ក្រុមហ៊ុន Boeing បានប្រកាសថា នឹងវិនិយោគលុយ ១០០លានដុល្លារ សម្រាប់ការវិនិយោគនៅក្នុងហេដ្ឋារចនាសម្ព័ន្ធ និងបើកវគ្គបណ្តុះបណ្តាលអ្នកបើកយន្តហោះនៅក្នុងប្រទេសឥណ្ឌា។ នេះបើតាមការឲ្យដឹងពីសេតវិមានកាលពីថ្ងៃព្រហស្បតិ៍។
ដោយឡែក យោងតាមការចុះផ្សាយពី Kelo បានបង្ហាញថា ការវិនិយោគខ្នាតធំមួយនេះកើតឡើង បន្ទាប់ពីក្រុមហ៊ុនឥណ្ឌា Air India បានចុះកិច្ចព្រមព្រៀងទិញយន្តហោះច្រើនជាង ២០០ គ្រឿងពីក្រុមហ៊ុន Boeing នាសប្ដាហ៍នេះ។
គួររំលឹកដែរថា ក្រុមហ៊ុន Air India បានបញ្ជាទិញយន្តហោះពីក្រុមហ៊ុន Boeing ជាច្រើនដូចជា ប្រភេទ 787 Dreamliners ២០គ្រឿង ប្រភេទ 777Xs ១០គ្រឿង និងយន្តហោះប្រភេទ 737 MAX ប្រមាណ ១៩០គ្រឿង។
សូមជម្រាបបន្ថែមថា ការអភិវឌ្ឍន៍នេះក៏ភ្ជាប់មកជាមួយនូវកិច្ចព្រមព្រៀងជាច្រើន ដែលចុះហត្ថលេខាដោយក្រុមហ៊ុនអាមេរិក និងឥណ្ឌា នៅកិច្ចប្រជុំក្រៅផ្លូវការរវាងនាយករដ្ឋមន្ត្រី Narendra Modi ជាមួយប្រធានាធិបតីអាមេរិក ចូ បៃដិន នៅទីក្រុងវ៉ាស៊ីងតោន កាលពីថ្ងៃព្រហស្បតិ៍ផងដែរ៕
