ថ្លែងក្នុងកម្មវិធីបើកសន្និបាតបូកសរុបលទ្ធផលការងារឆ្នាំ២០២២ និងលើកទិសដៅការងារឆ្នាំ២០២៣ របស់ក្រសួងសាធារណការ និងដឹកជញ្ជូន នៅថ្ងៃទី ១៥ កុម្ភៈ ២០២៣ នេះ លោកទេសរដ្ឋមន្ត្រី ស៊ុន ចាន់ថុល បានស្នើសុំឱ្យក្រុមហ៊ុនដែលកំពុងសិក្សាលទ្ធភាព​សាងសង​គម្រោង​ផ្លូវល្បឿន​លឿនភ្នំពេញ-សៀមរាប ជួយពន្លឿនការងារឱ្យបាន​លឿន តាមដែលអាចធ្វើបាន ដើម្បីឈានទៅចុះហត្ថលេខាលើអនុស្សរណៈយោគយល់គ្នា យ៉ាងយូនៅខែកញ្ញា ឆ្នាំ២០២៣នេះ។

សូមរម្លឹកដែរថា បើតាមក្រសួងសារធារណការ និងដឹកជញ្ជូន ធ្លាប់បានឱ្យដឹងថា បច្ចុប្បន្ន​មាន​ក្រុមហ៊ុន​ចំនួន៤ កំពុង​សិក្សា​លើ​គម្រោង​សាងសង់​ផ្លូវល្បឿន​លឿន​រាជធានីភ្នំពេញ-ខេត្តសៀមរាប។

យ៉ាងណាមិញ កាលពីពេលថ្មីៗ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា ក៏ធ្លាប់​បានបង្ហាញ​ការប្តេជ្ញាចិត្ត នឹងខិតខំកសាងផ្លូវល្បឿនលឿនមួយខ្សែទៀតតភ្ជាប់ពីភ្នំពេញទៅបាវិត ព្រំដែនវៀតណាម ខណៈមិនយូរទេ កម្ពុជានឹងមានគម្រោងសាងសង់ផ្លូវល្បឿនលឿនរាជធានីភ្នំពេញ ទៅកាន់ខេត្តសៀមរាប ដែលនឹងក្លាយជាផ្លូវល្បឿនលឿនទី៣ របស់កម្ពុជា។ ប្រមុខរាជរដ្ឋាភិបាលកម្ពុជា ជឿជាក់ថា ផ្លូវល្បឿនលឿនរាជធានីភ្នំពេញ ទៅខេត្តសៀមរាប នេះ គឺជាផ្លូវដែលចំណាយពេលវេលាតិចជាងមុន ខណៈផ្លូវល្បឿនលឿននេះ ក៏នឹងជួយសេដ្ឋកិច្ចកម្ពុជា ឱ្យមានការរីកចម្រើនថែមមួយកម្រិតទៀតផងដែរ៕

________
អត្ថបទ៖ ពិសី

The post លោក ស៊ុន ចាន់ថុល ស្នើក្រុមហ៊ុនជួយពន្លឿនការសិក្សាគម្រោងផ្លូវល្បឿនលឿនភ្នំពេញ-សៀមរាប ឱ្យបានលឿន appeared first on .

ប្រធានសមាគមទីភ្នាក់ងារទេសចរណ៍កម្ពុជាហៅកាត់ថាCATA លោកជំទាវ ឆាយស៊ីវលីន បានឱ្យដឹងថា តាមរយៈនៃការបិទបញ្ចប់គោលនយោបាយសូរ៉ូកូវីដ១៩ ហើយប្រមុខរដ្ឋកម្ពុជាមានការស្វាគមន៍ដល់ភ្ញៀវទេសចរក៏ដូចជាបើកឱកាសឱ្យមានការវិនិយោគចំពោះភ្ញៀវទេសចរចិននិងវិនិយោគិនចិនឃើញថាកម្ពុជាទទួលបានការគំាទ្រតាមរយៈការចេញដើររបស់ភ្ញៀវទេសចរចិនចូលមកជាហូរហែ។

លោកជំទាវ ឆាយស៊ីវលីន មានប្រសាសន៍ថា នៅក្នុងដំណើរទៅទស្សនៈកិច្ចដែលខ្ញុំដឹកនាំក្រុមហ៊ុនទៅប្រទេសចិនថ្មីៗនេះសុទ្ធតែជាអ្នករកស៊ីទទួលទាននៅ ក្នុងវិស័យទេសចរបានណាត់ជួប និងក្រុមហ៊ុនទេសចរណ៍ធំៗនៅខេត្តគ័ងតុងក៏ដូចជានៅទីក្រុងប៉េកំាង ទទួលបានមានការចាប់អារម្មណ៍ច្រើន ហើយសមាគមទេសចរចិននិងសមាគមទេសចរកម្ពុជាក៏មានការជំរុញ និងជម្រើសរើសភ្ញៀវទេសចរឱ្យមកទស្សនាកម្ពុជាមានតែភ្ញៀវទេសចរដែលមានគុណភាព។ការតំាងចិត្តរបស់អ្នកទទួលទានក្នុងវិស័យទេសចរចិនហើយខាងកម្ពុជាយើងក៏មានការតំាងចិត្តផងដែរថា បម្រើភ្ញៀវទេសចរចិនដែលមានគុណភាព។
លោកជំទាវសង្កត់ធ្ងន់ថា«យើងឃើញថាការតំាងចិត្តអ្នករកទទួលទាននៅក្នុងវិស័យទេសចររបស់ចិនក៏ដូចខាង កម្ពុជាថានឹងបម្រើភ្ញៀវទេចរដែលមានគុណភាព។ខ្ញុំមានក្តីរំពឹងថានៅថ្ងៃអនាគតដ៏ខ្លីខាងមុខនេះ កម្ពុជាយើងនឹងទទួលបាននូវផ្លែផ្កាដែលយើងតែងតែទទឹងរង់ចំាជាយូរមកហើយនោះ»។

លោកជំទាវគូសបញ្ជាក់ថា«ភ្ញៀវចិនប្រកបដោយគុណភាពយើងសំដៅទៅលើភ្ញៀវទេសចរចិនដែលមិនបង្កការលំបាកច្រើន ពួកគាត់ចូលមកកម្ពុជាធ្វើការចាយវាយលុយច្រើន ហើយក៏មិនបង្ករឿង»។ជារួមភ្ញៀវទេសចរចិនចូលមកកម្ពុជា ហើយចាយលុយច្រើនប្រកបដោយភាពថ្លៃថ្នូរ។ជាក់ស្តែងតារមយៈនៅក្នុងដំណើរទស្សនៈកិច្ចរបស់ខ្ញុំឃើញថា ចិនឥឡូវគាត់ប្តូរអត្តចរិតច្រើន។ខ្ញុំមានអារម្មណ៍ថាធ្វើដំណើរទៅប្រទេសចិន ដូចជាទៅប្រទេសមួយដែលស្ងប់ស្ងាត់ អីចឹងការដើរហើរ ការប្រាស្រ័យនៅតាមទីសាធារណៈគឺមានភាពថ្លៃថ្នូរច្រើនហើយយើងគិតថាលំហូរភ្ញៀវទេសចរចូលមកកម្ពុជាយើងនឹងទទួលបានការចំណាយថវិកាពីភ្ញៀវចិនស្ថិតក្នុងកម្រិតមួយដែលអាចជួយទៅដល់សេដ្ឋកិច្ចមូលដ្ឋានក៏ ដូចជាសេដ្ឋកិច្ចរបស់កម្ពុជាបាន»។

បើតាមប្រធានសមាគមទីភ្នាក់ងារទេសចរណ៍កម្ពុជាថាតាមរយៈការជំរុញពីក្រសួងទេសចរណ៍ក៏ដូចជាសមាគមCATA ចាប់ពីខែ៣នេះទៅយើងនឹងទទួលបានជើងហោះហើរចូលមកបន្តើរៗ តែទន្ទឹមនឹងនេះ យើងទទួលបានភ្ញៀវទេសចរចិនបានកើនឡើងរួចមកហើយ ក្នុងមួយថ្ងៃយើងកើនបាន៣ជើងយន្តរួចមកហើយ។ដូចនេះចាប់ពីខែ៣តទៅនឹងមានការអនុញ្ញតឱ្យយន្តហោះចូលមកថ្មីៗទៀត៕ អត្ថបទ៖សារេត

The post កម្ពុជារំពឹងទទួលបានភ្ញៀវទេសចរមកពីចិនប្រកបដោយគុណភាព និងជាភ្ញៀវដែលចាយលុយច្រើន appeared first on .

ថ្លែងប្រាប់សារព័ត៌មានឧកញ៉ាញូស៍ លោកស្រី មូល សុខនី ម្ចាស់ហាងឈ្មោះ ជ្រូកខ្វៃ ទាខ្វៃ ឆ្ងាញ់ស្រីធំច្បារអំពៅ បានលើកឡើងថា ទីផ្សារជ្រូកខ្វៃរាល់ថ្ងៃមានអាជីវករបើកលក់ច្រើន ខណៈដែលហាងលោកស្រីមានការជាវ និងគាំទ្រក្នុងមួយថ្ងៃខ្វៃប្រមាណ ៥ក្បាល និងនាំចូលជ្រូករស់ចំនួន ១៥០ក្បាលក្នុងមួយខែ ដែលយកមកពីខេត្តមណ្ឌលគីរី រតនៈគីរី ស្ទឹងត្រែង និងព្រះវិហារ។

លោកស្រីបន្តថា នៅក្នុងឱកាសបុណ្យចូលឆ្នាំចិន-វៀតណាម ឆ្នាំ២០២៣នេះ តម្រូវការជ្រូកខ្វៃមានទីផ្សារល្អប្រសើរជាងឆ្នាំកន្លងទៅ ជារួមតម្លៃលក់ចន្លោះ ១០ដុល្លារឡើងទៅក្នុងមួយគីឡូ ខណៈកាលពីឆ្នាំ២០២២កន្លងទៅ ជ្រូកខ្វៃទម្ងន់ ១គីឡូ តម្លៃ ៦៥,០០០រៀល ប៉ុន្តែចាប់ពីទម្ងន់៨-១៣ គីឡូក្រាម ម៉ៅក្នុងតម្លៃ ៦២ម៉ឺន ទៅ ៦៣ម៉ឺនរៀល ក្នុង១ក្បាល។ បើតាមលោកស្រី សុខនី អត្រាលក់ដាច់រវាងចូលឆ្នាំខ្មែរ និងចូលឆ្នាំចិន គឺឱកាសចូលឆ្នាំចិនមានការលក់ដាច់ច្រើនជាង។

ប្រធានសមាគមអ្នកចិញ្ចឹមសត្វកម្ពុជា លោក ស៊្រុន ពៅ បានធ្វើការប៉ាន់ប្រមាណថា តម្រូវការសាច់ជ្រូកសម្រាប់ បរិភោគ នៅក្នុង ថ្ងៃសែនចូលឆ្នំាថ្មីប្រពៃណីចិន-វៀតណាមខាងមុខនេះ ប្រាកដណាស់វានឹងកើនឡើង។ ជាធម្មតាតម្រូវការ ជូ្រករស់ នៅ លើទីផ្សារសព្វថ្ងៃមានប្រមាណ៨ពាន់ក្បាលក្នុងមួយថ្ងៃតែបើដល់ថ្ងៃចូលឆ្នំាចិន មកដល់វាមានដល់១ម៉ឺនក្បាលក្នុង មួយថ្ងៃ ពោលនៅក្នុងថ្ងៃចូលឆ្នំាចិនមានតម្រូវការប្រមាណ២ពាន់ក្បាល។

លោកលើកឡើងថា តម្រូវការជ្រូករស់នៅរដូវការលចូលឆ្នំាខ្មែរមានច្រើនជាងថ្ងៃចូលឆ្នំាថ្មីប្រពៃណីចិន-វៀតណាម។ក្នុងថ្ងៃចូលឆ្នំាខ្មែររយៈពេល៣ថ្ងៃដោយក្នុងមួយថ្ងៃតម្រូវការកើនឡើងជាង១ពាន់ក្បាល បន្ថែមទៅលើតម្រូវការ ប្រចំា ថ្ងៃ ប្រមាណ៨ពាន់ក្បាល តែសម្រាប់ថ្ងៃចូលឆ្នំាចិន-វៀតណាមអាចមានតែ២ពាន់ក្បាល។

ប្រធានសមាគមអ្នកចិញ្ចឹមសត្វកម្ពុជារូបនេះបញ្ជាក់ថា តម្លៃជ្រូករស់នៅថ្ងៃសែនចូលឆ្នំាចិន-វៀតណាមខាងមុខនេះមិន ឡើងថ្លៃខ្ពស់ នោះទេ តម្លៃវាប្រហាក់ប្រហែល៨ពាន់រៀលក្នុងមួយគីឡូក្រាមប៉ុណ្ណោះ ខណៈបច្ចុប្បន្ននេះមិនថាកូនជ្រូក ជ្រូកទុក សម្រាប់ ខ្វៃ និងជ្រូកសាច់ អ្នកចិញ្ចឹមពិបាកលក់ ខុសកាលពីឆ្នំាមុនៗនៅពេលចូលឆ្នំាចិនមកដល់តម្លៃឡើងមួយទ្វេជាពីរសម្រាប់ ជ្រូក ខ្វៃមួយក្បាលថ្លៃដល់២០០ដុល្លារអាមេរិក។

នៅឆ្នំា២០២៣នេះជ្រូកខ្វៃដែលមានទម្ងន់ជាង១០គីឡូក្រាមអាចលក់បានថ្លៃប្រហែល១៥០ដុល្លារអាមេរិកឬតម្លៃនៅស្មើរទៅនិងថ្ងៃធម្មតាហើយតម្រូវការជ្រូកខ្វៃអាចថយចុះពី១ពាន់ក្បាលមកនៅប្រហែល៨០០ក្បាលក្នុងថ្ងៃចូលឆ្នំាចិនឆ្នាំនេះ៕

The post អាជីវករ៖ ជ្រូកកណ្ដុរខ្វៃសម្រាប់បុណ្យចូលឆ្នាំចិន តម្លៃលើស ១០ដុល្លារក្នុងមួយគីឡូ appeared first on .

ថ្លែងប្រាប់សារព័ត៌មានឧកញ៉ាញូស៍ លោកស្រី មូល សុខនី ម្ចាស់ហាងឈ្មោះ ជ្រូកខ្វៃ ទាខ្វៃ ឆ្ងាញ់ស្រីធំច្បារអំពៅ បានលើកឡើងថា ទីផ្សារជ្រូកខ្វៃរាល់ថ្ងៃមានអាជីវករបើកលក់ច្រើន ខណៈដែលហាងលោកស្រីមានការជាវ និងគាំទ្រក្នុងមួយថ្ងៃខ្វៃប្រមាណ ៥ក្បាល និងនាំចូលជ្រូករស់ចំនួន ១៥០ក្បាលក្នុងមួយខែ ដែលយកមកពីខេត្តមណ្ឌលគីរី រតនៈគីរី ស្ទឹងត្រែង និងព្រះវិហារ។

លោកស្រីបន្តថា នៅក្នុងឱកាសបុណ្យចូលឆ្នាំចិន-វៀតណាម ឆ្នាំ២០២៣នេះ តម្រូវការជ្រូកខ្វៃមានទីផ្សារល្អប្រសើរជាងឆ្នាំកន្លងទៅ ជារួមតម្លៃលក់ចន្លោះ ១០ដុល្លារឡើងទៅក្នុងមួយគីឡូ ខណៈកាលពីឆ្នាំ២០២២កន្លងទៅ ជ្រូកខ្វៃទម្ងន់ ១គីឡូ តម្លៃ ៦៥,០០០រៀល ប៉ុន្តែចាប់ពីទម្ងន់៨-១៣ គីឡូក្រាម ម៉ៅក្នុងតម្លៃ ៦២ម៉ឺន ទៅ ៦៣ម៉ឺនរៀល ក្នុង១ក្បាល។ បើតាមលោកស្រី សុខនី អត្រាលក់ដាច់រវាងចូលឆ្នាំខ្មែរ និងចូលឆ្នាំចិន គឺឱកាសចូលឆ្នាំចិនមានការលក់ដាច់ច្រើនជាង។

លោកស្រីបន្តថា កត្តាដែលធ្វើឱ្យលោកស្រីជោគជ័យលើការលក់ដូរ ព្រមទាំងមានការចាប់អារម្មណ៍ទិញយ៉ាងច្រើនពីអតិថិជន ដោយសារតែផលិតផលលោកស្រីមានរសជាតិឆ្ងាញ់ និងគុណភាពជ្រូកដែលជាជ្រូកល្អលេខ១ សាច់ធម្មជាតិសុទ្ធ មិនមែនជ្រូកនាំចូលពីក្រៅមកលក់បន្តនោះទេ។ ហើយចំណុចពិសេសយ៉ាងសំខាន់មួយទៀតនោះគឺ ទំនុកចិត្តទំនួលខុសត្រូវអ្នកលក់ និងការស្រលាញ់ចូលចិត្តលើការងារនេះឯង។

យ៉ាងណា ទន្ទឹមនឹងការគាំទ្រពីសំណាក់អតិថិជនជារៀងរាល់ថ្ងៃ និងនៅគ្រប់រដូវបុណ្យទានម្តងៗ លោកស្រី មូល សុខនី ក៏ជួបបញ្ហាប្រឈមមួយចំនួនផងដែរ ដូចជា នៅពេលដែលមានការជាវតាមអនឡាញ ការដឹកជញ្ជូនជូនភ្ញៀវយឺតពេលតិចតួចធ្វើឱ្យភ្ញៀវមិនទទួលយកបណ្ដាលឱ្យសល់ខាត និងដោយសារកត្តាប្រឈមមើលមិនឃើញតាមផ្លូវជាដើម។ ប៉ុន្តែនៅតែមានអតិថិជនខ្លះ ស្រលាញ់ចូលចិត្ត និងជួយគាំទ្រទិញយកមកបរិភោគដដែល៕

The post ឈរជើងលើទីផ្សារ ៣២ឆ្នាំហាងជ្រូកខ្វៃ ទាខ្វៃឆ្ងាញ់ស្រីធំច្បារអំពៅ ពង្រីកខ្លួនបាន២សាខា appeared first on .

ក្នុងបទសម្ភាសន៍នេះ លោក ចិន្តា បានលើកឡើងថា លោកបានចាប់ផ្ដើមដាំស្វាយចន្ទីតាំងពីឆ្នាំ ២០១៧ ដោយការចំណាយលើការដាំស្វាយចន្ទីនេះ ចាយទុនត្រឹមតែ ១លានរៀលប៉ុណ្ណោះ ដែលលោកទទួលចំណូលមកវិញខ្ទង់ ២៥០០ដុល្លារអាមេរិកក្នុងមួយរដូវ។ ខណៈមួយហិចតា ប្រមូលផលគ្រាប់បាន ២តោនជាង លោកចិន្ដាបញ្ជាក់បន្ថែម។

លោកបន្តថា កូនស្វាយចន្ទីដែលដាំ លោកនាំយកមកពីខេត្តកំពង់ចាម ដែលកូន ១ដើមតម្លៃ ១៧០០រៀល ក្នុងមួយហិចតា ដាំចំនួន ១០០ដើម ហើយកូន ៦០០ដើម ដាំដុះលើផ្ទៃដីសរុប ៦ ហិចតា។

កសិករវ័យ ២៩ឆ្នាំរូបនេះ បានបង្ហើបថា ក្នុងការដាំស្វាយចន្ទីមានផលវិបាកខ្លះដែរ ដូចជាបញ្ហាអាកាសធាតុប្រែប្រួល បញ្ហាប្រមូលផលមិនទាន់តម្លៃទីផ្សារ ប៉ុន្តែលោកមិនដែលបោះបង់ការងារកសិកម្មរបស់លោកទេ ដោយចាប់ផ្ដើមរៀនសិក្សាបច្ចេកទេសដាំ ការរើសថ្នាំការពារ និងតាមដានអ្នកមានបច្ចេកទេសតាមប្រព័ន្ធមេឌៀផ្សេងៗ ទើបមានភាពជោគជ័យលើការងារមួយនេះ។

ទន្ទឹមនឹងការលើកឡើងនេះ លោកបន្ថែមថា កត្តាដែលធ្វើឱ្យលោកទទួលបានជោគជ័យនេះ គឺដោយសារកត្តាជីវភាពគ្រួសារជាចម្បង និងការស្រលាញ់ចូលចិត្តដោយខិតខំប្រឹងប្រែង ជាពិសេសទៅថ្ងៃអនាគត លោកនឹងពង្រឹកផ្ទៃដីដាំដុះដំណាំបន្ថែមតាមដែលអាចធ្វើបាន។ ហើយលោកក៏បានផ្ដាំផ្ញើទៅប្រជាកសិករខ្មែរ ដែលកំពុងប្រកបរបរកសិកម្មទាំងអស់ថា សូមកុំឆាប់ជឿគេលឿនពេកក្នុងការអំពាវនាវលក់ថ្នាំការពារដំណាំ ដោយគ្រាន់តែឮថាថ្នាំល្អៗ ប៉ុន្តែត្រូវរៀនសង្កេតមើលប្រភេទថ្នាំឱ្យបានច្បាស់លាស់មុនជាវមកប្រើប្រាស់។

គួរបញ្ជាក់ផងដែរថា បច្ចុប្បន្ននេះ ស្វាយចន្ទីកម្ពុជាកំពុងមានកេរ្តិ៍ឈ្មោះល្បី និងត្រូវបានទទួលស្គាល់ពីទីផ្សារលើទំហំគ្រាប់ រសជាតិ កម្រិតកាកសំណល់កសិកម្មទាប និងសរីរាង្គតាមបែបប្រពៃណី ដែលផលិតផលស្វាយចន្ទីរបស់កម្ពុជា អាចទាញយកចំណែកទីផ្សារពិភពលោករួមមាន សហរដ្ឋអាមេរិក អាល្លឺម៉ង់ ហូឡង់ ចិន ចក្រភពអង់គ្លេស បារាំង អូស្ត្រាលី សហភាពអារ៉ាប់រួម និងប្រទេសជប៉ុន។ នេះបើយោងតាមសេចក្ដីប្រកាសព័ត៌មានស្ដីពី លទ្ធផលនៃសម័យប្រជុំពេញអង្គគណៈរដ្ឋមន្ត្រី កាលពីថ្ងៃទី១៣ ខែមករា ឆ្នាំ២០២៣៕

The post ចាយដើមទុន ១លានរៀលដាំស្វាយចន្ទី កើបលុយបាន ២៥០០ដុល្លារអាមេរិកក្នុងមួយរដូវ appeared first on .

គម្រោងចំនួន ២ របស់ត្រូវបានរដ្ឋអនុម័តនោះរួមមាន៖១/ ក្រុមហ៊ុន “AROMA SUCCESS GARMENT CO., LTD” គម្រោងបង្កើតរោងចក្រកាត់ដេរ សម្លៀកបំពាក់ ក្នុងទុនវិនិយោគប្រមាណ ៣៦,៦លានដុល្លារអាមេរិក និងអាចបង្កើតការងារបានចំនួន ៣,១៥៨កន្លែង មានទីតាំងវិនិយោគ ស្ថិតនៅភូមិតាំងស្នោ ឃុំទំព័រមាស ស្រុកសំរោងទង ខេត្តកំពង់ស្ពឺ។ ២/ ក្រុមហ៊ុន “QI HENG XIN FACTORY CO., LTD” គម្រោងបង្កើតរោងចក្រផលិតស្បែកជើង និងកាបូប ក្នុងទុនវិនិយោគប្រមាណ ៨,៨លានដុល្លារអាមេរិក និងអាចបង្កើតការងារបានចំនួន ២,៩៣០កន្លែង មានទីតាំងវិនិយោគ ស្ថិតនៅផ្លូវជាតិលេខ២១ ដីឡូតិ៍លេខ២៧៨៧ តំបន់ A ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។
សូមបញ្ជាក់ថា គម្រោងធំៗទាំងពីរខាងក្រោម អាចបង្កើតលទ្ធភាពការងារជូនពលករ កម្មករខ្មែរ បានប្រមាណ ៦០៨៨កន្លែង ដែលអាចការជួយសម្រួលដល់ជីវភាពប្រជាជន ឱ្យប្រសើរផងដែរ៕

The post ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគចំនួន២ ក្នុងរង្វង់ទឹកប្រាក់ប្រមាណ ជាង៤៥លានដុល្លារអាមេរិក appeared first on .

សូមជម្រាបថា គម្រោងស្ថាបនាផ្លូវ ១ខ្សែតភ្ជាប់ពីឧទ្យានជាតិ ព្រះមុនីវង្សបូកគោ ឆ្ពោះទៅកាន់ផ្លូវជាតិលេខ៤ ដែលមានប្រវែងសរុប ៦១គីឡូម៉ែត្រ ដែលទទួលខុសត្រូវដោយមហាសេដ្ឋីចំនួន ២រូប គឺអ្នកឧកញ៉ា សុខ គង់ ថៅកែក្រុមហ៊ុន សុខា គ្រុប ទទួលរ៉ាប់រងការចំណាយស្ថាបនាផ្លូវ អ្នកឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុងឫទ្ធី គ្រុប ឈូសឆាយដើមដូងប្រេង ដើម្បីបើកផ្លូវ សម្របសម្រួលដោយលោក ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដីនគរូបនីយកម្មនិងសំណង់ ជា សុផារ៉ា។

លោក ជា សុផារ៉ា បានឱ្យដឹងថា ការអនុវត្តគម្រោងសាងសង់ហេដ្ឋារចនាសម្ព័ន្ធផ្លូវថ្មីសន្លាងមួយនេះ គឺអនុវត្តតាមប្រសាសន៍របស់សម្តេចតេជោ ហ៊ុន សែន ហើយលោកបានសម្របសម្រួលជាមួយអ្នកឧកញ៉ា សុខ គង់ និងអ្នកឧកញ៉ា ម៉ុង ឬទ្ធី ធ្វើផ្លូវថ្មីមួយខ្សែប្រវែង ២៧ គីឡូម៉ែត្រ តភ្ជាប់ពីផ្លូវជាតិលេខ ៤ ត្រង់គីឡូម៉ែត្រលេខ ១៥៨+២០០ ឆ្ពោះទៅភ្នំបូកគោ ឆ្លងកាត់តាមដីសម្បទានសេដ្ឋកិច្ចចំការដូងប្រេង។

បើតាមឧបនាយរដ្ឋមន្រ្តី ជា សុផារ៉ា មុខព្រួញអ្នកឧកញ៉ា សុខ គង់ ធើ្វពីខ្នងភ្នំចុះក្រោម ចំណែកអ្នកឧកញ៉ា ម៉ុង ឫទ្ធី អនុវត្តការដ្ឋានបើកផ្លូវពីផ្លូវជាតិលេខ៤ទៅតភ្ជាប់គ្នា ដែលមានប្រវែងសរុប ៦១ គ.ម។ លោកបញ្ជាក់បន្ថែមថា នេះជាការសម្រួលដល់ការធើ្វដំណើរនិងការគាំទ្រដល់ការវិនិយោគ ឧទ្យានជាតិដ៏ពិសិដ្ឋ នេះ រងការខូចខាត និងខាតបង់ពេលវេលារាប់រយឆ្នាំ ដោយសារសង្គ្រាម៕

The post គម្រោងសាងសង់ផ្លូវថ្មីសន្លាងពីលើកំពូលភ្នំបូកគោ ទៅកំពង់សោម សម្រេចបាន ៤០គីឡូម៉ែត្រ appeared first on .

គម្រោងវិនិយោគនៅក្នុងតំបន់សេដ្ឋកិច្ចពិសេសនោះរួមមានៈ
១/ “QUAN MING SHUN (CAMBODIA) NEW MATERIALS CO., LTD.” គម្រោងបង្កើតរោងចក្រផលិតក្តារប៉ាកេ និងក្តារបន្ទះ ក្នុងទុនវិនិយោគប្រមាណ ៦,៦លានដុល្លារអាម៉េរិក និងអាចបង្កើតការងារបានចំនួនប្រមាណ ៣០០នាក់ មានទីតាំងវិនិយោគស្ថិតក្នុងក្រុងព្រះសីហនុ ខេត្តព្រះសីហនុ។

២/ “CHUANGJU PLASTICS (CAMBODIA) CO., LTD.” គម្រោងបង្កើតរោងចក្រផលិតថង់ប្លាស្ទិក ក្នុងទុនវិនិយោគប្រមាណ ៦,១លានដុល្លារអាម៉េរិក និងអាចបង្កើតការងារបានចំនួនប្រមាណ ៣០០នាក់ មានទីតាំងវិនិយោគស្ថិតនៅក្នុងក្រុងព្រះសីហនុ ខេត្តព្រះសីហនុ។

៣/ “TB PACKAGING (CAMBODIA) CO., LTD.” គម្រោងបង្កើតរោងចក្រផលិតផលិតផលធ្វើពីក្រដាស ក្នុងទុនវិនិយោគចំនួន ២លានដុល្លារអាម៉េរិក និងអាចបង្កើតការងារបានចំនួនប្រមាណ ៨០នាក់ មានទីតាំងវិនិយោគស្ថិតនៅក្នុងក្រុងព្រះសីហនុ ខេត្តព្រះសីហនុ។

៤/ “VP PRINTING AND PACKAGING CO., LTD.” គម្រោងបង្កើតរោងចក្របោះពុម្ព និងផលិតផលិតផលវិចខ្ចប់ ក្នុងទុនវិនិយោគប្រមាណ ១,៦លានដុល្លារអាម៉េរិក និងអាចបង្កើតការងារបានចំនួនប្រមាណ ៦០នាក់ មានទីតាំងវិនិយោគស្ថិតនៅក្នុងរ៉ូលយ៉ាល់ គ្រុប ភ្នំពេញ រាជធានីភ្នំពេញ។

គួររម្លឹកបន្តិចថា គម្រោងបង្កើតរោងចក្រទាំងបួននេះ អាចបង្កើតកន្លែង និងជួយសម្រួលការងារដល់កម្មករសរុបប្រមាណ ៧៤០កន្លែងផងដែរ៕

The post ក្រុមហ៊ុន ៤ ស្នើសុំវិនិយោគក្នុងទុនជាង ១៦លានដុល្លារអាមេរិក appeared first on .

ទាក់ទងនឹងការជជែកពិភាក្សានោះ លោកបានលើកឡើងចំណុច៤ ដើម្បីចាប់ផ្ដើមផែនការ និងតម្រង់គោលដៅជីវិតរួមមាន៖
១/ត្រូវមានក្ដីស្រម៉ៃ និងរៀបចំក្ដីសុបិនឱ្យបានច្បាស់លាស់
២/ត្រូវមានយុទ្ធសាស្ត្រមធ្យោបាយ
៣/ត្រូវមានសកម្មភាព
៤/ រាល់ដំណើរទាំងបីខាងលើ កុំភ្លេចសួរអ្នកមានបទពិសោធន៍។

ទន្ទឹមនឹងការលើកឡើងអះអាងខាងលើ លោកក៏បានសង្កត់ធ្ងន់ថា៖ «ជីវិតជាសិល្បៈដែលយើងត្រូវដាប់ឆ្លាក់ដោយខ្លួនឯង ហើយត្រូវរៀនធ្វើ រៀននិពន្ធ ព្រមទាំងរៀននិទានជីវិតឱ្យខ្លួនឯងផងដែរ»។

គួររម្លឹកបន្តិចថា លោក ហឿន សំនៀង ជាអតីតនិស្សិតដែលបញ្ចប់ការសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់ មកពីសាកលវិទ្យាល័យ Havard នៅសហរដ្ឋអាមេរិក និងជាអតីតអ្នកបួសរយៈពេល ១៩ព្រះវស្សា បច្ចុប្បន្នលោកជានាយកវិទ្យាស្ថានតេជោសែន សាធារណការ និងដឹកជញ្ជូនផងដែរ៕

The post លោក ហឿន សំនៀងអះអាង ៤ចំណុចសំខាន់ក្នុងការគូសវាសផែនការ appeared first on .

ទន្ទឹមនឹងការអញ្ជើញចូលរួមពីអ្នកឧកញ៉ា ក៏មានវាគ្មិនល្បីៗចំនួន ២រូបទៀតផងដែរ ទី១/ លោក ហឿន សំនៀង នាយកវិទ្យាស្ថានតេជោសែន សាធារណការ និងដឹកជញ្ជូន និងទី២/ លោក ម៉ិច សីហា អគ្គនាយកវិទ្យាស្ថានអន្តរជាតិ ikey។

សូមបញ្ជាក់បន្តិចថា វេទិកាគូសវាសគោលដៅនៅព្រឹកនេះ ធ្វើឡើងក្រោមការរៀបចំដឹកនាំរបស់ស្ថាប័នសារព័ត៌មាន «កម្ពុជាថ្មី» ក្នុងគោលបំណងជួយចង្អុលបង្ហាញផ្លូវជោគជ័យនៅក្នុងឆ្នាំថ្មី។ មិនតែប៉ុណ្ណោះ វេទិកានេះមានការបើកឱ្យចូលរួមដោយសេរី និងមានការផ្សាយផ្ទាល់(Live) នៅលើទំព័រហ្វេសប៊ុក Kampuchea Thmey Daily និង Kampuchea Thmey Media ផងដែរ៕

The post អ្នកឧកញ៉ា គួច ម៉េងលី ចូលរួមជាវាគ្មិនវេទិកាពិភាក្សាពិសេសនាព្រឹកនេះ appeared first on .