មហាសេដ្ឋីចិន លោក Wang Xing ដែលជាស្ថាបនិកក្រុមហ៊ុនដឹកជញ្ជូនអាហារ Meituan បានជួបប្រទះការខាតបង់ដ៏ធំនាឆ្នាំនេះ ពោលទ្រព្យសម្បត្តិរបស់លោកបានថយចុះប្រហែល ៦,៦ពាន់លានដុល្លារ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
![](https://www.oknha.news/wp-content/uploads/2023/11/1x-1-4-1024x683.jpg)
យោងតាមការចុះផ្សាយពីសារព័ត៌មាន Forbes បានបង្ហាញថា មហាសេដ្ឋីចិនវ័យ ៤៤ឆ្នាំ កំពុងជួបផលវិបាកជាខ្លាំង ក្នុងការបញ្ចុះបញ្ចូលឲ្យក្រុមវិនិយោគ បន្តចាក់លុយថែមនៅក្នុងក្រុមហ៊ុន ខណៈអនាគតនៃក្រុមហ៊ុនកំពុងប្រឈមហានិភ័យ។
គិតតាំងពីខែមករា មកទល់នឹងពេលនេះ តម្លៃភាគហ៊ុនរបស់ក្រុមហ៊ុន Meituan បានថយចុះប្រហែល ៥០% ស្របពេលក្រុមហ៊ុនបន្តចាយលុយក្រាស់ក្រែល ដើម្បីប្រកួតជាមួយគូប្រជែងនានា។
ទោះជារបូតលុយអស់រាប់ពាន់លានដុល្លារមែន ប៉ុន្តែមហាសេដ្ឋីចិននៅតែជាបុគ្គលមានលុយច្រើនបំផុតមួយរូប នៅប្រទេសចិន ដោយបច្ចុប្បន្នទ្រព្យសម្បត្តិរបស់លោក មានប្រមាណ ៩,២ពាន់លានដុល្លារ៕