដាប់ នឹងកសាងទំនាក់ទំនងចិន-កម្ពុជាឱ្យក្លាយជាគំរូនៃសហគមន៍វាសនារួមសម្រាប់មនុស្សជាតិ និងរួមគ្នាសម្រេចបាននូវការស្តារឡើងវិញដ៏មហិមានៃប្រជាជាតិចិននិងប្រជាជាតិកម្ពុជា។»

ការលើកឡើងរបស់ប្រមុខការទូតចិនរូបនេះ ធ្វើឡើងស្របពេលដែលស្ថានទូតចិនប្រចាំកម្ពុជាបានរៀបចំពិធីលៀងសាយភោជន៍អបអរសាទរខួបលើកទី៧៧ នៃការបង្កើតសាធារណរដ្ឋប្រជាមានិតចិន នៅសណ្ឋាគារសូហ្វីតែល ភ្នំពេញ ភូគីត្រា ដោយមានការអញ្ជើញចូលរួមជាកិត្តិយសដ៏ខ្ពង់ខ្ពស់ពីសំណាក់ថ្នាក់ដឹកនាំកំពូលៗរបស់កម្ពុជា។

យោងតាមក្របខ័ណ្ឌកិច្ចសហប្រតិបត្តិការត្បូងពេជ្រ ដែលថ្នាក់ដឹកនាំនៃប្រទេសទាំងពីរបានឯកភាពគ្នា វិស័យអាទិភាពទាំង៦ រួមមាន នយោបាយ, សមត្ថភាពផលិតកម្ម, កសិកម្ម, ថាមពល, សន្តិសុខ និងការផ្លាស់ប្តូរប្រជាជននិងប្រជាជន។ ក្នុងនោះ «ច្រករបៀងត្រី និងអង្ករ» មានគោលដៅប្រែក្លាយតំបន់ជុំវិញបឹងទន្លេសាបឱ្យទៅជាមជ្ឈមណ្ឌលកសិកម្មទំនើប ដើម្បីបង្កើនការកែច្នៃ និងនាំចេញកសិផលកម្ពុជាទៅកាន់ទីផ្សារចិន ខណៈ «ច្រករបៀងឧស្សាហកម្ម» ផ្តោតលើការអភិវឌ្ឍខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណង។

ភាគីចិនបានបង្ហាញជំនឿជាក់យ៉ាងមុតមាំថា ទំនាក់ទំនងទ្វេភាគីដែលឈរលើមូលដ្ឋាននៃការជឿទុកចិត្ត និងមិត្តភាពដែកថែបនេះ នឹងបន្តជាកម្លាំងចលករយ៉ាងសំខាន់ក្នុងការជំរុញកំណើនសេដ្ឋកិច្ច លើកកម្ពស់ជីវភាពប្រជាជន និងនាំមកនូវការអភិវឌ្ឍរួមគ្នាប្រកបដោយចីរភាពសម្រាប់ប្រជាជាតិទាំងពីរ៕

The post ទូតចិនគូសរំលេចពីសក្ដានុពលកម្ពុជា និងប្តេជ្ញាបន្តពង្រឹងកិច្ចសហប្រតិបត្តិការ «ត្បូងពេជ្រ» លើវិស័យអាទិភាពទាំង៦ appeared first on .

វេទិកានេះ ត្រូវបានរៀបចំឡើងស្របពេលជាមួយនឹងមហាសន្និបាតអង្គការសហប្រជាជាតិ ដោយបាន​ប្រមូលផ្តុំទៅដោយថ្នាក់ដឹកនាំជាន់ខ្ពស់មកពីជុំវិញពិភពលោក រួមមាន រដ្ឋមន្ត្រីរាជរដ្ឋាភិបាល ប្រធាន​មូល​និធិវិនិយោគរបស់រដ្ឋ (SWF) ថ្នាក់ដឹកនាំស្ថាប័នហិរញ្ញវត្ថុលំដាប់ពិភពលោក និងនាយកប្រតិបត្តិ​នៃក្រុមហ៊ុនឈានមុខគេនានា ដើម្បីពិភាក្សាលើការកំណត់ទិសដៅសេដ្ឋកិច្ចពិភពលោក។

ក្នុងចំណោមអ្នកចូលរួម ក្នុងនោះយើងឃើញមានវត្តមាននៃការអញ្ជើញចូលរួមរបស់ លោក Michael R. Bloomberg ស្ថាបនិកក្រុមហ៊ុន Bloomberg L.P. និង Bloomberg Philanthropies, ឯកឧត្តម Sheikh Mohammed bin Abdulrahman bin Jassim Al Thani នាយករដ្ឋមន្ត្រី និងជារដ្ឋមន្ត្រីការ​បរទេសនៃរដ្ឋកាតា, លោកស្រី Jane Fraser ប្រធាន និងនាយកប្រតិបត្តិនៃធនាគារ Citi និងលោកស្រី Kristalina Georgieva នាយិកាគ្រប់គ្រងនៃមូលនិធិរូបិយវត្ថុអន្តរជាតិ (IMF)។ កិច្ចពិភាក្សាក្នុងវេទិកានេះបានផ្តោតលើប្រធានបទសំខាន់ៗ រួមមាន ការពង្រឹងលើការដឹកជញ្ជូន​តាមឈូងសមុទ្រ និងខ្សែសង្វាក់ផ្គត់ផ្គង់ ការកៀរគរមូលធនសម្រាប់ការវិនិយោគរយៈពេលវែង និងយុទ្ធសាស្ត្រ​ដែលរដ្ឋាភិបាលអាចអនុវត្ត ដើម្បីកសាងជាតិឱ្យមានភាពរឹងមាំ និងមានសមត្ថភាព​ប្រកួតប្រជែងនៅលើឆាកអន្តរជាតិ។ ប្រធានបទទាំងនេះក៏ស្របទៅនឹងចក្ខុវិស័យ និងទិសដៅ​យុទ្ធសាស្ត្រ​របស់ WorldBridge Group ដែលកំពុងផ្តោតលើការវិនិយោគក្នុង​គម្រោងហេដ្ឋារចនាសម្ព័ន្ធ ភស្តុភារកម្ម ហិរញ្ញវត្ថុ និងវិស័យអាទិភាពផ្សេងៗ ដើម្បីរួមចំណែកជំរុញ​កំណើនសេដ្ឋកិច្ច និងបង្កើនភាពប្រកួតប្រជែងរបស់កម្ពុជា និងតំបន់។

ការចូលរួមរបស់ អ្នកឧកញ៉ា សៀ ឫទ្ធី ក្នុងវេទិកាសេដ្ឋកិច្ចអន្តរជាតិនៅទីក្រុងញូរយ៉កនេះ បានឆ្លុះបញ្ចាំង​ពីការកើនឡើងនៃភាពលេចធ្លោរបស់កម្ពុជា នៅលើឆាកសេដ្ឋកិច្ចតំបន់ និងអន្តរជាតិ ព្រមទាំងបញ្ជាក់ពីគោលជំហររបស់ក្រុមហ៊ុន WorldBridge Group ក្នុងនាមជាដៃគូយុទ្ធសាស្ត្រ​ដ៏គួរឱ្យទុកចិត្ត​សម្រាប់វិនិយោគិន និងស្ថាប័នអន្តរជាតិ ដែលកំពុងស្វែងរកឱកាសវិនិយោគនៅក្នុងតំបន់ និងក្នុងប្រទេសកម្ពុជា។

ទន្ទឹមនឹងនេះ ក្រុមហ៊ុន WorldBridge Group នឹងបន្តចូលរួមក្នុងវេទិកាអន្តរជាតិសំខាន់ៗនានា ដើម្បីពង្រឹងការតភ្ជាប់ពាណិជ្ជកម្ម ទាក់ទាញការវិនិយោគ ដើម្បីចូលរួមចំណែកក្នុងការកំណត់ទិសដៅ និងជំរុញកំណើនសេដ្ឋកិច្ចជាតិ និងក្នុងតំបន់ប្រកបដោយចីរភាព៕

The post អ្នកឧកញ៉ា សៀ ឬទ្ធី ចូលរួមវេទិកាសេដ្ឋកិច្ចកាតា ក្រោមការរៀបចំ​ពិសេស​អមមហាសន្និបាត​អង្គការ​សហប្រជាជាតិ (UNGA) ឆ្នាំ២០២៦ នៅទីក្រុងញូវយ៉ក appeared first on .

ជ័យជម្នះនេះ បានធ្វើឱ្យកីឡាករវ័យក្មេងរូបនេះរំភើបរហូតស្រក់ទឹកភ្នែក លុតជង្គង់គោរពអរគុណឪពុកម្តាយលើសង្វៀនតែម្តង ដែលអ្នកមានគុណតែងតែផ្តល់កម្លាំងចិត្ត និងគាំទ្រលោករហូតមក។​អ្វីដែលកាន់តែរំជួលចិត្តនោះ គឺម្តាយរបស់ រមលី បាននាំយកសម្លៀកបំពាក់មួយឈុតពីខេត្តបាត់ដំបង មកជូនកូនជាកាដូ ព្រោះដឹងថាកូនស្រឡាញ់ ប៉ុន្តែមិនដែលហ៊ានចំណាយលុយទិញ។ រមលី ក៏បានស្លៀកពាក់សម្លៀកបំពាក់នោះនៅលើសង្វៀនភ្លាមៗ ក្នុងថ្ងៃដែលសម្រេចក្តីស្រមៃរបស់ខ្លួន។

ក្នុងរាត្រីនេះ សង្វៀនដាហ្សក៏បានរកឃើញម្ចាស់ពាន និងខ្សែក្រវាត់ផ្សេងទៀតផងដែរ។ ក្នុងនោះ កីឡាករ ប៉ែន កាក់មហាម៉ាត់ ទទួលបានពានអមដោយប្រាក់រង្វាន់ ៦លានរៀល ខណៈកីឡាករ ហ៊ីម គឹមរៀង ទទួលបានខ្សែក្រវាត់អមដោយប្រាក់រង្វាន់ ១២លានរៀល។ ចំណែកកីឡាការិនី ទូច ចាន់វត្តី ក៏បានដណ្តើមពានដោយយកឈ្នះកីឡាការិនី ណើន ស្រីណា ផងដែរ។

តាមរយៈការបន្តបង្កើតសង្វៀនប្រកួតប្រជែង និងផ្តល់ប្រាក់រង្វាន់លើកទឹកចិត្ត ភេសជ្ជៈប៉ូវកម្លាំងដាហ្ស បានជំរុញឱ្យកីឡាករគុនខ្មែរខិតខំហ្វឹកហាត់ ពង្រឹងសមត្ថភាព និងមានឱកាសបង្កើនប្រាក់ចំណូលពីអាជីពកីឡា។ ទន្ទឹមនឹងនេះ ដាហ្ស ក៏បន្តផ្តល់វេទិកាដល់កីឡាកររៀមច្បង និងជើងខ្លាំងជាច្រើនរូប ដើម្បីបង្ហាញបច្ចេកទេស និងបទពិសោធន៍ប្រកួត ដែលអាចជួយឱ្យកីឡាករជំនាន់ក្រោយបានសិក្សា និងអភិវឌ្ឍក្បាច់គុនរបស់ខ្លួនបន្ថែមទៀត។

គួរបញ្ជាក់ថា ព្រឹត្តិការណ៍ «ដាហ្ស អ្នកចម្បាំងគុនខ្មែរ» រដូវកាលទី៣ ត្រូវបានរៀបចំឡើងក្រោមការឧបត្ថម្ភផ្តាច់មុខពីភេសជ្ជៈប៉ូវកម្លាំងដាហ្ស ដោយបានឈានដល់វគ្គផ្តាច់ព្រ័ត្រ កាលពីថ្ងៃទី២០ ខែកញ្ញា ឆ្នាំ២០២៦ នៅសង្វៀនប៉ុស្តិ៍លេខ៥ ព្រែកកំពិស។

ដាហ្ស ផ្តល់កម្លាំងឱ្យគុនខ្មែរកាន់តែខ្លាំង ឈរជើងជានិរន្តរ៍លើឆាកអន្តរជាតិ!

The post កីឡាករ សុភាព រមលី លុតជង្គង់អរគុណឪពុកម្តាយទាំងទឹកភ្នែក ឈ្នះខ្សែក្រវាត់ដាហ្ស ១ម៉ឺនដុល្លារក្នុងវ័យ ១៧ឆ្នាំ appeared first on .

“ពាក្យ ‘ជីវាភីតា’ ដែលមានប្រភពពីភាសាសំស្ក្រឹត មានន័យថា ‘ការរស់រានឡើងវិញ’ ដែលឆ្លុះបញ្ចាំងពីទស្សនវិស័យនៃការស្តារតុល្យភាព ថាមពល និងសុខុមាលភាពទាំងផ្លូវកាយ និងផ្លូវចិត្ត។” ដែលជាគោលគំនិតស្នូលនៃស្ប៉ា រាល់ការព្យាបាលត្រូវបានរៀបចំឡើងយ៉ាងយកចិត្តទុកដាក់ ដើម្បីឆ្លើយតបទៅនឹងតម្រូវការរបស់ភ្ញៀវ មិនថាជាជនជាតិខ្មែរ ឬជនបរទេសដែលកំពុងរស់នៅ និងធ្វើការនៅភ្នំពេញនោះទេ។ 

ចាប់ពីការម៉ាស្សាសម្រាកបន្ធូរអារម្មណ៍ ការថែរក្សាស្បែកមុខ និងរាងកាយ ការថែទាំសុខភាពសក់ រហូតដល់ការព្យាបាលសុខុមាលភាពបែបទំនើប ភ្ញៀវគ្រប់រូបនឹងទទួលបានបទពិសោធន៍ដែលជួយបំបាត់ភាពតានតឹង និងស្តារតុល្យភាពជីវិតឡើងវិញ។ ក្រោមការថែទាំពីអ្នកជំនាញដែលមានបទពិសោធន៍ រាល់ពេលវេលានៅជីវាភីតាស្ប៉ា ត្រូវបានបង្កើតឡើងដើម្បីឱ្យភ្ញៀវមានអារម្មណ៍ស្រស់ស្រាយ និងមានទំនុកចិត្តជាថ្មី។ 
ដើម្បីបំពេញបទពិសោធន៍សុខុមាលភាពឱ្យកាន់តែពេញលេញ ភ្ញៀវអាចរីករាយជាមួយអាងហែលទឹកខាងក្រៅដ៏ស្រស់ស្អាត បន្ទប់ស្ទីម អាងទឹកក្តៅ បន្ទប់អំបិលហិម៉ាល័យ និងមជ្ឈមណ្ឌលហាត់ប្រាណទំនើប ដែលសុទ្ធសឹងជាផ្នែកមួយនៃការថែរក្សាសុខភាព និងការសម្រាកក្នុងបរិយាកាសប្រណីត និងស្ងប់ស្ងាត់។ 

មិនថាលោកអ្នកកំពុងស្វែងរកការសម្រាកក្រោយថ្ងៃធ្វើការដ៏មមាញឹក ការថែទាំខ្លួនឯងនៅចុងសប្ដាហ៍ ឬក៏ការផ្តល់រង្វាន់ពិសេសសម្រាប់ខ្លួនឯងនោះទេ ជីវាភីតាស្ប៉ា គឺជាគោលដៅដ៏ល្អឥតខ្ចោះសម្រាប់ការស្តារថាមពល ថែរក្សាសម្រស់ និងសុខុមាលភាព។ 

ជីវាភីតាស្ប៉ា ស្ថិតនៅជាន់ទី៣ នៃសណ្ឋាគារ ហៃយ៉ាត់ រីជិនស៊ី ភ្នំពេញ។  

បើករៀងរាល់ថ្ងៃច័ន្ទ ដល់ថ្ងៃ អាទិត្យ ចាប់ពីម៉ោង ១១:៣០ ព្រឹក ដល់ម៉ោង ៩:៣០យប់។  
ជីវាភីតាស្ប៉ា បើកសេវាកម្មប្រើប្រាស់អាងហែលទឹកសម្រាប់ភ្ញៀវទូទៅ

តម្លៃ៖ 
ថ្ងៃធម្មតា៖  
– ២០ដុល្លារ++ សម្រាប់មនុស្សធំម្នាក់  
– ១០ដុល្លារ++ សម្រាប់កុមារម្នាក់ 
 
ថ្ងៃចុងសប្តាហ៍៖  
– ៣០ដុល្លារ++ សម្រាប់មនុស្សធំម្នាក់  
– ២០ដុល្លារ++ សម្រាប់កុមារម្នាក់ 
 
សូមអញ្ជើញមកស្វែងរកភាពស្រស់ស្រាយ និងតុល្យភាពថ្មីសម្រាប់ជីវិតរបស់អ្នក។ 
សម្រាប់ព័ត៌មានបន្ថែម សូមចូលទៅកាន់គេហទំព័រ៖  
https://www.hyatt.com/hyatt-regency/en-US/pnhrp-hyatt-regency-phnom-penh/jivapita-spa  
ទំនាក់ទំនង៖ ០២៣ ២៣១ ២៣៤| phnompenh.regency@hyatt.com 
អាសយដ្ឋាន៖ ផ្ទះលេខ ៥៥ ផ្លូវ ១៧៨ សង្កាត់ ជ័យជំនះ រាជធានីភ្នំពេញ

The post ជីវាភីតាស្ប៉ា ជាទីកន្លែងសុខុមាលភាពដ៏ប្រណីតនៅក្នុងសណ្ឋាគារ ហៃយ៉ាត់ រីជិនស៊ី ភ្នំពេញ  appeared first on .

សាប៊ូកក់សក់​  និងសាប៊ូដុសខ្លួន BLOOM​ ជាផលិតផលថ្មីស្រឡាងរបស់ក្រុមហ៊ុន ​ជីប ម៉ុង ដែលផ្តោតខ្លាំងលើគុណភាពខ្ពស់ ស្របតាមតម្រូវការរបស់អ្នកប្រើប្រាស់ ហើយកំពុងតែមានលក់លើទីផ្សារនៃប្រទេសកម្ពុជាចាប់ពីថ្ងៃនេះតទៅ។

សាប៊ូកក់សក់ BLOOM ជួយបំប៉ន និងផ្ដល់សំណើមដល់សរសៃសក់ ធ្វើអោយសក់ទន់ ភ្លឺរលោង និងរឹងមាំចាប់តាំងពីឬសដល់ចុងសក់ ។ សាប៊ូកក់សក់ BLOOM មាន ២ ប្រភេទ គឺ BLOOM Silky Gloss ជាសាប៊ូកក់សក់ ក្លិនផ្កាសាគូរ៉ា ធ្វើអោយសរសៃសក់ទន់រលោង​​ និងមានក្លិនក្រអូប និង BLOOM Anti-Dandruff ជាសាប៊ូកក់សក់ Menthol ជំនាញខាងកម្ចាត់អង្គែ និងធ្វើឱ្យស្បែកក្បាលត្រជាក់ស្រស់ស្រាយ។ BLOOM ក៏មាន ក្រែមបន្ទន់សក់ ដែលជួយបំប៉ន និងផ្ដល់សំណើមដល់សរសៃសក់ ធ្វើឱ្យ សក់ទន់ ភ្លឺរលោង និងរឹងមាំ។

សាប៊ូដុសខ្លួន BLOOM ផលិតពីក្លិនផ្កាជាច្រើនប្រភេទ លាយជាមួយនឹងក្លិនទឹកអប់ ដែលធ្វើឱ្យស្បែកទន់រលោង និងមានក្លិនក្រអូបពេញមួយថ្ងៃ។ សាប៊ូដុសខ្លួន BLOOM មាន ២ ជម្រើស គឺ BLOOM Rose Perfume Luxury មានក្លិនផ្កា ក្រអូប​​ ផ្ដល់សំណើមដល់ស្បែក ក្រោយពេលដុសលាងសម្អាតរាងកាយ និង BLOOM Red Satin Geranium Luxury មានក្លិនផ្កាចម្រុះ លាយនឹងក្លិនទឹកអប់ ធ្វើអោយស្បែកទន់ក្រអូប​។

គួររំលឹកដែរថា ក្រុមហ៊ុន ជីប ម៉ុង ខនស៊ូមើហ្គូដស៍ មានម៉ាកផលិតផលជាច្រើនដូចជា៖ Ora Cambodia, Phka Chhouk Milk, Healthy Plus, Veggie Plus, YUMMI COOK និងបានបន្ថែមនូវផលិតផលមួយដ៏ថ្មីស្រឡាងមួយទៀតនេះគឺ ​BLOOM by Ora។

BLOOM គ្មានអង្គែ ទន់រលោង!

BLOOM​ ទន់រលោង ក្លិនក្រអូបជាប់ខ្លួន!

មាន BLOOM មានទំនុកចិត្ត! ផលិតផល ជីប ម៉ុង ស្តង់ដារគុណភាពខ្ពស់!

The post សាប៊ូកក់សក់ និងសាប៊ូដុសខ្លួន BLOOM របស់ក្រុមហ៊ុន ជីប ម៉ុង ចេញលក់លើទីផ្សារហើយ appeared first on .

ក្នុងឱកាសនេះ លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង ព្រមទាំងលោកអគ្គនាយកបន្តវេន អ៊ឹង វីរៈ នៃក្រុមហ៊ុន ខ្មែរ ប៊ែវើរីជីស បាននាំយកទឹកដោះគោផ្កាឈូកទៅប្រគល់ជូនដល់មន្ទីរពេទ្យដោយផ្ទាល់ រួមមាន៖ មន្ទីរពេទ្យកាល់ម៉ែតចំនួន ៤៧៩៥ កេស, មន្ទីរពេទ្យមិត្តភាពខ្មែរ-សូវៀតចំនួន ៣០២៨ កេស, និងមន្ទីរពេទ្យមិត្តភាពកម្ពុជា-ចិន ព្រះកុសុមៈចំនួន ១៨៣៧ កេស។ សកម្មភាពទាំងនេះ បានបង្ហាញពីការយកចិត្តទុកដាក់របស់ ជីប ម៉ុង ចំពោះសុខុមាលភាពរបស់បងប្អូនប្រជាជនខ្មែរ តាមរយៈការចែករំលែកក្តីស្រលាញ់ និងការគាំទ្រទៅកាន់សហគមន៍ជាបន្តបន្ទាប់។

ជាផ្នែកមួយនៃសកម្មភាពសប្បុរសធម៌របស់យុទ្ធនាការចែករំលែកទឹកដោះគោផ្កាឈូកសរុបជាង ២ ម៉ឺនកេស ជីប ម៉ុង ក៏បានប្រគល់ទឹកដោះគោផ្កាឈូកសរុបជាង ៥០០០ កេសជូនដល់មន្ទីរពេទ្យគន្ធបុប្ជាភ្នំពេញ និងមន្ទីរពេទ្យកុមារជាតិ។ មិនតែប៉ុណ្ណោះ ថ្នាក់ដឹកនាំកំពូលរបស់ ជីប ម៉ុង ក៏បាននាំយកទឹកដោះគោសរុបជាង ៤០០0 កេស ឧបត្ថម្ភទៅកាន់មន្ទីរពេទ្យកុមារអង្គរ និងមន្ទីរពេទ្យគន្ធបុប្ជាខេត្តសៀមរាប។ ជាមួយគ្នានោះ ជីប ម៉ុង ក៏បានឧបត្ថម្ភជាថវិកា និងសម្ភារៈប្រើប្រាស់ចាំបាច់ សរុបជាទឹកប្រាក់ចំនួន ៧៨០ លានរៀល ជូនប្រជាពលរដ្ឋចំនួន ៣៥០០ គ្រួសារ ដែលកំពុងស្នាក់នៅ «ភូមិរង់ចាំ» ផងដែរ។

ស្មារតីរួបរួមគ្នា ខ្មែរ ស្រលាញ់ ខ្មែរ

The post ជីប ម៉ុង បន្តយុទ្ធនាការចែករំលែកទឹកដោះគោផ្កាឈូកជាង ១ ម៉ឺនកេសជូនមន្ទីរពេទ្យធំៗ ៣ នៅរាជធានីភ្នំពេញ appeared first on .

ក្រុមហ៊ុន WorldBridge មានការចូលរួមពីក្រុមវិនិយោគិនស្ថាបនិក ដោយមាន អ្នកឧកញ៉ា ថៃ ជាហួត និង ឧកញ៉ា ហៀង ប៊ុនប៉េង នៃក្រុមហ៊ុន ប៉េង ហួត គ្រុប, ឧកញ៉ា ថៃ ស៊ាង នៃក្រុមហ៊ុន TSNR Distribution Co., Ltd, អ្នកឧកញ៉ា ប៊ុន ហៃ នៃក្រុមហ៊ុន បុរី ភ្នំពេញថ្មី និង អ្នកឧកញ៉ា លី ហុង នៃក្រុមហ៊ុន បុរីអង្គរផាលេស។ ទន្ទឹមនឹងនេះ ការអញ្ជើញក្រុមអ្នកធុរកិច្ចដែលមានសក្ដានុពលផ្សេងទៀតឱ្យចូលរួមជាវិនិយោគិន ក៏កំពុងបន្តធ្វើឡើង នៅប៉ុន្មានសប្តាហ៍ខាងមុខនេះ មុនពេលការបិទបញ្ចប់នៃការប្រមូលទុនវិនិយោគក្នុងដំណាក់កាលដំបូងនេះផងដែរ។

កំពុងដឹកនាំសម្ព័ន្ធសមាគមអ្នកឧកញ៉ា ដែលជាទីគោរពដ៏ខ្ពង់ខ្ពស់បំផុតរបស់កម្ពុជា ក្នុងនាមជាវិនិយោគិនស្ថាបនិក។ ការអញ្ជើញបន្ថែមទៀតកំពុងត្រូវបានពង្រីក ដើម្បីជ្រើសរើសគ្រួសារធុរកិច្ចកម្ពុជា នៅប៉ុន្មានសប្តាហ៍ខាងមុខនេះ មុនពេលមូលនិធិនេះបិទដំណាក់កាលដំបូងមូលនិធិ Mekong Growth Fund នឹងវិនិយោគលើសមាសភាគផ្គូផ្គងគ្នាចំនួនបី រួមមាន ទ្រព្យសម្បត្តិសម្រាប់កំណើន និងហេដ្ឋារចនាសម្ព័ន្ធនៅកម្ពុជា ច្រករបៀងមេគង្គ និងតំបន់អាស៊ាន; ទីផ្សារសាធារណៈសកលដែលផ្តល់សាច់ប្រាក់ងាយស្រួល និងពិពិធកម្ម និងការវិនិយោគលើភាគហ៊ុនឯកជន និងកំណើននៅទូទាំងតំបន់ និងសកលលោក។

មូលនិធិ Mekong Growth Fund នឹងផ្តោតលើយុទ្ធសាស្ត្រវិនិយោគចម្រុះដែលមានសមាសភាគស្នូលចំនួនបី និងមានលក្ខណៈបំពេញបន្ថែមគ្នាទៅវិញទៅមក រួមមាន៖ (i) ការវិនិយោគលើទ្រព្យសកម្មពាក់ព័ន្ធនឹងកំណើនសេដ្ឋកិច្ច និងហេដ្ឋារចនាសម្ព័ន្ធនៅកម្ពុជា តំបន់ច្រកចេញចូលនៃតំបន់មេគង្គ និងតំបន់អាស៊ាន; (ii) ការវិនិយោគក្នុងទីផ្សារមូលបត្រសាធារណៈសកល ដើម្បីធានាប្រតិបត្តិការសាច់ប្រាក់ និងការធ្វើពិពិធកម្មផលប័ត្រវិនិយោគ; និង (iii) ការវិនិយោគលើភាគហ៊ុនឯកជន និងអាជីវកម្មដែលមានសក្តានុពល កំណើនខ្ពស់ ទាំងនៅក្នុងតំបន់ និងនៅលើទីផ្សារអន្តរជាតិ។

មូលនិធិនេះត្រូវបានបង្កើតឡើងដើម្បីផ្តល់ឱ្យទ្រព្យសម្បត្តិឯកជនដែលកំពុងរីកចម្រើនរបស់កម្ពុជា នូវលទ្ធភាពទទួលបាននូវវេទិកាវិនិយោគស្ថាប័នដែលគ្រប់គ្រងតាមបទប្បញ្ញត្តិជាសកល។ ក្នុងពេលជាមួយគ្នានេះ ក៏ដាក់ទីតាំងវិនិយោគិនអន្តរជាតិ រួមទាំងមូលនិធិទ្រព្យសម្បត្តិអធិបតេយ្យ គ្រឹះស្ថានហិរញ្ញវត្ថុអភិវឌ្ឍន៍ ដើម្បីសហការវិនិយោគជាមួយគ្រួសារធុរកិច្ចឈានមុខគេរបស់កម្ពុជា។ ធនាគារអភិវឌ្ឍន៍អាស៊ីប៉ាន់ស្មានថា អាស៊ានត្រូវការការវិនិយោគលើហេដ្ឋារចនាសម្ព័ន្ធប្រមាណ ២១០ ពាន់លានដុល្លារអាមេរិកក្នុងមួយឆ្នាំ រហូតដល់ឆ្នាំ ២០៣០ មូលនិធិនេះមានបំណងដឹកនាំដើមទុនអន្តរជាតិឆ្ពោះទៅរកឱកាសនេះ។

មូលនិធិនេះត្រូវបានបង្កើតឡើងក្នុងគោលបំណងដើម្បីផ្តល់ជូនការរីកចម្រើនយ៉ាងឆាប់រហ័សដល់ស្ថាប័នឯកជនក្នុងប្រទេសកម្ពុជា នូវលទ្ធភាពចូលរួមក្នុងវេទិកាវិនិយោគជាមួយស្ថាប័នដែលគ្រប់គ្រងស្របតាមបទប្បញ្ញត្តិ និងស្តង់ដារអន្តរជាតិ។ ទន្ទឹមនឹងនេះ មូលនិធិក៏នឹងដើរតួនាទីជាស្ពានតភ្ជាប់រវាងវិនិយោគិនក្នុងស្រុក និងវិនិយោគិនអន្តរជាតិ រួមទាំងមូលនិធិវិនិយោគរដ្ឋ (Sovereign Wealth Funds) ស្ថាប័នអភិវឌ្ឍន៍ផ្នែកហិរញ្ញវត្ថុ (Development Finance Institutions) ដើម្បីរួមសហការវិនិយោគជាមួយក្រុមអ្នកធុរកិច្ចឈានមុខគេរបស់កម្ពុជា។

យោងតាមការប៉ាន់ស្មានរបស់ធនាគារអភិវឌ្ឍន៍អាស៊ី (ADB) តំបន់អាស៊ានត្រូវការវិនិយោគលើហេដ្ឋារចនាសម្ព័ន្ធប្រមាណ ២១០ ពាន់លានដុល្លារអាមេរិកក្នុងមួយឆ្នាំរហូតដល់ឆ្នាំ ២០៣០ ហើយមូលនិធិនេះមានគោលបំណងរួមចំណែកទាក់ទាញ និងប្រមូលផ្តុំដើមទុនអន្តរជាតិដើម្បីគាំទ្រដល់ឱកាសវិនិយោគទាំងនោះ។

ជាផ្នែកមួយនៃការប្តេជ្ញាចិត្តដ៏ជាមូលដ្ឋាននៃគម្រោង ក្រុមហ៊ុនគ្រប់គ្រងមូលនិធិនេះនឹងបរិច្ចាគប្រាក់ចំណេញសុទ្ធ ១% ដល់មូលនិធិសប្បុរសធម៌មួយនៅក្នុងប្រទេសកម្ពុជា ដែលឆ្លុះបញ្ចាំងពីមហិច្ឆតារបស់មូលនិធិក្នុងការផ្តល់ប្រាក់ចំណេញសម្រាប់វិនិយោគិន ជាមួយនឹងអត្ថប្រយោជន៍ដ៏យូរអង្វែងសម្រាប់ប្រទេសកម្ពុជា។

ជាការប្តេជ្ញាចិត្តចំពោះគម្រោង ក្រុមហ៊ុនគ្រប់គ្រងមូលនិធិនឹងបរិច្ចាគ ១% នៃប្រាក់ចំណេញសុទ្ធ ទៅកាន់មូលនិធិសប្បុរសធម៌មួយនៅក្នុងប្រទេសកម្ពុជា ដែលវិធានការនេះឆ្លុះបញ្ចាំងពីបេសកកម្មរបស់មូលនិធិ ក្នុងការផ្តល់ប្រាក់ចំណេញសម្រាប់វិនិយោគិន ជាមួយនឹងអត្ថប្រយោជន៍ដ៏យូរអង្វែងសម្រាប់ប្រទេសកម្ពុជា។

“រឿងរីកចម្រើនរបស់កម្ពុជាសមនឹងទទួលបានវេទិកាវិនិយោគលំដាប់ពិភពលោកដោយខ្លួនឯង។ WorldBridge មានមោទនភាពក្នុងការដឹកនាំសម្ព័ន្ធស្ថាបនិកនៃគ្រួសារឧកញ៉ាដែលទទួលបានការគោរពជាទីបំផុតរបស់កម្ពុជា រួមជាមួយ Beryllus Capital ក្នុងការបង្កើតយានជំនិះដែលពង្រីកការជឿទុកចិត្ត និងមហិច្ឆតារបស់សហគមន៍ធុរកិច្ចរបស់យើងទៅក្នុងមូលនិធិដែលបង្កើតឡើងតាមស្តង់ដារអន្តរជាតិ។”

“ដំណើរការរីកចម្រើនរបស់កម្ពុជា សមនឹងទទួលបានវេទិកាវិនិយោគដែលត្រូវបានរៀបចំ និងគ្រប់គ្រងតាមស្តង់ដារអន្តរជាតិ។ WorldBridge មានមោទនភាពក្នុងការដឹកនាំក្រុមវិនិយោគិនស្ថាបនិក ដែលចូលរួមដោយបណ្តុំអ្នកឧកញ៉ាដែលមានលេចធ្លោក្នុងវិស័យធុរកិច្ចរបស់កម្ពុជា សហការជាមួយ Beryllus Capital ក្នុងការបង្កើតមូលនិធិនេះ។ មូលនិធិនេះនឹងក្លាយជាវេទិកាវិនិយោគដែលឆ្លុះបញ្ចាំងពីទំនុកចិត្ត សក្តានុពល និងមហិច្ឆតារបស់សហគមន៍ធុរកិច្ចកម្ពុជា តាមរយៈការគ្រប់គ្រងស្របតាមស្តង់ដារវិនិយោគអន្តរជាតិ។”

អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាល ក្រុមហ៊ុន WorldBridge Group

“The Mekong Growth Fund គឺជាគម្រោងដ៏សំខាន់មួយសម្រាប់សហគមន៍មូលធនឯកជនរបស់កម្ពុជា។ ដោយធ្វើការជាមួយប្រធានក្រុមប្រឹក្សាភិបាល សៀ ឬទ្ធី ក្រុមហ៊ុន WorldBridge និងសម្ព័ន្ធគ្រួសារឧកញ៉ាដែលចូលរួមជាវិនិយោគិនស្ថាបនិក យើងកំពុងបង្កើតវេទិកាប្រកបដោយវិន័យ ដែលមានបទប្បញ្ញត្តិតាមស្ថាប័ន ដែលផ្តល់ឱ្យគ្រួសារឈានមុខគេរបស់កម្ពុជា និងវិនិយោគិនអន្តរជាតិ ចូលក្នុងចំណោមឱកាសរីកចម្រើនដ៏គួរឱ្យទាក់ទាញបំផុតទូទាំងសកល។”

“មូលនិធិ Mekong Growth Fund គឺជាគំនិតផ្តួចផ្តើមដ៏សំខាន់មួយសម្រាប់សហគមន៍វិនិយោគ និងទ្រព្យសម្បត្តិឯកជនរបស់កម្ពុជា។ តាមរយៈកិច្ចសហការជាមួយ អ្នកឧកញ៉ា សៀ ឬទ្ធី ប្រធានក្រុមប្រឹក្សាភិបាលនៃ WorldBridge Group និងបណ្តុំអ្នកឧកញ៉ាដែលចូលរួមជាវិនិយោគិនស្ថាបនិក យើងកំពុងបង្កើតវេទិកាវិនិយោគដែលមានរចនាសម្ព័ន្ធប្រកបដោយក្រឹតវិន័យនៃស្ថាប័ន។ ដោយមូលនិធិនេះនឹងផ្តល់ឲ្យវិនិយោគិនកម្ពុជា និងវិនិយោគិនអន្តរជាតិនូវលទ្ធភាពចូលរួមក្នុងឱកាសវិនិយោគដែលមានសក្តានុពលកំណើនខ្ពស់ និងភាពទាក់ទាញបំផុតនៅក្នុងតំបន់ និងទូទាំងពិភពលោក។”

ខ្ញុំសូមថ្លែងអំណរគុណយ៉ាងជ្រាលជ្រៅជូនចំពោះ លោក Jas Sohl ដែលជាដៃគូយុទ្ធសាស្ត្រ និងម្ចាស់ភាគហ៊ុនរបស់ Beryllus Capital សម្រាប់ការប្តេជ្ញាចិត្ត និងការខិតខំប្រឹងប្រែងឥតឈប់ឈររបស់លោក ក្នុងការជំរុញ និងសម្រេចឱ្យបាននូវចក្ខុវិស័យនេះតាំងពីដំណាក់កាលដំបូង។ រាល់ទំនុកចិត្ត និងការគាំទ្ររបស់លោកបានដើរតួនាទីយ៉ាងសំខាន់ក្នុងការនាំយក WorldBridge, Beryllus Capital និងក្រុមវិនិយោគិនស្ថាបនិកដែលជាបណ្តុំអ្នកឧកញ៉ាឈានមុខគេរបស់កម្ពុជា មករួមសហការគ្នាក្នុងគំនិតផ្តួចផ្តើមដ៏សំខាន់នេះ។ យើងទន្ទឹងរង់ចាំបន្តកសាង និងអភិវឌ្ឍមូលនិធិនេះរួមគ្នា ព្រមទាំងស្វាគមន៍វិនិយោគិន និងដៃគូស្ថាបនិកបន្ថែមទៀត ឱ្យចូលរួមក្នុងដំណើរដ៏រីកចម្រើនរបស់មូលនិធិនាពេលខាងមុខ។”

លោក Amit Kotha ជាស្ថាបនិក និងប្រធាននាយកប្រតិបត្តិ ក្រុមហ៊ុន Beryllus Capital (UK) Ltd

អំពីក្រុមហ៊ុន WorldBridge Group

បង្កើតឡើងក្នុងឆ្នាំ ១៩៩២ ដោយអ្នកឧកញ៉ា សៀ ឬទ្ធី WorldBridge គឺជាក្រុមហ៊ុនអាជីវកម្មចម្រុះមួយក្នុងចំណោមក្រុមហ៊ុនធំបំផុតរបស់កម្ពុជា ដោយមានវិស័យធុរកិច្ចចាប់ពីភស្តុភារ អភិវឌ្ឍន៍អចលនទ្រព្យ ហេដ្ឋារចនាសម្ព័ន្ធឧស្សាហកម្ម សេវាហិរញ្ញវត្ថុ ព្រមទាំងបដិសណ្ឋារកិច្ច។ WorldBridge ត្រូវបានទទួលស្គាល់ថាជាអ្នកផ្តើមគំនិតឈានមុខគេក្នុងការបង្កើតឱកាសវិនិយោគ ព្រមទាំងហេដ្ឋារចនាសម្ព័ន្ធថ្នាក់ធំនៅទូទាំងប្រទេសកម្ពុជា និងតំបន់មេគង្គទាំងមូល ក៏ដូចជាកំពុងដឹកនាំសម្ព័ន្ធសមាគមគ្រួសារឧកញ៉ាដែលខ្ពង់ខ្ពស់ ក្នុងនាមជាដៃគូស្ថាបនិកនៃមូលនិធិ Beryllus Capital Mekong Growth Fund។

អំពីក្រុមហ៊ុន Beryllus Capital (UK) Ltd

Beryllus Capital គឺជាក្រុមហ៊ុនគ្រប់គ្រងការវិនិយោគ ដែលបានទទួលស្គាល់ជាផ្លូវការពី FCA នៃចក្រភពអង់គ្លេស ដោយមានទីស្នាក់ការនៅ Mayfair, London។ ក្រុមហ៊ុននេះភ្ជាប់ដើមទុនស្ថាប័នអន្តរជាតិជាមួយនឹងឱកាសកំណើន និងហេដ្ឋារចនាសម្ព័ន្ធដែលមានទំនុកចិត្តខ្ពស់នៅទូទាំងតំបន់អាស៊ីអាគ្នេយ៍ និងជាសកល ដោយផ្សំរវាងស្តង់ដារបទប្បញ្ញត្តិចក្រភពអង់គ្លេស ជាមួយសមត្ថភាពស្វែងរកឱកាស និងអនុវត្តការងារនៅតាមតំបន់។ Beryllus Capital (UK) Ltd គឺជាក្រុមហ៊ុនដែលស្របច្បាប់ និងគ្រប់គ្រងដោយអាជ្ញាធរអាកប្បកិរិយាហិរញ្ញវត្ថុ (FCA Reg. No. 966180)។

The post វើលប្រ៊ីដ គ្រុប ចាប់ដៃជាមួយក្រុមហ៊ុនអង់គ្លេស បង្កើតមូលនិធិវិនិយោគថ្មី រំពឹងទាក់ទាញរំហូរទុនបានដល់ ១ពាន់លានដុល្លារ appeared first on .