ពហុវិបត្តិកើតមានឡើងជាបន្តបន្ទាប់ ដែលកម្ពុជា បាន និងកំពុងជួបប្រទះរួមមានការផ្លាស់ប្តូររបបពាណិជ្ជកម្មសកល, ការកើនឡើងនៃភាពតានតឹងភូមិសាស្រ្តនយោបាយ, សង្រ្គាមឈ្លានពាន និងការរំលោភបំពានមកលើអធិបតេយ្យភាព និងបូរណភាពទឹកដីកម្ពុជា,សង្រ្គាមនៅតំបន់មជ្ឈិមបូព៌ា និងវិបត្តិសកលផ្សេងៗមួយចំនួនទៀត ។ ការផ្តល់ប្រាក់ឧបត្ថម្ភនេះនឹងផ្តល់ជាសាច់ប្រាក់បន្ថែមលើអត្ថប្រយោជន៍នានាដែលគ្រួសារមានបណ្ណសមធម៌ និងគ្រួសារងាយរងហានិភ័យ កំពុងតែទទួលបានពីរាជរដ្ឋាភិបាលស្រាប់ ដោយក្នុងមួយគ្រួសារនឹងទទួលបានប្រាក់ឧបត្ថម្ភបន្ថែម ៦ម៉ឺនរៀល និងសមាជិកគ្រួសារម្នាក់ៗ ៥ ពាន់រៀល បន្ថែមសម្រាប់អ្នករស់នៅរាជធានីភ្នំពេញ, អ្នករស់នៅទីប្រជុំជនក្រៅរាជធានីភ្នំពេញ ក្នុងមួយគ្រួសារនឹងទទួលបាន ៤ម៉ឺន៨ពាន់រៀល និងសមាជិកម្នាក់ៗ ៥ពាន់រៀលបន្ថែម, និងគ្រួសារនៅទីជនបទនឹងទទួលបាន ៤ម៉ឺនរៀលក្នុងមួយគ្រួសារ និងសមាជិកម្នាក់ៗ ៥ ពាន់រៀលបន្ថែម។

ការផ្តល់ប្រាក់ឧបត្ថម្ភនេះ នឹងធ្វើឡើងចំនួន ៤ លើក ក្នុងឆ្នាំ២០២៦ ក្នុងអំឡុងនៃការឡើងតម្លៃនៃប្រេង និងឧស្ម័នឥន្ធនៈ ដោយលើកទី១ នៅថ្ងៃទី២៥ ខែកញ្ញា ឆ្នាំ២០២៦ នេះ, លើកទី២ នៅថ្ងៃ១៦ ខែតុលា ឆ្នាំ២០២៦, លើកទី៣ នៅថ្ងៃទី១៦ ខែវិច្ឆិកា ឆ្នាំ២០២៦ និង លើកទី៤ នៅថ្ងៃទី១៦ ខែធ្នូ ឆ្នាំ២០២៦។ កម្មវិធីឧបត្ថម្ភសាច់ប្រាក់របស់រាជរដ្ឋាភិបាល ជូនគ្រួសារក្រីក្រ ងាយរងគ្រោះ និងងាយរងហានិភ័យ ដែលរងកម្មវិបាកពីសម្ពាធថ្លៃប្រេង និងឧស្ម័នឥន្ធនៈ នឹងផ្តល់សាច់ប្រាក់ដល់គ្រួសារក្រីក្រ និងងាយរងគ្រោះមាន បណ្ណសមធម៌ និងគ្រួសារមានបណ្ណងាយរងហានិភ័យ មានសុពលភាព ប្រមាណ ៤លាន ៦ សែននាក់ នៅទូទាំងប្រទេស។

សូមរម្លឹកជូនថា កន្លងមករាជរដ្ឋាភិបាលកម្ពុជា តាមរយៈក្រុមប្រឹក្សាជាតិគាំពារសង្គម តែងតែគិតគូរ និងយកចិត្តទុកដាក់ជាប្រចាំ លើសុខុមាលភាព និងជីវភាពរស់នៅរបស់ពលរដ្ឋ ជាពិសេសក្នុងគ្រាមានគ្រោះអាសន្ន តាមរយៈការដាក់ចេញនូវកម្មវិធីអន្តរាគមន៍ពិសេសមួយចំនួន ដូចជា កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងការប្រយុទ្ធនឹងជំងឺកូវីដ-១៩, កម្មវិធីជំនួយសង្គមជាសាច់ប្រាក់ ជូនគ្រួសារងាយរងហានិភ័យ ដែលរងផលប៉ះពាល់ធ្ងន់ធ្ងរពីគ្រោះទឹកជំនន់ និងកម្មវិធីឧបត្ថម្ភសាច់ប្រាក់ជូនគ្រួសារ ងាយរងហានិភ័យក្នុងអំឡុងមានសម្ពាធអតិផរណា ក៏ដូចជាកម្មវិធីអន្តរាគមន៍ពិសេសនានាជូន គ្រួសារភៀសសឹក ដោយសារជម្លោះព្រំដែនផងដែរ៕

The post រាជរដ្ឋាភិបាល ផ្តល់ប្រាក់ឧបត្ថម្ភដល់គ្រួសារក្រីក្រ ងាយរងគ្រោះ និងងាយរងហានិភ័យ ដែលបានរងសម្ពាធពីការឡើងថ្លៃប្រេង និងឧស្ម័នឥន្ធនៈ appeared first on .

នេះបើយោងតាមជំនួបពិភាក្សាកាលពីថ្ងៃទី២៣ ខែកញ្ញា ឆ្នាំ២០២៦ ក្រោមវត្តមានឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.)ជាមួយ គណៈប្រតិភូក្រុមហ៊ុន Chery Automobile Group Chery Automobile Co., Ltd. ដែលដឹកនាំដោយលោក YURUI ZHAO អ្នកគ្រប់គ្រងប្រចាំប្រទេសកម្ពុជានៃក្រុមហ៊ុន OMADA (CHERY)។

នាឱកាសនោះ គណៈប្រតិភូរបស់ក្រុមហ៊ុន Chery Automobile Group បានអញ្ជើញចូលជួបសម្តែងការគួរសមជាមួយថ្នាក់ដឹកនាំនៃក្រុមប្រឹក្សាអភិវឌ្ឍន៍កម្ពុជា។តំណាងគណៈប្រតិភូ ក៏បានប្រាប់ពីគោលបំណងផ្លាស់ប្តូរយោបល់ និងស្វែងយល់ឱ្យកាន់តែច្បាស់អំពីទីផ្សាររថយន្ត បរិយាកាសវិនិយោគ និងឱកាសអភិវឌ្ឍន៍អាជីវកម្មដែលមានសក្តានុពលនៅកម្ពុជា។

ជាការឆ្លើយតប ឯកឧត្តមឧបនាយករដ្ឋមន្ត្រី ស៊ុន ចាន់ថុល បានសម្តែងនូវការស្វាគមន៍យ៉ាងកក់ក្តៅ និងបានបញ្ជាក់អំពីការគាំទ្ររបស់រាជរដ្ឋាភិបាលកម្ពុជា ក្នុងការសម្រួលបរិយាកាសវិនិយោគ និងការផ្តល់កិច្ចសម្រួលច្បាប់ និងបទដ្ឋានគតិយុត្តផ្សេងៗ ដើម្បីឱ្យការវិនិយោគរបស់ក្រុមហ៊ុនទទួលបានជោគជ័យ និងចូលរួមចំណែកដល់ការអភិវឌ្ឍសេដ្ឋកិច្ចជាតិ៕ អត្ថបទ៖ហ្សាលីន

The post ក្រុមហ៊ុនធំមួយ មកស្វែងយល់ឱកាសវិនិយោគ និងអភិវឌ្ឍន៍អាជីវកម្មដែលមានសក្តានុពលនៅកម្ពុជា appeared first on .

កិច្ចប្រជុំពិភាក្សាលើបញ្ហាប្រឈមនៃការផ្ទេរ/បោះចោលសំណល់វាយនភណ្ឌ (កម្ទេចក្រណាត់) កម្ទេចកម្ទីដែក និងកម្ទេចកម្ទីផ្សេងៗសល់ពីផលិតកម្មនេះ បានធ្វើឡើងកាលថទី២៣ ខែកញ្ញា ឆ្នាំ២០២៦ ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានដឹកនាំកិច្ចប្រជុំអន្តរក្រសួង ស្ថាប័ន ពិភាក្សាលើបញ្ហាប្រឈមនៃការផ្ទេរ/បោះចោលសំណល់វាយនភណ្ឌ កម្ទេចកម្ទីដែក និងកម្ទេចកម្ទីផ្សេងៗសល់ពីផលិតកម្ម ដោយមានការចូលរួមពីតំណាងក្រសួង ស្ថាប័នពាក់ព័ន្ធ​។

សូមជម្រាបដែរថា កិច្ចប្រជុំខាងលើនេះ គឺបានផ្តោតសំខាន់ទៅលើការរៀបចំយន្តការរួមមួយ ដើម្បីសម្រួល និងកាត់បន្ថយនីតិវិធីនៃត្រួតពិនិត្យលើការផ្ទេរ/បោះចោលកម្ទេចកម្ទីសល់ពីផលិតកម្មរបស់ គ.ល.គ. សំដៅសម្រួលដល់វិនិយោគិន និងលើកកម្ពស់សកម្មភាពកែច្នៃឡើងវិញក្នុងស្រុក ដែលរួមចំណែកកាត់បន្ថយផលប៉ះពាល់បរិស្ថាន និងជំរុញយុទ្ធសាស្រ្តសេដ្ឋកិច្ចចក្រាវិស័យនៅកម្ពុជា៕អត្ថបទ៖ហ្សាលីន  

The post រដ្ឋ រកដំណោះស្រាយប្រឈមលើការបោះចោលសំណល់វាយនភណ្ឌផ្សេងៗដែលសល់ពីផលិតកម្ម appeared first on .

ដំណើរទស្សនកិច្ចនេះធ្វើឡើងក្នុងគោលបំណពង្រីកទំហំនៃការនាំចេញកសិកម្មកម្ពុជា មកកាន់ទីផ្សារលក់ដុំប្រទេសចិន​និងចែកចាយបន្ដទៅទីផ្សារនានា។នាឱកាសនៃដំណើរទស្សនៈកិច្ចនោះផងដែរ លោក គី​ ច័ន្ទរំដួល ក៏បានជួបពិភាក្សាជាមួយ លោក Fang Guogen អគ្គនាយកនៃមជ្ឈមណ្ឌលពិពរណ៌កសិកម្មក្រុងជីងចូវ អំពីកាលានុវត្តភាពវិនិយោគចំនួន ៣រួមមាន៖(១)ការវិនិយោគនាំចេញកសិកម្មសក្កានុពលកម្ពុជា​ ដែលបានចុះពិធីសាររួចជាមួយនឹងអគ្គរដ្ឋបាលគយចិន (២)ការវិនិយោគនាំចូលធាតុចូលកសិកម្ម​ ព្រមទាំងគ្រឿងយន្ដកសិកម្ម បច្ចេកវិទ្យាទំនើបកសិកម្មជាដើម ពីប្រទេសចិនមកទីផ្សារកម្ពុជា និង(៣)ការបណ្តាក់ទុនវិនិយោគដោយផ្ទាល់(FDI) នៅប្រទេស កម្ពុជា​ ដែលមានលក្ខណៈសម្បត្តិគ្រប់គ្រាន់ពេញលេញ(QIP) ហើយស្របតាមច្បាប់វិនិយោគនៃព្រះរាជាណាចក្រកម្ពុជា ជាមួយនឹងអត្ថប្រយោជន៍ជាច្រើន។

ឆ្លៀតក្នុងឱកាសនោះ លោក ​ គី​ ច័ន្ទរំដួល​ បានអញ្ជើញអ្នកវិនិយោគចិន ចូលរួមព្រឹត្តិការណ៍ពិព័រណ៌កសិកម្មកម្ពុជា(CAFE26) ដែលនឹងប្រព្រឹត្តទៅនាខែតុលាខាងមុខនេះ ។ ភាគីចិន ក៏បានអះអាងថានឹងធ្វើទស្សនៈកិច្ចទៅប្រទេសកម្ពុជានាពេលខាងមុខឆាប់ៗនេះ ដើម្បីសិក្សាឱ្យបានស៊ីជម្រៅ​ និងជំរុញលើការវិនិយោគកសិ-ពាណិជ្ជកម្ម៕

The post កសិផល៤ប្រភេទរបស់កម្ពុជា នឹងត្រៀមបើកទ្វារនាំចេញទៅកាន់ប្រទេសចិនឆាប់ៗនេះ appeared first on .

កាលពីរសៀលថ្ងៃទី២៤ ខែកញ្ញា ឆ្នាំ២០២៦ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិនៃកម្ពុជា បានជួបពិភាក្សាទ្វេភាគីយ៉ាងពិសេសជាមួយ លោកស្រី Ma. Theresa P. Lazaro រដ្ឋមន្ត្រីការបរទេសនៃសាធារណរដ្ឋហ្វីលីពីន។ ការជួបមុខគ្នារវាងមេការទូតទាំងពីរនេះ បានធ្វើឡើងក្នុងឱកាសដកឃ្លាពីកិច្ចពិភាក្សាទូទៅនៃមហាសន្និបាតអង្គការសហប្រជាជាតិ (អ.ស.ប.) លើកទី៨១ នៅទីក្រុងញូវយ៉ក។

នៅក្នុងឱកាសនោះ រដ្ឋមន្ត្រីការបរទេសទាំងពីរបានជជែកដេញដោល និងផ្លាស់ប្តូរទស្សនៈគ្នាយ៉ាងស៊ីជម្រៅ លើការបន្តពង្រឹងទំនាក់ទំនងទ្វេភាគី និងការបើកផ្លូវពង្រីកកិច្ចសហប្រតិបត្តិការលើវិស័យយុទ្ធសាស្ត្រសំខាន់ៗជាច្រើន ដែលបម្រើដល់ផលប្រយោជន៍រួមដ៏ធំធេងសម្រាប់ប្រជាជននៃប្រទេសទាំងពីរ។

អ្វីដែលរឹតតែពិសេសជាងនេះទៅទៀតនោះ គឺការជជែកត្រៀមលក្ខណៈទុកជាមុនយ៉ាងហ្មត់ចត់ សម្រាប់កិច្ចប្រជុំកំពូលអាស៊ាន លើកទី៤៩ និងកិច្ចប្រជុំកំពូលពាក់ព័ន្ធនានា ដែលហ្វីលីពីននឹងត្រូវធ្វើជាម្ចាស់ផ្ទះ និងជាប្រធានប្តូរវេន។ ព្រឹត្តិការណ៍កម្រិតតំបន់ដ៏សំខាន់ និងជាទីចាប់អារម្មណ៍ពីអន្តរជាតិនេះ គ្រោងនឹងផ្ទុះឡើងនៅក្នុងខែវិច្ឆិកា ឆ្នាំ២០២៦ ខាងមុខនេះហើយ ដែលទាមទារឱ្យមានការសហការគ្នាយ៉ាងជិតស្និទ្ធបំផុតរវាងសមាជិកអាស៊ានទាំងអស់ ជាពិសេសកម្ពុជា និងហ្វីលីពីន៕

The post មេការទូតកម្ពុជា-ហ្វីលីពីន ជួបគ្នាផ្ទាល់នៅអាម៉េរិក បើកផ្លូវពង្រីកកិច្ចសហប្រតិបត្តិការធំៗ និងត្រៀមព្រឹត្តិការណ៍ប្រវត្តិសាស្ត្រអាស៊ានចុងឆ្នាំនេះ appeared first on .

ប័ណ្ណឥណទានកម្រិតខ្ពស់នេះ រំលេចឡើងនូវភាពប្រណីតនៃផ្ទៃលោហធាតុពណ៌រលើបរលោង រួមជាមួយរចនាបថគ្មានលេខប័ណ្ណដ៏ទាន់សម័យ ដើម្បីផ្តល់ជូននូវសុវត្ថិភាព និងឯកជនភាពដ៏ខ្ពស់បំផុត។ ដោយផ្សារភ្ជាប់វិសាលភាពជាសកល ជាមួយនឹងកិត្យានុភាពក្នុងស្រុក ប័ណ្ណឥណទាននេះរួមបញ្ចូលគ្នានូវការទទួលស្គាល់ពីបណ្តាញដៃគូសហការទូទាំងពិភពលោករបស់ក្រុមហ៊ុន ម៉ាស្ទ័រកាត ដើម្បីជាមួយនឹងឯកសិទ្ធិផ្តាច់មុខក្នុងស្រុកនៅទូទាំងប្រព័ន្ធអេកូស៊ីស្ទឹមដ៏ទូលំទូលាយរបស់ក្រុមហ៊ុន កាណាឌីយ៉ាគ្រុប ដោយប្រែក្លាយការធ្វើប្រតិបត្តិការប្រចាំថ្ងៃរបស់អតិថិជន ទៅជាអត្ថប្រយោជន៍នៃការរស់នៅដ៏ស៊ីវិល័យ និងបទពិសោធន៍នៃការធ្វើដំណើរអន្តរជាតិប្រកបដោយភាពរលូន និងងាយស្រួល។

កញ្ចប់អត្ថប្រយោជន៍ និងឯកសិទ្ធិពិសេសពេញលេញទាំងអស់ នឹងត្រូវលាតត្រដាងជាផ្លូវការនៅក្នុងពេលឆាប់ៗខាងមុខនេះ។ ពិភពនៃឯកសិទ្ធិដ៏សម្បូរបែបកំពុងរង់ចាំលោកអ្នក! សូមត្រៀមខ្លួនរួចជាស្រេច ដើម្បីលើកកម្ពស់របៀបរស់នៅ ការធ្វើដំណើរ និងស្វាគមន៍បទពិសោធន៍ដ៏អស្ចារ្យជាមួយយើងខ្ញុំ។

The post ពិភពនៃឯកសិទ្ធិដ៏អស្ចារ្យជិតមកដល់ហើយ៖ ធនាគារ កាណាឌីយ៉ា ណែនាំប័ណ្ណឥណទាន កម្រិតខ្ពស់ថ្មី “World Credit Card” ពីក្រុមហ៊ុន ម៉ាស្ទ័រកាត appeared first on .

នាជំនួបនោះ លោកស្រីឯកអគ្គរដ្ឋទូត បានវាយតម្លៃខ្ពស់ចំពោះកិច្ចសហប្រតិបត្តិការរវាងប្រទេសទាំងពីរលើវិស័យជាច្រើន នាពេលកន្លងមក។ លោកស្រី បានបន្តថា កម្ពុជា គឺជាមិត្តដ៏ល្អរបស់គុយបា ដែលតែងជួយគ្នាគ្រប់ពេល និងគ្រប់កាលៈទេសៈ។ ជាមួយគ្នានេះ, លោកជំទាវ ប្ដេជ្ញាបន្តពង្រឹង និងពង្រីកកិច្ចសហប្រតិបត្តិការទ្វេភាគី ឱ្យកាន់តែស្អិតរមួត និងស៊ីជម្រៅបន្ថែមទៀត។

ជាការឆ្លើយតប, សម្ដេចធិបតី បានវាយតម្លៃខ្ពស់ចំពោះទំនាក់ទំនងជាប្រវត្តិសាស្រ្តរវាងប្រទេសទាំងពីរ ក្នុងកាលៈទេសៈដ៏លំបាកបំផុតរបស់កម្ពុជា នៅក្រោយការរំដោះចេញពីរបបប្រល័យពូជសាសន៍ប៉ុលពត ហើយទំនាក់ទំនងដ៏ល្អនេះ បានបន្តរហូតមកដល់បច្ចុប្បន្ន និងកំពុងបន្តពង្រឹង និងពង្រីកបន្ថែមទៀត។ សម្ដេចធិបតីបានបង្ហាញសុទិដ្ឋិនិយមថា កិច្ចសហប្រតិបត្តិការរវាងប្រទេសទាំងពីរនឹងបន្តពង្រីកទៅកាន់វិស័យសក្កានុពលផ្សេងៗទៀត មានជាអាទិ៍ វិស័យកសិកម្ម និងសុខាភិបាល។

តាមរយៈជំនួបខាងលើ សម្ដេចធិបតី និងលោកជំទាវឯកអគ្គរដ្ឋទូត ក៏បានបន្តពិភាក្សា និងផ្លាស់ប្ដូរយោបល់អំពីកិច្ចសហប្រតិបត្តិការក្នុងវិស័យអប់រំ, កសិកម្ម, វប្បធម៌, ទេសចរណ៍, និងការគាំទ្រគ្នាទៅវិញទៅមកលើវេទិកាអន្តរជាតិ។ សម្ដេចធិបតីក៏បានលើកទឹកចិត្តឯកអគ្គរដ្ឋទូត បន្តផ្សារភ្ជាប់ទំនាក់ទំនង និងពិភាក្សា ជាមួយក្រសួងស្ថាប័នពាក់ព័ន្ធ ដើម្បីស្វែងរកកាលានុវត្តភាពសម្រាប់ពង្រីកកិច្ចសហប្រតិបត្តិការបន្ថែមលើវិស័យសក្កានុពលនានា៕ អត្ថបទ៖ ហ្សាលីន

The post កម្ពុជា-គុយបា នឹងពង្រីកកិច្ចសហការលើវិស័យសក្កានុពល ពិសេសវិស័យកសិកម្ម និងសុខាភិបាល appeared first on .

ក្នុងឱកាសជំនួប ស្ថាបនិកក្រុមហ៊ុន G Adventures សរសើរចំពោះចក្ខុវិស័យ និងយុទ្ធសាស្ត្ររបស់រាជរដ្ឋាភិបាល ក្នុងការអភិវឌ្ឍវិស័យទេសចរណ៍ ដោយបានកត់សម្គាល់ថា ចក្ខុវិស័យនេះស្របគ្នាទៅនឹងបេសកកម្មចម្បងរបស់ក្រុមហ៊ុន G Adventures ដែលតែងតែផ្ដោតលើការអភិវឌ្ឍទេសចរណ៍សហគមន៍ សំដៅលើកកម្ពស់ជីវភាពរស់នៅ និងកាត់បន្ថយភាពក្រីក្ររបស់ប្រជា​​​​ពលរដ្ឋនៅមូលដ្ឋាន។

ស្ថាបនិកក្រុមហ៊ុន ក៏បានបញ្ជាក់ថា កម្ពុជាមានសក្តានុពលទេសចរណ៍វប្បធម៌ដ៏សម្បូរបែប ព្រមទាំងមានសក្ដានុពលទេសចរណ៍ធម្មជាតិជាច្រើន ដែលជាគោលដៅទេសចរណ៍ដ៏ទាក់ទាញបំផុតសម្រាប់ភ្ញៀវទេសចរជាតិ និងអន្តរជាតិ។ លោក ក៏បានគូសបញ្ជាក់ពីការប្ដេជ្ញាចិត្តរបស់ក្រុមហ៊ុន G Adventures ក្នុងការចូលរួមចំណែកអភិវឌ្ឍវិស័យទេសចរណ៍នៅកម្ពុជា ដោយផ្ដោតលើការប្រែក្លាយកម្ពុជាឱ្យទៅជាគោលដៅទេសចរណ៍ដ៏ពេញនិយមសម្រាប់ភ្ញៀវទេសចរអន្តរជាតិ។

ជាការឆ្លើយតប, សម្តេចធិបតី បានបញ្ជាក់ថា វត្តមានរបស់គណៈប្រតិភូអន្តរជាតិ ជាកត្តាដ៏សំខាន់បំផុត ក្នុងការបង្ហាញពីការពិតនៃសក្ដានុពល​ទេសចរណ៍របស់កម្ពុជាទៅកាន់ពិភពលោក​។ សម្ដេចធិបតីក៏បានលើកឡើងពីការអភិវឌ្ឍផលិតផលទេសចរណ៍ថ្មីៗបន្ថែមទៀត ដូចជាការរៀបចំកញ្ចប់ទស្សនកិច្ចទេសចរណ៍តភ្ជាប់តំបន់សំខាន់ៗរបស់កម្ពុជា ជាអាទិ៍ រាជធានីភ្នំពេញ, ខេត្តសៀមរាប​ និងតំបន់ជុំវិញ ជាដើម។ សម្តេចធិបតី ក៏បានគូសបញ្ជាក់​ពី​ការ​ធ្វើទំនើបកម្មប្រព័ន្ធផ្តល់ទិដ្ឋាការ និងការសម្រួលនីតិវិធីអន្តោប្រវេសន៍ ដើម្បីបង្កលក្ខណៈងាយស្រួលជូនដល់ភ្ញៀវទេសចរ និងអ្នកធ្វើដំណើរមកកាន់កម្ពុជា។

តាមរយៈជំនួបនោះ សម្តេចធិបតីបានលើកទឹកចិត្តឱ្យក្រុមហ៊ុន G Adventures បន្តធ្វើការជាមួយក្រសួងទេសចរណ៍, ក្រុមប្រឹក្សាភិបាលទេសចរណ៍កម្ពុជា (CTB) និងក្រសួងស្ថាប័នពាក់ព័ន្ធផ្សេងៗទៀត ដើម្បីជំរុញភាពជាដៃគូសហប្រតិបត្តិការនេះឱ្យកាន់តែជិតស្និទ្ធ ថែមទៀត​​​​ សំដៅ​ធានាបាននូវភាពធន់ និងចីរភាពនៃវិស័យទេសចរណ៍កម្ពុជាក្នុងរយៈពេលវែង៕អទ្ថបទ៖ហ្សាលីន

The post ស្ថាបនិក​ក្រុមហ៊ុនលំដាប់អន្តរជាតិមួយ ថាកម្ពុជាមានសក្តានុពលទេសចរណ៍វប្បធម៌ដ៏សម្បូរបែប appeared first on .

ក្នុងឱកាសនៃជំនួប, លោកប្រធានក្រុមហ៊ុនប្រចាំតំបន់ បានវាយតម្លៃខ្ពស់ចំពោះការរីកចម្រើនលើគ្រប់វិស័យរបស់កម្ពុជា ជាពិសេសការដាក់ឱ្យដំណើរការសេវាទូរសព្ទចល័តជំនាន់ទី៥ (5G) និងការកើនឡើងនៃការប្រើប្រាស់ថាមពលកកើតឡើងវិញនៅកម្ពុជា។ ទន្ទឹមនេះ, លោកក៏បានសម្ដែងនូវការពេញចិត្តចំពោះកិច្ចសហប្រតិបត្តិការល្អប្រសើរលើវិស័យបច្ចេកវិទ្យាជាមួយក្រសួងស្ថាប័នពាក់ព័ន្ធ​ ព្រមទាំងបានគោរពរាយការណ៍ជូនសម្ដេចធិបតី​ អំពីការរួមចំណែករបស់ក្រុមហ៊ុនក្នុងការបណ្ដុះបណ្ដាលធនធានមនុស្សសម្រាប់វិស័យបច្ចេកវិទ្យាគមនាគមន៍ និងព័ត៌មាន (ICT) ដោយបានផ្ដល់វគ្គបណ្ដុះបណ្ដាលដល់មន្ត្រី។

ជាការឆ្លើយតប, សម្ដេចធិបតី បានយល់ស្របជាមួយលោកប្រធានក្រុមហ៊ុនអំពីសារៈសំខាន់នៃធនធានមនុស្សឌីជីថល ព្រមទាំងបានលើកឡើងពីហានិភ័យមួយចំនួននៃការប្រើប្រាស់បច្ចេកវិទ្យា AI ដែលទាមទារឱ្យគ្រប់ភាគីពាក់ព័ន្ធមានការយកចិត្តទុកដាក់ខ្ពស់។ ពាក់ព័ន្ធនឹងវិស័យបច្ចេកវិទ្យា, សម្តេចធិបតី ក៏បានគូសរំលេចថា រាជរដ្ឋាភិបាលកម្ពុជាតែងតែផ្តល់អាទិភាពខ្ពស់លើការបណ្តុះបណ្តាលធនធានមនុស្សក្នុងវិស័យនេះ, ការធានាសុវត្ថិភាពក្នុងការប្រើប្រាស់ AI, ការពង្រឹងសន្តិសុខសាយប័រ និងការការពារអធិបតេយ្យភាពទិន្នន័យ (Data Sovereignty) ព្រមទាំងការជំរុញការផ្ទេរបច្ចេកវិទ្យាជាដើម។

តាមរយៈជំនួបនោះ សម្ដេចធិបតី បានលើកទឹកចិត្តឱ្យលោកប្រធានក្រុមហ៊ុន បន្តពិភាក្សា និងភ្ជាប់ទំនាក់ទំនងឱ្យកាន់តែជិតស្និទ្ធជាមួយក្រសួងស្ថាប័នពាក់ព័ន្ធរបស់កម្ពុជា ជាពិសេស ក្រសួងប្រៃសណីយ៍ និង ទូរគមនាគមន៍ ដើម្បីពង្រឹង និងពង្រីកកិច្ចសហប្រតិបត្តិការលើវិស័យបច្ចេកវិទ្យាឱ្យកាន់តែស៊ីជម្រៅថែមទៀត៕ អត្ថបទ៖ហ្សាលីន

The post ក្រុមហ៊ុនធំមួយ វាយតម្លៃខ្ពស់ចំពោះការកើនឡើងនៃការប្រើប្រាស់ថាមពលកកើតឡើងវិញនៅកម្ពុជា appeared first on .

លោក ម៉ាង ស៊ីណេត អភិបាលខេត្តព្រះសីហនុ បានឱ្យដឹងថា នាវាទេសចរណ៍នេះមានផ្ទុក ភ្ញៀវទេសចរអន្តរជាតិសរុប ២៣៦នាក់ (ស្រី ១៣៥នាក់) មកពី ១៧សញ្ជាតិ បុគ្គលិកនាវិកសរុប ១៦៦នាក់ (ស្រី ១៧នាក់) មកពី ២០សញ្ជាតិ។

ក្នុងអំឡុងពេលឈប់សម្រាកនៅខេត្តព្រះសីហនុ ភ្ញៀវទេសចរអន្តរជាតិទាំងអស់គ្រោងនឹងចុះទស្សនាកម្សាន្តតាមតំបន់រមណីយដ្ឋាន និងឆ្នេរសមុទ្រដ៏ស្រស់ស្អាតនានា ព្រមទាំងស្វែងយល់ពីវប្បធម៌ និងប្រពៃណីដ៏សម្បូរបែបរបស់កម្ពុជាផងដែរ៕

The post នាវាទេសចរណ៍អន្តរជាតិមួយ ដឹកភ្ញៀវជាង២០០នាក់ ចូលចតនៅខេត្តព្រះសីហនុ appeared first on .