នាយករដ្ឋមន្ត្រីថៃ លោក Srettha Thavisin និងនាយករដ្ឋមន្ត្រីជប៉ុន លោក Fumio Kishida បានឯកភាពគ្នា លើការមិនទាមទារទិដ្ឋាការ ចំពោះធុរកិច្ចជនរវាងប្រទេសទាំង២។
![](https://www.oknha.news/wp-content/uploads/2023/11/F_DGn4ObMAAZsCo-1024x733.jpg)
យោងតាមការចុះផ្សាយពីកាសែត BangkokPost បានទម្លាយថា ធុរកិច្ចជនថៃ និងជប៉ុន លែងត្រូវការទិដ្ឋាការ សម្រាប់ការមកវិនិយោគនៅក្នុងប្រទេសទាំង២ បន្ទាប់ពីថ្នាក់ដឹកនាំថៃ និងជប៉ុន បានឯកភាពគ្នាចំពោះកិច្ចព្រមព្រៀងមួយនេះ។
ជាមួយគ្នា នាយករដ្ឋមន្ត្រីថៃបានប្រាប់ទៅកាន់លោក Kishida ថា ថៃនៅតែបន្តគាំទ្រ ដល់ការធ្វើអាជីវកម្មរបស់ក្រុមហ៊ុនជប៉ុននៅក្នុងស្រុក ខណៈលោកសង្ឃឹមមុតមាំថា ធុរកិច្ចជនជប៉ុននៅតែបន្តការវិនិយោគនៅថៃ កាន់តែច្រើនជាងមុននាឆ្នាំក្រោយ។
សូមជម្រាបបន្ថែមថា ថៃគឺជាមជ្ឈមណ្ឌលផលិតរថយន្តធំបំផុតមួយនៅតំបន់អាស៊ី សម្រាប់ក្រុមហ៊ុនជប៉ុន ខណៈនៅទីនោះក៏ជាប្រភពចំណូលដ៏ច្រើនផងដែរ ដោយសារប្រជាជនថៃភាគច្រើន ពេញនិយមប្រើប្រាស់រថយន្តជប៉ុន៕